БҰЙЫРАМЫН:

      1. "Еңбек мобильділігі орталығының үлгілік жарғысын, мансап орталығының үлгілік ережесін, халықты жұмыспен қамту мәселелері жөніндегі өңірлік комиссия туралы үлгілік ережені, халықты жұмыспен қамту мәселелері жөніндегі аудандық (қалалық) комиссия туралы үлгілік ережені бекіту туралы" Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 28 шілдедегі № 322 бұйрығына (нормативтік құқықтық актілерді мемлекеттік тіркеу тізілімінде № 33211 болып тіркелді) мынадай өзгерістер енгізілсін:

      көрсетілген бұйрықпен бекітілген Еңбек мобильділігі орталығының үлгілік жарғысында:

      17-тармақ мынадай редакцияда жазылсын:

      "17. Директорды Қазақстан Республикасының еңбек заңнамасына сәйкес уәкілетті орган лауазымға тағайындайды және лауазымнан босатады."

      27-тармақтың 6) тармақшасы мынадай редакцияда жазылсын:

      "6) осы еңбек мобильділігі орталығының үлгілік жарғысына қосымшаға сәйкес Орталықтың құрылымы мен шекті штат санын бекітеді;";

      осы бұйрыққа 1 қосымшаға сәйкес редакцияда қосымшамен толықтырылсын;

      көрсетілген бұйрықпен бекітілген Мансап орталығының үлгілік ережесінде:

      20-тармақ мынадай редакцияда жазылсын:

      "20. Мансап орталығының құрылымын Мансап орталығының үлгілік ережесіне қосымшаға сәйкес Орталығының құрылымы шеңберінде Орталығы бекітеді.";

      осы бұйрыққа 2 қосымшаға сәйкес редакцияда қосымшамен толықтырылсын.

      2. Қазақстан Республикасы Еңбек және халықты әлеуметтік қорғау министрлігінің Халықты жұмыспен қамту департаменті заңнамада белгіленген тәртіппен:

      1) осы бұйрыққа қол қойылған күннен бастап күнтізбелік бес күн ішінде оны мемлекеттік және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

      2) осы бұйрық ресми жарияланғаннан кейін Қазақстан Республикасы Еңбек және халықты әлеуметтік қорғау министрлігінің ресми интернет-ресурсында орналастыруды.

      3. Осы бұйрықтың орындалуын бақылау жетекшілік ететін Қазақстан Республикасының Еңбек және халықты әлеуметтік қорғау вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Облыстардың, астананың және республикалық маңызы бар қалалардың еңбек мобильділігі орталықтарының үлгілік құрылымы

      Ескертпе:

      1. Еңбек мобильділігі орталығының құрылымында үлгілік ұйымдық құрылымда көзделгендерден басқа құрылымдық бөлімшелер мен лауазымдардың болуына жол берілмейді.

      2. Тиісті функционалдық бағыт бойынша директордың орынбасары болмаған жағдайда құрылымдық бөлімше еңбек мобильділігі орталығының директорына тікелей бағынады.

      3. Еңбек мобильділігі орталығының құрылымында әкімшілік, көмекші персонал және білікті жұмысшылар лауазымдары оларға қажеттілік болмаған кезде көзделмейді.

Облыстардың, астананың және республикалық маңызы бар қалалардың мансап орталықтарының үлгілік құрылымы

      Ескертпе:

      1. Аталған ұйымдық құрылым мансап орталығының штат саны 25 және одан да көп бірлікте болған кезде енгізіледі.

      2. Мансап орталығының құрылымында үлгілік ұйымдық құрылымда көзделгендерден басқа құрылымдық бөлімшелер мен лауазымдардың болуына жол берілмейді.

      3. Астанада және республикалық маңызы бар қалаларда аудандар деңгейінде қалаларда мансап орталықтарын құру кезінде олардың ұйымдық құрылымы аудандық маңызы бар қалалардың мансап орталықтарының ұйымдық құрылымына сәйкес келеді.

      4. Секторды құру және "Сектор басшысы" - лауазымын енгізу үшін сектордың штат саны 4 және одан көп бірлікте болған кезде көзделеді.

      5. Тиісті сектор болмаған жағдайда маман мансап орталығының директорына бағынады.

      6. Мансап орталығының құрылымында көмекші персонал лауазымдары мен білікті жұмысшылар оларға қажеттілік болмаған кезде көзделмейді.

Облыстық және аудандық маңызы бар қалалардың, аудандардың мансап орталықтарының үлгілік құрылымы

      Ескертпелер:

      1. Аталған ұйымдық құрылым мансап орталығының штаттың саны 10 және одан көп бірліктен болған кезде енгізіледі.

      2. Мансап орталығының құрылымында үлгілік ұйымдық құрылымда көзделгендерден басқа құрылымдық бөлімшелер мен лауазымдардың болуына жол берілмейді.

      3. Секторды құру және "сектор басшысы" лауазымын енгізу үшін сектордың штат саны 4 және одан көп бірлікте болған кезде көзделеді.

      4. Мансап орталығының құрылымында көмекші персонал лауазымдары мен білікті жұмысшылар оларға қажеттілік болмаған кезде көзделмейді.

      5. Білікті жұмысшылардың штат бірліктері 0,5 штат бірлігі есебінен белгіленеді.

Аудандардың мансап орталықтарының типтік ұйымдық құрылымы

      Ескертпелер:

      1. 4-тарауда көзделген ұйымдық құрылым мансап орталығының штатттың саны 9 және одан аз болған кезде енгізіледі.

      2. Мансап орталығының құрылымында үлгілік ұйымдық құрылымда көзделгендерден басқа құрылымдық бөлімшелер мен лауазымдардың болуына жол берілмейді.

      3. Мансап орталығының құрылымында көмекші персонал лауазымдары мен білікті жұмысшылар оларға қажеттілік болмаған кезде көзделмейді.

      4. Білікті жұмысшылардың штат бірліктері 0,5 штат бірлігі есебінен белгіленеді.