"Инвестицияларды жүзеге асыруды және инвестициялық преференцияларды беруді көздейтiн инвестициялық жобаны іске асыруға инвестициялық келісімшарт жасасу" мемлекеттік көрсетілетін қызмет стандартын бекіту туралы" Қазақстан Республикасы Инвестициялар және даму министрінің 2015 жылғы 21 сәуірдегі № 478 бұйрығына өзгерістер енгізу туралы

      РҚАО-ның ескертпесі!
      Осы бұйрықтың қолданысқа енгізілу тәртібін 4 т. қараңыз.

      "Құқықтық актілер туралы" 2016 жылғы 6 сәуірдегі Қазақстан Республикасының Заңы 50-бабының 2-тармағына сәйкес БҰЙЫРАМЫН:

      1. "Инвестицияларды жүзеге асыруды және инвестициялық преференцияларды беруді көздейтiн инвестициялық жобаны іске асыруға инвестициялық келісімшарт жасасу" мемлекеттік көрсетілетін қызмет стандартын бекіту туралы" Қазақстан Республикасы Инвестициялар және даму министрінің 2015 жылғы 21 сәуірдегі № 478 бұйрығына (Нормативтік құқықтық актілерді мемлекеттік тіркеу тізілімінде № 11216 болып тіркелген, "Әділет" ақпараттық-құқықтық жүйесінде 2015 жылғы 22 маусымда жарияланған) мынадай өзгерістер енгізілсін:

      4-тармақ мынадай редакцияда жазылсын:

      көрсетілген бұйрықпен бекітілген "Инвестицияларды жүзеге асыруды және инвестициялық преференцияларды беруді көздейтiн инвестициялық жобаны іске асыруға инвестициялық келісімшарт жасасу" мемлекеттік көрсетілетін қызмет стандартында:

      4-тармақтың 1) тармақшасы мынадай редакцияда жазылсын:

      "1) көрсетілетін қызметті берушіге құжаттар топтамасы берілген сәттен бастап, инвестициялық субсидия беруді қоспағанда – 35 (отыз бес) жұмыс күні;

      инвестициялық субсидия "Инвестициялық субсидия беру қағидаларын бекіту туралы" Қазақстан Республикасы Үкіметінің 2015 жылғы 29 желтоқсандағы № 1120 қаулысымен белгіленген тәртіпте және мерзімде беріледі";";

      9-тармақ мынадай редакцияда жазылсын:

      "9. Көрсетілетін қызметті алушы (не сенімхат бойынша оның өкілі) көрсетілетін қызметті берушіге жүгінген кезде мемлекеттік қызмет көрсету үшін қажетті құжаттардың тізбесі:

      1) осы мемлекеттік көрсетілетін қызмет стандартына 1-қосымшаға сәйкес нысан бойынша мемлекеттік және орыс тілдеріндегі инвестициялық преференцияларды беруге өтінім;

      2) заңды тұлға үшін – заңды тұлғаны мемлекеттiк (есептік) тiркеу (қайта тiркеу) туралы куәлiк* көшірмесі немесе көрсетілетін қызметті алушыны заңды тұлға ретінде мемлекеттiк тiркеу туралы анықтама;

      ескертпе: * "Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерiстер мен толықтырулар енгiзу туралы" 2012 жылғы 24 желтоқсандағы Қазақстан Республикасының Заңы қолданысқа енгiзiлгенге дейiн берiлген заңды тұлғаны (филиалды, өкiлдiктi) мемлекеттiк (есептiк) тiркеу (қайта тiркеу) туралы куәлiк заңды тұлғаның қызметi тоқтатылғанға дейiн жарамды болып табылады;

      3) заңды тұлға басшысының қолымен және мөрімен (бар болған кезде) куәландырылған көрсетілетін қызметті алушы жарғысының көшірмесі;

      4) осы мемлекеттік көрсетілетін қызмет стандартына 2-қосымшаға сәйкес жасалған инвестициялық жобаның бизнес-жоспары;

      5) тізбесі Қазақстан Республикасының заңнамасымен белгіленетін инвестициялық жобаны іске асыру кезінде пайдаланылатын құрылыс-монтаждау жұмыстарының сметалық құнын және тіркелген активтерді, шикізатты және (немесе) материалдарды сатып алуға жұмсалатын шығындарды негіздейтін, құжаттардың көрсетілетін қызметті алушы басшысының қолымен және мөрімен куәландырылған көшірмелері;

      6) көрсетілетін қызметті алушының өтінімінде көрсетілген мемлекеттік заттай гранттың көрсетілетін қызметті алушы сұрау салған мөлшерін (құнын) және оны беру алдын ала келісілгенін куәландырылған құжаттар;

      7) салық берешегінің, міндетті зейнетақы жарналары, мiндеттi кәсіби зейнетақы жарналары және әлеуметтік аударымдар бойынша берешегінің жоқ екендігі туралы тіркеу орны бойынша мемлекеттік кіріс органының анықтамасы.

      Егер инвестициялық преференциялар беруге арналған өтінімде инвестициялық субсидияны беру көзделген жағдайда, "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасы Заңының 64-1-бабымен белгіленген тәртіпте инвестициялық басым жобаны іске асыру кезеңі ішінде инвестор жобалау алды және (немесе) жобалау құжаттамасының басшының қолымен, заңды тұлғаның мөрімен (бар болса) куәландырылған сараптамалық қорытындысын ұсынады.

      Көрсетілетін қызметті алушының барлық қажетті құжаттарды көрсетілетін қызметті берушіге тапсырған кезде – кағаз тасығышта өтінімді қабылданғанын растауы оның көшірмесінде құжаттар топтамасын қабылданған күні мен кіріс уақыты көрсетілген кеңседе тіркелуі туралы белгісі болып табылады.

      Көрсетілетін қызметті беруші мынадай негіздер:

      1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;

      2) мемлекеттік қызмет көрсету үшін қажетті ұсынылған құжаттардың және (немесе) олардағы деректердің (мәліметтердің) Қазақстан Республикасының Кәсіпкерлік кодексінің 292-бабында белгіленген талаптарға сәйкес келмеуі;

      3) уәкілетті мемлекеттік органдардың осы мемлекеттік қызмет көрсету үшін қажетті келісімі туралы сұрау салуға берілген теріс жауабы бойынша мемлекеттік көрсетуден бас тартады.";

      14-тармақ мынадай редакцияда жазылсын:

      "14. Мемлекеттік қызметті көрсету мәселелері жөніндегі анықтама қызметтерінің байланыс телефондары көрсетілетін қызметті берушінің интернет-ресурсында көрсетілген. Мемлекеттік қызметтерді көрсету мәселелері жөніндегі бірыңғай байланыс-орталығы: 1414, 8 800 080 7777.";

      1 және 2-қосымшалары осы бұйрыққа 1 және 2-қосымшаларға сәйкес редакцияда жазылсын;

      2. Қазақстан Республикасы Инвестициялар және даму министрлігінің Инвестициялар комитеті (Жұмағалиева Л.Ж.):

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрықтың көшірмелерін Қазақстан Республикасы Әділет министрлігінде мемлекеттік тіркелген күнінен бастап күнтізбелік он күн ішінде қағаз және электронды түрде мерзімді баспа басылымдарында және "Әділет" ақпараттық-құқықтық жүйесінде ресми жариялауға, сондай-ақ Қазақстан Республикасы нормативтiк құқықтық актілерінің эталондық бақылау банкiне жіберілуін;

      3) осы бұйрықтың Қазақстан Республикасы Инвестициялар және даму министрлігінің интернет-ресурсында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Бұл ретте бұйрықтың 1-тармағындағы он бесінші абзацы 2017 жылғы 1 қаңтарға дейін қолданылады.

Инвестициялық преференцияларды беруге арналған өтiнiм

      Ескертпе:

      *инвестициялық басым жобаны іске асыратын заңды тұлғаға арналған;

      ** инвестициялық басым жобаны, немесе инвестициялық стратегиялық жобаны іске асыратын заңды тұлғаға арналған.

      4. Инвестициялық жоба бойынша жұмыс бағдарламасы

      _____________________________________________________________________

      (атауы)

      Инвестордың атауы: ____________________________________________

      5. Еуразиялық Экономикалық Одақтың заңнамасына және (немесе) Қазақстан Республикасының заңнамасына сәйкес кеден баждарын салудан босатылатын, импортталатын технологиялық жабдық пен оның жиынтықтауыштарының, қосалқы бөлшектердің, шикізат пен материалдардың тізімі және көлемі.

      Ескертпе:

      *Тауарларды жіктеу бойынша ақпарат тауарлардың толық коммерциялық атауын, фирмалық атауын, негізгі техникалық, коммерциялық сипаттамаларын және өзге де ақпаратты, оның ішінде бұйымдардың фотосуреттерін, суреттерін, сызбаларын, паспорттарын, және өтініш берген заңды тұлға басшысының қолымен және мөрімен куәландырылған басқа да құжаттарды қамтуы тиіс.

      _______________________________________ __________________________________

      (Қазақстан Республикасының заңды тұлғасы (қолы, мөрі және күні)

      басшысының тегі, аты, әкесінің аты

      (бар болған жағдайда)

Тартылатын шетел жұмыс күші туралы мәлімет

      _______________________________________ __________________________________

      (Қазақстан Республикасының заңды тұлға (қолы, мөрі және күні)

      басшысының тегі, аты, әкесінің аты

      (бар болған жағдайда)

Инвестициялық жобаның бизнес-жоспарын
құрастыру бойынша талаптар

      1. Бизнес-жоспар мынадай бөлімдерден тұрады:

      1) жобаның түйіндемесі;

      2) технологиялық бөлім;

      3) коммерциялық бөлім;

      4) әлеуметтік-экономиялық және экологиялық әсері*;

      5) қаржылық бөлім*.

      2. Жобаның түйіндемесі өзіне мыналарды қамтиды:

      1) заңды тұлға туралы ақпарат:

      заңды тұлғаның атауы;

      заңды тұлғаның басшысы (лауазымы, тегі, аты және әкесінің аты - бар болған кезде);

      заңды тұлғаның заңды және нақты мекенжайы, телефоны, факсы, электрондық поштасы;

      елді көрсете отырып, шетелдік қатысу үлесі;

      квазимемлекеттік сектор субъектісінің үлесі;

      2) жоба бойынша ақпарат:

      жобаның атауы;

      жобаның мақсаты;

      инвестициялық жобаны іске асыру орны (облыс, аудан);

      болжанатын инвестициялық жобаның сипаты (жаңа өндірістерді құру, қолданыстағыларды кеңейту және жаңарту);

      құрылатын жаңа жұмыс орындарының (уақытша және тұрақты) саны;

      4-мағыналы экономикалық қызмет түрлерінің жалпы жіктеуішісіне сәйкес (ҚР ЭҚЖЖ) жобаның салалық тиесілігі;

      экономикалық қызмет түрлері бойынша өнім жіктеуішісіне сәйкес шығарылатын өнімнің номенклатурасы (ҚР ЭҚТӨЖ).

      3. Технологиялық бөлім өзіне мыналарды:

      1) технологиялық процесте сатып алынатын және қолданатын тіркелген активтерді, сондай-ақ импортталатын шикізат пен материалдарды көрсете отырып, инвестициялық жоба технологиясының сипаттамасын;

      2) инвестициялық жобадағы қазіргі заманғы технологиялардың қолданылуын;

      3) Бизнес-жоспарды жасау бойынша талаптарға 1-қосымшаға сәйкес техникалық және құндық сипаттамалары бойынша балама шешімдерді салыстырмалы талдауды;

      4) Бизнес-жоспарды жасау бойынша талаптарға 2-қосымшада көрсетілген жобаны іске асыру кестесін қамтиды.

      4. Коммерциялық бөлім өзіне мыналарды қамтиды:

      1) шикізатты, материалдар мен жабдықтарды жеткізу:

      пайдаланатын шикізат пен материалдар түрлерінің тізбесі;

      Қазақстан Республикасы мен Еуразиялық экономикалық одақ елдерінің аумағында өндірістің бар болуын есепке ала отырып, шикізат пен материалдар (отандық және импорттық) нарығын талдау (осы шикізат пен материалдардың импорты болған кезде толтырылады);

      пайдаланылатын шикізат пен материалдардың атауы мен көлемін көрсете отырып, инвестициялық жоба шеңберінде жабдықта шығарылатын дайын өнім бірлігінің өндірісіне импортталатын шикізат пен материалдар шығыстарының орташа нормасы;

      қажетті жабдықтардың тізбесі;

      жабдықтың жаңалығы (жабдықтың шығарылған күні мен моделі);

      инвестициялық преференцияларды беруге арналған өтінімді ұсынған заңды тұлғамен шарттық қатынастың бар болуын көрсете отырып, жабдық пен шикізатты жеткізушілер;

      көліктік шығыстарды, монтаждау және іске қосу-реттеу жұмыстарын есепке ала отырып, жабдықтың құны.

      2) маркетинг:

      өнімді өткізу-қандай өңірлерге, қандай тұтынушыларға, шетелдегі қай елдерге жеткізу болжанатынын, нарықта ұқсас, өзара алмастырушы немесе өзара толықтырушы тауарлардың, көрсетілетін қызметтердің бар екенін, олардың болашақтағы өндірісін бағалау, соңғы бірнеше жыл ішінде тауарлар экспортының және/немесе импортының серпінін, көлемі мен бағаларды, негізгі бәсекелестерді көрсету;

      5. Әлеуметтік-экономикалық және экологиялық әсері өзіне мыналарды:

      1) инвестициялық жобаның тікелей қатысушыларын:

      жобаны құрушы, бас мердігер, мердігер, қосалқы мердігер немесе сәулет, қала құрылысы және құрылыс қызметі саласында (іздену және жобалау қызметін, инжинирингтік көрсетілетін қызметтерді қоса алғанда) көрсетілетін қызметтерді орындаушы, жабдықты жеткізуші, шикізат пен материалдарды жеткізуші, делдалдар;

      2) Бизнес-жоспарды жасау бойынша талаптарға 3-қосымшаға сәйкес нысан бойынша жобаның еңбек ресурстарына қажеттілігін (саны);

      3) Бизнес-жоспарды жасау бойынша талаптарға 4-қосымшаға сәйкес нысан бойынша тартылатын шетел жұмыс күші туралы мәліметтер, олардың санын (инвестициялық басым жобаларды іске асырған кезде толтырылады);

      4) тартылатын шетел жұмыс күшінің функционалды міндеттемелерінің таралуын (инвестициялық басым жобаларды іске асырған кезде толтырылады);

      5) Бизнес-жоспарды жасау бойынша талаптарға 5-қосымшаға сәйкес нысан бойынша өндірісті пайдалануға енгізгеннен кейін жұмысшыларға қажеттілігін;

      6) инвестициялық жобаны іске асыру кезінде күтілетін әлеуметтік әсер;

      7) кейіннен шетел жұмыс күшін алмастыру үшін жергілікті кадрлардың біліктілік деңгейін арттыру жөніндегі іс-шаралар жоспарын (инвестициялық басым жобаларды іске асырған кезде толтырылады);

      8) жобаның қоршаған ортаның жағдайына әсері мен зиянды әсерді азайту жөніндегі іс-шаралар жоспарын;

      9) жоба технологиясының халықаралық стандарттар мен қошаған ортаға әсері бойынша нормативтерге сәйкестігін қамтиды.

      6. Қаржы бөлімі өзіне мыналарды қамтиды:

      1) инвестицияларды бағалауды:

      толық инвестициялық шығындар (негізгі және айналым капиталға инвестициялар);

      2) инвестициялық жобаны іске асыру құны, қаржыландыру көздерін:

      меншік қаражаты;

      қарыз қаражаты (кредиттер немесе шаруашылық субъектілердің тартылған қаражаты) және/немесе грант;

      бюджеттік қаражат;

      3) қаржылық талдауды:

      инвестициялық преференцияларды есепке алмай және тиісті инвестициялық преференцияларды есепке ала отырып, модельдерді есептеуді қамтитын жобаның қаржылық моделі;

      жобаның өмірлік кезеңі ішінде таза дисконттық табыс;

      жобаның өмірлік кезеңі ішінде табыстылықтың ішкі нормасы;

      жобаның өтімділік мерзімі (қарапайым және дисконттық);

      табыстың қарапайым нормасын (рентабельділігі) қамтиды;

      Бизнес-жоспарды жасау бойынша талаптарға 6-қосымшаға сәйкес нысан бойынша республикалық және жергілікті бюджет үшін шартты шығындар мен кірістердің есебі.

      7. Бизнес-жоба тігіліп және нөмірленуі, бірінші басшының қолымен және заңды тұлғаның мөрімен (бар болған жағдайда) куәландырылуы тиіс.

      Ескертпе:

      *инвестициялық жобаны іске асыратын заңды тұлғалар толтырмайды.

Техникалық және құндық сипаттамалар бойынша баламалы шешімдерді салыстырмалы талдау

Жобаны іске асыру кестесі

Жобаның еңбек ресурстарына қажеттілігі (саны)

Тартылатын шетел жұмыс күші туралы мәліметтер, олардың саны

Өндірісті пайдалануға енгізгеннен кейін жұмысшыларға қажеттілігі

Республикалық және жергілікті бюджет үшін шартты шығындар мен кірістердің есебі