Отандық тауар өндiрушiлердi қолдау мақсатында Қазақстан Республикасының Yкiметi қаулы етеді:

      1. Қазақстан Республикасының Қаржы министрлiгi "Медетшi қоры" жабық акционерлiк қоғамымен (келiсiм бойынша) бiрлесiп:
      1) мыналардың берешектерiн қайта құрылымдау жүргiзудi қамтамасыз етсiн:
      Экономиканы қайта құру қорының қаражаты есебiнен, кәсiпорындарды санациялауға және оңалтуға Мемлекеттік Медетшi банкi арқылы алынған кредиттер бойынша, Қазақстан Республикасының Yкiметi мен Қаржы министрлiгiнiң кепілдiгiмен берiлген орталықтандырылған (директивтiк) кредит бойынша, берешектiң өтелуi 2003 жылы басталатын болып, 2008 жылды қоса алғандағы мерзiмге республикаiшiлiк есепке алудың нәтижелерi бойынша алынған кредит бойынша "Петропавл ауыр машина жасау зауыты" ашық акционерлiк қоғамының;
      меншiктi айналым қаражатын толықтыруға республикаiшiлiк есепке алудың нәтижелерi бойынша, кәсiпорындарды санациялауға және оңалтуға Мемлекеттiк Медетшi банкi арқылы алынған кредиттер бойынша және Қазақстан Республикасының Yкiметi мен Қаржы министрлiгiнiң кепілдiгiмен берешектiң өтелуi 2002 жылы басталатын болып, 2008 жылды қоса алғандағы мерзiмге берiлген орталықтандырылған (директивтiк) кредит бойынша "Тыныс" ашық акционерлiк қоғамының;
      Экономиканы қайта құру қоры қаражатының есебiнен және кәсiпорындарды санациялауға және оңалтуға Мемлекеттiк Медетшi банкi арқылы берешектiң өтелуi 2002 жылы басталатын болып, 2008 жылды қоса алғандағы мерзiмге алынған кредиттер бойынша "Семей машина жасау зауыты" ашық акционерлiк қоғамының;
      2) Қазақстан Республикасы Үкiметiнiң 2002 жылғы 25 шiлдедегi N 832  қаулысымен бекiтiлген Мемлекеттiк бюджет есебiнен ұсталатын 
мемлекеттік мекемелер үшiн бюджеттiң атқарылуы және есептiлiк нысандарын жүргiзу (мерзiмдiк және жылдық) жөнiндегi қаржылық рәсімдердің ережесiне сәйкес Қазақстан Республикасының Қаржы министрлiгi белгiлейтiн сыйақы ставкасын ескере отырып, тиiстi келiсiмдер жасассын.

      2. Қазақстан Республикасы Үкiметiнiң кейбiр шешiмдерiне мынадай өзгерiстер енгізілсiн:
      "С.М.Киров атындағы Петропавл зауыты" өндiрiстiк бiрлестiгi" ашық акционерлiк қоғамының берешегiн қайта құрылымдау туралы" Қазақстан Республикасы Үкiметiнiң 2001 жылғы 26 сәуірдегі N 561  қаулысына :
      1-тармақ мынадай редакцияда жазылсын:
      "1. Қазақстан Республикасының Қаржы министрлiгi "Медетшi қоры" жабық акционерлiк қоғамымен (келiсiм бойынша) бiрлесiп Экономиканы қайта құру қорының қаражаты есебiнен алынған кредит бойынша және Қазақстан Республикасының Үкiметi мен Қаржы министрлiгiнің кепiлдiгiмен берешектiң өтелуi 2002 жылы басталатын болып, 2008 жылды қоса алғандағы мерзiмге берiлген орталықтандырылған (директивтік) кредит бойынша "С.М.Киров атындағы Петропавл зауыты" өндiрiстiк бiрлестiгi" ашық акционерлік қоғамының берешегiн қайта құрылымдауды жүргізсiн және Қазақстан Республикасы Үкіметінің 2002 жылғы 25 шілдедегi N 832  қаулысымен бекiтiлген Мемлекеттiк бюджет есебiнен ұсталатын мемлекеттік мекемелер үшiн бюджеттің атқарылуы және есептiлiк нысандарын жүргiзу (мерзімдік және жылдық) жөнiндегi қаржылық рәсiмдердің ережесiне сәйкес Қазақстан Республикасының Қаржы министрлігі белгiлейтiн сыйақы ставкасын ескере отырып, тиiсті келiсiмдер жасассын.";
       Ескерту. 2-тармағының 5, 6, 7-абзацтарының күші жойылды - ҚР Үкіметінің 2005.07.27. N 781  қаулысымен .

      3. Осы қаулының орындалуын бақылау Қазақстан Республикасы Премьер-Министрінің бірінші орынбасары А.С.Павловқа жүктелсін.

      4. Осы қаулы қол қойылған күнінен бастап күшіне енеді.

      Қазақстан Республикасының
          Премьер-Министрі