Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидаларын бекіту туралы

      "Автомобиль көлiгi туралы" 2003 жылғы 4 шілдедегі Қазақстан Республикасы Заңының 13-бабының 23-16) тармақшасына сәйкес және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

      1. Қоса беріліп отырған Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидалары бекітілсін.

      2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

      1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында және "Әділет" ақпараттық-құқықтық жүйесіне ресми жариялауға жіберуді;

      3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында қарастырылған іс-шаралардың орындалуы туралы мәліметтерді бес жұмыс күні ішінде ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ":

      Қазақстан Республикасының

      Қаржы министрі

      ________________ Б. Сұлтанов

      2015 жылғы 7 қазан

      "КЕЛІСІЛДІ":

      Қазақстан Республикасының

      Ұлттық экономика министрі

      ________________ Е. Досаев

      2015 жылғы 4 қараша

Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидалары

1. Жалпы ережелер

      1. Осы Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидалары (бұдан әрі - Қағидалар) "Автомобиль көлігі туралы" 2003 жылғы 4 шілдедегі Қазақстан Республикасы Заңының 13-бабының 23-16) тармақшасына және "Мемлекеттік көрсетілетін қызметтер туралы" (бұдан әрі - Мемлекеттік көрсетілетін қызметтер туралы заң) 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірленген және әлеуметтік маңызы бар жолаушылар тасымалын жүзеге асырумен байланысты тасымалдаушылардың залалдарын бюджет қаражаты есебінен субсидиялау және "Ауданаралық (қалааралық облысішілік), ауданішілік, қалалық (ауылдық) және қала маңындағы әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау мемлекеттік қызмет көрсету тәртібін айқындайды.

      2. Қоғамның әлеуметтік-экономикалық жағдайына ықпал ететін және тарифтердің қолжетімділік деңгейі мен Қазақстан Республикасының аумағы бойынша халықтың еркін жүріп тұру мүмкіндігін қамтамасыз ету мақсатында ұйымдастырылатын тұрақты қатынастардағы жолаушыларды тасымалдау әлеуметтік мәні бар тасымалдар деп танылады.

      3. Субсидиялауға тарифтерін облыстардың, Нұр-Сұлтан, Алматы және Шымкент қалаларының жергілікті атқарушы органдары (бұдан әрі - жергілікті атқарушы орган) белгілейтін әлеуметтік маңызы бар автомобиль қатынастары арқылы тасымалдауды орындау нәтижелері бойынша пайда болған тасымалдаушының залалдары жатады.

      4. Егер Әдістемеге сәйкес анықталған жолаушыларды тасымалдау тарифі мен жергілікті атқарушы органмен белгіленген әлеуметтік мәні бар автомобиль қатынастары тарифі айырмасы жергілікті бюджеттен субсидияланбаған жағдайда, онда тариф мөлшері жергілікті атқарушы органмен Әдістемеге сәйкес анықтаған жолаушыларды тасымалдау тарифі деңгейінде белгіленеді.

2. Субсидиялауға жататын автомобиль көлігімен жолаушылардың әлеуметтік мәні бар тасымалдары және субсидиялар мөлшерлері

      5. Егер жергілікті атқарушы орган белгілеген жолаушыларды тасымалдау тарифі Әдістемеге сәйкес анықталған жолаушыларды тасымалдау тарифінен төмен болса, аталған маршрут әлеуметтік мәні бар тасымалдаулар санатына жатады.

      6. Өзгерістер мен толықтырулар енгізілуі мүмкін осы Қағидаларға 1-қосымшаға сәйкес нысан бойынша облыстардың, республикалық маңызы бар қалалардың, астананың жергілікті өкілді органы айқындайтын әкімшілік-аумақтық бірліктің жергілікті атқарушы органы үш жылдық мерзімге субсидиялауға жататын әлеуметтік мәні бар автомобиль қатынастары тізбесін жасайды.

      7. Тасымалдаушы тиісті әкімшілік-аумақтық бірліктің жергілікті атқарушы органына осы Қағидаларға 2-қосымшаға сәйкес нысан бойынша Әдістемеге сәйкес анықталған маршруттағы тариф есебін, қалалық (ауылдық) немесе қала маңы қатынастарында жолақысын электрондық төлеу жүйесін пайдаланған жағдайда осы Қағидаларға 2-1 қосымшаға сәйкес нысан бойынша осы Қағидалардың 4-тарауына сәйкес маршрут құны бойынша есебін ұсынады.

      8. Осы Қағидалардың 7-тармағына сәйкес, тасымалдаушы ұсынған есептердің дұрыстығын анықтау және субсидиялауға тиісті әлеуметтік мәні бар қатынастар тізбесіне ұсыныстар қалыптастыру үшін тиісті әкімшілік-аумақтық бірліктің жергілікті атқарушы органы әкімнің өкімімен (ауданаралық (қалааралық облысішілік), ауданішілік, қалалық (ауылдық) және қала маңылық қатынастар) тариф бойынша Комиссия құрады (бұдан әрі – Комиссия).

      Комиссияға жергілікті атқарушы орган әкімінің орынбасары басшылық етеді. Комиссия құрамына жергілікті өкілдік және атқарушы органдардың (жолаушылар көлігі, экономика және бюджеттік жоспарлау мәселелері бойынша уәкілетті), өңір ұлттық кәсіпкерлерінің өңірлік палатасы, заңды тұлғалар және қоғамдық бірлестіктердің автокөлік бірлестіктер өкілдері кіреді. Комиссия құрамына кәсіподақ бірлестіктерінің, тұтынушылар құқығын қорғау қоғамдарының өкілдері кіруі мүмкін.

      9. Мәселе туындаған жағдайда тариф анықтаудың дұрыстығын растау үшін Комиссия тасымалдаушыдан Әдістемеге 1-қосымша болып табылатын Жолаушыларды және багажды автомобильмен тұрақты тасымалдау тарифтерiн қалыптастыруды экономикалық-математикалық моделі аясында тариф есептеуде қолданған құжаттар мен ақпаратты тек бір ғана рет сұратады.

      Комиссия отырысы нәтижесінде тариф анықтаудың дұрыстығын хаттамалық түрде растайды және осы Қағидалардың 7-тармағына сәйкес тасымалдаушыдан есептер түскен күннен бастап 15 жұмыс күні ішінде әлеуметтік мәні бар қатынастар тізбесін жасайды.

      10. Комиссия шешімі ашық дауыс беру жолымен қабылданады, ол құрылымның жалпы санынан үштен екісі болған кезде құқықты.

      Комиссия мүшелерінің жалпы санынан көпшілік дауыс берілген болса, Комиссия шешімі қабылданған болып саналады. Теңбе-тең дауыс берілген жағдайда Комиссия төрағасының дауысы шешуші болып есептеледі.

      11. Әлеуметтік мәні бар тасымалдауларды субсидиялауға бағытталған сомалар көлемін анықтау әрбір қатынасқа мынадай:

      1) Әдістемеге сәйкес анықталған жолаушыларды тасымалдау тариф пен жергілікті атқарушы органмен белгіленген әлеуметтік мәні бар автомобиль қатынастары тариф арасындағы айырмашылық;

      2) жыл сайын жоспарланатын тасымалданатын жолаушылар саны негізінде жүргізіледі;

      3) қалалық (ауылдық) немесе қала маңы қатынастарында жолақысын электрондық төлеу жүйесін пайдаланған жағдайда жолаушылар мен багажды тасымалдаудан түседі деп болжанған табыс және осы Қағидалардың 4-тарауына сәйкес автобустың маршрут бойынша жалпы жылдық жүрісіне (км) сүйене отырып анықталған маршрут құны арасындағы айырмашылық ретінде айқындалған тасымалдарды орындаудан болған залал жатады.

      12. Әлеуметтік мәні бар автомобиль қатынастарын субсидиялау көлемі Әдістемеге сәйкес анықталған жолаушыларды тасымалдау тарифі мен жергілікті атқарушы органмен белгіленген тариф айырмашылығын, жылдарға бөлінген жыл сайынғы болжамдалған тасымалданатын жолаушылар, санына көбейтумен анықталады.

      Қалалық (ауылдық) немесе қала маңы қатынастарында жолақысын электрондық төлеу жүйесін пайдаланған жағдайда тасымалдаушылардың залалын субсидиялауға кететін қаражат көлемі жоспарланған жолаушылар мен багаж тасымалдарының санынан түсетін табыстар және осы Қағидалардың 4-тарауына сәйкес автобустың маршрут бойынша жалпы жылдық жүрісіне (км) сүйене отырып анықталған маршрут құны арасындағы айырмашылық ретінде айқындалады.

      13. Жергілікті бюджеттен субсидиялар төлеуді жүзеге асыруды жоспарлау үшін жергілікті атқарушы орган тиісті жергілікті бюджет бағдарламасы бойынша үш жылға бюджеттік өтінімді әзірлейді және оны мемлекеттік жоспарлау жөніндегі жергілікті уәкілетті органға жібереді.

      Осы Қағидалардың 11 және 12-тармақтарына сәйкес анықталған әлеуметтік мәні бар қатынастарды субсидиялауға арналған қаражат көлемі және әлеуметтік қатынастар тізілімі бюджеттік өтінім үшін негіз болып табылады.

      Жергілікті атқарушы орган жергілікті бюджетті облыстардың, республикалық маңызы бар қалалардың, астананың жергілікті өкілді орган бекіткеннен кейін бір ай мерзімде әлеуметтік мәні бар субсидияланатын автомобиль қатынастары бойынша үш жылдық мерзімге сомалар бекітеді.

      14. Бекітілген бюджет негізінде тасымалдаушы мен жергілікті атқарушы орган арасында Әлеуметтік мәні бар автомобиль қатынастарды субсидиялау, ал қалалық (ауылдық) немесе қала маңы қатынастарында жолақыны электрондық төлеу жүйесін пайдаланған жағдайда тасымалдаушыға субсидияны төлеу үшін жергілікті атқарушы орган, тасымалдаушы және уәкілетті ұйымдар арасында Әлеуметтік мәні бар автомобиль қатынастарды субсидиялау туралы:

      1) осы Қағидалармен анықталған міндеттерді;

      2) жылдарға бөлінген үш жылға болжамдалған жолаушыларды тасымалдау санын;

      3) жылдарға бөлінген үш жылға субсидиялау сомасын;

      4) белгіленген тарифті (тарифтердің торын);

      5) маршрут бойынша Әдістемеге сәйкес анықталған тарифті;

      6) қалалық (ауылдық) немесе қала маңы қатынастарында жолақысын электрондық төлеу жүйесін пайдаланған жағдайда жылдар қимасында үш жылғы бағдарда жүріп өткен болжамдық жиынтық жолын;

      7) ұсынылған растаушы құжаттар сәйкес келмегенде заңсыз түскен субсидияны қайтару туралы міндеттемені қарастыратын шарт (бұдан әрі - Шарт) жасалады.

3. Субсидияларды төлеу тәртібі мен шарттары

      15. Тасымалдаушы есептік айдан кейінгі айдың 15 күніне дейінгі мерзімде жергілікті атқарушы органға осы Қағидаларға 3-қосымшаға сәйкес нысан бойынша әлеуметтік маңызы бар автомобиль қатынастары бойынша нақты тасымалданған жолаушылар туралы ай сайынғы есепті (бұдан әрі - ай сайынғы есеп) жібереді. Қалалық (ауылдық) немесе қала маңы қатынастарында жолақыны электрондық төлеу жүйесін пайдаланған жағдайда Тасымалдаушы келесі есептік айдан кейінгі айдың 10-шы күніне дейінгі мерзімде уәкілетті ұйымға ай сайынғы есеп жібереді, кейін уәкілетті ұйым келесі есептік айдан кейінгі айдың 15-ші күніне дейінгі мерзімде осы Қағидаларға 3-1 қосымшасына сәйкес нысан бойынша орындалған жұмыс туралы ақпаратты жергілікті атқарушы органға ұсынады.

      "Ауданаралық (қалааралық облысішілік), ауданішілік, қалалық (ауылдық) және қала маңындағы әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау" мемлекеттік көрсетілетін қызметті (бұдан әрі - мемлекеттік көрсетілетін қызмет) жергілікті атқарушы органдары жүзеге асырады.

      15-1. Мемлекеттік қызметті алу үшін тасымалдаушы (жеке және заңды тұлғалар) жергілікті атқарушы органға "Азаматтарға арналған үкімет" мемлекеттік корпорациясы" коммерциялық емес акционерлік қоғамы (бұдан әрі - Мемлекеттік корпорация) немесе жергілікті атқарушы органның кеңсесі арқылы осы Қағидаларға 3-2-қосымшаға сәйкес нысан бойынша өтініш және осы Қағидаларға 3-3-қосымшаға сәйкес "Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау" (бұдан әрі - Стандарт) мемлекеттік көрсетілетін қызмет Стандарттың 8-тармағында көзделген тізбеге сәйкес құжаттар пакетін жолдайды.

      Стандарттың 8-тармағында қарастырылған құжаттар тізімінде:

      осы Қағидаларға 4-қосымшаға сәйкес нысан бойынша жасалатын билеттерді сату жөніндегі есеп;

      маршрут (километр) бойынша өткен жолға сүйеніп, қалалық (ауылдық) немесе қала маңы қатынастарында жолақының электрондық төлеу жүйесін пайдаланған жағдайда, осы Қағидаларға 4-қосымшаға сәйкес Тасымалдаушының жолаушыларды маршруттарда тасымалдаумен байланысты шығыстарының көлемі жөніндегі есеп;

      осы Қағидаларға 5-қосымшаға сәйкес нысан бойынша жасалатын жолаушылар тасымалынан түскен қаржылық қаражат туралы есеп;

      осы Қағидаларға 6-қосымшаға сәйкес нысан бойынша жасалатын орындалған жұмыстардың актілері ұсынылады.

      Мемлекеттік қызметті көрсету ерекшеліктері ескеріле отырып, қызметті көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызмет көрсетуге қойылатын негізгі талаптар тізбесі Стандарттың 10-тармағында жазылған.

      16. Әлеуметтік мәні бар субсидияланатын қатынастар бойынша жергілікті бюджеттен субсидиялар төлеуді жергілікті атқарушы орган тоқсан сайын міндеттемелер мен төлемдер бойынша қаржыландыру жоспарына, сондай-ақ Шартқа сәйкес жүргізеді.

      17. Мемлекеттік қызмет көрсетудің жалпы мерзімі 5 (бес) жұмыс күнін құрайды.

      17-1. Мемлекеттік корпорация арқылы құжаттар тапсырылған жағдайда, Мемлекеттік корпорация қызметкері құжаттардың түпнұсқасынан электрондық көшірмесін жасайды, одан кейін түпнұсқаларды тасымалдаушыға қайтарады.

      17-1 Мемлекеттік корпорация арқылы құжаттарды қабылдау кезінде тасымалдаушыға құжаттардың саны мен күнін және мемлекеттік қызметтің нәтижесін алған күнін көрсете отырып, құжаттарды қабылданғаны туралы қолхат беріледі.

      Мемлекеттік корпорацияның қызметкері, егер Қазақстан Республикасының заңдарында өзгеше көзделмесе, көрсетілетін қызметті алушының ақпараттық жүйелерде заңмен қорғалатын құпияны құрайтын мәліметтерді пайдалануға тасымалдаушыдан жазбаша келісімін алады.

      Мемлекеттік корпорацияға жүгінген кезде қабылдау күні мемлекеттік қызмет көрсету мерзіміне кірмейді.

      Мемлекеттік корпорацияға өтініш беру және мемлекеттік қызметтің нәтижесін алу кезінде көрсетілетін қызметті алушы немесе көрсетілетін қызметті алушының өкілі жеке басын куәландыратын құжатты ұсынады, бұдан басқа көрсетілетін қызметті алушының өкілі Қазақстан Республикасының 1994 жылғы 27 желтоқсандағы Азаматтық кодексіне сәйкес оның өкілеттігін растайтын сенімхат ұсынады.

      Мемлекеттік корпорация нәтижені бір ай бойы сақтауды қамтамасыз етеді, содан кейін оларды әрі қарай сақтау үшін көрсетілетін қызметті берушіге береді.

      Тасымалдаушы 1 (бір) айдан кейін жүгінген кезде, Мемлекеттік корпорацияның өтініші бойынша көрсетілетін қызметті беруші дайын құжаттарды көрсетілетін қызметті алушыға жеткізу үшін 1 (бір) жұмыс күні ішінде Мемлекеттік корпорацияға жолдайды.

      Жергілікті атқарушы орган мемлекеттік қызметтің нәтижесін Мемлекеттік қызметті көрсету мерзімі аяқталғанға дейін бір күн бұрын Мемлекеттік корпорацияға жеткізуді қамтамасыз етеді.

      17-2. Жергілікті атқарушы органның кеңсесі арқылы құжаттарды тапсырған кезде тасымалдаушыға келіп түскен күні, сұралған мемлекеттік қызмет түрі, тіркелген құжаттардың нөмірі мен атауы, мемлекеттік қызмет нәтижесін берген күні көрсетілген кез-келген нысанда тиісті құжаттарды қабылдағаны туралы қолхат беріледі.

      17-3. Жергілікті атқарушы орган құжаттарды алған күні тіркейді.

      Жергілікті атқарушы орган заңды тұлғаны мемлекеттік тіркеу (қайта тіркеу) туралы жеке басын куәландыратын құжаттар туралы мәлеметті "электрондық үкімет" шлюзі арқылы тиісті мемлекеттік ақпараттық жүйелерден алады.

      Ақпараттық жүйелерден алуға болатын құжаттарды тасымалдаушыдан талап етуге жол берілмейді.

      17-4. Егер тасымалдаушы Стандартта 8-тармағында көзделген тізбеге сәйкес құжаттардың толық емес топтамасын және (немесе) қолданылу мерзімі өтіп кеткен құжаттарды ұсынған жағдайда Мемлекеттік корпорация қызметкері немесе жергілікті атқарушы органның өтінішті қабылдаудан бас тартады және осы Қағидаларға 6-1-қосымшаға сәйкес нысан бойынша құжаттарды қабылдаудан бас тарту туралы қолхат береді.

      Тасымалдаушы Стандартта 8-тармағында көзделген тізбе бойынша құжаттардың толық топтамасын ұсынған жағдайда, жергілікті атқарушы орган 4 (төрт) жұмыс күні ішінде құжаттарды қарайды және осы Қағидаларға 6-2-қосымшаға сәйкес орындалған жұмыстар актісін қоса бере отырып, субсидия тағайындау туралы хабарлама немесе Стандарттың 9-тармағында көрсетілген негіздер бойынша осы Қағидаларға 6-3-қосымшаға сәйкес субсидияны тағайындамау туралы хабарлама жіберу тәсілімен мемлекеттік қызметті көрсетуден бас тарту туралы дәлелді жауап береді.

      18. Жылдың соңғы күнтізбелік айы үшін бюджеттік субсидияларды төлеу кейіннен келесі жылдың 25 қаңтар мерзімінен кешіктірмей нақты деректер бойынша жасалған есепті ұсына отырып, 20 желтоқсаннан кешіктірмей ұсынылған, болжамды деректер бойынша жасалған субсидияланатын қатынастар бойынша есеп негізінде жүзеге асырылады.

      19. Мемлекеттік қызметтің нәтижесі тасымалдаушыға қағаз түрінде Мемлекеттік корпорация немесе жергілікті атқарушы органның кеңсесі арқылы жіберіледі.

      19-1. Жергілікті атқарушы орган Қазақстан Республикасының Көлік және коммуникация министрінің міндетін атқарушының 2013 жылғы 14 маусымдағы № 452 бұйрығымен бекітілген (Нормативтік құқықтық актілерді мемлекеттік тіркеу тізілімінде № 8555 болып тіркелген) Мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректер енгізу қағидаларына сәйкес мемлекеттік қызмет көрсету сатысы туралы деректерді мемлекеттік қызмет көрсету мониторингінің ақпараттық жүйесіне енгізуді қамтамасыз етеді.

      19-2. Жергілікті атқарушы органның құрылымдық бөлімшелері қызметкерлерінің шешімдеріне, әрекеттеріне (әрекетсіздігіне) шағым жергілікті атқарушы органның басшысының атына беріледі.

      "Мемлекеттік көрсетілетін қызметтер туралы" Қазақстан Республикасы Заңының 25-бабының 2) тармақшасына сәйкес жергілікті атқарушы органның мекенжайына келіп түскен тасымалдаушының шағымы тіркелген күннен бастап 5 (бес) жұмыс күні ішінде қарастырылуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен тасымалдаушының шағымы тіркелген күнінен бастап 15 (он бес) жұмыс күні ішінде қаралуға жатады.

      Мемлекеттік корпорация арқылы мемлекеттік қызмет көрсету кезінде Мемлекеттік корпорация қызметкерлерінің әрекеттеріне (әрекетсіздіктеріне) шағым Мемлекеттік корпорация басшысының атына немесе ақпараттандыру саласындағы уәкілетті органға беріледі.

      Мемлекеттік қызметті көрсету нәтижелерімен келіспеген жағдайда, көрсетілетін қызметті алушы сотқа Қазақстан Республикасының заңнамасында белгіленген тәртіппен жүгіне алады.

4. Тұрақты автобус тасымалын жүзеге асыру үшін маршрут құнын белгілеу тәртібі

      Ескерту. Қағида 4-бөліммен толықтырылды – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      20. Жолаушылар мен багажды автомобильмен тұрақты тасымалдауда автобустарда (микроавтобустарда) жолақысын электрондық төлеу жүйесін пайдалану кезінде белгілі кезеңге маршрут құнын есептеуде немесе жұмыстардың (қызметтердің) белгілі көлемін орындау үшін келесі түрдің экономикалық-математикалық үлгісі пайдаланылады:

      формула (1)

      мұндағы:

      - белгілі кезеңге маршрут құны немесе көлік жұмысының белгілі көлемін орындау үшін;

      - жылжымалы құрам (сыйымдылығы орта және үлкен жылжымалы құрам сатып алу бойынша лизингтік төлемдер, көлік құралдарын сақтандыру құны, сыйымдылығы кіші автобустар бойынша амортизация) сатып алуға тасымалдаушы жұмсайтын нормативтік (есептік) шығындардың жалпы сомасы;

      - тасымалдаушының тікелей нормативтік (есептік) жалпы сомасы (отын, жағармай материалдары, автобустарды жөндеу және оларға техникалық қызмет көрсету, автошиналарды ауыстыру және жөндеу, жүргізушілер мен кондукторлардың еңбекақысы);

      - тасымалдаушының қосымша шығындарының жалпы сомасы;

      - 1,15 тең тасымалдаушының шығындарына есептік рентабельдік коэффициенті (15% ретінде қолданылады);

      - 1,12 тең қосылған құн салығына коэффициент (12% ретінде қолданылады).

      21. Баптар бойынша нормативтік шығындардың іріленген есептері мынадай орындалады:

      1) - жылжымалы құрамды сатып алуға тасымалдаушының нормативтік (есептік) жалпы сомасы мынадай тұрады:

      Сыйымдылығы шағын және үлкен жылжымалы құрамды сатып алу бойынша жылдық лизингтік төлемнің (жылдық аннуитет) көлемі.

      Мына формулада есептеледі:

      формула (2)

      мұндағы:

      - жылжымалы құрамды сатып алу бойынша жылдық лизингтік төлемнің (жылдық аннуитет) көлемі;

      - лизинг келісімшартының мерзімі;

      - бір көлік құралының орта нарықтық құны;

      Бір күнтізбелік жыл ішінде шығарушы зауыттан не ресми делдалдар арқылы сатып алынған автобустар үшін, сатып алу құны осындай болады.

      Қайталама нарықтан сатып алынған, сондай-ақ жалданған автобустардың – орта нарық құны, бағалық қызметін жүзеге асыратын ұйымдармен айқындалады (баға беру мерзімі 6 айға дейін).

      - келісімшарт бойынша лизингтік пайыз мөлшерлемесі;

      - лизинг келісімшарты бойынша аванстық төлем көлемі (көлік құралы құнынан пайыздық мөлшерлеме);

      - 0,8-ге тең лизинг төлемдерін өтеу коэффициенті (80 % ретінде қолданылады).

      Лизинг шартының ағымында жылжымалы құрамды сатып алу бойынша лизингтік төлемдер өтелуге жатады. бұл ретте лизинг (қарыз) шарты 5 жылдан астам мерзімге жасалса, онда өтеуге іс жүзіндегі лизингтік (қарыз) төлемдері қабылданады, егер лизинг (қарыз) шарты 5 жылдан кем мерзімге жасалса, онда өтеу лизинг (қарыз) шарты 5 жылдық мерзім есебінен жүзеге асырылады.

      2) Көлік құралдары иелерінің жауапкершілігін сақтандыру шартын жасасқанда төлеуге жататын жылдық сақтандыру сыйақының мөлшері 1999 жылғы 1 шілдедегі Қазақстан Республикасының азаматтық кодексімен (ерекше бөлім) анықталады.

      3) Жылжамылы құрам сатып алу бойынша лизингтік төлемдер болмаған жағдайда өтеуге жалпы жүріп өткен жолының есебінде маршрутқа бекітілген автобустар бойынша амортизациялаған аударымдар сомасы жатады. Мына формула бойынша есептеледі:

      За = 0,15 х Ам х КР х Ц,

      формула (3)

      мұндағы:

      За - амортизация шығындары;

      0,15 - 15 % көлемінде автокөлік бойынша амортизация нормасы;

      Кр - автобустар резервінің коэффициенті.

      4) - тасымалдаушының тікелей нормативтік (есептік) жалпы сомасы мынадан тұрады:

      - осы маршрутта пайдаланылатын автобустардың жалпы жүріп өткен жолына есептегенде автомобильдік отын шығындары тариф есептелетін күнгі барлық қолданыстағы үстемелер мен 1 литр бензиннің дара бағасын есепке алып, 100 км жұмсалған отын шығындарының базалық нормаларына сүйеніп анықталады:

      формула (4)

      мұндағы:

      0,01 - 100 км-ден 1 км-ға отын шығынын қайта есептеу;

      - төмендегі формула бойынша есептелетін маршрутқа қызмет көрсетуде автобустардың жылдық жүріп өткен жолы:

      формула (5)

      мұндағы:

      - бір жылда маршрутқа қызмет көрсетілген күндер саны (жыл бойы жұмыс істеу режимінде Кж = 365);

      - бағдардағы рейс айналымдарының күнделікті саны;

      - маршруттағы рейс айналымдарының қашықтығы км;

      - күнделікті нөлдік жүріп өткен жол, км;

      Маршрут сипатының көрсеткіштері жұмыс және демалыс күндері бойынша әртүрлі мәндерге тең болса, онда автобустардың жалпы жылдық жүріп өткен жолы осы көлемдерді жинақтаумен жұмыс және демалыс күндері бойынша жеке анықталады.

      - автобустың 100 км жүріп өткен жолына литрмен есептелетін отынды шығындаудың базалық нормалары "Қазақстан Республикасының мемлекеттік органдарына арналған жанар-жағармай материалдары шығыстарының және автокөлікті күтіп ұстауға арналған шығыстардың нормаларын бекіту туралы" Қазақстан Республикасы Үкіметінің 2009 жылғы 11 тамыздағы № 1210 қаулысына (бұдан әрі – Отынды шығындау нормалары) сәйкес анықталады;

      - автобустың маршрутта жұмыс істеу шынайы шарттары үшін базалық нормаға үстемелердің жиынтық коэффициенті Отынды шығындау нормалары сәйкес анықталады;

      - отынның қысқы және жазғы түрлерін пайдалануды есепке алып, тариф есептеу күніне 1 литрдің орташа жылдық дара құны мына формула бойынша анықталады:

      формула (6)

      мұндағы:

      - ККл (коэффициент климаттық) мәнін анықтайтын Отынды шығындау нормаларының 10-шы кесте бойынша кезеңдер шегінде өңір бойынша анықталған бір жылдағы қысқы және жазғы айлар саны.

      - тариф есептеу күніне отынның дара құны (жазғы және қысқы).

      Жазғы кезеңде тариф есептеуде негізге алдыңғы қысқы кезеңде қалыптасқан қысқы отынның 1 литрдің бағасы алынады.

      5) - жанар-жағармай материалдарына шығындар автомобильдік отынға шығындардың 10%-ға тең:

      формула (7)

      6) - жөндеу жұмыстарын және техникалық қызмет көрсету жүргізуге жұмсалатын шығыстар осы маршрутқа қызмет көрсету үшін бекітілген автобустардың құнынан 25% ретінде қабылданады, мына формула бойынша:

      формула (8)

      мұндағы:

      - кесте бойынша маршруттағы автобустардың бір күн ішіндегі саны;

      - автобустар резервінің коэффициенті, (1,2 ретінде тең шығындарды есептеу үшін алынатын кесте бойынша автобустар маршруттарына бекітілгендердің жалпы санының маршрутқа жеткізуге жататын автобустардың санына қатынасы);

      Ц - маршрутта бекітілген 1 автобустың орташа адал нарықтық құны, теңгемен;

      Өндіруші зауыттан немесе ресми делдалдардан сатып алынған автобустар үшін сатып алу құны осындай болады.

      Қайталама нарықтан сатып алынған, сондай-ақ жалданған автобустардың – орта нарық құны, бағалық қызметін жүзеге асыратын ұйымдармен айқындалады (баға беру мерзімі 6 айға дейін).

      7) - маршруттағы автобустардың жылдық жүрісіне есептелген автошиналарды пайдалану шығыстарын мынадай формула бойынша анықтауға болады:

      формула (9)

      мұндағы:

      - бір шина жиынтығының орташа сатып алу бағасы (шина, камера, жиек таспасы), есептеу кезінде теңгемен;

      - автобустағы доңғалақ саны (қосалқы доңғалақсыз);

      - маршрутқа қызмет көрсету кезіндегі автобустардың жалпы жылдық жүрісі;.

      - автошиналар жүрісінің пайдаланымдық нормасы отын шығысының нормасына сәйкес анықталады, км;

      - автошиналар жүрісінің пайдаланымдық нормасын түзету коэффициенті отын шығысының нормасына сәйкес анықталады.

      8) - маршруттағы автобустардың жылдық жүрісіне есептелген автошиналарды пайдалану шығыстарын мынадай формула бойынша анықтауға болады:

      формула (10)

      мұндағы:

      - бір жылда маршрутқа қызмет көрсетілетін айлардың саны (жұмыстың тәулік ішінде режимі кезінде М_р = 12);

      ZВ және ZК – автобус жүргізушісінің орташа айлық жалақысы өтінім бергеннің алдындағы тоқсан негізінде статистика деректері бойынша қалыптасқан тасымалдаушы тіркелген аумақтағы бір қызметкердің орташа айлық жалақысы деңгейінде белгіленеді. Кондуктордың орташа айлық жалақысы жүргізушінің жалақысының 70% деңгейінде белгіленеді;

      - маршрутта әр автобусқа бекітілген жүргізушілердің (кондукторлардың) нормативтік саны;

      - тасымалдаушының есептік деректерімен расталған сомада еңбек жалақысы мен қызметкерлерді сақтандыруға әлеуметтік есептеуін есепке алатын коэффициент.

      1,2 - аурулық, еңбек, оқудағы жұмысшылардың есептеулерін ескеретін түзету коэффиценті.

      9) Ш_ү - үстеме шығыстардың нормативті сомасы осы маршрутқа қызмет көрсету бойынша шығындардың тікелей баптарының жиынтық сомасынан 20% құрайды және мына формула бойынша анықталады:

      Үстеме шығыстарды есептеу сомасы өндіріс шығындарына жататын барлық салық және алымдар түрлерін (қосалқы құн салығы мен кірістің корпоративтік салығынан басқа) қамтиды.

      22. Осы Қағидалардың 20-тармағына сәйкес тасымалдаушы ұсынған есептердің дұрыстығын анықтау және субсидиялауға жататын әлеуметтік мәні бар қатынастар тізбесіне ұсыныстар қалыптастыру үшін тиісті әкімшілік-аудандық бірліктің жергілікті атқарушы органы әкімнің өкімі бойынша Маршрут құнын айқындау жөніндегі комиссияны құрады (ауданішіліктің ауданаралығы, қалалық (ауылдық) және қала маңы қатынастары) (бұдан әрі - Маршрут құнын айқындау жөніндегі комиссия). Комиссия құрамы осы Қағидалардың 8-тармағының екінші бөліміне сәйкес анықталады.

      23. Ұсынылған есептердің дұрыстығын растау үшін Маршрут құнын айқындау жөніндегі комиссия және сұрақтар туындаған жағдайда тасымалдаушыдан осы Қағидалардың 4-бөлімімен көзделген тұрақты автобустық тасымалдарды жүзеге асыру үшін Маршрут құнын айқындау тәртібі шеңберінде есеп айырысқанда пайдаланылған құжаттар мен ақпаратты бір рет қана сұратады.

      24. Отырыстың нәтижелері бойынша Бағдар құнын айқындау жөніндегі комиссия тасымалдаушыға осы Қағидаларға 7-қосымшаға сәйкес нысан бойынша көліктік жұмыс төлеміне есептік шығындары түскен күннен бастап 15 жұмыс күні ішінде бағдар құнын айқындаудың дұрыстығын хаттама түрінде растайды және әлеуметтік мәні бар қатынастар тізбесін қалыптастырады.

      25. Комиссия шешімі осы Қағидалардың 10-тармағына сәйкес қабылданады.

      Нысан

Субсидиялауға жататын әлеуметтік мәні бар автомобиль қатынастар тізбесі

      Ұйым басшысы

      Бас бухгалтер

      МО (бар болса)

      Нысан

Әдістемеге сәйкес анықталған маршруттағы тариф есебі

      Ұйым басшысы

      Бас бухгалтер

      МО (бар болса)

Маршрут құнының есебі

      Ескерту. Қағида 2-1-қосымшамен толықтырылды – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      Ұйым басшысы

      Бас бухгалтер

      Мөрдің орны (бар болса)

      Нысан

      20 __ жылға арналған _________________________

      (ұйымның атауы)

      _________________________ обл. (қала, аудан) бойынша әлеуметтік мәні

      бар субсидияланатын автомобиль қатынастары бойынша нақты тасымалданған жолаушылар бойынша есебі

      Ұйым басшысы

      Бас бухгалтер

      МО (бар болса)

Орындалған жұмыс туралы ақпарат

      Ескерту. Қағида 3-1-қосымшамен толықтырылды – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

_______________________________________________
(уәкілетті ұйымның атауы)
__________________________________ обл. (қала, аудан) бойынша
20___ ж. ___________________ үшін

      Ұйым басшысы

      Бас бухгалтер

      Мөрдің орны (бар болса)

Ауданаралық (қалааралық облысішілік), ауданішілік, қалалық (ауылдық) және қала маңындағы әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялауға арналған өтініш

      Ескерту. 3-2-қосымшамен толықтырылды – ҚР Индустрия және инфрақұрылымдық даму министрінің м.а. 15.05.2020 № 298 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      ________________________________________________________________________________

      ________________________________________________________________________________

      ________________________________________________________________________________

      ақпараттық жүйелердегі заңмен қорғалатын құпияларды қамтитын мәліметтерді

      пайдалануға келісемін 20__ жылғы "___" _________ (қолы).

      20__жылғы "____"__________

      _____________________________

      (қолы, мөрі (бар болған жағдайда)

"Ауданаралық (қалааралық облысішілік), ауданішілік, қалалық (ауылдық) және қала маңындағы қатынастарда әлеуметтік маңызы бар қатынастар бойынша автомобильдік жолаушылар тасымалын жүзеге асырумен байланысты тасымалдаушылардың залалдарын субсидиялау" мемлекеттік көрсетілетін қызмет стандарты

      Ескерту. 3-3-қосымшамен толықтырылды – ҚР Индустрия және инфрақұрылымдық даму министрінің м.а. 15.05.2020 № 298 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Нысан

Билеттерді сату бойынша есеп

      Тасымалдаушының атауы ___________________________________

      теңге

      Ұйым басшысы

      Бас бухгалтер

      МО (бар болса)

Тасымалдаушының жолаушыларды маршруттарда тасымалдаумен байланысты
шығыстарының көлемі жөніндегі есеп

      Ескерту. Қағида 4-1-қосымшамен толықтырылды – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      Ұйым басшысы

      Бас бухгалтер

      Мөрдің орны (бар болса)

      Нысан

Жолаушылар тасымалынан түскен қаржылық қаражат туралы есеп

      Тасымалдаушының атауы ___________________________________

      теңге

      Ұйым басшысы

      Бас бухгалтер

      МО (бар болса)

Орындалған жұмыстар актісі

      Ескерту. 6-қосымша жаңа редакцияда – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      ____________ қаласы 20 __ жылғы "___" _________

      Біз, төменде қол қойған, Тапсырыс берушінің өкілі_________________________

      ____________________________________________________________________

      (басшының лауазымы, тегi, аты, әкесiнiң аты (егер болған жағдайда)

      бір тараптан және Орындаушының өкілі

      ____________________________________________________________________

      (басшының, бас бухгалтердің қолы, тегi, аты, әкесiнiң аты

      (егер болған жағдайда)

      екінші тараптан, 201__ жылғы ________ айына арналған____________________

      (маршруттың атауы, №)

      маршрут бойынша __________________ қатынаста жолаушыларды тасымалдау

      (ішкі облыстық, қалалық)

      бойынша орындалған жұмыстар шарттың талаптарын қанағаттандыратыны

      туралы осы актіні жасадық.

      Тасымалданған жолаушылар саны:

      _____________________________________________________________ құрады.

      (жолаушылар саны цифрмен және жазу үлгісімен)

      Субсидия сомасы:

      _____________________________________________________________ құрады.

      (цифрмен және жазу үлгісімен сомасы, теңгемен)

      Тараптардың заңды мекенжайы:

      мөрдің орны (бар болса) мөрдің орны (бар болса)

Құжаттарды қабылдаудан бас тарту туралы қолхат

      Ескерту. 6-1-тармақпен толықтырылды – ҚР Индустрия және инфрақұрылымдық даму министрінің м.а. 15.05.2020 № 298 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Мемлекеттік көрсетілетін қызметтер туралы" 2013 жылғы 15 сәуірдегі Қазақстан

      Республикасы Заңының 20-бабының 2-тармағын басшылыққа алып, "Азаматтарға арналған

      үкімет" мемлекеттік корпорациясы" коммерциялық емес акционерлік қоғамы филиалының

      № ____ бөлімі (мекенжайы: ___________________________________) мемлекеттік

      көрсетілетін қызмет стандартында көзделген тізбеге сәйкес Сіздер құжаттардың толық

      топтамасын ұсынбау себебінен __________________________________ мемлекеттік қызметті

      көрсетуге құжаттарды қабылдаудан бас тартады, атап айтқанда:

      Ұсынылмаған құжаттардың атауы:

      1)_________________________________________________________________;

      2)_________________________________________________________________;

      3)…

      Осы қолхат әр тарапқа бір-бірден 2 данада жасалған.

      ___________________________________________ ________________

      Тегі, аты, әкесінің аты (бар болған жағдайда) (қолы)

      (Мемлекеттік корпорацияның қызметкері)

      Орындаушының тегі, аты, әкесінің аты (бар болған жағдайда)

      __________________________________________________________________________

      Телефоны__________

      Алдым:___________________________________ ________________________________

      Көрсетілетін қызметті алушының тегі, аты, әкесінің аты (бар болған жағдайда) қолы

      20 ___ жылғы "___" ___________

Субсидияны тағайындау туралы хабарлама

      Ескерту. 6-2-тармақпен толықтырылды – ҚР Индустрия және инфрақұрылымдық даму министрінің м.а. 15.05.2020 № 298 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Құрметті

      ________________________________________________________________________________

      (көрсетілетін қызметті алушы)

      Сізді

      ________________________________________________________________________________

      (субсидияланатын бағыт)

      бағыты бойынша субсидияны тағайындау бойынша шешім туралы хабарлаймыз.

      Сұрақтар туындаған жағдайда,

      _______________________________________________________________ жүгінуді сұраймыз.

      (көрсетілетін қызметті берушіге)

      Орындаушы: _________________________________________ ___________________

      (тегi, аты, әкесiнiң аты (бар болған жағдайда), жеке басын куәландыратын қолы)

      Байланыс телефондары:

      ________________________________________________________________________________

Субсидияны тағайындамау туралы хабарлама

      Ескерту. 6-3-тармақпен толықтырылды – ҚР Индустрия және инфрақұрылымдық даму министрінің м.а. 15.05.2020 № 298 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Құрметті

      ________________________________________________________________________________

      (көрсетілетін қызметті алушы)

      Сізді

      ________________________________________________________________________________

      (субсидияланатын бағыт)

      бағыты бойынша субсидияны тағайындамау бойынша шешім туралы хабарлаймыз.

      Бас тартудың себебі:

      ________________________________________________________________________________

      ________________________________________________________________________________

      ________________________________________________________________________________

      Сұрақтар туындаған жағдайда

      _______________________________________________________________ жүгінуді сұраймыз.

      (көрсетілетін қызметті берушіге)

      Орындаушы: ________________________________________ ____________________________

      (тегi, аты, әкесiнiң аты (бар болған жағдайда), жеке басын куәландыратын қолы)

      Байланыс телефондары:

Тасымалдаушының көліктік қызметін төлеуге арналған есептік шығындар

      Ескерту. Қағида 7-қосымшамен толықтырылды – ҚР Инвестициялар және даму министрінің 31.08.2017 № 589 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

теңге

      Ұйым басшысы

      Бас бухгалтер

      Мөрдің орны (бар болса)