Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидаларын бекіту туралы

      "Қазақстан Республикасының әуе кеңістігін пайдалану және авиация қызмет туралы" 2010 жылғы 15 шілдедегі Қазақстан Республикасы Заңының 14-бабы 1-тармағының 41-25) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңының 10-бабының 1) тармақшасына сәйкес БҰЙЫРАМЫН:

      1. Қоса беріліп отырған Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидалары бекітілсін.

      2. Қазақстан Республикасы Инвестициялар және даму министрлігінің Азаматтық авиация комитеті (Б.К. Сейдахметов):

      1) осы бұйрықты заңнамамен бекітілген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде оның көшірмелерін мерзімді баспа басылымында және "Қазақстан Республикасы Әділет министрлігінің Құқықтық ақпарат республикалық орталығы" шаруашылық жүргізу құқығындағы республикалық мемлекеттік кәсіпорына "Әділет" ақпараттық-құқықтық жүйесіне ресми жариялауға көшірмелерін жіберуді;

      3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шараларды орындау туралы мәліметерді ұсынуды қамтамасыз етсін.

      3. Осы бұйрықтың орындалуын бақылауды өзіме қалдырамын.

      4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Ұлттық экономика министрі

      Е.А. Досаев _______________

      2015 жылғы 18 маусым

Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидалары

      Ескерту. Қағида жаңа редакцияда – ҚР Индустрия және инфрақұрылымдық даму министрінің 31.07.2019 № 597 (01.08.2019 бастап қолданысқа енгізіледі) бұйрығымен.

1-тарау. Жалпы ережелер

      1. Осы Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидалары (бұдан әрі - Қағидалар) "Қазақстан Республикасының әуе кеңістігін пайдалану және авиация қызметі туралы" 2010 жылғы 15 шілдедегі Қазақстан Республикасы Заңының (бұдан әрі - Заң) 14-бабы 1-тармағының 41-25) тармақшасына, сондай-ақ 48-бабына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңы 10-бабының 1) тармақшасына және азаматтық авиация саласындағы халықаралық ұйымдардың авиациялық стандарттарына сәйкес әзірленген (бұдан әрі - ИКАО).

      2. Осы Қағидалар азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау, сертификат беру тәртібін, "Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын беру" мемлекеттік қызмет көрсету тәртібін, сондай-ақ шетелдік ұйымдардың авиациялық техникаға техникалық қызмет көрсету және оны жөндеу жөніндегі сертификаттарын тану тәртібін айқындайды.

      3. Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификаты (бұдан әрі – сертификат) иеліктен шығарылмайтын болып табылады және басқа адамға берілмейді.

      Заңды тұлғаларға қолданыстағы сертификаттың болуынсыз азаматтық авиацияның авиациялық техникасына техникалық қызмет көрсету және жөндеу жүргізуге рұқсат етілмейді.

      4. Осы Қағидаларға 1-қосымшаға сәйкес нысан бойынша авиациялық техникаға техникалық қызмет көрсету және оны жөндеу жөніндегі ұйымның сертификаты қолданылу аясы мен жарамдылық мерзімі көрсетіліп, екі жыл мерзімге беріледі. Қолданылу мерзімі өткен соң сертификат жарамсыз деп есептеледі.

      5. Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттауды (бұдан әрі – сертификаттау) және сертификат беруді азаматтық авиация саласындағы уәкілетті ұйым жүзеге асырады.

      6. Осы қағидаларда мынадай терминдер мен анықтамалар пайдаланылады:

      1) авиация инспекторы – азаматтық авиация саласындағы уәкілетті ұйымның азаматтық және эксперименттік авиация саласындағы сертификаттауды, бақылау мен қадағалауды жүзеге асыруға уәкілетті лауазымды тұлғасы;

      2) авиациялық техника – авиациялық техникалық құралдардың жиынтығы (әуе кемелері, олардың борт жабдықтары және агрегаттары, қозғалтқыштары, құтқарудың авиациялық құралдары, тренажерлер жиынтығы (ұшу симуляторлары), әуе қозғалысын басқарудың жинақтаушы бұйымдары, техникалық құралдары, қондыру мен байланыс навигациялары, сондай-ақ ұшуды орындауға арналған жалпы және арнайы қолдануды жерүсті қамтамасыз ету құралдары, әуе қозғалысын және жерүсті ұшуларды басқаруды ұйымдастыру;

      3) авиациялық техникаға техникалық қызмет көрсету және жөндеу бойынша сертификаты (бұдан әрі – АТ ТҚ және Ж бойынша сертификаты) – авиациялық техникаға техникалық қызмет көрсету және жөндеу жөніндегі ұйымның сертификаттау талаптарына сәйкестігін куәландыратын белгіленген үлгідегі құжат;

      4) авиациялық техниканы жөндеу – авиациялық техниканың жарамдылығы мен жұмысқа қабілеттілігін қалпына келтіру жөніндегі операциялар кешені;

      5) азаматтық авиация саласындағы уәкілетті ұйым (бұдан әрі – уәкілетті ұйым) – жарғылық капиталына мемлекет жүз пайыз қатысатын, Қазақстан Республикасының азаматтық авиация саласын орнықты дамытуды, ұшу қауіпсіздігі мен авиациялық қауіпсіздікті қамтамасыз етуге бағытталған қызметті жүзеге асыратын акционерлік қоғам;

      6) азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның рәсімдері жөніндегі нұсқау –авиациялық техникаға техникалық қызмет көрсету және оны жөндеу жөніндегі ұйымның басшысы бекіткен және авиациялық техникаға техникалық қызмет көрсету және оны жөндеу жөніндегі ұйымның құрылымы және орындалатын жұмыстардың аясы, өндірістік база, техникалық қызмет көрсету рәсімдері мен сапаны қамтамасыз ету жүйелеріндегі оның басшылығының міндеттері туралы толық ақпарат қамтылған құжат;

      7) сапа жүйесі – авиациялық техникаға техникалық қызмет көрсету және жөндеу сапасына әкімшілік басқаруды жүзеге асыру үшін қажетті ұйымдастырушылық құрылымның, құжаттамалық әдістемелердің, процестер мен ресурстардың жиынтығы;

      8) техникалық қызмет көрсету – бақылау қалпына келтіру жұмыстарын, жекелеп, сонымен қатар бірге орындалатын тексеруді, ауыстыруды, ақауларды жоюды қоса алғанда, әуе кемесінің ұшу жарамдылығын сақтауды қамтамасыз ету үшін қажетті жұмыстарды жүргізу, сондай-ақ түрлендіруді іс жүзінде жүзеге асыру;

      9) ұшу жарамдылығы – әуе кемесiнiң қауiпсiздiгi мен ұшу сапасын қамтамасыз ететiн ұшу-техникалық сипаттамаларға сәйкес келетін оның техникалық жай-күйі;

      10) ұшу қауіпсіздігін басқару жүйесі – қажетті ұйымдастырушылық құрылымды, жауапкершілік сатылығын, басшылық ететін қағидаттар мен рәсімдерді қоса алғанда, ұшу қауіпсіздігін басқаруға жүйелі көзқарас (ИКАО Чикаго конвенциясына 6-қосымшаның 1-тарауы).

      7. Сертификаттау үшін "Салық және бюджетке төленетін басқа да міндетті төлемдер туралы" (Салық кодексі) 2017 жылғы 27 желтоқсандағы Қазақстан Республикасының Кодексінде айқындалатын тәртіппен және мөлшерлерде жүзеге асырылады.

      7-1. Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификаты:

      жоспарлы сертификаттау кезінде (бастапқы немесе бұрын берілген сертификаттың қолданылу мерзімі аяқталғаннан кейін);

      ұйым қызметінің аясын кеңейту қажет болған жағдайда беріледі.

2-тарау. Азаматтық авиацияның авиациялық техникасына техникалық қызмет көрсету және жөндеу бойынша сертификаттауды жүргізу және сертификатын беру тәртібі

      8. Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын алу үшін өтініш беруші уәкілетті ұйымға www.egov.kz, www.elicensе.kz "электрондық үкіметтің" веб-порталы (бұдан әрі - портал) арқылы осы Қағидаларға 2-қосымшаға сәйкес нысан бойынша авиациялық техникаға техникалық қызмет көрсететін және жөндейтін ұйымның сертификатын алуға/тануға арналған өтінімді (бұдан әрі - өтінім), осы Қағидаларға 3-қосымшаға сәйкес нысан бойынша авиациялық техникаға техникалық қызмет көрсету және жөндеу жөніндегі ұйымның басшы құрамы туралы мәліметтерді осы Қағидаларға 3-1-қосымшаға сәйкес "Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын беру" мемлекеттік көрсетілетін қызмет стандартында (бұдан әрі-Стандарт) көзделген тізбе бойынша құжаттар топтамасымен бірге жібереді.

      Мемлекеттік қызмет көрсету ерекшеліктері ескеріле отырып, қызмет көрсету процесінің сипаттамаларын, нысанын, мазмұны мен нәтижесін, сондай-ақ өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі Стандартта жазылған.

      8-1. Өтініш берушінің портал арқылы "жеке кабинетіне" жіберген кезде, мемлекеттік қызметті көрсету нәтижесін алудың күнін, орнын көрсету мен мемлекеттік қызметті көрсету үшін сұрау салудың қабылданғаны туралы мәртебе жіберіледі.

      8-2. Өтініш беруші жұмыс уақыты аяқталғаннан кейін, демалыс және мереке күндері жүгінген жағдайда Қазақстан Республикасының еңбек заңнамасына сәйкес мемлекеттік қызмет көрсету бойынша өтінішті тіркеу келесі жұмыс күні жүзеге асырылады.

      9. Сертификаттау мерзімі өтінім уәкілетті ұйымға келіп түскен күнінен бастап 22 (жиырма екі) жұмыс күнінен аспайды. Авиация инспекторларымен қосымша зерделеуді немесе тексеруді жүргізу қажет болған жағдайларда, қарау мерзімі 22 (жиырма екі) жұмыс күнінен аспайтын мерзімге ұзартылуы мүмкін, бұл туралы қарау мерзімін ұзарту туралы шешім қабылданған сәттен бастап 3 (үш) жұмыс күні ішінде өтінім берушіге хабарланады.

      9-1. Уәкілетті ұйым құжаттарды, олар түскен күні тіркейді

      Жеке басты куәландыратын құжаттар туралы, заңды тұлғаны мемлекеттік тіркеу (қайта тіркеу) туралы, дара кәсіпкер ретінде мемлекеттік тіркеу туралы, азаматтық әуе кемесін мемлекеттік тіркеу туралы, пайдаланушы сертификаты, авиациялық жұмыстарды орындау құқығына куәлік, ұшуды орындау құқығына куәлік туралы мәліметтер, азаматтық авиацияның авиациялық техникасына техникалық қызмет көрсету және жөндеу жөніндегі ұйымның сертификаттарын беру үшін бюджетке алым төленгенін растауды уәкілетті ұйым "электронды үкіметтің" шлюзі арқылы тиісті мемлекеттік ақпараттық жүйелерден алады.

      Өтініш берушілерден ақпараттық жүйелерден алынуы мүмкін құжаттар мен мәліметтерді талап етуге жол берілмейді.

      9-2. Өтініш беруші Стандарттың 8-тармағымен көзделген құжаттардың толық емес топтамасын және (немесе) қолданылу мерзімі өткен құжаттарды ұсынған жағдайда, уәкілетті ұйым өтінішті қабылдаудан бас тартады.

      10. Өтініш беруші Стандарттың 8-тармағында көзделген құжаттардың толық топтамасын ұсынған жағдайда, ұсынылған құжаттар Заңның және ИКАО авиациялық стандарттарының талаптарына сәйкестігіне тексеріледі, оның нәтижелері бойынша порталға өтініш берушінің "жеке кабинетіне" құжаттарды қабылдаған сәттен бастап 2 (екі) жұмыс күнінен кешіктірмей сертификаттық тексерудің кезеңі мен тексеру үшін тағайындалған авиациялық инспектордың тегі, аты, әкесінің аты (ол болған кезде) көрсетіле отырып, сертификаттық тексеру жүргізу туралы хабарлама жіберіледі. Сертификаттау рәсімінде өзгерістер болған жағдайда тексеру басталғанға дейін өтініш берушіге "жеке кабинет" қосымша ақпарат жіберіледі.

      11. Сертификаттық зерттеп-қарауды авиация инспекторлары жүзеге асырады, олардың міндеттеріне әуе кемелерін пайдалану, техникалық қызмет көрсету және ұшу жарамдылығын ұстау мәселелері кіреді.

      Сертификаттық зерттеп-қарау 15 (он бес) жұмыс күнінен аспайды.

      12. Сертификаттық зерттеп-қарау осы Қағидаларға 5-қосымшада көрсетілген азаматтық авиацияның авиациялық техникасына техникалық қызмет көрсету және оны жөндеу жөніндегі ұйым қызметінің мәлімделген салаларына және ұйымның сипаттамаларына қарай жүргізіледі.

      Сертификаттық зерттеп-қарауды Қазақстан Республикасының заңнамасына, Халықаралық азаматтық авиация ұйымының (ИКАО) стандарттары мен ұсынылатын практикасына сәйкес әзірленген авиациялық инспекторлары үшін нұсқамалық материалды пайдалана отырып, азаматтық авиация саласындағы уәкілетті ұйымы жүзеге асырады.

      13. Сертификаттық зерттеп-қарау кезінде ұйымдардың Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 196 бұйрығымен бекітілген (нормативтік құқықтық актілерді мемлекеттік тіркеу тізілімінде № 12045 болып тіркелген) авиациялық техникаға техникалық қызмет көрсету және оны жөндеу ұйымдарына қойылатын сертификаттық талаптарға (бұдан әрі – сертификаттық талаптар) сәйкестігін растауға мүмкіндік беретін тексеру рәсімдері іске асырылады.

      14. Сертификаттық зерттеп-қарау нәтижелері бойынша мемлекеттік авиация инспекторлары осы Қағидаларға 6-қосымшаға сәйкес нысан бойынша екі данада өтінім беруші объектілерінің нақты жай-күйі, тұжырымдар, ұсынымдар және сертификатты беру мүмкіндігі (мүмкін еместігі) туралы қорытынды көрсетілген сертификаттық зерттеп-қарау актісін жасайды, оған соңында авиация инспекторлары қол қояды және өтінім берушіге танысу үшін ұсынылады.

      Сертификаттық зерттеп-қарау кезінде анықталған сәйкессіздіктер үш санатқа бөлінеді:

      1) 1-санат – қызметті жүзеге асыруға кедергі келтірмейтін және өндірісті жетілдіру кезінде оны жоюға жататын сертификаттық талаптарға сәйкессіздігі;

      2) 2-санат – уәкілетті ұйымымен келісілген немесе шектеулерді енгізген мерзімде оны жойған жағдайда қызметті жүзеге асыруға кедергі келтірмейтін сертификаттық талаптарға сәйкессіздігі;

      3) 3-санат – қызметті жүзеге асыруға кедергі келтіретін сертификаттық талаптарға сәйкессіздігі.

      15. 3-санаттағы сертификаттау талаптарына сәйкессіздіктер өтінім берушінің техникалық және қаржылық мүмкіндіктеріне қарай, адамның өмірі мен денсаулығын, қоршаған ортаны қорғауды, ұшу қауіпсіздігі мен авиациялық қауіпсіздікті қамтамасыз етуге өтінім берушінің қабілетсіздігімен сипатталады.

      3-санаттағы сертификаттау талаптарына сәйкессіздік кезінде уәкілетті ұйым сертификат беруден бас тартады не өтінім беруші анықталған сәйкессіздіктерді жойған кезге дейін Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында белгіленген жағдайларда және тәртіппен сертификаттың қолданысын шектейді.

      16. 2-санаттағы сертификаттық талаптарға сәйкес келмеген кезде уәкілетті ұйым:

      1) анықталған сәйкессіздікті жою үшін ол анықталған кезден бастап үш айдан аспайтын мерзімді белгілейді. Өтініш беруші анықталған сәйкессіздікті жою бойынша 7-қосымшаға сәйкес нысан бойынша түзету іс-қимылдарының жоспарын әзірлейді және сертификаттық тексеру нәтижелерімен танысқан сәттен бастап 10 (он) жұмыс күні ішінде уәкілетті ұйымға бекітуге ұсынады;

      2) анықталған сәйкессіздікті жою бойынша өтініш беруші ұсынған шараларды бағалау негізінде түзету іс-қимылдарының жоспарын бекітеді не оны негіздемесімен бірге пысықтауға қайтарады.

      Түзету іс-қимылдарының жоспарында көрсетілген мерзімді өтініш беруші оны өзгерту қажеттілігі туралы негіздеме ұсынған жағдайда уәкілетті ұйым ұзартады.

      Өтініш беруші осы тармақтың 1) тармақшасында көрсетілген мерзімде түзету іс-қимылдарының қолайлы жоспарын ұсынбаған жағдайда, уәкілетті ұйым сертификат беруден бас тартады.

      Түзету іс-қимылдарының қолайлы жоспары себептерді жою және сәйкессіздіктің қайталануын болдырмау жөніндегі іс-қимылдарды қамтиды.

      17. Уәкілетті ұйым қайта тексеру жүргізу жолымен ұсынылған түзету іс-қимылдарының жоспарына сәйкес өтініш берушінің сәйкессіздіктерін жоюына бақылауды жүзеге асырады.

      Егер өтініш беруші түзету әрекеттерін белгіленген мерзімде орындамаса, 2-санаттағы сертификаттық талаптарға сәйкес келмеуі 3-санаттағы сертификаттық талаптарға сәйкес келмейді және уәкілетті ұйым бұрын берілген сертификатты кері қайтарып алады не шектейді.

      1-санаттағы сертификаттау талаптарына сәйкес келмеген жағдайда түзету іс-қимылдарының жоспары талап етілмейді. Сәйкессіздік деректері мынадай жоспарлы инспекцияға немесе сертификаттауға дейін жойылады.

      17-1. Сертификаттық зерттеп-қарау актісі негізінде және қосымша зерделеуді немесе тексеруді жүргізу қажет болмаған жағдайларда уәкілетті ұйым авиациялық техникаға техникалық қызмет көрсету және жөндеу жөніндегі ұйымның сертификатын не Стандарттың 9-тармағымен көрсетілген негіздер бойынша мемлекеттік қызмет көрсетуден бас тарту туралы жауапты рәсімдейді және уәкілетті ұйымның уәкілетті адамының ЭЦҚ қол қойылған электрондық құжат нысанында өтініш берушінің порталдағы "жеке кабинетіне" жібереді.

      Мемлекеттік қызметті көрсетуден бас тарту үшін негіздер анықталған жағдайда, уәкілетті ұйым өтініш берушіге мемлекеттік қызмет көрсетуден бас тарту туралы алдын ала шешім туралы, сондай-ақ өтініш берушіге алдын ала шешім бойынша ұстанымын білдіру мүмкіндігі үшін тыңдауды өткізу уақыты, күні және орны (тәсілі) туралы хабарлайды.

      Тыңдау туралы хабарлама Қазақстан Республикасының Әкімшілік рәсімдік-процестік кодексінің (бұдан әрі – ҚР ӘРПК) 73-бабына сәйкес мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабардар етілген күннен бастап 2 (екі) жұмыс күнінен кешіктірілмей жүргізіледі.

      Тыңдау қорытындылары бойынша мемлекеттік қызмет көрсету нәтижесі немесе мемлекеттік қызмет көрсетуден дәлелді бас тарту қалыптастырылады.

      17-2. Өтініш беруші осы Қағидалардың 9-2-тармағында көрсетілген мемлекеттік қызмет көрсету бойынша өтінішті қабылдаудан бас тарту себептерін жойған жағдайда, өтініш беруші мемлекеттік қызметті алу үшін қайта өтініш бере алады.

      18. Уәкілетті ұйым мемлекеттік қызметтерді көрсету мониторингінің ақпараттық жүйесіне "Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын беру" мемлекеттік қызметті көрсету сатысы туралы деректерді енгізуді Қазақстан Республикасы Көлік және коммуникация министрінің міндетін атқарушының 2013 жылғы 14 маусымдағы № 452 бұйрығымен (нормативтік құқықтық актілерді мемлекеттік тіркеу тізілімінде № 8555 болып тіркелген) бекітілген мемлекеттік қызметтерді көрсету мониторингінің ақпараттық жүйесіне мемлекеттік қызметтер көрсету сатысы туралы деректерді енгізу Қағидаларына сәйкес қамтамасыз етеді.

      19. Уәкілетті ұйымның әкімшілік актіні әкімшілік (сотқа дейінгі) тәртіппен қабылдауға байланысты әкімшілік әрекетіне (әрекетсіздігіне) шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган Қазақстан Республикасының заңнамасына сәйкес жүргізеді.

      Өтініш берушінің шағымы "Мемлекеттік көрсетілетін қызметтер туралы" Қазақстан Республикасы Заңының 25-бабының 2-тармағына сәйкес: 

      уәкілетті ұйымның – оны тіркеген күннен бастап 5 (бес) жұмыс күні ішінде; 

      азаматтық авиация саласындағы уәкілетті органның, мемлекеттік қызметтер көрсету сапасын бағалау және бақылау жөніндегі уәкілетті органның оны тіркеген күннен бастап 15 (он бес) жұмыс күні ішінде қарауына жатады.

      Шағым Қазақстан Республикасының заңнамасына сәйкес уәкілетті ұйымға және (немесе) азаматтық авиация саласындағы уәкілетті органға және (немесе) шешіміне, әрекетіне (әрекетсіздігіне) шағым жасалып отырған лауазымды тұлғаға, сондай-ақ мемлекеттік қызметтер көрсету сапасын бағалау және бақылау жөніндегі уәкілетті органға беріледі. 

      Уәкілетті ұйым, азаматтық авиация саласындағы уәкілетті орган, шешіміне, әрекетіне (әрекетсіздігіне) шағым жасалып отырған лауазымды адам шағым келіп түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте, егер 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылданса, уәкілетті ұйым, азаматтық авиация саласындағы уәкілетті орган, лауазымды адам, шешімге, әрекетке (әрекетсіздікке) шағым жасайды, шағымды қарайтын органға шағым жібермейді.

      20. Уәкілетті ұйымның, азаматтық авиация саласындағы уәкілетті органның, мемлекеттік қызметтер көрсету сапасын бағалау және бақылау жөніндегі уәкілетті органның Мемлекеттік көрсетілетін қызметтер туралы Заңның 25-бабының 2-тармағына сәйкес шағымды қарау мерзімі:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу қажет болған жағдайларда он жұмыс күнінен аспайтын мерзімге ұзартылады.

      Шағымды қарау мерзімі ұзартылған жағдайда шағымдарды қарау жөніндегі өкілеттіктер берілген лауазымды адам шағымды қарау мерзімі ұзартылған кезден бастап 3 (үш) жұмыс күні ішінде шағым берген өтініш берушіге ұзарту себептерін көрсете отырып, шағымды қарау мерзімін ұзарту туралы жазбаша түрде (шағым қағаз жеткізгіште берілген кезде) немесе электрондық нысанда (шағым электрондық нысанда берілген кезде) хабарлайды.

      Егер Қазақстан Республикасының заңдарында өзгеше көзделмесе, сотқа жүгінуге ҚР ӘРПК-нің 91-бабының 5-тармағына сәйкес сотқа дейінгі тәртіппен шағым жасалғаннан кейін жол беріледі.

3-тарау. Азаматтық авиацияның авиациялық техникаға техникалық қызмет көрсету және жөндеу сертификатының қолданылуын тоқтату және кері қайтару

      21. Уәкілетті ұйым мынадай жағдайларда:

      1) ұйымның сертификаттық талаптар мен шектеулерді сақтамауы;

      2) ұйымның "Қазақстан Республикасының азаматтық әуе кемелерін техникалық пайдалану және оларды жөндеу қағидаларын бекіту туралы" Қазақстан Республикасы Инвестициялар және даму министрінің 2015 жылғы 30 сәуірдегі № 551 бұйрығын (Қазақстан Республикасы нормативтік құқықтық актілерінің мемлекеттік тіркеу тізілімінде № 11573 болып тіркелген) сақтамауы;

      3) Заңның 16-3-бабының ережелеріне сәйкес немесе инспекциялық тексеру кезінде белгіленген ұшу қауіпсіздігіне әсер ететін бірінші деңгейдегі бұзушылықтар анықталған;

      4) ұйымның жазбаша өтінімі болған жағдайда сертификаттың қолдануын тоқтатады.

      22. Сертификаттың қолданысын тоқтатқан немесе қайтарып алған жағдайда уәкілетті ұйым 3 (үш) жұмыс күні мерзімінде қабылданған шешім туралы ұйымға хабарлайды.

      23. Егер ұйым түзету іс-қимылдарының жоспарымен белгіленген мерзімдер сертификаттың қолданылуын тоқтатуға әкелетін сәйкессіздіктерді және (немесе) бұзушылықтарды жоймаған жағдайда уәкілетті ұйым оны қайтарып алады. Ұйым сертификатты кері қайтару кезінде хабарламаны алған сәттен бастап 3 (үш) жұмыс күні ішінде уәкілетті ұйымға (азаматтық авиация саласындағы уәкілетті орган бұрын берілген) оның түпнұсқасын қайтарады.

      24. Сертификаттың қолданысы тоқтатылған жағдайда оны жаңарту ұйым құжаттаманы растайтын қосымшамен бірге, жоспармен белгіленген мерзімде түзету іс-қимылдарының жоспарын орындағаннан кейін жүзеге асырады.

      Ұйымның түзету іс-қимылдары туралы жоспарын орындауын уәкілетті ұйым тексеру арқылы белгілейді.

      25. Уәкілетті ұйым тексеруді аяқтаған сәтінен бастап ұйымды 3 (үш) жұмыс күні ішінде сертификаттың қолданысын жаңарту немесе жаңартудан бас тарту бойынша шешім туралы жазбаша хабардар етеді.

4-тарау. Азаматтық авиацияның авиациялық техникасына техникалық қызмет көрсету және жөндеу жөніндегі сертификатына өзгерістер мен (немесе) толықтырулар енгізу тәртібі

      26. Сертификатқа өзгерістер енгізу үшін ұйым уәкілетті ұйымға бұрын берілген сертификаттың қосымшасымен еркін нысанда өтінім ді уәкілетті ұйымға береді.

      Бұрын берілген сертификат оны жою тәсілін көрсете отырып еркін нысанда жою актісіне сәйкес жойылуға жатады.

      27. Сертификатқа өзгеріс пен (немесе) толықтыру мынадай:

      1) ұйымның атауы, ұйымдастырушылық-құқықтық нысаны немесе заңды және нақты мекенжайы өзгерген;

      2) сертификаттың қолданылу аясы кеңейген жағдайларда енгізіледі.

      28. Сертификатқа өзгерістер енгізу мерзімі:

      1) ұйымның атауы, ұйымдастырушылық-құқықтық нысаны немесе заңды және нақты мекенжайы өзгерген жағдайларда – бес жұмыс күн ішінде;

      2) сертификаттың қолданылу аясын кеңейту жағдайларында – жиырма екі жұмыс күні ішінде.

      29. Сертификаттың қолданылу саласын кеңейту кезінде өтініш беруші уәкілетті ұйымға азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын алу үшін осы Стандарттың 8-тармағында көзделген тізбеге сәйкес құжаттарды жібереді.

5-тарау. Авиациялық техникаға техникалық қызмет көрсету және оны жөндеу жөніндегі шетелдік ұйымдардың сертификаттарын тану

      30. Шетелдік мемлекеттердің авиациялық техникасына техникалық қызмет көрсету және оны жөндеу жөніндегі сертификатталған ұйымдар (бұдан әрі – шетелдік ұйымдар) уәкілетті ұйымның олардың сертификаттарын танығаннан кейін техникалық қызмет көрсету және оны жөндеу жұмыстарына рұқсат етіледі.

      Тіркеуі Қазақстан Республикасының азаматтық әуе кемелерінің мемлекеттік тізілімінде жүзеге асырылған, Қазақстан Республикасы азаматтық авиациясының авиациялық техникасына техникалық қызмет көрсету және оны жөндеуді жүзеге асыруға ниетті шетелдік ұйымдардың сертификаттары тануға жатады.

      30-1. Шетелдік ұйымдардың сертификаттарын тану мынадай жұмыс түрлерін орындау кезінде талап етіледі:

      1) әуе кемелеріне мерзімді техникалық қызмет көрсету және жөндеу;

      2) тұрақты негізде шарттар жасасу кезінде әуе кемелеріне жедел техникалық қызмет көрсету;

      3) әуе кемелерінің қозғалтқыштарын, қосалқы күш қондырғыларын модификациялау және жөндеу.

      31. Шетелдік ұйымдардың сертификаттарын тану тәртібі шетелдік ұйымдарға, егер сертификат берілген талаптар ИКАО талаптары мен стандарттарына және Қазақстан Республикасында қолданыстағы сертификаттау талаптарына сәйкес келген жағдайда қолданылады.

      32. Шетелдік ұйымдардың авиациялық техникаға техникалық қызмет көрсету және оны жөндеу жөніндегі сертификаттарын тануды (бұдан әрі – сертификатты тану) осы Қағидаларға 8-қосымшаға сәйкес нысан бойынша Шетелдік ұйымдардың авиациялық техникаға техникалық қызмет көрсету және оны жөндеу жөніндегі сертификаттарын тану туралы шешім түрінде (бұдан әрі – Сертификатты тану туралы шешім) уәкілетті ұйым ресімдейді, онда шетелдік ұйым көрсетіледі, онда сертификат танылады және Сертификатты тану туралы шешімнің қолданылу мерзімін белгілейді.

      33. Шетелдік ұйымдарың сертификаты уәкілетті ұйымымен оны қолданудың барлық мерзімінде танылады.

      34. Сертификатты тану туралы шешімді алу үшін өтініш беруші уәкілетті ұйымға осы Қағидаларға 2-қосымшаға сәйкес нысан бойынша Азаматтық авиацияның авиациялық техникасына техникалық қызмет көрсету және жөндеу жөніндегі ұйымның сертификатын алуға/тануға арналған өтінімді (бұдан әрі – тануға арналған өтінім) жібереді.

      Тануға арналған өтінімге мынадай құжаттар қоса беріледі:

      1) шетелдік ұйым сертификатының көшірмесі;

      2) авиациялық техникаға техникалық қызмет көрсетуді және жөндеуді ұйымдастыру рәсімдері жөніндегі нұсқаулық қазақ не орыс немесе ағылшын тілдерінде.

      35. Ұсынылған құжаттарды қарау процесінде Уәкілетті ұйым осы ұйымды сертификаттауды жүзеге асырған шет мемлекеттің авиациялық әкімшілігі берген шетелдік ұйым сертификатының жарамдылығымен куәландырылады, сондай-ақ шетелдік ұйымның уәкілетті ұйымының авиациялық инспекторының (инспекторларының) сертификаттау талаптарына сәйкестігі тұрғысынан көшпелі тексеру жүргізеді.

      Шетелдік ұйымдарды көшпелі тексеру мынадай жағдайларда талап етілмейді:

      1) әуе кемелерінің қозғалтқыштарын, қосалқы күштік қондырғыларын модификациялау және жөндеу кезінде;

      2) жеңіл және аса жеңіл әуе кемелеріне техникалық қызмет көрсету және жөндеу кезінде.

      36. Шетелдік ұйымдардың сертификатын тану Халықаралық азаматтық авиация ұйымының ИКАО талаптары мен стандарттарына сәйкес әзірленген нұсқамалық материалды пайдалана отырып, шетелдік ұйымның мәлімделген қызмет саласына қатысты жүзеге асырылады.

      37. Сертификатты тану және сертификатты тану туралы шешімді беру рәсімдерінің жалпы мерзімі 22 (жиырма екі) жұмыс күнін құрайды.

      Қажетті ақпаратты зерделеу, тексеру немесе алу үшін қосымша уақыт қажет болған жағдайда өтінімді қарау мерзімі 22 (жиырма екі) жұмыс күнінен аспайтын мерзімге ұзартылады, бұл туралы тануға өтінімді беруші қарау мерзімін ұзарту туралы шешім қабылданған сәтінен бастап 3 (үш) жұмыс күні ішінде өтінім берушіге хабарлайды.

      38. Сертификатты тану туралы шешім ұсынылған құжаттар және жүргізілген сертификаттық тексеру негізінде беріледі. Уәкілетті ұйым тануға өтінімді алған сәттен бастап 22 (жиырма екі) жұмыс күні ішінде сертификатты тану туралы шешімді беруді немесе беруден дәлелді бас тартуды жүзеге асырады.

      39. Уәкілетті ұйым мынадай:

      1) сертификатты және (немесе) оларда қамтылған деректерді (мәліметтерді) тану туралы шешімді алу үшін өтінім берушінің ұсынған құжаттардың анық еместігін белгіленген;

      2) өтінім берушінің және (немесе) Сертификатты тану туралы шешімді беру үшін қажетті ұсынылған материалдардың, объектілердің, деректер мен мәліметтердің осы Қағидалармен немесе сертификаттық талаптармен белгіленген талаптарға сәйкессіздігі жағдайларында өтінім берушіге Сертификатты тану туралы шешімді беруден бас тартады.

      40. Сертификатты тану туралы шешім бүлінген немесе жоғалған (ұрланған) жағдайда көрсетілген құжаттың қолданысы тоқтатылады. Сертификатты тану туралы шешімнің телнұсқасын алу үшін өтінім беруші уәкілетті ұйымға еркін нысанда өтінім жібереді.

      41. Уәкілетті ұйым өтінімді алған сәттен бастап 5 (бес) жұмыс күні мерзімінде Сертификатты тану туралы шешімнің телнұсқасын өтінім берушіге береді, онда оң жақ жоғары бұрышында "Телнұсқа" деген белгісі қойылады.

Таңба Уәкілетті ұйымның атауы

      Ескерту. 1-қосымша жаңа редакцияда – ҚР Индустрия және инфрақұрылымдық даму министрінің м.а. 03.11.2020 № 589 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Авиациялық техникаға техникалық қызмет көрсету және жөндеу жөніндегі ұйымның сертификаты Сертификат организации по техническому обслуживанию и ремонту авиационной техники Certificate of Aircraft Maintenance Organization № ______

      Осы Сертификат авиациялық техникаға техникалық қызмет көрсету және жөндеу жөніндегі ұйым сертификаттау талаптарына және техникалық қызмет көрсететін ұйымның қызметі жөніндегі нұсқауына сәйкес келетінін куәландырады.

      Сертификатты Сертификаттық тексеру актісінің негізінде

      ____________________________________________________________________ берді.

      (азаматтық авиация саласындағы уәкілетті ұйымның атауы)

      20____жылғы "___" ___________ № _______

      Инспекциялық бақылауды ____________________________________ жүзеге асырады.

      (азаматтық авиация саласындағы уәкілетті ұйымның атауы)

      Настоящий сертификат удостоверяет, что организация по техническому обслуживанию и ремонту авиационной техники соответствует сертификационным требованиям и соблюдает процедуры Руководства по процедурам организации технического обслуживания и ремонту авиационной техники.

      Сертификат выдан на основании акта сертификационного обследования

      ________________________________________ от "__"______ 20__ г. № ___

      (наименование уполномоченной организации в сфере гражданской авиации)

      Инспекционный контроль осуществляет

      __________________________________________________________________

      (наименование уполномоченной организации в сфере гражданской авиации)

      This certificate confirms that the organization for maintenance and repair of aircraft meets the certification requirements and follows the procedures Manual for the procedures for the organization of maintenance and repair of the aviation equipment.

      The certificate was issued in accordance with inspection act

      ____________________________________________________ Date of issue "__" ___ 20__

      (Name of Civil Aviation Authorized Organization Republic of Kazakhstan)

      Inspection control exercises

      ____________________________________________________

      (Name of Civil Aviation Authorized Organization Republic of Kazakhstan)

      Уәкілетті ұйымың қызметшісі немесе оның уәкілеттік берген тұлғасы Служащий уполномоченной организации либо лицо, им уполномоченное Employee authorized organization or Employee authorized by him

Сертификаттың қолданылу аясы

      Сертификаттың қолданылу саласы авиациялық техникаға техникалық қызмет көрсету және жөндеу жөніндегі ұйымның рәсімдері жөніндегі бекітілген басшылыққа сәйкес техникалық қызмет көрсету бойынша орындалатын жұмыстардың көлемімен шектеледі.

      Certificate scope is limited to the work scope in accordance with the approved Maintenance organization exposition Руководство по процедурам организации по техническому обслуживанием и ремонту авиационной техники/ Maintenance organisation exposition Ссылочный номер/ Reference number Дата и номер изменения/ Date & revision number

      Уәкілетті ұйымның қызметшісі не ол уәкілеттік берген тұлға

      Employee authorized organization or Employee authorized bym

Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын алуға/тануға өтінім Application for receipt / recognition of a Certificate of an Organization for maintenance and repair of Civil Aviation Aircraft

      Ескерту. 2-қосымша жаңа редакцияда – ҚР Индустрия және инфрақұрылымдық даму министрінің м.а. 03.11.2020 № 589 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. АТ ТҚ және Ж жөніндегі ұйымның атауы /

      2. Name of the Organization (MRO): __________________________________

      3. Ұйымның тіркеу орны және тіркеу нөмірі (шифр)/

      4. Place of registration of the Organization and registration number (code): ____________

      5. Өндірістік базаның орналасқан жері /

      6. Location of the Base: __________________________________

      7. Пошталық мекенжайы / Postal address: __________________________________

      8. Телефон/

      Phone: __________________________________

      9. Телеграф/

      10. Telegraph: __________________________________

      11. Факс/

      12. Fax: __________________________________

      13. Есеп айырысу шоты /

      Payment account: __________________________________

      14. Бизнес-сәйкестендіру нөмірі (БСН)/

      15. Business identification number (BIN): __________________________________

      16. Электрондық мекен-жайы /

      e-mail: __________________________________

      17. Өтінім беру себебі (қажеттісінің астын сызу)/

      Reason for submitting the application (underline):

      ● АТ ТҚ және Ж жөніндегі ұйымның сертификатын алуға бастапқы өтінім /Initial Application for the Certificate of the Organization (MRO);

      ● АТ ТҚ және Ж бойынша жұмыстар түрлерінің (кешендерінің) тізбесін толықтыру /Addition to the list of work types (complex) of MRO;

      ● авиациялық техника типтерінің тізбесін толықтыру /Addition to the list of types of Aircraft;

      ● кезекті мерзімге сертификаттау /Certification for the next term;

      ● АТ ТҚ және Ж жөніндегі ұйымның сертификатын қайтарып алғаннан/жойғаннан кейін сертификаттау /Certification after revocation/cancellation of the Certificate of the MRO;

      ● АТ ТҚ және Ж жөніндегі ұйымның негізгі деректерін өзгерту / Change of the main data of the Organization (MRO);

      ● басқа да себептер / other reasons (specify).

      18. Өтінімнің мазмұны/The content of the Application.

      Мен, төменде қол қойғанмын,

      __________________________________________________________________________

      (Ұйым басшысының Тегі, Аты, Әкесінің аты (бар болса))

      бекітілген Жарғы (Ереже) негізінде

      (тіркелген) __________________ (күні) __________________

      техникалық қызмет көрсету жөніндегі ұйымды сертификаттауды жүргізуді және

      мынадай авиациялық техниканы орындау құқығына

      төменде көрсетілген қызмет нысандары/I, the undersigned,

      __________________________________________________________________________

      (Surname Name Patronymic of the Accountable Manager (if any) of the Organization (MRO))

      acting on the basis of the Charter (Regulation) approved

      (registered) __________________ (date) __________________

      kindly requesting to certify the organization for maintenance and

      repair of Aircraft for the right to perform the following scope of work:

      19. Өтініш беруші Қазақстан Республикасының әуе кеңістігін пайдалану және авиация қызметі саласындағы заңнамасының талаптарын таниды және орындауға міндеттенеді / The applicant recognizes and undertakes to comply with the requirements of the legislation of the Republic of Kazakhstan in the field of use of air space and aviation activities.

      20. Авиациялық техникаға техникалық қызмет көрсетуге жауапты Басшы құрам / Management team responsible for the maintenance of Aircraft:

Авиациялық техникаға техникалық қызмет көрсету және оны жөндеу жөніндегі ұйымның басшы құрамы туралы мәліметтер

      Ескерту. 3-қосымша жаңа редакцияда – ҚР Индустрия және инфрақұрылымдық даму министрінің м.а. 05.05.2020 № 271 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Авиациялық техникаға техникалық қызмет көрсету және оны жөндеу жөніндегі ұйымның бағаны

      Басқару персоналын көрсету:

      2. Тегі Аты Әкесінің аты (болған жағдайда):

      3. Авиациялық техникаға техникалық қызмет көрсету және оны жөндеу жөніндегі ұйымның лауазымы:

      4. Азаматтық авиация саласындағы біліктілік:

      5. Азаматтық авиация саласындағы жұмыс тәжірибесі:

      6. Авиациялық техникаға техникалық қызмет көрсету және оны жөндеу жөніндегі ұйымның атауы:

      7. Авиациялық техникаға техникалық қызмет көрсету және оны жөндеу жөніндегі ұйым сертификатының нөмірі:

      ЗҚАИ-ның ескертпесі!
      3-1-қосымша жаңа редакцияда көзделген – ҚР Индустрия және инфрақұрылымдық даму министрінің 22.09.2022 № 524 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.
      Ескерту. 3-1-қосымшамен толықтырылды – ҚР Индустрия және инфрақұрылымдық даму министрінің м.а. 05.05.2020 № 271 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); жаңа редакцияда - ҚР Индустрия және инфрақұрылымдық даму министрінің м.а. 17.08.2021 № 446 (алғашқы ресми жарияланған күнінен кейін күнтiзбелiк алпыс күн өткен соң қолданысқа енгiзiледi) бұйрықтарымен.

Азаматтық авиацияның техникасына техникалық қызмет көрсету және оны жөндеу (АТ ТҚ және Ж) ұйымының сертификатын алуға арналған өтінім бойынша шешім 20___жылғы "____"__________ №_____

      Ескерту. 4-қосымша алып тасталды – ҚР Индустрия және инфрақұрылымдық даму министрінің м.а. 03.11.2020 № 589 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның қызмет аясы

Сертификаттық зерттеп-қарау актісі

      _________қаласы_____________________________________20___жылғы "___"

      (азаматтық авиация саласындағы уәкілетті ұйымның атауы)

      20___жылғы "___" _____ № __ бұйрығына сәйкес

      ____________________________________________________________________

                                    (ұйымның атауы)

      Авиациялық техникаға техникалық қызмет көрсету және жөндеу (АТ ТҚ және Ж)

      жөніндегі ұйымды сертификаттық зерттеп-қарау жүргізді.

      Нақты күйі:__________________________________________________

      Тұжырым:___________________________________________________

      Ұсыныс: ______________________________________________________

      Қорытынды мәтіні:_______________________

      ____________________________________________________________

      Авиациялық инспектор:_______________________________________

      ____________________________

      Актімен таныстым:

      АТ ТҚ және Ж жөніндегі ұйым басшысы             _________________ ______________

                                          (қолы) Тегі Аты Әкесінің аты (болған жағдайда)

Түзету іс-қимылдарының жоспары

Қазақстан Республикасы азаматтық авиация саласындағы уәкілетті ұйымның атауы, мекенжайы, телефоны, e-mail, Интернет мекенжайы Наименование уполномоченной организации в сфере гражданской авиации Республики Казахстан, адрес, телефон, e-mail, Интернет адрес Name of Civil Aviation Authorized organization Republic of Kazakhstan Address, telefone, e-mail, the Internet address Сертификаттың жарамдылығын тану туралы рұқсаты Решение о признании действительным Сертификата Decision to Recognize a valid Certificate

      _______________________________________ Берілді

      Выдано

      Issued ___________________________________________

      Қазақстан Pecпубликасының қолданыстағы заңнамасына сәйкес және Қазақстан Республикасының сертификаттық талаптарының парапарлығы негізінде Қазақстан Республикасының азаматтық авиация саласындағы уәкілетті ұйыммен_____________________________________

      берілгенді жарамды деп таниды.

      Согласно действующему законодательству Республики Казахстан и на

      основании адекватности сертификационных требований Республики

      Казахстан уполномоченной организации в сфере гражданской авиации Республики Казахстан

      Признает действительным выданный___________________________

      According to the current legislation of the Republic of Kazakhstan and based on certification requirements of the Republic of Kazakhstan Recognizes the valid issued

      ___________________________________________________________

      Авиациялық техникаға техникалық қызмет көрсету және оны жөндеу бойынша шетелдік ұйымдардың сертификаты.

      Сертификат иностранных организаций по техническому обслуживанию и ремонту авиационной техники.

      Certificate of foreign organization for maintenance and repair of aviation equipment.

      Берілген мерзімі: 20__ж. _______________

      на период: до ____________________ 20__ г.

      for a period of _______________20

      Рұқсаттың жарамдылығы 20__ж._______________

      Решение действителен до ________________ 20__ г.

      The conclusion is valid up to ______________20__

      мөр орны (бар болған жағдайда)

      Уәкілетті ұйымның қызметшісі немесе ол уәкілеттік берген тұлғасы

      место печати (при наличии)

      Служащий уполномоченной организации либо лица, им уполномоченного

      Stamp(in the presence) Employee authorized organization or Employee authorized by him

      Берілген күні______________

      Дата выдачи ___________________

      Date of ______________________