Авиациялық қауіпсіздік бойынша даярлау және қайта даярлау бағдарламасын бекіту туралы

      Ескерту. Бұйрықтың тақырыбы жаңа редакцияда - ҚР Инвестициялар және даму министрінің 27.06.2017 № 397 (алғаш ресми жарияланған күнінен бастап он күнтізбелік күн өткен соң қолданысқа енгізіледі) бұйрығымен.

      "Қазақстан Республикасының әуе кеңістігін пайдалану және авиация қызметі туралы" 2010 жылғы 15 шілдедегі Қазақстан Республикасы Заңының 14-бабы 1-тармағының 30) тармақшасына сәйкес БҰЙЫРАМЫН:

      1. Қоса берiлiп отырған Авиациялық қауіпсіздік бойынша даярлау және қайта даярлау бағдарламасы бекiтiлсiн.

      2. "Авиациялық қауiпсiздiк қызметi мамандарын, азаматтық авиация саласындағы уәкiлеттi органның авиациялық қауiпсiздiк және ұшу қауiпсiздiгi мәселелерi жөнiндегi лауазымды адамдарын даярлау және қайта даярлау бағдарламасын бекiту туралы" Қазақстан Республикасы Көлiк және коммуникация министрiнiң міндетін атқарушының 2014 жылғы 3 маусымдағы № 347 (Нормативтiк құқықтық актiлердi мемлекеттiк тiркеу тiзiлiмiнде № 9543 болып тіркелген, 2014 жылғы 28 тамыздағы "Казахстанская правда" газетінде жарияланған) бұйрығының күшi жойылды деп танылсын.

      3. Қазақстан Республикасы Инвестициялар және даму министрлігінің Азаматтық авиация комитеті (Б.К. Сейдахметов):

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 3-тармағының 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      5. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Авиациялық қауіпсіздік бойынша даярлау және қайта даярлау бағдарламасы

      Ескерту. Бағдарламаның тақырыбы жаңа редакцияда - ҚР Инвестициялар және даму министрінің 27.06.2017 № 397 (алғаш ресми жарияланған күнінен бастап он күнтізбелік күн өткен соң қолданысқа енгізіледі) бұйрығымен.

1. Жалпы ережелер

      1. Осы Авиациялық қауіпсіздік бойынша даярлау және қайта даярлау бағдарламасы (бұдан әрі – Бағдарлама) "Қазақстан Республикасының әуе кеңістігін пайдалану және авиация қызметі туралы" 2010 жылғы 15 шілдедегі Қазақстан Республикасының Заңына, Халықаралық азаматтық авиация ұйымының (бұдан әрі – ИКАО) халықаралық стандарттары мен ұсынатын практикасына ("Халықаралық азаматтық авиация туралы конвенцияны ратификациялау туралы" Қазақстан Республикасы Жоғарғы Кеңесінің 1992 жылғы 2 шілдедегі № 1503-ХІІ қаулысымен ратификацияланған Халықаралық азаматтық авиация туралы конвенцияның 17-қосымшасы және Doc 8973, ИКАО Авиациялық қауіпсіздік жөніндегі нұсқаулығы) сәйкес әзірленген.

      2. Осы Бағдарламада қолданылатын негізгі терминдер мен анықтамалар:

      1) авиациялық жұмыстар – басқа да жеке және (немесе) заңды тұлғалардың мүддесіне қарай азаматтық әуе кемелерін қолдана отырып, пайдаланушы орындайтын мамандандырылған операциялар;

      2) авиациялық қауіпсіздік қызметі (бұдан әрі – АҚҚ) – Қазақстан Республикасының азаматтық авиация ұйымдарында міндетті түрде құрылатын, жолаушыларды, авиациялық персоналды, экипаж мүшелерін, әуе кемелерін, әуежай объектілерін және аэронавигациялық құралдарды жерде және әуеде болатын заңсыз араласу актілерінен қорғауды қамтамасыз ету бойынша іс-шараларды тікелей жүзеге асыратын дербес құрылымдық бөлімше;

      3) авиациялық қауіпсіздік қызметі персоналдары – жолаушылардың, авиациялық персоналдардың, әуе кемелерін, әуежайларды, әуежай объектілерін және аэронавигация құралдарын жерде және ауада заңсыз араласу актілерінен авиациялық қауіпсіздікті қамтамасыз ету бойынша іс-шараларды жүзеге асыратын тұлға, сондай-ақ осы жұмыстарды өткізу кезінде қадағалайтын және сапаны бақылайтын ұлттық инспекторлар және аудиторлар;

      4) АҚҚ қатыспайтын, әуежайдың бақыланатын аймағына ілесе жүрусіз кіре алатын персонал – әуежайдың шектелген қолжетімділіктің қорғалатын аймағына рұқсаты бар кез келген қызметкер және әуежай қызметіне қатысатын ұйымдардың, әуе кемелерін пайдаланушының, жолаушылар тасымалына, жүк тасымалына қызмет көрсету бойынша агенттің, пошта ведомствосының немесе әуе қозғалысын басқарудың өнім берушісінің азаматтық авиация қызметіне қатысты функцияларын орындайтын, осы тұрғыда авиациялық қауіпсіздікті қамтамасыз ету шараларын жүзеге асыруға қатысатын персоналы;

      5) авиациялық қауіпсіздік қызметінің басшысы – азаматтық авиация ұйымдарының басшысына бағынатын және оның орынбасары болып табылатын, сондай-ақ, Қазақстан Республикасының ұлттық қауіпсіздік органдарымен келісіліп тағайындалатын, белгіленген біліктілік талаптарына сәйкес келетін лауазымдық тұлға;

      6) авиациялық оқу орталығы – авиациялық персоналды даярлауды, қайта даярлауды жүзеге асыратын және олардың кәсіби деңгейін қолдайтын заңды тұлға;

      7) авиациялық персонал – әуе кемелерінің ұшуын, әуе тасымалдарын және авиациялық жұмыстарды орындау және қамтамасыз ету, әуе кемелеріне техникалық қызмет көрсету, әуе қозғалысын ұйымдастыру және оған қызмет көрсету, әуе қозғалысын басқару бойынша қызметті жүзеге асыратын, арнайы және (немесе) кәсіптік даярлығы бар жеке тұлғалар;

      8) адамдық фактілер аспектілері – жобалау, сертификаттау, мамандар даярлау, пайдалану қызметі және адаммен басқа да жүйенің бөліктерінің адам мүмкіншіліктерін есепке ала отырып өзара қауіпсіз әрекет етуге бағытталған авиацияда техникалық қызмет көрсетуде қолданылатын принциптер;

      9) адамның мүмкіншілігі – ұшулар қауіпсіздігіне, авиациялық қауіпсіздікке және авиациялық қызмет тиімділігіне әсер ететін адам мүмкіншілігі және оның мүмкіншілігінің шегі;

      10) азаматтық авиация саласындағы уәкілетті орган – Қазақстан Республикасының әуе кеңiстiгiн пайдалану мен азаматтық пен эксперименттiк авиация қызметi саласында басшылықты жүзеге асыратын орталық атқарушы орган;

      11) азаматтық авиация ұйымы – азаматтық авиация саласында қызметті жүзеге асыратын заңды тұлға;

      12) бастапқы даярлау – персоналдың авиациялық қауіпсіздік саласындағы мәселелерден хабардар болуын арттыру;

      13) жұмыс орнында оқыту (тағылымдама) – мамандықты іс жүзінде меңгеру, қызмет көрсету және басқару объектілеріне бейімделу, сондай-ақ жұмыс орнында тез бағдарлану мен жаңа жұмыс тәсілдерін игеру мақсатында оқытуды қамтамасыз ететін тұлғаның басшылығымен жұмыс орнында оқыту;

      14) ИКАО-ның Авиациялық қауіпсіздік жөніндегі оқу орталығы (бұдан әрі – ИКАО АҚОО) – авиациялық персонал, авиациялық қауіпсіздік қызметінің авиациялық персоналы мен ААҚ қатыспайтын персоналдың бастапқы даярлығын, қайта даярлығын, кәсіптік деңгейін қолдауды жүзеге асыратын ИКАО АҚОО-ның сәйкестік сертификаты бар заңды тұлға;

      15) кабиналық экипаж мүшесі – қауіпсіздік мүддесіне орай және жолаушыларға қызмет көрсету және (немесе) жүктерді тасымалдау мақсатында әуе кемесінің бортында пайдаланушы немесе әуе кемесінің командирі өзіне тапсыратын міндеттерді орындайтын, авиация персоналына жататын, бірақ ұшу экипажының мүшесі болып табылмайтын тұлға;

      16) қайта даярлау – жаңа (қосымша) кәсіби білім, дағды, машықтарын (оның ішінде біліктілік белгілерін) алуға және белгіленген үлгідегі құжаттарды бере отырып, авиациялық техника мен авиациялық қауіпсіздікті қамтамасыз ету техникасын зерделеуге бағытталған азаматтық авиация саласы мамандарын оқыту процесі;

      17) нұсқаушы – өзінің біліктілігіне сәйкес персоналдарды кәсіби даярлау бойынша тікелей қызметті жүзеге асыратын тұлға;

      18) өңірлік курстар – Орталық Азия және Қазақстан мен басқа да елдердің өңірі үшін ИКАО атынан өзінің нұсқаушыларының көмегімен ИКАО авиациялық қауіпсіздік бойынша оқу орталығы өткізетін немесе ИКАО нұсқаушыларының көмегімен ИКАО өткізетін халықаралық курстар;

      19) пайдаланушы – азаматтық әуе кемелерін пайдаланатын немесе осы салада өз қызметтерін ұсынатын жеке немесе заңды тұлға;

      20) практикалық даярлау – әртүрлі жаттығу құрылғылары мен техникалық жабдықтардың көмегімен теориялық білімді бекіту, алу, қолдау мен қажетті дағды, машықтарды жетілдіру мақсатында азаматтық авиация персоналын кәсіби даярлау кезеңі;

      21) сертификат – азаматтық авиация жүйесіндегі қызметке рұқсат беру рәсімдері шеңберінде белгілі бір қызмет түрлерін орындауға құқық беретін уәкілетті органмен келісілген, авиациялық оқу орталығы немесе азаматтық авиация ұйымдары әзірлеген авиациялық персоналды кәсіби даярлау бағдарламалары бойынша оқуды аяқтағанын растайтын құжат;

      22) сұраунама мәліметтерін тексеру – Қазақстан Республикасының 2010 жылғы 15 шілдедегі "Қазақстан Республикасының әуе кеңістігін пайдалану және авиация қызметі туралы" 12-2 бабының 2) тармақшасына сәйкес, қылмыстық жауапкершілікке тартылған кез-келген оқиғаны қоса, қауіпсіздік мақсатында және/немесе бағалау шегінде оған өздігінен осы тұлғаға күзетілетін шектеулі өту аймағына өтуді жүзеге асыруға мүмкіндік беруді тұлғаның атқарған тізімінен және жеке басын тексеру;

      23) теориялық даярлау – оқушылардың арнайы білім алуы, оны Қазақстан Республикасының авиациялық қауіпсіздік саласындағы заңнамасының талаптарына сәйкес қолдау және жетілдіру мақсатында персоналды кәсіби даярлау кезеңі;

      24) ұлттық курстар – Қазақстан Республикасында азаматтық авиацияны заңсыз араласу актілерінен қорғауды қамтамасыз ететін авиациялық персонал, авиациялық қауіпсіздік қызметтерінің қызметкерлері үшін ИКАО оқыту орталығы немесе авиациялық оқу орталығы жүргізетін курстар;

      25) ұшу экипажының мүшесі – ұшу уақыты ішінде әуе кемесін басқаруға қатысты міндеттер жүктелетін авиациялық персоналдың жарамды куәлігі бар авиация персоналына жататын тұлға.

      3. Оқу орталықтармен, сондай-ақ азаматтық авиация субъектілерімен олардың персоналын даярлау және қайта даярлау мәселелері бойынша өзара іс-қимылды және ынтымақтастықты жүзеге асыру үшін азаматтық авиация саласындағы уәкілетті органда даярлау бойынша ұлттық үйлестіруші тағайындалады, оның функциялары мыналар болып табылады:

      1) осы Бағдарламаның ережелерін іске асыру үшін азаматтық авиация ұйымдарымен өзара іс-қимылды және ынтымақтастықты үйлестіруді жүзеге асыру;

      2) осы Бағдарламаның ережелерін іске асырумен тікелей байланысты мәселелер бойынша ақпараттар, ұсынымдар беру, консультативтік және тікелей көмек көрсету.

      4. Азаматтық авиацияны заңсыз араласу актілерінен қорғауды қамтамасыз ететін АҚҚ персоналы, авиакомпанияларды және әуежайларды пайдаланушы персонал, әуежайдың бақыланатын аймағына ілеспей-ақ кіруге рұқсаты бар персонал мен АҚҚ-на жатпайтын персонал даярлау және қайта даярлықтан өтуі тиіс.

      5. Авиациялық қауіпсіздік саласында даярлау және қайта даярлықтан өтуге тиіс персонал санаттары осы Бағдарламаның 10-тармағында көрсетілген.

      6. Азаматтық авиация ұйымы басшысының бұйрығымен АҚҚ-да оқыту жөніндегі нұсқаушы-үйлестіруші тағайындалады, оның функциялары мыналар болып табылады:

      1) авиакомпания және әуежайлар пайдаланушылардың персоналы, ААҚ қатыспайтын, бірақ әуежайдың бақыланатын аймағына ілесе жүрусіз кіре алатын персонал, жаңадан қабылданған АҚҚ қызметкерлерін даярлау және жұмыс орнында оқыту, АҚҚ персоналын даярлау және қайта даярлауды қамтамасыз ету;

      2) оқыту процесіне, емтихан комиссиясының білімді бағалауына және берілген құжаттар/сертификаттарға қатысты есеп және басқа да құжаттаманы жүргізу;

      3) азаматтық авиация саласындағы уәкілетті органмен және авиациялық оқу орталықтарымен авиациялық қауіпсіздік бойынша даярлау және қайта даярлау мәселелері бойынша өзара іс-қимыл жасау.

2. Бағдарлама субъектілері

      7. Осы бағдарламаның ережелерін мына субъектілер қолданады:

      1) әуежайлар/аэродромдар;

      2) әуе кемелерін пайдаланушылар;

      3) жер үстінде қызмет көрсету ұйымдары;

      4) борт тағамын, борт қорларын жеткізу және әуе кемелерін тазалау жөніндегі ұйымдар;

      5) әуе кемелеріне техникалық қызмет көрсету жөніндегі ұйымдар;

      6) аэронавигациялық қызмет көрсетуді беруші;

      7) авиациялық қауіпсіздік жөніндегі оқыту орталықтары.

      8. Осы бағдарламаның 7-тармағында көрсетілген Бағдарлама субъектілері осы Бағдарламаға және Doc 8973 ИКАО Авиациялық қауіпсіздік жөніндегі басшылыққа сәйкес даярлау және қайта даярлық бағдарламасын әзірлейді және азаматтық авиация саласындағы уәкілетті органмен келісіледі.

      9. Субъектілердің даярлау және қайта даярлау бағдарламасы осы Бағдарламаның 1-қосымшасына сәйкес оқу модульдерінің тақырыпты мазмұнынан құралады.

3. Оқыту түрлері және авиациялық қауіпсіздік бойынша даярлау және қайта даярлау білім алушылардың санаттары

      10. Авиациялық қауіпсіздік бойынша даярлау және қайта даярлау үшін оқытудың мынадай түрлері жүргізіледі:

      1) ұшу қауіпсіздік және авиациялық қауіпсіздік желісі бойынша жұмыс істейтін азаматтық авиация саласындағы уәкілетті органның лауазымды тұлғаларын, әуежайлардың (авиакомпаниялардың) бірінші басшыларын, аэронавигациялық қызмет көрсетуді берушісін, олардың орынбасарларын – АҚҚ басшыларын, авиациялық қауіпсіздік бойынша жауапты тұлғаларды даярлау және қайта даярлау ИКАО-ның авиациялық қауіпсіздік жөніндегі оқу жинақтамаларымен (бұдан әрі – АҚОЖ), АҚОЖ/Менеджментке сәйкес жүргізіледі. Оқыту ИКАО авиациялық қауіпсіздік жөніндегі оқу орталықтарында жүргізіледі;

      2) АҚҚ басшыларының орынбасарларын, қарап тексеру бөлімшесінің басшылары мен олардың орынбасарларын, қауіпсіздік бөлімше басшылары мен олардың орынбасарларын, әкімшілік бөлімше басшыларын, рұқсат беру бюросының басшыларын, кинология бөлімінің басшыларын, қауіпсіздіктің техникалық жабдықтары мен құралдары жөніндегі инспекторларды, сондай-ақ тұрақты әуе тасымалын жүзеге асыратын авиакомпанияның авиациялық қауіпсіздік жөніндегі қызметі – авиациялық қауіпсіздік бөлімінің басшыларын, авиациялық қауіпсіздік жөніндегі жетекші мамандарды, авиациялық қауіпсіздік жөніндегі мамандарды даярлау және қайта даярлау ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында жүргізіледі. Өңірлік курстар жүргізу кезінде оқыту АҚОЖ/Менеджмент талаптарына сәйкес, ал ұлттық курстарды жүргізу кезінде оқыту орталықтарында әзірленген оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы бағдарламаның 1, 2, 3-қосымшаларында көзделген;

      3) әуежайлардың (авиакомпаниялардың) авиациялық қауіпсіздік жөніндегі бірінші басшыларының орынбасарларын және аэронавигациялық қызмет көрсетуді берушісінің АҚҚ басшылары болып табылатын және олардың орынбасарлары, заңсыз араласу актілеріне байланысты дағдарысты жағдайларды шешу жөніндегі шұғыл штабтың мүшелері болып табылатын АҚҚ басшылары мен олардың орынбасарларын, азаматтық авиация қызметіне заңсыз араласу актілеріне байланысты дағдарысты жағдайларда іс-қимыл ұйымдастыруға жауапты шұғыл штабының басшыларын даярлау және қайта даярлау ИКАО-ның авиациялық қауіпсіздік жөніндегі оқу орталықтарында жүргізіледі. Оқыту АҚОЖ/Дағдарысты жағдайларды басқару талаптарына сәйкес жүргізіледі;

      4) АҚҚ жете тексеру бөлімшелерінің басшыларын, АҚҚ жете тексеру бөлімшелерінің басшыларының орынбасарларын, АҚҚ жете тексеру бөлімшелерінің ауысым басшыларын, АҚҚ жете тексеру аға инспекторларын, АҚҚ жете тексеру инспекторларын даярлау және қайта даярлау ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық қауіпсіздік қызметтерінен тәуелсіз авиациялық оқу орталықтарында жүргізіледі. Өңірлік курстарды өткізу кезінде оқыту АҚОЖ/Базалық талаптарға сәйкес, ал ұлттық курстарды өткізу кезінде оқыту орталықтарында әзірленген оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы Бағдарламаның 1, 2, 3-қосымшаларында көзделген;

      5) инспекторлар – профайлерді даярлау және қайта даярлау ИКАО авиациялық қауіпсіздік жөніндегі оқу орталықтарында АҚОЖ/Базалық талаптарына сәйкес және/немесе басқа да профайлингтік салада даярлауды жүзеге асыратын білім беру мекемелерінде жүргізіледі;

      6) қауіпсіздік бөлімшесі ауысымдарының басшыларын, қауіпсіздік бөлімшесінің аға инспекторларын, қауіпсіздік бөлімшесінің инспекторларын, әкімшілік бөлімшенің аға инспекторларын, әкімшілік бөлімшенің инспекторларын, бақылау және бейнебақылау пунктінің инспекторларын, рұқсат беру бюросының инспекторларын, қызметтік иттердің жолбасшы – аға инспекторы (патрульдік-іздеу итінің жетекшісі), қызметтік иттердің жолбасшы – инспекторы (патрульдік-іздеу итінің жетекшісі), сондай-ақ авиациялық жұмыстарды және тұрақсыз әуе тасымалын орындайтын пайдаланушыны, авиациялық қауіпсіздік жөніндегі аға инспекторды, авиациялық қауіпсіздік жөніндегі инспекторды даярлау және қайта даярлау ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында жүргізіледі. Өңірлік курстарды өткізу кезінде оқыту АҚОЖ/Базалық талаптарға сәйкес, ал ұлттық курстарды өткізу кезінде оқыту орталықтарында әзірленген оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы бағдарламаның 1, 2, 3-қосымшаларында көзделген;

      7) авиациялық қауіпсіздікті оқыту жөніндегі үйлестіруші – нұсқаушыларының даярлау және қайта даярлау ИКАО авиациялық қауіпсіздік жөніндегі оқу орталықтарында жүргізіледі. Оқыту АҚОЖ/Инструкторларының талаптарына сәйкес жүргізіледі;

      8) авиациялық қауіпсіздік бойынша сапаны бақылау аудиторларын (сапаны бақылау инспекторларын) даярлау және қайта даярлау ИКАО авиациялық қауіпсіздік жөніндегі оқу орталықтарында жүргізіледі. Оқыту АҚОЖ/Ұлттық инспекторлардың талаптарына сәйкес жүргізіледі.

      9) АҚҚ-ға қатыспайтын, әуежайдың бақыланатын аймағына ілесе жүрусіз кіре алатын персоналы және әуежай қызметіне қатысатын ұйымдардың басшылары (олардың орынбасарлары) мен персоналын, атап айтқанда: әуежай орынжайы мен ғимаратын жалға алушыларды және шектелген қол жетімділіктің қорғалатын аймағына рұқсаты бар барлық өзге де қызметкерлерді даярлау және қайта даярлау ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында немесе азаматтық авиация ұйымдарында жүргізіледі. Оқыту авиациялық оқу орталықтарында немесе азаматтық авиация ұйымдарында әзірленген, оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы бағдарламаның 1, 2, 3-қосымшаларында көзделген;

      10) әуе кемелеріне техникалық қызмет көрсету жөніндегі авиациялық персонал, әуе қозғалысы диспетчер, әуе қозғалысына қызмет көрсету жөніндегі авиациялық персонал даярлау және қайта даярлауды ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында немесе азаматтық авиация ұйымдарында өтеді. Оқыту авиациялық оқу орталықтарында немесе азаматтық авиация ұйымдарында әзірленген, оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы бағдарламаның 1, 2, 3-қосымшаларында көзделген;

      11) жолаушыларды тіркеу және қызмет көрсету процесіне қатысатын жер үстінде қызмет көрсету бойынша авиакомпаниялардың және ұйымдардың персоналы даярлау және қайта даярлауды ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында немесе азаматтық авиация ұйымдарында өтеді. Оқыту оқу орталықтарында немесе азаматтық авиация ұйымдарында әзірленген, оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы бағдарламаның 1, 2, 3-қосымшаларында көзделген;

      12) ұшу және кабиналық экипаж мүшелері даярлау және қайта даярлауды ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында немесе азаматтық авиация ұйымдарында өтеді. Оқыту оқу орталықтарында немесе азаматтық авиация ұйымдарында әзірленген, оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы Бағдарламаның 1, 2, 3-қосымшаларында көзделген;

      13) поштаны, жүкті, курьерлік және жедел жөнелтімдерді, борт жабдықтары мен порт қорын өңдеумен айналысатын персонал даярлау және қайта даярлауды ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында немесе азаматтық авиация ұйымдарында өтеді. Өңірлік курстарды өткізу кезінде оқыту АҚОЖ/Жүктер талаптарға сәйкес, ал ұлттық курстарды өткізу кезінде оқыту орталықтарында немесе азаматтық авиация ұйымдарында әзірленген оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы бағдарламаның 1, 2, 3-қосымшаларында көзделген;

      14) әуе кемелерін жинаумен және тазалаумен айналысатын ұйымдардың персоналы, даярлау және қайта даярлау ИКАО-ның авиациялық қауіпсіздік жөніндегі оқу орталықтарында немесе азаматтық авиация саласындағы уәкілетті орган сертификаттаған авиациялық оқу орталықтарында немесе азаматтық авиация ұйымдарында өтеді. Оқыту оқу орталықтарында немесе азаматтық авиация ұйымдарында әзірленген, оқу бағдарламалары көлемінде жүргізіледі, олардың оқыту жоспары, модульдерінің атауы мен тақырыптық мазмұны осы бағдарламаның 1, 2, 3-қосымшаларында көзделген.

4. Оқыту процесін ұйымдастыру

      11. Кешенді оқыту әдістемесін пайдалану кезінде тыңдаушылар оқу сабақтарының негізгі түрлері мен нысандары мыналар болып табылады:

      1) теориялық (дәріс) сабақтары;

      2) арнаулы оқу аудиторияларында немесе қарап тексеру бақылау пункттерінде практикалық сабақтар;

      3) автоматтандырылған оқу курстарын пайдаланатын сабақтар;

      4) консультациялар мен өзіндік сабақтар;

      5) жұмыс орнында және өндірістік процесте оқу;

      6) слайдтар және оқу фильмдерін пайдалану;

      7) топтық жаттығулар мен іскерлік ойындар;

      8) компьютерлік технологияны пайдалану арқылы оқыту;

      9) әуе кемелерінде тасымалдауға тыйым салынған заттарды экранда үлкейтіп көрсету жүйесін пайдалану;

      10) АҚОК пайдалану.

      12. Авиациялық қауіпсіздік жөніндегі оқу процесі оқу-әдістемелік материалдарымен, оқу құралдарымен, қазіргі заманғы техникалық оқу құралдарымен қамтамасыз етіледі.

      13. Оқыту оқу аудиторияларында, зертханаларда өткізіледі, олар:

      1) рентген жабдықтарының бейнелерін түсіндіру бойынша (симулятор-жаттығу жабдықтарымен) қазіргі заманғы компьютерлік тестілеу бағдарламаларымен.

      АҚҚ жете тексеру бөлімшелерінің басшыларын, АҚҚ жете тексеру бөлімшелерінің басшыларының орынбасарларын, АҚҚ жете тексеру ауысым басшыларын, АҚҚ жете тексеру аға инспекторларын, АҚҚ жете тексеру инспекторларын даярлау үшін симулятор-жаттығу жабдығы санаттар бойынша жеке-жеке даярлаудың әртүрлі бағыттары бойынша оқыту және тестілеу өткізуге мүмкіндік беруі тиіс:

      а) қол жүгін жете тексеру,

      б) багажды жете тексеру,

      в) жүктi және поштаны жете тексеру.

      Бұл жаттығу жабдығы суреттерге талдау жасауға, қателері бойынша жұмысты жүзеге асыруға мүмкіндік беруді қажет етеді. Симулятор рентген-телевизиялық қондырғылармен бірдей функциялары бар және осы рентген телевизиялық қондырғысымен бірдей сападағы суреттерді көрсетеді;

      2) аудио-видео аппаратурамен, компьютерлік техникамен;

      3) оқу фильмдері, слайдтар, өзге аудио, бейне және демонстрациялық оқу құралдарымен, оның ішінде жасырын оқпен атылатын және суық қаруды көрсету, жүктің көлеңкелі суретімен жарақталған.

      14. Курс тыңдаушылары оқу құралдарымен, қағаз және электрондық жеткізгіштердегі үлестірме және анықтамалық материалдарымен қамтамасыз етіледі.

      15. Осы Бағдарламаны іске асыруды қамтамасыз ететін ИКАО АҚОО, авиациялық оқу орталықтарының авиациялық қауіпсіздік бойынша ИКАО құжаттары бар (қағаз және электрондық жеткізгіштерде) кітапханасы болады.

      16. Оқу топтары азаматтық авиация ұйымының және мемлекеттік органдардың жазбаша өтінімдері бойынша құрылады.

      17. ИКАО АҚОО және авиациялық оқу орталықтары көшпелі оқу сабақтарын өткізеді.

5. Оқыту

      18. Авиациялық қауіпсіздік бойынша персоналды оқыту оқу курстарының негізінде жүргізіледі. Оқыту модульдерінің тақырыптық мазмұны осы Бағдарламаның 1-қосымшасында сипатталған. Білім алушылардың санаттарына арналған модульдердің атаулары осы Бағдарламаның 2-қосымшасында келтірілген модульдерінен құрастырылады, персоналдың әрбір санаттары үшін оқыту жоспары, оның көлемі, ұзақтығымен оқыту мерзімділігі осы Бағдарламаның 3-қосымшасында берілген.

      19. Персоналды оқытуды азаматтық авиация саласындағы уәкілетті орган бекіткен оқу курстары бойынша авиациялық қауіпсіздіктің сертификатталған нұсқаушы жүргізеді. Оқу курсын дайындау кезінде ұйым қызметінің ерекшелігі ескеріледі және авиациялық қауіпсіздіктің тиісті рәсімдері мен шаралары көрсетіледі.

      20. Модульдердің әрқайсысы үшін сабақ жоспары мына бөлімдерді қамтиды:

      1) курстың атауы;

      2) оқу процесінің графигі;

      3) пәндер бойынша оқу сағаттарын бөлу;

      4) курстың бағыты;

      5) оқитындардың құрамы және алдын ала қойылатын талаптар;

      6) емтиханға және аттестацияға жіберу шарты;

      7) оқу мақсаты;

      8) әдістемелік ұсынымдар;

      9) сабақтардың тақырыптық жоспары;

      10) тақырыптар мазмұны;

      11) әдебиеттер тізімі;

      12) оқу құралдары;

      13) білімді бағалау.

6. Білімді бағалау

      21. Осы бағдарламаны іске асыруға қатысатын Бағдарлама субъектілері өз бағдарламаларында білімді бағалау рәсімін көздейді. Осы Бағдарламаның 3-қосымшасында әрбір модуль үшін өту балы белгіленген.

      22. Осы бағдарламаны іске асыруға қатысатын Бағдарлама субъектілері ең аз өту балын алмаған жағдайда, білімді қайтадан бағалау рәсімі көзделеді.

      23. Қанағаттанарлықсыз баға алғандар емтиханды қайтадан тапсыруға жіберіледі.

      24. Емтиханды екі реттен көп қайта тапсыруға рұқсат етілмейді.

      25. Білімді бағалау нәтижелері емтихан ведомосына енгізіледі, оған авиациялық қауіпсіздік жөніндегі нұсқаушы қол қояды.

7. Оқудан өткені туралы деректерді есепке алу

      26. Осы бағдарламаны іске асыруға қатысатын Бағдарлама субъектілері өз персоналының авиациялық қауіпсіздік саласындағы оқудан өткені туралы деректерге есеп жүргізеді.

      27. Авиациялық қауіпсіздік саласындағы оқудан өткені туралы деректерді есепке алу журналының нысаны осы Бағдарламаның 4-қосымшасында келтірілген.

8. Жұмыс істеуге рұқсат беру

      28. Азаматтық авиация саласындағы уәкілетті орган мына персоналды жұмысқа жіберуді жүзеге асырады:

      1) АҚҚ жете тексеру бөлімшесінің басшылары, АҚҚ жете тексеру бөлімшесі басшыларының орынбасарлары, АҚҚ жете тексеру бөлімшесінің ауысым басшылары мен жете тексеру аға инспекторлары, АҚҚ жете тексеру инспекторлары;

      2) авиациялық қауіпсіздік саласында оқыту бойынша нұсқаушылар, нұсқаушы-үйлестірушілер;

      3) әуежайлардың бірінші басшыларының орынбасарлары – АҚҚ басшылары, тұрақты әуе тасымалын жүзеге асыратын авиакомпаниялардың бірінші басшыларының орынбасарлары – АҚҚ басшылары және аэронавигациялық қызмет көрсетуді берушінің АҚҚ басшылары.

      29. Жұмысқа рұқсат беру рәсімі:

      АҚҚ жете тексеру бөлімшесінің басшылары, АҚҚ жете тексеру бөлімшесі басшыларының орынбасарлары, АҚҚ жете тексеру бөлімшесінің ауысым басшылары мен жете тексеру аға инспекторлары, АҚҚ жете тексеру инспекторларына жұмысқа рұқсат беру кандидаттардың теориялық емтихан, практикалық емтихан және рентген жабдықтарының бейнелерін түсіндіру бойынша емтихан тапсыруын көздейді.

      Жұмысқа рұқсатнама беру рәсіміне осы Бағдарламаның талаптарына сәйкес келетін мамандандырылған оқу курсынан өткен және "Қазақстан Республикасының азаматтық авиациясы ұйымдарының авиациялық қауіпсіздік қызметтерінің басшылары мен мамандары лауазымдарының тізбесін, сондай-ақ осындай лауазымдарға қойылатын біліктілік талаптарын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 26 наурыздағы № 322 (Нормативтiк құқықтық актiлердi мемлекеттiк тiркеу тiзiлiмiнде № 11440 болып тіркелген) бұйрығымен бекітілген (бұдан әрі – Біліктілік талаптары) біліктілік талаптарында белгіленген тиісті өлшем шарттарға сәйкес келетін адамдарға рұқсат беріледі.

      Осы Бағдарламаның 5-қосымшасына сәйкес жете тексеру бөлімшесінің басшылары, жете тексеру бөлімшесі басшыларының орынбасарлары, жете тексеру бөлімшесінің ауысым басшысына, жете тексеру бөлімшесінің аға инспекторына, жете тексеру бөлімшесінің инспекторына жұмысқа рұқсатнама беру туралы сертификатты азаматтық авиация саласындағы уәкілетті орган 2 жылға және барлық емтихандарды жақсы тапсырған соң береді, әрқайсысы үшін ең төменгі өту балы 80 пайызды құрайды.

      Емтиханды тапсырмаған үміткерлер қайтадан емтихан тапсыруға жіберіледі. Емтиханды қатарынан екі рет тапсыра алмаған үміткерлер мамандандырылған оқу курсынан қайтадан өтеді.

      2) авиациялық қауіпсіздік саласында оқыту бойынша нұсқаушыларға, нұсқаушы-үйлестірушілерге жұмысқа рұқсатнама беру рәсімі үміткерлердің теориялық емтиханды тапсыруын және авиациялық қауіпсіздік бойынша әртүрлі тақырыптарға таныстыру дайындауды көздейді.

      Жұмысқа рұқсатнама беру рәсіміне біліктілік талаптарында белгіленген өлшемдерге сәйкес келетін үміткерлер жіберіледі.

      Авиациялық қауіпсіздік саласында оқыту бойынша нұсқаушыларға, нұсқаушы-үйлестірушілерге осы Бағдарламаның 5-қосымшасында көзделген жұмысқа рұқсат беру туралы сертификатты азаматтық авиация саласындағы уәкілетті орган теориялық емтихандарды жақсы тапсырған соң 2 жылға береді, ең төменгі өту балы 90 пайызды құрайды.

      Теориялық емтиханды тапсырмаған үміткерлер мамандандырылған оқу курсынан қайтадан өтеді, теориялық емтиханды қайтадан тапсырмаған үміткерлерге 3 айдан кейін емтихан тапсыруға рұқсат беріледі;";

      3) Әуежайлардың бірінші басшыларының орынбасарларына – АҚҚ басшыларына, тұрақты әуе тасымалын жүзеге асыратын авиакомпаниялардың бірінші басшыларының орынбасарларына – АҚҚ басшыларына және аэронавигациялық қызмет көрсетуді берушінің АҚҚ басшыларына жұмысқа рұқсатнама беру рәсімі үміткерлердің теориялық емтиханды тапсыруын көздейді.

      Жұмысқа рұқсатнама беру рәсіміне осы Бағдарламаның талаптарына сәйкес және біліктілік талаптарында белгіленген өлшем шарртарға сәйкес келетін мамандандырылған арнайы оқу курсынан өткен үміткерлер жіберіледі.

      Осы Бағдарламаның 5-қосымшасына сәйкес оқудан өткен, әуежайлардың бірінші басшыларының орынбасарларына – АҚҚ басшыларына, тұрақты әуе тасымалын жүзеге асыратын авиакомпаниялардың бірінші басшыларының орынбасарларына – АҚҚ басшыларына және аэронавигациялық қызмет көрсетуді берушінің АҚҚ басшыларына жұмысқа рұқсат беру туралы сертификатты азаматтық авиация саласындағы уәкілетті орган теориялық емтихандарды жақсы тапсырған соң 2 жылға береді, ең төменгі өту балы 90 пайызды құрайды.

      Теориялық емтиханды тапсырмаған үміткерлер мамандандырылған оқу курсынан қайтадан өтеді, теориялық емтиханды қайтадан тапсырмаған үміткерлерге емтихан тапсыруға рұқсат 3 айдан кейін беріледі.

      30. Жұмысқа рұқсат беру рәсімінде көзделген емтихандарды комиссия қабылдайды.

      Жұмысқа рұқсатнама беру нәтижелері комиссия хаттамасында ресімделеді, оған емтихан ведомосылары қоса беріледі.

      31. Теориялық емтихан:

      1) теориялық емтиханды мамандардан құралған комиссия қабылдайды, оның біреуі азаматтық авиация саласындағы уәкілетті органның өкілі болып табылады. Комиссияға мүше ретінде азаматтық авиацияның басқа ұйымдарының авиациялық қауіпсіздік саласындағы мамандарын енгізуге болады;

      1-1) әуежайлардың бірінші басшыларының орынбасарларынан – АҚҚ басшыларынан, тұрақты әуе тасымалын жүзеге асыратын авиакомпаниялардың бірінші басшыларының орынбасарларынан – АҚҚ басшыларынан және аэронавигациялық қызмет көрсетуді берушінің АҚҚ басшыларынан теориялық емтиханын азаматтық авиация саласындағы уәкілетті органның мамандарынан тұратын комиссия қабылдайды;

      2) теориялық емтихан өткен оқу курсының материалына жататын сұрақтарды қамтиды;

      3) теориялық емтиханның нәтижелері емтихан ведомосына енгізіледі, оған комиссия мүшелері қол қояды.

      32. Рентген жабдықтарының бейнесін түсіндіру бойынша емтихан (АҚҚ жете тексеру бөлімшесінің басшылары, АҚҚ жете тексеру бөлімшесінің басшылары, АҚҚ жете тексеру бөлімшесі басшыларының орынбасарлары, АҚҚ жете тексеру ауысым басшылары мен жете тексеру аға инспекторлары, АҚҚ жете тексеру инспекторлары үшін):

      1) рентген жабдықтарының кескіндерін түсіндіру бойынша емтиханды мамандардан құралған комиссия қабылдайды, оның біреуі азаматтық авиация саласындағы уәкілетті органның өкілі болып табылады. Комиссияға мүше ретінде азаматтық авиацияның басқа ұйымдарының авиациялық қауіпсіздік саласындағы мамандарын енгізуге болады;

      2) емтихан қол жүгі заттарын, багаж, жүктер, пошта, тасымалдауға тыйым салынған заттарды, жарылғыш заттар мен құрылғылардың суретін көрсете отырып, компьютерлік тренажер арқылы өткізіледі. Емтиханды тапсыру үшін АҚҚ жете тексеру бөлімшесінің басшысы, АҚҚ жете тексеру бөлімшесі басшысының орынбасары, АҚҚ жете тексеру ауысым басшысы, АҚҚ жете тексеру аға инспекторы, АҚҚ жете тексеру инспекторы ұсынылған суреттердің жалпы санының кемінде 80 пайызын түсіндіріп береді, сондай-ақ қауіпті және/немесе тасымалдауға тыйым салынған заттарды айқындайды және сәйкестендіреді;

      3) рентген жабдықтарының суреттерін түсіндіру бойынша емтихан нәтижелері емтихан ведомосына енгізіледі, оған комиссия мүшелері қол қояды.";

      Егер үміткер рентген жабдықтарының бейнесін түсіндіру бойынша емтихан кезеңінде қол жүгінде, багажда, жүкте және поштада Қазақстан Республикасы Үкіметінің 2011 жылғы 31 наурыздағы № 317 Қаулысымен бекітілген "Жолаушыларға азаматтық әуе кемелерінде тасымалдауға тыйым салынған қауіпті заттар мен бұйымдардың және/немесе олардың бөлшектерін, сондай-ақ есірткінің барлық түрлерінің тізбесінің" реттік нөмірлері 2, 3, 4-тармақтарында көрсетілген қауіпті заттар мен заттар және/немесе олардың бөлшектерін анықтамаса (өткізіп жіберсе), емтихан қорытындылары жарамсыз деп саналады және емтиханды қайтадан тапсыру қажет.

      Рентген жабдықтарының бейнесін түсіндіру бойынша емтиханды қатарынан екі рет тапсырмаған үміткерлер мамандандырылған оқу курсынан қайтадан өтеді, рентген жабдықтарының бейнесін түсіндіру бойынша емтиханды қайтадан тапсырмаған үміткерлерге мамандандырылған оқу курсынан қайтадан өткен соң, емтихан тапсыруға рұқсат 3 айдан кейін беріледі.

      33. АҚҚ жете тексеру бөлімшесінің басшылары, АҚҚ жете тексеру бөлімшесі басшыларының орынбасарлары, АҚҚ жете тексеру ауысым басшылары мен жете тексеру аға инспекторлары, АҚҚ жете тексеру инспекторлары үшін практикалық емтихан:

      1) практикалық емтиханды мамандардан құралған комиссия қабылдайды, оның біреуі азаматтық авиация саласындағы уәкілетті органның өкілі болып табылады. Комиссияға мүше ретінде азаматтық авиацияның басқа ұйымдарының авиациялық қауіпсіздік саласындағы мамандарын енгізуге болады.

      2) практикалық емтихан арнаулы оқу аудиторияларында немесе жете тексеру бақылау пункттерінде өткізіледі. Практикалық емтихан шеңберінде жете тексеру өткізудің стандартты пайдалану рәсімдерін қолдану дағдылары бағаланады.

      3) практикалық емтихан нәтижелері қалай тапсырғаны/тапсырмағаны бойынша бағаланады, емтихан ведомосына енгізіледі, оған комиссия мүшелері қол қояды.

      Егер үміткер практикалық емтихан кезеңінде қол жүгінде, багажда, жүкте және поштада Қазақстан Республикасы Үкіметінің 2011 жылғы 31 наурыздағы № 317 қаулысымен бекітілген "Жолаушыларға азаматтық әуе кемелерінде тасымалдауға тыйым салынған қауіпті заттар мен бұйымдардың және/немесе олардың бөлшектерін, сондай-ақ есірткінің барлық түрлерінің тізбесінің" реттік нөмірлері 2, 3, 4-тармақтарында көрсетілген қауіпті заттар мен заттар және/немесе олардың бөлшектерін анықтамаса (өткізіп жіберсе), емтихан қорытындылары жарамсыз деп саналады және емтиханды қайтадан тапсыру қажет.

      Практикалық емтиханды қатарынан екі рет тапсырмаған үміткерлер мамандандырылған оқу курсынан қайтадан өтеді, практикалық емтиханды қайтадан тапсырмаған үміткерлерге мамандандырылған оқу курсынан қайтадан өткен соң, емтиханға 3 айдан кейін рұқсат беріледі.

      34. Сертификаттардың әрекет ету мерзімін азаматтық авиация саласындағы уәкілетті орган авиациялық қауіпсіздікті қамтамасыз етудің бұзылуы фактілерді бойынша азаматтық авиация саласындағы мемлекеттік инспекторлар ұсынысыны енгізу жағдайларда тоқтатады.

      35. Осы Бағдарламаның 6-қосымшасына сәйкес нысан бойынша сертификатты ИКАО авиациялық қауіпсіздік жөніндегі оқу орталығы береді. Осы Бағдарламаның 7-қосымшасына сәйкес нысан бойынша сертификатты авиациялық оқу орталықтары береді.

9. Азаматтық авиация саласындағы уәкілетті органның авиациялық қауіпсіздік және ұшу қауіпсіздігі мәселелері жөніндегі лауазымды тұлғаларын даярлау және қайта даярлау

      36. Авиациялық қауіпсіздік желісі бойынша жұмыс істейтін уәкілетті орган мамандары мынадай оқу курстарынан өтеді:

      1) даярлау – уәкілетті орган маманының басшылығымен, авиациялық қауіпсіздік жөніндегі тиісті курстардан өткенге дейін жұмыс орында жүргізіледі. Даярлаудың осы түрі мыналарды қамтиды:

      Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамалары мен ИКАО-ның актілерімен таныстыру;

      азаматтық авиация ұйымдарымен, авиациялық қауіпсіздікті қамтамасыз етуге қатысатын мемлекеттік органдармен өзара іс-қимыл және үйлесу тәртібімен таныстыру;

      сертификаттық және авиациялық қауіпсіздік желісі бойынша инспекциялық тексерулер жүргізу тәртібімен таныстыру;

      сертификаттық және авиациялық қауіпсіздік желісі бойынша инспекциялық тексерулерге тағылымдамадан өтуші ретінде қатыстыру;

      іс жүргізумен таныстыру;

      2) АҚҚ басшысы ретінде бастапқы даярлау және қайта даярлау курстары;

      3) авиациялық қауіпсіздік жөніндегі ұлттық инспектор/аудитор ретінде даярлау және қайта даярлау курстары;

      4) авиациялық қауіпсіздік жөніндегі инструктор ретінде даярлау және қайта даярлау курстары;

      5) авиациялық қуіпсіздік саласындағы сапаны бақылау бойынша даярлау және қайта даярлау курстары.

Оқыту модульдерінің тақырыптық мазмұны
1-модуль. Авиациялық қауіпсіздік бойынша нұсқама

      1. Авиациялық қауіпсіздік бойынша нұсқаулық міндеттері.

      2. Әуе көлігіндегі терроризм:

      1) азаматтық авиация қызметіне заңсыз араласу актілері;

      2) заңсыз араласу актілерінен азаматтық авиацияны қорғау жөніндегі нормативтік актілер;

      3) заңсыз араласу актілерінен азаматтық авиацияны қорғау жөніндегі негізгі қағидаттар мен шаралар.

      3. Әуежайдағы өткізу және ішкі объекттік режимдер:

      1) әуежай аумағында (әуе кемелерінде, көлікте, орынжайда) жарылғыш заттар, қару, оқ-дәрі, күдікті және қараусыз қалған заттар табылған жағдайда, персоналдың іс-әрекеті.

      4. Заңсыз араласу актісі туралы (аноним телефон қоңырауы) ақпарат алған жағдайда, персоналдың іс-әрекетінің тәртібі.

      5. Заңсыз араласу актісі жағдайында әуежайдың және мүдделі мемлекеттік органдардың (ІІМ, МКҚ, ҰҚК, ҚМ) қызметтерінің өзара іс-қимылы.

2-модуль. Әуежайдың авиациялық қауіпсіздігі

      1. Курсқа кіріспе.

      2. Халықаралық азаматтық авиация қауіпсіздігі жағдайына жалпы шолу жасау:

      1) авиациялық қауіпсіздікті нормативтік – құқықтық қамтамасыз ету.

      3. Адамдардың кіруіне бақылау жүргізу.

      4. Кіруді бақылау – көлік құралдары.

      5. Тыйым салынған заттар мен құрылғылар.

      6. Жарылғыш заттарды және тасымалдауға тыйым салынған басқа заттарды табу.

      7. Ғимаратты тінту рәсімдері.

      8. Патрульдеу және күзет.

      9. Жолаушылар (келушілер) мен жүктерді қарап тексеру.

      10. Адамдар мен жүктерге ілесіп жүру.

      11. Әуе кемелерін ұшу алдындағы және арнаулы қарап тексеру.

      12. Азаматтық әуе кемелерінде қару мен оқ-дәріні тасымалдау процедурасы.

      13. Төтенше жағдайларда АҚҚ мамандарының іс-әрекеті мен өртті сөндіру шаралары.

3-модуль. Персоналды, жолаушылар мен қол жүгін қарап тексеру

      1. Қарап тексерудің техникалық құралдары:

      1) рентген жабдықтарының көмегімен қарап тексеру мақсаты;

      2) рентген жабдықтарының жұмыс істеу принциптері;

      3) рентген жабдықтарын пайдалану. Техникалық өлшемдер;

      4) қауіпсіздік техникасы мен санитарлық нормалар;

      5) қауіпті заттардың суреттерін экранда үлкейтіп көрсету жүйесі (Threat Image Projection).

      2. АҚҚ жете тексеру инспекторларының рөлі мен міндеттері:

      1) жете тексеруге қатысты нормативтік құжаттардың ережелері;

      2) жолаушыларға қызмет көрсету мәдениеті;

      3) жете тексеру топтарының жұмысы;

      4) жолаушылардың агрессиялық мінез-құлқы жағдайында АҚҚ жете тексеру инспекторларының іс-әрекеті.

      3. Жете тексеру бақылау пункттерін ұйымдастыру:

      1) жете тексеру бақылау пунктінің орналасуы;

      2) жете тексеру бақылау пунктін персоналмен жасақтау;

      3) жете тексеру тобында міндеттерді бөлу;

      4) АҚҚ жете тексеру инспекторларының міндеттері (дабыл қаққышты бақылау, рентген жабдықтарымен жұмыс істеу, қолдан жете тексеру және басқалар).

      4. Рентген жабдықтарының суреттерін түсіндіру қағидаттары:

      1) рентген жабдықтарының шектеулері;

      2) суреттерді экранда үлкейтіп көрсету опциялары;

      3) түрлі-түсті талдау;

      4) органика/неорганика;

      5) суретті күшейту функцияларын мақсаты мен тәсілдері.

      5. Тыйым салынған заттарды анықтау:

      1) тыйым салынған заттарды жүк ішінде табу және әртүрлі типтерін анықтау;

      2) тыйым салынған затты анықтаған жағдайдағы іс-әрекеттер;

      3) қауіп-қатерлер анықталған жағдайдағы іс-әрекеттер;

      4) жасыру тәсілдері.

      6. Пайдалану аспектілері:

      1) портативтік компьютерлерді, сыртқы киімді және өзге де заттар мен құралдарды қарап тексеру;

      2) жабдықтарды жұмысқа дайындау;

      3) жұмыс орнын дайындау;

      4) жабдықтарды тестілеу (стандартты тестілік үлгі);

      5) жабдықтарды сөндіру;

      6) жабдықтардың жұмыс істемей қалуы туралы хабарлау;

      7) қол жүгін тасымалдауға қабылдау және қабылдаудан бас тарту өлшемдері;

      8) есепке алу.

      7. Персоналды, жолаушыларды және қол жүгін қолдай қарап тексеру:

      1) қолдай қарап тексеруді жүзеге асыру мақсаты;

      2) қолдай қарап тексеру жүргізу;

      3) адам денесінде тыйым салынған заттарды жасыру тәсілдері;

      4) қол жүгінде тыйым салынған заттарды жасыру тәсілдері;

      5) жолаушының қолдай қарап тексеруден бас тартқан жағдайындағы рәсім;

      6) тыйым салынған заттар табылған жағдайдағы рәсім;

      7) қолдай қарап тексеруді болдырмау;

      8) жолаушылардың ерекше санаттары;

      9) тұрақты негізде іріктеп қолдай қарап тексеру;

      10) сұйықтарды тасымалдау кезіндегі шектеулер.

      8. Стационарлық және портативтік металл іздегіштерді қолдану:

      1) металлдан жасалған заттарды табудың мақсаты;

      2) күнделікті тестілеу (пайдаланушы тиест үлгілері);

      3) жабдықтардың істен шыққаны туралы хабарлау;

      4) дабыл қаққыш іске қосылған жағдайдағы рәсімдер;

      5) есепке алу.

      9. Стерильді аймаққа кіруді бақылау:

      1) кіру шектелген қорғалатын аймақ;

      2) стерильді аймақтар;

      3) кіруді бақылау жүйесі.

4-модуль. Тексеру рентгендік жабдықты қолдана отырып, багажды қарап тексеру

      1. Авиациялық қауіпсіздік міндеттері мен қатерлерді жіктеу.

      2. АҚҚ жете тексеру инспекторларының рөлі мен міндеттері:

      1) Міндеттері;

      2) Жете тексеруге қатысты нормативтік құжаттардың ережелері.

      3. Рентгендік жабдық:

      1) рентгендік жабдықтың көмегімен қарап тексеру мақсаты;

      2) рентгентік жабдықтың жұмыс істеу қағидаттары;

      3) рентгентік жабдықты пайдалану. Техникалық өлшемдер;

      4) қауіпсіздік техникасы мен санитариялық нормалар;

      5) қауіпті заттардың суреттерін түсіндіру жүйесі (Threat Image Projection).

      4. Рентгендік жабдық суретін түсіндіру қағидаттары:

      1) рентгендік жабдықты шектеу;

      2) суреттерді түсінліру опциясы;

      3) түстік талдау;

      4) органика/органика емес;

      5) суретті күшейту функцияларын пайдалану мақсаты мен тәсілдері;

      5. Тыйым салынған заттарды айқындау:

      1) қолдан жасалған жарылу құрылғысының құрамдас элементтері;

      2) жарылғыш заттар, детонаторлар т.б.;

      3) қауіпті заттар;

      4) тыйым салынған заттар табылған жағдайдағы рәсімдер;

      5) қатер анықталған жағдайдағы рәсімдер;

      6) сәйкестендірілмеген заттарға қатысты рәсімдер;

      7) жасыру тәсілдері.

      6. Тіркелген багажды қарап тексеру жүйесі:

      1) тіркелген багажды қарап тексеруді ұйымдастыру;

      2) багажды қабылдау өлшемшарттары мен багажды тасымалдаудан бас тарту;

      3) қатерге күдік келтірілген жағдайдағы рәсімдер.

      7. Багажды қарап тексерудің арнайы рәсімдері:

      1) үлкен габаритті багаж;

      2) ілеспей алып жүретін багажды қарап тексеру рәсімдері;

      3) ұшу экипажының багажын қарап тексеру

      8. Пайдалану аспектілері:

      1) жабдықты жұмысқа дайындау;

      2) жұмыс орнын жұмысқа дайындау;

      3) жабдықты тестілеу (стандартты тестілік үлгі);

      4) жабдықты өшіру;

      5) жабдықтың жұмыс істемейтіні туралы хабарлама;

      6) есепке алу.

      9. Тіркелген багажды қолдай қарап тексеру:

      1) қолдай қарап тексеруді жүзеге асыру мақсаты;

      2) тіркелген багаж қолдай қарап тексеруге түсетін жағдайлар;

      3) жолаушының қатысуымен қарап тексеру рәсімі;

      4) қолдай қарап тексеруге түсетін багаж пайызы (рентгендік жабдықты қауіпті заттардың суретін түсіндіру жүйесінсіз пайдаланған жағдайда);

      5) қолдай қарап тексеруді болдырмау.

      10. Қауіпті жүктерді бейнесін көлеңкелеу жүйесі (ҚЖБК)

5-модуль. Жарылғыш заттардың табу жабдығын (EDS) пайдалана отырып, багажды қарап тексеру

      1. Авиациялық қауіпсіздік міндеттері мен қатерлерді жіктеу.

      2. АҚҚ жете тексеру инспекторларының міндеттері:

      1) Міндеттері;

      2) Жете тексеруге қатысты нормативтік құжаттардың ережелері.

      3. Жарылғыш заттарды табуға арналған жабдық (бұдан әрі – EDS):

      1) EDS көмегімен қарап тексеру мақсаты;

      2) EDS жұмыс істеу қағидаттары;

      3) EDS – типтері, пайдаланылуы мен техникалық сипаттамалары;

      4) қауіпсіздік техникасы мен санитариялық нормалар;

      5) қауіпті заттардың суреттерін түсіндіру жүйесі (Threat Image Projection).

      4. EDS (жарылғыш заттарды табу):

      1) Жарылғыш заттарды автоматты түрде айқындау;

      2) Кәдімгі рентгендік жабдықпен салыстырғанда EDS ерекшелігі;

      3) EDS шектеу;

      4) суреттерді түсіндіру опциялары;

      5) түстік талдау;

      6) органика/органика емес;

      7) суретті күшейту функцияларын пайдалану мақсаты мен тәсілдері.

      5. Тыйым салынған заттарды айқындау:

      1) тыйым салынған заттар;

      2) қолдан жасалған жарылғыш құрылғысының құрамдас элементі

      3) жарылғыш заттар, детонаторлар т.б.;

      4) қауіпті заттар;

      5) тыйым салынған заттар табылған жағдайдағы рәсімдер;

      6) қатер анықталған жағдайдағы рәсімдер;

      7) сәйкестендірілмеген заттарға қатысты рәсімдер;

      8) жасыру тәсілдері.

      6. Тіркелген багажды қарап тексеру жүйесі:

      1) Тіркелген багажды қарап тексеру ұйымдастыру;

      2) Қарап тексерудің көп деңгейлі жүйесі – әр деңгейге арналған рәсімдер;

      3) багажды қабылдау өлшемшарты мен багажды тасымалдаудан бас тарту;

      4) қатьер анықталған жағдайдағы әрекеттер;

      5) әрбір деңгейде шешім қабылдау уақыты;

      6) багаждың жолаушыға тиесілігін анықтау;

      7) қатерге күдік келтірілген жағдайдағы рәсімдер.

      7. Багажды қараудың аранйы рәсімдері:

      1) Үлкен габаритті багаж;

      2) Ілеспей алып жүретін багажды қарап тексеру рәсімдері;

      3) Экипаж мүшелерінің багажын қарап тексеру.

      8. Пайдалану аспектілері:

      1) жабдықты жұмысқа дайындау;

      2) жұмыс орнын жұмысқа дайындау;

      3) жабдықты тестілеу (стандартты тестілік үлгі);

      4) жабдықты өшіру;

      5) жабдықтың жұмыс істемеуі туралы хабарлау;

      6) есепке алу.

      9. Тіркелген багажды қолдай қарап тексеру:

      1) қолдай қарап тексеруді жүзеге асыру мақсаттары;

      2) багаждың қолдай қарап тексеруге түсетін жағдайлары;

      3) жолаушының қатысуымен қарап тексеру рәсімі;

      4) қолдай қарап тексеруге түсетін багаж пайызы;

      5) қолдай қарап тексеруді болдырмау.

6-модуль. Авиакомпаниялардың қауіпсіздігі

      1. Авиациялық қауіпсіздік міндеттері мен қатерлерді жіктеу.

      2. Жолаушыларды тіркеу рәсімі:

      1) қауіпсіздік масқатында жолаушылардан сұрау алу;

      2) жолаушылардың жол жүру құжаттарын бақылау;

      3) топтық тіркеу рәсімі;

      4) транизиттік және трансверттік жолаушыларға арналған рәсімдер;

      5) тіркеу кезінде пайдаланылатын материалдарды қорғау.

      3. Багаждың жолаушыларға тиесілілігін анықтау рәсімі:

      1) жолаушылардың құжаттарын бақылау;

      2) ұшаққа отыруға келмеген жағдайдағы рәсімдер;

      3) багажы тіркелмеген, бірақ өзі тіркелген жолаушы;

      4) тіркелген багажы бар тіркелген жолаушы;

      5) ұшаққа отырғызу кезінде жолаушыларды бақылау;

      6) жолаушыдан ұшаққа отыруға шығу немесе әуе кемесінің трапынан алынатын багажға қатысты рәсімдер;

      7) ұшаққа отыруға кешіккен жолаушыларға қатысты рәсімдер.

      4. Үлкен габаритті багаж.

      5. Жолаушылар тізімі (жолаушы манифест).

      6. Багаж тізімі (багаж манифест).

      7. Келетін және кететін жолаушыларды бөлу.

      8. Тіркелген багаж:

      1) ілесе жүрмейтін багажды өңдеу;

      2) ілесе жүрмейтін багажды тасымалға қабылдау;

      3) ілесе жүрмейтін багаждың қарап тексерілгенін растау;

      4) банажды қорғау;

      5) жабдық жұмыс істемеген жағдайда багажды қарап тексеру рәсімі.

      9. Әуе кемесінің қауіпсіздігі:

      1) Әуе кемесіне кіруді бақылау.

      1. Жүкуті, поштаны, борт тағамын, борт қорын қабылдау.

      2. Пошта мен компания материалдарын қабылдау.

      3. Жарылыс қатері жағдайындағы рәсімдер.

      4. Тосын жағдайдағы қарымта әрекеттер.

      5. Тосын жағдайы туралы хабарлама.

7-модуль. Багаж қауіпсіздігі

      1. Авиациылық қауіпсіздік міндеттері мен қатерді жіктеу.

      2. Багажды өңдеуге қатысатын персоналдың рөлі мен міндеттері.

      3. Кіруді бақылау рәсімі.

      4. Кіру шектелген күзетілетін аймақтар – стерильді аймақтар.

      5. Багажды рұқсаттамасыз өңдеу аймағындағы персоналға қатысты рәсімдер.

      6. Қауіпсіздік мақсатында әуе кемесін – жүк отсегін тексеру/тінту:

      1) тыйым салынған заттарды анықтау;

      2) багажды тиеу/түсіру кезінде жүк отсегінде тыйым салынған заттар табылған жағдайдағы рәсімдер.

      7. Багажды өңдеу аймағында және перронда багажды қорғау.

      8. Әуе кемесіне пошта мен компания материалдарын тиеу.

      9. Багаждың жолаушыларға тиесілігінін анықтау (bingo card, сөмкелерді санау, багаж манифесті т.б.).

      10. Әуе кемесінің қауіпсіздігі:

      1) әуе кемесіне кіруді бақылау;

      2) әуе кемесіне жақындайтын адамдарды тексеру.

8-модуль. Әуе кемелерінің қауіпсіздігі

      1. Авиациялық қауіпсіздік міндеттері мен қатерлерді жіктеу.

      2. Әуежайға кіруді бақылау рәсімі.

      3. Персоналды қарап тексеру.

      4. Экипаж мүшелерінің багажын қарап тексеру және қорғау.

      5. Багаж манифестінде экипаж мүшелері мен жолаушылардың багажын тіркеу.

      6. Қауіпсіздік мақсатында әуе кемесін тексеру:

      1) тексеруге жататын аймақтар тізбесі;

      2) түбіртек-парақты пайдалану;

      3) тексеру жүргізуді жазбаша растау;

      4) тазалау кезінде әуе кемесін тексеру рәсімі (егер қолданылса).

      7. Қауіпсіздік мақсатында әуе кемесін қарап тексеру:

      5) тексеруге жататын аймақтар тізбесі;

      6) түбіртек-парақты пайдалану;

      1) тексеру жүргізуді жазбаша растау.

      8. Оқпен атылатын қаруды және басқа да қауіпті заттарды танып-білу.

      9. Әуе кемесін қорғау – кіруді бақылау:

      1) Рұқсаттамаларды тексеру.

      10. Ұшу уақытында қауіпсіздік шаралары:

      1) ұшу экипажы мүшелерінің кабинасына кіретін есіктің қауіпсіздігін қамтамасыз ету;

      2) ұшу экипажы мүшелерінің кабинасына кіру тәртібі;

      3) кабинет экипажының ұшу экипажымен байланысы;

      4) борттағы қаруланған қауіпсіздік қызметкерлері (егер қолданылса);

      5) бортта қарулы адамдардың бар екені туралы хабарлама.

      11. Борт тағамы мен борт қорларын қабылдау.

      12. Пошта мен авиакомпания материалдарын қабылдау.

      13. Әуе кемесін тазалау құралдары.

      14. Заңсыз араласу актісімен байланысты төтенше жағдайлардағы қарымта әрекеттер:

      1) жарылыс қатері жағдайындағы әрекеттер;

      2) әуе кемесі бортынан жерде тұрған кезде және ұшу уақытында жарылу құрылғысы табылған жағдайдағы рәсімдер;

      3) жарылыс зардабын барынша азайту;

      4) әуе кемесін басып алған кездегі әрекеттер (терорист профилі, қарымта әрекеттер, авиакомпания саясаты, құқық қорғау органдарының рөлі);

      5) қауіпсіздіктің тосын жағдайлары кезіндегі қарымта әрекеттер;

      6) тосын жағдайлар туралы есеп рәсімдері.

9-модуль. Ықтимал қауіпті жолаушылар

      1. Авиациялық қауіпсіздік міндеттері мен қатерлерді жіктеу.

      2. Халықаралық ұйымдар мен Конвенциялар.

      3. Ұлттық және халықаралық реттеу.

      4. Жауаптылыққа тарту.

      5. Қауіпті жолаушыларды жіктеу:

      1) күзетпен ұсталатын адамдар;

      2) тәртіпсіз жолаушылар.

      6. Тәртіпсіз жолаушылардың жүріс-тұрысы – озбырлық және зорлық-зомбылық.

      7. Озбырлық әрекетінің себептері.

      8. Авиакомпания саясаты (ықтимал қауіпті адамдарды тасымалдау туралы хабарлама).

      9. Эпипаждың рөлі мен міндеттері.

      10. Борттағы тәртіптің бұзылу дәрежесі.

      11. Жанжалдарды басқару.

      12. Өзін-өзі қорғау – ұстау материалдарын пайдалану.

      13. Борттағы тәртіптің бұзылуы туралы хабарлама.

      14. Авиациялық қауіпсізідікті қамтамасыз етуге қатысатын мемлекеттік органдарының байланыс.

      15. Күзетпен ұсталатын адамдарға қатысты қосымша қауіпсіздік шаралары.

10-модуль. Борт тағамы/борт қорларының қауіпсіздігі

      1. Авиациялық қауіпсіздік міндеттері мен қатерлерді жіктеу.

      2. Борт тағамының/борт қорларының қауіпсіздігін қамтамасыз етуге жауапты адам.

      3. Борт тағамын/борт қорларын жеткізу жөніндегі компанияның өндірістік және қойма үй-жайларына кіруді бақылау:

      1) Шектеулі кірудің қорғалатын аймақтарына/стерильді аймақтарға кіруді бақылау;

      2) Тауарларды, борт тағамдарын/борт қорларын компания қоймаларына алу.

      4. Борт тағамдарын/борт қорларын заңсыз кіруден қорғау:

      1) мөрлеу рәсімі;

      2) борт тағамын әуе кемесіне тасымалдау – көлік құралдарының қауіпсіздігі;

      3) борт қорларын тиеу, тасымалдау және түсіру рәсімі.

      5. Қауіпті заттарды танып, білу және қауіпті немесе күдікті заттар табылған жағдайдағы шаралар:

      1) қауіпті заттар табылған жағдайда хабарлау рәсімі;

      2) жарылыс қатері туралы телефон хабарламасын алу.

11-модуль. Әуе кемесін тазалауға арналған құралдардың қауіпсіздігі

      1. Авиациялық қауіпсіздік міндеттері мен қатерлерді жіктеу.

      2. Әуе кемелерін тазалауға арналған құралдардың қауіпсіздігін қамтамасыз ету үшін жауапты тұлға.

      3. Компания үй-жайларына кіруді бақылау:

      1) кіруі шектелген күзетілетін аймақта/стерильді аймаққа кіруді бақылау;

      2) компания қоймасына тауарлардың түсуі.

      4. Тазалау құралдарын заңсыз кіруден қорғау:

      1) тазалауға арналған заттарды әуе кемелеріне тасымалдау – көлік құралдарының қауіпсіздігі.

      5. Қауіпті заттарды танып, білу және қауіпті немесе күдікті заттар табылған жағдайдағы әрекеттер:

      күдікті заттар табылған жағдайда хабырлау рәсімі.

      6. Әуе кемесінің бортына кіруді бақылау шаралары.

      7. Жарылыс қатері туралы телефон хабарламасын алу.

      8. Тазалау уақытында әуе кемесінің қауіпсіздігін тексеру рәсімі (егер қолданылса).

12-модуль. Пошта мен жүк қауіпсіздігі

      1. Авиациялық қауіпсіздік міндеттері мен қатерлерді жіктеу.

      2. Жүк пен пошта қауіпсіздігін қамтамасыз ету саласындағы ұлттық реттеу.

      3. Жүк пен пошта қауіпсіздігін қамтамасыз ету жүйесі.

      4. Әуежайдың, авиакомпаниялардың жауапкершілігі.

      5. Жүк пен поштаның қауіпсіздігін қамтамасыз етуге жауапты адамның рөлі мен міндеттері.

      6. Персоналдың жауаптылығы.

      7. Ілеспе құжаттарды тексеру.

      8. Жүк пен поштаны алу және өңдеу.

      9. Жүк пен поштаны қарап тексеру.

      10. Жүк пен поштаны қорғау:

      1) физикалық қорғау;

      2) жүк пен поштаны өңдеу аймағына кіруді бақылау;

      3) келушілерге арналған рәсімдер;

      4) жүк пен поштаны өңдеу аймағындағы таныс емес адамдар;

      5) әуе кемесіне тасымалдау.

      11. Жарылыс қатері туралы хабарлама алу.

      12. Заңсыз араласу актісімен байланысты төтенше жағдайлар кезіндегі қарымта әрекеттер;

      13. Тосын жағдайлар туралы хабарлама.

13-модуль. Көлік құралдарының қауіпсіздігі

      1. Авиациялық қауіпсіздік және қатерлерді жіктеу.

      2. Жүргізушілердің міндеттері.

      3. Көлік құралдарының қауіпсіздігі.

      4. Көлік құралын тиегенге дейін қарап тексеру.

      5. Көлік құралын жабу/мөрлеу.

      6. Жкүті әуе кемесіне тиеу кезіндегі қауіпсіздік.

      7. Ілеспе құжаттар.

      8. Жарылыс қатеру туралы хабарламаны алу.

      9. Заңсыз араласу актісімен байланысты төтенше жағдайлар кезіндегі қарымта әрекеттер.

      10. Тосын жағдайлар туралы хабарлама.

14-модуль. Пошта пен жүктерді қарап тексеру

      1. Авиациялық қауіпсіздік және қатерлерді жіктеу.

      2. АҚҚ жете тексеру инспекторларының рөлі мен міндеттері:

      1) Жете тексеруге қатысты нормативтік құжаттардың ережелері.

      3. Қарап тексерудің техникалық құралдары:

      1) рентгендік жабдық көмегімен қарап тексеру мақсаты;

      2) рентгендік жабдықтың жұмыс істеу қағидаттары;

      3) рентгендік жабдықты пайдалану. Техникалық өлшемдері;

      4) қауіпсіздік техникасы мен санитарлық нормалар.

      4. Рентгендік жабдық суретін түсіндіру қағидаттары:

      1) рентгендік жабдықты шектеу;

      2) суретті түсіндіру опциясы;

      3) түстік талдау;

      4) органика/органика емес;

      5) суретті күшейту функцияларын пайдалану мақсаты мен тәсілдері;

      6) танып, білінбейтін заттар;

      7) сәйкестендірілмеген заттарға қатысты рәсімдер;

      8) жарылыс заттарын, қолдан жасалған жарылыс құрылғылары мен басқа да тыйым салынған заттарды айқындау;

      9) жасыру тәсілдері.

      5. Пайдалану аспектілері:

      1) жабдықты жұмысқа дайындау;

      2) жұмыс орнын дайындау;

      3) жабдықты тестілеу (стандартты тестік үлгілер);

      4) жабдықты өшіру;

      5) жабдықтың жұмыс істемеуі туралы хабарлама;

      6) жүк пен поштаны тасымалдауға қабылдау және қабылдаудан бас тарту өлшемшаттары;

      7) есепке алу.

      6. Жүк пен поштаны қолдау қарап тексеру:

      1) қолдай қарап тексеруді жүзеге асыру мақсаты;

      2) жүк пен пошта қолдау қарап тексеруге түсетін жағдайлар;

      3) көзбен қарап бақылау – күдікті белгілер;

      4) заңсыз араласу белгілеру;

      5) қолдау қарап тексеру жүргізу техникасы;

      6) тыйым салынған зат табылған жағдайдағы рәсімдер;

      7) қатер анықталған жағдайдағы рәсімдер.

15-модуль. Авиациялық қауіпсіздікті басқару

      1. Авиациялық қауіпсіздік және қатерлерді жіктеу.

      2. Авиациялық қауіпсіздік басшыларының рөлі мен міндеттері.

      3. Авиациялық қауіпсіздік саласындағы халықаралық конвенциялар мен құжаттар.

      4. Халықаралық азаматттық авиация ұйымдары (ИКАО).

      5. Азаматтық авиация саласындағы ұлттық реттеу (толық).

      6. Азаматтық авиация саласындағы уәкілеттік орган:

      1) авиациялық қауіпсіздіктің ұлттық жүйесін ұйымдастыру;

      2) авиациялық қауіпсіздік жөніндегі әуежай комитеті;

      3) авиациялық қауіпсіздіктің сапасын бақылау.

      7. Қатерді бағалау және тәуекелдерді басқару.

      8. Кибер қаупі.

      9. Ақпараттық жүйелер және технологиялармен байланысты қорғау шаралары.

      10. Авиациялық қауіпсіздікті қамтамасыз етуге арналған жабдық пен технологиялар.

      11. Азаматтық авиация ұйымдарында авиациялық қауіпсіздікті қамтамасыз етуді ұйымдасытру.

      12. Авиациялық қауіпсіздік бағдарламасы.

      13. Авиациялық қауіпсіздік саласындағы даярлау бағдарламасы.

      14. Персоналды іріктеу және оқыту.

      15. Авиациялық қауіпсіздік сапасын ішкі бақылау бағдарламасы.

      16. Заңсыз араласу актілерімен байланысты төтенше жағдайлар кезіндегі жоспарлау.

Білім алушылардың санаттарына арналған модульдердің атаулары

      Ескерту. 2-қосымшаға өзгеріс енгізілді - ҚР Инвестициялар және даму министрінің 27.06.2017 № 397 (алғаш ресми жарияланған күнінен бастап он күнтізбелік күн өткен соң қолданысқа енгізіледі) бұйрығымен.

Персоналдың әрбір санаттары үшін оқыту жоспары

      Ескерту. 3-қосымшаға өзгеріс енгізілді - ҚР Инвестициялар және даму министрінің 27.06.2017 № 397 (алғаш ресми жарияланған күнінен бастап он күнтізбелік күн өткен соң қолданысқа енгізіледі) бұйрығымен.

Авиациялық қауіпсіздік саласындағы оқудан өткені туралы деректерді есепке алу журналы

ИДМ ААК ЛОГОТИПІ
СЕРТИФИКАТ

      Ескерту. 5-қосымша жаңа редакцияда - ҚР Инвестициялар және даму министрінің 27.06.2017 № 397 (алғаш ресми жарияланған күнінен бастап он күнтізбелік күн өткен соң қолданысқа енгізіледі) бұйрығымен.

      Осы сертификат жұмысқа рұқсат беруді растайды

      _______________________________________________

                              Лауазым атауы, аты-жөні

      Берілген күні ______________

      Әрекет ету мерзімі _________

      М.О. _____________________ (аты-жөні)       уәкілетті органның лауазымды тұлғасы

                  (қолы)       (болған жағдайда)       немесе өзі өкілеттік берген адам

      ИКАО 17-қосымшасының және Қазақстан Республикасының әуе

      кеңістігін пайдалану және авиация қызметі туралы Қазақстан

      Республикасының заңнамаларын іске асыру үшін_________________________

      лауазым атауы

      "___________________" курсын табысты аяқтағаны туралы куәландырады.

      курс атауы, модуль

      Нысаны