ЗҚАИ-ның ескертпесі!
      Қолданысқа енгізілу тәртібін 3-тармақтан қараңыз.

      БҰЙЫРАМЫН:

      1. "Бюджеттің қазынашылық атқарылуы және оларға кассалық қызмет көрсету рәсімдерін, қазынашылық есепке алу және мониторинг рәсімдерін бекіту туралы" Қазақстан Республикасы Қаржы министрінің 2025 жылғы 27 маусымдағы № 328 бұйрығына мынадай өзгерістер мен толықтырулар енгізілсін:

      бұйрықтың тақырыбы мынадай редакцияда жазылсын:

      "Бюджеттің қазынашылық атқарылуы және оларға кассалық қызмет көрсету рәсімдерін, қазынашылық есепке алу және мониторинг рәсімдерін бекіту туралы";

      осы бұйрықпен бекітілген Бюджеттің қазынашылық атқарылуы және оларға кассалық қызмет көрсету рәсімдерінде, қазынашылық есепке алу және мониторинг рәсімдерінде:

      31-тармақтың бірінші бөлігі мынадай редакцияда жазылсын:

      "31. Түсімдердің және төлемдер бойынша қаржыландырудың жиынтық жоспарына, міндеттемелер бойынша қаржыландырудың жиынтық жоспарына, бюджетке түсетін түсімдердің жиынтық жоспарына, бюджеттік бағдарламалар әкімшілерінің міндеттемелері мен төлемдері бойынша қаржыландыру жоспарына, қаржыландырудың жеке жоспарына өзгерістер мен толықтырулар енгізу Қазақстан Республикасының бюджет заңнамасында айқындалған жағдайларда, сондай-ақ бағамдық айырмашылықтың өзгеруіне байланысты үкіметтік борышты өтеу жөніндегі міндеттемелер өзгерген кезде, бөлінетін бюджеттік бағдарламаларды бөлген кезде, республикалық және жергілікті бюджеттердің ай сайынғы түсімдері мен шығыстарын түзетуді және бюджеттік бағдарламалар әкімшілерінің қаржыландыру жоспарларындағы және қаржыландырудың жеке жоспарларындағы бір бюджеттік бағдарламаның ішіндегі кіші бағдарлама мен шығыстардың экономикалық сыныптамасының ерекшеліктері арасында соманы түзетуді талап ететін факторлар пайда болған кезде жүргізіледі.";

      41-тармақ мынадай редакцияда жазылсын:

      "41. Бюджеттік бағдарламалар әкімшісінің бюджеттік бағдарламалар бойынша ай сайынғы шығыстар көлеміне өзгерістер енгізу туралы өтінімі бағамдық айырмашылықтың өзгеруіне байланысты үкіметтік борышты өтеу жөніндегі міндеттемелер өзгеру жағдайларын қоспағанда, бюджеттік бағдарламалар әкімшісі тарапынан мемлекеттік мекемелердің өтінімдеріне сәйкес, бюджеттік бағдарлама (кіші бағдарлама) бойынша көзделген сома шегінде қалыптастырылады.

      Жоғары тұрған бюджеттен алынатын трансферттер мен кредиттер бойынша төлемдер мен міндеттемелер бойынша бюджеттік бағдарламалар әкімшілерінің қаржыландыру жоспарларын өзгертуге өтінім төмен тұрған бюджетті атқару жөніндегі уәкілетті орган жоғары тұрған бюджеттің тиісті бюджеттік бағдарламалар әкімшісіне береді, оның негізінде жоғары тұрған бюджеттің бюджеттік бағдарламалар әкімшісі осы тарауда белгіленген тәртіппен мемлекеттік қазынашылыққа өтінім ұсынады.";

      50-тармақ мынадай редакцияда жазылсын:

      "50. Салықтық және бюджетке түсетін басқа да міндетті түсімдердің, салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеу, мемлекеттің қаржы активтерін сатудан түсетін сомасының, қарыздардың бюджетке түсетін түсімдерінің жиынтық жоспарына өзгерістер енгізуді кредиттік шарттарға, қарыз шарттарына, борышты қайта құрылымдау келісіміне енгізілген өзгерістердің негізінде және осы Рәсімдердің 32-тармағында белгіленген тәртіппен мемлекеттің қаржы активтерін сату жоспарын өзгертудің негізінде аталған түсімдер тізбесі бойынша оларға өзара қатынасы бар органдардың өтінімдері бойынша бюджетті атқару жөніндегі уәкілетті орган, аудандық маңызы бар қала, ауыл, кент, ауылдық округ әкімінің аппараты жүзеге асырады.

      Ағымдағы қаржы жылына түсімдер болжамының жылдық сомаларын өзгерту, бағамдық айырмашылықтың өзгеруіне байланысты үкіметтік борышты өтеу жөніндегі міндеттемелер өзгеру жағдайларын қоспағанда, тек ағымдағы қаржылық жылға бюджетті нақтылау кезінде ғана рұқсат етіледі.

      Жоғары тұрған бюджеттің түсімдердің жиынтық жоспарына және төмен тұрған бюджетке берілген бюджеттік кредиттер бойынша сыйақылардың, жоғары тұрған бюджеттен төмен тұрған бюджетке берілетін бюджеттік кредиттерді өтеу сомасының жоғары тұрған бюджетке түсетін түсімдер жоспарына өзгерістер енгізуді төмен тұрған бюджеттер кірістерінің жоспарын асыра орындаудың, кредит шарттарының талаптарын өзгерту негізінде және жоғары тұрған бюджет түсімдерінің бірдей ай сайынғы сомасын және төмен тұрған бюджеттердің тиісті шығыстарының сомасын сақтап қалу мақсатында төмен тұрған бюджеттерді атқару жөніндегі уәкілетті органдардың және аудандық маңызы бар қала, ауыл, кент, ауылдық округ әкімі аппаратының өтінімі бойынша жоғары тұрған бюджетті атқару жөніндегі уәкілетті орган жүргізеді.";

      61-тармақтың үшінші бөлігі мынадай редакцияда жазылсын:

      "Қазақстан Республикасы Үкіметінің немесе облыстың және ауданның (облыстық маңызы бар қаланың) жергілікті атқарушы органының резервінен қаражат бөлу кезінде төмен тұрған бюджетті, сондай-ақ бөлінетін бюджеттік бағдарламалар бойынша түзету осы Рәсімдердің 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62 және 64-тармақтарымен белгіленген тәртіппен кейіннен түсімдердің және төлемдер бойынша қаржыландырудың жиынтық жоспарына, міндеттемелер бойынша қаржыландырудың жиынтық жоспарына өзгерістер мен толықтырулар енгізе отырып, жергілікті бюджет туралы мәслихаттың шешімін іске асыру туралы жергілікті атқарушы органның қаулысына өзгерістер мен толықтырулар енгізу арқылы мәслихатта бюджетті нақтыламастан жүзеге асырылады.";

      63-тармақ алынып тасталсын;

      76 және 77-тармақтар алынып тасталсын;

      109-тармақтың үшінші бөлігі мынадай редакцияда жазылсын:

      "Қойылатын қолдардың және мөр бедерінің үлгілері бюджеттік бағдарламалар әкімшісі басшысының немесе ол уәкілеттік берген адамның қолымен куәландырылады және бюджеттік бағдарламалар әкімшісінің мөр бедерімен (мемлекеттік мекеме үшін – Елтаңбалы) бекітіледі не нотариалды куәландырылады.";

      148-тармақтың бірінші бөлігі мынадай редакцияда жазылсын:

      "148. Қазақстан Республикасының Бюджет кодексіне, Салық кодексіне (бұдан әрі – Салық кодексі), "Әкімшілік құқық бұзушылық туралы" Қазақстан Республикасының Кодексіне, Республикалық бюджет туралы Қазақстан Республикасының Заңына және тиісті қаржы жылына арналған жергілікті бюджеттерді бекіту туралы мәслихаттардың шешімдеріне және Қазақстан Республикасының басқа да заңнамалық актілеріне сәйкес ұлттық валютада бюджетке түсетін түсімдер Қазақстан Республикасының бірыңғай бюджеттік сыныптамасының түсімдер сыныптамасының кодтары бойынша бірыңғай қазынашылық шотқа есептеледі.";

      5-тараудың 3-параграфының тақырыбы мынадай редакцияда жазылсын:

      "3-параграф. Арнаулы мемлекеттік қордың, тиісті саланың орталық және (немесе) жергілікті уәкілетті органдарының қолма-қол ақшаны бақылау шоттарына түсетін түсімдер";

      158-тармақ мынадай редакцияда жазылсын:

      "158. Арнаулы мемлекеттік қордың, тиісті саланың орталық және (немесе) жергілікті уәкілетті органдарының қолма-қол ақшаны бақылау шотына түсетін түсімдер бойынша операциялар Қазақстан Республикасының бірыңғай бюджеттік сыныптамасына сәйкес есепке алынады.

      Арнаулы мемлекеттік қордың қаражаты республикалық бюджет комиссиясының шешімі және әлеуметтік, экономикалық жобалардың мақұлданған тізбесімен қоса төлеуге берілетін шот негізінде Қазақстан Республикасының әлеуметтік, экономикалық жобаларын, сондай-ақ "Заңсыз иемденілген активтерді мемлекетке қайтару туралы" Қазақстан Республикасы Заңының (бұдан әрі – Активтерді қайтару туралы заң) 32-бабының 1-тармағына сәйкес Қазақстан Республикасының әлеуметтік, экономикалық жобаларын, сондай-ақ активтерді қайтару жөніндегі уәкілетті органның шығыстарын қаржыландыру мақсатында тиісті саланың орталық уәкілетті органының қолма-қол ақшаны бақылау шотына аударылады.

      Егер әлеуметтік және экономикалық жобаларды іске асыру тиісті саланың орталық уәкілетті органының ведомствосына (комитетіне) жүктелген жағдайда, ведомствоға (комитетке) қолма-қол ақшаны бақылау шотын ашуға өтінімді мемлекеттік қазынашылық органына тиісті саланың орталық уәкілетті органы ұсынады.

      Тиісті саланың орталық уәкілетті органының қолма-қол ақшаны бақылау шотынан қаражат республикалық бюджет комиссиясының шешімімен және әлеуметтік және экономикалық жобалардың мақұлданған тізбесімен қоса төлеуге берілетін шот негізінде тиісті саланың жергілікті уәкілетті органының қолма-қол ақшаны бақылау шотына аударылады.";

      мынадай мазмұндағы 158-1 және 158-2-тармақтармен толықтырылсын:

      "158-1. Тиісті саланың орталық және (немесе) жергілікті уәкілетті органдарының қолма-қол ақшаны бақылау шотынан қаражатты пайдалану Активтерді қайтару туралы заңның 32-бабының 1-тармағында көзделген мақсаттарға ғана жүзеге асырылады.

      Тиісті саланың орталық және (немесе) жергілікті уәкілетті органдарының қолма-қол ақшаны бақылау шотының қаражатын пайдалануға байланысты төлемдерді жүргізу осы Рәсімдердің 6-тарауының 7-параграфына сәйкес жүзеге асырылады.

      158-2. Мемлекеттік қазынашылық органы тиісті саланың жергілікті уәкілетті органының қолма-қол ақшаны бақылау шотынан төлемдер жүргізу кезінде ағымдағы бақылауды жүзеге асырады, ол төлеуге берілетін шоттарды:

      1) төлемнің негізділігін растайтын құжаттардың: тауарларды жеткізу туралы шот-фактураның ("Электрондық шот-фактура" ақпараттық жүйесінен импортталған) немесе жүкқұжаттың (актінің) немесе орындалған жұмыстар, көрсетілген қызметтер актісінің бар-жоғына.

      2) нысанды толтырудың толықтығы мен дұрыстығы бойынша Қазақстан Республикасының төлемдер және төлем жүйелері туралы заңнамасының талаптарына сәйкестігіне тексеруді білдіреді.";

      161-тармақ мынадай редакцияда жазылсын:

      "161. Қазақстан Республикасы Бірыңғай бюджеттік сыныптамасының бюджетке түсетiн түсiмдер сыныптамасының кодтары бойынша түсiмдердiң артық (қате) төленген сомасын бюджеттен қайтаруды және (немесе) есептеудi мемлекеттік қазынашылық органдары жүзеге асырады.

      Түсімдердің артық (қате) төленген сомаларын бюджеттен қайтару және (немесе) есепке жатқызу мемлекеттік кірістер органдарының төлем тапсырмалары негізінде жүзеге асырылады.

      Түсімдердің артық (қате) төленген сомаларын қайтару республикалық бюджеттің шығыстары бойынша барлық жоспарлы міндеттемелерді өткізгеннен кейін жүргізіледі.

      Түсiмдердiң бюджеттiк сыныптамасының кодтары арасында, мемлекеттік кірістер органдары арасында артық төленген немесе қате түскен сомаларды төлеушiлерге бюджеттен қайтару (бұдан әрi – қайтару және (немесе) есептеу) үшiн мемлекеттік кірістер органы "Қазынашылық-клиент" ақпараттық жүйесі бойынша "Қазақстан Республикасының аумағында қолма-қол ақшасыз төлемдерді және (немесе) ақша аударымдарын жүзеге асыру қағидаларын бекіту туралы" Қазақстан Республикасы Ұлттық Банкі Басқармасының 2016 жылғы 31 тамыздағы № 208 қаулысында (нормативтік құқықтық актілердің мемлекеттік тіркеу тізілімінде № 14419 болып тіркелді) (бұдан әрі – № 208 қаулы) белгiленген нысан бойынша мемлекеттік кірістер органының басшысы немесе ол уәкілеттік берген адам және мемлекеттік кірістер органының уәкілетті қызметкері электрондық цифрлық қолтаңба қойған төлем тапсырмасының электрондық түрін ұсынады.

      Мемлекеттік кірістер комитетінің "Салықтық әкімшілендірудің ақпараттық жүйесі" ақпараттық жүйесінен "Салықтық әкімшілендірудің ақпараттық жүйесі" интеграциялық шинасы арқылы Мемлекеттік қазынашылық комитетінің ақпараттық жүйелеріне қайтаруға және есепке жатқызуға төлем тапсырмаларын беру кезінде аумақтық мемлекеттік кірістер органдары электрондық цифрлық қолтаңбамен расталған төлем тапсырмаларының электрондық тізілімдерін жібереді.

      Ақшаны алушылар анықтамалығында бюджетке артық (қате) төленген соманы қайтаруға деректемелер болмаған немесе өзгерген кезде мемлекеттік кірістер органы "Қазынашылық-клиент" ақпараттық жүйесіне осы Рәсімдерге 64-қосымшасына сәйкес нысан бойынша ақша алушыны енгізуге арналған осы Рәсімдерге 67-қосымшасына сәйкес нысан бойынша ақша алушы деректемелерінің өзгерістерін енгізуге өтінімнің электрондық түрін қалыптастырады.

      Ақша алушыны енгізуге және ақша алушының деректемелерін өзгертуді енгізуге өтінімді ресімдеудің шынайылығын және дұрыстығын мемлекеттік кірістер органы қамтамасыз етеді.

      Мемлекеттік қазынашылық органы жұмыс күні ішінде сағат 16.00 (он алты) дейін "Қазынашылық-клиент" ақпараттық жүйесі мемлекеттік кірістер органдарынан келіп түскен төлем тапсырмаларын қабылдауды жүзеге асырады. Сағат 16.00 (он алты) кейін түскен құжаттар орындалады немесе келесі жұмыс күнінен кешіктірілмей орындаусыз қайтарылады.";

      179-тармақтың үшінші бөлігінің 1) тармақшасы мынадай редакцияда жазылсын:

      "1) тауарларды сатып алған, жұмыстарды орындаған, қызметтер көрсеткен жағдайларда шот-фактураның, хабарлама шотының, шоттың, актінің немесе Қазақстан Республикасының заңнамасында белгіленген өзге құжаттың;";

      183-тармақ мынадай редакцияда жазылсын:

      "183. Мемлекеттік мекеме мынадай:

      1) Қазақстан Республикасы Үкіметінің немесе облыстың, ауданның (облыстық маңызы бар қаланың) жергілікті атқарушы органының резервтерінен қаражат бөлу;

      2) Білім беру инфрақұрылымын қолдау қорының және/немесе Арнаулы мемлекеттік қордың қаражаты есебінен бұрын қаржыландырылған жобаларды іске асыру шеңберінде азаматтық-құқықтық мәмілелер бойынша қаржыландыру көзі өзгерген жағдайларды қоспағанда, міндеттемелер бойынша жеке қаржыландыру жоспары шегінде бір бюджеттік бағдарлама шеңберінде шарт және/немесе қосымша келісім жасасады. Бұл ретте, негізгі шартты тіркеусіз Білім беру инфрақұрылымын қолдау қорының және/немесе Арнаулы мемлекеттік қордың қаражаты есебінен бұрын қаржыландырылған жобаларды іске асыру шеңберінде азаматтық-құқықтық мәмілелер бойынша қосымша келісімдер мемлекеттік қазынашылық органдарында тіркеуге жатады.

      Қосымша келісімді тіркеуге арналған өтінімге осы Рәсімдердің 209-тармағына сәйкес Білім беру инфрақұрылымын қолдау қорының және/немесе Арнаулы мемлекеттік қордың қаражаты есебінен бұрын қаржыландырылған шарт бойынша төленген міндеттемелердің сомасы қосымша көрсетілетін түсіндірме жазба қоса беріледі.

      Бұрын республикалық және/немесе жергілікті бюджеттердің қаражаты есебінен қаржыландырылған жобаларды іске асыру шеңберінде Арнаулы мемлекеттік қордан қаражат бөлінген жағдайда, қосымша келісім мемлекеттік қазынашылық органдарында тіркеусіз жасалады.

      Мемлекеттік мекеме бір ақша алушымен бірнеше бюджеттік кіші бағдарлама немесе шығыстардың экономикалық сыныптамасының ерекшеліктері бойынша шарт жасасқан кезде шартта әрбір бюджеттік кіші бағдарлама немесе шығыстардың бюджеттік сыныптамасының әрбір коды бойынша бөле отырып, жалпы сомасын көрсетеді.

      Жоғары тұрған бюджеттен берілетін нысаналы даму трансферттері есебінен іске асырылатын шарт жасасқан кезде мемлекеттік мекеме жергілікті бюджеттік даму бағдарламаларын іске асыру үшін облыстық, аудандық (облыстық маңызы бар қала) бюджетте бекітілген мөлшерде жергілікті бюджеттен қаржыландырылатын жыл сайынғы сомалары бар бюджеттік кіші бағдарламаларды міндетті түрде көрсетуді қамтамасыз етеді.";

      184-тармақтың екінші бөлігі мынадай редакцияда жазылсын:

      "Осы Рәсімдердің 185, 186, 187, 188, 189, 190, 191, 192, 193, 194, 195, 196, 197, 198, 199, 199-1, 200 және 201-тармақтарында көрсетiлген ерекшелiктер мен шығыстардың экономикалық сыныптамасының ерекшелiктерi бойынша шығыстар түрлерiн қоспағанда, шығыстардың экономикалық сыныптамасының көрсетiлген тiзбеге енбейтiн ерекшелiктерi бойынша аванстық (алдын ала) төлемге ағымдағы қаржы жылына жасалған шарт сомасының отыз пайызынан аспайтын мөлшерде рұқсат етiледi.";

      186-тармақтың бірінші бөлігінің 2) тармақшасы мынадай редакцияда жазылсын:

      "2) әскери мақсаттағы жаңа объектілерді салуға және қолданыстағы бар объектілерді реконструкциялауға жұмсалатын шығындарға ақы төлеу үшін ағымдағы қаржы жылына арналған шарт сомасының;";

      199-тармақ мынадай редакцияда жазылсын:

      "199. Тауарлардың, жұмыстардың, көрсетілетін қызметтердің баға ұсыныстарын сұрату тәсілімен электрондық мемлекеттік сатып алуды жүргізу қорытындысы бойынша азаматтық-құқықтық мәмілелерді жасасу кезінде аванстық (алдын ала) төлемге рұқсат етілмейді.";

      мынадай мазмұндағы 199-1-тармақпен толықтырылсын:

      "199-1. Қазақстандық тауар өндірушілер тізіліміндегі өнім берушілерге аванстық (алдын ала) төлем тиісті бюджеттердің қолма-қол ақшаны бақылау шоттарында қаражат болған кезде, Қазақстан Республикасы Қаржы министрінің 2024 жылғы 9 қазандағы № 687 бұйрығымен бекітілген (Нормативтік құқықтық актілерді мемлекеттік тіркеу тізілімінде № 35238 болып тіркелген) Мемлекеттік сатып алуды жүзеге асыру қағидаларында белгіленген мөлшерде жүзеге асырылады.";

      209-тармақ мынадай редакцияда жазылсын:

      "209. Мемлекеттік мекеме азаматтық-құқықтық мәмілені тіркеу үшін өтінімдерді қағаз жеткізгіште жүргізу кезінде мемлекеттік қазынашылық органдарына осы Рәсімдерге 77-қосымшаға сәйкес нысан бойынша мемлекеттік мекеменің азаматтық-құқықтық мәмілесін тіркеуге өтінімдер тізілімін және шарттың (қосымша келісімнің) түпнұсқасы мен көшірмесін қоса бере отырып, екі данада азаматтық-құқықтық мәмілені тіркеуге өтінімді ұсынады, бұл ретте тізілімнің, азаматтық-құқықтық мәмілені тіркеуге өтінімнің бір данасы және тіркелген шарттың (қосымша келісімнің) қағаз жеткізгіштегі көшірмесі мемлекеттік қазынашылық органында қалады.

      Азаматтық-құқықтық мәмілені тіркеу үшін өтінімдер "Қазынашылық-клиент" ақпараттық жүйесі арқылы берілген кезде өтінімдер тізілімдері ұсынылмайды.

      Ғимараттарды, құрылысжайларды, жолдарды салуға не реконструкциялауға, үй-жайларды, құрылысжайларды, жолдарды және басқа да объектілерді күрделі жөндеуге байланысты шартты немесе қосымша келісімді (Қазақстан Республикасы Ұлттық экономика министрінің 2014 жылғы 5 желтоқсандағы № 129 бұйрығымен (Нормативтік құқықтық актілерді мемлекеттік тіркеу тізілімінде № 9938 болып тіркелген) бекітілген Мемлекеттік инвестициялық жобаның инвестициялық ұсынысын әзірлеу немесе түзету, оған қажетті сараптамаларды жүргізу, сондай-ақ бюджеттік инвестицияларды жоспарлау, қарау, іріктеу, іске асырылуын мониторингілеу және бағалау және бюджеттік кредиттеудiң орындылығын айқындау қағидаларында (бұдан әрі – № 129 қағидалар) белгіленген тәртіппен сараптамадан өткен техникалық-экономикалық негіздемені немесе жобалалау-сметалық құжаттаманы түзету нәтижесінде мемлекеттік сатып алу туралы шарттың сомасы ұлғайған жағдайда) тіркеу үшін мемлекеттік мекеме, Қазақстан Республикасының сәулет, қала құрылысы және құрылыс қызметі туралы заңнамасында көзделген жағдайларды қоспағанда, мынадай құжаттардың бірінің: жобалау (жобалау-сметалық) құжаттамасын дайындау құны шарттың құнына енген жағдайда жобалау-сметалық құжаттамасы бойынша ведомстводан тыс кешенді сараптаманың оң қорытындысының немесе техникалық-экономикалық негіздемесі бойынша ведомстводан тыс кешенді сараптаманың оң қорытындысының, сондай-ақ Республикалық бюджет комиссиясының оң қорытындысы болған кезде жобалау-сметалық құжаттаманы немесе техникалық-экономикалық негіздемені түзетуді талап етпейтін бюджеттік инвестициялық жобалар бойынша шарттардың көшірмесін міндетті түрде қоса бере отырып, азаматтық-құқықтық мәмілені тіркеуге өтінімді қағаз жеткізгіште ұсынады. Оған қоса: Қазақстан Республикасы Ұлттық экономика министрінің 2015 жылғы 2 сәуірдегі № 304 бұйрығымен (Нормативтік құқықтық актілерді мемлекеттік тіркеу тізілімінде № 10632 болып тіркелген) бекітілген Бюджет қаражаты және мемлекеттік инвестициялардың өзге де нысандары есебінен объектілерді салуға арналған жобаларды (техникалық-экономикалық негіздемелерді және жобалау-сметалық құжаттаманы) бекіту қағидаларында (бұдан әрі – № 304 қағидалар) белгіленген тәртіппен техникалық-экономикалық негіздемені немесе жобалау-сметалық құжаттаманы бекіту/қайта бекіту туралы бұйрықтың көшірмесі. Бұл ретте, осы тармақтың үшінші бөлігінде көзделген құжаттарды ұсыну техникалық-экономикалық негіздеменің немесе жобалау-сметалық құжаттаманың қолданылу кезеңінде жүзеге асырылады.

      Астанада жылу электр орталықтарын салуға бағытталған инвестициялық жобаларды іске асыру шеңберінде жасалған шарттарды (қосымша келісімді) тіркеу үшін, азаматтық-құқықтық мәмілені тіркеуге арналған өтінімге аванстық (алдын ала) төлем көзделген сатып алынатын күрделі энергетикалық жабдықтың құны туралы мәліметтерді көрсете отырып, қосымша түсіндірме жазба қоса беріледі.

      "Қазынашылық-клиент" ақпараттық жүйесі бойынша қызмет көрсету кезінде мемлекеттік мекеме басшысының және бас бухгалтерінің электрондық цифрлық қолтаңбасымен қол қойылған, осы тармақта санамаланған құжаттардың түпнұсқасынан құжаттардың сканерленген түрлерін тіркей отырып, өтінімнің электрондық түрі қалыптастырылады.

      Қазақстан Республикасының мемлекеттік сатып алу туралы заңнамасының талаптарына сәйкес жасалуы мемлекеттік сатып алу веб-порталы арқылы көзделген тауарларды (жұмыстарды, көрсетілетін қызметтерді) сатып алуға арналған шарттарға азаматтық-құқықтық мәмілені тіркеуге арналған өтінім мемлекеттік қазынашылық органдарына "Электрондық мемлекеттік сатып алу" автоматтандырылған интеграцияланған ақпараттық жүйеден мемлекеттік сатып алу туралы шарттың (қосымша келісімнің) деректерін беру жолымен "Қазынашылық-клиент" ақпараттық жүйесі арқылы ұсынылады.

      Ғимараттарды, құрылыстарды, жолдарды салуға не реконструкциялауға, үй-жайларды, құрылыстарды, жолдарды және басқа да объектілерді күрделі жөндеуге байланысты "Электрондық мемлекеттік сатып алу" автоматтандырылған интеграцияланған ақпараттық жүйесінде жасалған шартты немесе қосымша келісімді (№ 129 қағидаларда белгіленген тәртіппен сараптамадан өткен техникалық-экономикалық негіздемені немесе жобалау-сметалық құжаттаманы түзету нәтижесінде мемлекеттік сатып алу туралы шарттың сомасы ұлғайған жағдайда) тіркеу үшін мемлекеттік мекеме "Қазынашылық-клиент" ақпараттық жүйесі арқылы мемлекеттік қазынашылық органына, Қазақстан Республикасының сәулет, қала құрылысы және құрылыс қызметі туралы заңнамасында көзделген жағдайларды қоспағанда, мынадай құжаттардың бірінің: жобалау (жобалау-сметалық) құжаттамасын дайындау құны шарттың құнына енген объектілердің жобалау-сметалық құжаттамасы бойынша ведомстводан тыс кешенді сараптаманың оң қорытындысының немесе техникалық-экономикалық негіздемесі бойынша ведомстводан тыс кешенді сараптаманың оң қорытындысының, сондай-ақ Республикалық бюджет комиссиясының оң қорытындысы болған кезде жобалау-сметалық құжаттаманы немесе техникалық-экономикалық негіздемені түзетуді талап етпейтін бюджеттік инвестициялық жобалар бойынша шарттардың түпнұсқасынан сканерленген үлгіні қоса бере отырып, "Электрондық мемлекеттік сатып алу" автоматтандырылған интеграцияланған ақпараттық жүйесінен мемлекеттік сатып алу туралы шарттың деректерін беру жолымен азаматтық-құқықтық мәмілені тіркеуге өтінімді береді. Оған қоса: № 304 қағидаларға сәйкес техникалық-экономикалық негіздемені немесе жобалау-сметалық құжаттаманы бекіту/қайта бекіту туралы бұйрықтың түпнұсқасынан сканерленген үлгі. Бұл ретте, осы тармақтың жетінші бөлігінде көзделген құжаттарды ұсыну техникалық-экономикалық негіздеменің немесе жобалау-сметалық құжаттаманың қолданылу кезеңінде жүзеге асырылады.

      Бұл ретте, Түркістан қаласында объектілер салу бойынша, сондай-ақ коронавирустық инфекцияға қарсы иммунобиологиялық препараттар шығару бойынша биофармацевтикалық зауыт салу бойынша "Электрондық мемлекеттік сатып алу" автоматтандырылған интеграцияланған ақпараттық жүйесінде жасалған шарттарды тіркеу жобалау-сметалық құжаттама бойынша ведомстводан тыс кешенді сараптаманың оң қорытындысын немесе техникалық-сметалық құжаттама бойынша ведомстводан тыс кешенді сараптаманың оң қорытындысын кезең-кезеңімен алу негізінде экономикалық негіздеме, жобалау-сметалық құжаттама бойынша ведомстводан тыс кешенді сараптаманың түпкілікті оң қорытындысын немесе құрылыс объектілерінің техникалық-экономикалық негіздемесі бойынша ведомстводан тыс кешенді сараптаманың оң қорытындысын алған кезде шарттардың жалпы құнын кейіннен түзете отырыпжүзеге асырылады.

      Жобалау-сметалық құжаттама бойынша ведомстводан тыс кешенді сараптаманың оң қорытындысынан немесе техникалық-экономикалық негіздеме бойынша ведомстводан тыс кешенді сараптаманың оң қорытындысынан, № 304 қағидаларға сәйкес техникалық-экономикалық негіздемені немесе жобалау-сметалық құжаттаманы бекіту/қайта бекіту туралы бұйрық және міндеттемені тіркеу туралы хабарламалардың нөмірлері мен күндері, шарт талаптарының өзгеру себебі және шарт сомасы көрсетілетін мемлекеттік мекеменің түсіндірме жазбасы (қосымша келісім тіркелген жағдайда) (өзгерген жағдайда) басқа "Электрондық мемлекеттік сатып алу" автоматтандырылған интеграцияланған ақпараттық жүйесі арқылы келіп түскен азаматтық-құқықтық мәмілені тіркеуге арналған өтінімдерге осы тармақта аталған құжаттардың түпнұсқасынан сканерленген бейнелерді бекіту талап етілмейді.

      Мемлекеттік сатып алу веб-порталы арқылы мемлекеттік сатып алу туралы шарт жасасу жөніндегі талаптар қолданылмайтын мемлекеттік-жекешелік әріптестік шарттары (қосымша келісімдері) бойынша міндеттемелерді қабылдау үшін мемлекеттік мекеме азаматтық-құқықтық мәмілені тіркеуге арналған өтінімге мемлекеттік-жекешелік әріптестік шартын/қосымша келісімін тіркеу туралы куәліктің көшірмесі (сканерленген бейнесі) ұсынады.

      Мемлекеттік мекеме шарт жасасқан немесе Қазақстан Республикасы Үкіметінің жергілікті атқарушы органдардың, аудандық маңызы бар қала, ауыл, кент, ауылдық округ әкімдерінің шешімдеріне сәйкес міндеттеме қабылдаған кезде мемлекеттік мекеме мемлекеттік қазынашылық органдарына Қазақстан Республикасы Үкіметінің (жергілікті атқарушы органдардың, аудандық маңызы бар қала, ауыл, кент, ауылдық округ әкімдерінің) тиісті шешімдерінің көшірмелерін (мемлекеттік мекеменің уәкілетті тұлғасы электрондық цифрлық қолтаңбасымен қол қойған сканерленген түрлерін тіркейді) қосымша ұсынады.";

      217-тармақтың бесінші бөлігі мынадай редакцияда жазылсын:

      "Бұл ретте мемлекеттік мекеменің өтінімдер беруі негізгі шарт бойынша түпкілікті төлем жүргізілгенге дейін жүзеге асырылады.";

      218-тармақтың 13) және 14) тармақшалары мынадай редакцияда жазылсын:

      "13) ғимараттарды, құрылысжайларды, жолдарды салуға не реконструкциялауға, үй-жайларды, құрылысжайларды, жолдарды және басқа да объектілерді күрделі жөндеуге байланысты шарт сомасының жобалау-сметалық құжаттама бойынша ведомстводан тыс кешенді сараптаманың оң қорытындысында немесе техникалық-экономикалық негіздеме бойынша ведомстводан тыс кешенді сараптаманың оң қорытындысында көзделген сомасынан асып түспеуі;

      14) ғимараттарды, құрылысжайларды, жолдарды салуға не реконструкциялауға, үй-жайларды, құрылыстарды, жолдарды және басқа да объектілерді күрделі жөндеуге байланысты шарт бойынша жобалау-сметалық құжаттама бойынша ведомстводан тыс кешенді сараптаманың оң қорытындысы немесе олардың қолданылу мерзімі кезеңінде техникалық-экономикалық негіздеме бойынша ведомстводан тыс кешенді сараптаманың оң қорытындысы көшірмесінің немесе сканерленген түрінің ұсынылуы;";

      6-тараудың 7-параграфының тақырыбы мынадай редакцияда жазылсын:

      "7-параграф. Ұлттық және шетел валюталарында төлемдер мен ақша аударымдарын жүзеге асыру тәртібі";

      228-тармақтың төртінші бөлігі мынадай редакцияда жазылсын:

      "Республикалық бюджеттің қолма-қол ақшаны бақылау шотында ақша жеткіліксіз болған жағдайда, мемлекеттік қазынашылық органы бірінші кезекте бюджет шығыстарының басым бағыттары бойынша төлемдерді Қазақстан Республикасы Үкіметінің борыштық міндеттемелерін өтеу және оларға қызмет көрсету жөніндегі төлемдерді, зейнетақыларды, жәрдемақыларды және басқа да әлеуметтік төлемдерді, жалақыны және басқа да ақшалай төлемдерді, оның ішінде штаттан тыс техникалық персоналдың жалақысын және жалақыдан барлық ұстап қалуларды, Қазақстан Республикасының заңнамалық актілерінде көзделген ақшалай өтемақыларды, алименттерді, міндетті зейнетақы жарналарын, жұмыс берушілердің міндетті зейнетақы жарналарын, кәсіптік және ерікті зейнетақы жарналарын, әлеуметтік аударымдарды, міндетті әлеуметтік медициналық сақтандыруға аударымдарды және (немесе) жарналарды, тұрғын үй төлемдерін, жеке тұлғаларға трансферттерді, стипендияларды, банк қызметтеріне ақы төлеуді, бюджеттік субвенцияларды, салық мен бюджетке төленетін басқа да міндетті төлемдерді жүргізеді.";

      230-тармақтың бірінші бөлігінің 8), 9) және 10) тармақшалары мынадай редакцияда жазылсын:

      "8) Мемлекеттік қазынашылық органына тауарларды сатып алу не жеткізу кезінде – шот-фактураны немесе лизингтік төлемдерді өтеу кестесін (тауарды лизингке сатып алған жағдайда), жұмыстарды немесе көрсетілетін қызметтерді орындау кезінде – орындалған жұмыстардың немесе актілер жасалмайтын көрсетілетін қызметтерді қоспағанда, көрсетілген қызметтердің актісін (бұдан әрі – растаушы құжаттар), тіркелген азаматтық-құқықтық мәміле бойынша аванстық төлемнің сомасын қоспағанда, төлем жүргізген кезде беруді. Көрсетілген құжаттарға өнім берушінің электрондық цифрлық қолтаңбасымен қол қойылады. Бұл ретте, осы Рәсімдердің 2-тармағына сәйкес қағаз жеткізгіште ұсынылатын құжаттардың көшірмелері орталық атқарушы органның аппарат басшысының (белгіленген тәртіппен орталық атқарушы органның аппарат басшысының өкілеттігі жүктелген лауазымды адамның) немесе ол уәкілеттік берген адамның, ал ондайлар болмаған жағдайда – мемлекеттік мекеме басшысының немесе ол уәкілеттік берген адамның қолымен және мемлекеттік мекеменің елтаңбалы мөр бедерімен куәландырылады;

      9) Салық кодексінің талаптарына сәйкес жазылған электрондық шот-фактураны алған кезде "Электрондық шот-фактура" ақпараттық жүйесінен "Қазынашылық-клиент" ақпараттық жүйесіне интеграциялау арқылы төлем шотын қалыптастыру;

      10) жобалау (жобалау-сметалық) құжаттамасын дайындау құны шарт құнына енгізілген ғимараттарды, құрылысжайларды, жолдарды салуға не реконструкциялауға, үй-жайларды, ғимараттарды, құрылысжайларды, жолдарды және басқа да объектілерді күрделі жөндеуге байланысты шығыстар бойынша аванстық төлемнен кейінгі төлем жүргізу кезінде жобалау-сметалық құжаттама бойынша ведомстводан тыс кешенді сараптаманың оң қорытындысының немесе техникалық-экономикалық негіздеме бойынша ведомстводан тыс кешенді сараптаманың оң қорытындысының көшірмесін немесе сканерленген түрін ұсынуды;";

      234-тармақтың үшінші бөлігінің 2) тармақшасы мынадай редакцияда жазылсын:

      "2) жеке тұлға үшін:

      дара кәсіпкер ретінде қызметті бастағаны туралы хабарламаның немесе жеке нотариус, адвокат, жеке сот орындаушысы ретінде қызметпен айналысу құқығына уәкілетті орган берген лицензияның көшірмесін. Осы құжаттардың көшірмелері "электрондық үкімет" веб-порталында және/немесе "Е-лицензиялау" веб-порталында қалыптастырылған хабарлама арқылы ұсынылады;

      нөмірін көрсете отырып, банктік шотының бар екендігі туралы банктің анықтамасын;";

      236-тармақ мынадай редакцияда жазылсын:

      "236. Қолма-қол ақшаның тиiстi бақылау шоттарында төлеуге берiлетiн шоттарды орындау үшiн ақша болмаған не жеткiлiксiз болған жағдайларды қоспағанда, сағат 16.00 (он алты) дейін түскен қағаз тасығыштағы төлеуге берiлетiн шот орындалады не орындалмай оны мемлекеттік қазынашылық органы қабылдаған күннен кейiнгi күннен бастап екі жұмыс күнi iшiнде қайтарылады.

      Мемлекеттік қазынашылық органына мемлекеттік мекемелерден сағат 16.00 (он алты) кейін қағаз тасығышта түскен төлеуге берілетін шоттар келесі жұмыс күні түскен болып саналады.

      "Қазынашылық-клиент" ақпараттық жүйесі бойынша түскен төлеуге берілетін шот орындалады не орындалмастан келесі жұмыс күнінен кешіктірілмей қайтарылады.

      Қағаз тасығыштағы төлеуге берiлетiн шот және "Қазынашылық-клиент" ақпараттық жүйесі бойынша электрондық түрде түскен төлеуге берiлетiн шот:

      1) төлеуге берiлетiн шоттың нысаны мен мазмұны бойынша осы Рәсімдерде белгiленген талаптарға сәйкес келмеген;

      2) растайтын және осы Рәсімдерде көзделген өзге құжаттардың мазмұны бойынша осы Рәсімдерде белгіленген талаптарға сәйкес келмеген;

      3) мемлекеттік мекеменің ағымдағы шотын (корпоративтік төлем карточкасын) толықтыру үшін сомаларды аудару бойынша шектеуді арттырған;

      4) ұсынылған МТ-002, МТ-003, МТ-004, МТ-005, МТ-007 төлемдер форматтарындағы электрондық хабарлама деректері төлеуге берілетін шоттың мынадай – деректеріне сәйкес болмаған:

      атауларының толық және қысқартылып көрсетілуіне байланысты алшақтықтарды қоспағанда, мемлекеттік мекеменің атауы мен ақша алушының атауы;

      төлеуге берілетін шоттың сомасы мен МТ-002, МТ-003, МТ-004, МТ-005, МТ-007 төлемдер форматтарындағы электрондық хабарламаларының жалпы сомасы;

      төлемнің мақсатында көрсетілген шығыстардың бағыты;

      5) түзетулермен, оның iшiнде қолмен түзетiлiп ұсынылған;

      6) осы Рәсімдерде көзделген растау құжаттары, оның iшiнде электрондық тасығыштарда қосымшасыз немесе мемлекеттік мекеме басшысының немесе уәкілеттік берілген адамның қолымен және мемлекеттік мекеменің елтаңбалы мөр бедерімен куәландырылмаған қосымшамен (сканерленген түрі тіркелмеген немесе мемлекеттік мекеме басшысының және бас бухгалтерінің электрондық цифрлық қолтаңбасымен қойылмаған сканерленген түрі тіркелген) ұсынылған;

      7) талап етiлген жолдарда қойылған қолдар және (немесе) мөр бедерi болмаған;

      8) қойылған қолдар және (немесе) мөр бедерi қойылған қолдардың және мөр бедерiнiң үлгiсi бар құжатқа сәйкес келмеген;

      9) құжаттың барлық даналарындағы талап етiлген жолдарда мөр бедерi дәл (анық) қойылмаған;

      10) санмен көрсетiлген сома жазылған сомаға сәйкес келмеген;

      11) төлеуге берiлетiн шоттарда көрсетiлген, бағдарламалық тексеруге жататын деректер қазынашылықтың бiрiктiрiлген ақпараттық жүйесіне енгiзiлген деректерге сәйкес келмеген;

      12) төлемнің мақсаты Шығыстардың экономикалық сыныптамасы ерекшелiгiнiң құрылымына сәйкес шығыстардың бағытына, бюджет түсiмдерiнiң сыныптамасына сәйкес келмеген;

      13) банктік деректемелерді қоспағанда, төлеуге берiлетiн шоттар деректемелерi төлеуге берiлетiн шоттарға қоса берiлген (осы Рәсімдерде белгiленген жағдайларда құжаттар қоса берiлген (сканерленген түрi жапсырылған) кезде) растайтын құжаттардың деректемелерiне сәйкес келмеген;

      14) төлем сомасы қаржыландырудың жеке жоспарының тиiстi кезеңдегi (өспелi қорытындылармен) төлемдерi бойынша пайдаланылмаған қалдығы сомасынан асып кеткен, сондай-ақ төлем сомасы растайтын құжаттардың сомасынан асып кеткен;

      15) аванстық төлем пайызы осы Рәсімдерде көзделген мөлшерiнен асып кеткен;

      16) төлеуге берiлетiн шоттың бiрiншi данасының деректемелерi төлеуге берiлетiн шоттың екiншi данасының деректемелерiне сәйкес келмеген;

      17) төлеуге берiлетiн шоттың қолданылу мерзiмiнен асатын мерзiмде ұсынылған;

      18) ұсынылған төлеуге берiлетiн шоттар саны төлеуге берiлетiн шоттар тiзiлiмiнде көрсетiлген санға сәйкес келмеген;

      19) осы Рәсімдерге 140, 141, 142, 143 және 144-қосымшаларына сәйкес төлем форматындағы қателерді анықтау;

      20) сот актілерін орындау жөніндегі мемлекеттік мекемелер ақшаны уақытша орналастыру шотынан төлемдер жүргізген кезде төлеуге берілетін шоттарымен берілетін сот актілерінің төлеуге берілетін шотының деректеріне сәйкес келмеген;

      21) тіркелген азаматтық-құқықтық мәміле бойынша төлеуге берілген шоттың электронды түрі қате таңдалған (төлеуге берілетін шоттың шартты тіркеу туралы хабарламамен келісілмеуі);

      22) бюджетті атқару жөніндегі орталық уәкілетті орган белгілеген шығыстардың экономикалық сыныптамасы ерекшеліктерінің, оның ішінде жасалған азаматтық-құқықтық мәмілелерді тіркеу міндетті болып табылатын шығыстар түрлерінің тізбесіне сәйкес жасалған азаматтық-құқықтық мәмілелерді тіркеу міндетті болып табылатын шығыстардың экономикалық сыныптамасы ерекшеліктері бойынша азаматтық-құқықтық мәміле тіркелмеген төлемдер мен ақша аударымдарын ақша алушының пайдасына жүзеге асыруға төлеуге берілетін шотты ұсынған;

      23) осы рәсімдердің 251-тармағының төртінші бөлігінде көзделген жағдайды қоспағанда, электрондық шот-фактураларды "Электрондық шот-фактура" ақпараттық жүйесімен интеграциясыз ұсыну;

      24) ағымдағы қаржы жылында аванстық төлемдер жүргізу кезінде өткен жылдардың өтелмеген авансының болған жағдайларда мемлекеттік мекемеге орындаусыз қайтарылады (қабылданбайды).

      Мемлекеттік қазынашылық органы төлемдер мен ақша аударымдарын жүргізу кезінде жоғарыда аталған жағдайларға сәйкестігіне және қосымша бұрын төленген авансты пропорционалды ұстап қалуға және мемлекеттік мекеменің азаматтық-құқықтық мәмілесін тіркеуге арналған өтінімдерде көзделген шарт сомасының 5 (бес) пайызы мөлшерінде кепілдік жарнаны ұстап қалуға ағымдағы бақылауды осы Рәсімдерге 78, 79, 80 және 81-қосымшаларға сәйкес жүзеге асырады.

      "Қазынашылық-клиент" ақпараттық жүйесі бойынша электрондық түрде келіп түскен төлеуге берілетін шоттағы деректердің қабылдау және одан әрі өңдеу кезеңінде осы Рәсімдердің және Пайдаланушының нұсқаулығының талаптарына сәйкессіздігі анықталған кезде, төлеуге берілетін шот осы Рәсімдердің тиісті тармақтарына және Пайдаланушының нұсқаулығына сілтеме жасап, қабылдамау себебін көрсете отырып, электрондық түрде мемлекеттік мекемеге қайтарылады.

      Қабылдау кезеңінде қағаз тасығыштағы төлеуге берілетін шотта осы рәсімдердің талаптарына сәйкессіздік анықталған кезде хат ресімделместен, төлеуге берілетін шоттардың тізілімінің бірінші данасында мемлекеттік мекеменің уәкілетті тұлғасының қолымен қайтару туралы белгі қойыла отырып, екінші данада – мемлекеттік қазынашылық органының жауапты орындаушысының қолымен қайтарылады. Қабылданғаннан кейін тексеру барысында сәйкессіздік анықталған кезде төлеуге берілетін шот мемлекеттік қазынашылық органы басшысының немесе ол уәкілеттік берген тұлғаның қолымен жазбаша негіздеме бере отырып қайтарылады.

      Құпия.";

      238-тармақтың бірінші бөлігінде:

      5) тармақшасы мынадай редакцияда жазылсын:

      "5) "Қаржыландыру көзі" жолында қаражат есебінен төлем және ақша аудару жүзеге асырылатын қаржыландыру көзінің түрін білдіретін таңба көрсетіледі:

      1 – үкіметтік сыртқы қарыздар немесе байланысты гранттар бойынша қоса қаржыландыру қаражатын қоспағанда, бюджет қаражаты есебінен;

      2 – үкіметтік сыртқы қарыздар немесе байланысты гранттар бойынша қоса қаржыландыру қаражаты есебінен;

      3 – мемлекеттік мекемелердің тауарларды (жұмыстарды, көрсетілетін қызметтерді) өткізуінен түскен ақша есебінен;

      4 – қайырымдылық көмектен түскен ақша есебінен;

      5 – жеке және (немесе) заңды тұлғалар мемлекеттік мекемеге қайтару шарттарында беретін ақша есебінен;

      8 – ерекше шығыстар есебінен;

      S – Арнаулы мемлекеттік қор қаражаты есебінен;";

      20) тармақшасы мынадай редакцияда жазылсын:

      "20) "Төлемнің мақсаты" ашық жолағында төлемнің мақсаты, растайтын құжаттың атауы, нөмірі мен күні (тауарларды жеткізу туралы шот-фактуралар немесе орындалған жұмыстардың, көрсетілген қызметтердің актісі немесе осының негізінде тауарларды (жұмыстарды, қызметтерді) сатып алу жүзеге асырылатын Қазақстан Республикасының заңнамасында белгіленген өзге құжат) көрсетіледі. Бұл ретте растайтын құжаттың күні төлем шотын қалыптастыру күнінен кеш болмауы тиіс.

      Және қосымша:

      тіркелген шарттар (қосымша келісімдер) жөніндегі төлеуге берілетін шоттар бойынша - хабарламаның нөмірі мен күні;

      жасалған шартқа (хабарламаға) сәйкес сатып алынатын тауарлардың, жұмыстардың, көрсетілетін қызметтердің атауы;

      сот актілерін орындау бойынша ақшаны қайтару/аудару бойынша төлемге берілетін шоттар бойынша қолма-қол ақшаны бақылау шотынан ақшаны уақытша орналастыру - ақшаны алу үшін түскен сомаларды растайтын факті, сот шешімінің не сот актілерінің негізінде берілген атқарушылық парақтың, сот бұйрығының нөмірі мен күні.

      Медициналық-әлеуметтік мекемелердің (ұйымдардың) қолма-қол ақшаны бақылау шотынан ақшаны уақытша орналастыру шотынан ақшаны алу үшін төлеу шотын ұсыну кезінде комиссия шешімінің нөмірі мен күні, құжаттардың нөмірі мен күні (шот-фактуралар немесе тауарларды жеткізу туралы жүкқұжат (акт) немесе орындалған жұмыстардың, көрсетілген қызметтердің актісі немесе оның негізінде тауарларды сатып алу, жұмыстарды орындау, қызметтерді көрсету жүзеге асырылатын Қазақстан Республикасының заңнамасында белгіленген басқа құжат).

      "Бірыңғай сатып алу платформасы", "Электрондық шот-фактура" және "Қазынашылық-клиент" ақпараттық жүйелерін интеграциялау арқылы автоматты түрде қалыптастырылған төлеуге берілетін шотты алған жағдайда, "Төлем мақсаты" жолында электрондық шот-фактурадан төлемнің мақсаты автоматты түрде көрсетіледі, бұл ретте хабарламаның нөмірі, күні және растайтын құжаттың нөмірі, күні көрсетілмейді;";

      240-тармақ мынадай редакцияда жазылсын:

      "240. Аванстық (алдын ала) төлем жүргізу үшін "Төлемнің мақсаты" жолында: Аванстық (алдын ала) төлем "___"___________ №_____шарт сомасының ______пайызы мөлшерінде, хабарламаның күні және №_____" деген мәтін қосымша көрсетіледі.

      Республикалық немесе коммуналдық меншіктегі мемлекеттік кәсіпорындарды қаржыландыру жөніндегі шығыстарды жүзеге асырған кезде аванстық (алдын ала) төлем жүргізу үшін "Төлемнің мақсаты" жолында: "Аванстық (алдын ала) төлем ағымдағы қаржы жылына осы мақсаттарға көзделген "___"___________ №_____шарт сомасының ______пайызы мөлшерінде" деген мәтін қосымша көрсетіледі.";

      251-тармақ мынадай редакцияда жазылсын:

      "251. Мемлекеттік қазынашылық органында тіркелген шарттың талаптарына сәйкес төлемдерді жүргізу үшін мемлекеттік мекеме қағаз жеткізгіште төлем шоттарының тізілімін, төлем шоттарын және:

      тауарларды сатып алу не жеткізу кезінде – шот-фактура немесе лизингтік төлемдерді өтеу кестесінің көшірмесі (тауарды лизингке сатып алған жағдайда), жұмыстарды орындау немесе қызметтер көрсету кезінде – орындалған жұмыстардың немесе көрсетілген қызметтердің актісі, сондай-ақ ғимараттарды, құрылыстарды, жолдарды салуға не реконструкциялауға, үй-жайларды, ғимараттарды, құрылыстарды, жолдарды және жобалық (жобалау-сметалық) құжаттаманы дайындау құны шарт құнына енгізілген басқа да объектілерді күрделі жөндеуге байланысты шығыстар бойынша қосымша ведомстводан тыс кешенді сараптаманың оң қорытындысын ұсынады жобалау-сметалық құжаттама немесе төлем жүргізу кезінде техникалық-экономикалық негіздеме бойынша ведомстводан тыс кешенді сараптаманың оң қорытындысы, келесі аванстық;

      осы Рәсімдерге 95-қосымшасына сәйкес нысан бойынша ұлттық валютада қоса қаржыландыру қаражатын немесе байланысты гранттарды жұмсаған кезде үкіметтік сыртқы қарыздар немесе байланысты гранттар бойынша қоса қаржыландыру қаражатын алуға арналған өтінім.

      Алдын ала (аванстық) төлемді қоспағанда, төлемді қағаз жеткізгіште жүргізген кезде тіркелген азаматтық-құқықтық мәміле бойынша төлем шотына орталық атқарушы орган аппараты басшысының (белгіленген тәртіппен орталық атқарушы орган аппараты басшысының өкілеттігі жүктелген лауазымды адамның) қолымен расталған, осы тармақтың бірінші бөлігінде санамаланған растайтын құжаттардың көшірмелері қоса беріледі немесе оған уәкілеттік берілген, ал ондайлар болмаған жағдайларда ‒ мемлекеттік мекеме басшысының немесе ол уәкілеттік берген адамның және мемлекеттік мекеменің елтаңбалы мөрінің бедерімен.

      Қазақстан Республикасының салық заңнамасына сәйкес электрондық шот-фактура жазылмайтын жағдайларды қоспағанда, "Қазынашылық-клиент" ақпараттық жүйесінде тіркелген шарттың талаптары бойынша төлем жүргізу кезінде растаушы құжат "Электрондық шот-фактура" ақпараттық жүйесінен "Қазынашылық-клиент" ақпараттық жүйесіне интеграцияланған және мемлекеттік мекеме басшысының және бас бухгалтерінің электрондық цифрлық қолтаңбасымен қол қойылған шот-фактураның электрондық бейнесі немесе Қазақстан Республикасының заңнамасында белгiленген өзге құжаттың түпнұсқасының сканерленген бейнесі болып табылады.

      Шот-фактураның нысаны, электрондық түрде жазып берілетін шот-фактураларды жазып беру, жіберу, қабылдау, тіркеу, өңдеу, беру және алу тәртібі, электрондық шот-фактураны куәландыру тәртібі, түзетілген, қосымша электрондық шот-фактураларды алуды растау ерекшеліктері, электрондық шот-фактураларды сақтау тәртібі Қазақстан Республикасының салық заңнамасымен реттеледі.

      Байқоңыр қаласының аумағында тіркелген заңды тұлғаның пайдасына "Қазынашылық-клиент" ақпараттық жүйесінде тіркелген шарттың талаптары бойынша төлем жүргізу кезінде шот-фактураның түпнұсқасынан сканерленген бейне растайтын құжат болып табылады.

      "Қазынашылық-клиент" ақпараттық жүйесінде тіркелген ғимараттарды, құрылыстарды, жолдарды салуға не реконструкциялауға, үй-жайларды, құрылыстарды, жолдарды және басқа да объектілерді күрделі жөндеуге байланысты Мемлекеттік сатып алу туралы шарттың талаптары бойынша төлем жүргізу кезінде мемлекеттік мекеме орындалған жұмыстар актісі негізінде төлем шотының электрондық бейнесін толтырады, қалыптастырылған және интеграцияланған Мемлекеттік сатып алу веб-порталы және басшының электрондық цифрлық қолтаңбасы қойылған, сондай-ақ шығыстар бойынша, жобалық (жобалау-сметалық) құжаттаманы дайындау құны шарт құнына енгізілген ғимараттарды, құрылыстарды, жолдарды салуға не реконструкциялауға, үй-жайларды, ғимараттарды, құрылыстарды, жолдарды және басқа да объектілерді күрделі жөндеуге байланысты жобалық-сметалық құжаттама бойынша техникалық-экономикалық негіздеме бойынша, аванстық төлемнен кейінгі төлемді жүргізу кезінде ведомстводан тыс кешенді сараптаманың оң қорытындысының немесе ведомстводан тыс кешенді сараптаманың оң қорытындысының сканерленген бейнесін қосымша ұсынады.

      Жеке тұлғалармен "Қазынашылық-клиент" ақпараттық жүйесінде тіркелген шарттың талаптарына сәйкес төлем жүргізу кезінде мемлекеттік мекеме осы тармақтың бірінші бөлігінде көрсетілген түпнұсқадан сканерленген құжаттарды немесе мемлекеттік мекеме басшысының және бас бухгалтерінің электрондық цифрлық қолтаңбасымен қол қойылған олардың электрондық бейнесін қамтитын, файлдарды қоса отырып, төлеуге берілетін шоттың электрондық бейнесін толтырады.

      "Қазынашылық-клиент" ақпараттық жүйесінде тіркелген шарттың талаптарына сәйкес шетел валютасында төлемдер жүргізу кезінде мемлекеттік мекеме осы тармақта көрсетілген құжаттарды қоса бере отырып, шетел валютасын айырбастауға арналған өтініммен төлеуге берілетін шоттың электрондық бейнесін қалыптастырады.";

      252-тармақ алынып тасталсын;

      255-тармақ мынадай редакцияда жазылсын:

      "255. Осы Рәсімдердің 246-тармағында көзделген шығыстарды қоспағанда, не мемлекеттік қазынашылық органында жасалған шарттарды тіркеу талап етілмейтін шығыстардың бюджеттік сыныптамасының кодтары бойынша шарттар жасаса отырып, шығыстардың түрлері бойынша төлемдер жүргізу үшін мемлекеттік мекеме қағаз жеткізгіште төлем шоттарының тізілімін, төлем шоттарын және:

      тауарларды сатып алу не жеткізу кезінде – шот-фактура немесе тауарларды жеткізу туралы жүкқұжат (акт), жұмыстарды орындау және қызметтер көрсету кезінде – актілер жасалмайтын қызметтерді қоспағанда, орындалған жұмыстардың немесе көрсетілген қызметтердің актісін немесе Қазақстан Республикасының заңнамасында белгіленген өзге құжат түрін;

      қолма-қол ақшаны және чекті алуға арналған өтінімді;

      сот мөрінің бедерімен расталған заң күшіне енген шешім не ұйғарым, не қаулы, не сот бұйрығын;

      инкассалық өкімді;

      осы Рәсімдерге 95-қосымшаға сәйкес нысан бойынша қоса қаржыландыру қаражатын немесе байланысқан гранттарды ұлттық валютада жұмсаған кезде үкiметтiк сыртқы қарыздар немесе байланысқан гранттар бойынша қоса қаржыландыру қаражатын алуға өтiнiмді ұсынады.

      Жасалған шарттарды тіркеу талап етілмейтін шығыстардың бюджеттік сыныптамасының кодтары бойынша "Қазынашылық-клиент" ақпараттық жүйесінде төлем жүргізу кезінде растаушы құжат – "Электрондық шот-фактура" ақпараттық жүйесінен "Қазынашылық-клиент" ақпараттық жүйесіне импортталған және мемлекеттік мекеменің басшысы мен бас бухгалтерінің электрондық цифрлық қолтаңбасымен қол қойылған шот-фактураның электрондық бейнесі немесе Қазақстан Республикасының заңнамасында белгіленген өзге құжаттың түпнұсқасынан сканерленген бейнесі болып табылады.

      Сатып алынуы бірнеше шығыстардың бюджеттік сыныптамасының коды бойынша жіктелетін тауарларды (жұмыстарды, қызметтерді) сатып алу кезінде тауарлардың (жұмыстардың, қызметтердің) бірнеше түрлеріне бір құжатты ресімдеген жағдайда төлеуге берілетін шотты жасау әрбір шығыстардың бюджеттік сыныптамасының коды бойынша жүзеге асырылады.

      Мемлекеттік мекеме тауарларды (жұмыстарды, көрсетілетін қызметтерді) шартты тіркеусіз сатып алуды жүзеге асыру үшін негіз болатын құжатта мынадай ақпараттың болуы міндетті:

      атына құжат ресімделген мемлекеттік мекеменің атауы (мемлекеттік қазынашылық органының және мемлекеттік мекеменің жұмысын қиындатпайтын ұйымдастыру-құқықтық нысанының атауын және мемлекеттік мекеменің атауын қысқартуға жол беріледі);

      ақша алушының, оның ішінде алушы банктің деректемелері;

      ағымдағы қаржы жылында жүзеге асырылуы тиіс ресімдеу күні (күн, ай, ағымдағы қаржы жылы);

      тауардың (жұмыстың, қызметтің) атауы, саны мен (қосылған құн салығының сомасын не қосылған құн салығының болмауын міндетті түрде көрсете отырып) сомасы;

      ақша алушының қолы мен мөр бедерінің болуы (олар болған кезде).";

      257-тармақтың бірінші бөлігі мынадай редакцияда жазылсын:

      "257. Медициналық-әлеуметтік мекемелерде (ұйымдарда) тұратын және толық мемлекеттік қамтамасыз етудегі адамдардың зейнетақы төлемдері мен жәрдемақыларын есепке жатқызуға арналған ақшаны уақытша орналастырудың қолма-қол ақшаны бақылау шоттарынан төлем жүргізу кезінде аванстық төлем сомасын қоспағанда, комиссия шешімінің көшірмесі, растайтын құжаттың (шот-фактуралар немесе жүкқұжат, тауарларды, көрсетілген қызметтерді жеткізу туралы акті немесе соның негізінде тауарларды сатып алу, жұмыстарды орындау, қызметтер көрсету жүзеге асырылатын Қазақстан Республикасының заңнамасында белгіленген басқа құжат) қағаз жеткізгіште ұсынылады.";

      260-тармақ мынадай редакцияда жазылсын:

      "260. Бюджеттік бағдарламалар әкімшісінің қаражатты квазимемлекеттік сектор субъектілеріне аударуы қаржылық-экономикалық негіздемеге немесе техника-экономикалық негіздемеге (жобалау-сметалық құжаттамаға) сәйкес төлемнің негізділігін растайтын құжаттардың, сондай-ақ Қазақстан Республикасының заңнамасында көзделген құжаттың өзге де түрінің негізінде, оларда ағымдағы қаржы жылына көрсетілген сома шегінде жүзеге асырылады.

      Жарғылық капиталында мемлекет қатысатын заңды тұлғалардың жарғылық капиталын арттыруға және заңды тұлғалардың жарияланған акцияларын төлеу үшiн олардың еншiлес ұйымдарының жарғылық капиталын арттыруға ақша аудару, бағалы қағаздар нарығын реттеудi және қадағалауды жүзеге асыратын мемлекеттiк органның тиiстi куәлiгiмен расталатын жарияланған акциялар (бағалы қағаздар) шығарылымын мемлекеттiк тiркегеннен кейiн бюджеттiк бағдарламалар әкiмшiсі тиісті қаржы жылына көзделген сома шегінде қаржы-экономикалық негіздемеге сәйкес жүзеге асырады.

      Бюджеттiк бағдарламалар әкiмшiсінiң заңды тұлғалардың жарияланған акцияларына ақы төлеуге берiлетiн шотты мемлекеттік қазынашылық органдарына жарияланған акциялардың (бағалы қағаздардың) шығарылымын мемлекеттiк тiркеусiз ұсынуға жол берiлмейдi. Бюджеттiк бағдарламалар әкiмшiсi заңды тұлғалардың жарияланған акцияларына ақы төлеуге берiлетiн шоттың негiздiлiгi мен заңдылығын қамтамасыз етедi.

      Жарияланған акцияларға (бағалы қағаздарға) ақы төлеу шотына ақша аударылғаннан кейiн заңды тұлға бағалы қағаздар нарығы туралы Қазақстан Республикасының заңнамасында белгiленген мерзiмде мемлекеттiк меншiкке иелiк ету жөнiндегi уәкiлеттi органның шотына төленген акцияларды есептеудi қамтамасыз етедi.

      Бюджеттiк инвестицияларды ұлттық холдингтердің және ұлттық басқарушы холдингiнiң жарғылық капиталында мемлекеттiң қатысуы арқылы жүзеге асырылған кезде, көрсетiлген заңды тұлғалардың акцияларының мемлекеттiк пакетiне иелiк ету және пайдалану құқығы жоқ бюджеттiк бағдарламалар әкiмшiлерi Қазақстан Республикасы Үкiметiнiң шешiмiне сәйкес ұлттық холдингтердiң және ұлттық басқарушы холдингi акцияларының эмисиясын төлей алады.

      Тегін медициналық көмектің кепілдік берілген көлемі шеңберінде көрсетілетін қызметтерге ақы төлеуге республикалық бюджеттен әлеуметтік медициналық сақтандыру қорына берілетін трансферт аударымын төлемдер бойынша жеке қаржыландыру жоспарының сомалары шегінде бюджеттік бағдарламаның әкімшісі жүзеге асырады.";

      314-тармақ мынадай редакцияда жазылсын:

      "314. Нысаналы трансферттерді аудару осы Рәсімдердің 313-тармағының бірінші абзацында көзделген нормаларды сақтай отырып, төмен тұрған жергілікті бюджеттен бюджеттік инвестицияларды кемінде отыз пайыз мөлшерінде қоса қаржыландыру жағдайында, сондай-ақ жоғары тұрған бюджеттің бюджеттік бағдарламаларының әкімшісі ұсынған төлеуге берілетін шот және растайтын құжат (шот-фактура немесе орындалған жұмыстардың актісі немесе салыстыру актісі) негізінде бұрын бөлінген және аударылған нысаналы трансферттерді толығымен игерумен жүргізіледі.

      Бюджеттік бағдарламалар әкімшісі нысаналы трансферттерді мемлекеттік қазынашылық органына аударуға төлеуге берілетін шотты беру негізділігі мен заңдылығын қамтамасыз етеді.

      Жоғары тұрған бюджеттен берілетін трансферттердің есебінен іске асырылатын жергілікті бюджеттік бағдарламалар бойынша төмен тұрған бюджет бағдарламалары әкімшілерінің шығыстары шығыстардың экономикалық сыныптамасының пайдаланылатын ерекшелігіне байланысты осы Рәсімдерде белгіленген тәртіппен жүзеге асырылады.";

      316-тармақ мынадай редакцияда жазылсын:

      "316. Мақсатқа сай пайдаланылмаған нысаналы трансферттер сомасы осы трансферттерді бөлген жоғары тұрған бюджетке мемлекеттік аудит және қаржылық бақылау органының актісіне қол қойылғаннан кейін үш айдан кешіктірілмей міндетті түрде қайтаруға жатады.

      Төмен тұрған бюджеттердiң ағымдағы жылдың нысаналы трансферттерi бойынша да, өткен жылдардың нысаналы трансферттерi бойынша да жоғары тұрған бюджеттен алынған нысаналы трансферттердiң мақсатқа сай пайдаланылмаған сомаларын өтеуді тиісті қаржы жылына арналған жергілікті бюджетті түзету кезінде аудандық маңызы бар қала, ауыл, кент, ауылдық округ әкімдері аппараттарымен тиісті жергілікті бюджеттің қаражаты есебінен жүзеге асырады.

      Бұл сомалар жоғары тұрған бюджет үшін нысаналы трансферттерді өтеу сомалары, ал төмен тұрған бюджет үшін – нысаналы трансферттерді өтеу жөніндегі шығыстардың сомалары болып табылады.

      Қаражат аударуды төмен тұрған бюджетті атқару жөніндегі уәкілетті орган, аудандық маңызы бар қала, ауыл, кент, ауылдық округ әкімдері аппараттарымен Қазақстан Республикасының Бірыңғай бюджеттік сыныптамасы бюджет шығыстары функционалдық сыныптамасының тиісті бюджеттік бағдарламасы бойынша төлеуге берілетін шот және мемлекеттік аудит және қаржылық бақылау органының ұсынымы негізінде жүргізеді.

      Бұл ретте төмен тұрған бюджетті атқару жөніндегі уәкілетті орган, аудандық маңызы бар қала, ауыл, кент, ауылдық округ әкімдері аппараттары мақсатқа сай пайдаланылмаған қаражатты әрбір қайтару бойынша төлеуге берілетін шоттың көшірмесін және мақсатқа сай пайдаланбауға жол берілген шығыстардың бюджеттік сыныптамасының кодтарын қамтитын негіздеме хаттың көшірмесін үш күндік мерзімде жоғары тұрған бюджетке жеткізеді.

      Квазимемлекеттік сектор субъектілеріне бөлінген, нысаналы мақсаты бойынша пайдаланылмаған бюджет қаражаты мемлекеттік аудит нәтижелері бойынша қабылданатын аудиторлық қорытындыға қол қойылғаннан кейін үш айдан кешіктірілмей тиісті бюджетке қайтарылуға жатады.";

      6-тараудың 22-параграфының тақырыбы мынадай редакцияда жазылсын:

      "Параграф 22. Құпиялылық белгісі бар міндеттемелерді қабылдау мен тіркеу және төлемдерді жүргізу, бюджетті атқару жөніндегі операцияларды есепке алуды жүзеге асыру рәсімдері";

      6-тарау мынадай мазмұндағы 23-параграфпен толықтырылсын:

      "23-параграф. "Құпия"";

      387-тармақтың 8) тармақшасы мынадай редакцияда жазылсын:

      "8) Салық кодексінің талаптарына сәйкес жазып берілген электрондық шот-фактураны алған кезде "Электрондық шот-фактура" ақпараттық жүйесінен "Қазынашылық-клиент" ақпараттық жүйесіне интеграциялау арқылы төлем тапсырмасын қалыптастыру;";

      392-тармақтың екінші бөлігі мынадай редакцияда жазылсын:

      "Қазынашылықтың интеграцияланған ақпараттық жүйесінде ақша алушының деректемелері болмаған және/немесе өзгерген кезде квазимемлекеттік сектор субъектісі, қаржылық қолдау операторы, дербес білім беру ұйымы, әлеуметтік медициналық сақтандыру қоры, мемлекеттік сатып алу саласындағы бірыңғай операторы қағаз жеткізгіште немесе "Қазынашылық-клиент" ақпараттық жүйесі бойынша осы Рәсімдерге 67-қосымшаға сәйкес ақша алушылардың анықтамалығына ақша алушының деректемелеріне өзгерістер енгізуге өтінім береді.";

      397-тармақ мынадай редакцияда жазылсын:

      "397. Төлемдер мен ақша аударымдарын жүргізу үшін квазимемлекеттік сектор субъектісі мемлекеттік қазынашылық органына:

      1) жарғылық капиталды ұлғайту/қалыптастыру кезінде – бағалы қағаздар нарығын реттеуді және қадағалауды жүзеге асыратын уәкілетті органның куәлігін не квазимемлекеттік сектор субъектісінің жарғылық капиталын ұлғайтуға ақша аудару кезіндегі басқару органдарының тиісті шешімін, мемлекеттік жоспарлау жөніндегі уәкілетті органның оң экономикалық қорытындысы қоса берілген қаржы-экономикалық негіздемесін;

      2) аванстық төлем сомасын қоспағанда, инвестициялық жобаны іске асыру кезінде шот-фактураны ("Электрондық шот-фактура" ақпараттық жүйесінен интеграцияланған) немесе тауарларды жеткізу туралы жүкқұжатты (акт) немесе орындалған жұмыстар, көрсетілген қызметтер актісін немесе Қазақстан Республикасының қолданыстағы заңнамасында белгіленген құжаттың өзге де түрін ұсынады.

      Квазимемлекеттік сектор субъектілеріне жарғылық капиталды қалыптастыруға немесе ұлғайтуға бұрын бөлінген қаражат есебінен шығыстарды және/немесе тартылған қарыз қаражатын, оның ішінде Қазақстан Республикасының Ұлттық қорынан өтеу кезінде квазимемлекеттік сектор субъектісі мемлекеттік қазынашылық органына Қазақстан Республикасы Үкіметінің шығыстарды өтеу жөніндегі қаулысының көшірмесін және қосымша, қарыз қаражатын тартқан кезде - кредиттік шарттың көшірмесін ұсынады.

      Инвестициялық жобаны іске асыру кезінде қаржы-экономикалық негіздемеге және квазимемлекеттік сектор субъектілерінің қолма-қол ақшаны бақылау шоттарында қаражаттың болуына сәйкес шарт сомасынан:

      барлық инвестициялық жобалар бойынша – отыз пайыздан аспайтын мөлшерде;

      жоғары технологиялық тауарларды, жұмыстарды, көрсетілетін қызметтерді сатып алу бойынша – елу пайыздан аспайтын мөлшерде аванстық (алдын ала) төлемге жол беріледі.

      Астық сатып алуды жүзеге асыру кезінде астық нарығы жөніндегі оператордың ауыл шаруашылығы тауарын өндірушілерді көктемгі-жазғы қаржыландыруға аванстық (алдын ала) төлемді аударуы жасалған шарт сомасына сәйкес жетпіс пайыздан аспайтын мөлшерде жүзеге асырылады.

      Қалған соманы аудару шот-фактура негізінде жасалған қосымша келісімге сәйкес астықты күзгі сатып алғаннан кейін жүргізіледі ("Қазынашылық-клиент" ақпараттық жүйесінде төлем тапсырмасы интеграцияланған электрондық шот-фактура негізінде қалыптастырылады);

      3) аванстық төлем сомасын қоспағанда, мемлекеттік тапсырманы орындау кезінде шот-фактура ("Электрондық шот-фактура" ақпараттық жүйесінен интеграцияланған) немесе тауарларды жеткізу туралы жүкқұжат (акт) немесе орындалған жұмыстар, көрсетілген қызметтер актісі немесе Қазақстан Республикасының қолданыстағы заңнамасында белгіленген құжаттың өзге де түрін.

      Мемлекеттік тапсырманы орындауға жауапты квазимемлекеттік сектор субъектісі мемлекеттік тапсырманы орындау және мемлекеттік тапсырманың мақсатына қол жеткізу кезінде бюджеттік бағдарламалар әкімшісінің келісімімен жасалған шарттың талаптарына сәйкес осы қаражатты екінші деңгейдегі банктердегі депозиттік шоттарда орналастыруды қоспағанда, мемлекеттік қазынашылық органындағы өзінің қолма-қол ақшаны бақылау шотынан қаражаттың қалдықтарын екінші деңгейдегі банктегі өзінің есеп шотына аударады;

      4) бюджет қаражатын үнемдеу түрінде олардың жарғылық капиталына мемлекеттің қатысуы арқылы бюджеттік инвестицияларды іске асыру қорытындылары бойынша қалыптасқан қолма-қол ақшаның бақылау шоттарындағы пайдаланылмаған қалдықтарды бюджетке қайтару кезінде – төлем тапсырмасы және Мемлекеттік мүлік туралы заңға және Акционерлік қоғамдар туралы заңға сәйкес қабылданған квазимемлекеттік сектор субъектісінің тиісті басқару органының (құрылтайшысының) шешімін;

      5) квазимемлекеттік сектор субъектілерінің қолма-қол ақшаны бақылау шоттарына есептелген тұрақсыздық айыбын (айыппұлды, өсімпұлды) төлеуден түскен қаражатты тиісті бюджеттің кірісіне аудару кезінде – төлем тапсырмасын ұсынады.

      Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде көрсетілетін қызметтерге ақы төлеуге төлемдер жүргізу үшін әлеуметтік медициналық сақтандыру қоры мемлекеттік қазынашылық органына төлем тапсырмасын ("Қазынашылық-клиент" ақпараттық жүйесінде қалыптастырады) ұсынады.

      Мемлекеттік сатып алу саласындағы бірыңғай оператордың қолма-қол ақшаны бақылау шотынан төлемдер жүргізу үшін мемлекеттік сатып алу саласындағы бірыңғай оператор мемлекеттік қазынашылық органына төлем тапсырмасын ("Қазынашылық-клиент" ақпараттық жүйесінде қалыптастырады) ұсынады.

      Әлеуметтік медициналық сақтандыру қоры және мемлекеттік сатып алу саласындағы бірыңғай оператор:

      1) төлем тапсырмаларын ұсынудың заңдылығы мен негізділігін;

      2) төлем тапсырмаларында көрсетілген деректемелердің дұрыстығын қамтамасыз етеді.";

      400-тармақ алынып тасталсын;

      402-тармақтың бірінші бөлігі мынадай редакцияда жазылсын:

      "402. Квазимемлекеттік сектор субъектісі құжаттық аккредитивті пайдалана отырып есеп айырысу нысанын көздейтін Қазақстан Республикасының бейрезидентімен шетел валютасында шарт жасасқан кезде, квазимемлекеттік сектор субъектісі қағаз жеткізгіште немесе "Қазынашылық-клиент" ақпараттық жүйесі бойынша электрондық түрде мемлекеттік қазынашылық органына квазимемлекеттік сектор субъектісінің қолма-қол ақшаны бақылау шотынан екінші деңгейдегі банктегі ашық шотқа ақша аудару үшін төлем тапсырмасын береді сол күні шетел валютасын сатып алу тәртібі осы Рәсімдердің 401-тармағында айқындалған.";

      406-тармақтың бірінші бөлігі мынадай редакцияда жазылсын:

      "406. Республикалық бюджет комиссиясының немесе облыстың, республикалық маңызы бар қаланың, астананың, ауданның (облыстық маңызы бар қаланың) бюджеттік комиссиясының шешімі негізінде есепті кезеңнің соңында квазимемлекеттік сектор субъектілерінің қолма-қол ақшаны бақылау шоттарында пайдаланылмай қалған, бюджеттен алынған есепті қаржы жылының соңындағы қаражат қалдықтары:

      1) бұрын қаржы-экономикалық негіздемені түзету арқылы бюджет қаражаты бөлінген бюджеттік инвестициялық жобаны іске асыруды жалғастыруға пайдаланылады;

      2) жаңа қаржы-экономикалық негіздемені әзірлеу арқылы осы квазимемлекеттік сектордың осы субъектісі шеңберінде өзге де бюджеттік инвестициялық жобаларды іске асыруға пайдаланылады;

      3) акционерлік қоғамдардың ұйымдық-құқықтық нысанындағы квазимемлекеттік сектор субъектілерін қоспағанда, тиісті бюджетке қайтарылуға жатады.";

      408, 409 және 410-тармақтары мынадай редакцияда жазылсын:

      "408. Осы тарауда мынадай негізгі ұғымдар қолданылады:

      қазынашылық сүйемелдеу – қолма-қол ақшаны бақылау шоттары арқылы төлемдер жүргізу кезінде құрылыспен байланысты бюджеттік инвестициялық жобаларды іске асыру кезінде аванс беруге бөлінген қаражаттың нысаналы пайдаланылуын Бюджет кодексінің 110-бабына сәйкес ағымдағы бақылауды жүзеге асыру жөніндегі қызмет.

      қазынашылық сүйемелдеу шеңберінде бас мердігер (өнім беруші) – тапсырыс берушімен қазынашылық сүйемелдеу шеңберінде жасалған мемлекеттік сатып алу туралы шартта тарап ретінде әрекет ететін заңды тұлға (егер Қазақстан Республикасының заңдарында өзгеше белгіленбесе, мемлекеттік мекемелерді қоспағанда) немесе заңды тұлғалардың уақытша бірлестігі (консорциум) (бұдан әрі – бас мердігер);

      қазынашылық сүйемелдеу шеңберінде тапсырыс беруші – қазынашылық сүйемелдеу шеңберінде бас мердігермен жасалған мемлекеттік сатып алу туралы шартта тарап ретінде әрекет ететін мемлекеттік мекеме (бұдан әрі – тапсырыс беруші);

      мемлекеттік сатып алулардың қолма-қол ақшаны бақылау шоты – бас мердігердің қазынашылық сүйемелдеу шеңберінде қаражатты есепке алуына және оларды пайдалануына байланысты шот;

      төлем сертификаты – осы Рәсімдерге 113-қосымшаға сәйкес нысан бойынша қазынашылық сүйемелдеу шеңберінде төлемдерді жүргізу кезінде төлемді жүзеге асыру үшін негіз болатын, кейіннен мемлекеттік қазынашылық органдарына ұсыну үшін тапсырыс беруші қазынашылық сүйемелдеу шеңберінде бас мердігерге ұсынатын құжат.

      409. Мемлекеттік мекеме мемлекеттік құпиялары бар қызметтік ақпаратты қамтитын ("Құпия" белгісі бар) объектілерді және "Қазақстан Республикасының экономикасын жаңғырту жөніндегі шаралар туралы" Қазақстан Республикасы Президентінің 2007 жылғы 13 сәуірдегі № 314 Жарлығымен бекітілген Қазақстан Республикасының экономикасын жаңғырту мәселелері жөніндегі мемлекеттік комиссияның шешімі бар объектілерді қоспағанда, мемлекеттік сатып алу рәсімін құрылыс бойынша мемлекеттік сатып алуды қазынашылық сүйемелдеу шарттарымен жүргізуді қамтамасыз етеді.

      Мемлекеттік сатып алу қорытындыларын шығарғаннан кейін:

      тапсырыс беруші бас мердігерді анықтаған күннен бастап келесі жұмыс күнінен кешіктірмей оны мемлекеттік қазынашылықта мемлекеттік сатып алудың қолма-қол ақшасын бақылау шотының ашылғаны туралы жазбаша хабардар етеді;

      бас мердігер тапсырыс берушіден хабарлама алғаннан кейін келесі жұмыс күнінен кешіктірмей тапсырыс берушіге қызмет көрсету орны бойынша мемлекеттік қазынашылық органына осы Рәсімдердің 4-тарауының 5-параграфында көзделген дерекнаманы қалыптастыру үшін қажетті құжаттарды қоса бере отырып, осы Рәсімдерге 145-қосымшаға сәйкес нысан бойынша мемлекеттік сатып алудың кодын беруге және қолма-қол ақшаны бақылау шотын ашуға өтінімді, осы тармақтың үшінші абзацында көрсетілген хабарламаның көшірмелерін және осы Рәсімдерге 146-қосымшаға сәйкес нысан бойынша қазынашылық сүйемелдеу шеңберінде контрагенттердің (өнім берушінің, қосалқы мердігердің) тізбесін (бұдан әрі - контрагенттердің тізбесі) ұсынады.

      410. Мемлекеттік қазынашылық органы осы Рәсімдердің 409-тармағының екінші бөлігінде көрсетілген құжаттарды алған күннен бастап келесі жұмыс күнінен кешіктірмей "Электрондық құжат және электрондық цифрлық қолтаңба туралы" Қазақстан Республикасының Заңына (бұдан әрі – электрондық құжат және электрондық цифрлық қолтаңба туралы Заң) сәйкес электрондық құжат айналымы арқылы:

      1) мемлекеттік қазынашылыққа осы Рәсімдерге 145-қосымшаға сәйкес нысан бойынша бас мердігердің кодын беруге және мемлекеттік сатып алудың қолма-қол ақшасының бақылау шотын ашуға өтінімді;

      2) тапсырыс берушінің қызмет көрсету орны бойынша мемлекеттік кіріс органына талдау жүргізу үшін контрагенттердің тізбесін жолдайды.

      Бас мердігер код беруге және мемлекеттік сатып алудың қолма-қол ақшаны бақылау шотын ашуға арналған өтінімдерде көрсетілген деректемелердің және контрагенттердің тізбесінің дұрыстығын қамтамасыз етеді.";

      мынадай мазмұндағы 410-1 және 410-2-тармақтармен толықтылырсын:

      "410-1. Мемлекеттік кіріс органы мемлекеттік қазынашылық органынан контрагенттердің тізбесі түскен күннен кейінгі он жұмыс күнінен аспайтын мерзімде контрагенттер тізбесі бойынша жүргізілген талдау қорытындыларын мемлекеттік қазынашылық органына электрондық құжат және электрондық цифрлық қолтаңба туралы Заңға сәйкес электрондық құжат айналымы арқылы жолдайды.

      410-2. Контрагенттердің (өнім берушілердің, қосалқы мердігерлердің) мемлекеттік кірістер органы жүргізген талдау қорытындылары бойынша теріс нәтижелер алынған жағдайда, мемлекеттік қазынашылық органы бұл туралы бас мердігерді жазбаша хабардар етеді.

      Контрагенттердің (өнім берушінің, қосалқы мердігердің) тізбесіне өзгерістер мен толықтырулар енгізілген жағдайда, бас мердігер оның осы Рәсімдердің 409-тармағына сәйкес мемлекеттік қазынашылық органына ұсынылуын қамтамасыз етеді. Мемлекеттік қазынашылық және мемлекеттік кірістер органдары жаңадан ұсынылған тізбе бойынша осы Рәсімдердің 410 және 410-1-тармақтарының талаптарына сәйкес іс-әрекеттерді жүзеге асырады.";

      417-тармақ мынадай редакцияда жазылсын:

      "417. Мемлекеттік қазынашылық органдары бас мердігердің төлемдерін жүргізу кезінде осы Рәсімдерде белгіленген тәртіпте бақылауды жүзеге асырады.

      Қазынашылық сүйемелдеуге жататын объектілерді салуға байланысты азаматтық-құқықтық мәмілені тіркеу үшін мемлекеттік қазынашылық органдарына осы Рәсімдердің 409-тармағында көзделген тәртіппен мемлекеттік қазынашылықта ашылған бас мердігердің қолма-қол ақшаны бақылау шотының деректемелерін және аванстық (алдын ала) сомасын көрсете отырып, ағымдағы қаржы жылына қарастырылған шарттың сомасына өтінім беріледі.

      Мемлекеттік қазынашылық органы тапсырыс беруші тіркеуге қағаз жеткізгіште немесе "Қазынашылық-клиент" ақпараттық жүйесі арқылы электрондық түрде ұсынған қазынашылық сүйемелдеуге жататын шартты (қосымша келісімді) осы Рәсімдердің 6-тарауының 5-параграфында көрсетілген талаптарға сәйкестігіне тексеруді жүзеге асырады және қосымша:

      шарт бойынша аванстық (алдын ала) төлемді мемлекеттік қазынашылықта ашылған мемлекеттік сатып алудың қолма-қол ақшаны бақылау шотына аудару туралы шарттың болуы;

      "Электрондық шот-фактура" ақпараттық жүйесі арқылы шот-фактураларды жазып беру талаптарының болуы.

      Қазынашылық сүйемелдеу шеңберінде шарттар жасалған өнім берушілерге авансты қамтамасыз етуді енгізу жөніндегі талап қолданылмайды.";

      мынадай мазмұндағы 417-1-тармақшамен толықтырылсын:

      "417-1. Салық кодексінің 90-бабына сәйкес салықтық тәуекелдерді басқару жүйесі арқылы мемлекеттік кірістер органдарының салықтық әкімшілендіруді жүргізуі үшін осы Рәсімдерге 147-қосымшаға сәйкес бас мердігердің жүргізген төлемдері туралы мәліметтерді мемлекеттік қазынашылық органдары тоқсан сайын есепті тоқсаннан кейінгі айдың оныншы күнінен кешіктірмей тапсырыс берушінің қызмет көрсетілетін жері бойынша мемлекеттік кірістер органдарына электрондық құжат және электрондық цифрлық қолтаңба туралы Заңға сәйкес электрондық құжат айналымы арқылы жібереді.";

      418-тармақ мынадай редакцияда жазылсын:

      "418. Шарттың (қосымша келісімнің) талаптарына сәйкес қазынашылық сүйемелдеуге жататын аванстық соманы төлегеннен кейін мемлекеттік қазынашылық органдарына осы Рәсімдердің 217-тармағында көзделген тәртіппен екінші деңгейдегі банкте ашылған бас мердігер шотының деректемелерін көрсете отырып, ағымдағы қаржы жылының қалған сомасына қосымша келісімді тіркеу үшін міндеттемені тіркеу туралы хабарламалардың барлық нөмірлері мен күні, шарт талаптарының өзгеру себебі, сондай-ақ өзгерген жағдайда шарт сомасы көрсетілетін мемлекеттік мекеменің түсіндірме жазбасымен қоса өтінім беріледі.";

      420-тармақ мынадай редакцияда жазылсын:

      "420. Құрылысқа байланысты бюджеттік инвестициялық жобаны іске асыру кезінде бас мердігердің тауарларды (жұмыстарды, көрсетілетін қызметтерді) сатып алумен байланысты төлемдері және (немесе) ақша аударымдары бас мердігердің № 208 қаулыда белгіленген нысан бойынша төлем тапсырмасын қалыптастыру жолымен мемлекеттік сатып алудың қолма-қол ақшаны бақылау шотындағы ақша қалдықтары шегінде келесі шарттар сақталған кезде жүргізіледі:

      1) бас мердігердің төлем тапсырмасын қалыптастыруы үшін төлем сертификаты ("Қазынашылық-клиент" ақпараттық жүйесі бойынша қызмет көрсету кезінде түпнұсқадан сканерленген кескін ұсынылады), "Электрондық шот-фактура" ақпараттық жүйесінен "Қазынашылық-клиент" ақпараттық жүйесіне интеграцияланған электрондық шот-фактура негіз болып табылады;

      2) бас мердігердің меншікті қаражаты есебінен мемлекеттік қазынашылықта ашылған мемлекеттік сатып алудың қолма-қол ақшаны бақылау шотынан екінші деңгейдегі банктерде ашылған бас мердігердің шоттарына жүргізілген ағымдағы шығындарды өтеуге жол берілмейді;

      3) қызметкерлерге жалақыны және басқа да ақшалай төлемдерді, сондай-ақ жеке тұлғаларға олардың екінші деңгейдегі банкте ашылған ағымдағы немесе жинақ шоттарына, міндетті зейнетақы жарналарына, жұмыс берушілердің міндетті зейнетақы жарналарына, міндетті кәсіптік жарналарға, ерікті зейнетақы жарналарына және әлеуметтік аударымдарға, міндетті зейнетақы жарналарына және (немесе) жарналарына басқа да төлемдерді аудару бойынша төлемдер жүргізу үшін әлеуметтік медициналық сақтандыру, "Қазынашылық-клиент" ақпараттық жүйесі бойынша сақтандырудың жинақтаушы түрінің шарттары бойынша төлемдер төлем тапсырмасының электрондық кескініне төлем сертификаты және осы Қағидаларға 140, 141, 142, 143 және 144-қосымшаларға сәйкес төлемдердің электрондық форматындағы ақша алушылардың тізімдері бекітіледі және бас мердігер мен бухгалтердің электрондық цифрлық қолтаңбасымен қол қойылады;

      4) бас мердігердің салықтарды және бюджетке төленетін басқа да міндетті төлемдерді төлеуі төлем тапсырмасы мен төлем сертификаты негізінде жүзеге асырылады;

      5) бас мердігердің (консорциумның негізгі қатысушысының) мемлекеттік қазынашылықта ашылған мемлекеттік сатып алудың қолма-қол ақшаны бақылау шотынан екінші деңгейдегі банктерде ашылған қосалқы мердігерлердің (консорциумның қатысушыларының) және (немесе) өнім берушілердің шоттарына аванстық (алдын ала) төлемді аударуы төлем сертификаты негізінде жүзеге асырылады;

      6) бас мердігерлер осы тармақта көрсетілген құжаттарды қоса бере отырып, мемлекеттік қазынашылық органдарына төлем тапсырмасын ұсынуды қамтамасыз етеді;

      7) бас мердігер төлем тапсырмасын толтырған кезде "Төлемнің мақсаты" жолында төлемнің мақсаты, тапсырыс беруші мен бас мердігер арасында жасалған шарттың нөмірі мен күні, растайтын құжаттардың атауы, нөмірі мен күні көрсетеді.";

      мынадай мазмұндағы 420-1-тармақшамен толықтырылсын:

      "420-1. Мемлекеттік қазынашылық органдарында 2025 жылғы 1 қаңтарға дейін тіркелген шарттар бойынша қазынашылық сүйемелдеу шеңберіндегі қосалқы мердігердің төлем тапсырмасын қалыптастыру үшін "Электрондық шот-фактура" ақпараттық жүйесінен "Қазынашылық-клиент" ақпараттық жүйесіне интеграцияланған электрондық шот-фактура негіз болып табылады.";

      мынадай мазмұндағы 14-1-тараумен толықтырылсын:

      "14-1-тарау. "Толық бітіріп берілетін" құрылыс жобалары бойынша мемлекеттік міндеттемелерді және лизинг қызметтері бойынша азаматтық-құқықтық мәмілелерді тіркеу

      624-1. "Толық бітіріп берілетін" құрылыс жобалары бойынша мемлекеттік міндеттемелер шарттарын және Қазақстан Республикасы Үкіметінің және жергілікті атқарушы органдардың лизинг қызметтері бойынша азаматтық-құқықтық мәмілелерді, сондай-ақ оларға қосымша келісімдерді тіркеуді мемлекеттік қазынашылық немесе мемлекеттік қазынашылық органдары жүзеге асырады.

      Мемлекеттік қазынашылық немесе мемлекеттік қазынашылық органдары тіркеген "толық бітіріп берілетін" құрылыс жобалары бойынша мемлекеттік міндеттемелер шарттарына және Қазақстан Республикасы Үкіметінің және жергілікті атқарушы органдардың лизинг қызметтері бойынша азаматтық-құқықтық мәмілелерге қосымша келісімдер:

      шартқа қатысушылардың атауы, саны немесе ауыстырылуы, "толық бітіріп берілетін" құрылыс жобалары бойынша мемлекеттік міндеттемелер шарттарын және лизинг қызметтері бойынша азаматтық-құқықтық мәмілелерді іске асыру сомалары мен мерзімдері (оның ішінде төлем кестелері өзгерген кезде);

      жасалған шарттың талаптарында және Қазақстан Республикасының заңнамасында көзделген жағдайларда және тәртіппен шартты бұзған жағдайларда тіркеледі.

      Тиісті бюджет комиссиясының қарауынсыз "толық бітіріп берілетін" құрылыс жобалары бойынша мемлекеттік міндеттемелер шартында көзделген мемлекеттік міндеттемелердің және лизинг қызметтері бойынша азаматтық-құқықтық мәмілелердің мөлшерін өзгертуге жол берілмейді.

      "Толық бітіріп берілетін" құрылыс туралы шарттың сомасы мемлекеттің міндеттемелерін ұлғайту жағына өзгертілуге жатпайды.

      "Толық бітіріп берілетін" құрылыс жобалары бойынша мемлекеттік міндеттемелер және лизинг қызметтері бойынша азаматтық-құқықтық мәмілелер шартын шарт тараптарының келісімі бойынша өзгертуге және бұзуға болады.

      "Толық бітіріп берілетін" құрылыс жобалары бойынша мемлекеттік міндеттемелер шарттары және лизинг қызметтері бойынша азаматтық-құқықтық мәмілелер тіркеу туралы куәлік бар болған кезде жарамды.

      "Толық бітіріп берілетін" құрылыс жобалары және лизинг қызметтері бойынша азаматтық-құқықтық мәмілелер тараптар өзіне алған барлық міндеттемелерді орындағаннан кейін аяқталды деп есептеледі.

      624-2. "Толық бітіріп берілетін" құрылыс жобалары бойынша мемлекеттік міндеттемелердің шарттары/қосымша келісімдері және лизинг қызметтері бойынша азаматтық-құқықтық мәмілелер шартта белгіленген сомалар мен мерзімдер шегінде, сондай-ақ тиісті бюджет комиссиясының шешіміне сәйкес тіркелуге жатады.

      624-3. Орталық мемлекеттік органдар мен бюджетті атқару жөніндегі жергілікті уәкілетті органдар мемлекеттік қазынашылыққа немесе мемлекеттік қазынашылық органына тіркеуге "толық бітіріп берілетін" құрылыс жобалары бойынша мемлекеттік міндеттемелерді және лизинг қызметтері бойынша азаматтық-құқықтық мәмілелерді шарттарды/қосымша келісімдерді ұсынуды олар жасалғаннан кейін бес жұмыс күнінен кешіктірмей "е-Қаржымині" интеграцияланған автоматтандырылған ақпараттық жүйесі арқылы жүзеге асырады.

      624-4. "Толық бітіріп берілетін" құрылыс жобалары бойынша мемлекеттік міндеттемелердің шарттарын/қосымша келісімдерін және Қазақстан Республикасы Үкіметінің және жергілікті атқарушы органдардың лизинг қызметтері бойынша азаматтық-құқықтық мәмілелерді тіркеу мемлекеттік қазынашылыққа немесе мемлекеттік қазынашылық органына "е-Қаржымині" интеграцияланған автоматтандырылған ақпараттық жүйесі арқылы ұсынылатын тіркеуге арналған өтінім негізінде жүзеге асырылады.

      "Толық бітіріп берілетін" құрылыс жобалары бойынша мемлекеттік міндеттемелердің шарттарын/қосымша келісімдерін және лизинг қызметтері бойынша азаматтық-құқықтық мәмілелерді тіркеуге арналған өтінім осы Рәсімдерге 136-1-қосымшаға (бұдан әрі – 136-1-қосымшаға сәйкес нысан бойынша тіркеуге арналған өтінім) сәйкес нысан бойынша жасалады.

      624-5. "Толық бітіріп берілетін" құрылыс жобалары бойынша мемлекеттік міндеттемелердің шарттарын/қосымша келісімдерін және Қазақстан Республикасы Үкіметінің лизинг қызметтері бойынша азаматтық-құқықтық мәмілелерді тіркеу үшін орталық мемлекеттік органдар әрбір жеке "толық бітіріп берілетін" құрылыс жобалары бойынша және лизинг қызметтері бойынша азаматтық-құқықтық мәмілелерді мемлекеттік қазынашылыққа "е-Қаржымині" интеграцияланған автоматтандырылған ақпараттық жүйесі арқылы мына құжаттарды:

      осы Рәсімдерге 136-1-қосымшаға сәйкес нысан бойынша тіркеуге арналған өтінімді;

      "толық бітіріп берілетін" құрылыс жобалары немесе лизинг қызметтері бойынша азаматтық-құқықтық мәмілелер бойынша мемлекеттік міндеттемелер шартын/қосымша келісімді;

      республикалық бюджет комиссиясының шешімін;

      жобалау-сметалық құжаттама бойынша ведомстводан тыс кешенді сараптаманың оң қорытындысын немесе техникалық-экономикалық негіздеме немесе "толық бітіріп берілетін" құрылыстың ("толық бітіріп берілетін" құрылыс жобалары бойынша) есептік құны бойынша ведомстводан тыс кешенді сараптаманың оң қорытындысын;

      лизингтік төлемдерді өтеу кестесін (лизинг қызметтері бойынша азаматтық-құқықтық мәмілелер бойынша) ұсынады.

      624-6. "Толық бітіріп берілетін" құрылыс жобалары бойынша мемлекеттік міндеттемелердің шарттарын/қосымша келісімдерді және жергілікті атқарушы органдардың лизинг қызметтері бойынша азаматтық-құқықтық мәмілелерді тіркеу үшін әрбір жеке "толық бітіріп берілетін" құрылыс жобасы бойынша бюджетті атқару жөніндегі жергілікті уәкілетті органдар және лизинг қызметтері бойынша азаматтық-құқықтық мәмілелерді "е-Қаржымині" интеграцияланған автоматтандырылған ақпараттық жүйесі арқылы мемлекеттік қазынашылық органына:

      осы Рәсімдерге 136-1-қосымшаға сәйкес нысан бойынша тіркеуге арналған өтінімді;

      "толық бітіріп берілетін" құрылыс жобалары немесе лизинг қызметтері бойынша азаматтық-құқықтық мәмілелер бойынша мемлекеттік міндеттемелердің шартын/қосымша келісімді;

      тиісті бюджет комиссиясының шешімін;

      жобалау-сметалық құжаттама бойынша ведомстводан тыс кешенді сараптаманың оң қорытындысын немесе техникалық-экономикалық негіздеме бойынша ведомстводан тыс кешенді сараптаманың оң қорытындысын немесе "толық бітіріп берілетін" құрылыстың есептік құнын ("толық бітіріп берілетін" құрылыс жобалары бойынша);

      лизингтік төлемдерді өтеу кестесін (лизинг қызметтері бойынша азаматтық-құқықтық мәмілелер бойынша) ұсынады.

      624-7. Осы Рәсімдерге 137-1-қосымшаға сәйкес нысан бойынша "толық бітіріп берілетін" құрылыс жобалары бойынша мемлекеттік міндеттемелер шартын/қосымша келісімін және лизинг қызметтері бойынша азаматтық-құқықтық мәмілелерді тіркеу туралы куәлік (бұдан әрі – 137-1-қосымшаға сәйкес нысан бойынша тіркеу туралы куәлік) "толық бітіріп берілетін" құрылыс жобалары бойынша мемлекеттік міндеттемелердің және лизинг қызметтері бойынша азаматтық-құқықтық мәмілелердің (шарттарды бұзу жағдайларын қоспағанда) тіркелгенін растайтын құжат болып табылады.

      624-8. Мемлекеттік қазынашылық немесе мемлекеттік қазынашылық органы "толық бітіріп берілетін" құрылыс жобалары бойынша мемлекеттік міндеттемелердің шарты/қосымша келісімі және лизинг қызметтері бойынша азаматтық-құқықтық мәмілелер келіп түскен күннен бастап кейіннен тіркеу туралы куәлікті қалыптастыра отырып (шарттарды бұзу жағдайларын қоспағанда), өтінімді және растаушы құжаттарды қарау жолымен бес жұмыс күні ішінде тіркеуді жүзеге асырады.

      624-9. Осы Рәсімдерге 137-1-қосымшаға сәйкес нысан бойынша тіркеу туралы куәлік екі данада жасалады.

      Осы Рәсімдерге 137-1-қосымшаға сәйкес нысан бойынша тіркеу туралы куәліктің бір данасы мемлекеттік қазынашылықта немесе мемлекеттік қазынашылық органында қалады, екінші данасы тиісінше орталық мемлекеттік органға немесе бюджетті атқару жөніндегі жергілікті уәкілетті органға беріледі.

      624-10. Осы Рәсімдерге 137-1-қосымшаға сәйкес нысан бойынша тіркеу туралы куәлікке мемлекеттік қазынашылық немесе мемлекеттік қазынашылық органы қол қояды, жауапты орындаушы құжатты өңдеу күнін қойып, мөрмен ресімделеді.";

      көрсетілген Рәсімдерге 27-қосымша осы бұйрыққа 1-қосымшаға сәйкес жаңа редакцияда жазылсын;

      көрсетілген Рәсімдерге 64, 65, 66 және 67-қосымшалар осы бұйрыққа 2, 3, 4 және 5-қосымшаларға сәйкес жаңа редакцияда жазылсын;

      көрсетілген Рәсімдерге 78, 79, 80 және 81-қосымшалар осы бұйрыққа 6, 7, 8 және 9-қосымшаларға сәйкес жаңа редакцияда жазылсын;

      көрсетілген Рәсімдерге 95-қосымша осы бұйрыққа 10-қосымшаға сәйкес жаңа редакцияда жазылсын;

      көрсетілген Рәсімдерге 111-қосымша осы бұйрыққа 11-қосымшаға сәйкес жаңа редакцияда жазылсын;

      көрсетілген Рәсімдерге 113-қосымша осы бұйрыққа 12-қосымшаға сәйкес жаңа редакцияда жазылсын;

      көрсетілген Рәсімдерге 120-қосымша осы бұйрыққа 13-қосымшаға сәйкес жаңа редакцияда жазылсын;

      көрсетілген Рәсімдерге 121-қосымша осы бұйрыққа 14-қосымшаға сәйкес жаңа редакцияда жазылсын;

      көрсетілген Рәсімдерге 132-қосымша осы бұйрыққа 15-қосымшаға сәйкес жаңа редакцияда жазылсын;

      көрсетілген Рәсімдер осы бұйрыққа 16 және 17-қосымшаларға сәйкес 136-1 және 137-1-қосымшалармен толықтырылсын;

      көрсетілген Рәсімдер осы бұйрыққа 18, 19, 20, 21, 22, 23, 24 және 25-қосымшаларға сәйкес 146, 147, 148, 149, 150, 151, 152 және 153-қосымшалармен толықтырылсын.

      2. Қазақстан Республикасы Қаржы министрлігінің Бюджет заңнамасы департаменті Қазақстан Республикасының заңнамасында белгіленген тәртіппен:

      1) осы бұйрықтың қазақ және орыс тілдеріндегі көшірмелерін ресми жариялау және Қазақстан Республикасының Нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

      2) осы бұйрық ресми жарияланғаннан кейін оны Қазақстан Республикасы Қаржы министрлігінің интернет-ресурсында орналастыруды қамтамасыз етсін.

      3. Осы бұйрық 2026 жылғы 1 шілдеден бастап қолданысқа енгізілетін осы бұйрықтың 1-тармағының екі жүз қырқыншы, екі жүз қырық үшінші, екі жүз қырық бесінші, екі жүз қырық алтыншы, екі жүз қырық жетінші, екі жүз қырық сегізінші, екі жүз елу алтыншы және екі жүз елу жетінші абзацтарын және 2028 жылғы 1 қаңтардан бастап қолданысқа енгізілетін осы бұйрықтың 1-тармағының бір жүз жиырма екінші, бір жүз жиырма үшінші және үш жүз бесінші абзацтары қоспағанда, 2026 жылғы 1 қаңтардан бастап қолданысқа енгізіледі, және ресми жариялануға тиіс.

____ жылғы "__" _______ _______ негізінде _______ бюджет түсімдерінің жиынтық жоспарына өзгерістер енгізу туралы № __ анықтама

      кестенің жалғасы

      Жиынтық жоспарды жасауға жауапты бюджетті атқару жөніндегі уәкілетті органның құрылымдық бөлімшесінің басшысы _________________ (қолы)

      Түсімдер жоспарын жасауға жауапты бюджетті атқару жөніндегі уәкілетті органның құрылымдық бөлімшесінің басшысы _________________ (қолы)

      Анықтама – екі данада

      Жоғары тұрған бюджеттен берілген сыйақылар (мүдделер) бойынша, кредиттер жөніндегі және кредитті өтеу жөніндегі түсімдердің жиынтық жоспарына өзгерістер енгізу туралы анықтаманы төмен тұрған бюджетті атқару жөніндегі уәкілетті органға жоғары тұрған бюджетті атқару жөніндегі уәкілетті орган береді.

_____________________________________ (мемлекеттік қазынашылық органы)

Ақша алушыны ақша алушы анықтамасына енгізуге өтінім

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың коды

      ___________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың атауы

      __________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың басшысы

      ________________________________________________

      тегі, аты, әкесінің аты (ол болған жағдайда) қолы

      Мөр орны

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың бас бухгалтері

      ____________________________________________

      тегі, аты, әкесінің аты (ол болған жағдайда) қолы

      Мөртабан орны

________________________________________ (мемлекеттік қазынашылық органы)

Ақша алушыны ақша алушы анықтамасына енгізуге өтінім

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың коды

      ___________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың атауы ___________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың басшысы

      ________________________________________________

      тегі, аты, әкесінің аты (ол болған жағдайда) қолы

      Мөр орны

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың бас бухгалтері

      ____________________________________________

      тегі, аты, әкесінің аты (ол болған жағдайда) қолы

      Мөртабан орны

___________________________________ (мемлекеттік қазынашылық органы)

Ақша алушының деректемелерiне өзгерiстер енгiзуге арналған өтiнiм

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың коды

      ____________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың атауы

      ___________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың басшысы

      ________________________________________________

      тегі, аты, әкесінің аты (ол болған жағдайда) қолы

      Мөр орны

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың бас бухгалтері

      ____________________________________________

      тегі, аты, әкесінің аты (ол болған жағдайда) қолы

      Мөртабан орны

______________________________________ (мемлекеттік қазынашылық органы)

Ақша алушының деректемелеріне өзгерістер енгізуге арналған өтінім

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың коды

      ____________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың атауы

      ___________________________________________________

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың басшысы

      _________________________________________________

      тегі, аты, әкесінің аты (ол болған жағдайда) қолы

      Мөр орны

      Мемлекеттік мекеменің, квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың бас бухгалтері

      ____________________________________________

      тегі, аты, әкесінің аты (ол болған жағдайда) қолы

      Мөртабан орны

      Өтінім №___________________

      Мемлекеттік мекеменің коды________________

      Бюджет түрі ______________________________

      Қаржыландыру көзі ________________________

Мемлекеттік мекеменің азаматтық-құқықтық мәміленісін тіркеуге өтінім _____ жылғы "__" _____

      Өтінім №___________________

      Мемлекеттік мекеменің коды________________

      Бюджет түрі __________________________________

      Қаржыландыру көзі _______________________

Мемлекеттік мекеменің азаматтық-құқықтық мәмілесін тіркеуге өтінім __ жылғы "_" ___

      Өтінім №___________________

      Мемлекеттік мекеменің коды________________

      Бюджет түрі ______________________________

      Қаржыландыру көзі ________________________

Мемлекеттік мекеменің азаматтық-құқықтық мәмілені тіркеуге өтінім _____ жылғы "__" _____

      Өтінім №___________________

      Мемлекеттік мекеменің коды________________

      Бюджет түрі ______________________________

      Қаржыландыру көзі ________________________

Мемлекеттік мекеменің азаматтық-құқықтық мәмілесін тіркеуге өтінім _____ жылғы "__" _____

Бірлесіп қаржыландыру қаражатын алуға өтінім

      1. Шот нөмірі _______________________________________

      Астана қаласының қазынашылық департаменті

      2. Өтінім нөмірі _________________________

      3. _________________________________ төлеуіңізді сұраймыз

      (валюта түрі) (төлеуге жататын сома санмен және жазбаша)

      Бірлесіп қаржыландыру қаражатын алу туралы өтініммен жүгінеміз және өзіміздің мыналармен келісетінімізді растаймыз:

      А. Осы өтінімде қамтылатын тауарлар мен қызметтер қарыз туралы шартқа (байланысты грантқа) сәйкес сатып алынды немесе сатып алынып жатыр.

      Б. Шығыстар келісімшарттарда немесе басқа да құжаттарда аталған тауарларға немесе қызметтерге байланысты ғана жүргізілді немесе қазірге кезде жүргізілуде.

_______________________________________________________________

(мемлекеттік қазынашылыққа/мемлекеттік қазынашылық органына)

Квазимемлекеттік сектор субъектілеріне, қаржылық қолдау операторларына, дербес білім беру ұйымына, әлеуметтік медициналық сақтандыру қорына, мемлекеттік сатып алу саласындағы бірыңғай операторға кодтар беруге және қолма-қол ақшаны бақылау шоттарын ашуға өтінім __________ жылғы "__" ________________

      Заңды тұлғаның (мемлекеттік қазынашылық органының) басшысы

      _______________________________________________________________

      (қолы) (қолды таратып жазу)

      Мөр орны

      Жауапты орындаушының белгісі

      _____ жылғы "___" ________ ___________________ ашылды

      (квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың коды)

      ________ жылғы "___" ________ ___________________ ашылды (квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың қолма-қол ақшаны бақылау шоты)

      Жауапты орындаушы _______________________ ________________

      (қолы) (қолды таратып жазу)

      Тапсырыс беруші қазынашылық сүйемелдеу шеңберінде

      _____________________________________________________

      Қазынашылық сүйемелдеу шеңберінде бас мердігер (өнім беруші)

      _____________________________________________

      Құрылыс объектісі __________________________________

Төлем сертификаты № _____ __________ жылғы "___" __________

      Тапсырыс беруші қазынашылық сүйемелдеу шеңберінде

      ____________________________________________________________________

      тегі, аты, әкесінің аты (ол болған жағдайда) қолы

      Мөр орны

      Қазынашылық сүйемелдеу шеңберінде бас мердігер (өнім беруші)

      ____________________________________________________________________

      тегі, аты, әкесінің аты (ол болған жағдайда) қолы

      Мөр орны

      Ескерту: қызметкерлерге жалақыны және басқа да ақшалай төлемдерді, сондай-ақ жеке тұлғаларға екінші деңгейдегі банкте ашылған олардың ағымдағы немесе жинақ шоттарына басқа да төлемдерді, міндетті зейнетақы жарналарын, жұмыс берушілердің міндетті зейнетақы жарналарын, міндетті кәсіптік жарналарды, ерікті зейнетақы жарналарын және әлеуметтік аударымдарды, міндетті зейнетақы жарналарын және (немесе) жарналарды аудару жөніндегі төлемдерді жүргізу кезінде әлеуметтік медициналық сақтандыру, сақтандырудың жинақтаушы түрінің шарттары бойынша төлемдер, сондай-ақ салықтар және басқа да міндетті төлемдер 2, 3 және 6-бағандар толтырылмайды.

      2-бағанда бас мердігер мен контрагент (өнім беруші, қосалқы мердігер) арасында жасалған шарттың күні мен нөмірі көрсетіледі.

      3-бағанда бас мердігер мен контрагент (өнім беруші, қосалқы мердігер) арасында жасалған шарттың жалпы құны көрсетіледі.

Квазимемлекеттік сектор субъектілерінің екінші деңгейдегі банктердің немесе банк операцияларының жекелеген түрлерін жүзеге асыратын ұйымдардың шоттарындағы уақытша бос қаражаты туралы ақпарат

      Аймақ: ______________________________

      Бюджет түрі: _________________________

      Квазимемлекеттік сектор субъектілерінің атауы: ________

      Квазимемлекеттік сектор субъектілерінің коды __________________

      Мерзімі: ________ бастап __________________

      Өлшем бірліктері: мың теңге

      Квазимемлекеттік сектор субъектісінің басшысы

      __________________________________________________________

      тегі, аты, әкесінің аты (ол болған жағдайда), қолы

      Мөр орны

________________________________________________________
мемлекеттік қазынашылық (мемлекеттік қазынашылық органы)

Квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың, қазынашылық сүйемелдеу шеңберінде бас мердігердің атауын өзгертуге өтінім __________ жылғы "___" __________

      Квазимемлекеттік сектор субъектісінің, қаржылық қолдау операторының, дербес білім беру ұйымының, әлеуметтік медициналық сақтандыру қорының, мемлекеттік сатып алу саласындағы бірыңғай оператордың, қазынашылық сүйемелдеу шеңберіндегі бас мердігердің (мемлекеттік қазынашылық органының) басшысы

      ________________________________________________

      тегі, аты, әкесінің аты (ол болған жағдайда) қолы

      Мөр орны

Ерекше мәртебесі бар республикалық маңызы бар қаланың жергілікті атқарушы органының үкіметтік сыртқы қарызының немесе байланысты грантының, сыртқы қарызының ерекше мәртебесі бар сыртқы қарызының қаражатын сыртқы қарыздың немесе байланысты гранттың арнайы шотынан, ерекше мәртебесі бар республикалық маңызы бар қаланың жергілікті атқарушы органының сыртқы қарызының қолма-қол ақшаны бақылау шотынан алуға арналған өтінім __________ жылғы "___" __________

      1. Шот № ____________________________

      2. Өтінім № _________________________

      3. ______________________________ төлеуіңізді сұраймыз

      (валюта түрі) (төлеуге жататын сома, санмен және жазбаша)

      Үкіметтік сыртқы қарыз немесе байланысты грант қаражаттарын алу, ерекше мәртебесі бар республикалық мыңызы бар қаланың жергілікті атқарушы органының үкіметтік сыртқы қарызы туралы өтініммен жүгінеміз және осымен өзіміздің мыналармен келісетінімізді растаймыз:

      А. Осы өтінімде қамтылатын тауарлар мен қызметтер қарыз туралы шартқа

      (байланысты грантқа) сәйкес сатып алынған немесе сатып алынып жатыр, бағалы қағаздарды шығару проспектінің немесе оны алмастыратын өзге құжаттың шарттары бойынша.

      Б. Шығыстар келісімшарттарда немесе басқа да құжаттарда аталған тауарларға немесе қызметтерге қатысты ғана жүргізілді немесе қазіргі кезде жүргізілуде.

"Толық бітіріп берілетін" құрылыс жобалары бойынша мемлекеттік міндеттемелер шартын/қосымша келісімін және лизинг қызметтері бойынша азаматтық-құқықтық мәмілелерді тіркеуге өтінім __________ жылғы "___" __________

      Бюджеттің түрі ________________

      Орталық мемлекеттік орган/бюджетті атқару жөніндегі жергілікті уәкілетті орган ______________________________________________________

      Өңір __________

      Орталық мемлекеттік органның/бюджетті атқару жөніндегі жергілікті уәкілетті

      органның басшысы ___________________________________________

      тегі, аты, әкесінің аты (ол болған жағдайда) қолы

      Мөр орны

"Толық бітіріп берілетін" құрылыс жобалары бойынша мемлекеттік міндеттемелер шартын/қосымша келісімін және лизинг қызметтері бойынша азаматтық-құқықтық мәмілелерді тіркеу туралы куәлік

      Қала _____ жылғы "___" __________

      Осымен ________________________________________________________

      (мемлекеттік қазынашылық/мемлекеттік қазынашылық органы)

      "Толық бітіріп берілетін" құрылыс жобалары және лизинг қызметтері бойынша азаматтық-құқықтық мәмілелер бойынша мемлекеттік міндеттемелер шартын/қосымша келісімін нөмірмен тіркейді _______

      .

      Мемлекеттік қазынашылық/мемлекеттік қазынашылық органының басшысы

      ___________________________________________________________

      тегі, аты, әкесінің аты (ол болған жағдайда) қолы

      Мөр орны

______________________________________________________________
(мемлекеттік қазынашылық органының/мемлекеттік кірістер органының атауы)

Қазынашылық сүйемелдеу шеңберінде контрагенттердің тізбесі (өнім беруші, қосалқы мердігер) __________ жылғы "___" __________

      Қазынашылық сүйемелдеу шеңберінде бас мердігер (өнім беруші) (мемлекеттік қазынашылық органының басшысы)

      ______________________________________________________________

      тегі, аты, әкесінің аты (ол болған жағдайда) қолы

      Мөр орны

      Ескерту: осы қосымша Microsoft Exсel форматында толтырылуы тиіс.

______________________________________________________________
(мемлекеттік кірістер органының атауы)

Бас мердігердің қазынашылық сүйемелдеу шеңберінде жүргізген төлемдері туралы мәліметтер __________ жылғы "___" __________

      Мемлекеттік қазынашылық органының басшысы

      ____________________________________________________________________

      тегі, аты, әкесінің аты (ол болған жағдайда) қолы

      Мөр орны

      Мемлекеттік қазынашылық органының жауапты орындаушысы

      ___________________________________________________________________

      тегі, аты, әкесінің аты (ол болған жағдайда) қолы

      Мөртабан орны

      Ескерту: 6-бағанда тапсырыс беруші мен бас мердігер арасында жасалған шарттың күні мен нөмірі көрсетіледі.