Жер пайдалануларды ұйымдастыру және реттеу, алқапта жер учаскесінің шекарасын бөлу және белгілеу бойынша шаруашылық аралық жерге орналастыру жобасын әзірлеу жөніндегі Қазақстан Республикасындағы жерге орналастыру жұмыстарын атқару Ережелерін бекіту туралы

Қазақстан Республикасының Жер ресурстарын басқару жөніндегі агенттігі Төрағасының 2004 жылғы 7 қыркүйектегі N 72-Ө-а бұйрығы. Қазақстан Республикасы Әділет министрлігінде 2004 жылғы 12 қазанда тіркелді. Тіркеу N 3148

Жаңартылған

      Қазақстан Республикасының Жер  кодексіне  сәйкес бұйырамын:
      1. Қоса беріліп отырған Жер пайдалануларды ұйымдастыру және реттеу, алқапта жер учаскесінің шекарасын бөлу және белгілеу бойынша шаруашылық аралық жерге орналастыру жобасын әзірлеу жөніндегі Қазақстан Республикасындағы жерге орналастыру жұмыстарын атқару Ережелері бекітілсін.
      2. Осы бұйрық белгіленген тәртіппен Қазақстан Республикасының Әділет министрлігіне мемлекеттік тіркеуге жіберілсін.
      3. Осы бұйрықтың орындауын қадағалау төрағаның орынбасары Қ.Ө.Раймбековке жүктелсін.
      4. Осы бұйрық Қазақстан Республикасының Әділет министрлігінде мемлекеттік тіркелген кезден бастап күшіне енеді.

       Төраға

Қазақстан Республикасының   
жер ресурстарын басқару    
жөніндегі Агенттік Төрағасының 
2004 жылғы 7 қыркүйектегі   
N 72-Ө-a Жер пайдалануларды  
ұйымдастыру және реттеу, алқапта
жер учаскесінің шекарасын бөлу 
және белгілеу бойынша шаруашылық
аралық жерге орналастыру жобасын
әзірлеу жөніндегі Қазақстан  
Республикасындағы жерге   
орналастыру жұмыстарын атқару
Ережелерін бекіту туралы  
бұйрығымен         
Бекітілген         

  Жер пайдалануларды ұйымдастыру және реттеу, алқапта жер учаскесінің шекарасын бөлу және белгілеу бойынша шаруашылық аралық жерге орналастыру жобасын әзірлеу жөніндегі Қазақстан Республикасындағы жерге орналастыру жұмыстарын атқару Ережелері

      1. Осы Жер пайдалануларды ұйымдастыру және реттеу, алқапта жер учаскесінің шекарасын бөлу және белгілеу бойынша шаруашылық аралық жерге орналастыру жобасын әзірлеу жөніндегі Қазақстан Республикасындағы жерге орналастыру жұмыстарын атқару Ережелері (әрі қарай - Ережелер) - Қазақстан Республикасының Жер кодексіне сәйкес жасалған және жерге орналастыру қызметінің көрсетілген түрлерін жүзеге асыру тәртібін анықтайды.

      2. Атқарушы органдардың шешімі немесе мүдделі жеке меншікті жер учаскесі иелерінің немесе жер пайдаланушыларының қолдаухаты бойынша, сонымен қатар жер ресурстарын басқару жөніндегі аумақтық органдардың бастамасы бойынша жүргізілетін жерге орналастыру жұмыстары, Қазақстан Республикасының заңдарына сәйкес бекітілген тәртіп бойынша жерге орналастыру жұмыстарын жүзеге асыруға рұқсатнама алған азаматтармен (әрі қарай - Жерге орналастырушы) жасасқан келісім-шарт негізінде жүзеге асырылады.
      Қазақстан Республикасы Үкіметінің және жергілікті атқару органдарының шешімдерімен жүргізілетін жерге орналастыру жұмыстары республикалық және жергілікті бюджет қаражаты есебінен атқарылады.
      Мүдделі жеке меншікті жер учаскесі иелерінің және жер пайдаланушыларының сұранымдары бойынша жерге орналастыру жұмыстары олардың өз қаражаттары есебінен жүргізіледі.

      3. Жер пайдалануларды ұйымдастыру және реттеу, алқапта жер учаскесінің шекарасын бөлу және белгілеу бойынша шаруашылық аралық жерге орналастыру жұмыстары келесі тізбек бойынша атқарылады:
      дайындық жұмыстары;
      жерге орналастыру жобасын жасау;
      жерге орналастыру құжаттарының қарастырылуы, келісілуі және бекітілуі;
      жерге орналастыру жобасын орындау.

      4. Жерге орналастыру жұмыстарының орындалуы жөніндегі келісім-шарт жасасқаннан кейін Жерге орналастырушы мемлекеттік жер кадастрының мәліметтері, жерге орналастыру, қала құрылысы құжаттары, картографиялық және жерді пайдаланумен байланысты мәліметтері мен құжаттары негізінде жер учаскесі туралы және оның орналасқан аумағы туралы мәліметтерді зерттеп, талдау жасайды.
      Қажетті жағдайда Жерге орналастырушы бекітілген тәртіп бойынша жер учаскесі туралы немесе оның орналасқан аумағы туралы ақпараты бар ұйымдардан жерге орналастыру жұмыстарын жүргізу үшін қажет мәліметтер мен құжаттарды сұрайды.
      Ақпаратты айқындау және (немесе) жетіспейтін ақпаратты анықтау мақсатында дала жұмыстары жүргізілуі мүмкін.

      5. Жерге орналастыру жобасын жасау бойынша жұмыс мазмұны осы жұмыстарды жүргізу тапсырмасымен (келісім-шартымен) анықталады және оған:
      жердің қазіргі жағдайын және пайдаланылуын талдау;
      аумақтарды және алаптарды пайдалануды реттестіру мен ұйымдастыру;
      табиғатты қорғау шараларын жасау;
      жобаны жүзеге асыру жоспары;
      жер пайдаланумен байланысты басқа құжаттарды дайындау жатады.

      6. Жерге орналастыру құжаттарының қарастырылуы, келісілуі және бекітілуі Қазақстан Республикасының Жер кодексінің  150 бабының  4 тармағымен бекітілген тәртіпте жүргізіледі.

      7. Жерге орналастыру жобасын орындау: жобаны жер бетіне көшіруді; жобаның барлық элементтерін игеруді, жерге орналастыру мәліметтері мен құжаттарын ресімдеуді және беруді қамтиды.

      8. Жерге орналастыру жұмыстарының нәтижесінде алынған және жасалған құжаттар мен мәліметтер жерге орналастыру құжаттамасын құрайды.
      Тіркеуге алу мақсатында жер учаскелерін есепке алу жұмыстарын жүргізуге қажет жерге орналастыру құжаттамасының бір данасы, жерге орналастыру құжаттамасындағы жер учаскесі жөніндегі мәліметтердің нақтылығын анықтау және құқықты растайтын құжаттарды дайындау үшін, мемлекеттік жер кадастрын жүргізуші арнайы республикалық мемлекеттік кәсіпорынға өткізіледі.
      Жер учаскелерін тіркеу мақсаты үшін есепке алу жұмыстарын жүргізу тапсырыс берушілердің қаражаты есебінен жүзеге асырылады.
       Ескерту: 8-тармаққа өзгертулер енгізілді - ҚР Жер ресурстарын басқару агенттігінің 2005 жылғы 24 маусымдағы N 108-Ө-а   бұйырығымен  ( қолданысқа енгізілу тәртібін   4-тармақтан   қараңыз ).