Қазақстан Республикасы Президентінің "Жер қойнауы және жер қойнауын пайдалану туралы" Заң күші бар Жарлығының U962828_ 38-бабы 1-тармағына сәйкес Қазақстан Республикасының Үкіметі қаулы етеді:
      1. Қазақстан Республикасының Үкіметі 1997 жылғы 25 маусымда "Ақтөбемұнайгаз" акционерлік қоғамына осы кен орны бойынша 1999 жыл үшін инвестициялық міндеттемелердің орындалмауына байланысты Ақтөбе облысы Темір ауданының аймағындағы ХХІІ - 22-А (ішінара), В (ішінара), Е (ішінара) блоктар шегінде орналасқан Кеңқияқ (тұз астындағы) кен орнындағы көмірсутекті шикізатты өндіруге арналған жер қойнауын пайдалану құқығына берген сериясы МГ N 996 (мұнай) лицензияның P001721_ қолданылуын тоқтата тұру мерзімі ұзартылсын.
      2. 1997 жылғы 25 маусымдағы сериясы МГ N 996 (мұнай) лицензияның

8.6-тармағында белгіленген тәртіппен лицензияның қолданылуын тоқтата

тұруды туындатқан себептерді жою үшін бес айлық мерзім белгіленсін.

     3. Қазақстан Республикасының Инвестициялар жөніндегі агенттігі

сериясы МГ N 996 (мұнай) лицензияның қолданылуын тоқтата тұру туралы

"СНПС-Ақтөбемұнайгаз" ашық үлгідегі акционерлік қоғамын хабардар етсін.

     4. Осы қаулы қол қойылған күнінен бастап күшіне енеді.

     Қазақстан Республикасының

       Премьер-Министрі

Мамандар:

     Багарова Ж.А.

     Қасымбеков Б.А.