Еуразиялық экономикалық комиссия туралы ереженің (2014 жылғы 29 мамырдағы Еуразиялық экономикалық одақ туралы шартқа № 1 қосымша) 14-тармағына сәйкес Еуразиялық экономикалық комиссия Алқасы шешті:
1. Қосымшаға сәйкес Кеден одағы Комиссиясының 2010 жылғы 20 қыркүйектегі "Кедендік декларациялар толтыру үшін пайдаланылатын сыныптауыштар туралы" № 378 шешіміне өзгерістер енгізілсін.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
Ереженің 1-тармағының "г" тармақшасында көзделген өзгерістер (Осы Шешімге қосымша) 2016 жылғы 1 шілдеден бастап туындайтын құқықтық қатынастарда қолданылады.
|
Еуразиялық экономикалық комиссия Алқасының Төрағасы |
Т. Саркисян |
| Еуразиялық экономикалық комиссия Алқасының 2016 жылғы 29 қарашадағы № 159 шешіміне ҚОСЫМША |
Кеден одағы Комиссиясының 2010 жылғы 20 қыркүйектегі № 378 шешіміне енгізілетін ӨЗГЕРІСТЕР
1. Кеден төлемдерін төлеу жөніндегі жеңілдіктер сыныптауышының 1.1 кіші бөлімде (7-қосымша):
а) СМ коды бар позиция мынадай редакцияда жазылсын:
"Еуразиялық экономикалық одаққа мүше мемлекеттердің бірінің туын көтеріп жүзетін, Еуразиялық экономикалық одақтың кедендік аумағына әкелінген және 2018 жылғы 1 қаңтарды қоса алғанда, ішкі тұтыну үшін шығарудың кедендік рәсіміне орналастырылған Еуразиялық экономикалық одаққа мүше мемлекеттін кемелер тізілімінде тіркелген балық, теңіз, өнімдерін (ЕАЭО СЭҚ ТН 8902 00 100 0 коды) қайта өңдеу мен консервілеу үшін балық аулайтын кемелерге, жүзбелі базалар мен өзге де кемелерге қатысты кедендік әкелу бажын төлеуден босату |
CM"; |
б) ВЛ коды бар позициядан кейін мынадай мазмұндағы позициялармен толықтырылсын:
"Аэроғарыш саласында пайдаланылатын титан құймалары мен қорытпаларын өндіруге арналған және 2016 жылғы 1 қаңтарынан бастап 2021 жылғы 31 тамызға дейінгі кезеңде жыл сайын 40 тоннадан аспайтын көлемде Қазақстан Республикасының аумағына әкелінетін, ЕАЭО СЭҚ ТН 2823 00 000 0 кодымен сыныпталатын титан оксидтеріне қатысты кедендік әкелу бажын төлеуден босату |
ОТ"; |
в) ПЛ коды бар позициядан кейін мынадай мазмұндағы позициялармен толықтырылсын:
"Еуразиялық экономикалық комиссия Кеңесінің 2016 жылғы 11 шілдедегі № 57 шешімімен бекітілген Қабылдаулар үйінің құрылысы мен ресми іс-шаралар өткізу мақсатында Қырғыз Республикасының аумағына әкелінетін тауарлардың тізбесіне сәйкес 2016 жылы Қабылдаулар үйінің құрылысы мен ресми іс-шаралар өткізу мақсатында Қырғыз Республикасының аумағына әкелінетін тауарларға қатысты кедендік әкелу бажын төлеуден босату |
ДП"; |
г) СК коды бар позициядан кейін мынадай мазмұндағы позициялармен толықтырылсын:
"Еуразиялық экономикалық комиссия Кеңесінің 2016 жылғы 9 тамыздағы № 64 шешімімен бекітілген кеме жасау өнеркәсібі үшін станоктардың жеке түрінің тізбесіне сәйкес Ресей Федерациясының мемлекеттік қорғаныс тапсырысын орындау мақсатында кеме жасау өнеркәсібі үшін 2016 жылғы 1 шілдеден бастап 2016 жылғы 31 қазанды қоса алғанда, Ресей Федерациясына әкелінетін станоктарға қатысты кедендік әкелу бажын төлеуден босату |
СЗ"; |
2. Кедендік декларациялау кезінде пайдаланылатын құжаттар мен мәлімет түрлерінің сыныптауышында (8-қосымша):
а) 1-бөлімде:
01018 коды бар позиция алып тасталсын;
01018 коды бар позиция мынадай редакцияда жазылсын:
"01081 | Дәрілік заттарды әкелуге қорытынды (рұқсат беру құжаты)"; |
01332 коды бар позициядан кейін мынадай мазмұндағы позициямен толықтырылсын:
"01341 | құрамында озонды бұзатын заттар бар озонды бұзатын заттар мен өнімдерді әкелуге және (немесе) әкетуге қорытынды (рұқсат беру құжаты)"; |
б) 10-бөлімнің 10051 коды бар позиция мынадай редакцияда жазылсын:
"10051 | 2014 жылғы 23 желтоқсандағы Еуразиялық экономикалық одақ шеңберіндегі Дәрілік заттар айналымының бірыңғай қағидаттары мен қағидалары туралы келісімнің 14-бабында көзделген немесе Еуразиялық экономикалық одаққа мүше мемлекеттің дәрілік заттарының мемлекеттік тізіліміне сәйкес келетін Еуразиялық экономикалық одақтың дәрілік заттарының бірыңғай тізіліміне тіркелген дәрілік заттарды енгізу туралы мәліметтер". |
