Нормативтік құқықтық актілердің ресми мәтіндерін кейіннен жариялау саласындағы жеке кәсіпкерлік саласындағы тәуекел дәрежесін бағалау өлшемдерін және тексеру парағының нысанын бекіту туралы

Қазақстан Республикасы Әділет министрінің 2011 жылғы 5 мамырдағы N 177 және Қазақстан Республикасы Экономикалық даму және сауда министрінің м.а. 2011 жылғы 18 мамырдағы N 138 Бірлескен бұйрығы. Қазақстан Республикасының Әділет министрлігінде 2011 жылы 27 мамырда N 6975 тіркелді

Қолданыстағы

      «Қазақстан Республикасындағы мемлекеттік бақылау және қадағалау туралы» Қазақстан Республикасы Заңының 13 және 15-баптарына және «Әділет органдары туралы» Қазақстан Республикасы Заңының 6-баптың 3 тармағының 2) тармақшасына сәйкес, БҰЙЫРАМЫЗ:
      1. Мыналар:
      1) осы бұйрыққа 1-қосымшаға сәйкес нормативтік құқықтық актілердің ресми мәтіндерін кейіннен жариялау саласындағы жеке кәсіпкерлік саласындағы тәуекел дәрежесін бағалау өлшемдерін бекіту туралы;
      2) осы бұйрыққа 2-қосымшаға сәйкес нормативтік құқықтық актілердің ресми мәтіндерін кейіннен жариялау саласындағы жеке кәсіпкерлік саласындағы тексеру парағының нысаны бекітілсін.
      2.Қазақстан Республикасы Әділет министрлігінің Заңнама департаменті (А.Н. Есқараев):
      1) осы бұйрықты Қазақстан Республикасы Әділет министрлігінде мемлекеттік тіркеуді;
      2) мемлекеттік тіркелгеннен кейін оны ресми жариялауды;
      3) осы бұйрықты Қазақстан Республикасы Әділет министрлігінің ресми интернет-ресурсында жариялауды қамтамасыз етсін.
      3. «Нормативтік құқықтық актілердің мәтіндерін кейіннен ресми жариялау саласындағы тәуекел дәрежесін бағалау өлшемдерін және нормативтік құқықтық актілердің мәтіндерін кейіннен ресми жариялау саласындағы Қазақстан Республикасы заңнамасын сақталу мәніне тексеру парағының нысанын бекіту туралы» Қазақстан Республикасы Әділет министрі 2010 жылғы 28 сәуірдегі № 148 және Қазақстан Республикасы Экономикалы даму және сауда министрінің 2010 жылғы 5 мамырдағы № 30 бірлескен бұйрығы (Нормативтік құқықтық актілерді мемлекеттік тіркеу тізілімінде № 6273 болып тіркелген, 2011 жылғы 11 қаңтардағы № 6-7 (26409) «Егемен Қазақстан» газетінде жарияланған) күші жойылған деп танылсын.
      4. Осы бұйрықтың орындалуын бақылау Қазақстан Республикасының Әділет вице-министрі Д.Р. Құсдәулетовқа жүктелсін.
      5. Осы бұйрық алғаш ресми жарияланған күнінен кейін он күнтізбелік күн өткен соң қолданысқа енгізіледі.

      Қазақстан Республикасы        Қазақстан Республикасының
      Экономикалық даму және        Әділет министрі
      сауда министрінің м.а.        _________Р.Түсіпбеков
      _________ М. Құсайынов

Қазақстан Республикасы    
Экономикалық даму және сауда
министрінің м.а.      
2011 жылғы 18 мамырдағы   
N 138 және           
Қазақстан Республикасы    
Әділет министрінің     
2011 жылғы 5 мамырдағы     
N 177 бірлескен бұйырығына
1-қосымша           

Нормативтік құқықтық актілердің ресми мәтіндерін кейіннен жариялау саласындағы жеке кәсіпкерлік саласындағы тәуекел дәрежесін бағалау өлшемдері

      1. Нормативтік құқықтық актілердің ресми мәтіндерін кейіннен жариялау саласындағы жеке кәсіпкерлік саласындағы тәуекел дәрежесін бағалау өлшемдері «Әділет органдары туралы» және «Қазақстан Республикасындағы мемлекеттік бақылау және қадағалау туралы» Қазақстан Республикасының Заңдарына сәйкес, нормативтік құқықтық актілерде ресми мәтіндерін кейіннен жариялау құқығын алған субъектілерге жоспарлы тексеріс жүргізу үшін әзірленген.
      2. Осы өлшемдерде мынадай ұғымдар пайдаланылады:
      бақылау субъектісі - нормативтік құқықтық актілерде мәтіндерін кейіннен ресми жариялау құқығын алған жеке және заңды тұлғалар;
      тәуекел - тексерілетін субъектінің қызметі нәтижесінде салдарының ауырлық дәрежесі ескеріле отырып, адамның өміріне немесе денсаулығына, қоршаған ортаға, жеке және заңды тұлғалардың заңды мүдделеріне, мемлекеттің мүліктік мүдделеріне зиян келтіру ықтималдығы;
      нормативтік құқықтық актілердің ресми мәтіндерін кейіннен жариялау - Қазақстан Республикасы нормативтік құқықтық актілерінің эталондық бақылау банкіне сәйкестік сараптамасынан өткен нормативтік құқықтық актілерді баспа басылымында жариялау.
      3. Алғашқыда барлық бақылау субъектілері төменгі тәуекел дәрежесіне жатқызылады.
      4. Бұдан әрі тексеру нәтижелері бойынша өлшемдер бойынша жинаған баллдарды есепке ала отырып, тексеруден өткен бақылау субъектісі тәуекел дәрежесінің тиісті топтарына қайта бөлінеді:
      1) бес жылда бір рет тексеру жиілігімен тәуекел дәрежесінің төменгі тобына тексеру нәтижесі бойынша 2 балл жинаған бақылау субъектілері жатады;
      2) үш жылда бір рет тексеру жиілігімен тәуекел дәрежесінің орташа тобына тексеру нәтижесі бойынша 3 балл жинаған бақылау субъектілері жатады;
      3) бір жылда бір рет тексеру жиілігімен тәуекел дәрежесінің жоғары тобына тексеру нәтижесі бойынша 5-тен бастап 10-ға дейін балл жинаған бақылау субъектілері жатады.
      5. Тәуекел дәрежесін бағалаудың өлшемдері болып мыналар табылады:
      нормативтік құқықтық актілердің ресми мәтіндерін кейіннен жариялау кезінде олардың қолданысқа енгізілген күні көрсетілмеген - 2 балл;
      жарияланатын нормативтік құқықтық актілерге баспа басылымдарының түсініктемелері болуы - 3 балл;
      нормативтік құқықтық актілердің ресми мәтіндерін кейіннен жариялауда нормативтік құқықтық актілердің эталондық бақылау банкіне корректорлық және (немесе) редакторлық түзетулермен және (немесе) қысқартулармен сәйкес келмеуі - 5 балл.

Қазақстан Республикасы    
Экономикалық даму және сауда
министрінің м.а.      
2011 жылғы 18 мамырдағы   
N 138 және           
Қазақстан Республикасы    
Әділет министрінің     
2011 жылғы 5 мамырдағы     
N 177 бірлескен бұйырығына
2-қосымша           

Нысан

Нормативтік құқықтық актілердің ресми мәтіндерін кейіннен жариялау саласындағы жеке кәсіпкерлік саласындағы тексеру парағы

Тексеруді тағайындаған әділет органы
_____________________________________________________________________     (облыстардың, Астана, Алматы қалаларының әділет департаменті
_____________________________________________________________________

Тексеруді тағайындау туралы акті_____________________________________
                                   (Күні____________, №__________)

Жеке тұлғаның аты-жөні немесе заңды тұлғаның атауы
_____________________________________________________________________
                   (филиалдар немесе өкілдіктер)

Талаптардың тізбесі

Иә

Жоқ

1

Кейіннен ресми жариялау құқығын алған баспа басылымдары нормативтік құқықтық актілердің ресми мәтіндерін Қазақстан Республикасының нормативтік құқықтық актілерінің олар эталондық бақылау банкіне нақты сәйкес болғанда корректорлық және редакторлық түзетулерсіз және қысқартусыз жариялайды



2

Нормативтік құқықтық актілерді кейіннен ресми жариялау кезінде жарияланатын нормативтік құқықтық актілерге баспа басылымдарының түсініктемесі беріледі



3

Нормативтік құқықтық актілердің ресми мәтіндерін кейіннен жариялау кезінде олардың қолданысқа енгізілген күні көрсетілген.



Тексеруді жүзеге асырған тұлғаның (тұлғалардың) аты-жөні, қолы қызметтік телефонның №:
_____________________________________________________________________
_____________________________________________________________________