Қазақстан Республикасында валюталық операцияларды мониторингтеу қағидаларын бекіту туралы

      ЗҚАИ-ның ескертпесі!
      "Қазақстан Республикасында төтенше жағдайды енгізу туралы" ҚР Президентінің 15.03.2020 № 285 Жарлығымен енгізілген төтенше жағдай қолданылу кезеңінде есептіліктің жекелеген түрлерін ұсыну мерзімдері ұзартылды – ҚР Ұлттық Банкі Басқармасының 31.03.2020 № 42 (алғашқы ресми жарияланған күнінен бастап қолданысқа енгізіледі) қаулысымен.
      РҚАО-ның ескертпесі!
      Осы қаулы 01.07.2019 бастап қолданысқа енгізіледі

      "Қазақстан Республикасының Ұлттық Банкі туралы" 1995 жылғы 30 наурыздағы, "Мемлекеттік статистика туралы" 2010 жылғы 19 наурыздағы және "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қоса беріліп отырған Қазақстан Республикасында валюталық операцияларды мониторингтеу қағидалары бекітілсін.

      2. Төлем балансы және валюталық реттеу департаменті (Қуандықов Ә.Ә.) Қазақстан Республикасының заңнамасында белгіленген тәртіппен:

      1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулы мемлекеттік тіркелген күннен бастап күнтізбелік он күн ішінде оны қазақ және орыс тілдерінде "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберуді;

      3) осы қаулыны ресми жарияланғаннан кейін Қазақстан Республикасы Ұлттық Банкінің ресми интернет-ресурсына орналастыруды;

      4) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2), 3) тармақшаларында және 3-тармағында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

      4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары О.А. Смоляковқа жүктелсін.

      5. Осы қаулы ресми жариялануға тиіс және 2019 жылғы 1 шілдеден бастап қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрлігі

      "КЕЛІСІЛДІ"

      Қазақстан Республикасының

      Сыртқы істер министрлігі

      "КЕЛІСІЛДІ"

      Қазақстан Республикасы

      Ұлттық экономика министрлігінің

      Статистика комитеті

Қазақстан Республикасында валюталық операцияларды мониторингтеу қағидалары

1-тарау. Жалпы ережелер

      1. Қазақстан Республикасында валюталық операцияларды мониторингтеу қағидалары (бұдан әрі – Қағидалар) "Қазақстан Республикасының Ұлттық Банкі туралы" 1995 жылғы 30 наурыздағы, "Мемлекеттік статистика туралы" 2010 жылғы 19 наурыздағы, "Валюталық реттеу және валюталық бақылау туралы" 2018 жылғы 2 шілдедегі (бұдан әрі – Валюталық реттеу және валюталық бақылау туралы заң) Қазақстан Республикасының Заңдарына сәйкес әзірленді және Қазақстан Республикасында валюталық операциялардың мониторингін жүзеге асыру тәртібін белгілейді.

      2. Қағидаларда пайдаланылатын ұғымдар мен терминдер "Электрондық құжат және электрондық цифрлық қолтаңба туралы" 2003 жылғы 7 қаңтардағы Қазақстан Республикасының Заңында және Валюталық реттеу және валюталық бақылау туралы заңда көрсетілген мәндерге қолданылады.

      Қағидалардың мақсаты үшін мынадай ұғымдар пайдаланылады:

      1) бейрезидент-эмитенттердің бағалы қағаздары – базалық активі бейрезидент-эмитенттердің бағалы қағаздары болып табылатын депозитарлық қолхаттарды қоса алғанда, Қазақстан Республикасының және (немесе) эмитент елінің заңнамасына сәйкес бағалы қағаздар болып танылатын қаржы құралдары;

      2) есептік нөмірлердің тізілімі – капитал қозғалысы операциясы жүргізілетін валюталық шарттарға (бұдан әрі – капитал қозғалысы жөніндегі валюталық шарттар) және шетелдік банктердегі шоттарға Қазақстан Республикасының Ұлттық Банкі (бұдан әрі – Ұлттық Банк) беретін қолданыстағы нөмірлерінің, сондай-ақ тіркеу куәліктерінің, хабарлау туралы куәліктердің қолданыстағы нөмірлерінің тізбесі;

      3) инвестициялау объектісі – акциялары, қатысу үлесі, пайлары сатып алынатын (сатып алынған) заңды тұлға, инвестициялық пай қоры, сондай-ақ мүлкіне мүліктік жарналар салынатын (салынған) заңды тұлға, жай серіктестік, консорциум. Депозитарлық қолхаттармен операциялар жүргізген жағдайда олардың базалық активі болып табылатын бағалы қағаз эмитенті инвестициялау объектісі болып табылады;

      4) инвестор – инвестициялау объектiсiне меншік құқығы өтетін (өткен) заңды немесе жеке тұлға;

      5) қызметкерлер үшін бейрезидент-эмитенттердің бағалы қағаздарына арналған опцион бағдарламасы – бағдарлама бойынша резидент-заңды тұлғаның қызметкері осы заңды тұлғаның инвесторлары және (немесе) осы заңды тұлғаның инвесторларының инвесторлары болып табылатын бейрезидент-эмитенттердің бағалы қағаздарының келісілген санын сатып алады;

      6) өз операциялары – валюталық шарттың тарабы болып табылатын резиденттің өз атынан жүзеге асыратын операциясы;

      7) резидент-эмитенттердің бағалы қағаздары – базалық активі резидент-эмитенттердің бағалы қағаздары болып табылатын депозитарлық қолхаттарды қоса алғанда, Қазақстан Республикасының заңнамасына сәйкес бағалы қағаздар болып танылатын қаржы құралдары;

      8) тіркеу куәлігі – Қағидалар қолданысқа енгізілгенге дейін Ұлттық Банк валюталық шартты тіркеу кезінде берген және күшін жоймаған құжат;

      9) хабарлама туралы куәлік – Қағидалар қолданысқа енгізілгенге дейін Ұлттық Банк валюталық шартқа немесе шетелдік банктегі шотқа берген және күшін жоймаған құжат.

      3. Есептік нөмір тағайындау капитал қозғалысының тиісті операциясы, шетелдік банктегі шот бойынша Ұлттық Банк тарапынан қандай да бір міндеттемелерсіз жүзеге асырылады. Есептік нөмірдің болуы Қазақстан Республикасының нормативтік құқықтық актілерінің талаптарын бұзғаны үшін жауапкершіліктен босатуға негіз болып табылмайды.

      4. Уәкілетті банктер Қағидаларға сәйкес талап етілетін ақпаратты (құжаттарды, мәліметтерді, есептерді) берілетін деректердің конфиденциалдылығын және бірдейлігін қамтамасыз ететін, криптографиялық қорғаныш құралдары бар ақпаратты кепiлдiк бере отырып жеткiзудiң тасымалдау жүйесін пайдалану не электрондық цифрлық қолтаңбаны растау рәсімдерін сақтай отырып, байланыс жүйелерін пайдалану арқылы электрондық тәсілмен Ұлттық Банкке ұсынады.

      Резиденттер болып табылатын жеке және заңды тұлғалар (уәкілетті банктерді қоспағанда) Қағидаларға сәйкес талап етілетін ақпаратты (құжаттарды, мәліметтерді, есептерді) қағаз тасымалдағышта не электрондық цифрлық қолтаңбаны растау рәсімдерін сақтай отырып, байланыс жүйелерін пайдалану арқылы электрондық тәсілмен Ұлттық Банкке ұсынады.

      Бір есеп түрлі тәсілдермен ұсынылған кезде күндердің ішіндегі ең ертесі есептің ұсынылған күні болып саналады.

      5. Бейрезидент-жеке тұлғаның қайтыс болуын тіркеу, қайтыс болған деп жариялануы, әрекетке қабілетсіз немесе әрекетке қабілеті шектеулі деп танылуы және бейрезидент-заңды тұлғаның таратылуы туралы сот шешімі немесе шет мемлекеттің уәкілетті мемлекеттік органының құжаты Қағидалардың 16-тармағының бірінші бөлігінің 9) тармақшасында және 23-тармағының бірінші бөлігінің 4) тармақшасында көзделген жағдайлардың басталғандығын растайтын құжаттар болып табылады. Егер бұл құжаттар шет тілінде жасалса, онда олардың қазақ немесе орыс тіліндегі аудармасы ұсынылады.

      6. Егер Қағидаларда белгіленген мәліметтерді, есепті немесе құжатты ұсыну, сондай-ақ есептік тіркеу мерзімі жұмыс істемейтін күні аяқталатын болса, онда мәліметтерді, есепті немесе құжатты ұсыну, сондай-ақ есептік тіркеу мерзімінің аяқталған күні одан кейінгі жұмыс күні болып саналады. Қолма-қол берген кезде адресаттың мәліметтерді, есепті немесе құжатты алған күні немесе пошталық штемпель арқылы жіберген күн қағаз жеткізгіштегі мәліметтерді, есепті немесе құжатты ұсыну күні болып саналады.

      7. Егер Қағидаларда өзгеше көзделмесе, заңды тұлғаларға (уәкілетті банктерді қоспағанда) қатысты белгіленген Қағидалардың ережелері олардың филиалдары мен өкілдіктеріне қатысты қолданылады.

      8. Есептік нөмірлердің тізілімі Ұлттық Банктің ресми интернет-ресурсына орналастырылады.

2-тарау. Валюталық операцияларды мониторингтеу тәртібі

1-параграф. Резиденттердің капитал қозғалысы жөніндегі валюталық шарттар үшін есептік нөмірлерді алуы

      9. Капитал қозғалысы жөніндегі валюталық шартта есептік тіркелуге тиіс, оның шеңберінде мыналар көзделеді:

      1) мүліктің (ақшаның) Қазақстан Республикасына түсуі және (немесе) резидентте бейрезидентке мүлікті (ақшаны) қайтару бойынша баламасы 500 000 (бес жүз мың) Америка Құрама Штаттарының (бұдан әрі – АҚШ) долларынан асатын сомаға міндеттемелердің туындауы;

      2) мүлікті (ақша аударымын) Қазақстан Республикасынан беру және (немесе) резидентте бейрезиденттің мүлікті (ақшаны) қайтару бойынша баламасы 500 000 (бес жүз мың) АҚШ долларынан асатын сомаға талаптардың туындауы.

      10. Егер капитал қозғалысы жөніндегі валюталық шартта оған қол қойылған күні (ол болмаған жағдайда – күшіне енген күні) шарттың сомасы көрсетілмесе, онда капитал қозғалысы жөніндегі валюталық шарт есептік тіркелуге тиіс шарт ретінде қаралады.

      Шарттың сомасы АҚШ долларынан басқа валютамен көрсетілген және АҚШ долларына қатысты айырбастау бағамы жоқ капитал қозғалысы жөніндегі валюталық шартқа есептік тіркеудің қолданылуын айқындау мақсаты үшін шарттың АҚШ долларындағы сомасының баламасын есептеу шартқа қол қойылған күнгі (болмаған жағдайда – шарт күшіне енген күнгі) нарықтық айырбастау бағамы пайдаланыла отырып жүзеге асырылады.

      Капитал қозғалысы жөніндегі валюталық шартқа оның сомасын ұлғайтатын өзгерістер және (немесе) толықтырулар енгізілген жағдайда валюталық операция сомасын новация шартын жасау арқылы ұлғайту, валюталық шарттың АҚШ долларымен баламалы сомасын ұлғайтуды есептеу қосымша келісімге, новация шартына қол қойған күні (ол болмаған жағдайда – қосымша келісім, новация шарты күшіне енген күні) нарықтық айырбастау бағамы пайдаланыла отырып жүзеге асырылады.

      Сомасы Қағидалардың 9-тармағында көрсетілген шекті мәннен аспайтын капитал қозғалысы жөніндегі валюталық шарт бойынша, шартқа тиісті өзгерістер енгізбей шарттың сомасы нақты ұлғайған жағдайда шарт бойынша нақты орындалған міндеттемелердің АҚШ долларындағы сомасының баламасын есептеу тиісті операциялар жүргізу күні нарықтық айырбастау бағамы пайдаланыла отырып жүзеге асырылады.

      11. Капитал қозғалысы жөніндегі валюталық шартқа қатысушы-резидент капитал қозғалысы жөніндегі валюталық шартқа есептік нөмір беру үшін өзінің тұрғылықты мекенжайы (жеке тұлға үшін) не орналасқан (заңды тұлға үшін) жері бойынша орналасқан Ұлттық Банктің аумақтық филиалына өтініш жасайды.

      12. Капитал қозғалысы жөніндегі валюталық шартқа қатысушы-резидент тараптардың кез келгені осындай валюталық шарт бойынша міндеттемелерді орындау басталғанға дейін капитал қозғалысы жөніндегі валюталық шартқа есептік нөмір беруге өтініш жасайды. Егер шарт бойынша міндеттемелерді оның қатысушы-бейрезиденті бірінші бастаса және бұл орындау мүлікті резиденттің пайдасына беруге (ақшаның түсуі) байланысты болса, онда капитал қозғалысы жөніндегі валюталық шартқа қатысушы-резидент мүлікті (ақшаны) өзінің басқаруына алғанға дейін осындай валюталық шартқа есептік нөмір беруге өтініш жасайды.

      Талапты басқаға беру немесе борышты аудару, өтеусіз беру, мұрагерлік, соттың шешімі нәтижесінде бейрезидентке талап қою құқығын қабылдаған не бейрезиденттің алдындағы борышты қабылдаған резидент осындай талап (борыш) туындаған күннен бастап, бірақ оның кез келген тарабының туындаған талабы (борышы) бойынша міндеттемелерді орындау басталғанға дейін 60 (алпыс) күнтізбелік күннен кешіктірмей капитал қозғалысы жөніндегі валюталық шартқа есептік нөмір беруге өтініш жасайды.

      Соттың шешімімен немесе өзге жағдайларда резиденттен сатып алу, өтеусіз беру, мұрагерлік нәтижесінде бейрезидент-заңды тұлғаның шет елдегі жылжымайтын мүлкіне, капиталдағы үлесіне меншік құқығы өтетін резидент (резидент-жеке тұлғаларды қоспағанда) меншік құқығы өткен күннен бастап, бірақ осындай меншік құқығын иеліктен шығарғанға дейін 60 (алпыс) күнтізбелік күннен кешіктірмей капитал қозғалысы жөніндегі валюталық шартқа есептік нөмір беруге өтініш жасайды.

      13. Капитал қозғалысы жөніндегі валюталық шарттың есептік нөмірін алу үшін осындай валюталық шартқа қатысушы-резидент Ұлттық Банкке мыналарды ұсынады:

      1) валюталық шартқа есептік нөмір беруге өтініш, оның негізінде және (немесе) оны орындау үшін Қағидаларға 1-қосымшаға сәйкес нысан бойынша капитал қозғалысының операциялары жүргізіледі;

      2) жеке тұлғалар үшін – жеке басын куәландыратын, жеке сәйкестендіру нөмірін қамтитын құжаттың немесе Қазақстан Республикасында тұрақты тұру құқығын растайтын құжаттың (шетелдіктер немесе азаматтығы жоқ адамдар үшін) көшірмесі;

      3) тігілген және жеке тұлғаның немесе заңды тұлға өкілінің қолымен расталған капитал қозғалысы жөніндегі валюталық шарттың және капитал қозғалысы жөніндегі валюталық шарт бойынша міндеттемелерге қатысты оған өзгерістердің және (немесе) толықтырулардың көшірмелері. Егер капитал қозғалысы бойынша валюталық шарт шет тілінде жасалған болса, онда оның қазақ немесе орыс тілдеріндегі аудармасы ұсынылады.

      Капитал қозғалысы жөніндегі валюталық шарт бойынша осындай валюталық шартқа есептік нөмір беру үшін өтініш берілгенге дейін міндеттемелер орындалған жағдайда қатысушы-резидент Ұлттық Банктің аумақтық филиалына міндеттемелердің туындауын, орындалуын және тоқтатылуын растайтын құжаттардың көшірмелерін ұсынады.

      Құжаттар электрондық тәсілмен ұсынылған кезде капитал қозғалысы жөніндегі валюталық шарттың электрондық көшірмесі беріледі.

      Қағидалардың 15-тармағында көзделген жағдайларда жаңа есептік нөмір алу үшін, егер олар Ұлттық Банкке соңғы ұсынылған сәттен бастап өзгермесе, көрсетілген құжаттар қайта ұсынылмайды.

      14. Ұлттық Банктің аумақтық филиалы резидент Қағидалардың 13-тармағында көзделген құжаттар мен мәліметтерді толық көлемде ұсынған күннен бастап 5 (бес) жұмыс күні ішінде капитал қозғалысы жөніндегі валюталық шартқа есептік нөмір береді және есептік нөмірлердің тізіліміне енгізіледі.

      Есептік нөмір, оны беру күні Ұлттық Банктің аумақтық филиалының уәкілетті қызметкерінің қолымен және мөрімен растала отырып, қозғалысы жөніндегі валюталық шарттың түпнұсқасының немесе көшірмесінің бірінші парағында көрсетіледі.

      Есептік нөмір берілгені туралы белгісі бар капитал қозғалысы жөніндегі валюталық шарттың көшірмесінің бір данасы Ұлттық Банктің аумақтық филиалында қалады.

      Ұлттық Банктің аумақтық филиалы капитал қозғалысы операциясын жіктеуді жүзеге асырады және есептік нөмір берілген капитал қозғалысы жөніндегі валюталық шартқа қатысушы-резидентке Қағидалардың 24 және 25-тармақтарына сәйкес есеп ұсыну қажеттігі туралы хабарлайды.

      15. Есептік нөмір берілген капитал қозғалысы жөніндегі валюталық шартқа жаңа есептік нөмір алу мынадай мәліметтер өзгерген кезде қажет етіледі:

      1) капитал қозғалысы жөніндегі валюталық шарттың валютасы;

      2) егер өзгеріс капитал қозғалысы жөніндегі валюталық шартқа қатысушы-резиденттің талаптары мен міндеттемелеріндегі адамдардың ауысуына әкелетін болса, капитал қозғалысы жөніндегі валюталық шартқа қатысушылар;

      3) егер өзгеріс капитал қозғалысы операциясын қайта жіктеуге және (немесе) есеп нысанының өзгеруіне әкелетін болса, шарттың мәні;

      4) валюталық шартқа қатысушылардың-бейрезиденттердің сәйкестендіру деректері (тегі, аты, әкесінің аты (бар болса), тұрақты тұратын елі, оның ішінде шет мемлекеттің, жеке тұлғаның заңнамасына сәйкес берілген азаматтық немесе құқықтар негізінде, заңды тұлғаның, заңды тұлға филиалының (өкілдігінің) атауы, тіркеу елі);

      5) резиденттің тұрақты тұрған (орналасқан) жері – басқа облысқа, республикалық мәндегі қалаға, астанаға көшкен кезде.

      16. Капитал қозғалысы жөніндегі валюталық шарт мынадай жағдайларда Ұлттық Банктің аумақтық филиалында есептік тіркеуден шығарылады және оның есептік нөмірі есептік нөмірлер тізілімінен алып тасталады:

      1) Қағидалардың 15-тармағында көзделген жағдайларда, жаңа есептік нөмір берілген кезде;

      2) Ұлттық Банк резиденттің капитал қозғалысы жөніндегі валюталық шарт талаптарының өзгергені туралы жазбаша хабарын немесе өзге мәліметтерді алғаннан кейін, нәтижесінде валюталық шарттың сомасы Қағидалардың 9-тармағында көрсетілген шекті мәннен төмен болып белгіленеді немесе валюталық шарт Қағидалардың 17-тармағына сәйкес есептік тіркеуге жатпайды;

      3) Ұлттық Банк резиденттің қолданылу мерзімі өткен валюталық шарт бойынша тараптардың міндеттемелерді орындауының болмауы туралы жазбаша хабарын алғаннан кейін;

      4) Ұлттық Банк резиденттің резидент-инвестициялау объектісі болып табылған, инвестициялау объектісінің капиталына қатысқан, есептік нөмір берілген капитал қозғалысы жөніндегі валюталық шарт бойынша шетелде жылжымайтын мүлікке меншік құқығын иелеген жағдайларды қоспағанда, тараптар арасындағы міндеттемелердің толық тоқтатылғаны туралы жазбаша хабарын алғаннан кейін;

      5) Ұлттық Банк резиденттің активті иеленудің аяқталғаны туралы жазбаша хабарын алғаннан кейін;

      6) Ұлттық Банк резиденттің капитал қозғалысы жөніндегі валюталық шарт тарабының резиденттігінің өзгеруі туралы жазбаша хабарын алғаннан кейін, оның нәтидесінде шарт бойынша операциялар капитал қозғалысының операциялары болып табылмайды;

      7) бизнес-сәйкестендіру нөмірлерінің ұлттық тізіліміне резидент-заңды тұлға қызметінің тоқтағаны туралы мәліметтер енгізілгенде;

      8) резидент-жеке тұлғаның қайтыс болғандығы, қайтыс болған деп жариялануы, әрекетке қабілетсіз немесе әрекетке қабілеті шектеулі деп танылуы және құқықтық мирасқорларының болмауы туралы мемлекеттік орган немесе өзге уәкілетті орган құжатының болуы;

      9) Ұлттық Банк резиденттің бейрезидент-жеке тұлғаның қайтыс болғаны, қайтыс болған деп жариялануы, әрекетке қабілетсіз немесе әрекетке қабілеті шектеулі деп танылуы, капитал қозғалысы жөніндегі валюталық шарттың тарабы болып табылатын бейрезидент-заңды тұлғаның таратылғаны туралы жазбаша хабарын алғаннан кейін.

      Қағидалардың осы тармағының бірінші бөлігінің 6) және 9) тармақшаларында көзделген жағдайларда, резидент жазбаша хабармен бірге жазбаша хабарда көрсетілген жағдайлардың басталғанын растайтын құжаттардың көшірмелерін ұсынады.

      17. Мынадай капитал қозғалысы жөніндегі валюталық шарттар есептік тіркелмейді:

      1) егер капитал қозғалысы жөніндегі валюталық шарттарға қатысушылар Ұлттық Банк және (немесе) Қазақстан Республикасының Қаржы министрлігі болып табылса;

      2) егер капитал қозғалысы жөніндегі валюталық шарттарға қатысушылар "Астана" халықаралық қаржы орталығының қатысушылары болып табылса және операциялар оның аумағында жүргізілсе;

      3) Қазақстан Республикасының мемлекеттік сыртқы қарыздары, Қазақстан Республикасының мемлекеттік кепілдігі бар мемлекеттік емес сыртқы қарыздары туралы келісімдер.

      Шеңберінде капитал қозғалысының мынадай операциялары көзделген валюталық шарттар есептік тіркелмейді:

      1) Қазақстан Республикасының шетелдегі мекемелерімен, өзінің қызметін Қазақстан Республикасының аумағында жүзеге асыратын шетелдік ұйымдардың филиалдарымен (өкілдіктерімен) жүзеге асырылатын операциялар;

      2) уәкілетті банктердің, сақтандыру (қайта сақтандыру) ұйымдарының, брокерлердің және (немесе) дилерлердің, басқарушы компаниялардың меншікті капитал қозғалысы операциялары;

      3) бірыңғай жинақтаушы зейнетақы қорының және ерікті жинақтаушы зейнетақы қорының меншікті және (немесе) зейнетақы активтерін инвестициялауға байланысты операциялары;

      4) мыналарды:

      Қазақстан Республикасының мемлекеттік бағалы қағаздарын;

      резидент-эмитенттің басқа мемлекеттің заңнамасына сәйкес және оның аумағында шығарылған бағалы қағаздарын (базалық активі резидент-эмитенттің бағалы қағаздары болып табылатын депозитарлық қолхаттарды қоса алғанда);

      бейрезидент-эмитенттің Қазақстан Республикасының заңнамасына сәйкес шығарылған бағалы қағаздарын (Қазақстанның депозитарлық қолхаттарын қоса алғанда) орналастыру және (немесе) сатып алу;

      5) қайталама нарықта:

      резиденттің бейрезиденттен резидент-эмитенттің Қазақстан Республикасының заңнамасына сәйкес шығарылған борыштық бағалы қағаздарын;

      бейрезиденттің резиденттен бейрезидент-эмитенттің басқа мемлекеттің заңнамасына сәйкес және оның аумағында шығарылған бағалы қағаздарын сатып алу;

      6) резиденттердің резидент-брокермен жасасқан брокерлік қызмет көрсету туралы шарттың негізінде немесе резидент-компанияның инвестициялық портфельді басқарушымен жасасқан инвестициялық портфельді басқару жөніндегі шарттың негізінде жүзеге асырылатын операциялар;

      7) зияткерлік творчестволық қызметтің нәтижесіне айрықша құқықты толығымен иемдену;

      8) резидент-жеке тұлғалардың жылжымайтын мүлікке меншік құқығын сатып алуға, ақшаны және өзге валюталық құндылықтарды өтеусіз беруге байланысты операциялары.

      Есептік нөмір:

      1) егер осындай беру нәтижесінде міндеттемелерді орындау немесе тоқтату не резидент бұрын есептік нөмір алған капитал қозғалысы жөніндегі валюталық шарт бойынша валюталық құндылықтарға меншік құқығын иеліктен шығару болса, резиденттің бейрезидентке (бейрезиденттің резидентке) ақшаны немесе өзге валюталық құндылықтарды өтеусіз беру шартына;

      2) егер резидент бейрезиденттің инвестициялау объектісі капиталына резиденттің қатысуы (резиденттің акцияларды, қатысу үлестерін сатып алуы) бойынша капитал қозғалысы жөніндегі валюталық шарт үшін бұрын есептік нөмір алса, резиденттің акцияларды, бейрезиденттің инвестициялау объектісі капиталына қатысу үлестерін бейрезидентке сатуы бойынша шартқа;

      3) егер резидент бейрезиденттің резидент инвестициялау объектісінің капиталына бейрезиденттің қатысуы бойынша капитал қозғалысы жөніндегі валюталық шарт үшін бұрын есептік нөмір алса, резидент инвестициялау объектісінің бейрезиденттен меншікті акцияларды, капиталға қатысу үлестерін сатып алу шартына берілмейді.

2-параграф. Резидент-заңды тұлғалардың шетелдік банктердегі шоттар үшін есептік нөмірлерді алуы

      18. Жеке тұлға, банк, шетелдік ұйымның филиалы (өкілдігі) және "Астана" халықаралық қаржы орталығының қатысушысы ашқан шотты қоспағанда, шетелдік банкте банктік, аллокирленбеген шотты ашу шетелдік банктегі шот туралы хабарлауға жатады.

      19. Резидент-заңды тұлға шетелдік банктегі өзі немесе оның филиалы (өкілдігі) ашқан шотқа есептік нөмір алу үшін өзі орналасқан жердегі Ұлттық Банктің аумақтық филиалына осы шотты пайдалана отырып операциялар жүргізгенге дейін өтініш жасайды.

      20. Шетелдік банктегі шотқа есептік нөмір алу үшін резидент-заңды тұлға Ұлттық Банктің аумақтық филиалына:

      1) Қағидаларға 2-қосымшаға сәйкес бизнес-сәйкестендіру нөмірін көрсете отырып, нысан бойынша шетелдік банктегі шотқа есептік нөмір беруге өтінішті;

      2) шетелдік банктің шот ашу туралы шоттың деректемелері көрсетілген құжаттың көшірмесін ұсынады. Егер құжат шет тілінде жасалса, онда оның қазақ немесе орыс тіліндегі аудармасы ұсынылады.

      21. Шетелдік банктегі шотқа есептік нөмірді Ұлттық Банктің аумақтық филиалы резидент-заңды тұлға Қағидалардың 20-тармағында көзделген құжаттар мен мәліметтерді толық көлемде ұсынған күннен бастап 5 (бес) жұмыс күні ішінде береді және есептік нөмірлердің тізіліміне енгізеді.

      Есептік нөмір, ол берілген күн шетелдік банктің шот ашу туралы шоттың деректемелері көрсетілген құжаттың түпнұсқасының немесе көшірмесінің бірінші парағында уәкілетті қызметкердің қолымен және Ұлттық Банктің аумақтық филиалының мөрімен куәландырады.

      Есептік нөмір берілгені туралы белгісі бар шетелдік банктің шот ашу туралы құжатының көшірмесінің бір данасы Ұлттық Банктің аумақтық филиалында қалады.

      Ұлттық Банктің аумақтық филиалы резидент-заңды тұлғаға шетелдік банктегі есептік нөмір берілген шот бойынша Қағидалардың 24 және 26-тармақтарына сәйкес есеп ұсыну қажеттілігі туралы хабарлайды.

      22. Шетелдік банктегі есептік нөмір берілген шотқа жаңа есептік нөмір алу мынадай мәліметтер өзгерген кезде талап етіледі:

      1) шетел банкінің атауы;

      2) басқа облысқа, республикалық маңызы бар қалаға, астанаға көшкен кезде резиденттің орналасқан жері.

      23. Шетелдік банктегі шот:

      1) Қағидалардың 22-тармағында көзделген жағдайларда жаңа есептік нөмір берілген кезде;

      2) Ұлттық Банк резидент-заңды тұлғадан шотты жабу туралы жазбаша хабар алғаннан кейін;

      3) Бизнес-сәйкестендіру нөмірлерінің ұлттық тізіліміне резидент-заңды тұлға қызметінің тоқтатылғаны туралы жазба енгізілген кезде;

      4) Ұлттық Банк резидент-заңды тұлғадан шетелдік банктің таратылғаны туралы жазбаша хабар алғаннан кейін Ұлттық Банктің аумақтық филиалындағы есептік тіркеуден шығарылады және оның есептік нөмірі есептік нөмірлердің тізілімінен алып тасталады.

      Қағидалардың осы тармағының бірінші бөлігінің 2) және 4) тармақшаларында көзделген жағдайларда резидент-заңды тұлға жазбаша хабарда көрсетілген жағдайлардың басталғанын растайтын құжаттардың көшірмелерін ұсынады.

3-параграф. Капитал қозғалысы жөніндегі валюталық шарттар және шетелдік банктердегі шоттар бойынша ақша қозғалысын және міндеттемелердің өзге орындалуын мониторингтеу

      24. Резидент тоқсан сайын, есепті кезеңнен кейінгі айдың 10 (оныншы) күніне (қоса алғанда) дейін капитал қозғалысы немесе шетелдік банктегі шот жөніндегі валюталық шарт үшін есептік нөмір алған жер бойынша Ұлттық Банктің аумақтық филиалына Қағидалардың 25 және 26-тармақтарына сәйкес нысандар бойынша есептер ұсынады.

      Есептерді ұсыну есептік нөмірді беру күні кіретін кезең үшін есептен басталады және капитал қозғалысы жөніндегі валюталық шарт немесе шетелдік банктегі шот есептік тіркеуден шығарылған кезең үшін есеппен аяқталады.

      25. Есептік нөмір берілген капитал қозғалысы жөніндегі валюталық шартқа қатысушы-резидент мынадай есептерді береді:

      1) қаржылай қарыздар бойынша – Қағидаларға 3-қосымшаға сәйкес нысан бойынша қаржылай қарызды игеру және қызмет көрсету туралы есеп;

      2) резиденттің бейрезидент-инвестициялау объектісінің капиталына қатысуы бойынша, резиденттің бейрезиденттің акцияларын, капиталына қатысу үлестерін сатып алуы бойынша – Қағидаларға 4-қосымшаға сәйкес нысан бойынша инвестициялау объектісінің капиталына қатысу туралы есеп;

      3) бейрезиденттің резидент-инвестициялау объектісінің капиталына қатысуы бойынша, резиденттің бейрезиденттен резиденттің акцияларын, капиталына қатысу үлестерін сатып алуы (резиденттің бейрезидентке сатуы) бойынша – Қағидаларға 4-қосымшаға сәйкес нысан бойынша инвестициялау объектісінің капиталына қатысу туралы есеп;

      4) бағалы қағаздармен (капиталға қатысуды қоспағанда), туынды қаржы құралдарымен операциялар бойынша – Қағидаларға 5-қосымшаға сәйкес нысан бойынша міндеттемелердің орындалуы туралы есеп;

      5) жылжымайтын мүлікке меншік құқығын сатып алуға, азаматтық айналымға, тауарларға, жұмыстарға немесе қызмет көрсетулерге қатысушыларды дараландыру құралдарына айрықша құқықтарды толығымен сатып алуға, ақшаны және өзге де мүлiктi бірлескен қызметке қатысушының мiндеттемелерiн орындау үшiн, сенімгерлік басқаруға, трастқа беруге байланысты операциялар бойынша – Қағидаларға 5-қосымшаға сәйкес нысан бойынша міндеттемелердің орындалуы туралы есеп;

      6) клиенттердің тапсырмалары бойынша валюталық операцияларды жүзеге асыратын бағалы қағаздар нарығына кәсіби қатысушыларға ақшаны және қаржы құралдарын клиенттерге тиесілі ақшаны есепке алуға және сақтауға арналған шоттарға беруге байланысты операциялар бойынша –Қағидаларға 5-қосымшаға сәйкес нысан бойынша міндеттемелердің орындалуы туралы есеп;

      7) ақшаны және өзге де валюталық құндылықтарды өтеусіз беру бойынша – Қағидаларға 5-қосымшаға сәйкес нысан бойынша міндеттемелердің орындалуы туралы есеп.

      26. Резидент-заңды тұлға шетелдік банктегі есептік нөмір берілген шот бойынша мынадай есептерді ұсынады:

      1) шетелдік банктегі, оның Қазақстан Республикасынан тысқары орналасқан филиалы (өкілдігі) ашқан шот жөніндегі есеп – Қағидаларға 5-қосымшаға сәйкес нысан бойынша міндеттемелердің орындалуы туралы есеп;

      2) Қағидалардың осы тармағының бірінші бөлігінің 1) тармақшасында көрсетілмеген жағдайларда – Қағидаларға 6-қосымшаға сәйкес нысан бойынша шетелдік банктегі ақша қозғалысы туралы есеп.

      27. Қағидалардың 24-тармағына сәйкес есеп ұсынған резидент Ұлттық Банктің сұратуы бойынша, сұратуда көрсетілген мерзімдерде:

      1) капитал қозғалысы жөніндегі валюталық шарт бойынша міндеттемелердің туындауын, орындалуын және тоқтатылуын растайтын құжаттардың көшірмелерін;

      2) қаражатты игеру және қаржылай қарыздар бойынша берешекті өтеу жөніндегі болжамды деректер туралы ақпаратты;

      3) инвестициялау объектісінің капиталға қатысу жөніндегі қаржылық есептілігін;

      4) жүргізілген төлемдер және (немесе) аударымдар туралы және шетелдік банктегі шоттағы ақша сомасы туралы үзінді-көшірмені ұсынады.

      28. Резидент капитал қозғалысы жөніндегі валюталық шарт немесе шетелдік банктегі есептік нөмірі бар шот бойынша Ұлттық Банктің аумақтық филиалына мынадай күннен бастап күнтізбелік 60 (алпыс) күннен кешіктірмей:

      1) тұрақты тұратын жері (резидент-жеке тұлға үшін) не орналасқан жері (резидент-заңды тұлға, резидент-заңды тұлғаның филиалы үшін) өзгерген – жаңа тұрақты тұратын жері (резидент-жеке тұлға үшін) не орналасқан жері (резидент-заңды тұлға үшін) бойынша осындай өзгерістер туралы;

      2) капитал қозғалысы жөніндегі валюталық шартқа өзгерістер және (немесе) толықтырулар енгізілген, өзге валюталық шарт жасаған немесе оған өзгерістер және (немесе) толықтырулар енгізілген, капитал қозғалысы операцияларын жүзеге асыруға қатысты құжаттарға қол қойылған немесе күшіне енгізілген – капитал қозғалысы жөніндегі валюталық шартқа есептік нөмір берілген жер бойынша тиісті құжаттардың көшірмелерін ұсына отырып, осындай өзгерістер және (немесе) толықтырулар туралы;

      3) капитал қозғалысы жөніндегі валюталық шартқа қатысушы-резиденттің және (немесе) қатысушы-бейрезиденттің сәйкестендіру деректері өзгерген (жеке тұлғаның тегі, аты, әкесінің аты (болған кезде), тұрақты тұратын жері, оның ішінде шет мемлекеттің заңнамасына сәйкес берілген азаматтығы немесе құқығы негізінде, заңды тұлғаның, заңды тұлғаның филиалының (өкілдігінің) атауы, тіркелген елі) – капитал қозғалысы жөніндегі валюталық шартқа есептік нөмір берілген жер бойынша осындай өзгерістер туралы;

      4) шетелдік банктегі шоттың деректемелері өзгерген – тиісті құжаттардың көшірмелерін ұсына отырып, шетелдік банктегі шотқа есептік нөмір берілген жер бойынша осындай өзгерістер туралы;

      5) резидент-заңды тұлғаның атауы өзгерген – шетелдік банктегі шотқа есептік нөмір берілген жер бойынша осындай өзгеріс туралы жазбаша хабарлайды.

      29. Капитал қозғалысы жөніндегі валюталық шартқа қатысушы-резидент Ұлттық Банктің сұратуы бойынша капитал қозғалысының операцияларын жүзеге асыруға қатысты және (немесе) бұрын ұсынылған құжаттарға сілтемелер бар құжаттарды және (немесе) мәліметтерді ұсынады.

      30. Капитал қозғалысы жөніндегі валюталық шарт немесе шетелдік банктегі есептік нөмір берілген шот бойынша есептер ұсыну резидентте борышкерді банкрот деп тану және оны банкрот рәсімдерін қозғай отырып тарату туралы шешім болған кезде осындай шешімдер қабылданған күннен кейінгі кезеңдер үшін талап етілмейді. Осындай шешімнің көшірмесі Ұлттық Банкке ұсынылады.

      Сот банкроттық туралы іс бойынша өндірісті тоқтата тұру немесе тоқтату туралы ұйғарым, борышкерді банкрот деп танудан бас тарту туралы шешім шығарған не соттың борышкерді банкрот деп тану бас тарту туралы шешімнің күші жойылған жағдайда есептер ұсыну жаңартылады.

      31. Уәкілетті банк Қағидалардың 34-тармағына сәйкес капитал қозғалысы жөніндегі валюталық шарттар бойынша төлемдер және (немесе) аударымдар туралы және резиденттердің шетелдік банктердегі меншікті шоттарынан (меншікті шоттарына) ақша аударымдары туралы хабарлайды.

4-параграф. Уәкілетті банктердің жүргізілген валюталық операциялар туралы хабардар етуі

      32. Уәкілетті банк ай сайын, есепті кезеңнен кейінгі айдың 10 (оныншы) күніне (қоса алғанда) дейін Ұлттық Банктің орталық аппаратына Қағидаларға 7-қосымшаға сәйкес нысан бойынша уәкілетті банктің бейрезиденттерден қаржылай қарыздар тарту талаптары туралы есепті ұсынады.

      Валюталық операцияларды жүргізу жағдайларын нақтылау мақсатында уәкілетті банк Ұлттық Банктің орталық аппаратының сұратуы бойынша қаржылай қарыз шартының көшірмесін ұсынады.

      33. Уәкілетті банк тоқсан сайын, есепті кезеңнен кейінгі айдың 10 (оныншы) күніне (қоса алғанда) дейін Ұлттық Банктің орталық аппаратына Қағидаларға 8-қосымшаға сәйкес нысан бойынша уәкілетті банк бейрезиденттерден тартқан, есепті кезеңнің басында және (немесе) соңында өтелмеген міндеттемелері бар қаржылай қарыздарды игеру және оларға қызмет көрсету туралы есепті ұсынады.

      Уәкілетті банк есеп шеңберінде Ұлттық Банктің сұратуы бойынша қаражатты игеру және берешекті өтеу бойынша болжамды деректер туралы ақпаратты ұсынады.

      34. Уәкілетті банк ай сайын, есепті кезеңнен кейінгі айдың 18 (он сегізіне) (қоса алғанда) дейін Ұлттық Банктің орталық аппаратына Қағидаларға 9-қосымшаға сәйкес нысан бойынша жүргізілген, оның ішінде клиенттің тапсырмасы бойынша жүргізілген, сомасы 50 000 (елу мың) АҚШ доллары баламасына тең немесе одан асатын валюталық операцияларды қамтитын валюталық операциялар туралы есепті, сондай-ақ сомасына қарамастан, клиенттің тапсырмасы бойынша шетел валютасын сатып алу және сату туралы ақпаратты ұсынады.

      Есепте валютасы АҚШ долларынан өзгеше валюталық операцияны көрсету мақсатында валюталық операция сомасының баламасы валюталар айырбастаудың операциялар жүргізу күнгі нарықтық бағамы пайдаланыла отырып есептеледі.

      Валюталық операцияларды жүргізуді нақтылау мақсатында уәкілетті банк Ұлттық Банктің сұратуы бойынша валюталық шарттың көшірмесін ұсынады.

5-параграф. Жеке жағдайлар

      35. Егер капитал қозғалысы жөніндегі валюталық шартты есептік тіркеу үшін Қазақстан Республикасында орналасқан валюталық шартқа қатысушы – резидент-заңды тұлғаның филиалы (өкілдігі) өтініш жасаса, Қағидаларға 1-қосымшаға сәйкес нысан бойынша, негізінде және (немесе) орындалуы үшін капитал қозғалысы операциялары жүргізілетін валюталық шартқа есептік нөмір беруге өтініште капитал қозғалысы жөніндегі валюталық шартқа қатысушы ретінде резидент-заңды тұлғаның осы филиалының (өкілдігінің) валюталық операцияны жүзеге асыруы туралы белгісімен резидент- заңды тұлға көрсетіледі. Резидент - заңды тұлғаның филиалы (өкілдігі) өзінің орналасқан жері бойынша Ұлттық Банктің аумақтық филиалына өтініш жасайды.

      36. Қазақстан Республикасынан тысқары орналасқан резидент-заңды тұлға филиалының (өкілдігінің) капитал қозғалысы жөніндегі валюталық шартына немесе шетелдік банктегі шотына есептік нөмір беру үшін резидент- заңды тұлға өтініш жасайды. Қағидаларға 1-қосымшаға сәйкес нысан бойынша негізінде және (немесе) орындалуы үшін капитал қозғалысы операциясы жүргізілетін валюталық шартқа есептік нөмір беруге өтініште немесе Қағидаларға 2-қосымшаға сәйкес шетелдік банктегі шотқа есептік нөмір беруге өтініште резидент- заңды тұлғаның осы филиалының (өкілдігінің) валюталық операцияны жүзеге асыру немесе шетелдік банкте шот ашу туралы белгісімен резидент- заңды тұлға көрсетіледі. Мәліметтерді, есептерді және құжаттарды беруді резидент- заңды тұлға жүзеге асырады.

      37. Резидент-заңды тұлғаның қызметкерлері үшін бейрезидент- эмитенттердің бағалы қағаздарына опциондар бағдарламасы шеңберінде капитал қозғалысы жөніндегі валюталық шартты есептік тіркеу үшін резидент – заңды тұлға өтініш жасайды.

      38. Бірнеше қатысушы-резиденттері (бейрезиденттері) бар капитал қозғалысы жөніндегі валюталық шартқа есептік нөмір мүліктің (ақшаның) Қазақстан Республикасына келіп түсуі (Қазақстан Республикасынан беруі) және (немесе) осындай валюталық шарт шеңберінде резиденттер және бейрезиденттер арасында міндеттемелердің (талаптардың) туындауы жалпы сомасы Қағидалардың 9-тармағында көрсетілген шекті мәннен асқан кезде беріледі.

      39. Резидент-тарап көрсетілмеген капитал қозғалысы жөніндегі валюталық шартқа есептік нөмір беру үшін мүлікті (ақшаны) алушы (жөнелтуші) болып табылатын немесе бейрезидент алдында міндеттемелері немесе бейрезидентке талаптар туындайтын резидент өтініш жасайды.

      40. Бірнеше қатысушы-резиденттері бар капитал қозғалысы жөніндегі валюталық шартқа есептік нөмір беру үшін валюталық шарт сомасының басым бөлігі тиесілі осындай валюталық шарттың резидент - тарабы не осындай тарап болмаған кезде – бейрезидент алдында міндеттемелерін орындауды бірінші бастайтын (бастаған) резидент-тарап өтініш жасайды. Өзге жағдайларда есептік нөмір беру үшін капитал қозғалысы жөніндегі валюталық шарттың резидент- тараптарының бірі өтініш жасайды.

      Есептік нөмір беру үшін өтініш жасаған резидент Ұлттық Банктің аумақтық филиалына капитал қозғалысы жөніндегі валюталық шартқа есептік нөмір беру жөніндегі өтінішке қатысты капитал қозғалысы жөніндегі валюталық шарттың басқа резидент-тараптарының жазбаша келісімін ұсынады. Қағидаларға 1-қосымшаға сәйкес нысан бойынша негізінде және (немесе) орындалуы үшін капитал қозғалысы операциясы жүргізілетін валюталық шартқа есептік нөмір беруге өтініште капитал қозғалысы жөніндегі валюталық шарттың барлық қатысушы- резиденттері көрсетіледі.

      Капитал қозғалысы жөніндегі валюталық шартқа басқа қатысушы- резиденттер бейрезиденттің пайдасына төлемдер және (немесе) аударым жасаған және (немесе) бейрезиденттен ақша алған кезде уәкілетті банкке есептік нөмірдің берілгені туралы белгісі бар капитал қозғалысы жөніндегі валюталық шарттың көшірмесін ұсынады.

      Қағидалардың осы тарауының 3-параграфында көзделген мәліметтерді, есептерді және құжаттарды беруді есептік нөмір беру үшін өтініш жасаған резидент жүзеге асырады.

      Валюталық шартқа басқа қатысушы-резиденттің валюталық шарттың есептік тіркелген орны бойынша Ұлттық Банктің аумақтық филиалына жазбаша түрде өтініш жасаған соң және есептік нөмір беру үшін өтініш жасаған резиденттің жазбаша келісімін ұсынған кезде мәліметтерді, есептерді және құжаттарды беруіне рұқсат етіледі.

      Валюталық шартқа қатысушы-резиденттердің мәліметтерді, есептерді және құжаттарды бейрезидент (бейрезиденттер) алдындағы өз міндеттемелерін орындау бөлігінде олар валюталық шарттың есептік тіркелген орны бойынша Ұлттық Банктің аумақтық филиалына жазбаша өтініш жасағаннан және есептік нөмір беру үшін өтініш жасаған резиденттің жазбаша келісімін ұсынғаннан соң өздігінен беруіне рұқсат етіледі.

      Мәліметтер, есептер және құжаттар валюталық шарттың есептік тіркелген орны бойынша Ұлттық Банктің аумақтық филиалына ұсынылады.

      41. Бірнеше қатысушы-резиденттермен капитал қозғалысы жөніндегі валюталық шарт валюталық шарттың есептік тіркелген орны бойынша Ұлттық Банктің аумақтық филиалы валюталық шартқа барлық қатысушы-резиденттерден міндеттемелердің толық орындалғаны туралы жазбаша хабар алған соң есептік тіркеуден алынады.

      42. Шетелдік банкте "эскроу-шот" режимінде шот ашқан кезде есептік нөмір беру үшін атына шот ашылған резидент- заңды тұлға өтініш жасайды. Қағидаларға 2-қосымшаға сәйкес нысан бойынша шетелдік банкте шотқа есептік нөмір беруге өтініште сондай-ақ шетелдік банкте шот ашқан тұлға көрсетіледі.

      43. Егер есептік нөмір аралас шартқа берілсе және валюталық шарт шеңберінде капитал қозғалысы жөніндегі әрбір валюталық операция бойынша түрлі нысандар бойынша есептерді беру көзделсе, онда әрбір аралас шарт шеңберінде капитал қозғалысы жөніндегі әрбір валюталық операцияға жеке есеп ұсынылады.

      44. Базалық активті қолдану немесе іске асыру мақсатында сатып алынатын және базалық активтен тәуелсіз беріле алмайтын (сатыла алмайтын) туынды қаржы құралдарына байланысты валюталық операциялар базалық активі бар валюталық операциялар ретінде қарастырылады.

3-тарау. Өтпелі ережелер

      45. Қағидалар қолданысқа енгізілген күннен бастап:

      1) Қағидалардың 9-тармағында көрсетілген шекті мәннен аспайтын сомаға берілген;

      2) Қазақстан Республикасының аумағында өз қызметін жүзеге асыратын, Қағидалар қолданысқа енгізілген күннен бастап резидент болып табылатын шетелдік ұйымдардың филиалдарымен (өкілдіктерімен) капитал қозғалысы жөніндегі валюталық операцияларға берілген;

      3) сақтандыру (қайта сақтандыру) ұйымдарының, брокерлердің және (немесе) дилерлердің, басқарушы компаниялардың жеке операцияларына берілген;

      4) зияткерлік шығармашылық қызмет нәтижесіне толық айырықша құқықты иеленуге берілген;

      5) экспорт және импорт жөніндегі валюталық операцияларға берілген тіркеу куәліктері, хабарлама туралы куәліктер өз қолданысын тоқтатады.

      46. Қағидалардың 45 және 47-тармақтарында көрсетілгенді қоспағанда, Қағидалар қолданысқа енгізілгенге дейін тіркеу куәлігі немесе хабарлама туралы куәлік алынған валюталық шарт немесе шетелдік банктегі шот есептік тіркеуге қабылданды деп саналады. Тіркеу куәлігінің, хабарлама туралы куәліктің нөмірі төлемдер және (немесе) ақша аударымын жүргізу және Ұлттық Банкке есептер беру кезінде капитал қозғалысы жөніндегі валюталық шарттың, шетелдік банктегі шоттың есептік нөмірі ретінде көрсетіледі. Шетелдік банктегі осындай валюталық шарттар, шоттар бойынша есептер беру, жаңа есептік нөмір алу, есептік тіркеуден шығару Қағидаларда белгіленген тәртіппен жүзеге асырылады.

      47. Банкке бейрезиденттен қаржылай қарызға берілген хабарлама туралы куәлік капитал қозғалысы жөніндегі валюталық шарт бойынша міндеттемелерді толық орындағанға дейін қолданылады және Қағидалардың 16-тармағында көзделген негіздер бойынша, сол сияқты Қағидалардың 15-тармағының 1), 2), 3) және 4) тармақшаларында көрсетілген мәліметтер өзгерген кезде күшін жойған деп саналады.

      48. Қағидалар қолданысқа енгізілген күні тіркеу куәлігі немесе хабарлама туралы куәлік қолданыста болатын капитал қозғалысы жөніндегі валюталық шартқа немесе шетелдік банктегі шотқа есептік нөмір беру Қағидалардың 14-тармағының екінші бөлігіне және 21-тармағының екінші бөлігіне сәйкес бұрын ресімделген тіркеу куәлігінің немесе хабарлама туралы куәліктің нөмірі мен күнін түпнұсқаға немесе валюталық шарттың көшірмесіне көшіру арқылы тіркеу куәлігін немесе хабарлама туралы куәлікті ресімдеген резидент Ұлттық Банктің аумақтық филиалына жазбаша өтініш жасаған кезде жүзеге асырылады.

      49. Қағидалар қолданысқа енгізілген күннен бастап есептік тіркеу талабы қолданылатын капитал қозғалысы жөніндегі валюталық шарт, шетелдік банктегі шоттар міндеттемелерді бірінші орындағанға, Қағидалар қолданысқа енгізілген соң шетелдік банктегі шотты пайдалана отырып ақша аударғанға дейін Ұлттық Банктің аумақтық филиалында есептік тіркелуге жатады.

Негізінде және (немесе) орындалуы үшін капитал қозғалысы операциялары жүргізілетін валюталық шартқа есептік нөмір беруге арналған өтініш

      _________________________________________________________________

      (жеке тұлғаның тегі, аты, әкесінің аты (бар болса), заңды тұлғаның атауы)

      Жеке сәйкестендіру нөмірі (бұдан әрі – ЖСН), бизнес-сәйкестендіру нөмірі

      (бұдан әрі – БСН) _______________________________________________

      мекенжайы _____________________________________________________

      _______________________________________________ телефон _____________

      1. ____ жылғы "__" ________ №____________________ валюталық шарт

      ____________________________________________________________________

      ____________________________________________________________________

                              (құжаттың атауы)

      ____________________________________________________________________

      ____________________________________________________________________

                        (мақсаты мен бағыты)

      2. Валюталық шартқа толықтыру ретінде мынадай құжаттар берілді:

      ____________________________________________________________________

      ____________________________________________________________________

      ____________________________________________________________________

                  (құжаттың атауы, нөмірі, ресімделген күні)

      3. Валюталық шартқа басқа қатысушы-резиденттер:

      жеке тұлғаның тегі, аты, әкесінің аты (бар болса), ЖСН, заңды тұлғаның атауы,

      БСН __________________________________________________________

      ____________________________________________________________________

      4. Валюталық шартқа басқа қатысушы-бейрезиденттер:

      жеке тұлға үшін: тегі, аты, әкесінің аты (бар болса), тұрақты тұратын елі (елдері)

      _____________________________________________________________

      ____________________________________________________________________

      азаматтық елі (елдері) (тұрақты тұратын жерімен сәйкес келмегенде толтырылады)

      _______________________________________________________

      заңды тұлға үшін: атауы, тіркелген елі, тіркелген елінің сәйкестендіру нөмірі (бар болса)

      ____________________________________________________________________

      ____________________________________________________________________

      ____________________________________________________________________

      5. Валюталық шарттың сомасы ____________________________________

                                    (валюталық шарт валютасында)

      Шарттың валютасы ______________________________________________

      6. Қазақстан Республикасы Ұлттық Банкінің осы валюталық шарт бойынша бұрын

      берілген есептік нөмірлері (тіркеу куәліктері, хабарлама туралы куәліктер)

      _____________________________________________________

      ____________________________________________________________________

      7. Мынадай толтырылған бөлімдер көрсетілген (белгіленсін):

      _____ 1-бөлім. Қаржылай қарыздар;

      _____ 2-бөлім. Капиталға қатысу, бағалы қағаздармен, қатысу үлестерімен

      және туынды қаржы құралдарымен операциялар;

      _____ 3-бөлім. Капитал қозғалысының басқа операциялары.

      Өтініш берушінің уәкілетті тұлғасы:

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

                  (қолы)       (тегі, аты, әкесінің аты (бар болса))

      20__ жылғы "____" ___________

      1-бөлім. Қаржылай қарыздар

      1. Операция түрі (белгіленсін):

      _____ резиденттің бейрезидентке берген қаржылай қарызы;

      _____ бейрезиденттің резидентке берген қаржылай қарызы.

      2. Бейрезиденттiң резидентке қатысы (белгiленсiн):

      1) _____ бейрезиденттің резиденттің дауыс беретін акцияларының, қатысушылары

      дауыстарының 10 (он) пайызы және одан астамына тікелей иелік етуі;

      2) _____ бейрезиденттің резиденттің дауыс беретін акцияларының, қатысушылары

      дауыстарының 10 (он) пайызы және одан астамына жанама иелік етуі;

      3) _____ резиденттің бейрезиденттің дауыс беруші акцияларының, қатысушылары

      дауыстарының 10 (он) пайызы және одан астамына тікелей иелік етуі;

      4) _____ резиденттің бейрезиденттің дауыс беретін акцияларының, қатысушылары

      дауыстарының 10 (он) пайызы және одан астамына жанама иелік етуі;

      5) _____ резидент және бейрезидент бір-біріне ешқандай бақылау жасай алмайды

      және әсер ете алмайды, бірақ резиденттің дауыс беретін акцияларының,

      қатысушылары дауыстарының кемінде 10 (он) пайызы тікелей немесе жанама

      иелік ететін бір инвестордың бақылауында немесе ықпалында болады;

      6) _____ өтініштің осы тармағының 1), 2), 3), 4) және 5) тармақшаларында

      көрсетілмеген жағдайлар.

      3. Кредиттi пайдаланғаны үшiн сыйақы (мүдде) мөлшерлемесі:

      1) _____ белгіленген: жылдық __________________%

      2) _____ өзгермелі: ______________________ есептеу базасы, __________ маржа мөлшері

      4. Негiзгi борыш бойынша мерзiмi өткен төлемдер үшiн мөлшерлеме (бар болса):

      мерзiмi өткен әрбiр күнге _________________________________________

      өзге (талдап көрсетілсін) __________________________________________

      ____________________________________________________________________

      5. Iлеспе төлемдер (ұйымдастырғаны, басқарғаны, мiндеттемелер және басқа

      үшiн комиссия, бар болса) ________________________________________

      ____________________________________________________________________

      ____________________________________________________________________

      (кредит сомасы, негiзгi борыш сомасының пайыздарымен және т.б.)

      6. Операцияның қысқаша сипаттамасы (ақы төлеу бойынша нұсқау, қаражат

      қозғалысының схемасы және басқасы) ___________________________

      ____________________________________________________________________

      ____________________________________________________________________

      7. Агент (оператор, ұйымдастырушы) туралы мәлiметтер (бар болса):

      резидент ___ бейрезидент ___ (белгiленсiн)

      атауы __________________________________________________________

      резиденттің БСН ________________________________________________

      бейрезиденттің тіркелген елі, тіркелген елінің сәйкестендіру нөмірі (бар болса))

      ______________________________________________________________

      ____________________________________________________________________

      8. Ерекше жағдайлардың болуы (белгiленсiн):

      _____ қарыз алушының ұзартуға құқығы;

      _____ қарыз алушының мерзiмiнен бұрын өтеу құқығы;

      _____ кредитордың берешектi мерзiмiнен бұрын өтеудi талап ету құқығы;

      _____ басқа да (талдап жазу) ______________________________________

      ____________________________________________________________________

      9. Қаражаттың түсу және берешектi өтеу кестесi шарт валютасының мың бiрлiгi

      10. Ескертпе ____________________________________________________

      ____________________________________________________________________

      2-бөлім. Капиталға қатысу, бағалы қағаздармен, қатысу үлестерімен және туынды қаржы құралдарымен операциялар

      1. Операция түрі (белгіленсін):

      1) _____ бейрезиденттің капиталына қатысу;

      2) _____ резиденттің капиталына қатысу;

      3) _____ эмитент-бейрезиденттердің борыштық бағалы қағаздарымен операциялар;

      4) _____ эмитент-резиденттердің борыштық бағалы қағаздарымен операциялар;

      5) _____ депозитарлық қолхаттармен операциялар;

      6) _____ туынды қаржы құралдарымен операциялар.

      2. Бейрезиденттің резидентке қатысы (3), 4) операция түрлері үшін толтырылады):

      1) _____ бейрезиденттің резиденттің дауыс беретін акцияларының, қатысушылары

      дауыстарының 10 (он) пайызы және одан астамына тікелей иелік етуі;

      2) _____ бейрезиденттің резиденттің дауыс беретін акцияларының, қатысушылары

      дауыстарының 10 (он) пайызы және одан астамына жанама иелік етуі;

      3) _____ резиденттің бейрезиденттің дауыс беретін акцияларының, қатысушылары

      дауыстарының 10 (он) пайызы және одан астамына тікелей иелік етуі;

      4)_____ резиденттің бейрезиденттің дауыс беретін акцияларының, қатысушылары

      дауыстарының 10 (он) пайызы және одан астамына жанама иелік етуі;

      5) _____ резидент және бейрезидент бір-біріне ешқандай бақылау жасай алмайды

      және әсер ете алмайды, бірақ резиденттің дауыс беретін акцияларының, қатысушылары

      дауыстарының кемінде 10 (он) пайызы тікелей немесе жанама иелік ететін бір

      инвестордың бақылауында немесе ықпалында болады;

      6) _____ өтініштің осы тармағының 1), 2), 3), 4) және 5) тармақшаларында көрсетілмеген жағдайлар.

      3. Шарт туралы мәліметтер:

      мерзiмi өткен төлемдер үшiн мөлшерлеме (әрбір мерзімі өткен күн үшін, өзгесі,

      бар болса) _____________________________________________________

      iлеспе төлемдер (ұйымдастырғаны, басқарғаны үшiн комиссия, мiндеттемелер

      және тағы басқалар, бар болса) ____________________________

      ____________________________________________________________________

      операцияның қысқаша сипаттамасы (ақы төлеу жөніндегі нұсқаулық, қаражат

      қозғалысының схемасы және басқа) ______________________________

      ____________________________________________________________________

      өтiнiш берiлген күнi валюталық шарт бойынша міндеттемлердің орындалуы:

      4. Инвестор туралы мәлiметтер (егер өтiнiш берушi инвестор болып табылса, толтырылмайды):

      резидент _____ бейрезидент _____ (белгiленсiн)

      жеке тұлға үшін: тегі, аты, әкесінің аты (бар болса), резиденттің ЖСН, бейрезиденттің тұрақты

      тұратын елі (елдері) ______________________________

      ____________________________________________________________________

      бейрезиденттің азаматтығының елі (елдері) (егер тұрақты тұратын елмен сәйкес келмейтін

      болса, толтырылады)___________________________________

      ____________________________________________________________________

      заңды тұлға үшін: резиденттің атауы, БСН, бейрезиденттің тіркелу елі, бейрезиденттің тіркелу

      елінің сәйкестендіру нөмірі (бар болса)

      ____________________________________________________________________

      ____________________________________________________________________

      5. Сатушы туралы мәлiметтер (егер өтiнiш берушi сатушы болып табылса, толтырылмайды):

      резидент _____ бейрезидент _____ (белгiленсiн)

      жеке тұлға үшін: тегі, аты, әкесінің аты (бар болса), резиденттің ЖСН, бейрезиденттің тұрақты

      тұратын елі (елдері) ______________________________

      ____________________________________________________________________

      бейрезиденттің азаматтығының елі (елдері) (егер тұрақты тұратын елмен сәйкес келмейтін

      болса, толтырылады) ___________________________________

      ____________________________________________________________________

      заңды тұлға үшін: резиденттің атауы, БСН, бейрезиденттің тіркелу

      елі, бейрезиденттің тіркелу елінің сәйкестендіру нөмірі (бар болса)

      ____________________________________________________________________

      ____________________________________________________________________

      6. Инвестициялау объектiсi туралы мәлiметтер (егер өтiнiш берушi инвестициялау объектiсi

      болып табылса, толтырылмайды):

      резидент _____ бейрезидент _____ (белгiленсiн)

      резиденттің атауы, БСН, бейрезиденттің тіркелу елі, бейрезиденттің тіркелу елінің

      сәйкестендіру нөмірі (бар болса) ___________________________

      ____________________________________________________________________

      ____________________________________________________________________

      7. Инвестициялау объектiсiнiң капиталы (капиталға қатысу операциялары бойынша толтырылады):

      8. Инвестициялау объектiсiнiң акциялары туралы ақпарат (акциялармен операцияларды жүзеге асырған жағдайда толтырылады):

      9. Борыштық бағалы қағаздар туралы мәліметтер:

      ISIN ___________________________________________________________

      бағалы қағаздардың саны _____________________________________ дана

      бір бағалы қағаздың номиналдық құны _________________ валюта бірлігі

      шығарылым валютасы ___________________________________________

      10. Инвестициялық қорлардың пайлары туралы мәліметтер: қор түрі

      (акционерлік, пайлық, ашық, жабық, аралық, өзге (көрсетілсін))

      ____________________________________________________________________

      басқарушы компания ____________________________________________

      ____________________________________________________________________

      (резиденттің атауы, БСН, бейрезиденттің тіркелу елі, бейрезиденттің тіркелу

      елінің сәйкестендіру нөмірі (бар болса)

      11. Туынды қаржы құралдары туралы мәліметтер:

      туынды қаржы құралының түрі (белгіленсін):

      _____ опцион, _____ форвард, _____ фьючерс, _____ өзге (ашып жазу)

      ____________________________________________________________________

      туынды қаржы құралының базалық активінің атауы:

      ____________________________________________________________________

      ____________________________________________________________________

      Бағалы қағаздың ISIN ____________________________________________

      12. Ескертпе ____________________________________________________

      ____________________________________________________________________

      3-бөлiм. Капитал қозғалысының басқа операциялары

      1. Операция түрi (белгiленсiн):

      _____ жылжымайтын мүлiкке меншiк құқығын сатып алу;

      _____ зияткерлiк меншiк объектiлерiне айрықша құқықты толық сатып алу;

      _____ бiрлескен қызметке қатысушының мiндеттемелерiн орындау;

      _____ ақша мен өзге мүлікті сенімгерлік басқаруға, трастқа беру;

      _____ клиенттерге тиесілі ақшаны есепке алу және сақтау үшін ақша мен қаржы

      құралдарын бағалы қағаздар нарығының кәсіби қатысушыларының шотына беру;

      _____ ақша мен өзге валюталық құндылықтарды өтеусіз беру.

      2. Шарт туралы мәліметтер:

      мерзiмi өткен төлемдер үшiн мөлшерлеме (әрбір мерзімі өткен күн үшін, өзгесі,

      бар болса) _____________________________________________________

      iлеспе төлемдер (ұйымдастырғаны, басқарғаны үшiн комиссия, мiндеттемелер

      және тағы басқалар, бар болса) ____________________________

      ____________________________________________________________________

      операцияның қысқаша сипаттамасы (ақы төлеу жөніндегі нұсқаулық, қаражат

      қозғалысының схемасы және басқа) ______________________________

      ____________________________________________________________________

      ____________________________________________________________________

      3. Объект туралы мәлiметтер:

      3.1. жылжымайтын мүлiк _________________________________________

      ____________________________________________________________________

      (елi, мекенжайы)

      3.2.зияткерлiк меншiк объектісі ____________________________________

      ____________________________________________________________________

      (объектiнiң қысқаша сипаты)

      3.3. бiрлескен қызмет ____________________________________________

      ____________________________________________________________________

      (жобаның қысқаша сипаты)

      3.4. сенiмгерлiк басқару __________________________________________

      ____________________________________________________________________

      (мақсаттың қысқаша сипаттамасы)

      3.5. траст _______________________________________________________

      ____________________________________________________________________

      (атауы, елі, мекенжайы)

      3.6. өтеусіз беру объектісі _________________________________________

      ____________________________________________________________________

      (объектінің қысқаша сипаты)

      4. Өтiнiш берiлген күнi валюталық шарт бойынша ұсынылған қаражат және өзге мүлік:

      5. Ескертпе _____________________________________________________

      ____________________________________________________________________

"Негізінде және (немесе) орындалуы үшін капитал қозғалысы операциялары жүргізілетін валюталық шартқа есептік нөмір беруге арналған өтінішті" толтыру бойынша түсіндірме

      1. 1, 2, 3-бөлімдері капитал қозғалысы жөніндегі валюталық шартқа есептік нөмір беруге арналған өтінішті ұсынған кезде толтырылады. Толтырылмаған бөлімдер ұсынылмайды.

      Бірлескен қызмет туралы шарттың негізінде жай серіктестік (консорциум) құрылған жағдайда, резидент-заңды тұлғаның осы операцияны өзінің бухгалтерлік балансында тануына сәйкес 2-бөлім немесе 3-бөлім толтырылады.

      2. Бейрезидент-жеке тұлғаның тұрақты тұратын елі шет мемлекеттің заңнамасына сәйкес берілген азаматтығы немесе құқығы негізінде толтырылады.

      3. "Ескертпе" жолында егер валюталық шарттың сомасы тіркелмесе, валюталық шарт сомасының құралу тәсілін (тәртібін) қоса алғанда, өтініш беруші көрсету қажет деп есептейтін шарт талаптары көрсетіледі.

      4. 1-бөлімнің 9-тармағында резидентке қаражаттың түсуі және оның валюталық шарт бойынша берешекті өтеуі туралы (бейрезиденттер резиденттерге ұсынған қаржылай қарыздар болған жағдайда), сондай-ақ бейрезидентке қаражаттың түсуі және оның берешекті өтеуі (резиденттер бейрезиденттерге ұсынған қаржылай қарыздар болған жағдайда) туралы ақпарат шарт валютасының мың бірлігінде көрсетіледі. Егер қарыз мультивалюталық болса, сома Америка Құрама Штаттарының мың долларымен көрсетіледі.

      А бағанында қаражаттың ақшалай нысанда және сол секілді тауар, жұмыс, көрсетілетін қызмет нысанында түсуінің нақты және (немесе) болжамды (болашақтағы) күні, ал 1-бағанда нақты және (немесе) болжамды (болашақтағы) түсімдер сомасы көрсетіледі. Егер шарт сомасы келісілмесе, онда 1-бағанда тек қаражаттың нақты түсуі туралы ақпарат көрсетіледі.

      Берешекке қызмет көрсету бойынша төлемдер (ақшалай және басқа да нысандардағы) туралы ақпарат Б-бағанында, 2, 3-бағандарда көрсетіледі. Б бағанында төлем жүргізудің нақты және (немесе) болжамды (болашақтағы) күні көрсетіледі. 2 және 3-бағандарда негізгі борышты өтеу және сәйкесінше сыйақы төлеу көрсетіледі. Егер валюталық шартта өзгеше көзделмесе, өзгермелі пайыздық мөлшерлеме болған жағдайда сыйақы төлеудің болжамды сомасы өтініш (хабарлама) берілген күнгі базаның мәніне қарай есептеледі.

      Резидент немесе бейрезидент аванстық төлемдер жүргізген жағдайда, төлем жүргізудің тиісті күні мен сомасы Б және 2-бағанда көрсетіледі.

      1 және 2-бағандардағы қорытынды сомалар өзара және шарт сомасына немесе егер шарт сомасы келісілмесе, өтініш беру күніне нақты түскен қаражат сомасына тең болады.

      Ұзарту үшін опцион болған кезде Б бағанында негізгі шартта белгіленген өтеу мерзімі көрсетіледі.

      Есептік тіркеу үшін өтініш берілген сәтке дейін жүргізілген валюталық операциялардың жалпы сомасы "оның iшiнде өтiнiш беру күнiне" жолының тиісті бағандарында көрсетіледі.

      Қазақстан Республикасында валюталық операцияларды мониторингтеу қағидаларының 15-тармағына сәйкес жаңа есептік нөмір алынған жағдайда, шарт бойынша міндеттемелердің нақты орындалуын "оның iшiнде өтiнiш беру күнiне" деген жолда ғана көрсетуге болады.

      5. 2-бөлімнің 1-тармағында көрсетілген операциялардың түрлері бойынша 2-бөлімнің мынадай тармақтары толтырылады:

      капиталға қатысу операциясы бойынша – 3, 4, 5, 6, 7, 8 және 10-тармақ;

      борыштық бағалы қағаздармен операциялар бойынша – 2, 3, 4, 5 және 9-тармақ;

      туынды қаржы құралдарымен операциялар бойынша – 3, 11-тармақ, ал егер бағалы қағаз базалық актив болып табылса – қосымша 6, 7, 8, 9 және 10-тармақ.

Шетелдік банктегі шотқа есептік нөмір беруге өтініш

      _________________________________________________________________

      (заңды тұлғаның атауы)

      Бизнес-сәйкестендіру нөмірі ______________________________________

      телефоны __________________

      мекенжайы _____________________________________________________

      1. ____ жылғы "__" _________ №__________________ валюталық шарт _

      ____________________________________________________________________

      (құжаттың атауы)

      2. Шетелдік банк ________________________________________________

      ____________________________________________________________________

      (атауы, мекенжайы, халықаралық банкаралық ақпарат аудару және төлемдер

      жүргізу жүйесіндегі нөмірі (SWIFT) және өзге банктік деректемелер)

      3. Шот түрі (белгіленсін):

      _____ резиденттің, Қазақстан Республикасында тұрғылықты жері бар резидент

      филиалының (өкілдігінің) ағымдағы шоты;

      _____ Қазақстан Республикасынан тыс жерде тұрғылықты жері бар резидент

      филиалының (өкілдігінің) ағымдағы шоты;

      _____ резиденттің салымы;

      _____ резиденттің аллокирленбеген метал шоты;

      _____ басқа (талдап көрсетілсін) ___________________________________

      _______________________________________________________________

      (атауы, елі, мекенжайы)

      _______________________________ шот ашқан резиденттің филиалы (өкілдігі)

      4. Шот нөмірі ___________________________________________________

      Шот валютасы __________________________________________________

      5. Шот талаптары (бар болса):

      Шот бойынша сыйақы (мүдде) мөлшерлемесі (жылдық %) _____________

      _______________________________________________________________

      (өзгермелі пайыздық мөлшерлеме болған жағдайда оны есептеу базасы

      және маржа мөлшері көрсетіледі)

      _____ овердрафтқа (осы шот шеңберінде шетелдік банктің кредиттеуі) жол беріле ме

      _____ басқа (талдап көрсетілсін) ___________________________________

      ____________________________________________________________________

      6. Қазақстан Республикасы Ұлттық Банкінің осы шот бойынша бұрын берілген

      есептік нөмірлері, тіркеу куәліктері, хабарлама туралы куәліктері

      ____________________________________________________________________

      Қазақстан Республикасы Ұлттық Банкінің осы шот шеңберінде овердрафтқа

      арналған тіркеу куәліктері, есептік нөмірлері __________________

      ____________________________________________________________________

      7. Ескертпе _____________________________________________________

      ____________________________________________________________________

      Өтініш берушінің уәкілетті тұлғасы:

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

      (қолы) (тегі, аты, әкесінің аты (бар болса))

      20__ жылғы "____" ___________

"Шетелдік банктегі шотқа есептік нөмір беруге өтініш" нысанын толтыру бойынша түсініктеме

      1. 1-тармақта деректемелері бар шоттың ашылғанын растайтын шетелдік банк құжатының нөмірі және күні көрсетіледі.

      2. 2-тармақта шот ашылған шетелдік банктің деректемелері көрсетіледі.

      3. 3-тармақта шоттың түрі көрсетіледі. Қазақстан Республикасынан тыс жерде тұрғылықты жері бар резидент филиалына (өкілдігіне) шетелдік банктен шот ашылған жағдайда осы филиалдың (өкілдіктің) деректемелері көрсетіледі.

      4. 4 және 5-тармақтарда шоттың деректемелері (нөмірі, валютасы) және талаптары көрсетіледі.

      5. 6-тармақта бұрын осы шотқа берілген немесе осы шот шеңберінде овердрафтқа берілген Қазақстан Республикасы Ұлттық Банкінің есептік нөмірлері, тіркеу куәліктері, хабарлама туралы куәліктері туралы ақпарат көрсетіледі.

"Қаржылай қарызды игеру және қызмет көрсету туралы есеп" Есепті кезең: ____ жылғы__________ тоқсан

      Нысанның индексі: ПР-К/Э-3

      Кезеңділігі: тоқсан сайын

      Ақпаратты ұсынатын тұлғалар тобы: резидент

      Есептік нөмір беру орны бойынша Қазақстан Республикасы Ұлттық Банкінің аумақтық филиалына ұсынылады

      Әкімшілік деректерге арналған нысан Қазақстан Республикасы Ұлттық Банкінің www.nationalbank.kz интернет-ресурсына орналастырылған

      Ұсыну мерзімі: есепті кезеңнен кейінгі айдың 10 (оныншы) күніне (қоса алғанда) дейін

      Резидент_____________________________________________________________

      (жеке тұлғаның тегі, аты, әкесінің аты (бар болса), заңды тұлғаның атауы)

      Жеке сәйкестендіру нөмірі, бизнес сәйкестендіру нөмірі ____________________

      Қазақстан Республикасы Ұлттық Банкінің есептік нөмірі ___________________

      Шарттың валютасы ____________________

      Ескертпе:____________________________________________________________

      ____________________________________________________________________

      Басшы (Бас бухгалтер)

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

      (қолы) (тегі, аты, әкесінің аты (бар болса))

      20__ жылғы "____" ___________

"Қаржылай қарызды игеру және қызмет көрсету туралы есеп" әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме әкімшілік деректерді жинауға арналған "Қаржылай қарызды игеру және қызмет көрсету туралы есеп" нысанын (бұдан әрі - Нысан) толтыру бойынша бірыңғай талаптарды айқындайды.

      2. Нысан "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасы Заңының 14-бабының 5-тармағына және 14- бабына сәйкес әзірленген.

      3. Нысанды Қазақстан Республикасының резиденттері есептік нөмір берілген қаржылай қарыздың валюталық шарттары бойынша тоқсан сайын ұсынады.

      4. Нысанға басшы немесе бас бухгалтер (заңды тұлғалар үшін) және орындаушы тегін, атын, әкесінің атын (бар болса) көрсете отырып, қол қояды.

2-тарау. Нысанды толтыру

      5. 1-бағанда ақша төлемі және (немесе) аударымдары, тауарлар жеткізу (жұмысты орындау, қызмет көрсету), активтерді беру, міндеттемелерді өзгеше орындау түрінде қаржылай қарызды игеру және қызмет көрсету, 2-бағанда ақша төлемі және (немесе) аударымдары түрінде ғана көрсетіледі.

      6. Коды 10-жолда есепті кезеңде орташа алынған таза (салықтарды есептемегендегі) кредит бойынша сыйақы мөлшерлемесі (жылдық %) көрсетіледі. Сыйақы мөлшерлемесі жүз үлеске дейін дөңгелектей отырып, сан түрінде көрсетіледі. Егер кредит бойынша сыйақы мөлшерлемесі өзгермелі болса, онда мөлшерлеменің есепті кезеңдегі базалық мәнін пайдалану керек. Егер кредит бойынша сыйақы мөлшерлемесі нөлдік болса, онда нөлдік мәндері қойылады.

      Егер Нысан нөлдік мәнмен ұсынылса коды 10-жол толтырылмайды.

      7. 1, 2, 3, 4-тарауларда сомалар валюталық шарт валютасының мың бірлігімен көрсетіледі. Егер қарыз мультивалюталық болса сомалар мың Америка Құрама Штаттарының долларымен көрсетіледі. Пайда болған бағамдық айырма басқа да өзгерістерде көрсетіледі (кодтары 14, 31, 44, 61, 75, 85-жолдар).

      1-бөлімде негізгі борышты игеру мен өтеу бойынша ақпарат, 2-бөлімде сыйақы (егер сыйақы валюталық шартта көзделсе) есептеу мен төлеу бойынша ақпарат, 3, 4-бөлімдерде 1, 2-бөлімдерде көрсетілмеген өзге операциялар бойынша (бар болса): 3-бөлімде қарыз алушының өзінің операциялары бойынша, 4-бөлімде қарыз алушының пайдасына операциялар бойынша ақпарат көрсетіледі.

      Сыйақыға салық бойынша ақпарат 2-тарауда, басқа салықтар бойынша 3,4-тарауларда көрсетіледі.

      1, 2-бөлімдер қарыз алушының кредиторға талаптарын (бар болса) (1-бөлік) және қарыз алушының кредитордың алдындағы міндеттемесін (2-бөлік) қамтиды.

      Қарыз алушының кредиторға негізгі борыш (сыйақы) бойынша берілген аванстары (алдын ала ақылер) болған кезде (1-бөлік), қарыз алушының кредитор алдындағы міндеттемелер туралы ақпарат (2-бөлік) аванстар толық өтелгеннен кейін толтырылады.

      8. Есепті кезеңнің басындағы берешек (кодтары 11, 16, 17, 41, 46, 47, 69, 79-жолдар) өткен есепті кезеңнің соңындағы берешекке (кодтары 15, 33, 34, 45, 62, 63, 76, 86-жолдар, тиісінше) тең. Берешек салықтар бойынша берешекті қоса отырып көрсетіледі.

      9. Борышты өтеу (коды 22-жол) ақша, тауарлар, жұмыстар (көрсетілетін қызметтер) түрінде өтеуді қамтиды.

      Қаражатты (борыш, сыйақы, комиссиялар, айыппұлдар және басқа төлемдер - кодтары 24, 54, 71, 81-жолдар) кешіру ретінде қарыз алушы өтемеген борыштық міндеттеменің кредитор мен қарыз алушының уағдаластығы негізінде ішінара немесе толық ерікті түрде азаюы танылады.

      Қаражатты (борыш, сыйақы, комиссиялар, айыппұлдар және басқа төлемдер - кодтары 30, 60, 72, 82-жолдар) есептен шығару дегеніміз мыналарды білдіреді:

      1) резиденттің бейрезидент жойылған (қайтыс болған) жағдайда қаражатты (баланстан тыс) біржақты тәртіппен есептен шығаруы;

      2) резидент заңды тұлғаның банкроттығы кезінде қаражатты өтелген деп тану (таратылған резиденттің мүлкінің жетіспеушілігінен қанағаттандырылмаған, тарату балансы бекітілгенге дейін мәлімделмеген кредитор бойынша, тарату комиссиясы танымаған кредитордың талаптары);

      Қарыз алушының (кредитордың) резиденттігі өзгерген кезде қарыз алушы мен кредитор арасындағы міндеттемелер есепте есептен шығарылғандар ретінде (кодтары 30, 60, 72, 82-жолдар) көрсетіледі.

      Кредиттің игерілмеген бөлігін жою (коды 32-жол) дегеніміз қарыз алушының алмаған (игерілмеген) валюталық шартта көзделген кредиттік қаражатының бір бөлігінің азаюын білдіреді.

      10. Кодтары 18, 19, 27, 28, 48, 49, 57, 58-жолдар шартқа қатысушылар өзгерген кезде, оның ішінде бұрын Қазақстан Республикасында валюталық операцияларды мониторингтеу қағидалары 15-тармағының 2) тармақшасына сәйкес берілгеннің орнына жаңа есептік нөмір берілген кезінде толтырылады:

      кодтары 18, 27, 48, 57-жолдар – талап ету құқығын басқаға беру (борышты аудару) немесе өзге де келісімдер нәтижесінде бастапқы кредитор және жаңа кредитор (бастапқы борышкер және жаңа борышкер) бірмезгілде резиденттер болып табылса немесе бірмезгілде бейрезиденттер болып табылса;

      кодтары 19, 28, 49, 58-жолдар – талап ету құқығын басқаға беру (борышты аудару) немесе өзге де келісімдер нәтижесінде бастапқы кредитор және жаңа кредитор (бастапқы борышкер және жаңа борышкер) резидент (бейрезидент) және бейрезидент (резидент) болып табылса.

      Кодтары 29, 59-жолдар – бұрын Қазақстан Республикасында валюталық операцияларды мониторингтеу қағидалары 15-тармағының 1), 3), 4) және 5) тармақшаларында көзделген негіздемелер бойынша берілген есептік нөмірдің орнына жаңа есептік нөмір берілгенде толтырылады.

      11. Коды 50-жол бойынша осы сыйақыдан салықты қоса алғанда, есепті кезеңде есептелген сыйақы көрсетіледі. Есепті кезеңде нақты төленген салық есепті кезеңде нақты төленген сыйақымен бірге коды 52-жол бойынша көрсетіледі. Бұл ретте есепті кезеңде төленген салық есепті кезеңнен бұрын есептелген сыйақыға жатқызылуы мүмкін.

      2-бағанда ақша түріндегі сыйақы мен салықтың нақты төлемі көрсетіледі.

      Есепті кезеңде тек сыйақыны төлемей салықты төлеу кезінде салықты төлеу 1-бағанда және 2-бағанда көрсетілуге тиіс.

      12. ақшаны қайтару (төлемді орындамай қайтару) басқа да өзгерістерде көрсетіледі (кодтары 31, 61, 74, 84-жолдарда).

      13. Кодтары 25, 26, 31, 55, 56, 61, 74, 75, 84, 85-жолдар Нысанға ескертпеде, оның ішінде активтің және (немесе) қарыз алушының борыштық міндеттемелерінің сипаттамасына талдаманы қажет етеді.

      14. Есепті кезеңде ақпарат болмаған жағдайда Нысан нөлдік мәндермен беріледі.

      15. Нысанға түзетулер (өзгерістер, толықтырулар) Қазақстан Республикасында валюталық операцияларды мониторингтеу қағидаларының 24-тармағында белгіленген ұсыну мерзімінен кейін 6 (алты) ай ішінде енгізіледі.

"Инвестициялау объектісінің капиталына қатысу туралы есеп" Есепті кезең: ____ жылғы __________ тоқсан

      Нысанның индексі: ПР-И/Г-4

      Кезеңділігі: тоқсан сайын

      Ақпаратты ұсынатын тұлғалар тобы: резидент

      Есептік нөмір беру орны бойынша Қазақстан Республикасы Ұлттық Банкінің аумақтық филиалына ұсынылады

      Әкімшілік деректерге арналған нысан Қазақстан Республикасы Ұлттық Банкінің www.nationalbank.kz интернет-ресурсына орналастырылған

      Ұсыну мерзімі: есепті кезеңнен кейінгі айдың 10 (оныншы) күніне (қоса алғанда) дейін

      Резидент_____________________________________________________________

      (жеке тұлғаның тегі, аты, әкесінің аты (бар болса), заңды тұлғаның атауы)

      Жеке сәйкестендіру нөмірі, бизнес сәйкестендіру нөмірі ____________________

      Қазақстан Республикасы Ұлттық Банкінің есептік нөмірі ___________________

      Ескертпе:____________________________________________________________

      ____________________________________________________________________

      Басшы (Бас бухгалтер)

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

      (қолы) (тегі, аты, әкесінің аты (бар болса))

      20__ жылғы "____" ___________

"Инвестициялау объектісінің капиталына қатысу туралы есеп" әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме "Инвестициялау объектісінің капиталына қатысу туралы есеп" әкімшілік деректерді жинауға арналған нысанды (бұдан әрі - Нысан) толтыру бойынша бірыңғай талаптарды айқындайды.

      2. Нысан "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасы Заңының 14-бабының 5-тармағына сәйкес әзірленді.

      3. Қазақстан Республикасының резиденттері Нысанды есептік нөмірі берілген инвестициялау объектісінің капиталына қатысудың валюталық шарттары бойынша ұсынады.

      4. Нысанға басшы немесе бас бухгалтер (заңды тұлғалар үшін) және орындаушы тегін, атын, әкесінің атын (бар болса) көрсетіп, қол қояды.

2-тарау. Нысанды толтыру

      5. Нысанды толтыру мақсатында мына ұғымдар пайдаланылады:

      1) инвестициялау объектісі – акциялары, қатысу үлестері, пайлары сатып алынатын (сатып алынған) заңды тұлға, инвестициялық пай қоры, сондай-ақ мүлігіне мүліктік жарна енгізілетін (енгізілген) заңды тұлға, жай серіктестік, консорциум. Депозитарлық қолхаттармен операциялар жүргізілген жағдайда, базалық активі болып табылатын бағалы қағаздың эмитенті инвестициялау объектісі болып табылады;

      2) инвестор – инвестициялау объектісіне меншік құқығы өтетін (өткен) жеке немесе заңды тұлға.

      6. Нысан жарғылық капиталға (акцияларымен, қатысу үлестерімен, пайларымен), жарғылық капиталға қарағанда өзге капиталға қатысу операциялары бойынша ұсынылады.

      Резиденттің инвестициялаудың бір объектісінің капиталына қатысу операциялары бойынша алған бірнеше есептік нөмірлер бойынша бір Нысанды ұсынуына рұқсат етіледі. Бұл жағдайда Нысан ұсынылатын барлық тіркеу нөмірлерінің нөмірлері көрсетіледі.

      7. Егер резидент заңды тұлға оның капиталына қатысу операциялары бойынша берілген тіркеу нөмірлерін алса, онда 1, 2-бағандарда және одан әрі 1-бөлікте жеке тұлғаның тегі, аты, әкесінің аты (бар болса), әрбір бейрезиденттің заңды тұлғасының атауы және оның резиденттің капиталына қатысуы туралы ақпарат көрсетіледі.

      Егер резидент берілген есептік нөмірлерді бейрезиденттің капиталына қатысу операциялары бойынша басқа резиденттермен бірлесе отырып алса, онда 1, 2-бағандарда және одан әрі 1-бөлікте жеке тұлғаның тегі, аты, әкесінің аты (бар болса), әрбір резиденттің заңды тұлғасының атауы және оның бейрезиденттің капиталына қатысуы туралы ақпарат көрсетіледі.

      Егер резидент берілген есептік нөмірлерді бейрезиденттен резидент үшінші тұлғаның акцияларын, капиталға қатысу үлестерін сатып алу (бейрезидентке сату) операциялары бойынша алған болса, онда 1-бөлік толтырылмайды.

      8. Сома мың АҚШ долларымен көрсетіледі.

      Есепті кезеңдегі операциялар олардың нақты құны бойынша көрсетіледі. Өзге валюталармен көрсетiлген сомаларды тиiсiнше операциялар жүргiзiлген күнгi немесе есептi кезеңнiң аяғындағы валюта айырбастаудың нарықтық бағамын пайдалана отырып, АҚШ долларына аударылады. Туындаған бағам айырмасы кодтары 32, 63 және 73-жолдар бойынша көрсетіледі.

      Есепті кезеңнің басындағы қалдық (кодтары 10, 60 және 70-жолдар) әрбір баған бойынша есепті кезеңнің алдындағы кезеңнің соңындағы қалдыққа (тиісінше кодтары 39, 64 және 74-жолдар) тең.

      9. Есепті кезеңдегі инвестициялау объектісінің капиталы құнының ұлғаюы (+) белгісімен, капитал құнының азаюы (-) белгісімен көрсетіледі.

      Коды 31-жол Қазақстан Республикасының Ұлттық Банкі Қазақстан Республикасында валюталық операцияларды мониторингтеу қағидаларының 15-тармағына сәйкес бұрын берілген тіркеу нөмірінің орнына тіркеу нөмірін берген кезде толтырылады.

      Коды 35б жол бойынша үшінші тұлғалардан инвестициялау объектісін сатып алған (үшінші тұлғаларға сатқан), оның ішінде бөліп төлеумен сатып алған жағдайда, инвесторға (инвесторларға) инвестициялау объектісіне меншік құқығын нақты беру көрсетіледі.

      Ақшаны қайтару (төлемді орындаусыз қайтару) коды 35-жолда көрсетіледі.

      10. Коды 41-жол бойынша есепті кезеңде хабарланған дивидендтер, төлем көзінен осы дивидендтерден ұсталатын салықты қоса алғанда, көрсетіледі.

      Кодтары 51, 52, 53-жолдар бойынша төлем көзінен ұсталатын және есепті кезеңде нақты төленген салық сомасымен есепті кезеңде инвесторларға нақты төленген дивидендтер көрсетіледі. Бұл ретте есепті кезеңде төленген салық есепті кезеңнен бұрын жарияланған дивидендтерге жатуы мүмкін.

      Есепті кезеңде дивидендтерді төлеусіз салықты ғана төлеген кезде салықты төлеу тиісті кодтары 51, 52, 53-жолдарда көрсетілуі тиіс.

      Салық бойынша берешек коды 54-жол бойынша көрсетіледі.

      11. Кодтары 60, 61, 62, 63, 64, 70, 71, 72, 73, 74-жолдар инвестор алдын ала төлем немесе төлемді кейінгі қалдырумен үшінші тұлғадан акцияларды, инвестициялау объектісінің қатысу үлестерін сатып алған (үшінші тұлғаға сатқан) кезде толтырылады. Резидентте бейрезидентке талаптар туындаған кезде 2-бөлік толтырылады. Резидентте бейрезидент алдында міндеттемелер туындаған кезде 3-бөлік толтырылады.

      12. Кодтары 35, 63, 73-жолдарды толтыру Нысанға ескертпеде толық жазылуы талап етеді.

      13. Есепті кезеңде ақпарат болмаған жағдайда, Нысан нөлдік мәнмен ұсынылады.

      14. Нысанға түзетулер (өзгерістер, толықтырулар) Қазақстан Республикасында валюталық операцияларды мониторингтеу қағидаларының 24-тармағында белгіленген ұсыну мерзімінен кейін 6 (алты) ай ішінде енгізіледі.

"Міндеттемелердің орындалуы туралы есеп" Есепті кезең: ____ жылғы __________ тоқсан

      Нысанның индексі: ПР-Д-5

      Кезеңділігі: тоқсан сайын

      Ақпаратты ұсынатын тұлғалар тобы: резидент

      Есептік нөмір беру орны бойынша Қазақстан Республикасы Ұлттық Банкінің аумақтық филиалына ұсынылады

      Әкімшілік деректерге арналған нысан Қазақстан Республикасы Ұлттық Банкінің www.nationalbank.kz интернет-ресурсына орналастырылған

      Ұсыну мерзімі: есепті кезеңнен кейінгі айдың 10 (оныншы) күніне (қоса алғанда) дейін

      Резидент_____________________________________________________________

      (жеке тұлғаның тегі, аты, әкесінің аты (бар болса), заңды тұлғаның атауы)

      Жеке сәйкестендіру нөмірі, бизнес сәйкестендіру нөмірі ____________________

      Қазақстан Республикасы Ұлттық Банкінің есептік нөмірі ___________________

1-бөлім. Міндеттемелердің орындалуы туралы есеп

2-бөлім. Жинақталған күн мен кіріс туралы мәліметтер

      Ескертпе:____________________________________________________________

      ____________________________________________________________________

      Басшы (Бас бухгалтер)

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

      (қолы) (тегі, аты, әкесінің аты (бар болса))

      20__ жылғы "____" ___________

"Міндеттемелердің орындалуы туралы есеп" әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме "Міндеттемелердің орындалуы туралы есеп" әкімшілік деректерді жинауға арналған нысанды (бұдан әрі – Нысан) толтыру бойынша бірыңғай талаптарды айқындайды.

      2. Нысан "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасы Заңы 14-бабының 5-тармағына сәйкес әзірленді.

      3. Қазақстан Республикасының резиденттері Нысанды үшінші тұлғалардың капиталға қатысу бойынша, бағалы қағаздармен, туынды қаржы құралдарымен, жылжымайтын мүліктің меншік құқығымен, зияткерлік меншік объектілері, бірлескен қызмет құқығымен операцияларға есептік нөмірі берілген валюталық шарттар, сенімгерлік басқару, траст, Қазақстан Республикасының шегінде орналасқан орны бар резидент филиалдарының (өкілдігінің) шоттары бойынша тоқсан сайын ұсынады.

      4. Нысанға басшы немесе бас бухгалтер (заңды тұлғалар үшін) және орындаушы тегін, атын, әкесінің атын (бар болса) көрсете отырып, қол қояды.

2-тарау. Нысанды толтыру

      5. Нысанды толтыру мақсатында мына ұғымдар пайдаланылады:

      1) бейрезидент эмитенттердің қызметкерлерге арналған бағалы қағаздарға опциондар бағдарламасы – резидент заңды тұлғаның қызметкерлері осы заңды тұлғаның инвесторы және (немесе) осы заңды тұлғаның инвесторларының инвесторы болып табылатын бейрезидент эмитенттерден бағалы қағаздардың келісілген санын сатып алатын бағдарлама;

      2) бейрезидент эмитенттердің бағалы қағаздары – Қазақстан Республикасының және бейрезидент эмитенттердің бағалы қағаздары базалық активтері болып табылатын депозиторлық қолхаттарды қоса алғанда, эмитент елінің заңнамасына сәйкес бағалы қағаздар деп танылатын қаржы құралдары.

      6. 1-бөлімде есепті кезеңде валюталық шарт бойынша міндеттемелерді орындау туралы мәліметтер көрсетіледі.

      2-бағанда валюталық шарт бойынша міндеттемелерді мынадай орындау түрі көрсетіледі:

      1) төлемдер және (немесе) ақша аударымдары түрінде;

      2) тауарларды жеткізу (жұмысты орындау, қызмет көрсету) түрінде;

      3) активті (бағалы қағаздар, қатысу үлестері, инвестициялық қорлардың пайлары, жылжымайтын мүлік, зияткерлік меншік объектісіне арналған құқық, талдаманы қажет ететін активтің өзге түрлері) беру түрінде;

      4) өзге (талдаманы қажет ететін).

      Егер міндеттемені орындау ақша түрінде жүзеге асырылатын болса, онда 3-бағанда төлем белгілеу коды көрсетіледі, 4-баған толтырылмайды, ал 5, 6, 7, 8, 9, 10, 11-бағандарда ақша аударуға (алуға) арналған төлем құжаты негізінде ақша жөнелтуші, ақша бенефициары, төлем күні, төлем валютасы, төлем сомасы төлем валютасының мың бірлігімен көрсетіледі.

      Төлемдер және (немесе) ақша аударымдары Нысанда салықты қоса алғанда көрсетіледі. Нысанда ақшаны қайтару (төлемді орындамай қайтару) көрсетіледі.

      Егер міндеттемелерді орындау активті беру түрінде жүзеге асырылатын болса, онда 4-бағанда активтің атауы көрсетіледі, 3-баған толтырылмайды, ал 5, 6, 7, 8, 9, 10, 11-бағандарда активті беруші тұлға, активті қабылдаушы тұлға, активті беру күні, актив құнының валютасы, актив құнының сомасы шарт валютасының мың бірлігімен көрсетіледі.

      Егер міндеттемелерді орындау жұмысты орындау, қызмет көрсету немесе өзге тәсілмен жүзеге асырылатын болса, онда 3, 4-бағандар толтырылмайды, ал 5, 6, 7, 8, 9, 10, 11-бағандарда міндеттемені орындайтын тұлға, міндеттемелердің орындалуын қабылдайтын тұлға, міндеттемелерді орындау күні, орындалған міндеттемелердің валютасы мен сомасы шарт валютасының мың бірлігімен көрсетіледі.

      3, 5, 7-бағандар Нормативтік құқықтық актілерді мемлекеттік тіркеу тізілімінде № 14365 болып тіркелген "Экономика секторларының және төлемдер белгілеу кодтарын қолдану қағидаларын бекіту туралы" Қазақстан Республикасы Ұлттық Банкі Басқармасының 2016 жылғы 31 тамыздағы № 203 қаулысымен бекітілген Экономика секторларының және төлемдер белгілеу кодтарын қолдану қағидаларына сәйкес толтырылады. 10-баған "Валюталар мен қорларды белгілеуге арналған кодтар" ҚР ҰЖ 07 ISO 4217-2012 Қазақстан Республикасының ұлттық жіктеуішіне сәйкес толтырылады.

      Қазақстан Республикасынан тыс жерде орналасу орны бар заңды тұлға филиалының (өкілдігінің) шетелдік банкіндегі шоты бойынша Нысанды берген кезде Нысанда: заңды тұлға осы филиалға (өкілдікке) бұл шотқа жіберген, заңды тұлға осы филиалдан (өкілдіктен) бұл шоттан жіберген ақшаны ішкі корпоративтік аудару көрсетіледі.

      7. 2-бөлімде есепті кезеңнің соңында жинақталған құн және есепті кезеңдегі кірістер туралы мәліметтер көрсетіледі.

      2-бөлім мына жағдайларда толтырылады:

      1) Қазақстан Республикасынан тыс жерде орналасу орны бар заңды тұлғаның филиалына (өкілдігіне) ашылған шетелдік банктегі шот бойынша Нысанды ұсынған кезде: есепті кезеңнің соңында осы шотта ақша сомасының қалдығы, шетелдік банк резидентке есепті кезеңде осы шот бойынша есептеген сыйақы көрсетіледі;

      2) шетелде жылжымайтын мүлікке меншік құқығын сатып алумен байланысты операциялар бойынша Нысанды ұсынған кезде: есепті кезеңнің соңындағы жылжымайтын мүліктің құны, резиденттің есепті кезеңдегі жылжымайтын мүліктен кірісі көрсетіледі;

      3) ақша мен өзге мүлікті сенімгерлік басқаруға, трастқа берген кезде берілген мүліктің есепті кезеңнің соңындағы құны, резиденттің (бейрезиденттің) есепті кезеңдегі кірістері, оның ішінде мүлікті басқарғаны үшін кірістері көрсетіледі;

      4) резидент заңды тұлға өзінің қызметкерлері үшін жасайтын бейрезидент эмитенттердің бағалы қағаздарына опциондар бағдарламасы бойынша қызметкерлердегі бейрезидент эмитенттердің бағалы қағаздарының жиынтық құны көрсетіледі;

      5) клиенттердің тапсырмалары бойынша валюталық операцияларды жүзеге асыратын бағалы қағаздар нарығына кәсіби қатысушыларға клиенттерге тиесілі ақшаны есепке алу және сақтау шоттарына ақша мен қаржы құралдарын берумен байланысты операциялар бойынша есепті кезеңнің соңында берілген мүліктің құны, резиденттің (бейрезиденттің) есепті кезеңдегі кірістері көрсетіледі.

      8. Есепті кезеңде ақпарат болмаған жағдайда, Нысан нөлдік мәнмен ұсынылады.

      9. Нысанға түзетулер (өзгерістер, толықтырулар) Қазақстан Республикасында валюталық операцияларды мониторингтеу қағидаларының 24-тармағында белгіленген ұсыну мерзімінен кейін 6 (алты) ай ішінде енгізіледі.

"Шетелдік банктегі шоттағы ақша қозғалысы туралы есеп" Есепті кезең: ____ жылғы _____ тоқсан

      Нысанның индексі: ПР-Ф-6

      Кезеңділігі: тоқсан сайын

      Ақпаратты ұсынатын тұлғалар тобы: резидент-заңды тұлға

      Есептік нөмір беру орны бойынша Қазақстан Республикасы Ұлттық Банкінің аумақтық филиалына ұсынылады

      Әкімшілік деректерге арналған нысан Қазақстан Республикасы Ұлттық Банкінің www.nationalbank.kz интернет-ресурсына орналастырылған

      Ұсыну мерзімі: есепті кезеңнен кейінгі айдың 10 (оныншы) күніне (қоса алғанда) дейін

      Резидент_____________________________________________________________

      (заңды тұлғаның атауы)

      Бизнес сәйкестендіру нөмірі ____________________

      Қазақстан Республикасы Ұлттық Банкінің есептік нөмірі ___________________

      Шетелдік банктің атауы, елі ____________________________________________

      ____________________________________________________________________

      Шот валютасы ____________________

      Ескертпе:____________________________________________________________

      ____________________________________________________________________

      Басшы (Бас бухгалтер)

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

      (қолы) (тегі, аты, әкесінің аты (бар болса))

      20__ жылғы "____" ___________

"Шетелдік банктегі ақша қозғалысы туралы есеп" әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме "Шетелдік банктегі ақша қозғалысы туралы есеп" әкімшілік деректерді жинауға арналған нысанды (бұдан әрі – Нысан) толтыру жөніндегі бірыңғай талаптарды айқындайды.

      2. Нысан "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасының Заңы 16-бабының 3-тармағына сәйкес әзірленді.

      3. Нысанды Қазақстан Республикасының резидент заңды тұлғасы шетел банкіндегі шоттың есептік нөмірі бойынша тоқсан сайын ұсынады.

      4. Нысанға басшы немесе бас бухгалтер және орындаушы тегін, атын, әкесінің атын (бар болса) көрсете отырып, қол қояды.

2-тарау. Нысанды толтыру

      5. 1-бағанда шетел банкінде ашылған ағымдағы шот, салым, аллокирленбеген металл шот туралы ақпарат көрсетіледі.

      Егер ағымдағы шот шеңберінде салым ашылса, онда осындай салым туралы ақпарат 2-бағанда көрсетіледі. Егер ағымдағы шот шегінде бірнеше салым ашылса, онда осындай салымдар туралы ақпарат әрбір салым бойынша жеке-жеке көрсетіледі.

      6. Коды 10-жолда таза (салықтарды есепке алмағанда) есепті кезеңдегі ағымдағы шот, салым бойынша сыйақының орташа мөлшерлемесі (жылдық %), коды 80-жолда овердрафт бойынша сыйақының орташа мөлшерлемесі көрсетіледі. Сыйақы мөлшерлемесі жүздік үлеске дейін дөңгелектеніп сан түрінде көрсетіледі. Егер сыйақы мөлшерлемесі өзгермелі болса, онда есепті кезеңдегі мөлшерлеменің базалық мәні пайдаланылады. Егер сыйақы мөлшерлемесі нөлдік болса, онда нөлдік мән қойылады.

      Егер Нысан нөлдік мәндермен берілсе, онда кодтары 10, 80-жолдар толтырылмайды.

      7. Сомалар шот (салым) валютасының мың бірлігімен көрсетіледі.

      Мультивалюталық шоттар (салымдар), сондай-ақ аллокирленбеген металл шоттары бойынша сомалар мың теңгемен көрсетіледі.

      8. Кодтары 34, 55-жолдар толтырылған жағдайда ескертпеде одан (оған) ақша аударылатын шетел банкіндегі шоттың есептік нөмірі көрсетілуі тиіс.

      9. Овердрафт туралы ақпарат шетел банкі осындай овердрафт бойынша берілген есептік нөмірі болмаған жағдайда шотты ашу талаптарына сәйкес осы шот бойынша резидент заңды тұлғаға овердрафтты ұсынған кезде толтырылады.

      Шетел банкі клиенттің шотында ақша жеткіліксіз болған немесе болмаған жағдайда оның есеп айырысу құжаттарын төлеуі үшін клиенттің шотын кредиттеуі овердрафтты білдіреді. Овердрафт кезінде банк клиенттің шотындағы барлық ақшаны есептен шығарады және бір мезгілде клиентке клиенттің шотындағы ақшамен өтелмеген ақының бір бөлігіне қаржылай қарыз береді.

      Пайда болған бағамдық айырма өзге де өзгерістерде көрсетіледі (кодтары 91, 92-жолдар).

      10. Есепті кезеңнің басындағы қалдық (кодтары 11, 81, 82-жолдар) алдыңғы есепті кезеңнің соңындағы қалдыққа (кодтары 60, 93, 94-жолдар) тең келеді.

      11. Коды 70-жол бойынша сыйақыға салынатын салықтарды есепке алмастан есепті кезеңде есептелген сол сыйақы көрсетіледі.

      12. Есепті кезеңде ақпарат болмаған жағдайда Нысан нөлдік мәнмен беріледі.

      13. Нысанға түзетулер (өзгерістер, толықтырулар) Қазақстан Республикасында валюталық операцияларды мониторингтеу қағидаларының 24-тармағында белгіленген ұсыну мерзімінен кейін 6 (алты) ай ішінде енгізіледі.

"Уәкілетті банктің бейрезиденттерден қаржылай қарыздар тарту талаптары туралы есеп" Есепті кезең: ____ жылғы __________ айы

      Нысанның индексі: ПР-7

      Кезеңділігі: ай сайын

      Ақпаратты ұсынатын тұлғалар тобы: уәкілетті банк

      Қазақстан Республикасы Ұлттық Банкінің орталық аппаратына ұсынылады

      Әкімшілік деректерге арналған нысан Қазақстан Республикасы Ұлттық Банкінің www.nationalbank.kz интернет-ресурсына орналастырылған

      Ұсыну мерзімі: есепті кезеңнен кейінгі айдың 10 (оныншы) күніне (қоса алғанда) дейін

      Уәкілетті банктің атауы _______________________________________________

      Басшы (Бас бухгалтер)

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

      (қолы) (тегі, аты, әкесінің аты (бар болса))

      20__ жылғы "____" ___________

"Уәкілетті банктің бейрезиденттерден қаржылай қарыздар тарту талаптары туралы есеп" әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме "Уәкілетті банктің бейрезиденттерден қаржылай қарыздар тарту талаптары туралы есеп" әкімшілік деректерді жинауға арналған нысанды (бұдан әрі – Нысан) толтыру жөніндегі бірыңғай талаптарды айқындайды.

      2. Нысан "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасының Заңы 15-бабының 1-тармағына сәйкес әзірленді.

      3. Нысанды Қазақстан Республикасының уәкілетті банктері есепті кезеңде бейрезиденттерден тартқан қаржылай қарыздар бойынша және олар бейрезиденттерден бұрын тартқан, Қазақстан Республикасында валюталық операцияларды мониторингтеу қағидаларының 15-тармағының 1), 2), 3), 4) тармақшаларында көрсетілген мәліметтер өзгерген қаржылай қарыздар бойынша ай сайын ұсынады.

      4. Нысанға басшы немесе бас бухгалтер және орындаушы тегін, атын, әкесінің атын (бар болса) көрсете отырып, қол қояды.

2-тарау. Нысанды толтыру

      5. Уәкілетті банк Нысанды әрбір қаржылай қарыз бойынша жалпы уәкілетті банктің жүйесі бойынша жасайды.

      6. Нысанда егер валюталық шарт шеңберінде уәкілетті банк берешегінің сомасы баламасында 500 000 (бес жүз мың) Америка Құрама Штаттарының долларынан асса немесе асатын болса, уәкілетті банктің бейрезиденттерден 180 (бір жүз сексен) күннен астам мерзімге тартқан қаржылай қарыздары туралы:

      1) есепті кезеңде осындай қаржылай қарыздарды тарту талаптары туралы;

      2) есепті кезеңде бұрын тартылған осындай қаржылай қарыздар бойынша Қазақстан Республикасында валюталық операцияларды мониторингтеу Қағидаларының 15-тармағының 1), 2), 3), 4) тармақшаларында көрсетілген мәліметтер өзгерістері туралы ақпарат көрсетіледі.

      Коды 6-жол "Валюталар мен қорларды белгілеуге арналған кодтар" ҚР ҰЖ 07 ISO 4217-2012 Қазақстан Республикасының ұлттық жіктеуішіне сәйкес толтырылады.

      Коды 7-жолда жекелеген мәмiлелердi, оның iшiнде коды 1-жолда көрсетілген валюталық шартты кредиттеудiң негіздемелік талаптарын айқындайтын негіздемелік келiсiм (бас келiсiм, кредиттiк желi және басқасы) көрсетiледi.

      7. Коды 8-жолда бейрезидент кредитордың уәкілетті банкке қатынасы көрсетіледі:

      1) уәкілетті банктің 10 (он) пайызы және одан көп дауыс беруші акцияларын бейрезиденттің тікелей иеленуі;

      2) уәкілетті банктің 10 (он) пайызы және одан көп дауыс беруші акцияларын бейрезиденттің жанама иеленуі;

      3) уәкілетті банктің 10 (он) пайызы және одан көп дауыс беруші акцияларын резиденттің тікелей иеленуі;

      4) уәкілетті банктің 10 (он) пайызы және одан көп дауыс беруші акцияларын резиденттің жанама иеленуі;

      5) уәкілетті банк пен бейрезидент бір-біріне ешқандай бақылау жасай алмайды және әсер ете алмайды, бірақ уәкілетті банктің 10 (он) пайыздан кем емес дауыс беруші акцияларын тікелей немесе жанама иеленетін бір инвестордың бақылауында және ықпалында болады;

      6) Нысанның осы тармағының 1), 2), 3), 4) және 5) тармақшаларында көрсетілмеген жағдайлар.

      8. Коды 16-жолда уәкілетті банкке қаражаттың келіп түскені және оның валюталық шарт бойынша берешекті өтеуі туралы ақпарат: қаражаттың (ақша, тауарлар (жұмыстар, қызметтер) түріндегі, өзгесі) нақты немесе болжалды (болашақта) түсу күні немесе негізгі борышты өтеу және сыйақыны төлеу күні, шарт валютасының мың бірліктеріндегі түсімдер (төлемдер) сомасы көрсетіледі. Егер шарттың сомасы валюталық шартта көзделмесе, онда қаражаттың нақты түскені туралы ақпарат қана көрсетіледі. Өзгермелі пайыздық мөлшерлеме жағдайында сыйақыны төлеудің болжалды сомасы валюталық шартта өзгеше белгіленбесе, есепті кезеңнің соңындағы базалық мөлшерлеменің мәнін ескере отырып есептеледі.

      9. Егер валюталық шарттағы сома әртүрлі валюталардағы бірнеше сомадан құралса, онда әрбір сома мен шарт валютасы бойынша Нысанның жекелеген бағандары толтырылады.

      10. Қазақстан Республикасының Ұлттық Банкі Қазақстан Республикасында валюталық операцияларды мониторингтеу қағидаларына 8-қосымшаға сәйкес нысан бойынша Уәкілетті банк бейрезиденттерден тартқан, есепті кезеңнің басында және (немесе) соңында өтелмеген міндеттемелері бар қаржылай қарыздарды игеру және оларға қызмет көрсету туралы нысанда әрбір қаржылай қарыз бойынша міндеттемелердің нақты орындалуы жөніндегі ақпаратты көрсету үшін реттік нөмір береді.

      Ынтымақтастық қағидаттарын белгілейтін, бірақ уәкілетті банктің бейрезидентті қаржыландыруының жекелеген маңызды талаптарын айқындамайтын негіздемелік келісімге реттік нөмір берілмейді.

      11. Есепті кезеңде ақпарат болмаған жағдайда Нысан берілмейді.

      12. Нысанға түзетулер (өзгерістер, толықтырулар) Қазақстан Республикасында валюталық операцияларды мониторингтеу қағидаларының 32-тармағында белгіленген ұсыну мерзімінен кейін 6 (алты) ай ішінде енгізіледі.

"Уәкілетті банк бейрезиденттерден тартқан, есепті кезеңнің басында және (немесе) соңында өтелмеген міндеттемелері бар қаржылай қарыздарды игеру және оларға қызмет көрсету туралы есеп" Есепті кезең: ____ жылғы __________ тоқсан

      Нысанның индексі: 11-ОБ

      Кезеңділігі: тоқсан сайын

      Ақпаратты ұсынатын тұлғалар тобы: уәкілетті банк

      Қазақстан Республикасы Ұлттық Банкінің орталық аппаратына ұсынылады

      Әкімшілік деректерге арналған нысан Қазақстан Республикасы Ұлттық Банкінің www.nationalbank.kz интернет-ресурсына орналастырылған

      Ұсыну мерзімі: есепті кезеңнен кейінгі айдың 10 (оныншы) күніне (қоса алғанда) дейін

      Уәкілетті банктің атауы _______________________________________________

      1-кесте. Қазақстан Республикасында валюталық операцияларды мониторингтеу қағидаларының 32-тармағына сәйкес Қазақстан Республикасының Ұлттық Банкіне есеп ұсынылған қаржылай қарыздарды игеру және оларға қызмет көрсету

      кестенің жалғасы

      кестенің жалғасы

      2-кесте. Өзге де қаржылай қарыздарды игеру және оған қызмет көрсету

      кестенің жалғасы

      кестенің жалғасы

      кестенің жалғасы

      Басшы (Бас бухгалтер)

      ________________ _________ __________________________________

      (лауазымы) (қолы) (тегі, аты, әкесінің аты (бар болса))

      Орындаушы _________ ____________________ телефоны______________

      (қолы) (тегі, аты, әкесінің аты (бар болса))

      20__ жылғы "____" ___________

"Уәкілетті банк бейрезиденттерден тартқан, есепті кезеңнің басында және (немесе) соңында өтелмеген міндеттемелері бар қаржылай қарыздарды игеру және оларға қызмет көрсету туралы есеп" әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме "Уәкілетті банк бейрезиденттерден тартқан, есепті кезеңнің басында және (немесе) соңында өтелмеген міндеттемелері бар қаржылай қарыздарды игеру және оларға қызмет көрсету туралы есеп" әкімшілік деректерді жинауға арналған нысанды (бұдан әрі – Нысан) толтыру жөніндегі талаптарды айқындайды.

      2. Нысан "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасы Заңы 15-бабының 1-тармағына сәйкес әзірленді.

      3. Бейрезиденттерден уәкілетті банк тартқан қаржылай қарыздар бойынша нысанды уәкілетті банк тоқсан сайын ұсынады.

      4. Нысанға басшы немесе бас бухгалтер және орындаушы тегін, атын, әкесінің атын (бар болса) көрсете отырып, қол қояды.

2-тарау. Нысанды толтыру

      5. Нысанда есепті кезеңнің басында және (немесе) соңында уәкілетті банктің жүйесі бойынша жалпы бейрезиденттердің алдында өтелмеген міндеттемелері бар әрбір қаржылай қарыз бойынша ақпарат бөлек көрсетіледі.

      6. 1-кестеде Қазақстан Республикасында Валюталық операцияларды мониторингтеу қағидаларына 7-қосымшада белгіленген нысан бойынша уәкілетті банктің бейрезиденттерден қаржылай қарыздарды тартуы шарттары туралы есеп ұсынған уәкілетті банк қаржылай қарыздарды игеру, өтеу және оларға қызмет көрсету бойынша мәліметтер көрсетіледі.

      7. 2-кестеде өзге қаржы қарыздарын игеру, өтеу және оларға қызмет көрсету бойынша мәліметтер көрсетіледі.

      8. Сомасы шарт валютасының мың бірлігімен көрсетіледі.

      9. 1-кестеде:

      А-бағанда уәкілетті банк Қазақстан Республикасында валюталық операцияларды миниторингтеу қағидаларына 7-қосымшаға сәйкес нысан бойынша бейрезиденттен қаржылай қарыздарын тарту талаптары туралы есебінде Қазақстан Республикасының Ұлттық Банкі қаржылай қарызға беретін реттік нөмірі немесе Қазақстан Республикасында валюталық операцияларды мониторингтеу қағидалары қолданысқа енгізілгенге дейін уәкілетті банкке бейрезиденттерден қаржылай қарызға берілген хабарлама туралы куәліктің нөмірі көрсетіледі;

      14-бағанда "қолданыстағы", "тараптар міндеттемелерін толық орындауы" тізімінен есепті кезең соңында кредиттік келісімнің ахуалы көрсетіледі. Кредиттік келісім тараптар міндеттемелерін, оның ішінде сыйақы немесе мерзімі өткен төлемдер бойынша міндеттемелерін толық орындағанға дейін қолданыста деп саналады.

      10. 2-кестеде Б-бағанда өткен кезеңде ұсынылған Нысаннан қаржылай қарыздың реттік нөмірі көрсетіледі.

      11. 1 және 2-кестелерде:

      1-бағанда есепті кезеңнің басында өтелмеген, оның ішінде мерзімі өткен негізгі борыш көрсетіледі;

      2-бағанда есепті кезеңде кредит қаражатын алу, борышты қайта ұйымдастыру және сыйақыны капиталдандыру есебінен негізгі борыштың ұлғаюы көрсетіледі;

      3-бағанда талап ету құқығын берген (борышты ауыстырған) кезде қайта ұйымдастыру есебінен борыштың ұлғаюы көрсетіледі;

      4-бағанда сыйақыны капиталдандыру (сыйақыны негізгі борышқа жатқызу) көрсетіледі;

      5-бағанда есепті кезеңде негізгі борыштың, оның ішінде мерзімі өткен борыштың өтеу және қайта ұйымдастыру есебінен азаюы көрсетіледі;

      6-бағанда борыштың қайта ұйымдастыру есебінен азаюы көрсетіледі. Қайта ұйымдастырудың негізгі түрлері мерзімінен бұрын өтеу, кешіру, талап етуді беру (борышты ауыстыру), борышты капиталға қатысу құралдарына (қарыз алушының және (немесе) үшінші тұлғалардың) ауыстыру, қарыз алушының жылжымайтын мүлігі және өзге активтері, қарыз алушының борыштық бағалы қағаздары, тауарларды жеткізу және қарыз алушының өзге борыштық міндеттемелері болып табылады;

      7, 8-бағандарда есепті кезеңнің соңында өтелмеген, оның ішінде мерзімі өткен негізгі борыш және борыштың қалдығы ескерілетін баланстық шоттың нөмірі көрсетіледі;

      9-бағанда есепті кезеңнің басында сыйақы бойынша, оның ішінде мерзімі өткен берешек көрсетіледі;

      10-бағанда есепті кезеңде есептелген сыйақы көрсетіледі;

      11-бағанда есепті кезеңде сыйақының, оның ішінде мерзімі өткен сыйақының оған ақы төлеу, қайта ұйымдастыру және капиталдандыру есебінен азаюы көрсетіледі;

      12, 13-бағандарда есепті кезең соңындағы сыйақы бойынша, оның ішінде мерзімі өткен берешек және осы берешек ескерілетін баланстық шоттың нөмірі көрсетіледі.

      12. 1-кестенің және 2-кестенің 15-бағанында қамтамасыз ету түрі және қамтамасыз ету сомасы валюталар көрсетіле отырып, валютаның мың бірлігімен көрсетіледі (бар болса). Қамтамасыз етудің бірнеше түрлері болған кезде қамтамасыз етудің барлық түрі және қамтамасыз етудің жалпы нарықтық құны мың теңгемен көрсетіледі.

      1-кестенің В-бағаны және 2-кестенің Г-бағаны "Валюталар мен қорларды белгілеуге арналған кодтар" ҚР ҰЖ 07 ISO 4217-2012 Қазақстан Республикасының ұлттық жіктеуішіне сәйкес толтырылады.

      2-кестенің К-бағаны "Елдердің атауларын және олардың әкімшілік-аумақтық бөлімшелері бірліктерін белгілеуге арналған кодтар.

      1-бөлім. Елдер кодтары" ҚР ҰЖ 06 ISO 3166-1-2016 Қазақстан Республикасының ұлттық жіктеуішіне сәйкес толтырылады.

      13. 1 және 2-кестелерде арифметико-логикалық бақылау:

      1-баған = өткен тоқсан үшін ұсынылған Нысанның 7-бағаны;

      2-баған >= 3-баған + 4-баған;

      5-баған >= 6-баған;

      7-баған = 1-баған + 2-баған – 5-баған;

      9-баған = өткен тоқсан үшін ұсынылған Нысанның 12-бағаны;

      12-баған = 9-баған + 10-баған – 11-баған.

      14. Есепті кезеңде ақпарат болмаған жағдайда, Нысан ұсынылмайды.

      15. Нысанға түзетулер (өзгерістер, толықтырулар) Қазақстан Республикасында валюталық операцияларды мониторингтеу қағидаларының 33-тармағында белгіленген ұсыну мерзімінен кейін 6 (алты) ай ішінде енгізіледі.

Әкімшілік деректерді жинауға арналған нысан

      Ескерту. 9-қосымша жаңа редакцияда – ҚР Ұлттық Банкі Басқармасының 20.07.2020 № 93 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      Қайда ұсынылады: Қазақстан Республикасы Ұлттық Банкінің орталық аппаратына

      Әкімшілік деректердің нысаны www.nationalbank.kz ресми интернет-ресурсында орналастырылған

Жүргізілген валюталық операциялар туралы есеп

      Әкімшілік деректер нысанының индексі: ПР-9 Кезеңділігі: ай сайын Есепті кезең: ____ жылғы _______ ай Ақпаратты ұсынатын тұлғалар тобы: уәкілетті банк Ұсыну мерзімі: есепті кезеңнен кейінгі айдың 18 (он сегізінші) күніне дейін (қоса алғанда)

      Уәкілетті банктің бизнес сәйкестендіру нөмірі (бұдан әрі – БСН) _____________________________________________________________

      кестенің жалғасы

      кестенің жалғасы

      кестенің жалғасы

      кестенің жалғасы

      кестенің жалғасы

      кестенің жалғасы

      кестенің жалғасы

      Атауы ______________________ Мекенжайы ____________________

      Телефоны __________________________________________________

      Электрондық поштаның мекенжайы ___________________________

      Орындаушы ________________________________             _____________

      тегі, аты, әкесінің аты (бар болса)                               қолы, телефоны

      Басшы немесе оның міндетін атқаратын адам

      ___________________________________________             ______________

      тегі, аты, әкесінің аты (бар болса)                               қолы, телефоны

      Күні 20__ жылғы "___" _____________

Жүргізілген валюталық операциялар туралы есеп әкімшілік деректер нысанын толтыру бойынша түсіндірме (индексі – ПР – 9, кезеңділігі – ай сайын) 1-тарау. Жалпы ережелер

      1. Осы түсіндірме "Жүргізілген валюталық операциялар туралы есеп" әкімшілік деректерді жинауға арналған нысанды (бұдан әрі – Нысан) толтыру бойынша бірыңғай талаптарды айқындайды.

      2. Нысан "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасы Заңының (бұдан әрі – Валюталық реттеу және валюталық бақылау туралы заң) 5-бабы 6-тармағына сәйкес әзірленді.

      3. Нысанды уәкілетті банк ай сайын ұсынады және өзі жүргізген валюталық операциялар, оның ішінде клиенттің тапсырмасы бойынша сомасы 50 000 (елу мың) АҚШ долларына баламасы тең немесе одан асатын валюталық операциялар туралы ақпаратты, сондай-ақ клиенттің тапсырмасы бойынша сомасына қарамастан шетел валютасын сатып алу және сату туралы ақпаратты қамтиды.

      4. Нысанға басшы немесе бас бухгалтер және орындаушы тегін, атын, әкесінің атын (бар болса) көрсете отырып, қол қояды.

2-тарау. Нысанды толтыру

      5. Нысан, клиенттің тапсырмасы бойынша сомасына қарамастан есепке енгізілетін шетел валютасын сатып алу және сату бойынша валюталық операцияларды қоспағанда, есепті кезеңде сомасы 50 000 (елу мың) Америка Құрама Штаттары долларына баламасы тең немесе одан асатын валюталық операциялар бойынша ақпаратты қамтиды.

      6. Нысанға "Астана" халықаралық қаржы орталығы қатысушыларының, оның аумағында жасалатын валюталық операциялар бойынша, сондай-ақ қолма-қол шетел валютасын айырбастау пунктері арқылы сатып алу (сату) бойынша ақпарат кірмейді.

      7. Валюталық операциялар Нысанда:

      клиенттердің тапсырмалары бойынша (оның ішінде төлем карточкаларын қолдана отырып жүзеге асырылған) төлемдер және (немесе) ақша аударымдары – клиенттің уәкілетті банктегі банктік шотына ақша есептеу (клиенттің уәкілетті банктегі банктік шотынан ақша есептен шығару) күні;

      уәкілетті банктің меншікті төлемдері және (немесе) ақша аударымдары бойынша – уәкілетті банктің корреспонденттік шотына ақша есептеу (уәкілетті банктің корреспонденттік шотынан ақша есептен шығару) күні;

      басқа валюталық операциялар бойынша – операциялар жасау күні көрсетіледі.

      Төлем карточкаларын пайдалана отырып жүзеге асырылған валюталық операциялар бойынша төлемдер және (немесе) ақша аударымдары бойынша ақпаратты уәкілетті банк резиденттен немесе бейрезиденттен осындай төлемдер және (немесе) ақша аударымдары туралы ақпаратты алуына қарай түзетеді.

      8. Нысанның 1, 6 және 7-бөліктері валюталық шарт негізінде валюталық операциялар жүргізілген жағдайда толтырылады.

      9. Нысанның 1-бөлігінде валюталық шарттың деректемелері көрсетіледі. 1.3-баған валюталық шартқа есептік нөмір берілсе толтырылады.

      10. Нысанның 2 және 3-бөліктерінде төлем құжатына сәйкес ақша жөнелтуші және бенефициар туралы ақпарат көрсетіледі.

      2.3, 3.3-бағандарда ақша жөнелтушінің, бенефициардың тіркелген елінің (заңды тұлға, заңды тұлғаның филиалы (өкілдігі) үшін) немесе тұрақты тұратын елінің (Қазақстан Республикасының немесе шет мемлекеттің заңнамасына сәйкес берілген азаматтығы немесе құқығы негізінде жеке тұлға үшін) "Елдердің атауларын және олардың әкімшілік-аумақтық бөлімшелері бірліктерін белгілеуге арналған кодтар. 1-бөлім. Елдер кодтары" ҚР ҰЖ 06 ISO 3166-1-2016 Қазақстан Республикасының ұлттық сыныптауышына сәйкес екі әріптік коды толтырылады.

      2.4, 2.5, 3.4, 3.5-бағандар Нормативтік құқықтық актілерді мемлекеттік тіркеу тізілімінде № 14365 тіркелген "Экономика секторларының және төлемдер белгілеу кодтарын қолдану қағидаларын бекіту туралы" Қазақстан Республикасы Ұлттық Банкі Басқармасының 2016 жылғы 31 тамыздағы № 203 қаулысымен бекітілген Экономика секторларының және төлемдер белгілеу кодтарын қолдану қағидаларына (бұдан әрі – Экономика секторларының және төлемдер белгілеу кодтарын қолдану қағидалары) сәйкес толтырылады.

      Жеке тұлғаның банктік шотына үшінші тұлға қолма-қол ақша енгізген жағдайларды қоспағанда, банктік шоттан қолма-қол ақша салған (алған) кезде Нысанның 2 және 3 бөліктерінде шоттың иесі туралы ақпарат толтырылады. Жеке тұлғаның банктік шотына үшінші тұлға қолма-қол ақша салғанда 2-бөлігінде ақша енгізетін тұлға туралы, 3-бөлігінде шоттың иесі туралы ақпарат толтырылады.

      Уәкілетті банк шетел валютасын, чектерді, вексельдерді, басқа төлем құжаттарын немесе өзге валюталық құндылықтарды сатқан кезде Нысанның 2-бөлігінде уәкілетті банк туралы, Нысанның 3-бөлігінде сатып алушы клиент туралы ақпарат көрсетіледі. Уәкілетті банк шетел валютасын, чектерді, вексельдерді, басқа төлем құжаттарын немесе өзге валюталық құндылықтарды сатып алған кезде Нысанның 2-бөлігінде сатушы клиент туралы ақпарат, Нысанның 3-бөлігінде уәкілетті банк туралы ақпарат көрсетіледі.

      11. Нысанның 4-бөлігінде валюталық операция туралы ақпарат көрсетіледі.

      4.2-баған Нормативтік құқықтық актілерді мемлекеттік тіркеу тізілімінде № 18512 болып тіркелген "Қазақстан Республикасында валюталық операцияларды жүзеге асыру қағидаларын бекіту туралы" Қазақстан Республикасы Ұлттық Банкі Басқармасының 2019 жылғы 30 наурыздағы № 40 қаулысымен бекітілген Қазақстан Республикасында валюталық операцияларды жүзеге асыру қағидаларына 2-қосымшаға сәйкес толтырылады.

      4.3-баған Экономика секторларының және төлемдер белгілеу кодтарын қолдану қағидаларына сәйкес толтырылады.

      4.5-бағанда "Валюталар мен қорларды белгілеуге арналған кодтар" ҚР ҰЖ 07 ISO 4217-2012 Қазақстан Республикасының ұлттық жіктеуішіне сәйкес валюталардың үш таңбалы әріптік коды көрсетіледі.

      4.6-бағанда "01" – жөнелтілген төлемдер немесе ақша аударымдары, уәкілетті банктің қолма-қол шетел валютасын алуы немесе шетел валютасын сатуы бойынша операциялары, чектер, вексельдер, басқа да төлем құжаттары немесе өзге валюталық құндылықтар үшін, "02" – кіріс төлемдер немесе ақша аударымдары, уәкілетті банктің қолма-қол шетел валютасын есептеуі немесе шетел валютасын сатып алуы бойынша операциялары, чектер, вексельдер, басқа төлем құжаттары немесе өзге валюталық құндылықтар үшін көрсетіледі.

      4.7-бағанда төлем және (немесе) ақша аударымы заңды тұлға мен оның құрылымдық бөлімшелері немесе бір заңды тұлғаның құрылымдық бөлімшелері арасында жүзеге асырылса "1" белгісі, қалған жағдайларда "0" белгісі көрсетіледі.

      4.8-баған Валюталық реттеу және валюталық бақылау туралы заңының 21-бабының 2-тармағына сәйкес мынадай түрде толтырылады:

      "1" – тиісті валюталық шарт талаптарында бейрезиденттен резиденттің уәкілетті банктеріндегі банктік шотына алуға жататын ақша аударымын жүзеге асыру көзделмесе, бейрезиденттің резидентке (уәкілетті банкті қоспағанда) ақша ұсынуы көзделетін қаржылай қарыз;

      "2" – тиісті валюталық шарт талаптарында бейрезиденттен резиденттің уәкілетті банктердегі банктік шотына алуға жататын ақша аударымын жүзеге асыру көзделмесе, резидентте (уәкілетті банкті қоспағанда) бейрезидентке ақша қайтару бойынша талаптардың туындауы көзделетін қаржылай қарыз;

      "3" – резиденттің қаржылай қарыз мәнін пайдаланғаны үшін сыйақы төлемей 720 (жеті жүз жиырма) күннен астам мерзімге үлестес тұлға болып табылмайтын бейрезидентке ақша ұсынуы көзделетін қаржылай қарыз;

      "4" – егер тиісті валюталық шарт талаптарында бейрезиденттің экспортқа ақы төлеу бойынша міндеттемелерін орындау мерзімі резидент міндеттемелерді орындаған күннен бастап 720 (жеті жүз жиырма) күннен асса экспорт бойынша операциялар;

      "5" – егер тиісті валюталық шарт талаптарында бейрезиденттің импорт бойынша өз міндеттемелерін орындамаған жағдайда бейрезиденттің ақша қайтару бойынша міндеттемелерін орындау мерзімі (аванстық төлем немесе толық алдын ала ақы) импортқа ақы төлеу бойынша міндеттемелерін орындау мерзімі резидент міндеттемелерді орындаған күннен бастап 720 (жеті жүз жиырма) күннен асса импортқа ақы төлеу бойынша операциялар;

      "0" – қалған жағдайларда.

      "5" белгісі бойынша міндеттемелерді орындау мерзімі деп бейрезидент тауар жеткізілмеген (қызметтер көрсетілмеген, жұмыстар орындалмаған) жағдайда ақшаны (аванстық төлемді немесе толық ақыны) қайтару бойынша міндеттемелердің мерзімі түсініледі. Егер валюталық шарт талаптарында тауар жеткізілмеген (қызметтер көрсетілмеген, жұмыстар орындалмаған) жағдайда ақшаны қайтару үшін бөлек мерзім көзделмесе, онда міндеттемелерді орындау мерзімі деп тауарды жеткізу (қызметтерді көрсету, жұмыстарды орындау) мерзімі түсініледі.

      12. Нысанның 5-бөлігінде валюталық операциялар бойынша контрагенттің ұйымы (банк) - төлемдер және (немесе) ақша аударымдары үшін ақша жөнелтуші ұйым (банк), жөнелтілген төлемдер және (немесе) ақша аударымдары үшін бенефициар ұйым (банк) туралы ақпарат көрсетіледі. Банкішілік валюталық операциялар бойынша есеп беретін уәкілетті банк туралы ақпарат көрсетіледі. Негізінде төлемдер және (немесе) ақша аударымдары жүргізілетін құжаттарда ақша жөнелтуші ұйым (банк) туралы ақпарат болмаған кезде 5-бөлік толтырылмайды.

      5.3-бағанда ақша жөнелтуші ұйым (банк) немесе бенефициар елінің "Елдердің атауларын және олардың әкімшілік-аумақтық бөлімшелері бірліктерін белгілеуге арналған кодтар. 1-бөлім. Елдер кодтары" ҚР ҰЖ 06 ISO 3166-1-2016 Қазақстан Республикасының ұлттық сыныптауышына сәйкес екі әріптік коды толтырылады. Банкішілік валюталық операциялар үшін "KZ" коды көрсетіледі.

      13. Нысанның 6 және 7-бөліктерінде валюталық шарт бойынша ақша жөнелтуші немесе ақша алушы туралы мәліметтер көрсетіледі.

      Егер валюталық шарт бойынша ақша жөнелтуші (алушы) төлем құжаты бойынша ақша жөнелтушімен (бенефициармен) сәйкес келетін болса, онда 6 (7) - бөлікте Нысанның 2 (3) - бөлігіне ұқсас ақпарат толтырылады.

      6.3. және 7.3-бағандарда валюталық шарт бойынша ақша жөнелтушінің немесе алушының тіркелген елінің (заңды тұлға, заңды тұлғаның филиалы (өкілдігі) үшін) немесе тұрақты тұратын елінің (Қазақстан Республикасының немесе шет мемлекеттің заңнамасына сәйкес берілген азаматтығы немесе құқығы негізінде жеке тұлға үшін) "Елдердің атауларын және олардың әкімшілік-аумақтық бөлімшелері бірліктерін белгілеуге арналған кодтар. 1-бөлім. Елдер кодтары" ҚР ҰЖ 06 ISO 3166-1-2016 Қазақстан Республикасының ұлттық сыныптауышына сәйкес екі әріптік коды толтырылады.

      6.4, 6.5, 7.4, 7.5-бағандар Экономика секторларының және төлемдер белгілеу кодтарын қолдану қағидаларына сәйкес толтырылады.

      14. Нысанның 8-бөлігінде Нысанның 1, 2, 3, 4, 5, 6 және 7-бөліктерінде енгізілмеген қосымша ақпарат: инвестициялау объектісі, бағалы қағаздардың эмитенті, жылжымайтын мүлік объектісінің елі, төлемнің ерекше талаптары туралы ақпарат, валюталық заңнама бойынша жөнелтушінің нұсқауларын сақтау шотына ақша есептеу күні көрсетіледі.

      15. Нақтылайтын ақпараттың Нысанның 8-бөлігінде болмауы бұзушылық болып табылмайды. Нысанға белгіленген шекті мәннен аз сомадағы валюталық операцияларды енгізу бұзушылық болып табылмайды.

      16. Есепті кезең үшін ақпарат болмаған жағдайда Нысан нөлдік мәндермен ұсынылады.

      17. Нысанға түзетулер өзгерістер, толықтырулар) Қазақстан Республикасында валюталық операцияларды мониторингтеу қағидаларының 34-тармағында белгіленген ұсыну мерзімінен кейін 6 (алты) ай ішінде енгізіледі.