Қазақстан Республикасы Еңбек және халықты әлеуметтік қорғау министрінің кейбір бұйрықтарына өзгерістер мен толықтыру енгізу туралы

      "Халықты жұмыспен қамту туралы" 2016 жылғы 6 сәуірдегі Қазақстан Республикасы Заңының 7-бабының 12-1), 12-2) және 16-1) тармақшаларына сәйкес БҰЙЫРАМЫН:

      1. Қоса беріліп отырған Қазақстан Республикасы Еңбек және халықты әлеуметтік қорғау министрінің өзгерістер мен толықтыру енгізілетін кейбір бұйрықтарының тізбесі бекітілсін.

      2. Қазақстан Республикасы Еңбек және халықты әлеуметтік қорғау министрлігінің Халықты жұмыспен қамту және еңбек нарығын дамыту департаменті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күннен бастап күнтізбелік он күн ішінде мемлекеттік және орыс тілдерінде "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің Эталондық бақылау банкіне қосу үшін жіберуді;

      3) осы бұйрықты Қазақстан Республикасы Еңбек және халықты әлеуметтік қорғау министрлігінің ресми интернет-ресурсында орналастыруды;

      4) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Еңбек және халықты әлеуметтік қорғау министрлігінің Заң қызметі департаментіне ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау вице-министрі Н.Б. Әлтаевқа жүктелсін.

      4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Еңбек және халықты әлеуметтік қорғау министрінің өзгерістер мен толықтыру енгізілетін кейбір бұйрықтарының тізбесі

      1. "Халықты жұмыспен қамту саласында көрсетілетін қызметтердің аутсорсингін ұйымдастыру және қаржыландыру қағидаларын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 255 бұйрығына (Нормативтік құқықтық актілерді мемлекеттік тіркеу тізілімінде № 17193 болып тіркелген, Қазақстан Республикасы нормативтік құқықтық актілерінің Эталондық бақылау банкінде 2018 жылғы 1 тамызда жарияланған) мынадай өзгеріс енгізілсін:

      көрсетілген бұйрықпен бекітілген Халықты жұмыспен қамту саласында көрсетілетін қызметтердің аутсорсингін ұйымдастыру және қаржыландыру қағидалары осы тізбеге 1-қосымшаға сәйкес жаңа редакцияда жазылсын.

      2. "Халықты жұмыспен қамту саласында көрсетілетін қызметтердің аутсорсингі туралы шарттың үлгілік нысанын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 256 бұйрығына (Нормативтік құқықтық актілерді мемлекеттік тіркеу тізілімінде № 17186 болып тіркелген, Қазақстан Республикасы нормативтік құқықтық актілерінің Эталондық бақылау банкінде 2018 жылғы 1 тамызда жарияланған) мынадай өзгеріс енгізілсін:

      көрсетілген бұйрықпен бекітілген Халықты жұмыспен қамту саласында көрсетілетін қызметтердің аутсорсингі туралы үлгілік шартта:

      1-тармақ мынадай редакцияда жазылсын:

      "1. Өнім беруші адам саны ___ құрайтын тіркелген жұмыссыздарға, оның ішінде бірінші санаттағы ___ адамға, екінші санаттағы ___ адамға, үшінші санаттағы ___ адамға қатысты еңбек делдалдығы бойынша, сондай-ақ Шарттың ажырамас бөлігі болып табылатын шарттарға, талаптарға және Қызмет бағасына (тарифтерге) сәйкес әлеуметтік кәсіптік бағдарлау жүргізу және жұмысқа орналасу мүмкіндігі туралы ақпарат беру бойынша қызметттерді көрсетуге (бұдан әрі – Қызметтер) міндеттенеді, ал Тапсырыс беруші көрсетілген Қызметті қабылдауға және Өнім беруші Шарт бойынша өз міндеттемелерін тиісінше орындаған жағдайда ол үшін ақы төлеуге мiндеттенедi:

      "ерекшеліктің коды" ерекшелігі бойынша – "шарттың атауы".";

      3. "Халықты жұмыспен қамту саласында бюджет қаражаты есебінен көрсетілетін қызметтерге тарифтерді қалыптастыру әдістемесін бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 257 бұйрығына (Нормативтік құқықтық актілерді мемлекеттік тіркеу тізілімінде № 17196 болып тіркеліп, Қазақстан Республикасының нормативтік құқықтық актілерінің Эталондық бақылау банкінде 2018 жылғы 1 тамызда жарияланған) мынадай өзгерістер пен толықтыру енгізілсін:

      тақырып мынадай редакцияда жазылсын:

      "Халықты жұмыспен қамту саласында бюджет қаражаты есебінен көрсетілетін қызметтерге тарифтерді қалыптастыру әдістемесін және тарифтердің шекті деңгейін бекіту туралы";

      1-тармақ мынадай редакцияда жазылсын:

      "1. Мыналар:

      1) осы бұйрыққа 1-қосымшаға сәйкес халықты жұмыспен қамту саласында бюджет қаражаты есебінен көрсетілетін қызметтерге тарифтерді қалыптастыру әдістемесі;

      2) осы бұйрыққа 2-қосымшаға сәйкес халықты жұмыспен қамту саласында бюджет қаражаты есебінен көрсетілетін қызметтерге тарифтердің шекті деңгейі бекітілсін.";

      көрсетілген бұйрыққа қосымшаның жоғарғы оң жақ бұрышы мынадай редакцияда жазылсын:

      көрсетілген бұйрықпен бекітілген Халықты жұмыспен қамту саласында бюджет қаражаты есебінен көрсетілетін қызметтерге тарифтерді қалыптастыру әдістемесінде:

      2-тармақ мынадай редакцияда жазылсын:

      "2. Осы Әдістемеде мынадай түсініктер қолданылады:

      1) "Еңбек нарығы" автоматтандырылған ақпараттық жүйесі (бұдан әрі – "Еңбек нарығы" ААЖ) – әлеуметтік-еңбек саласының бірыңғай ақпараттық жүйесінің құрамындағы жұмысқа орналастыруға делдалдық көрсету, есептілікке мониторинг жүргізу және қалыптастыру мақсатында халықты жұмыспен қамту орталықтарының қызметін автоматтандыруға және мемлекеттік органдардың ақпараттық жүйелерімен интеграциялаумен қоса ведомствоаралық өзара іс-қимылға арналған автоматтандырылған ақпараттық жүйе;

      2) халықты жұмыспен қамту мәселелері жөніндегі жергілікті орган – өңірлік еңбек нарығындағы ахуалға негіздей отырып, халықты жұмыспен қамтуға жәрдемдесудің бағыттарын айқындайтын ауданның, облыстық маңызы бар қалалардың, облыстың, республикалық маңызы бар қалалардың, астананың жергiлiктi атқарушы органдарының құрылымдық бөлiмшесi;

      3) халықты жұмыспен қамту саласында қызмет көрсетуге арналған тариф (бұдан әрі – тариф) – халықты жұмыспен қамту саласындағы қызметтің бір бірлігінің есептік құны.";

      осы бұйрыққа 2-қосымшаға сәйкес 2-қосымшамен толықтырылсын.

Халықты жұмыспен қамту саласында көрсетілетін қызметтердің аутсорсингін ұйымдастыру және қаржыландыру қағидалары

1-тарау. Жалпы ережелер

      1. Осы Халықты жұмыспен қамту саласында көрсетілетін қызметтердің аутсорсингін ұйымдастыру және қаржыландыру қағидалары (бұдан әрі – Қағидалар) "Халықты жұмыспен қамту туралы" 2016 жылғы 6 сәуірдегі Қазақстан Республикасы Заңының (бұдан әрі – Заң) 7-бабының 12-1) тармақшасына сәйкес әзірленді және жұмыспен қамту саласында көрсетілетін қызметтердің аутсорсингін ұйымдастыру және қаржыландыру тәртібін айқындайды.

      2. Осы Қағидаларда қолданылатын негізгі ұғымдар:

      1) "Еңбек биржасы" мемлекеттік интернет-ресурсы (бұдан әрі – Еңбек биржасы) – еңбек нарығының бірыңғай ақпараттық базасын қамтитын, Интернет желісінде жұмыс істейтін, халықты жұмыспен қамтуға жәрдемдесудің мемлекеттік шараларын көрсету мақсатында еңбек ресурстарын дамыту орталығы қолдап отыратын электрондық ақпараттық ресурс;

      2) жұмыссыздар – жұмыспен қамтылған халыққа жатпайтын, жұмыс iздеп жүрген және еңбек етуге дайын адамдар;

      3) жұмыспен қамтудың жекеше агенттiгi – еңбек делдалдығын көрсететін, Қазақстан Республикасының заңнамасында белгiленген тәртiппен тiркелген жеке немесе заңды тұлға;

      4) халықты жұмыспен қамту орталығы (бұдан әрі – жұмыспен қамту орталығы) – жұмыспен қамтуға жәрдемдесудің белсенді шараларын іске асыру, жұмыссыздықтан әлеуметтік қорғауды және жұмыспен қамтуға жәрдемдесудің өзге де шараларын ұйымдастыру мақсатында ауданның, облыстық және республикалық маңызы бар қалалардың, астананың жергілікті атқарушы органы құратын заңды тұлға;

      5) халықты жұмыспен қамту саласында көрсетілетін қызметтер аутсорсингі (бұдан әрі – қызметтер аутсорсингі) – халықты жұмыспен қамту орталықтарының жұмыспен қамтудың жекеше агенттіктеріне көрсетілетін қызметтерді халықты жұмыспен қамту саласында көрсетілетін қызметтердің аутсорсингі туралы шарт негізінде беруіне бағытталған іс-шаралар кешені.

2-тарау. Халықты жұмыспен қамту саласында көрсетілетін қызметтер аутсорсингін ұйымдастыру тәртібі

      3. Жұмыспен қамту орталығы Еңбек биржасында халықты жұмыспен қамту саласында көрсетілетін қызметтердің аутсорсингін өткізу туралы хабарландыру орналастырады.

      4. Жұмыспен қамту орталығы Еңбек биржасында көрсетілетін қызметтер аутсорсингін өткізу туралы хабарландыруды әр аптаның сәрсенбі күні жариялайды.

      Көрсетілетін қызметтер аутсорсингін өткізу туралы хабарландыру мынадай:

      1) жұмыспен қамту орталығының атауы, заңды мекенжайы, байланыс деректері, жауапты адамның тегі, аты, әкесінің аты (бар болса);

      2) қызметтер аутсорсингі шеңберінде ұсынылатын қызметтердің (бұдан әрі – көрсетілетін қызметтер) тізбесі;

      3) лоттардың және санаттар бойынша ондағы жұмыссыздардың саны;

      4) қызметтер аутсорсингі туралы шарт жобасы;

      5) қызметтер аутсорсингін өткізу мерзімдері ақпаратынан тұрады.

      5. Жұмыссыздық кезеңінің болжамды ұзақтығын негізге ала отырып жұмыссыздарды санаттарға бөлуді "Жұмыс іздеп жүрген адамдарды, жұмыссыздарды тіркеу және халықты жұмыспен қамту орталықтары көрсететін еңбек делдалдығын жүзеге асыру қағидаларын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 259 бұйрығымен бекітілген Жұмыс іздеп жүрген адамдарды, жұмыссыздарды тіркеу және халықты жұмыспен қамту орталықтары көрсететін еңбек делдалдығын жүзеге асыру қағидаларына (Нормативтік құқықтық актілерді мемлекеттік тіркеу тізілімінде № 17199 болып тіркелген) сәйкес жұмыспен қамту орталығы жүргізеді.

      6. Жұмыспен қамту орталығы "Халықты жұмыспен қамту саласында көрсетілетін қызметтердің аутсорсингі шеңберінде ұсынылатын, көрсетілетін қызметтердің тізбесін бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 258 бұйрығымен бекітілген (Нормативтік құқықтық актілерді мемлекеттік тіркеу тізілімінде № 17170 болып тіркелген) халықты жұмыспен қамту саласындағы қызметтер аутсорсингі шеңберінде ұсынылатын қызметтер тізбесіне сәйкес дүйсенбі сайын сағат 9-00-ден 18-30-ға дейінгі аралықта Еңбек биржасында көрсетілетін қызметтердің аутсорсингін өткізеді.

      7. Көрсетілетін қызметтердің аутсорcингіне қатысуға үміткер жұмыспен қамтудың жекеше агенттіктері электрондық цифлық қолтанбасымен расталған жеке кабинет ашу арқылы Еңбек биржасында тіркеледі.

      8. Жұмыспен қамту орталығы көрсетілетін қызметтердің аутсорсингін өткізу үшін осы Қағидаларға 1-қосымшаға сәйкес нысан бойынша көрсетілетін қызметтер аутсорсингі арқылы жұмысқа орналасуда жәрдемдесуге келісімін берген тіркелген жұмыссыздар қатарынан лоттар қалыптастырады.

      Лот 30-дан (отыз) аспайтын адамнан құралады, онда екінші және үшінші санаттағы жұмыссыздардың саны кемінде 30 (отыз) пайызды құрайды.

      9. Жұмыспен қамтудың жекеше агенттіктері өздері таңдаған лотқа өтінім беріп, лотты таңдау электрондық цифрлық қолтаңбасымен куәландырылады.

      10. Жұмыспен қамтудың жекеше агенттіктері "Халықты жұмыспен қамту саласында көрсетілетін қызметтердің аутсорсингіне қатысуға үміткер жұмыспен қамтудың жекеше агенттіктеріне қойылатын біліктілік талаптарын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 254 бұйрығымен (Нормативтік құқықтың актілерді мемлекеттік тіркеу тізімінде № 17168 болып тіркелген) бекітілген біліктік талаптарына (бұдан әрі – біліктік талаптары) сәйкестігін растайтын құжаттарды ұсынады.

      11. Жұмыспен қамту орталығы жұмыспен қамтудың жекеше агенттіктері таңдаған лоттарына өтінім берген күннен бастап 2 (екі) жұмыс күні ішінде жұмыспен қамтудың жекеше агентітктерінің біліктілік талаптарына сәйкестігін қарастырылады.

      Жұмыспен қамту орталығы жұмыспен қамтудың жекеше агенттіктерінің біліктілік талаптарына сәйкестігіне және ұсынылған құжаттардың толықтығын қарау нәтижелері бойынша оларды конкурсқа қатысуға жібереді.

      Біліктілік талаптарына сәйкестігін және ұсынылған құжаттардың толықтығын қарау мерзімдері өткеннен кейін 1 (бір) жұмыс күні ішінде жұмыспен қамту орталығы бас тартудың негізді себептерін көрсете отырып жұмыспен қамтудың жекеше агенттіктеріне хабарлайды.

      Жұмыспен қамту орталығы мынадай:

      1) жұмыспен қамтудың жекеше агенттігі біліктілік талаптарына сәйкес келмеген;

      2) егер жұмыспен қамтудың жекеше агенттігі осы Қағидалардың 6-тармағында көзделген мерзім ішінде лотты бірінші болып таңдамаса;

      3) жұмыспен қамтудың жекеше агенттігі ұсынган құжаттар мен мәліметтердің дәйексіздігі анықталған жағдайда жұмыспен қамтудың жекеше агенттігіне көрсетілетін қызметтер аутсорсингіне қатыстырудан бас тартады.

      12. Жұмыспен қамту орталығы көрсетілетін қызметтер аутсорсингін өткізу мерзімі ішінде біліктілік талаптарына сәйкес келетін және лотты бірінші болып таңдағанын растаған жұмыспен қамтудың жекеше агенттігіне оның жеке кабинетіне хабарлама және қараудан кейін мерзімдер өткен соң 1 (бір) жұмыс күні ішінде Еңбек биржасында көрсетілетін қызметтер аутсорсингі туралы шарттың жобасын жібереді.

      13. Егер жұмыспен қамтудың жекеше агенттігі Еңбек биржасы арқылы көрсетілетін қызметтер аутсорсингі туралы шарттың жобасын алған күннен бастап 2 (екі) жұмыс күні ішінде оған қол қоймаса (электрондық цифрлық қолтаңбасымен куәландырмаса), жұмыспен қамту орталығы жұмыспен қамтудың жекеше агенттігіне жіберілген көрсетілетін қызметтердің аутсорсингі туралы шарттың жобасын кері қайтарады және электрондық цифрлық қолтаңбамен куәландырылған көрсетілетін қызметтердің аутсорсингі туралы шарттың жобасын біліктілік талаптарына сәйкес келетін және лотты таңдау бойынша келесі болып тіркелген жұмыспен қамтудың жекеше агенттігіне Еңбек биржасы арқылы жібереді.

      14. Егер Еңбек биржасында көрсетілетін қызметтер аутсорсингін өткізу мерзімі ішінде лотты бірде-бір жұмыспен қамтудың жекеше агенттігі таңдамаса, онда халықты жұмыспен қамту орталығы осы Қағидалардың 6-тармағында көзделген мерзімдерге сәйкес лотты қайта орналастыруды жүзеге асырады.

      15. Жұмыспен қамту орталығы мен біліктілік талаптарына сәйкес келетін және лотты таңдау бойынша келесі болып тіркелген жұмыспен қамтудың жекеше агенттігі арасында "Халықты жұмыспен қамту саласында көрсетілетін қызметтердің аутсорсингі туралы шарттың үлгілік нысанын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 256 бұйрығымен (Нормативтік құқықтық актілерді мемлекеттік тіркеу тізілімінде № 17186 болып тіркелген) (бұдан әрі – № 256 бұйрық) бекітілген нысан бойынша көрсетілетін қызметтердің аутсорсинг туралы шарт жасалады.

      16. Жұмыспен қамту орталығы көрсетілетін қызметтердің аутсорсингі туралы шарт жобасына қол қойылған күннен бастап 10 (он) жұмыс күні ішінде Еңбек биржасында ол туралы ақпаратты орналастырады.

      17. Жұмыспен қамту орталығы 1 (бір) жұмыс күні ішінде ақпараттық-коммуникациялық технология құралдарымен (телефон, ұялы байланыс, электрондық почта) тиісті жұмыспен қамтудың жекеше агенттігінің байланыс деректерін ұсыну арқылы жұмыссыздарды көрсетілетін қызметтер аутсорсингі шеңберінде оларға қызмет көрсетілетіні туралы хабардар етеді.

      18. Жұмыспен қамту орталығы аутсорсинг шарты жасалған жекеше агенттікке 1 (бір) жұмыс күні ішінде жұмыссыздардың тізімімен және қызметтерді көрсету үшін қажетті ақпаратпен, оның ішінде:

      1) тегі, аты, әкесінің аты (бар болса);

      2) туған күні, айы және жылы;

      3) облыстың, ауданның, елді мекеннің, көшенің атауы, үй нөмірі, пәтер нөмірін көрсетумен тұрғылықты мекенжайы;

      4) телефоны;

      5) электрондық почта мекенжайы (бар болса);

      6) алған мамандығы бойынша білімі;

      7) жұмыс берушілердің атауы, жұмысқа қабылдану және жұмыстан босатылу күні, лауазым атауы (бар болса) көрсетумен жұмыс өтілі;

      8) жұмыспен қамтуға жәрдемдесудің белсенді шараларына қатысуы;

      9) кәсіптік бағдарлаудан өтуі және оның қорытындысы туралы мәліметтер;

      10) жұмыс берушінің, лауазымдардың (кәсіптердің) атауын көрсетумен лайықты жұмысқа берілген жолдамалар туралы мәліметтер;

      11) күтілетін жалақысын және жұмыс орнын көрсетумен жұмыссыздың күтетін лауазымы (кәсібі) қамтылған ақпаратпен жұмыссыздар лотын ұсынады.

3-тарау. Көрсетілетін қызметтердің аутсорсингін қаржыландыру тәртібі

      19. Көрсетілетін қызметтердің аутсорсингін қаржыландыру № 256 бұйрықпен бекітілген аутсорсинг туралы шартта көзделген қаражат шегінде жүргізіледі.

      20. Жұмыспен қамтудың жекеше агенттігі 3 (үш) жұмыс күні ішінде жұмыспен қамту орталығына осы Қағидаларға 2-қосымшаға сәйкес нысан бюйынша жұмыспен қамтудың жекеше агенттігі басшысының қолымен бекітілген көрсетілген қызметтер актісін (бұдан әрі – акт) жібереді.

      21. Жұмыспен қамту орталығы актіні алған күннен бастап 3 (үш) жұмыс күнінен кешіктірмей оған қол қояды немесе дәлелді негіздемелерді көрсете отырып, көрсетілетін қызметтерді қабылдаудан бас тартады.

      Жұмыспен қамту орталығы көрсетілген қызметтерді қосымша зерделеу қажет болған жағдайда орындалған жұмыстар актісін алған күннен бастап 10 (он) жұмыс күнінен кешіктірмей осы тармақтың бірінші бөлігінде көзделген іс-қимылдарды орындайды, бұл туралы хабарламаны алған күннен бастап 3 (үш) жұмыс күнінен кешіктірмей жекеше агенттікті хабардар етеді.

      22. Көрсетілетін қызметтер аутсорсингі туралы шартта көзделген жұмыссыздың бір жұмыс орнында (бір жұмыс берушіде) үздіксіз жұмыспен қамтылу мерзімдері сақтамалған жағдайда көрсетілген қызметтерге ақы төлеу жұмыссыздың нақты жұмыспен қамтылған кезеңі үшін жүзеге асырылады.

      23. Жұмыспен қамтудың жекеше агенттігінің жұмыспен қамту орталығына аванстың бір бөлігін қайтаруы № 256 бұйрықпен бекітілген аутсорсинг туралы шартта көзделген мерзім ішінде жұмысқа орналастырылмаған жұмыссыздардың санына пропорционалды түрде жүзеге асырылады.

Халықты жұмыспен қамту саласында көрсетілетін қызметтердің аутсорсингі арқылы жұмысқа орналасуға жәрдемдесуге келісім

      20___жылғы "____"______________

      Осымен, төменде қол қоя отырып халықты жұмыспен қамту саласында көрсетілетін қызметтер аутсорсингі арқылы жұмысқа орналасуға жәрдемдесуге, сондай-ақ дербес деректерімді (тегі, аты, әкесінің аты (бар болса), жынысы, жасы, әлеуметтік мәртебесі, білімі, жұмыс тәжірибесі, дағдылары, қала және мобильді телефондарының байланыс нөмірлері, тұратын мекенжайы, электрондық пошта бар болса) көрсетілетін қызметтер аутсорсингі шеңберінде жұмыспен қамтудың жекеше агенттіктеріне беруге келісім беремін. Келісім осы өтінішке толық көлемде қандай да бір ескертулер мен қарсылықтарсыз қол қою арқылы ұсынылады.

      _________________________________________________________________________

      тегі, аты, әкесінің аты (бар болса) толық (қолы)

      Жеке басты куәландыратын құжаттың түпнұсқасы бойынша сәйкестендіру жүргізілді, осы келісімге менің қатысуыммен қол қойылды.

Көрсетілген қызметтер актісі 2018 жылғы "___" _________ №___ Құжат нөмірі қол қойылған күні (Тапсырыс берушінің актіге қол қойған күні мен уақыты тіркеледі)

      Осы акт төменде қол қойған Өнім берушінің өкілдері (Тапсырыс берушінің атауы) _______________ (Өнім беруші), (Өнім берушінің тегі, аты, әкесінің аты (бар болса) атауы) 2018 жылғы "___" _________ №___ (шарттың (қосымша келісімнің) атауы, күні және нөмірі) шартқа (және қосымша келісімге) сәйкес орындағаны, ал _________ (Тапсырыс беруші) төменде қол қойған Тапсырыс берушінің өкілдері (Тапсырыс берушінің атауы) атынан қабылдағаны жөнінде жасалды:

      Шартқа сәйкес осы акт бойынша көрсетілген қызметтердің құны ___________ теңгені құрайды (санмен, жазбаша).

      Қосымша: құжаттардың электрондық көшірмелерінің тізбесі (бар болса өнім беруші/тапсырыс беруші тіркеп отырады)

      Ескертпе:

      * жұмыспен қамту орталығы толтырады.

      Аббревиатуралардың толық жазылуы:

      БСН – бизнес-сәйкестендіру нөмірі;

      БСК – бизнес-сәйкестендіру коды;

      ЖСК – жеке сәйкестендіру коды;

      ЖСН – жеке сәйкестендіру нөмірі.

Халықты жұмыспен қамту саласында бюджет қаражаты есебінен көрсетілетін қызметтерге тарифтердің шекті деңгейі

      Халықты жұмыспен қамту саласында бюджет қаражаты есебінен көрсетілетін қызметтерге тарифтердің шекті деңгейі мыналарды құрайды:

      1. Облыстық маңызы бар қалалардың, республикалық маңызы бар қалалардың, астананың жұмыспен қамту мәселелері жөніндегі жергілікті органында тіркелген жұмыссыздар үшін:

      1) бірінші санаттағы жұмыссыздар үшін – 30 000 (отыз мың) теңгеден көп емес;

      2) екінші және үшінші санаттағы жұмыссыздаp үшін – 37 500 (отыз жеті мың бес жүз) теңгеден көп емес;

      2. Тиісті облыс, аудандық маңызы бар қала ауданының халықты жұмыспен қамту мәселелері жөніндегі жергілікті органында тіркелген жұмыссыздар үшін:

      1) бірінші санаттағы жұмыссыздар үшін – 37 500 (отыз жеті мың бес жүз) теңгеден көп емес;

      2) екінші және үшінші санаттағы жұмыссыздар үшін – 45 000 (қырық бес мың) теңгеден көп емес.