Еуразиялық экономикалық комиссия Кеңесінің 2018 жылғы 5 желтоқсандағы № 98 шешіміне өзгерістер енгізу туралы

Еуразиялық экономикалық комиссия Кеңесінің 2025 жылғы 21 ақпандағы № 21 шешімі.

      2014 жылғы 29 мамырдағы Еуразиялық экономикалық одақ туралы шарттың 52-бабына және Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентіне № 1 қосымшаның 29-тармағына сәйкес Еуразиялық экономикалық комиссия Кеңесі шешті:

      1. Еуразиялық экономикалық комиссия Кеңесінің "Еуразиялық экономикалық одақтың "Алкоголь өнімінің қауіпсіздігі туралы" техникалық регламенті туралы" 2018 жылғы 5 желтоқсандағы № 98 шешімінің 2-тармағындағы "2025 жылғы 1 шілдеден" деген сөздер "2026 жылғы 1 қаңтардан" деген сөздермен ауыстырылсын.

      2. Еуразиялық экономикалық комиссия Алқасы Еуразиялық экономикалық одаққа мүше мемлекеттердің уәкілетті органдарымен бірлесіп Еуразиялық экономикалық комиссия Кеңесінің 2018 жылғы 5 желтоқсандағы № 98 шешімімен бекітілген "Еуразиялық экономикалық одақтың "Алкоголь өнімінің қауіпсіздігі туралы" (ЕАЭО ТР 047/2018) техникалық регламентіне шарап жасау өніміне, жүзімнен, жидектер мен жемістерге қарағанда өзгеше ашыту жолымен өндірілген алкоголь өніміне қойылатын талаптар бөлігінде, сондай-ақ сыра қайнату уыты мөлшерінің үлесін ұлғайту бөлігінде сыра қайнату өніміне қойылатын талаптарды арттыру бөлігінде өзгерістер енгізу туралы мәселені пысықтасын және нәтижелері туралы 2025 жылғы 1 шілдеге дейін Еуразиялық экономикалық комиссия Кеңесінің отырысында хабардар етсін.

      3. Осы Шешім ресми жарияланған күнінен бастап күнтізбелік 30 күн өткен соң күшіне енеді.

      Еуразиялық экономикалық комиссия Кеңесінің мүшелері:

Армения
Республикасынан
 
В. Григорян

Беларусь
Республикасынан
 
И. Петришенко

Қазақстан
Республикасынан
 
С. Жұманғарин

Қырғыз
Республикасынан
 
Д. Амангельдиев

Ресей
Федерациясынан
 
А. Оверчук