1. Қазақстан Республикасының Жаңа экономикалық құрылымдарды қолдау және монополиялық қызметтi шектеу жөнiндегi мемлекеттiк комитетi, Мемлекеттiк мүлiк жөнiндегi мемлекеттiк комитетi және Экономика жөнiндегi мемлекеттiк комитетiнiң Қазақстан Республикасының Халық шаруашылығы жетiстiктерi көрмесiн мемлекеттiң қатысуымен акционерлiк қоғам түрiндегi Қазақстан iскерлiк ынтымақтастық орталығы етiп қайта құру туралы ұсынысы қабылдансын.
2. Акционерлiк қоғам қызметiнiң негiзгi мiндеттерi мыналар болып саналсын:
Қазақстанның басқа мемлекеттермен, халықаралық ұйымдармен және компаниялармен экономикалық, ғылыми-техникалық және мәдени байланыстарын орнату әрi кеңейту;
биржалық және халықаралық сауда, көрмелер, жәрмеңкелер ұйымдастыру;
технопарк құрылымдарын, кәсiпорындардың халықаралық өнеркәсiп-технологиялық кооперациясын дамыту, республика территориясында, басқа мемлекеттерде бiрлескен кәсiпорындар мен халықаралық бiрлестiктер құру және оның қызметi. Орталықтың шет ел инвестициялары мен несиелерiн қатыстыру мен пайдалану мәселелерi жөнiндегi қызметiн үйлестiрудi және осы қызметтiң экономикалық тиiмдiлiгiне бақылау жасауды Қазақстан Республикасының Шет ел инвестициялары жөнiндегi ұлттық агенттiгi жүзеге асырады деп белгiленсiн;
кәсiпкерлiк қызметтi барынша қолдау;
шетелдiк және отандық ғылымның, техниканың және аса жаңа технологияның жетiстiктерiн көрсету, оларды енгiзуге жәрдемдесетiн iскерлiк байланыстар орнату;
қазақстандық кәсiпорындар мен шетелдiк фирмаларға консультациялық, инженерлiк, әдiстемелiк және ұйымдастырушылық қызмет көрсету; Қазақстан Республикасы туралы, оның экономикасы туралы ақпараттық және жарнамалық материалдар әзiрлеу, жариялау және тарату;
ойын-сауық-мәдени шаралар мен сервистiк қызмет көрсетудi ұйымдастыру.
3. Қазақстан iскерлiк ынтымақтастық орталығы Қазақстан Республикасының Халық шаруашылығы жетiстiктерi көрмесiнiң заңды мұрагерi болып табылады және Халық шаруашылығы жетiстiктерi көрмесiне бекiтiлiп берiлген жер учаскесiне орналасады деп белгiленсiн. <*>
Алматы қалалық әкiмшiлiгi акционерлiк қоғаммен осы жер учаскесiн жалға беру туралы шарт жасасын.
ЕСКЕРТУ. 3-тармақ өзгертiлдi - ҚРМК-нiң 1993.07.30. N 663
қаулысымен.
4. Қазақстан Республикасының Мемлекеттiк мүлiк жөнiндегi мемлекеттiк комитетiне Қазақстан Республикасының Жаңа экономикалық құрылымдарды қолдау және монополиялық қызметтi шектеу жөнiндегi мемлекеттiк комитетiнiң, Экономика жөнiндегi мемлекеттiк комитетiнiң қатысуымен бiр айлық мерзiм iшiнде "Мемлекет иелiгiнен алу және жекешелендiру туралы" Қазақ КСР Заңына сәйкес акционерлiк қоғам құру ұсынылсын, сонымен бiрге Қазақстан Республикасының Мемлекеттiк мүлiк жөнiндегi мемлекеттiк комитетi арқылы Қазақстан Республикасына қатысты акциялар пакетi бақылау пакетi болуға тиiс екенi ескерiлсiн.
5. Халық шаруашылығы жетiстiктерi көрмесiн Қазақстан iскерлiк ынтымақтастық орталығы етiп қайта құруды ескере отырып, оны жаңғыртқан жағдайда территорияның кешендiк құрылыс салу жоспары Қазақстан Республикасының Сәулет және құрылыс жөнiндегi мемлекеттiк комитетiмен келiсiледi деп белгiленсiн.
6. Қазақстан Республикасының Әдiлет министрлiгi Мемлекеттiк мүлiк жөнiндегi мемлекеттiк комитетiмен бiрлесiп республика үкiметiнiң шешiмдерiне осы қаулыдан туындайтын өзгерiстер енгiзу туралы мәселенi қарап, екi айлық мерзiмде Қазақстан Республикасының Министрлер Кабинетiне ұсыныс енгiзетiн болсын.
Қазақстан Республикасының
Премьер-министрi