Күші жойылды - Қазақстан Республикасы Үкіметінің 2008.01.18.  N 29  (алғаш рет ресми жарияланған күнінен бастап он күнтізбелік күн өткен соң қолданысқа енгізіледі) Қаулысымен.

      Қазақстан Республикасының Үкiметi  ҚАУЛЫ ЕТТІ : 

      1. Қазақстан Республикасының Табиғи ресурстар және қоршаған ортаны қорғау министрлiгi мүдделi мемлекеттiк органдармен бiрлесіп 2001 жылғы 31 желтоқсанға дейiнгi мерзiмде Сандық геоақпараттық жүйелер негізiнде Қазақстан Республикасы табиғи объектілерінiң бiрыңғай мемлекеттiк кадастрлар жүйесiн (бұдан әрi - Бiрыңғай кадастрлар жүйесi) құрсын. 

      2. Қоса берiліп отырған Сандық геоақпараттық жүйелер негiзiндегі Қазақстан Республикасы табиғи объектiлерiнiң бiрыңғай мемлекеттік кадастрлар жүйесiн құру және жүргiзу ережесi бекiтiлсiн. 

      3. Қазақстан Республикасының Табиғи ресурстар және қоршаған ортаны қорғау министрлiгi, Қазақстан Республикасының Ауыл шаруашылығы министрлiгi, Қазақстан Республикасының Жер ресурстарын басқару жөнiндегi агенттiгi 2001 жылғы 1 сәуiрге дейiнгi мерзiмде Бiрыңғай кадастрлар жүйесiн құру және жүргiзу жөнiндегi жұмыстарды жүргiзуге арналған Техникалық құжаттаманы, сондай-ақ Бiрыңғай кадастрлар жүйесiне енгiзу үшiн деректер тiзбесiн әзiрлесiн және бекiтсiн. 

      4. Бiрыңғай кадастрлар жүйесiн құру жөнiндегi iс-шараларды және Бiрыңғай кадастрлар жүйесiн құру және жүргізу жөнiндегi жұмыстарды жүргiзуге арналған Техникалық құжаттаманы әзiрлеудi қаржыландыру 2000 жылға арналған республикалық бюджетте осы мақсаттарға көзделген қаражат есебінен және шегiнде жүзеге асырылсын.

      5. Осы қаулы қол қойылған күнінен бастап күшiне енедi. 

       Қазақстан Республикасының
      Премьер-Министрі

Қазақстан Республикасы Үкiметiнің 
2000 жылғы 25 қыркүйектегi    
N 1449 қаулысымен бекiтілген  

  Сандық геоақпараттық жүйелер негізiнде Қазақстан Республикасының табиғи объектілерiнің бiрыңғай мемлекеттік кадастрлар жүйесiн құру және жүргiзу
ЕРЕЖЕСI

      1. Сандық геоақпараттық жүйелер негiзiнде бiрыңғай мемлекеттiк кадастрлар жүйесi (бұдан әрi - Бiрыңғай кадастрлар жүйесi) Қазақстан Республикасы табиғи объектiлерiнiң мемлекеттiк кадастрларының барлық түрлерiн бiрiктiрушi салааралық ақпараттық компьютерлiк жүйе ретiнде құрылады және жүргiзiледi. 

      2. Бiрыңғай кадастрлар жүйесi әрбiр есепке алынған кадастрлық объектiге, оның жай-күйін пайдалану, жаңғырту және қорғау туралы географиялық байланысы мен шаруашылық мәртебесiн көрсете отырып, құжаттамалық мәлiметтерден сандық түрде құралады. 

      3. Бiрыңғай кадастрлар жүйесiн жүргiзудің негiзгi қағидаттары: 
      1) ортақтандырылған басшылық; 
      2) кадастрлық ақпаратты өңдеу және ұсыну технологиясының бiртұтастығы; 
      3) кадастрлық жүйелердiң барлық түрлерiн жер кадастры негiзiнде қалыптастыру; 
      4) автоматтандырылған ақпараттық технологияларды қолдану; 
      5) ақпараттың толықтырылуы мен жаңартылуының дұрыстығы. 

      4. Бiрыңғай кадастрлар жүйесi Қазақстан Республикасының табиғи және экономикалық әлеуетiн бағалаудың бiрыңғай жалпы мемлекеттік кешендi есепке алынуын қамтамасыз ету мақсатында құрылады және жүргiзiледi. 

      5. Бiрыңғай кадастрлар жүйесiнiң объектілерi болып қоршаған ортаның олардың өзара iс-қимылдағы құрамдас бөлiктерi: жер, су, орман, топырақ, жер қойнауы, жануарлар мен өсiмдiктер дүниесi болып табылады. 

      6. Бiрыңғай кадастрлар жүйесiнiң ақпараттық негiзiн объектінiң кеңiстiк жағдайы (географиялық координаттар, әкімшілiк бөлiктерге сәйкес объектiнiң тоғыстары жағдайы, экономикалық аудандарға қатынасы және басқа да мәлiметтер) және олардың шаруашылық мәртебесi туралы мәлiметтер, топографиялық-геодезиялық материалдар, статистикалық есеп деректерi құрайды. Бiрыңғай кадастрлар жүйесiне аумақтарды кешендi түрде бағалауға арналған қажетті өзге де деректер енгiзiледi. 

      7. Бiрыңғай кадастрлар жүйесi мемлекеттiк органдарды, олардың қызметiне арналған қажетті мәлiметтермен және Қазақстан Республикасының табиғи әлеуетi ретiнде қоршаған орта туралы деректермен жедел қамтамасыз ету үшiн арналған. 

      8. Бiрыңғай кадастрлар жүйесiнiң мәлiметтерi мен деректерi ресми сипатқа ие және меншік пен шаруашылық жүргiзудiң барлық нысандары объектiлерiнiң экономикалық және табиғи климаттық белгiлерi туралы айғақтайтын әдiл мәлiметтер ретiнде қабылдануға тиіс. 

      9. Бiрыңғай кадастрлар жүйесiнiң құрылымын мынадай есепке алу объектiлерi құрайды, олардың мониторингiн мынадай орталық атқарушы органдар жүзеге асырады: 
      1) мемлекеттiк жер кадастры бойынша - жер ресурстарын басқару саласындағы уәкiлеттi орган - жалпы Республика бойынша, ал оның аумақтық органдары - әкiмшілік-аумақтық бiрлiктер шегiнде; 
      2) мемлекеттiк су қорлары кадастры бойынша (жер бетiндегi су көздерi, су ресурстарын пайдалану, жердiң мелиоративтiк ахуалы, суландыру және құрғату мәселелерi) - cу қорын пайдалану мен қорғау саласындағы уәкiлеттi орган - жалпы Республика бойынша, ал олардың аумақтық органдары - әкiмшiлік-аумақтық бiрліктер шегiнде; 
      3) мемлекеттiк орман кадастры бойынша - орман шаруашылығы саласындағы уәкiлетті орган - жалпы Республика бойынша, ал оның аумақтық органдары - әкiмшiлiк-аумақтық бiрлiктер шегiнде; 
      4) мемлекеттiк кен орындары және пайдалы қазба байлықтар белгілерi кадастры, зиянды заттарды, радиоактивтi қалдықтарды көму және ағынды суларды жер қойнауына ағызу мемлекеттiк кадастры, техногендiк минералдардың пайда болу кадастры бойынша - жер қойнауын пайдалану жөнiндегі уәкілеттi орган - жалпы Республика бойынша ал оның аумақтық органдары - әкiмшiлiк-аумақтық бiрлiктер шегiнде; 
      5) мемлекеттiк ерекше қорғалатын табиғи аймақтар кадастры бойынша - ерекше қорғалатын табиғи аумақтар саласындағы уәкілеттi орган жалпы Республика бойынша, ал оның аумақтық органдары әкiмшiлік-аумақтық бiрлiктер шегiнде; 
      6) жануарларды мемлекеттiк есепке алу және жануарлар әлемiнiң мемлекеттiк кадастрын жүргiзу бойынша - жануарлар әлемiн қорғау, өндiру және пайдалану саласындағы уәкiлетті орган және балық ресурстарын және басқа су жануарларын қорғау өсiмiн молайту және пайдалану саласындағы уәкiлеттi орган - жалпы Республика бойынша ал оның аумақтық органдары - әкiмшiлiк-аумақтық бiрлiктер шегiнде.
       Ескерту: 9-тармаққа өзгерістер енгізілді - ҚР Үкіметінің 2005 жылғы 1 шілдедегі N 675   қаулысымен .

      10. Салалық кадастрлар шегiнде алынған объектілердi есепке алу және тiркеу нәтижелерiн мемлекеттiк органдар Қазақстан Республикасының қоршаған ортаны қорғау министрлiгi белгілеген тәртіппен Бiрыңғай кадастрлар жүйесiне тегiн бередi.
       Ескерту: 9-тармаққа өзгеріс енгізілді - ҚР Үкіметінің 2005 жылғы 1 шілдедегі N 675   қаулысымен .