«Құқықтық актілер туралы» 2016 жылғы 6 сәуірдегі Қазақстан Республикасының Заңы 50-бабының 2-тармағын іске асыру мақсатында БҰЙЫРАМЫН:
      1. Қазақстан Республикасы Ішкі істер министрінің мынадай:
      1) «Күзетiлетiн объектiлерден, азаматтардың пәтерлерiнен және меншiктiң барлық нысандарындағы өзге де объектiлерден Жедел басқару орталықтарына, Астана, Алматы қалаларының және облыстар iшкi iстер департаменттерiнiң кезекшi бөлiмдерiне келiп түсетiн дабыл белгiлерiне қоғамдық тәртiптi сақтауға жұмылдырылған полиция кешендi күштерiнiң ден қоюын ұйымдастыру жөніндегі нұсқаулықты бекіту туралы» Қазақстан Республикасы Ішкі істер министрінің 2003 жылғы 17 мамырдағы № 280 бұйрығының (Нормативтік құқықтық актілерді мемлекеттік тіркеу тізілімінде № 2288 болып тіркелген);
      2) «Күзетiлетiн объектiлерден және азаматтардың пәтерлерiнен, оның iшiнде күзет қызметiнiң мемлекеттік емес күзет субъектiлерi күзететiн объектiлерден Жедел басқару орталығына, Астана, Алматы қалаларының және облыстардағы iшкi iстер бас басқармаларымен Iшкi iстер басқармаларының кезекшi бөлiмдерiне келiп түсетiн дабыл белгiлерiне қоғамдық тәртiптi сақтауға жұмылдырылған полиция кешендi күштерiнiң ден қоюын ұйымдастыру жөніндегі нұсқаулықты бекіту туралы» Қазақстан Республикасы Iшкi iстер министрiнiң 2003 жылғы 17 мамырдағы № 280 бұйрығына толықтырулар мен өзгерістер енгізу туралы» Қазақстан Республикасы Ішкі істер министрінің 2005 жылғы 13 қыркүйектегі № 541 бұйрығының (Нормативтік құқықтық актілерді мемлекеттік тіркеу тізілімінде № 3871 болып тіркелді және «Заң газет» газетінің 2005 жылғы 27 желтоқсандағы № 178 (802) санында, «Ресми газет» газетінің 2006 жылғы 1 қаңтардағы № 1 (262) санында жарияланды) күші жойылды деп танылсын.
      2. Қазақстан Республикасы Ішкі істер министрлігінің Заң департаменті (С.В. Пономарев) заңнамада белгіленген тәртіппен:
      1) осы бұйрықтың көшірмесін Қазақстан Республикасы Әділет министрлігіне жолдауды;
      2) «Әділет» ақпараттық-құқықтық жүйесінде ресми жариялауды;
      3) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.
      3. Осы бұйрық қол қойылған күнінен бастап қолданысқа енгізіледі.

      Министр
      полиция генерал-полковнигі                         Қ. Қасымов