Қазақстан Республикасының Үкіметі ҚАУЛЫ ЕТЕДІ:
1.
Қазақстан Республикасы Үкіметінің кейбір шешімдеріне мынадай өзгерістер енгізілсін:
1)
«2009 - 2011 жылдарға арналған «Нұрлы көш» бағдарламасын бекіту туралы» Қазақстан Республикасы Үкіметінің 2008 жылғы 2 желтоқсандағы № 1126 қаулысында (Қазақстан Республикасының ПҮАЖ-ы, 2008 ж., № 45, 514-құжат):
көрсетілген қаулымен бекітілген «2009 - 2011 жылдарға арналған «Нұрлы көш» бағдарламасында:
«Тұрғын үймен қамтамасыз ету» деген 5.3.3-бөлімде:
он бірінші бөлікте:
1) және 2) тармақшалар мынадай редакцияда жазылсын:
«1) Оңтүстік Қазақстан облысы Шымкент қаласының «Асар» шағын ауданындағы қатысушыдан басқа Бағдарламаға қатысушы «ҚТҚЖБ» АҚ-пен тұрғын үй құрылыс жинақтары туралы шарт жасасады, тұрғын үй сатып алуға тұрғын үй қарызын алу мақсатында тұрғын үй құрылысы аяқталғаннан және пайдалануға берілгеннен кейін 5,5 жылдан асырмай, «ҚТҚЖБ» АҚ-тағы есеп шотындағы тұрғын үй құрылыс жинақтары туралы шарт бойынша ең төменгі қажетті соманы жинақтауды жүзеге асырады және ең төменгі қажетті соманы жинақтағаннан және тұрғын үй құрылыс жинақтары туралы шарт бойынша барлық шарттарды орындағаннан кейін «ҚТҚЖБ» АҚ-қа сатып алынатын тұрғын үй кепілімен жылдық 4,5 % мөлшерлеме бойынша тұрғын үй қарызын алу үшін құжаттарын ұсынады;
Оңтүстік Қазақстан облысы Шымкент қаласының «Асар» шағын ауданындағы Бағдарламаға қатысушы «ҚТҚЖБ» АҚ-пен тұрғын үй құрылыс жинақтары туралы шарт жасасады, тұрғын үй сатып алуға тұрғын үй қарызын алу мақсатында 2022 жылғы 31 желтоқсанға дейін «ҚТҚЖБ» АҚ-тағы есеп шотындағы тұрғын үй құрылыс жинақтары туралы шарт бойынша ең төменгі қажетті соманы жинақтағаннан және тұрғын үй құрылыс жинақтары туралы шарт бойынша барлық шарттарды орындағаннан кейін «ҚТҚЖБ» АҚ-қа сатып алынатын тұрғын үй кепілімен жылдық 4,5 %-ға дейінгі мөлшерлеме бойынша тұрғын үй қарызын алу үшін құжаттарын ұсынады;
2) «ҚТҚЖБ» АҚ:
Оңтүстік Қазақстан облысы Шымкент қаласының «Асар» шағын ауданындағы қатысушыдан басқа Бағдарламаға қатысушымен тұрғын үй құрылыс жинақтары туралы шарт жасасады, оған сәйкес Бағдарламаға қатысушы тұрғын үй сатып алуға тұрғын үй қарызын алу мақсатында тұрғын үй құрылысы аяқталғаннан және пайдалануға берілгеннен кейін 5,5 жылдан асырмай, «ҚТҚЖБ» АҚ-тағы есеп шотындағы тұрғын үй құрылыс жинақтары туралы шарт бойынша ең төменгі қажетті соманы жинақтауды жүзеге асырады және Бағдарламаға қатысушы ең төменгі қажетті соманы жинақтағаннан және тұрғын үй құрылыс жинақтары туралы шарт бойынша барлық шарттарды орындағаннан кейін Бағдарламаға қатысушыға сатып алынатын тұрғын үй кепілімен жылдық 4,5 % мөлшерлеме бойынша 10 жылға тұрғын үй қарызын береді;
Оңтүстік Қазақстан облысы Шымкент қаласының «Асар» шағын ауданындағы Бағдарламаға қатысушымен тұрғын үй құрылыс жинағы туралы шарт жасасады, оған сәйкес Бағдарламаға қатысушы тұрғын үй сатып алуға тұрғын үй қарызын алу мақсатында 2022 жылғы 31 желтоқсанға дейін «ҚТҚЖБ» АҚ-тағы есеп шотындағы тұрғын үй құрылыс жинақтары туралы шарт бойынша ең төменгі қажетті соманы жинақтауды жүзеге асырады және Бағдарламаға қатысушы ең төменгі қажетті соманы жинақтағаннан және тұрғын үй құрылыс жинақтары туралы шарт бойынша барлық шарттарды орындағаннан кейін Бағдарламаға қатысушыға сатып алынатын тұрғын үй кепілімен жылдық 4,5 %-ға дейінгі мөлшерлеме бойынша 15 жылға дейінгі мерзімге тұрғын үй қарызын береді;
Бағдарламаға қатысушысымен банк қарызы шартын жасасқаннан кейін жергілікті атқарушы органның (ӘКК) шотына тұрғын үйдің құнына тең мөлшерде қаражат аударады;
3) тармақшаның бесінші абзацы мынадай редакцияда жазылсын:
«ҚТҚЖБ» АҚ-тан Бағдарламаға қатысушының тұрғын үй сатып алуға банк қарызын алу үшін қажетті жинақтау шартын орындағаны және банк қарызын беру мүмкіндігі туралы ақпаратты алғаннан кейін Бағдарламаға қатысушымен тұрғын үйді сатып алу-сату шартын ресімдейді.»;
он екінші бөліктің бірінші абзацы мынадай редакцияда жазылсын:
«Кейінгі жылдары (15 жылдан асырмай) Бағдарламаға қатысушы банктің тұрғын үй қарызын өтейді. Тұрғын үй құрылысына немесе сатып алуға кредит беру кезінде шартқа қатысушылар мынадай шарттарды қамтамасыз етуі тиіс:».
2)
«Нұрлы көш» бағдарламасының пилоттық жобаларына қатысушыларға тұрғын үй сату ережесін бекіту туралы» Қазақстан Республикасы Үкіметінің 2009 жылғы 8 мамырдағы № 674 қаулысында (Қазақстан Республикасының ПҮАЖ-ы, 2009 ж., № 24-25, 213-құжат):
көрсетілген қаулымен бекітілген «Нұрлы көш» бағдарламасының пилоттық жобаларына қатысушыларға тұрғын үй сату ережесінде:
«Бағдарламаға қатысушыларға тұрғын үй сату тәртібі» деген 3-бөлімде:
13-тармақ мынадай редакцияда жазылсын:
«13. Банк Бағдарламаға қатысушы өтініш берген күні және осы Ереженің 12-тармағында көзделген ақпаратты ӘКК-тен немесе бюджеттік бағдарламаларды іске асыру операторынан алғаннан кейін тұрғын үй құрылыс жинақтары туралы шарт (бұдан әрі - Шарт) жасасады.»;
18-тармақ мынадай редакцияда жазылсын:
«18. Банк есепті кезеңнен кейінгі айдың оныншы жұмыс күнінен кешіктірмей, облыстың (облыстың маңызы бар қаланың, ауданның) уәкілетті органы мен ӘКК-ге немесе бюджеттік бағдарламаларды іске асыру операторына тұрғын үй қарызын алу үшін Шарт талаптарын орындаған Бағдарламаға қатысушылар туралы ақпарат ұсынады.»;
25-тармақтың екінші абзацы мынадай редакцияда жазылсын:
«тұрғын үй құрылыс жинақтары туралы шарттың талаптарына сәйкес тұрғын үй қарызын 15 жылға дейін мерзімге алу және тұрғын үйді кепіл ретінде беру мақсатында 2022 жылғы 31 желтоқсанға дейінгі мерзімде Банктегі шотта жинақтауды жүзеге асыру туралы шарт жасасу жөніндегі міндеттемелерін көздейді.»;
35-тармақ мынадай редакцияда жазылсын:
«35. Банк есепті айдан кейінгі айдың оныншы жұмыс күнінен кешіктірілмейтін мерзімде облыстың уәкілетті органы мен ӘКК-ге тұрғын үй қарызын алу үшін Шарт талаптарын орындаған Бағдарламаға қатысушылар туралы ақпаратты ұсынады.»;
38-тармақтың 1) тармақшасы мынадай редакцияда жазылсын:
«1) Бағдарламаға қатысушының тұрғын үй қарызын 15 жылға дейінгі мерзімге алу және тұрғын үйді кепіл ретінде беру мақсатында 2022 жылғы 31 желтоқсанға дейін мерзімде Банкпен Банктегі шотта жинақтауды жүзеге асыру туралы тұрғын үй құрылыс жинақтары шартын жасасуы;».
2. Осы қаулы алғашқы ресми жарияланған күнінен бастап қолданысқа енгізіледі.
Қазақстан Республикасының |
К. Мәсімов |