«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасының Заңы 10-бабының 2) тармақшасына сәйкес БҰЙЫРАМЫН:
1. Қоса беріліп отырған «Қазақстан Республикасы теңізшісінің жеке куәлігін беру» мемлекеттік көрсетілетін қызмет регламенті бекітілсін.
2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):
1) осы бұйрықты Қазақстан Республикасы Әділет министрлігінде заңнамада белгіленген тәртіппен мемлекеттік тіркеуді;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның көшірмелерін баспа және электрондық түрде күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап бес жұмыс күні ішінде Қазақстан Республикасы нормативтiк құқықтық актiлерiнiң эталондық бақылау банкiне енгізу үшін Республикалық құқықтық ақпарат орталығына жіберуді;
3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастыруды;
4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының
Инвестициялар және даму
министрі Ж. Қасымбек
Қазақстан Республикасы
Инвестициялар және даму
министрінің
2016 жылғы 19 шілдедегі
№ 558 бұйрығымен
бекітілген
«Қазақстан Республикасы теңізшісінің жеке куәлігін беру»
мемлекеттік көрсетілетін қызмет регламенті
1. Жалпы ережелер
1. «Қазақстан Республикасы теңізшісінің жеке куәлігін беру» мемлекеттік көрсетілетін қызметін (бұдан әрі – мемлекеттік көрсетілетін қызмет) Қазақстан Республикасы Инвестициялар және даму министрлігі Көлік комитетінің аумақтық бөлімшесі – Порттың теңіз әкімшілігі (бұдан әрi – көрсетілетін қызметті беруші) көрсетеді.
Өтінішті қабылдау және мемлекеттік қызметті көрсету нәтижесін беру көрсетілетін қызметті берушінің кеңсесі арқылы жүзеге асырылады.
2. Мемлекеттік қызметті көрсету нысаны: қағаз түрінде.
3. Мемлекеттік қызметті көрсету нәтижесі – Қазақстан Республикасы теңізшісінің жеке куәлігін (бұдан әрі – ТЖК) беру.
Мемлекеттік қызметті көрсету нәтижесін ұсыну нысаны: қағаз түрінде.
2. Мемлекеттік қызмет көрсету процесінде көрсетілетін
қызметті беруші құрылымдық бөлімшелердің (жұмыскерлердің)
іс-қимылдары тәртібін сипаттау
4. Мемлекеттік қызметті көрсету жөніндегі рәсімді (іс-қимылды) бастау үшін негіз «Қазақстан Республикасы теңізшісінің жеке куәлігін беру» мемлекеттік көрсетілетін қызмет стандартын бекіту туралы» Қазақстан Республикасының Инвестициялар және даму министрінің міндетін атқарушының 2016 жылғы 25 ақпандағы № 223 бұйрығымен бекітілген (Нормативтік құқықтық актілерді мемлекеттік тіркеу тізілімінде № 13681 болып тіркелген) «Қазақстан Республикасы теңізшісінің жеке куәлігін беру» мемлекеттік көрсетілетін қызмет стандартының (бұдан әрі – Стандарт) 9-тармағына сәйкес өтiнiш-сауалнаманы ұсыну болып табылады.
5. Көрсетілетін қызметті алушы өтініш жасаған кезде мемлекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, орындалу ұзақтығы:
1) көрсетілетін қызметті берушінің өтiнiш-сауалнаманы, сондай-ақ Стандарттың 9-тармағына қарастырылған құжаттарды қабылдау және тіркеу - 30 (отыз) минут;
2) цифрлық камераны және арнайы сканердi пайдалану арқылы суретке түсіру, қол саусақтарының таңбасын алу және осы Стандартқа 3-қосымшаға сәйкес қолхат-хабарлама беру – 30 (отыз) минут;
3) қарау үшін құжаттарды көрсетілетін қызметті берушінің басшысына немесе оның орынбасарына беру – 1 (бір) сағат;
4) басшымен немесе оның орынбасарымен жауапты орындаушыны анықтау - 2 (екі) сағат;
5) жауапты орындаушымен ТЖК берудi келiсу журналында келiсуге жiберiлетiн өтiнiш-сауалнамаларды тiркеу және оларды келісу үшін ұлттық қауіпсіздік органдарына пошта арқылы немесе жабық байланыс арнасы болған кезде – деректер берудiң ведомствоаралық желiсi бойынша жолдау – күнтізбелік 2 (екі) күн;
6) ұлттық қауіпсіздік органдарымен ТЖК ресімдеуін келісу және көрсетілетін қызметті берушіге келiсу туралы белгiсi бар өтiнiш-сауалнаманы пошта арқылы немесе жабық байланыс арнасы болған кезде – деректер берудiң ведомствоаралық желiсi бойынша жолдау – күнтізбелік 20 (жиырма) күн;
7) көрсетілетін қызметті берушінің жауапты орындаушымен ТЖК-ні ресiмдеу және беру үшiн негiздердiң болуын тексеру нәтижелерi туралы жазбаша қорытынды даярлау – 1 (бір) сағат;
8) көрсетілетін қызметті берушінің басшысымен немесе оның орынбасарымен шешім қабылдау және ТЖК-ні ресiмдеу және беру үшiн негiздердiң болуын тексеру нәтижелерi туралы қорытындыны көрсетілетін қызметті берушінің жауапты орындаушысына беру – 1 (бір) сағат;
9) техникалық құралдарды пайдалана отырып ТЖК ресімдеу – күнтізбелік 5 (бес) күн;
10) ТЖК толтырылуының дұрыстығын тексеру және ТЖК-ге енгiзiлген биометрикалық деректердi пайдалана отырып ТЖК иесi жеке басының сәйкестiгiн тексеру – күнтізбелік 2 (екі) күн;
11) көрсетілетін қызметті алушыға ТЖК-ге енгiзiлген деректердi тексеру үшін жабдыққа рұқсат беруді қамтамасыз ету - 30 (отыз) минут;
12) көрсетілетін қызметті алушыға ТЖК-ні беру – 30 (отыз) минут.
6. Мынадай рәсімді (іс-қимылды) орындауды бастау үшін негіз болатын мемлекеттік қызметті көрсету жөніндегі рәсімнің (іс-қимылдың) нәтижесі:
1) өтініш-сауалнаманы қабылдау және тіркеу;
2) көрсетілетін қызметті берушінің басшысының немесе оның орынбасарының қарары;
3) ТЖК ресімдеуді ұлттық қауіпсіздік органдарымен келісу;
4) ТЖК ресімдеу;
5) ТЖК беру.
3. Мемлекеттік қызмет көрсету процесінде көрсетілетін қызмет
берушінің құрылымдық бөлімшелерінің (жұмыскерлерінің)
өзара іс-қимылы тәртібінің сипаттамасы
7. Көрсетілетін қызметті берушінің мемлекеттік көрсетілетін қызмет процесіне қатысатын құрылымдық бөлімшелердің (жұмыскерлердің) тізбесі:
1) көрсетілетін қызметті берушінің кеңсесінің қызметкері;
2) көрсетілетін қызметті берушінің басшысы немесе оның орынбасары;
3) көрсетілетін қызметті берушінің жауапты орындаушысы;
4) ұлттық қауіпсіздік органдарының жауапты орындаушысы.
8. Әрбір рәсімді (іс-әрекетті) орындау мерзімін көрсете отырып, құрылымдық бөлімдерінің (қызметкерлерінің) арасындағы рәсімдер (іс-әрекеттер) реттілігінің сипаттамасы:
1) көрсетілетін қызметті берушінің кеңсесінің қызметкері:
өтiнiш-сауалнаманы, сондай-ақ Стандарттың 9-тармағында қарастырылған құжаттарды қабылдайды және тіркейді - 30 (отыз) минут;
цифрлық камераны және арнайы сканердi пайдалану арқылы суретке түсiру, қол саусақтарының таңбасын алу және осы Стандартқа 3-қосымшаға сәйкес қолхат-хабарлама беруді жүзеге асырады – 30 (отыз) минут;
бұрыштама қою үшін құжаттарды басшыға немесе оның орынбасарына береді – 1 (бір) сағат;
2) көрсетілетін қызметті берушінің басшысы немесе оның орынбасары жауапты орындаушыны анықтайды және оған құжаттарды қарау үшін береді – 2 (екі) сағат;
3) көрсетілетін қызметті берушінің жауапты орындаушысы ТЖК берудi келiсу журналында келiсуге жiберiлетiн өтiнiш-сауалнамаларды қарайды және тiркейді және оларды ұлттық қауіпсіздік органдарына келісу үшін пошта арқылы немесе жабық байланыс арнасы болған кезде – деректер берудiң ведомствоаралық желiсi бойынша жолдайды – күнтізбелік 2 (екі) күн;
4) ұлттық қауіпсіздік органдарының жауапты орындаушысы ТЖК-ні ресiмдеуді келіседі және келiсу туралы белгiсi бар өтiнiш-сауалнаманы көрсетілетін қызметті берушіге пошта арқылы немесе жабық байланыс арнасы болған кезде – электрондық цифрлық қолтаңбаны пайдалана отырып, деректер берудiң ведомствоаралық желiсi бойынша жолдайды – күнтізбелік 20 (жиырма) күн;
5) көрсетілетін қызметті берушінің жауапты орындаушысы ұлттық қауіпсіздік органдарымен келісу кезінде ТЖК-ні ресiмдеу және беру үшiн негiздердiң болуын тексеру нәтижелерi туралы жазбаша қорытынды дайындайды – 1 (бір) сағат;
6) көрсетілетін қызметті берушінің басшысы немесе оның орынбасары шешім қабылдайды және ТЖК-ні ресiмдеу және беру үшiн негiздердiң болуын тексеру нәтижелерi туралы қорытындыны көрсетілетін қызметті берушінің жауапты орындаушысына береді – 1 (бір) сағат;
7) көрсетілетін қызметті берушінің жауапты орындаушысы:
көрсетілетін қызметті берушінің басшысы немесе оның орынбасары оң шешім қабылдаған кезінде техникалық құралдарын пайдалана отырып ТЖК ресімдейді – күнтізбелік 5 (бес) күн;
ТЖК толтырылуының дұрыстығын және ТЖК-ге енгiзiлген биометрикалық деректердi пайдалана отырып ТЖК иесi жеке басының сәйкестiгiн тексереді және көрсетілетін қызметті берушінің кеңсесінің қызметкеріне береді – күнтізбелік 2 (екі) күн;
8) көрсетілетін қызметті берушінің кеңсесінің қызметкері:
көрсетілетін қызметті алушынының талап етуі бойынша ТЖК-ға енгiзiлген арнайы техникалық құралдарсыз оқылмайтын оған қатысты кез келген деректердi тексеруге мүмкiндiк беретiн жабдыққа рұқсат беру – 30 (отыз) минут;
ТЖК-н беру журналына қол қойғыза отырып, көрсетілетін қызметті алушыға ТЖК-н жеке өзiне береді – 30 (отыз) минут.
9. Мемлекеттік қызмет көрсету процесінде көрсетілетін қызметті берушінің құрылымдық бөліністерінің (қызметкерлерінің) рәсімдерінің (іс-қимылдарының), өзара іс-қимыл жасасуы дәйектілігінің нақты сипаттамасы осы Регламентке қосымшаға сәйкес мемлекеттік қызмет көрсетудің бизнес-процестерінің анықтамалығында көрсетіледі.
«Қазақстан Республикасы теңізшісінің
жеке куәлігін беру»
мемлекеттік көрсетілетін қызмет
регламентіне қосымша
«Қазақстан Республикасы теңізшісінің жеке куәлігін беру»
мемлекеттік қызмет көрсету бизнес-процестерінің анықтамалығы
