"Қазақстан Республикасының патент заңы" 1999 жылғы 16 шілдедегі Қазақстан Республикасы Заңының 4-бабының 2-тармағының 2) тармақшасына сәйкес БҰЙЫРАМЫН:
1. Қоса беріліп отырған Өнеркәсіптік меншік объектілерін Өнертабыстардың мемлекеттік тізілімінде, Пайдалы модельдердің мемлекеттік тізілімінде, Өнеркәсіптік үлгілердің мемлекеттік тізілімінде тіркеу және қорғау құжаттарын және олардың телнұсқаларын беру, патенттерді жарамсыз деп тану және олардың қолданылуын мерзімінен бұрын тоқтату қағидалары бекітілсін.
2. Қазақстан Республикасы Әділет министрлігінің Зияткерлік меншік құқығы департаменті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық мемлекеттік тіркелген күннен бастап күнтізбелік он күн ішінде Қазақстан Республикасының нормативтік құқықтық актілерінің эталондық бақылау банкінде ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына қазақ және орыс тілдерінде жіберуді;
3) осы бұйрықты ресми жариялағаннан кейін Қазақстан Республикасы Әділет министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасының Әділет вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Әділет министрі |
М. Бекетаев |
| Қазақстан Республикасы Әділет министрінің 2018 жылғы 29 тамыздағы № 1341 бұйрығымен бекітілді |
Өнеркәсіптік меншік объектілерін Өнертабыстардың мемлекеттік тізілімінде, Пайдалы модельдердің мемлекеттік тізілімінде, Өнеркәсіптік үлгілердің мемлекеттік тізілімінде тіркеу және қорғау құжаттарын және олардың телнұсқаларын беру, патенттерді жарамсыз деп тану және қолданылуын мерзімінен бұрын тоқтату қағидалары
1 тарау. Жалпы ережелер
1. Осы Өнеркәсіптік меншік объектілерін Өнертабыстардың мемлекеттік тізілімінде, Пайдалы модельдердің мемлекеттік тізілімінде, Өнеркәсіптік үлгілердің мемлекеттік тізілімінде тіркеу және қорғау құжаттарын және олардың телнұсқаларын беру, патенттерді жарамсыз деп тану және олардың қолданылуын мерзімінен бұрын тоқтату қағидалары (бұдан әрі - Қағидалар) "Қазақстан Республикасының Патент заңы" Қазақстан Республикасының 1999 жылғы 16 шілдедегі Заңы 4-бабының 2-тармағының 2) тармақшасына сәйкес әзірленген және Өнертабыстардың, пайдалы модельдердің, өнеркәсіптік үлгілердің мемлекеттік тізілімдерін жүргізу, қорғау құжаттарын және олардың телнұсқаларын беру, патенттерді жарамсыз деп тану және олардың қолданылуын мерзімінен бұрын тоқтату тәртібін белгілейді.
2. Осы Қағидаларда мынадай негізгі ұғымдар мен қысқартулар пайдаланылады:
1) бюллетень - өнеркәсіптік меншік объектілері мәселелері бойынша мерзімді ресми баспа;
2) Мемлекеттік тізілім - тіркелген өнеркәсіптік меншік объектілерінің тізілімі;
3) патенттік сенім білдірілген өкілдер - Қазақстан Республикасының заңнамасына сәйкес уәкілетті орган мен сараптама жасау ұйымы алдында жеке және заңды тұлғаларға өкілдік етуге құқық берілген Қазақстан Республикасының азаматтары;
4) ХПЖ - халықаралық патенттік жіктеме;
5) ӨҮХЖ - өнеркәсіптік үлгілердің халықаралық жіктемесі;
6) ДЗМҰ - Дүниежүзілік зияткерлік меншік ұйымы;
7) ИНИД - библиографиялық деректерді сәйкестендіру үшін халықаралық кодтар;
8) емдік дәрі-дәрмектер - адамның ағзасымен байланысқа түсетін немесе оның органдарына және тіндеріне енетін, аурулардың алдын алуға, диагностика жасауға және емдеуге, сондай-ақ ағзаның жағдайы мен функцияларын өзгертуге арналған фармакологиялық белсенді заттар болып саналатын немесе оларды қамтитын құралдар.
9) пестицидтар (улы химикаттар) - химиялық, биологиялық және зиян әрі аса кәуіпті зиян ағзаларға қарсы, сондай-ақ егін жинау алдында кептіруге, жапырақтарды жоюға және өсімдік сұрыптарын реттеуге арналған басқа да заттар;
10) рұқсат беру - емдік дәрі-дәрмекті, пестицидті (улы химикатты) медициналық мақсаттағы бұйымды және медициналық техниканы мемлекеттік тіркеу туралы құзырлы орган берген куәлік;
11) құзыретті орган (бұдан әрі - құзыретті орган): емдік дәрі-дәрмекке қатысты - азаматтардың денсаулығын сақтау, медициналық және фармацевтикалық ғылым, медициналық және фармацевтикалық білім беру, дәрі-дәрмектер, медициналық мақсаттағы бұйымдар мен медициналық техника айналымы, медициналық қызмет көрсету сапасын бақылау саласында басшылықты жүзеге асыратын мемлекеттік орган;
пестицидқа (улы химикатқа) қатысты өсімдіктерді қорғау саласында басшылықты, сондай-ақ өз өкілеттілігі шегінде салааралық үйлестіруді жүзеге асыратын орталық атқарушы орган;
12) РСТ шарты - 1970 жылғы 19 маусымдағы Патенттік кооперация туралы шарт;
13) Париж конвенциясы - 1883 жылғы 20 наурыздағы Өнеркәсіптік меншік объектілерін қорғау жөніндегі Париж конвенциясы.
2 тарау. Қазақстан Республикасының Өнертабыстардың, пайдалы модельдердің, өнеркәсіптік үлгілердің мемлекеттік тізілімінде тіркеу
3. Сараптама жасау ұйымының патент беру туралы шешімі негізінде және сараптама жасау ұйымының құжаттарды патент беруге дайындау және жариялау қызметі үшін төлем жасалғанын растайтын құжатты ұсынған жағдайда өнеркәсіптік меншік объектісі бойынша мәліметтер Өнертабыстардың, пайдалы модельдердің, өнеркәсіптік үлгілердің мемлекеттік тізіліміне енгізіледі.
4. Объектіні тиісті Мемлекеттік тізілімдерде тіркеу кезінде мынадай мәліметтер енгізіледі:
1) патенттің нөмірі;
2) құжат түрінің сөздік белгісі;
3) ХПС айдары (айдарларының) индексі (индекстері), ӨҮХС:
4) өтінімнің нөмірі мен берілген күні;
5) патентті жариялау күні;
6) егер өтінім бойынша сараптама жасау ұйымына өтінім берген күннен басымдылықтың неғұрлым ертерек күні белгіленсе,оның негізінде анықталған болса, алғашқы өтінім берілген елдің (ДЗМҰ ST.3 стандартына сәйкес) нөмірі, берген күні және коды (ол бойынша қосымша материалдар түскен күні);
7) Патент иеленушінің аты немесе атауы, ДЗМҰ ST.3 стандартына сәйкес патент иеленушінің тұрғылықты елінің (орналасқан елдің қайта басылып шығатын бұрынырақ жарияланған нөмірі;
8) РСТ Шартының 23(1) немесе 40 (1)-баптарына сәйкес өтінімнің ұлттық фазаға ауысу күні
9) халықаралық өтінімнің қабылдайтын ведомство белгілейтін тіркеу нөмірі және халықаралық беру күні;
10) халықаралық өтінімнің халықаралық жариялау нөмірі мен күні;
11) автордың (авторлардың) А.Т.Ә, ДЗМҰ ST.3 стандартына сәйкес автордың тұрғылықты елінің (орналасқан елінің) коды (кодтары);
12) Патент иеленушінің аты жөні немесе атауы, ДЗМҰ ST.3 стандартына сәйкес патент иеленушінің тұрғылықты елінің (орналасқан елдің) коды (кодтары);
13) патенттің атауы;
14) бейнесі
15) патенттік сенім білдірілген өкіл немесе өзге де өкіл туралы мәліметтер.
3 тарау. Патент беру
5. Мемлекеттік тізілімге мәліметтерді енгізу негізінде осы Қағидаларға 1, 2, 3 - қосымшаларға сәйкес нысан бойынша қорғау құжаттары беріледі. Патент қазақ, орыс және ағылшын тілдерінде толтырылады.
6. Сараптама ұйымы қорғау құжаттарын сараптама ұйымының патентті беруге дайындау мен жариялау қызметтеріне төлем жасағанын растайтын құжаттары болған жағдайда патент иеленушіге не оның өкіліне сенімхат негізінде (егер өтініш өкіл арқылы берілсе) немесе сенімхат көшірмесімен (егер өтініш патенттік сенім білдірген өкіл арқылы берілсе) қорғау құжатын беру туралы өтініш түскен күннен бастап он жұмыс күні ішінде осы Қағиданың 4-қосымшасына сәйкес нысан бойынша жолдайды (береді).
7. Автордың куәлігі патент беруге өтінімде көрсетілген өнеркәсіптік меншік объектісінің әрбір авторы үшін өтінім берушіге сараптама жасау ұйымының автордың куәлігі беруге дайындау қызметіне төлем жасалғанын расталғанда беріледі. Автор куәлігі осы қағиданың 5-қосымшасының нысанына сәйкес беріледі.
Патент өтінім берушіге өтініш берген авторлардың санына қарамастан жалғыз данада беріледі.
8. Егер патент беруге өтінімді Қазақстан Республикасының аумағында тұратын немесе орналасқан бірнеше автор бірлесіп берсе, онда патент және авторлар куәліктері Қазақстан Республикасы аумағында тұратын немесе орналасатын бірінші болып көрсетілген патент иеленушісіне тапсырылады немесе пошта арқылы жіберіледі.
4 тарау. Патентті күшінде ұстап тұру
9. Патент иеленушi Заңның 11-бабы 15-тармағына сәйкес қорғау құжатын күшiнде ұстап тұру үшiн жыл сайын өтінім берген күнге сәйкес келетін күні төлем жүргізуге мiндеттi. Сараптама жасау ұйымы патент берген күннен бастап он жұмыс күні ішінде патент иеленушісіне осы Қағиданың 6-қосымшасына сәйкес нысанда қорғау құжатын күшінде ұстап тұру жөнінде хабарлама жібереді.
10. Қорғау құжатын күшінде ұстап тұру үшін алғашқы төлем қорғау құжатын беру туралы мәліметтер жарияланған күннен бастап екі ай мерзімде жүргізіледі және өтінім берілген күннен бастап алдындағы жылдар үшін төлемді қамтиды.
Құжаттың сақталуын қамтамасыз ету үшін қол қойылған әр құжаттың әрқайсысы келесі жылы жасалатын құжаттың қолданылу мерзімі ішінде жасалады.
11. Қорғау құжатын күшінде ұстап тұру үшін төлем жасалғаннан кейін патент иеленуші немесе өкіл сараптама жасау ұйымына төлем құжаттарының көшірмесін ұсынады.
Төлем туралы құжат болса, сараптама жасау ұйымы қорғау құжатын келесі жылдарға күшінде ұстап тұру туралы мәліметтерді Мемлекеттік тізілімге енгізеді.
12. Төлем белгіленген мерзімнен кейін жасалған жағдайда, Париж конвенциясының 5 (bis)-бабының (1)-тармағына сәйкес өнеркәсіптік меншік құқықтарын сақтауға арналған баждарды төлеу үшін, қосымша баж төлем шартымен, мерзім өткен күннен бастап алты айды құрайтын жеңілдетілген мерзім беріледі. Бұл ретте төлемнің көлемі белгіленген бағаларға сәйкес 50 пайызға артады.
5 тарау. Телнұсқаны беру
14. Патенттің төлнұсқасы жоғалған немесе жарамсыз болып қалған жағдайда сараптама жасау ұйымы олардың телнұсқасын береді.
Патенттің телнұсқасы (автор куәлігі) он жұмыс күні ішінде осы Қағиданың 7-қосымшасына сәйкес нысанда иеленушінің өтінішімен және телнұсқа беруге тиісті төлем расталған жағдайда беріледі.
Телнұсқа тек Мемлекеттік тізілімде қорғау құжатын беру туралы жазба болса ғана беріледі.
Телнұсқа ондағы көрсетілген мәліметтердің құрамы бойынша берілген патенттің телнұсқасына сәйкес болады, заңды күші онымен бірдей болады және тиісті патенттік нысанда қазақ, орыс тілдерінде "Телнұсқа" деп мөрленіп беріледі.
Телнұсқа берілген жағдайда қорғау құжатының телнұсқасы телнұсқа беру туралы мәліметтер бюллетенде жарияланған күннен бастап заңды күші жоқ деп танылады.
6 тарау. Өнертабыстардың, пайдалы модельдердің, өнеркәсіптік үлгілердің мемлекеттік тізілімдеріне өзгерістерді енгізу
15. Сараптама жасау ұйымы Мемлекеттік тізілімге патенттің берген соң оны құқықтық мәртебесіне қатысты келесі өзгерістері туралы апелляциялық кеңестің, сот органдарының шешімдерімен, уәкілетті органның немесе сараптама жасау ұйымының хабарламаларымен және патент иеленушілердің (олардың құқықтық мирасқорларының немесе өкілдерінің) мәліметтерді:
1) Мемлекеттік тізілімнің жазбаларындағы қателерді түзету туралы;
2) тіркелген құқық беру туралы, тіркелген құқықты ұсыну туралы;
3) тіркелген құқықты беруге, тіркелген құқықты ұсынуға қатысты келесі өзгерістер туралы;
4) патентті толық немесе ішінара жарамсыз деп тануға байланысты оның күшін жою туралы;
5) патент иеленушінің өтініші бойынша патенттің қолданылуын тоқтату туралы;
6) белгіленген мерзімде төлем жүргізілмеген кезде патенттің қолданылуын мерзімінен бұрын тоқтату туралы;
7) патент иеленушінің атауына және оның мекенжайына өзгерістер енгізу туралы;
8) патент иеленуші өкілінің өзгеруі туралы;
9) хат алмасу үшін мекенжайдың өзгеруі туралы өтінішхаттары негізінде енгізеді.
16. Өзгерістер патент иеленушінің немесе оның сенімхат бойынша әрекет ететін өкілінің сараптама жасау ұйымына тиісті өзгерістерді енгізу туралы өтінішхатты беруі арқылы енгізіледі.
17. Өтінішхат қазақ немесе орыс тілінде беріледі.
Өтінішхатқа патент иеленуші немесе сенімхат бойынша әрекет ететін өкіл қол қояды (егер патент иеленушілер бірнеше адамдар тобы болса, өтінішхатқа аталған топқа кіретін барлық адамдар қол қояды).
Өтінішхатқа мыналар қоса беріледі:
1) тиісті өзгерісті растайтын құжаттардың көшірмелері;
2) өзгерістерді енгізу үшін төлемді растайтын құжат;
3) сенімхат (егер өтінішхатты өкіл берсе) немесе сенімхаттың көшірмесі (егер өтінішхатты патенттік сенім білдірілген өкіл немесе өзге өкіл арқылы беретін болса).
Өтінішхат және оған қоса берілетін құжаттар олардың сараптама жасау ұйымына келіп түскен күннен бастап он жұмыс күні ішінде қаралады.
18. Патент иеленушінің (патент иеленушілердің) атауына заңды тұлғаны қайта ұйымдастыруға байланысты өзгерістер енгізген кезде құқық мирасқоры өтінішхат береді және тиісті өзгерістерді растайтын құжаттар ұсынылады.
19. Авторлар құрамына өзгерістер сот шешімі негізінде енгізіледі. Қорғау құжатында көрсетілген авторды құрамға енгізу немесе құрамнан шығару авторлар құрамының өзгеруі деп танылады.
Авторлар құрамына өзгерістер сот шешімі негізінде еркін нысанда авторлар құрамына тиісті өзгерістер енгізу туралы өтінішхат беру арқылы енгізіледі, онда қорғау құжатының нөмірі, енгізілетін немесе шығарылатын автордың тегі, аты, әкесінің аты (егер болса), тұратын жерінің мекенжайы, көрсетіледі.
Өтініш хатқа мыналар қоса беріледі:
1) сот шешімінің көшірмесі;
2) өзгерістерді енгізу үшін төлемді растайтын құжат;
3) сенімхат (егер өтінішхатты өкіл берсе) немесе сенімхаттың көшірмесі (егер өтінішхатты патенттік сенім білдірілген өкіл немесе өзге өкіл арқылы беретін болса).
Өтінішхат және оған қоса берілетін құжаттар олардың сараптама жасау ұйымына келіп түскен күннен бастап он жұмыс күні ішінде қаралады.
20. Құжаттардың толық пакеті ұсынылмаған жағдайда өтініш беруші сараптама ұйымынан сұраныс түскен күннен бастап жиырма жұмыс күні ішінде құжаттарды ұсынуы тиіс. Құжаттардың толық пакеті ұсынылмаған жағдайда тиісті өзгерістер енгізілмейді, ол туралы өтінішхат берген тұлғаға хабардар етіледі.
Өзгерістер енгізілген жағдайда тиісті мәліметтер Мемлекеттік тізілімге енгізіледі, бюллетеньде жарияланады (патент иеленушінің мекенжайы, хат алмасу үшін мекенжайдың және өкілдің өзгеруінен басқа), патент иеленушінің атына осы Қағидалардың 8, 9 немесе 10-қосымшаларына сәйкес нысанда хабарлама жіберіледі.
7 тарау. Қорғау құжаттарының қолданылу мерзімін ұзарту 1. Параграф Өнертабысқа патенттің қолданылу мерзімін ұзарту
21. Өнертабысқа патент сараптама жасау ұйымына өтінімді берген күннен бастап жиырма жыл бойы күшінде болады.
22. Қолдану үшін рұқсат алу қажет емдік дәрі-дәрмекке, пестицидке (улы химикатқа) жататын өнертабысқа қатысты патенттің қолдану мерзімі патент иеленушінің өтінішхаты бойынша, бірақ бес жылдан аспайтын мерзімге ұзартылады.
23. Мерзім бес жыл шегеріле отырып, өнертабысқа патент беруге өтінім берілген күннен бастап өнертабысты қолдануға алғаш рұқсат алынған күнге дейінгі өткен уақытқа ұзартылады.
Егер өнертабыстың формуласында өнертабыс жалпы құрылымдық формуламен сипатталатын композиция, қосынды немесе қосындылар тобы түрінде сипатталатын болса, және өнертабыс сипаттамасынан оны дәрі-дәрмектің, пестицидтің белсенді ингредиенті ретінде қолданылатыны анық болса өнертабыс емдік дәрі-дәрмекке, пестицидке (улы химикатқа) жатады.
24. Өтінішхат өнертабысты қолдануға алғаш рұқсат алынған немесе патент беруге өтінім берілген күннен бастап, осы мерзімдердің қайсысы кешірек өтетініне қарай, алты ай өтпестен бұрын патенттің қолданылу кезеңінде осы қағидаларға 11-қосымшаға сәйкес нысан бойынша беріледі.
25. Өнертабысқа патенттің қолданылу мерзімін ұзарту жөнінде өтінішхат беру және іс қағаздарын жүргізу сенімхат бере отырып, патенттік сенім білдірілген өкіл немесе өзге де өкіл арқылы жүзеге асырылады.
26. Өтінішхат қазақ немесе орыс тілінде беріледі.
27. Өтінішхатқа патент иеленуші немесе сенімхат бойынша әрекет ететін өкіл қол қояды (егер патент иеленушілер бірнеше адамдар тобы болса, өтінішхатқа аталған топқа кіретін барлық адамдар қол қояды).
28. Өтінішхатқа мыналар қоса беріледі:
1) қолдануға құзыретті органның өнертабыс формуласының тәуелсіз тармағында сипатталған өнертабысты емдік дәрі-дәрмекке, пестицидке (улы химикаттықа) жатқызуға мүмкіндік беретін алғашқы рұқсаты алынған емдік дәрі-дәрмек, пестицид (улы химикат) туралы мәліметтерді қамтитын ресми құжаттардың көшірмелері;
2) айрықша құқықты және құқықты куәландыратын патентті қолдану мерзімі сұратылып отырған өнертабысты (өнертабыс формуласының тиісті тәуелсіз тармағын) көрсету, көрсетілген рұқсат өнертабысқа қатысты алғашқы болып табылатынын пайымдау және көрсетілген өнертабысты емдік дәрі-дәрмек, пестицид (улы химикат) өнертабыс формуласының тиісті тәуелсіз тармағында сипатталғанын анықтайтын түсіндірме;
3) өнертабысқа патенттің қолданылу мерзімін ұзарту және ұзарту туралы мәліметтерді бюллетеньде жариялау үшін төлемді растайтын құжат;
4) сенімхат (егер өтінішхатты өкіл берсе) немесе сенімхаттың көшірмесі (егер өтінішхатты патенттік сенім білдірілген өкіл берсе).
29. Өтінішхат пен оған қоса берілетін құжаттар сараптама жасау ұйымына тікелей беріледі немесе пошта арқылы жіберіледі.
30. Өтінішхат пен оған қоса берілетін құжаттар сараптама жасау ұйымына келіп түскен күннен бастап он жұмыс күні ішінде қаралады.
31. Өтінішхатты қарау қаралатын патенттің өнертабыс формуласының тәуелсіз тармағында сипатталған өнертабысты қолдануға рұқсат алынған емдік дәрі-дәрмекке, пестицидке (улы химикаттықа) жатқызу мүмкіндігін тексеруді қамтиды.
32. Қосынды (жалпы құрылымдық формуламен сипатталатын қосындылар тобы) түрінде сипатталған өнертабысты қолдануға рұқсат алынған емдік дәрі-дәрмекке, пестицидке (улы химикатқа) жатқызу мүмкіндігін тексеру өнертабыс формуласының тәуелсіз тармағында сипатталған қосындыны рұқсатта көзделген дәрі-дәрмектің, пестицидтің (улы химикаттың) белсенді ингредиентімен салыстыруды қамтиды. Бұл ретте, өнертабыстың сипаттамасы қосындының оны көрсетілген дәрі-дәрмекте, пестицидте (улы химикатта) пайдалануға мүмкіндік беретін осындай белсенділігі бар екені туралы ақпараттың болуы тексеріледі. Егер қосынды осындай дәрі-дәрмектің, пестицидтің (улы химикаттың) белсенді ингредиенті болып табылса, және өнертабыстың сипаттамасы тиісті ақпаратты қамтитын болса, қаралатын өнертабыс рұқсатта көрсетілген емдік дәрі-дәрмекке, пестицидке (улы химикатқа) жатады.
33. Композиция түрінде сипатталған өнертабысты қолдануға рұқсат алынған емдік дәрі-дәрмекке, пестицидке (улы химикатқа) жатқызу мүмкіндігін тексеру патенттелген композицияның сипаттамасын және рұқсатта көрсетілген дәрі-дәрмектің, пестицидтің (улы химикаттың) композициясының сипаттамасын (мақсаты, құрамы, өнертабыс формуласында келтірілген немесе композиция құрамынан анықталатын нысан) салыстыруды құрайды.
Егер өнертабыс формуласының тәуелсіз тармағы рұқсатта көрсетілген дәрі-дәрмектің, пестицидтің (улы химикаттың) сипаттамасын қамтыса, қаралып отырған өнертабыс емдік дәрі-дәрмекке, пестицидке (улы химикатқа) жатады.
34. Қосындыны, сондай-ақ қосындыны қамтитын дәрі-дәрмектің, пестицидтің композициясы кіретін өнертабыстар тобына берілген өнертабысқа патенттің қолдану мерзімін ұзарту осы Қағидалардың 31-тармағына сәйкес жүзеге асырылады және осы Қағидалардың 32 және 33-тармақтарына сәйкес топтың әрбір өнертабысына қатысты жүргізіледі.
35. Осы Қағиданың 26, 28 тармақтарына сәйкес құжаттардың толық пакеті ұсынылмаған жағдайда өтініш беруші сараптама ұйымына сұраныс жіберілген күннен бастап жиырма жұмыс күнен кешіктірмей қажетті құжаттарды ұсынуы тиіс. Тиісті құжаттар ұсынылмаған жағдайда патенттің қолданысы ұзартылмайды, ол туралы өтінішхат берген тұлға хабардар етіледі.
Өтініш хат беру шарты сақталған жағдайда патенттің қолданылуы ұзартылады.
36. Өнертабысқа патенттің қолданылу мерзімін ұзарту туралы мәліметтер Қазақстан Республикасы өнертабыстарының мемлекеттік тізіліміне енгізіледі және бюллетеньнің жақын арадағы басылымында жарияланады. Патенттің қолданылу мерзімін ұзарту туралы тиісті хабарлама өтінім берушінің мекен жайына осы Қағиданың 12-қосымшасына сәйкес нысанда жіберіледі.
2. Параграф Пайдалы модельге патентті ұзарту тәртібі
37. Пайдалы модельге патенттің қолдану мерзімі патент иесінің пайдалы модельге патенттің қолдану мерзімін ұзарту туралы өтініші (бұдан әрі - өтініш) бойынша үш жылдан аспайтын мерзімге ұзартылады.
38. Өтініш патенттің бесінші жыл қолдану мерзімі ішінде, ол күшінде ұсталып тұратын жағдайда, осы Қағидаларға 11-қосымшаға сәйкес нысан бойынша сараптама жасау ұйымына беріледі.
39. Пайдалы модельге патенттің қолдану мерзімін ұзарту жөнінде өтінішхатты беру және іс-қағаздарды жүргізу үшін патент иеленуші сенімхат бере отырып, патенттік сенім білдірілген өкілге немесе өзге өкілге өкілеттік бере алады.
40. Өтінішхат қазақ немесе орыс тілдерінде ұсынылады.
41. Өтінішхатқа патент иеленуші немесе сенімхат негізінде әрекет ететін патенттік сенім білдірілген өкіл немесе өзге өкіл қол қояды (егер патент иеленушілер бірнеше адамдар тобы болса, өтінішхатқа аталған топқа кіретін барлық адамдар қол қояды).
42. Өтінішхатқа мыналар қоса беріледі:
1) пайдалы модельге патенттің қолданылу мерзімін ұзарту және ұзарту туралы мәліметтерді бюллетеньде жариялау үшін төлемді растайтын құжат;
2) сенімхат (егер өтінішхатты өкіл берсе) немесе сенімхаттың көшірмесі (егер өтінішхатты патенттік сенім білдірілген өкіл берсе).
43. Өтінішхат пен оған қоса берілетін құжаттар сараптама жасау ұйымына тікелей беріледі, пошта арқылы немесе кәсіпорынның электрондық мекенжайына жіберіледі.
44. Өтінішхат пен оған қоса берілетін құжаттар сараптама жасау ұйымына келіп түскен күннен бастап он жұмыс күні ішінде қаралады.
45. Өтініш беру шарты сақталған жағдайда пайдалы модельге патенттің қолданылуы өтінішхатта көрсетілген мерзімге ұзартылады, бірақ үш жылдан аспайды.
Пайдалы модельге патенттің қолданылу мерзімін ұзарту туралы мәліметтер Қазақстан Республикасы пайдалы модельдерінің мемлекеттік тізіліміне енгізіледі және бюллетеньнің жақын арадағы басылымында жарияланады.
Патенттің қолданылу мерзімін ұзарту туралы тиісті хабарлама өтінім берушіге осы Қағидаларға 13-қосымшаға сәйкес нысанда жіберіледі.
46. Осы Қағидалардың 40, 42-тармақтарына сәйкес құжаттардың толық пакеті ұсынылмаған жағдайда, өтініш беруші сараптама ұйымына сұраныс жіберілген күннен бастап жиырма жұмыс күнінен кешіктірмей қажетті құжаттарды ұсынуы тиіс. Тиісті құжаттар толық пакеті ұсынылмаған жағдайда патент қолданысы ұзартылмайды, ол туралы өтінішхат берген тұлға хабардар етіледі.
47. Өтініш хат ерілген жағдайда төлем белгіленген мерзімнен кейін жасалған жағдайда, Париж конвенциясының 5 (bis)-бабының (1)-тармағына сәйкес өнеркәсіптік меншік құқықтарын сақтауға арналған баждарды төлеу үшін, қосымша төлем шартымен, мерзім өткен күннен бастап алты айды құрайтын жеңілдетілген мерзім беріледі. Бұл ретте төлемнің көлемі белгіленген бағаларға сәйкес 50 пайызға артады.
2. Параграф Өнеркәсіптік үлгіге патентті ұзарту тәртібі
48. Өнеркәсіптік үлгіге патенттің қолдану мерзімі патент иесінің өнеркәсіптік үлгіге патенттің қолдану мерзімін ұзарту туралы өтініші (бұдан әрі - өтініш) бойынша бес жылдан аспайтын мерзімге ұзартылады.
49. Өтініш патенттің он бесінші қолдану мерзімі ішінде, ол күшінде ұсталып тұратын жағдайда, осы Қағидаларға 11-қосымшаға сәйкес нысан бойынша сараптама жасау ұйымына беріледі.
50. Өнеркәсіптік үлгіге патенттің қолдану мерзімін ұзарту жөнінде өтінішхатты беру және іс-қағаздарды жүргізу үшін патент иеленуші сенімхат бере отырып, патенттік сенім білдірілген өкілге немесе өзге өкілге өкілет бере алады.
51. Өтінішхат қазақ немесе орыс тілдерінде ұсынылады.
52. Өтінішхатқа патент иеленуші немесе сенімхат бойынша әрекет ететін патенттік сенім білдірілген өкіл немесе өзге өкіл қол қояды (егер патент иеленушілер бірнеше адамдар тобы болса, өтінішхатқа аталған топқа кіретін барлық адамдар қол қояды).
53. Өтінішхатқа мыналар қоса беріледі:
1) өнеркәсіптік үлгіге патенттің қолданылу мерзімін ұзарту және ұзарту туралы мәліметтерді бюллетеньде жариялау үшін төлемді растайтын құжат;
2) сенімхат, егер өтінішхатты өкіл берсе.
54. Өтінішхат пен оған қоса берілетін құжаттар сараптама жасау ұйымына тікелей беріледі, пошта арқылы немесе кәсіпорынның электрондық мекенжайына жіберіледі.
55. Өтінішхат пен оған қоса берілетін құжаттар сараптама жасау ұйымына келіп түскен күннен бастап он жұмыс күні ішінде қаралады.
56. Өтініш беру шарты сақталған жағдайда өнеркәсіптік үлгіге патенттің қолданылуы өтінішхатта көрсетілген мерзімге ұзартылады, бірақ бес жылдан аспайды.
57. Өнеркәсіптік үлгіге патенттің қолданылу мерзімін ұзарту туралы мәліметтер Қазақстан Республикасы өнеркәсіптік үлгілерінің мемлекеттік тізіліміне енгізіледі және бюллетеньнің жақын арадағы басылымында жарияланады.
Патенттің қолданылу мерзімін ұзарту туралы тиісті хабарлама өтінім берушіге осы Қағидаларға 14-қосымшаға сәйкес нысанда жіберіледі.
58. Осы Қағидалардың 51, 52, 53-тармақтарына сәйкес құжаттардың толық пакеті ұсынылмаған жағдайда өтініш беруші сараптама ұйымынан сұраныс түскен күннен бастап жиырма жұмыс күні ішінде құжаттарды ұсынуы тиіс. Құжаттардың толық пакеті ұсынылмаған жағдайда тиісті өзгерістер енгізілмейді, ол туралы өтінішхат берген тұлғаға хабарлама жіберіледі. Осы Қағидаларға сәйкес құжаттардың толық пакеті ұсынылмаған жағдайда патенттің қолдану мерзімі ұзартылмайды, ол туралы өтінішхат берген адамға хабарлама жіберіледі
Төлем белгіленген мерзімнен кейін жасалған жағдайда, Париж конвенциясының 5 (bis)-бабының (1)-тармағына сәйкес өнеркәсіптік меншік құқықтарын сақтауға арналған баждарды төлеу үшін, қосымша төлем шартымен, мерзім өткен күннен бастап алты айды құрайтын жеңілдетілген мерзім беріледі. Бұл ретте төлемнің көлемі белгіленген бағаларға сәйкес 50 пайызға артады.
8 тарау. Өнертабысқа, пайдалы модельге, өнеркәсіптік үлгіге патенттің қолданылуын мерзiмiнен бұрын тоқтату, күшi жоқ деп танылуы және оны жою тәртібі
59. Сот шешiмiнiң негiзiнде қорғау құжаты толық немесе iшiнара жарамсыз деп танылады.
Қорғау құжаты ішінара жарамсыз деп танылған жағдайда өнертабыстың қалған қорғауға қабілетті объектісіне, өнертабыстың, пайдалы модельдің немесе өнеркәсіптік үлгінің нұсқасына жаңа патент беріледі.
Толық немесе ішінара жарамсыз деп танылған, өнертабысқа, пайдалы модельге немесе өнеркәсіптік үлгіге патент патентке өтінім берілген күннен бастап күшін жояды.
Патентті жарамсыз деп тану өнертабысқа, пайдалы модельге немесе өнеркәсіптік үлгіге патент беру туралы шешімнің күшін жоюды және тиісті мемлекеттік тізілімдегі жазбаның күшін жоюды білдіреді.
Сараптама жасау ұйымы жою туралы мәліметтерді үш жұмыс күні ішінде тиісті Мемлекеттік тізілімге енгізеді және патент иеленушіге немесе оның өкіліне тиісті хабарламаны жібереді, сондай-ақ жақын арадағы бюллетеньде мәліметтерді жариялайды.
60. Бюллетеньде қорғау құжаты қолданылуының мерзiмiнен бұрын тоқтатылғаны туралы мәлiметтер жарияланған күннен бастап патент иеленушi берген жазбаша түрдегі арыз негiзiнде (егер патент иеленушілер бірнеше адамдар тобы болса, өтінішхатқа аталған топқа кіретін барлық адамдар қол қояды) мерзiмiнен бұрын тоқтатылады. Сараптама жасау ұйымы жою туралы мәліметтерді үш жұмыс күні ішінде тиісті Мемлекеттік тізілімге енгізеді және патент иеленушіге немесе оның өкіліне осы қағиданың 15 қосымшасына сәйкес нысанда тиісті хабарламаны жібереді,
61. Сараптама жасау ұйымы қорғау құжатын күшінде ұстап тұру үшін төлем жасамаған кезде патенттің күші мерзімінен бұрын тоқтатылуы туралы мәліметтерді тиісті Мемлекеттік тізілімге енгізеді және оларды жариялауды жүзеге асырады.
62. Патентті күшінде ұстап тұру үшін жыл сайынғы төлемді жүргізбеген кезде, Патент заңының 11-бабының 15-тармағына сәйкес патенттің қолдану мерзімін ұзарту күшін жояды және патенттің қолданылуы тоқтатылады.
9 Тарау. Патенттің қолданылуын қалпына келтіру
63. Патент заңының 30-бабы 2-тармағының 2) тармақшасында аталған негiзде тоқтатылған патенттің қолданылуы, патент иеленушiнiң өтiнiшхаты бойынша патенттi күшiнде ұстап тұру үшiн төленетiн төлемнiң мерзiмi өткен күннен бастап үш жыл iшiнде, қалпына келтiрiлуi мүмкiн.
Қалпына келтіру туралы өтінішхатқа патенттің қолданылуын қалпына келтiруге құжаттарды дайындағаны үшін және төлем мерзімі өтіп кеткен қолданылу кезеңінде осы Қағидаларға 16-қосымшаға сәйкес нысанда оны күшінде ұстап тұру үшін төлемді растайтын құжат қоса беріледі.
64. Өтінішхатқа патент иеленуші немесе сенімхат бойынша әрекет ететін патенттік сенім білдірілген өкіл немесе өзге өкіл қол қояды (егер патент иеленушілер бірнеше адамдар тобы болса, өтінішхатқа аталған топқа кіретін барлық адамдар қол қояды).
Заңды тұлғаның атынан өтінішхатқа ұйымның басшысы немесе лауазымы көрсетіліп, оған уәкілетті өзге адам қол қояды.
Өтінішхатқа мыналар қоса беріледі:
1) патенттің қолданылуын қалпына келтіру бойынша құжаттарды дайындау және жариялау үшін төлемді растайтын құжат;
2) патенттің қолданылуының өткізіп алған жылын ұстап тұрған үшін төлемді растайтын құжат;
3) сенімхат (егер өтінішхатты өкіл берсе) немесе сенімхаттың көшірмесі (егер өтінішхат патенттік сенім білдірілген өкіл арқылы берілсе).
65. Сараптама жасау ұйымы қалпына келтіру туралы өтінішхат берілген күннен бастап он жұмыс күні ішінде патенттiң қолданылуын қалпына келтiру туралы мәлiметтерді бюллетеньде жариялайды. Жарияланым күнi патенттiң қолданылуы қалпына келтiрiлген күн болып табылады.
Патент иеленушіге немесе оның өкіліне патенттің қолданылуы қалпына келтірілуі туралы тиісті хабарлама осы Қағидаларға 17, 18 және 19-қосымшаларға сәйкес нысанда жіберіледі.
Осы Қағидалардың 64-тармақтарына сәйкес құжаттардың толық пакеті ұсынылмаған жағдайда өтініш беруші сараптама ұйымынан сұраныс түскен күннен бастап жиырма жұмыс күні ішінде құжаттарды ұсынуы тиіс. Құжаттардың толық пакеті ұсынылмаған жағдайда тиісті өзгерістер енгізілмейді, ол туралы өтінішхат берген тұлғаға хабарлама жіберіледі.
| Артқы беті |
| Артқы беті |
| Артқы беті |
Қорғау құжаттарын беру туралы өтініш
Сараптама ұйымының қорғау құжаттарын беру туралы шешімі негізінде патент берулеріңізді
сұраймын өтінім № _______.
□ патентті дайындау мен жариялауға төлем жасауды растау құжаты
________________________________________________________________________________
(құжат № берілген күні)
□ сенімхат (егер өтініш өкіл арқылы берілсе) немесе сенімхат көшірмесі (егер өтініш сенім
білдірілген патенттік өкіл арқылы берілсе).
Өтініш беруші _______________ ____________________________________________________
(қолы) тегі, аты, әкесінің аты (егер бар болса)
Патенттік сенім білдірілген немесе өзге өкілі
_______________ ________________________________________________________________
(қолы) тегі, аты, әкесінің аты (егер бар болса)
| Артқы беті |
_______________ ж. № ________________ | Адресаты |
Қорғау құжатын күшінде ұстап тұру үшін төлем туралы хабарлама
/ Уведомление об оплате за поддержание охранного документа в силе № ____
қорғау құжаты/охранный документ № ____
________________________________________________________________
(Атауы)(Наименование)
Қазақстан Республикасының Патент Заңына сәйкес қорғау құжатының жарамдылығы оның күші сақталған жағдайда ғана іске асады. |
Уведомляем Вас, что охранный документ в соответствии с Патентным Законом Республики Казахстан действует при поддержании его в силе. |
Өтініш хат Өнертабысқа, пайдалы модельге, өнеркәсіптік үлгіге телнұсқа беру (автор куәлігі)
Патент түпнұсқасын жоғалтып алуға (жарамсыз боп қалуына) байланысты патент
телнұсқасын беруіңізді сұраймын № __________, автор куәлігі № __________.
Ескертпелер:
□ патенті телнұсқасын дайындау мен беруге төлем жасауды растау құжаты (автор
куәлігі) _________________________________________________________________________
(құжат № мен төлем күні)
□ сенімхат (егер өтініш өкіл арқылы берілсе) немесе сенімхат көшірмесі (егер өтініш
сенім білдірілген патенттік өкіл арқылы берілсе).
Патент иеленуші
_______________ ___________________________________________________________
(қолы) тегі, аты, әкесінің аты (егер бар болса)
Патенттік сенім білдірілген немесе өзге өкілі
_______________ ___________________________________________________________
(қолы) тегі, аты, әкесінің аты (егер бар болса)
| Өнертабысқа қатысты өзгерістер жайлы мәліметтерді Қазақстан Республикасы өнертабыстарының мемлекеттік тізіліміне енгізу туралы ХАБАРЛАМА | УВЕДОМЛЕНИЕ о внесении сведений об изменениях, касающихся на изобретение, в Государственный реестр изобретений Республики Казахстан |
|---|---|
№ | № |
Сіздің өтінішіңіз бойынша патент иеленушісінің атауы мынадай болып өзгертілгенін хабарлаймыз: |
Уведомляем, что на основании Вашего ходатайства наименование патентообладателя изменено на следующее: |
| Пайдалы модельге қатысты өзгерістер жайлы мәліметтерді Қазақстан Республикасы пайдалы модельдер мемлекеттік тізіліміне енгізу туралы ХАБАРЛАМА | УВЕДОМЛЕНИЕ о внесении сведений об изменениях, касающихся на полезную модель, в Государственный реестр полезных моделей Республики Казахстан |
|---|---|
№ | № |
Сіздің өтінішіңіз бойынша патент иеленушісінің атауы мынадай болып өзгертілгенін хабарлаймыз: |
Уведомляем, что на основании Вашего ходатайства наименование патенто-обладателя изменено на следующее: |
| Өнеркәсіптік үлгіге қатысты өзгерістер жайлы мәліметтерді Қазақстан Республикасы өнеркәсіптік үлгілердің мемлекеттік тізіліміне енгізу туралы ХАБАРЛАМА | УВЕДОМЛЕНИЕ о внесении сведений об изменениях, касающихся на промышленный образец, в Государственный реестр промышленных образцов Республики Казахстан |
|---|---|
№ | № |
Сіздің өтінішіңіз бойынша патент иеленушісінің атауы мынадай болып өзгертілгенін хабарлаймыз: |
Уведомляем, что на основании Вашего ходатайства наименование патенто-обладателя изменено на следующее: |
Өнертабысқа, пайдалы модельге, өнеркәсіптік үлгіге патенттің қолдану мерзімін ұзарту туралы ӨТІНІШХАТ
Патент заңының 5-бабының 3-тармағына сәйкес № __________ патенттің қолданылу
мерзімін ұзартуды сұраймын
________________________________________________________________________________
(атауы)
Келесі жылдарға:
Ескерту:
□ патенттің қолданылу мерзімін ұзартуға құжаттарды дайындау және мерзімін ұзарту
туралы мәліметтерді жариялау үшін төлем туралы құжат
________________________________________________________________________________
(құжаттың № және төлем жасалған күн)
□ патентті күшінде ұстап тұру үшін төлем туралы құжат ________ жыл
үшін _____________________________________________________________ құжаттың
№ және төлем жасалған күн)
Патент иеленуші _______________ ____________________________________________
(қолы) тегі, аты, әкесінің аты (егер бар болса)
Патенттік сенім білдірілген немесе өзге өкілі ____________ _______________________
(қолы) тегі, аты, әкесінің аты (егер бар болса)
| Өнертабысқа патенттің қолданылу мерзімін ұзарту туралы ХАБАРЛАМА | УВЕДОМЛЕНИЕ о продлении срока действия патента на изобретение |
|---|---|
№ | № |
Қазақстан Республикасы Патент Заңының 5-бабының 3-тармағына сәйкес патенттің қолданылу мерзімі ______ ж. дейін ұзартылғандығы туралы хабарлаймыз. |
Уведомляем, что на основании пункта 3 статьи 5 Патентного Закона Республики Казахстан срок действия патента продлен до ______ г. |
| Пайдалы модельге патенттің қолданылу мерзімін ұзарту туралы ХАБАРЛАМА | УВЕДОМЛЕНИЕ о продлении срока действия патента на полезную модель |
|---|---|
№ | № |
Қазақстан Республикасы Патент Заңының 5-бабының 3 тармағына сәйкес патенттің қолданылу мерзімі ______ ж. дейін ұзартылғандығы туралы хабарлаймыз. |
Уведомляем, что на основании пункта 3 статьи 5 Патентного Закона Республики Казахстан срок действия патента продлен до ______ г. |
| Өнеркәсіптік үлгіге патенттің қолданылу мерзімін ұзарту туралы ХАБАРЛАМА | УВЕДОМЛЕНИЕ о продлении срока действия патента на промышленный образец |
|---|---|
№ | № |
Қазақстан Республикасы Патент Заңының 5-бабының 3 тармағына сәйкес патенттің қолданылу мерзімі ______ ж. дейін ұзартылғандығы туралы хабарлаймыз. |
Уведомляем, что на основании пункта 3 статьи 5 Патентного Закона Республики Казахстан срок действия патента продлен до ____ г. |
| Патенттің мерзімінен бұрын тоқтатылғаны туралы ХАБАРЛАМА | УВЕДОМЛЕНИЕ о досрочном прекращении срока действия патента |
|---|---|
№ | № |
Қазақстан Республикасы Патент Заңының 30-бабының 2-тармағына сәйкес _._.20_ ж. бастап патенттің қолданылуы мерзімінен бұрын тоқтатылғаны туралы хабарлаймыз. |
Уведомляем, что на основании пункта 2 ст. 30 Патентного Закона Республики Казахстан действие патента досрочно прекращено с _._.20__г. |
Өнертабысқа, пайдалы модельге, өнеркәсіптік үлгіге патенттің қолданылуын қалпына келтіру туралы ӨТІНІШХАТ
Патент заңының 31-бабының 1-тармағына сәйкес № __________ патенттің
қолданылуын қалпына келтіруді сұраймын
________________________________________________________________________________
(атауы)
Патенттің күшін ұстап тұру үшін төлемнің белгіленген мерзімі мынадай дәлелді
себептермен өткізіп алынды _______________________________________________________
Қосымша: Өнертабысқа (пайдалы модельге, өнеркәсіптік үлгіге) патенттің
қолданылуын қалпына келтіру үшін төлемді растайтын құжат
Патент иеленуші _______________ ____________________________________________
(қолы) тегі, аты, әкесінің аты (егер бар болса)
Патенттік сенім білдірілген немесе өзге өкілі ___________ ________________________
(қолы) тегі, аты, әкесінің аты (егер бар болса)
| Өнертабысқа патенттің қолданылу мерзімін қалпына келтіру туралы ХАБАРЛАМА | УВЕДОМЛЕНИЕ о восстановлении срока действия патента на изобретение |
|---|---|
№ | № |
Қазақстан Республикасы Патент Заңының 31-бабының 1-тармағына сәйкес патенттің қолданылу мерзімі 20** жылдың __ бастап қалпына келтірілгендігі туралы хабарлаймыз. |
Уведомляем, что на основании пункта 1 статьи 31 Патентного Закона Республики Казахстан срок действия патента восстановлено с __ __ 20**г. |
| Пайдалы модельге патенттің қолданылу мерзімін қалпына келтіру туралы ХАБАРЛАМА | УВЕДОМЛЕНИЕ о восстановлении срока действия патента на полезную модель |
|---|---|
№ | № |
Қазақстан Республикасы Патент Заңының 31-бабының 1-тармағына сәйкес патенттің қолданылу мерзімі 20** жылдың __ бастап қалпына келтірілгендігі туралы хабарлаймыз. |
Уведомляем, что на основании пункта 1 статьи 31 Патентного Закона Республики Казахстан срок действия патента восстановлен с __ __ 20**г. |
| Өнеркәсіптік үлгіге патенттің қолданылу мерзімін қалпына келтіру туралы ХАБАРЛАМА | УВЕДОМЛЕНИЕ о восстановлении срока действия патента на промышленный образец |
|---|---|
№ | № |
Қазақстан Республикасы Патент Заңының 31-бабының 1-тармағына сәйкес патенттің қолданылу мерзімі 20** жылдың __ бастап қалпына келтірілгендігі туралы хабарлаймыз. |
Уведомляем, что на основании пункта 1 статьи 31 Патентного Закона Республики Казахстан срок действия патента восстановлен с __ __ 20**г. |