Азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру және мәдениет саласындағы мамандар лауазымдарының тізбесін анықтау туралы

Шығыс Қазақстан облысы Риддер қаласы әкімдігінің 2014 жылғы 21 тамыздағы № 811 қаулысы. Шығыс Қазақстан облысының Әділет департаментінде 2014 жылғы 12 қыркүйекте № 3485 болып тіркелді

Қолданыстағы
      РҚАО ескертпесі.
      Құжаттың мәтінінде түпнұсқаның пунктуациясы мен орфографиясы сақталған.
      Қазақстан Республикасының 2007 жылғы 15 мамырдағы Еңбек кодексінің 238-бабының 3-тармағына сәйкес, Риддер қаласының әкімдігі ҚАУЛЫ ЕТЕДІ:
      1. Қосымшаға сай азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру және мәдениет саласындағы мамандар лауазымдарының тізбесі анықталсын.
      2. Осы қаулының орындалуын бақылау Риддер қаласы әкімінің орынбасары Ю.В. Шматкоға жүктелсін.
      3. Осы қаулы оның алғашқы ресми жарияланған күнінен кейін он күнтізбелік күн өткен соң қолданысқа еңгізіледі.

      Риддер қаласының әкімі Ж. Мұратов
      КЕЛІСІЛДІ:

      Риддер қалалық
      мәслихатының хатшысы И. Панченко
      « 21 » тамыз 2014 жыл

  Риддер қаласы әкімдігінің
  2014 жылғы « 21 » тамыз
  № 811 қаулысына
  қосымша

Азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру және мәдениет саласындағы мамандар лауазымдарының тізбесі

      1. Әлеуметтік қамсыздандыру саласындағы мамандар лауазымдары: мамандар (бас, аға), оның ішінде: медициналық бике, фельдшер (-зертханашы), әлеуметтік жұмыс жөніндегі маман.
      2. Білім беру саласындағы мамандар лауазымдары:
      1) мамандар (бас, аға), оның ішінде барлық мамандықтағы мұғалімдер, кітапханашы, тәрбиеші, мәдени ұйымдастырушы, зертханашы, оқытушы, үйірме жетекшісі;
      2) техникалық орындаушылар, оның ішінде: іс жүргізуші, тәрбиешінің көмекшісі.
      3. Мәдениет саласындағы мамандар лауазымдары: мәдениет ұйымдастырушысы, кітапханашы.