Қазақстан Республикасының 2004 жылғы 10 наурыздағы
Заңымен
бекiтілген 2002 жылғы 7 қазандағы Азаматтық, отбасылық және қылмыстық iстер бойынша құқықтық көмек пен құқықтық қатынастар туралы конвенцияның (бұдан әрi - Конвенция) 5-бабының 1-тармағын орындау үшiн Қазақстан Республикасының Үкiметi ҚАУЛЫ ЕТЕДI:
1. Конвенцияның ережелерiн орындауға уәкілеттi орталық және өзге де мемлекеттiк органдардың мынадай тiзбесi белгіленсiн:
Қазақстан Республикасы Әділет министрлiгi - азаматтық хал актілерiн, жылжымайтын мүлiкке және олармен жасалатын мәмілелерге құқықтарды тiркеу туралы құжаттар, сондай-ақ әділет органдарынан және нотариустардан шығатын өзге де ресми құжаттар бойынша;
Қазақстан Республикасы Iшкi iстер министрлiгi - прокурордың санкциясы талап етiлмейтiн жедел-iздестiру қызметiн жүзеге асыруға байланысты құжаттар, көшi-қон және iс жүргiзу әрекеттерiн жүзеге асыруға байланысты құжаттарды қоспағанда, iшкi iстер органдарының құзыретiне жататын басқа да мәселелер бойынша;
Қазақстан Республикасы Қорғаныс министрлiгi - Қазақстан Республикасы Қорғаныс министрлiгiнiң арнайы мемлекеттiк мұрағатынан шығатын мұрағаттық анықтамалар мен мұрағаттық құжаттардың көшiрмелерi бойынша;
Қазақстан Республикасы Еңбек және халықты әлеуметтiк қорғау министрлігі - оның құзыретiне кiретiн мәселелер жөнiндегi әлеуметтiк-құқықтық сипаттағы құжаттар бойынша;
Қазақстан Республикасы Қаржы министрлiгi - олардың дәрменсiздігі туралы конкурстық iс қозғалған заңды тұлғалардың берешектi төлеуiне байланысты мемлекеттiк органдардың сұрау салуы мен азаматтардың өтiнiштерi бойынша;
Қазақстан Республикасы Жоғарғы Сотының жанындағы Сот әкiмшiлiгi комитетi (келiсiм бойынша) - Қазақстан Республикасы соттарының, шет мемлекеттер соттарының тапсырмалары, азаматтар мен заңды тұлғалардың соттардың шешiмдерi мен өзге де ресми құжаттарының орындалуына байланысты өтiнiштерi бойынша;
Қазақстан Республикасы Мәдениет, ақпарат және спорт министрлiгiнің Ақпарат және мұрағат комитетi - Қазақстан Республикасының мемлекеттiк мұрағаттарынан шығатын мұрағаттық анықтамалар мен мұрағаттық құжаттардың көшiрмелерi бойынша;
Қазақстан Республикасы Бас прокуратурасы (келiсiм бойынша) қылмыстық iстер бойынша iс жүргізу әрекеттерiн жүзеге асыруға байланысты мәселелер, прокурордың санкциясы талап етiлетiн жедел-iздестiру iс-шаралары және прокуратура органдарының құзыретiне жататын құжаттар бойынша;
Қазақстан Республикасы Ұлттық қауiпсiздiк комитетi (келiсiм бойынша) - iс жүргiзу әрекеттерiн жүзеге асыруға байланысты құжаттарды қоспағанда, ұлттық қауiпсiздiк органдарының құзыретiне жататын құжаттар бойынша;
Қазақстан Республикасы Экономикалық қылмысқа және сыбайлас жемқорлыққа қарсы күрес агенттiгi (қаржы полициясы) - iс жүргiзу әрекеттерiн жүзеге асыруға байланысты құжаттарды қоспағанда, қаржы полициясы органдарының құзыретіне жататын құжаттар бойынша.
2. Осы қаулының 1-тармағында көрсетiлген мемлекеттiк органдар Конвенцияның ережелерiн орындауға уәкілеттi аумақтық органдардың тiзбелерiн белгілесiн.
