Журналдың мақсаты - мемлекеттiк кәсiпорындардың нарықтық қатынастар саласына көшуi жағдайында республиканың өнеркәсiп кешенiне көмек көрсету, шаруашылық жүргiзудiң тиiмдi нысандарын насихаттау, кәсiпорындардың, корпорациялардың, концерндердiң, қауымдастықтардың және басқа бiрлестiктердiң ақпаратпен қамтамасыз етiлуiн жолға қою.
2. "Қазақстанның өнеркәсiп мiнберi" бейнежурналының шығарылатын жерi Қарағанды қаласы болып анықталсын. Бейнематериалдарын дайындау "Останкино" телерадио компаниясының аймақтық тiлшiлер пунктi жанындағы Қарағандының "Қазақстан" ақпараттық-коммерциялық агенттiгiне жүктелсiн. Журналдың көлемi - 30 минөт.
3. Кәсiпорындардың келiсуi бойынша бейнежурнал өндiрiсiне арналған база Қарағанды металлургия комбинаты, "Қарағандыкөмiр" өндiрiс бiрлестiгi, "Жезқазғантүстiмет" ғылыми-өндiрiс бiрлестiгi, "Балқашмыс" өндiрiс бiрлестiгi, Ермақ ферросплав заводы деп анықталып, бұларда агенттiктiң филиалдары құрылсын.
4. Осы кәсiпорындардың басшылары "Қазақстан" агенттiгiмен контракт жасасқан кезде филиалдарға қызметтiк үй-жай, көлiк, бейне-аппаратурасы бөлiнуiн көздеп, кейiн оларды абонент ақысы есебiне агенттiкке беретiн болсын.
5. Республиканың кәсiпорындарына өзара тиiмдi негiзде агенттiкпен шарт жасасып, абонент ақысын енгiзу ұсынылсын.
6. Үйлестiру мәселелерiн шешу және бейнежурнал жұмысының басым бағыттарын анықтау Қазақстан Республикасы Өнеркәсiп министрiнiң бiрiншi орынбасары В. И. Власов жолдасқа жүктелсiн.
Премьер-министрдiң
бiрiншi орынбасары