Кеден одағының Кеден кодексінің 180-бабы 1-тармағына сәйкес Еуразиялық экономикалық комиссия Алқасы шешті:

      1. Кеден одағы Комиссиясының 2010 жылғы 20 мамырдағы № 257 шешімімен бекітілген Тауарларға декларация толтыру тәртібі туралы нұсқаулыққа мынадай өзгерістер енгізілсін:

      а) 15-тармақтың 29-тармақшасының қырық сегізінші абзацында (кестеден кейін) "соңғы нөмірі" деген сөздер "соңғы нөмірлері" деген сөздермен ауыстырылсын;

      б) 18-тармақтың 14-тармақшасы мынадай мазмұндағы абзацтармен толықтырылсын:

      "Ресей Федерациясында 10 нөмірі бақылау белгілерімен таңбалауға жататын және экспорт, уақытша әкелу және реэкспорт кедендік рәсімдеріне орналастырылған тауарлар тізбесіне енгізілген тауарлар үшін, егер мұндай тауарларға бақылау (сәйкестендіру) белгілері салынған болса – салынған бақылау (сәйкестендіру) белгілерінің саны және қос нүктеден кейін бос жолсыз "," айырғыш белгісі арқылы – олардың сәйкестендіру нөмірлері (сәйкестендіргіштер) көрсетіледі.

      Салынған бақылау (сәйкестендіру) белгілерінің ретімен берілген сәйкестендіру нөмірлері (сәйкестендіргіштер) сәйкес диапазонның бірінші және соңғы нөмірлерін "-" айырғыш белгісін қою арқылы көрсетіледі;".

      2. Осы Шешім ресми жарияланған күнінен бастап күнтізбелік 30 күн өткен соң күшіне енеді.