Күші жойылды - Қазақстан Республикасы Әділет министрiнiң м.а. 2010.04.22 N 131 Бұйрығымен.
"Авторлық құқық және сабақтас құқықтар туралы", "Әділет органдары туралы" Қазақстан Республикасының Заңдарына сәйкес, авторлық құқық саласындағы халықаралық Конвенциялар мен шарттардың принциптерін басшылыққа алып және "Қазақстан Республикасы Әділет министрлігі Санаткерлік меншік құқықтары жөніндегі комитетінің мәселелері" туралы Қазақстан Республикасы Үкіметінің 2001 жылғы 29 наурыздағы N 411 қаулысы негізінде БҰЙЫРАМЫН :
1. Қоса беріліп отырған Туындылар мен сабақтас құқықтар объектілерін пайдалануға лицензиялық шарттарды мемлекеттік тіркеу туралы нұсқаулық (бұдан әрі - Нұсқаулық) бекітілсін.
2. Қазақстан Республикасы Әділет министрлігі Санаткерлік меншік құқықтары жөніндегі комитетіне лицензиялық шарттарды міндетті мемлекеттік тіркеудің жүзеге асырылуын бақылау, мемлекеттік тіркеу куәлігін бере отырып авторлық құқық пен сабақтас құқықтар саласындағы лицензиялық шарттардың бірыңғай мемлекеттік тізілімін жүргізу жүктелсін.
3. Санаткерлік меншік құқықтары жөніндегі комитет:
1) осы бұйрықты Қазақстан Республикасы Әділет министрлігінің Орталық және жергілікті мемлекеттік органдарының нормативтік құқықтық актілерін тіркеу және оларды бақылау департаментінде тіркеу үшін белгіленген тәртіппен ұсынсын.
2) Нұсқаулықты бұқаралық ақпарат құралдарында жариялауды қамтамасыз етсін.
4. Қазақстан Республикасы Энергетика, индустрия және сауда министрінің "Авторлық құқық және сабақтас құқықтар саласындағы лицензиялық шарттар мен келісімдерді тіркеу туралы" 1998 жылғы 21 қазандағы N 205 Бұйрығының күші жойылды деп танылсын.
5. Осы бұйрықтың орындалуын бақылау Қазақстан Республикасы Әділет министрлігі Санаткерлік меншік құқығы жөніндегі комитетінің төрайымы Н.Н.Сахиповаға жүктелсін.
Министр
Қазақстан Республикасы
Әділет министрінің
2002 жылғы 27 қыркүйектегі N 145
бұйрығымен бекітілді
Туындылар мен сабақтас құқықтар объектілерін пайдалануға арналған лицензиялық шарттарды мемлекеттік тіркеу туралы
НҰСҚАУЛЫҚ
1. Жалпы ережелер
1. Осы Нұсқаулық Қазақстан Республикасы Әділет министрлігі Санаткерлік меншік құқықтары жөніндегі комитетінің (бұдан әрі - Комитет) туындылар мен сабақтас құқықтар объектілерін пайдалануға арналған лицензиялық шарттарды мемлекеттік тіркеу жөніндегі қызметін регламенттейді және:
1) "Авторлық құқық және сабақтас құқықтар туралы" 1996 жылғы 10 маусымдағы N 6-1 Қазақстан Республикасының Заңы;
2) "Әділет органдары туралы" 2002 жылғы 18 наурыздағы N 304 Қазақстан Республикасының Заңы;
3) "Қазақстан Республикасы Әділет министрлігі Санаткерлік меншік құқықтары жөніндегі комитетінің мәселелері" туралы Қазақстан Республикасы Үкіметінің 2001 жылғы 29 наурыздағы N 411 қаулысы негізінде әзірленген.
2. Мемлекеттік тіркеуге, өздерінде көзделген тәсілдермен туындыларды және сабақтас құқықтар объектілерін пайдалануда құқық иеленушілері (лицензиар) мен жеке және заңды тұлғалар (лицензиат) арасында жасалған лицензиялық шарттар жатады.
Лицензиялық шарттың мемлекеттік тіркелуін ресми түрде растау
мәліметтерді мемлекеттік тізілімге енгізу және осы Нұсқаулықтың
1-қосымшасына сәйкес мемлекеттік тіркеу куәлігін (бұдан әрі - МТК) беру болып табылады.
3. Комитет лицензиялық шарттардың бірыңғай мемлекеттік тізілімін жүргізеді.
2. Лицензиялық шарттарды мемлекеттік тіркеу
4. Комитет лицензиялық шарттарды мемлекеттік тіркеуді (бұдан әрі - мемлекеттік тіркеу) не оларды тіркеуден бас тартуды өтініш берушіден өтініш келіп түскен күннен бастап жиырма күн ішінде жүргізеді.
Комитет өтініште көрсетілген мәліметтерді растайтын қосымша құжаттарды талап еткен жағдайда, тіркеу мерзімі олар келіп түскенге дейін тоқтатыла тұруы мүмкін.
Ескерту: 4-тармақ жаңа редакцияда жазылды - ҚР Әділет министрінің 2006 жылғы 31 қаңтардағы N 34 бұйрығымен.
5. Лицензиялық шарттарды мемлекеттік тіркеу үшін Комитетке:
1) осы Нұсқаулықтың 2-қосымшасына сәйкес нысан бойынша өтініш;
2) лицензиялық шарт және оның көшірмесі, немесе нотариалды куәландырылған лицензиялық шарттың көшірмесі;
3) заңды тұлға үшін - заңнамада белгіленген тәртіппен куәландырылған мемлекеттік тіркеу туралы куәліктің көшірмесі;
4) жеке тұлға үшін - заңнамада белгіленген тәртіппен куәландырылған жеке куәліктің және жеке кәсіпкерді мемлекеттік тіркеу куәлігінің көшірмесі;
5) лицензиат пайдаланатын авторлық құқық және сабақтас құқықтар атауларының тізілімі және лицензиялық шарттағы мәліметтерді растайтын өзге де құжаттар;
6) эфирлік және кәбілдік хабар тарату ұйымдары үшін - бұқаралық ақпарат құралды есепке қою куәлігінің, телевизия және (немесе) радио арқылы хабар таратуды ұйымдастыру жөнінде мемлекеттік лицензияның заңнамада белгіленген тәртіппен куәландырылған көшірмелері;
7) тіркеген үшін алым төленгенін растайтын құжат тапсырылады.
Ескерту: 5-тармаққа өзгертулер енгізілді - ҚР Әділет министрінің 2006 жылғы 31 қаңтардағы N 34 , 2009.03.05. N 21 Бұйрықтарымен.
5-1. Туындылар мен сабақтас құқықтар объектілерін пайдалануға арналған лицензиялық шарттарды мемлекеттік тіркеу кезінде алымдарды төлеуден босатылған тұлғалар:
Ұлы Отан соғысына қатысушылар және оларға теңестірілген адамдар – белгіленген үлгiдегi куәлiктің көшірмесін немесе жеңiлдiктерге құқығы туралы белгiсi бар зейнеткерлiк куәлiгiнің көшірмесін, "Ленинградты қорғағаны үшiн" медалiне немесе "Қоршаудағы Ленинград тұрғыны" белгiсiне қоса берiлетiн куәлiктің көшірмесін, жасы кәмелетке толмаған бұрынғы тұтқын куәлігінің не екiншi дүниежүзілiк соғыс кезiнде фашистер мен олардың одақтастары құрған концлагерлерде, геттоларда және басқа ерiксiз ұстау орындарында мәжбүрлеп ұсталғандығы туралы мұрағаттық анықтаманың көшірмесін, комиссариаттан алынған, басқа мемлекет аумағында соғыс қимылдарына қатысқандығын растайтын анықтаманың көшірмесін немесе басқа мемлекеттердiң аумағында ұрыс қимылдарына қатысқандығы туралы белгi соғылған әскери билеттің көшірмесін, Ауғанстандағы кеңес әскери құрамына қызмет көрсеткендiгiн растайтын құжат немесе жараланған, контузия алған немесе зақымданғанын растайтын медициналық құжаттардың көшірмесін, ұрыс қимылдарын қамтамасыз етуге қатысқаны үшiн бұрынғы КСР Одағының ордендерiне және медальдарына қоса берiлетiн куәлiктің көшірмесін, Чернобыль АЭС-iндегi аварияның зардаптарын жоюға қатысушы куәлiгiнің көшірмесін немесе Чернобыль АЭС-iндегi аварияның немесе азаматтық немесе әскери тағайындау объектiлерiндегi басқа радиациялық апаттардың зардаптарын жоюға қатысқанын, ядролық сынақтар мен оқуларға тiкелей қатысқанын растайтын құжат немесе әскери комиссариаттан немесе табиғи және техногендік сипаттағы төтенше жағдайлар саласындағы уәкілетті органнан немесе әскери тағайындау объектілерiндегi басқа радиациялық апаттардың зардаптарын жоюға қатысқан фактiсiн растайтын, ядролық сынақтар мен оқуларға тiкелей қатысқанын растайтын анықтаманың көшірмесін;
Ұлы Отан соғысы жылдарында тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған адамдар, 1941 жылғы 22 маусым - 1945 жылғы 9 мамыр аралығында кемінде алты ай жұмыс істеген (қызмет өткерген) және Ұлы Отан соғысы жылдарында тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталмаған адамдар – еңбек кiтапшасының көшірмесін немесе 1941 жылғы 22 маусымнан бастап 1945 жылғы 9 мамырды қоса алғанда жұмысы туралы мәлiметтері бар өзге де құжаттардың көшірмесін (жұмыс орны, сондай-ақ мұрағат мекемелерi берген жұмыс кезеңдерi туралы мәліметтері бар құжаттардың, немесе бұйрықтардан, жеке шоттары мен жалақы төлеуге арналған ведомостан үзiндi көшiрмелердің, коммунистiк партия немесе кәсiподақ мүшелерінің мүшелік билеттерi немесе есеп карточкаларының, немесе қызметін бұрын қолданыста болған заңнамаға сәйкес жүзеге асырып келген жұмыс стажын анықтау жөнiндегi, зейнетақы тағайындау жөнiндегі комиссиялардың шешiмдерiнің, немесе сот шешiмдерiнің, немесе арнайы комиссиялардың шешiмдерінің), немесе 1941 жылғы 22 маусымнан бастап 1945 жылғы 9 мамырды қоса алғанда әскери қызмет кезеңi туралы мәлiметтері бар әскери билеттің немесе анықтаманың көшірмесін;
мүгедектер – халықты әлеуметтiк қорғау саласындағы орталық атқарушы органның аумақтық бөлiмшесiнiң мүгедектiк тобын белгiлеу туралы (белгiленген үлгiдегi) анықтамасының көшірмесін;
бала жасынан мүгедектің ата-аналарының бірі – халықты әлеуметтiк қорғау саласындағы орталық атқарушы органның аумақтық бөлiмшесiнiң мүгедектіктi белгiлеу туралы (белгіленген үлгiдегi) анықтамасының көшірмесін және туу туралы куәліктің көшірмесін;
Қазақстан Республикасының азаматтығын алғанға дейін репатрианттар (оралмандар) – Қазақстан Республикасы Еңбек және халықты әлеуметтік қорғау министрлігінің Көші-қон комитетімен берілген оралманның куәлігінің көшірмесін;
кәмелетке толмағандар – туу туралы кәлігінің көшірмесін ұсыну керек.
Ескерту: 5-1-тармақпен толықтырылды - ҚР Әділет министрінің 2009.03.05. N 21 Бұйрығымен.
5-2. Он төрт жасқа дейінгі кәмелетке толмағандар үшін туындылар мен сабақтас құқықтар объектілерін пайдалануға арналған лицензиялық шарттарды мемлекеттік тіркеуге өтінішті олардың атынан ата-аналары, асырап алушылары немесе қорғаншылары ұсынады.
Ескерту: 5-2-тармақпен толықтырылды - ҚР Әділет министрінің 2009.03.05. N 21 Бұйрығымен.
6. Өтініш беруші лицензиялық шарттарды тіркеу үшін қажетті құжаттардың толық пакетін ұсынбаған жағдайда, оған тіркеуден бас тартылуы мүмкін. Тіркеуден бас тарту туралы шешім өтініш берушіге жазбаша түрде хабарланады.
7. Тіркеу лицензиялық шарттардың мемлекеттік тізіліміне (осы нұсқаулықтың 3-қосымшасы) тиісті жазу енгізу және өтініш берушіге белгіленген үлгідегі МТК беру жолымен жүргізіледі.
МТК лицензиялық шартты тіркеу жасалғанын растайтын және оның иесіне туындылар мен сабақтас құқықтар объектілерін пайдалануға құқық беретін құжат болып табылады. МТК бірінші басшының немесе оны алмастыратын адамның қолы қойылған белгіленген үлгідегі бланкіде ресімделеді және елтаңбалы мөрмен куәландырылады. МТК-нің қолданылу мерзімі лицензиялық шарттың қолданылу мерзімінен асуы мүмкін емес.
7-1. Комитет МТК-ның түпнұсқасы жоғалған, бүлінген немесе басқа да дәлелді себептер болған жағдайда, оның телнұсқасын өтініш берушінің өтініші бойынша жеті жұмыс күні ішінде беруі мүмкін.
МТК телнұсқасын берген үшін Қазақстан Республикасының заңнамасында белгіленген мемлекеттік тіркеген үшін алым алынады.
Ескерту: 7-1-тармақпен толықтырылды - ҚР Әділет министрінің 2006 жылғы 31 қаңтардағы N 34 бұйрығымен.
8. Лицензиялық шарттың қолданылу мерзімін ұзарту кезінде Комитетке ұсынылған өтініш пен лицензиялық шарттың көшірмесі негізінде МТК-нің қолданылу мерзімі де ұзартылады.
Ескерту: 8-тармаққа өзгерту енгізілді- ҚР Әділет министрінің 2009.03.05. N 21 Бұйрығымен.
3. Қорытынды ережелер
9. Тіркеуге және лицензиялық шарттарды тіркеу туралы ақпаратты беруге байланысты даулар сот арқылы шешіледі.
10. <*>
Ескерту: 10-тармақ алынып тасталды - ҚР Әділет министрінің 2006 жылғы 31 қаңтардағы N 34 бұйрығымен .
11. Лицензиялық шарттарды тіркеу туралы ақпарат заңнамада белгіленген тәртіппен берілуі мүмкін.
12. Өтініш беруші берген мәліметтердің растығына Комитет жауапты емес.
Ескерту: 12-тармақпен толықтырылды - ҚР Әділет министрінің 2006 жылғы 31 қаңтардағы N 34 бұйрығымен .
Қазақстан Республикасы
Әділет министрінің
2002 жылғы 27 қыркүйектегі
N 145 бұйрығымен бекітілген
Туындыларды және сабақтас құқықтар
объектілерін пайдалануға арналған
лицензиялық шарттарды тіркеу туралы
нұсқаулыққа 1-қосымша
Қазақстан Республикасының Әділет министрлігі
Санаткерлік меншік құқығы жөніндегі комитет
N ____ мемлекеттік тіркеу куәлігі
___________ қ. 200__ жылғы "__" _____
__________________________________________________________________
(өтініш берушінің тегі, аты, әкесінің аты, төлқұжат деректері
___________________________________________________________________,
немесе атауы, заңды деректемелері)
___________________________________________________________________
________________________ берілді
200___ жылғы "__" ________ N ____ _____________________________
___________ лицензиялық шарт негізінде
Лицензиар______________________________________________________
____________________________________________________________________
Лицензиат______________________________________________________
____________________________________________________________________
Пайдаланылатын туындының және (немесе) сабақтас құқықтар
объектісінің түрі___________________________________________________
____________________________________________________________________
____________________________________________________________________
____________________________________________________________________
Қолданылу мерзімі __________________________________
Мерзімі ______________________________ дейін ұзартылған
Комитет төрайымы _______________
Қазақстан Республикасы
Әділет министрінің
2002 жылғы 27 қыркүйектегі
N 145 бұйрығымен бекітілген
Туындыларды және сабақтас құқықтар
объектілерін пайдалануға арналған
лицензиялық шарттарды тіркеу туралы
нұсқаулыққа 2-қосымша
Комитеттің төрайымына
(тегі, аты-жөні)
______________________________________________
(жеке тұлға үшін - тегі, аты, әкесінің аты,
_____________________________________________
тұрғылықты жері; заңды тұлға үшін - заңды
тұлғаның атауы, заңды мекен-жайы)
телефоны: ____________________________________
ӨТІНІШ
Мен (Біз) _________________________________________________________
(жеке тұлға үшін - тегі, аты, әкесінің аты; заңды
тұлға үшін - заңды тұлғаның атауы, заңды мекен-жайы)
___________________________________________________________________
_____________________________________________________________________
(лицензиардың тегі, аты, әкесінің аты немесе толық атауы мен заңды
деректемелері) ____________________________________________________________________
____________________________________________________________________
____________________________________________________________________
Пайдаланылатын туындының және (немесе) сабақтас құқықтар
объектісінің түрі __________________________________________________
____________________________________________________________________
____________________________________________________________________
Өтінішке қосымша беріледі: 1. ________________________
________________________
2. ________________________
________________________
3. ________________________
________________________
20 ____ жылғы "__" _________ _________________________
(өтініш берушінің қолы)
Қазақстан Республикасы
Әділет министрінің
2002 жылғы 27 қыркүйектегі
N 145 бұйрығымен бекітілген
Туындыларды және сабақтас құқықтар
объектілерін пайдалануға арналған
лицензиялық шарттарды тіркеу туралы
нұсқаулыққа 3-қосымша
Лицензиялық шарттардың мемлекеттік тізілімі
--------------------------------------------------------------------
Р/с!Өтініштің келіп !Тіркелген күні !Мемлекеттік тіркеу!Өтініш
! түскен күні !(күні, айы, жылы)! куәлігінің нөмірі!берген
!(күні, айы, жылы)! ! !заңды
! ! ! !тұлғаның
! ! ! !тегі,
! ! ! !аты,әке.
! ! ! !сінің
! ! ! !аты
! ! ! ! немесе
! ! ! !атауы --------------------------------------------------------------------
1 ! 2 ! 3 ! 4 ! 5 --------------------------------------------------------------------
таблицаның жалғасы:
--------------------------------------------------------------------
Лицензиар туралы мәліметтер!Пайдаланылатын туындының!Күні және !Ес.
(тегі, аты, әкесінің аты ! түрі және (немесе) !мемлекет. !кер.
немесе ұжымдық негізде !сабақтас құқықтар объек.!тік тіркеу!ту.
мүліктік құқықтарды ! тісі ! куәлігін !лер
басқаратын ұйымның атауы, ! !алғаны ту.!
лицензиялық шарттың нөмірі,! !ралы қолы !
күні, қолданылу мерзімі) ! ! !
--------------------------------------------------------------------
6 ! 7 ! 8 ! 9
--------------------------------------------------------------------
