"Тауар биржалары туралы" Қазақстан Республикасының 2009 жылғы 4 мамырдағы Заңының 4-бабының 2-2) тармақшасына сәйкес, БҰЙЫРАМЫН:
1. Қоса беріліп отырған тауар биржалары арқылы өткізілетін биржалық тауарлардың тізбесі және ұсынылатын партиялардың ең аз мөлшері бекітілсін.
2. Қазақстан Республикасы Ұлттық экономика министрлігінің Сауда қызметін реттеу департаменті:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Әділет министрлігінде тіркелгеннен кейін ресми он күнтізбелік күн ішінде оның мерзімді баспа басылымдар және "Әділет" ақпараттық-құқықтық жүйесінде ресми жариялануына жіберілуін;
3) осы бұйрықтың Қазақстан Республикасы Ұлттық экономика министрлігінің ресми интернет-ресурсында жариялануын қамтамасыз етсін.
3. Осы бұйрықтың орындалуын бақылау Қазақстан Республикасының Ұлттық экономика жетекші вице-министріне жүктелсін.
4. Осы бұйрық оның алғашқы ресми жарияланған күнінен кейін он күнтізбелік күн өткен соң қолданысқа енгізіледі.
Министр | Е. Досаев |
"КЕЛІСІЛДІ"
Қазақстан Республикасы
Инвестициялар және даму
Министрінің міндеттерін атқарушы
__________________ А. Рау
2015 жылғы 4 ақпан
"КЕЛІСІЛДІ"
Қазақстан Республикасы
Ауыл шаруашылығы министрлігі
__________________ А. Мамытбеков
2015 жылғы 2 наурыз
Қазақстан Республикасы Ұлттық экономика министрінің 2015 жылғы 26 ақпандағы № 142 бұйрығымен бекітілді |
Тауар биржалары арқылы өткізілетін биржалық тауарлардың
тізбесі және ұсынылатын партиялардың ең аз мөлшері
Ескерту. Мөлшерге өзгеріс енгізілді - ҚР Ұлттық экономика министрінің м.а. 08.01.2016 № 5 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 30.01.2017 № 29 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.
Тауардың қысқаша атауы | КО СЭҚ ТН коды | Партияның ең аз мөлшері | |
1 | 2 | 3 | 4 |
1. | Жаңадан піскен және тоңазытылған картоп: өзгесі | 0701 90 900 0 | 60 тонна |
2. | Бидай және меслин: өзге де спельта, жұмсақ бидай және меслин: өзгелері* |
1001 91 900 0, | 600 тонна |
3. | Арпа: өзгесі* | 1003 90 000 0 | 600 тонна |
4. | Ұсақталған немесе ұсақталмаған соя бұршақтары: өзгелері | 1201 90 000 0 | 600 тонна |
5. | Ақ қант | 1701 99 100 | 60 тонна |
6. | Боялмаған немесе боялған, дайын немесе клинкерлер түріндегі портландцемент, сазбалшықты цемент, қожды цемент, суперсульфатты цемент және ұқсас гидравликалық цементтер | 2523 | 60 тонна |
7. | Таскөмір; таскөмірден алынған брикеттер, шекемтастар және қатты отынның ұқсас түрлері** | 2701 | 300 тонна |
8. | Гагаттан басқа, агломерацияланған немесе агломерацияланбаған лигнит немесе қоңыр көмір** | 2702 | 300 тонна |
9. | Кардтық немесе тарақпен тарауға ұшыраған мақта талшығы | 5203 00 000 0 | 600 тонна |
* – көрсетілген тізбе астықтың мемлекеттік ресурсына қолданылмайды;
** – коммуналдық заңды тұлғалар сатып алу үшін.