Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:
1) «Моноқалаларды дамытудың 2012 - 2020 жылдарға арналған бағдарламасын бекіту туралы» Қазақстан Республикасы Үкіметінің 2012 жылғы 25 мамырдағы № 683 қаулысында:
3-тармақ мынадай редакцияда жазылсын:
«3. Жергілікті атқарушы органдар тоқсан сайын, есепті кезеңнен кейінгі айдың 15-күнінен кешіктірмей Қазақстан Республикасы Өңірлік даму министрлігіне Бағдарлама шеңберінде іске асырылатын бюджеттік инвестициялық жобалардың орындалуы туралы ақпарат берсін.»;
5-тармақ мынадай редакцияда жазылсын:
«5. Осы қаулының орындалуын бақылау Қазақстан Республикасы Өңірлік даму министрлігіне жүктелсін.»;
көрсетілген қаулымен бекітілген Моноқалаларды дамытудың 2012 - 2020 жылдарға арналған бағдарламасында:
«Бағдарламаның паспорты» деген 1-бөлімде:
мына:
«
Бағдарламаны әзірлеуге және іске асыруға жауапты мемлекеттік орган |
Қазақстан Республикасы Экономикалық даму және сауда министрлігі |
»
деген жол мынадай редакцияда жазылсын:
«
Бағдарламаны әзірлеуге және іске асыруға жауапты мемлекеттік орган |
Қазақстан Республикасы Өңірлік даму министрлігі |
»;
«Кіріспе» деген 2-бөлімде:
он бесінші бөлікте:
1) және 2) тармақшалар мынадай редакцияда жазылсын:
«1) уәкілетті орган - Қазақстан Республикасы Өңірлік даму министрлігі (бұдан әрі - уәкілетті орган);
2) Бағдарламаны үйлестіруші - жергілікті атқарушы органның облыс әкімдері айқындайтын, бағдарламаның облыстық деңгейде іске асырылуына жауапты құрылымдық бөлімшесі;»;
мынадай мазмұндағы 2-1) тармақшамен толықтырылсын:
«2-1) Бағдарламаның жергілікті деңгейдегі үйлестірушісі - моноқаланың/ауданның жергілікті атқарушы органының облыс әкімдері айқындайтын, бағдарламаның моноқалада іске асырылуына жауапты құрылымдық бөлімшесі;»;
мынадай мазмұндағы 8) және 9) тармақшалармен толықтырылсын:
«8) уәкілетті өңірлік ұйым - ұлттық басқарушы холдинг және акцияларының жүз пайызы ұлттық басқарушы холдингке тиесілі заңды тұлғалар, әлеуметтік-кәсіпкерлік корпорациялар, сондай-ақ банк немесе банк операцияларының жекелеген түрлерін жүзеге асыратын, Қазақстан Республикасының заңнамасына сәйкес экономиканың белгілі бір салаларында мемлекеттік инвестициялық саясатты іске асыруға уәкілеттік берілген, мемлекет жүз пайыз қатысатын ұйым;
9) өңірлік үйлестіру кеңесі (ӨҮК) - «Бизнестің жол картасы 2020» бағдарламасы шеңберінде құрылған және қызмет ететін консультативтік-кеңесші орган;»;
«Бағдарламаның мақсаты, міндеттері, нысаналы индикаторлары мен оны іске асыру нәтижелерінің көрсеткіштері» деген 4-бөлімде:
«Міндеттері» деген бөлімде:
«Екінші бағыт: Моноқалалар халқының жұмыспен қамтылуының оңтайлы құрылымын қамтамасыз ету үшін экономиканы әртараптандыру мен шағын және орта бизнесті дамытуда»:
6-тармақ мынадай редакцияда жазылсын:
«6. Моноқалаларда шағын және орта бизнесті дамыту.
Моноқалаларда, сондай-ақ оларға әкімшілік бағыныстағы аумақтарда орналасқан елді мекендерде шағын және орта кәсіпкерлікті жандандыру үшін мынадай қосымша шаралар қабылданатын болады:
1) салалық шектеусіз кредиттер бойынша пайыздық ставкаларды субсидиялау және моноқалалар үшін кредиттер бойынша пайыздық ставкаларды субсидиялау мөлшерлерін ұлғайту;
2) өндірістік (индустриялық) инфрақұрылымды дамыту;
3) жаңа өндірістер құруға 3 000 000 (үш миллион) теңгеге дейінгі мөлшерде гранттар беру;
4) шағын кәсіпкерлікті дамыту бойынша (мемлекеттің қала түзуші кәсіпорындарымен) әріптестік бағдарламаларды іске асыру;
5) микрокредит ұйымдары бар бизнес-инкубаторлар құру;
6) кәсіпкерлікті қолдау орталықтарын құру;
7) өзін-өзі жұмыспен қамтыған, жұмыссыз және табысы аз тұрғындардың кәсіпкерлігін дамытуға жәрдемдесу.
Бұл ретте мемлекеттік қолдаудың жоғарыда көрсетілген қосымша шаралары:
1) мұнай-газ өнеркәсібінің кәсіпорындарына;
2) тау-кен саласының кәсіпорындарына;
3) Қазақстан Республикасы Үкіметінің 2012 жылғы 29 желтоқсандағы № 1771 қаулысына сәйкес мониторингке жататын ірі салық төлеушілердің тізбесіне енгізілген металлургия өнеркәсібінің кәсіпорындарына;
4) құрылтайшылары ұлттық басқарушы холдингтер, ұлттық холдингтер, ұлттық компаниялар және акцияларының (жарғылық капиталына қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі ұйымдар (әлеуметтік-кәсіпкерлік корпорацияларды қоспағанда) болып табылатын заңды тұлғаларға, сондай-ақ меншік нысаны жеке мекеме ретінде ресімделген заңды тұлғаларға;
5) акциздік тауарлар мен қару шығаруды көздейтін жобаларға қолданылмайды.
Кредиттер/лизингтік мәмілелер бойынша сыйақы ставкаларын субсидиялау шарттары
Екінші деңгейдегі банктер және/немесе өзге қаржы ұйымдары беретін кредиттер/лизингтік мәмілелер бойынша сыйақы ставкаларын субсидиялау моноқалаларда және/немесе оларға әкімшілік бағыныстағы аумақтарда орналасқан елді мекендерде кәсіпкерлік қызметті жүзеге асыратын шағын және орта кәсіпкерлік субъектілерінің жаңа кредиттері бойынша жүзеге асырылады.
Банктер 2012 жылғы 1 шілдеден бастап берген кредиттер жаңа кредиттерге жатады.
Бағдарламаның тиісті критерийлері мен талаптарына сәйкес келетін, 2012 жылғы 1 шілдеге дейін алынған қарыздарды/қаржылық лизинг шарттарын қайта қаржыландыруға бағытталған кредиттер субсидиялауға жатады.
Айналым қаражатын қаржыландыру негізгі құралдарды сатып алуға және/немесе жаңғыртуға және/немесе өндірісті кеңейтуге берілетін кредит шеңберінде, бірақ кредит сомасының 30 %-ынан аспайтын мөлшерде жүзеге асырылатын жағдайларды қоспағанда, субсидиялау айналым қаражатын толықтыруға берілетін (берілген) кредиттер бойынша жүзеге асырылмайды.
Сыйақы ставкасын субсидиялау жүзеге асырылатын кредит сомасы бір кәсіпкер үшін 750 000 000 (жеті жүз елу миллион) теңгеден аспауы тиіс.
Кредит мерзімі - 10 жылға дейін.
Пайыздық ставканы субсидиялау белгіленген номиналды сыйақы ставкасы 14 %-дан аспайтын кредиттер бойынша ғана жүзеге асырылуы мүмкін, оның 10 %-ын мемлекет өтейді. Бұл ретте, банктер:
1) кредит беру шарттарын өтініш берушінің бастамасымен өзгертуге байланыстыларды;
2) өтініш берушінің кредит бойынша міндеттемелерін бұзу себебіне байланысты алынатындарды қоспағанда, кредитке байланысты қандай да бір комиссияларды, алымдарды және/немесе өзге де төлемдерді алмайды.
Субсидиялау мерзімі кейіннен 5 (бес) жылға дейін ұзарту мүмкіндігімен 3 (үш) жылға дейінгі мерзімді құрайды. 3 (үш) жыл өткен соң Субсидиялау шартының қолданылу мерзімін ұзарту кәсіпкерлерге тиісті жылы субсидия беру үшін республикалық бюджеттен қаражат бөлінген кезде ғана банк/лизингтік компания қолдаухатының негізінде ӨҮК шешімімен мақұлданады.
Моноқалалардағы жеке кәсіпкерлік субъектісіне Бағдарламаның барлық құралдары шеңберінде кешенді қолдау көрсетіледі.
Өндірістік (индустриялық) инфрақұрылымды дамыту шарттары.
Өндірістік (индустриялық) инфрақұрылымды дамыту жекелеген жобалар үшін бөлек, сол сияқты өнеркәсіптік алаңдарды, индустриялық аймақтарды және бизнес-инкубаторларды ұйымдастыру шеңберінде де жаңа өндірістерді құруға, жұмыс істеп тұрған өндірістерді жаңғырту мен кеңейтуге бағытталған жобалар үшін қажетті өндірістік инфрақұрылымды жеткізуден тұрады.
Қаражат бөлу мынадай инфрақұрылымның құрылысы мен реконструкциясына бағытталады: жолдар, су бөлу, газдандыру, су тартқыш, бу құбырлары, жылумен жабдықтау, өнеркәсіптік алаңдарға арналған қазандықтар, су құбырлары, теміржол тұйықтары, телефондандыру, кіші электр станциялары, электр тарату желілері.
Өндірістік инфрақұрылымды жеткізу кәсіпкер объектісі аумағының шекарасына дейін жүзеге асырылады.
Өндірістік инфрақұрылымды жеткізу бірнеше жобаны қамтамасыз етуге бағытталуы мүмкін.
Өндірістік инфрақұрылымды дамытуға қаражат бөлу Қазақстан Республикасының бюджет заңнамасына сәйкес жүзеге асырылуы тиіс.
Инфрақұрылым құрылысының (қайта жаңарту) құны индустриялық аймақтар мен бизнес-инкубаторларды қоспағанда, жоба құнының 50 %-ынан аспауы тиіс.
Жаңа өндірістер құруға гранттар беру шарттары
Гранттар кәсіпкерлерге жаңа өндірістерді құру үшін өтеусіз және қайтарымсыз негізде бөлінеді.
Грант қаражаты Бағдарламаның жергілікті деңгейдегі үйлестірушісі арқылы берілетін болады.
Бағдарлама шеңберіндегі гранттың ең жоғары сомасы бір кәсіпкер үшін 3 000 000 (үш миллион) теңгеден аспайды.
Грант қаражаты грант беру үшін кәсіпкерлерді іріктеу бойынша өткізілетін конкурстардың қорытындылары бойынша ӨҮК шешімімен беріледі.
Гранттар республикалық бюджеттен бөлінетін қаражат есебінен беріледі.
Конкурс өткізу үшін Бағдарламаның жергілікті деңгейдегі үйлестірушісі моноқаладағы грант алуға үміткер кәсіпкерлердің өтінімдерін іріктеу бойынша конкурстық комиссия құрады және оның құрамын бекітеді. Конкурстық комиссия қызметінің негізгі қағидаттары кәсіпкерлер үшін тең жағдайлар жасау, оларға қойылатын талаптардың бірдейлігі, ұсынылатын құжаттардың жан-жақтылығы мен олардың зерттелуінің толықтығы, қабылданатын шешімдердің объективтілігі болып табылады.
Конкурстық комиссия конкурстық өтінімдерді қараған кезде кәсіпкердің бизнес-жобасын бағалаудың мынадай критерийлерінің негізінде ұсынымдар береді:
1) бизнес-жобаның бәсекеге қабілеттілігі (нарықтық қажеттілікті пысықтау - маркетингтік талдау);
2) бизнес-жобаның енгізуге әзірлігі (өндірісті ұйымдастыру мәселесін пысықтау, кәсіпкерді орналастыру үшін үй-жайдың өткізу нарығының болуы, өндірісті іске қосу үшін жобаның әзірлік деңгейі).
Бизнес-жобаның міндетті шарты оны іске асыруға жұмсалатын шығыстарды берілетін грант көлемінің кемінде 20 %-ы мөлшерінде кәсіпкердің қоса қаржыландыруы болып табылады.
Кәсіпкерлер грант қаражатын мынадай мақсаттарға пайдалана алады:
1) негізгі құралдар мен материалдарды;
2) материалдық емес активтерді сатып алу;
3) технологияларды;
4) франшизаға құқықтарды сатып алу.
Бағдарлама шеңберіндегі грант қаражатын жылжымайтын мүлікті, жер учаскесін сатып алуға және жалдау ақысы ретінде пайдалануға болмайды.
Конкурстық комиссия төрағадан, төрағаның орынбасарынан және конкурстық комиссия мүшелерінен тұрады. Конкурстық комиссияның құрамы атқарушы билік органдары, қоғамдық бірлестіктер өкілдерінің, салалық сарапшылардың, ғылыми-білім беру мекемелерінің, өңірлік бұқаралық ақпарат құралдарының, қаржы агентінің қатысуымен қалыптастырылады.
Шағын кәсіпкерлікті дамыту бойынша (мемлекеттің қала түзуші кәсіпорындармен) әріптестік бағдарламаларын іске асыру шарттары.
Мемлекеттің қала түзуші кәсіпорындармен әріптестік бағдарламаларын іске асыру «Қазақмыс» корпорациясы» ЖШС тәжірибесінің үлгісінде ірі компаниялардың, мемлекеттің және қаржы институттарының күш-жігерін біріктіру арқылы өңірлерде шағын және орта бизнесті (ШОБ) дамыту мен қолдауға бағытталатын болады.
Республикалық бюджеттен Бағдарлама шеңберінде мыналарды қамтитын құралдардың инвестициялық пакеті ұсынылатын болады:
1) кредиттер бойынша сыйақы ставкаларын субсидиялау;
2) инфрақұрылымды жеткізу;
3) ісін жаңа бастаған кәсіпкерлерді қолдау;
4) бухгалтерлік есеп, салықтық есептілік жасау, ІТ-қызметтер, заңдық мәселелер, кедендік рәсімдер, сапа менеджменті жүйесін енгізу мәселелері бойынша жобаларды сервистік қолдау;
5) «Іскер байланыстар» жобасы шеңберінде квоталар беру.
Әріптестік бағдарламаларын іске асырудағы ірі компаниялардың рөлі:
1) жергілікті өндірушілерді ұзақ мерзімді тапсырыстармен қамтамасыз ету, моноқалалардың кәсіпорындары шығаратын өнімдерді «ҚТЖ» ҰК» АҚ, «ҚазМұнайГаз» ҰК» АҚ, «Қамқор Менеджмент» ЖШС, «Қазмырыш» ЖШС, «Қазақмыс Корпорациясы» ЖШС, «KEGOC» АҚ, «АрселорМиталл Теміртау» АҚ, «Қазатомөнеркәсіп» ҰАК» АҚ, «Еуразия энергетикалық компаниясы» АҚ сияқты ірі кәсіпорындардың сұранымына ие өнімдер тізбесіне қосу;
2) «келесі қайта жасауды» дамыту үшін шикізатқа квоталар беру;
3) баламалы қызмет түрлерін дамыту жөніндегі жобаларды қолдау болып табылады.
Халықаралық ұйымдар:
1) технологиялар тартуға және жабдықтар сатып алуға;
2) оқыту бағдарламалары мен мамандандырылған тренингтерді ұйымдастыруға;
3) консультациялар беру үшін тікелей кәсіпорындарға біліктілігі жоғары шетелдік мамандарды тартуға жәрдемдесетін болады.
Әріптестік бағдарламаларын іске асыру тетіктері:
1) әріптестік бағдарламасын іске асыру бойынша ірі компаниялармен бірлескен іс-қимыл жоспарын әзірлеу;
2) әріптестік бағдарламасын іске асыру бойынша ірі компания, жергілікті атқарушы органдар, «Даму» КДҚ» АҚ арасында өзара түсіністік пен ынтымақтастық туралы меморандумдарға қол қою;
3) жергілікті кәсіпкерлер қауымдастықтарын құру;
4) сатып алынатын тауарлар мен көрсетілетін қызметтер тізбесінің негізінде жергілікті ШОБ субъектілерінен сатып алу үшін пилоттық бағыттарды, жауапты тұлғалар мен өзара іс-қимыл форматын ірі компаниямен бірге айқындау;
5) жергілікті ШОБ субъектілерінің өзекті тізілімін құру мен жүргізу және оларды өнім түрлері бойынша бөлу;
6) жүйе түзуші компаниялардың, әкімдіктің, «Даму» КДҚ» АҚ-ның қатысуымен моноқаланың ШОБ субъектілерімен мерзімді кеңестер өткізу;
7) ШОБ-тың мүдделі компаниялары қатарынан әлеуетті қатысушыларды іріктеу және олар үшін таңдалған пилоттық бағыттар бойынша мамандандырылған семинарлар мен тренингтер ұйымдастыру; бизнес-тағылымдамалар ұйымдастыру; жаңа қызмет түрін қалпына келтіру, бизнес-жоспар әзірлеу, технологиялар мен жабдықтар сатып алу, маркетинг пен сатуды ұйымдастыру және т.б. мәселелер бойынша кәсіпкерлерге жеке консультациялық көмек көрсету;
8) жергілікті ШОБ субъектілерімен ұзақ мерзімді келісімшарттар жасау;
9) қаржыландыруды ұсыну, жеткіліксіз инженерлік инфрақұрылымды жеткізуге жәрдемдесу мәселелерін шешу.
Микрокредит ұйымдары бар бизнес-инкубаторлар құру шарттары
Кәсіпкерлерді қолдау үшін барлық моноқалаларда бизнес-инкубаторлар құрылатын болады. Бизнес-инкубаторлардың қызметі үй-жайларды жалға беруді, консультациялар беруді, бизнес-жоспар әзірлеуді қоса алғанда, кәсіпкерлерге кешенді қолдау көрсетуді, шағын кредиттер беруді, сервистік қызметтер көрсетуді, кәсіпқойлар желісімен, әлеуетті тұтынушылармен байланыс жасауды қамтитын болады. Осыған байланысты бизнес-инкубатор аумағында микрокредит ұйымдары, сервистік компаниялар мен консультанттар орналасатын болады.
Халықаралық ұйымдар мен қаржы институттарының бағдарламалары шеңберінде «Даму» КДҚ» АҚ қызметкерлерін, сол сияқты шетелдік мамандарды да тарту арқылы инкубаторлардың қызметкерлерін тұрақты түрде оқыту жүзеге асырылатын болады, кейіннен олар табысты жұмыс істейтін халықаралық аналогтарда тағылымдамадан өткізіледі. Бизнес-инкубаторларды құру және дамыту үшін әріптестік бағдарламаларын іске асыру шеңберінде ірі компаниялар тартылатын болады.
Бизнес-инкубаторлар жергілікті атқарушы органдардың қаражаты, сондай-ақ әріптестік бағдарламаларын іске асыру шеңберінде ірі компаниялардың демеушілік қаражаты есебінен құрылатын болады. Бизнес-инкубаторлардың қызметін әдіснамалық қолдау халықаралық ұйымдардың ресурстарын тарта отырып, «Даму» КДҚ» АҚ арқылы жүзеге асырылатын болады.
Кәсіпкерлікті қолдау орталықтарын құру шарттары.
Кәсіпкерлерге және кәсіпкерлік бастамасы бар адамдарға ақпараттық-консультациялық көмек көрсету үшін моноқалаларда кәсіпкерлікті қолдау орталықтары құрылатын болады.
Орталықтар көрсететін қызметтер кешені:
1) бизнесті ашу және жүргізу мәселелері бойынша консультациялар беруді;
2) кәсіпкерлікті қолдау бағдарламалары туралы хабардар етуді;
3) қаржы институттарымен жұмыс істеу шарттарын түсіндіруді және қолдау алу үшін құжаттар жинау бойынша консультациялар беруді;
4) құқықтық мәселелер бойынша консультациялар беруді қамтиды.
Кәсіпкерлікті қолдау орталықтары адамдардың көрсетілетін қызметтерге қолайлы қол жеткізуін қамтамасыз ету үшін Қазақстан Республикасы Көлік және коммуникация министрлігі ұсынған Халыққа қызмет көрсету орталықтары үй-жайларының операциялық залдарында тегін негізде орналастырылатын болады.
Кәсіпкерлікті қолдау орталықтары консультанттарының оператор ұсынатын қызметтеріне республикалық бюджет қаражаты есебінен ақы төленетін болады.
«Даму» КДҚ» АҚ кәсіпкерлікті қолдау орталықтарын құру жөніндегі оператор болып табылады.
Өзін-өзі жұмыспен қамтыған жұмыссыз және табысы аз тұрғындарға кәсіпкерлікті дамытуға жәрдемдесу және микрокредит беру шарттары
Моноқалалардың және оларға әкімшілік бағыныстағы аумақта орналасқан елді мекендердің өз ісін ұйымдастыруға және кеңейтуге ниет білдірген және мүмкіндігі бар тұрғындары аталған бағытқа қатысушы бола алады.
Осы бағыт шеңберінде мынадай мемлекеттік қолдау түрлері көрсетіледі:
1) кәсіпкерлік негіздеріне тегін оқыту;
2) микрокредиттер беру.
Аталған шаралар моноқалалардағы жұмыспен қамту орталықтары арқылы іске асырылады.
Кәсіпкерлік негіздеріне оқыту.
Бағдарламаның жергілікті деңгейдегі үйлестірушісі мемлекеттік сатып алу туралы заңнамаға сәйкес кәсіпкерлік негіздеріне оқытатын және бизнес-жоспар дайындауға жәрдемдесетін ұйымды іріктейді.
Кәсіпкерлік негіздеріне тегін оқыту:
1) кәсіпкерлік негіздеріне оқытуды;
2) бизнес-жоспарды әзірлеуге жәрдемдесуді;
3) жобаларды сүйемелдеу жөніндегі консультациялық (сервистік) көрсетілетін қызметтерді қамтиды.
Кәсіпкерлік негіздеріне оқыту тікелей моноқалаларда жүргізіледі.
Микрокредиттер беру.
Микрокредиттер беру халықты жұмыспен қамтуға жәрдемдесудің белсенді шарасы болып табылады, ол моноқалаларда кәсіпкерлікті дамытуға бағытталған.
1. Республикалық бюджеттен берілетін бюджеттік кредит жергілікті атқарушы органға 0,01 % жылдық сыйақы ставкасымен қайтарымдылық, мерзімділік және ақылылық қағидаттарында 5 жылға беріледі;
кредит беру мерзімі - 5 жылдан аспайды;
игеру кезеңі - Бағдарламаның үйлестірушісі бюджеттік кредитті алған сәттен бастап 5 жыл;
бюджеттік кредиттің нысаналы мақсаты - өз ісін ұйымдастыру немесе кеңейту, айналым капиталын толықтыру;
кредит тұтынушылық мақсаттарға, өткен қарыздарды өтеуге, жылжымайтын мүлік, жер учаскесін сатып алуға және жалға алу ақысын төлеуге берілмейді;
кредиттің ең жоғары сомасы 3 000 000 (үш миллион) теңгеден аспайды;
кредит бойынша түпкілікті қарыз алушыға, микрокредит ұйымдарына және/немесе кредиттік серіктестіктерге кредит беру мерзімі ұзақтығының үштен бірінен аспайтын мерзімге негізгі қарызды өтеу бойынша жеңілдік кезеңі ұсынылуы мүмкін.
2. Облыстық маңызы бар жергілікті атқарушы орган уәкілетті өңірлік ұйымды айқындайды.
3. Бағдарламаның жергілікті деңгейдегі үйлестірушісі уәкілетті өңірлік ұйымға кредит береді және онымен кредит беру туралы келісім жасасады.
Мыналар:
1) қаржы агенттігі мәртебесі бар уәкілетті өңірлік ұйым үшін кредит бойынша жылдық сыйақы ставкасы 0,01 % мөлшерінде белгіленеді;
2) басқа заңды тұлғалар үшін кредит бойынша жылдық сыйақы ставкасы бюджетті атқару жөніндегі орталық уәкілетті орган тиісті мемлекеттік эмиссиялық бағалы қағаздар бойынша бағалы қағаздардың ұйымдасқан қайталама нарығындағы операциялардың нәтижелері бойынша өткен тоқсанда эмиссиялаған мемлекеттік бағалы қағаздар кірістілігінің қалыптасқан орташа өлшемді ставкасы деңгейінде белгіленеді.
4. Уәкілетті өңірлік ұйым Қазақстан Республикасы Үкіметінің 2011 жылғы 18 шілдедегі № 819 қаулысына сәйкес Микроқаржы ұйымдарына және кредиттік серіктестерге конкурстық негізде кредит беру қағидаларында айқындалған өлшемдерге сәйкес микрокредит (микроқаржы) ұйымдарын іріктейді.
Уәкілетті өңірлік ұйым Қағидаларда айқындалған шарттарда микрокредит (микроқаржы) ұйымдарына кредиттік ресурстар ұсынады.
Кредиттік ұйымдарға кредиттік ресурстар жеделділік, қайтарымдылық, ақылылық, қамтамасыз етілу және мақсатты пайдалану шарттарында ұсынылады.
Түпкілікті қарыз алушыға арналған кредиттік ресурстар бойынша ең жоғары жылдық тиімді сыйақы ставкасын уәкілетті өңірлік ұйым ӨҮК-пен келісім бойынша белгілейді.
5. Өзін-өзі жұмыспен қамтыған, жұмыссыз және табысы аз адамдардың кәсіпкерлігін дамыту шеңберінде салалық шектеусіз мемлекеттік қолдау шараларын ұсыну былайша жүзеге асырылады:
1) Бағдарламаға қатысуға ниет білдірген адамдар халықты жұмыспен қамту орталықтарына жүгінеді, онда оларға Бағдарлама шеңберінде микрокредит алудың ықтимал нұсқалары туралы консультация беріледі.
Конкурстық негізде іріктелген микроқаржы (микрокредит) ұйымдары арқылы кредит қаражатын алуға ниет білдірген жағдайда, қатысуға үміткерлер халықты жұмыспен қамту орталықтарына өтініш пен мынадай құжаттарды береді:
жеке басты куәландыратын құжаттың көшірмесі;
тұрғылықты тұратын жері бойынша тіркелгенін растайтын құжаттың көшірмесі (мекенжай анықтамасы, аталған адамның моноқалада/ауданда тұратыны туралы);
еңбек кітапшасының (бар болса) немесе еңбек қызметін растайтын өзге құжаттың (жұмыс істейтін адамдар үшін) көшірмесі;
жеке ісін ұйымдастыру немесе кеңейту бойынша бизнес-ұсыныс.
Жеке ісін кеңейтуді және айналым қаражатын толықтыруды жоспарлайтын адамдар:
төлем қабілеттілігін (егер адамға қызмет көрсететін екінші деңгейдегі банктің немесе оның филиалының адамның банктің немесе оның филиалының алдындағы (адам екінші деңгейдегі бірнеше банкттің немесе филиалдың, сондай-ақ шетелдік банктің клиенті болып табылатын жағдайда, аталған анықтама осындай банктің әрқайсысынан беріледі) міндеттемелерінің барлық түрлері бойынша анықтама берген күннің алдында мерзімі үш айдан асып кеткен берешегі жоқ екені туралы анықтамасының қол қойылған және мөр басылған түпнұсқасы) растайтын құжаттарды қосымша ұсынады;
2) халықты жұмыспен қамту орталықтары ұсынылған өтініштер мен құжаттарды қарайды, мемлекеттік қолдауды алу түрлері бойынша үміткерлердің тізімдерін және бизнес-ұсыныстар тізбесін қалыптастырады және құжаттардың толық пакетін алған күннен бастап 5 (бес) жұмыс күні ішінде:
Бағдарламаға қосу не одан бас тарту үшін үміткерлердің тізімдерін және бизнес-ұсыныстар тізбесін Бағдарламаның жергілікті деңгейдегі үйлестірушісіне;
үміткерлер ұсынған өтініштерді, құжаттарды, үміткерлердің тізімдерін және бизнес-ұсыныстар тізбесін конкурстық негізде іріктелген микроқаржы (микрокредит) ұйымдарына немесе кредиттік серіктестіктерге жібереді;
3) құжаттарды алған күннен бастап күнтізбелік 10 (он) күн ішінде халықты жұмыспен қамту орталығына:
Бағдарламаның жергілікті деңгейдегі үйлестірушісі - ұсынылатын жобаның өңірде кәсіпкерлікті дамытудың басым бағыттарына сәйкестігі туралы қорытындыны және жобаны Бағдарламаға қосу туралы шешімді не негізделген бас тартуды;
конкурстық негізде іріктелген микроқаржы (микрокредит) ұйымдары, кредиттік серіктестіктер - үміткерлерге кредит беру мүмкіндігі немесе мүмкін еместігі туралы қорытындыны ұсынады;
4) халықты жұмыспен қамту орталығы жоғарыда көрсетілген қорытындыларды, Бағдарламаға қатысушылардың құрамына қосу туралы шешімдерді немесе негізделген бас тартуды алғаннан кейін үш жұмыс күні ішінде үміткерлерді бұл туралы жазбаша хабардар етеді;
5) халықты жұмыспен қамту орталықтары Бағдарламаға қатысушыларды оқыту жөніндегі ұйымдарға жібереді, онда бір айға дейінгі оқу мерзімімен оларды кәсіпкерлік негіздеріне тегін оқыту, оларға бизнес-жоспар дайындауға жәрдемдесу қамтамасыз етіледі.
Бұл ретте, Жұмыспен қамту 2020, Жұмыспен қамтудың жол картасы 2020 және Бизнестің жол картасы 2020 бағдарламалары шеңберінде бұдан бұрын кәсіпкерлік негіздеріне оқытудан өткен, оқуын растайтын сертификаттары бар адамдардың микрокредит алуға құқығы бар. Оқытуды растайтын құжаттың қолданылу мерзімі үш жылдан аспауға тиіс;
6) Бағдарламаға қатысушы жобаның бизнес-жоспарын әзірлейді және Бағдарламаға қатысушыларға кредит беру құқығын алған микроқаржы (микрокредит) ұйымына микрокредит алуға арналған өтініммен жүгінеді;
7) микроқаржы (микрокредит) ұйымы жобаны бағалауды жүргізеді, қорытынды береді және микрокредит беру мүмкіндігі (немесе мүмкін еместігі) туралы шешім қабылдайды.
Микрокредитті кредиттік серіктестік арқылы алған жағдайда, Бағдарламаға қатысушы жобаның бизнес-жоспарын әзірлейді және уәкілетті өңірлік ұйым Қағидаларға сәйкес өткізетін кредиттік серіктестіктерді іріктеу жөніндегі конкурсқа қатысатын кредиттік серіктестікке жүгінеді.
Микроқаржы (микрокредит) ұйымдары және кредиттік серіктестіктер үміткерлерге микрокредит бергеннен кейін 5 (бес) жұмыс күні ішінде ол туралы Бағдарламаның жергілікті деңгейдегі үйлестірушісін хабардар етеді.»;
«Моноқалаларды дамытудың 2012 - 2020 жылдарға арналған бағдарламасын іске асыру жөніндегі іс-шаралар жоспары» деген 7-бөлімде:
«Аяқталу нысаны» деген 3-бағанда:
реттік нөмірлері 3, 5, 6, 8, 9, 10, 11, 12, 13, 16, 17, 18, 21, 25, 27, 28, 29, 34-жолдар мынадай редакцияда жазылсын:
«ӨДМ-ге ақпарат»;
«Жауапты орындаушылар» деген 4-бағанда:
реттік нөмірі 7-жол мынадай редакцияда жазылсын:
«ИЖТМ, ӨДМ, «Самұрық-Қазына» ҰӘҚ» АҚ (келісім бойынша), «ҚазАгро» ҰБХ» АҚ (келісім бойынша)»;
реттік нөмірі 22-жол мынадай редакцияда жазылсын:
«ӨДМ, «Даму» КДҚ» АҚ (келісім бойынша), қала түзуші кәсіпорындар (келісім бойынша), облыстардың әкімдері»;
реттік нөмірі 23-жол мынадай редакцияда жазылсын:
«ӨДМ, «Даму» КДҚ» АҚ (келісім бойынша), қала түзуші кәсіпорындар (келісім бойынша), облыстардың әкімдері»;
реттік нөмірлері 26, 30-жолдар мынадай редакцияда жазылсын:
«ӨДМ, Еңбекмині, облыстардың әкімдері»;
реттік нөмірі 32-жолда:
«ЭДСМ, облыстар әкімдері» деген сөздер мынадай сөздермен ауыстырылсын:
«ӨДМ, облыстардың әкімдері»;
реттік нөмірлері 1, 2-жолдар мынадай редакцияда жазылсын:
«ӨДМ, ИЖТМ, облыстардың әкімдері»;
реттік нөмірі 3-жол мынадай редакцияда жазылсын:
«ӨДМ, облыстардың әкімдері»;
реттік нөмірі 35-жол мынадай редакцияда жазылсын:
«ӨДМ, облыстардың әкімдері»;
Ескертпеде: аббревиатуралардың толық жазылуында: «ЭДСМ - Қазақстан Республикасы Экономикалық даму және сауда министрлігі;» деген жол мынадай редакцияда жазылсын:
«ӨДМ - Қазақстан Республикасы Өңірлік даму министрлігі;»;
«ҚТКШІА - Қазақстан Республикасы Құрылыс және тұрғын үй-коммуналдық шаруашылық істері агенттігі;» деген жол алынып тасталсын;
2) «Моноқалаларды дамытудың 2012 - 2020 жылдарға арналған бағдарламасын іске асырудың кейбір мәселелері туралы» Қазақстан Республикасы Үкіметінің 2012 жылғы 15 қарашадағы № 1449 қаулысында:
1) Бағдарлама шеңберінде жеке кәсіпкерлік субъектілеріне берілетін банктердің/лизингтік компаниялардың кредиттері/лизингтік мәмілелері бойынша сыйақы ставкасын субсидиялау, сондай-ақ өндірістік (индустриялық) инфрақұрылымды дамыту жөнінде қолдау көрсету қағидаларында:
«Жалпы ереже» деген 1-бөлімде:
2-тармақ мынадай редакцияда жазылсын:
«2. Банктердің/лизингтік компаниялардың кредиттері/лизингтік мәмілелері бойынша сыйақы ставкаларын субсидиялау осы Қағидаларда белгіленген жағдайларды қоспағанда, Бағдарламаға 1-қосымшада көрсетілген Қазақстан Республикасындағы моноқалалардың тізбесіне сәйкес моноқалаларда және/немесе оларға әкімшілік бағыныстағы аумақта орналасқан елді мекендерде экономиканың кез келген секторында қызметін жүзеге асыратын жеке кәсіпкерлік субъектілерінің (бұдан әрі - кәсіпкер) жаңа кредиттері/лизингтік мәмілелері бойынша жүзеге асырылатын болады.»;
5-тармақта:
2) және 3) тармақшалар мынадай редакцияда жазылсын:
«2) банк - төлем агенті - лизингтік компанияның уәкілетті банкі - қаржы агентімен келісілуі тиіс және субсидияларды аударуға және есептен шығаруға арналған Лизинг компаниясының арнайы ағымдағы шотын жүргізу бойынша функцияларды жүзеге асыруы тиіс;
3) субсидиялау шарты - қаржы агенті, кәсіпкер, банк/лизингтік компания арасында жасалатын үшжақты жазбаша келісім, оның талаптары бойынша қаржы агенті банк/лизингтік компания берген Кәсіпкердің кредиті/лизингі бойынша сыйақы ставкасын ішінара субсидиялайды»;
6) тармақша мынадай редакцияда жазылсын:
«6) бағдарламаны үйлестіруші - Бағдарламаны облыстық деңгейде іске асыруға жауапты, облыстардың әкімдері айқындайтын жергілікті атқарушы органның құрылымдық бөлімшесі;»;
мынадай мазмұндағы 6-1) тармақшамен толықтырылсын:
«6-1) бағдарламаның жергілікті деңгейдегі үйлестірушісі - Бағдарламаны моноқалада іске асыруға жауапты, облыстардың әкімдері айқындайтын моноқаланың/ауданның жергілікті атқарушы органының құрылымдық бөлімшесі;»;
12) тармақша мынадай редакцияда жазылсын:
«12) жұмыс органы - Қазақстан Республикасы Өңірлік даму министрлігінің Кәсіпкерлікті дамыту комитеті;»;
16) тармақша мынадай редакцияда жазылсын:
«16) уәкілетті орган - Қазақстан Республикасы Өңірлік даму министрлігі;»;
15, 16 және 17-тармақтар мынадай редакцияда жазылсын:
«15. Субсидиялау мерзімі кейіннен 5 (бес) жылға дейін ұзарту мүмкіндігімен 3 (үш) жылға дейінгі мерзімді құрайды. 3 (үш) жыл өткен соң Субсидиялау шартының қолданылу мерзімін ұзарту кәсіпкерлерге тиісті жылы субсидия беру үшін республикалық бюджеттен қаражат бөлінген кезде ғана банк/лизингтік компания қолдаухатының негізінде ӨҮК шешімімен мақұлданады. Субсидиялау шартының әрекет ету мерзімін ұзарту жыл сайын жүзеге асырылады.
16. Пайыздық ставканы субсидиялау белгіленген номиналды сыйақы ставкасы 14 %-дан аспайтын кредиттер бойынша ғана жүзеге асырылуы мүмкін, оның 10 %-ын мемлекет өтейді. Бұл ретте, банктер мен лизингтік компаниялар:
1) кредит беру шарттарын өтініш берушінің бастамасымен өзгертуге байланыстыларды;
2) өтініш берушінің кредит бойынша міндеттемелерін бұзу себебіне байланысты алынатындарды қоспағанда, кредитке байланысты қандай да бір комиссияларды, алымдарды және/немесе өзге де төлемдерді алмайды.
17. Егер кредит бойынша номиналды сыйақы ставкасы жылдық 14 %-дан төмен болса, онда 10 %-ын мемлекет өтейді, ал айырмасын кәсіпкер төлейді.»;
21-тармақ мынадай редакцияда жазылсын:
«21. Банктің кредит беру туралы оң шешімі бар кәсіпкер Бағдарламаның жергілікті деңгейдегі үйлестірушісіне кәсіпкердің өтініш-сауалнамасымен бірге (Ынтымақтастық туралы келісімде көзделген нысан бойынша) жүгінеді, оған мынадай құжаттар қоса беріледі:
1) кәсіпкерді мемлекеттік тіркеу туралы куәлік/заңды тұлғаны мемлекеттік тіркеу (қайта тіркеу) туралы куәлік не анықтама (кәсіпкердің мөрімен/қолымен расталған көшірмесі);
2) егер қызмет түрі лицензияланатын болса, лицензия (кәсіпкердің мөрімен/қолымен расталған көшірмесі);
3) жарғы, құрылтай шарты (бір құрылтайшы болған жағдайда құрылтай шарты талап етілмейді). Акционерлік қоғам қосымша акциялар шығару проспектісін және құнды қағазды ұстаушылар тізілімінен үзіндіні (тізілімді ұстаушының мөрімен/қолымен расталған көшірмесі) ұсынады;
4) кәсіпкердің соңғы қаржы жылындағы салық декларациясының көшірмесі қоса берілген, қаржы есептері және/немесе интернет ресурстарға орналастырылған дебиторлық және кредиторлық берешегі (оның ішінде берешектің сомасы, пайда болған күні және өнімдердің/тауарлар мен көрсетілген қызметтердің атауы) таратып жазылған қаржы жағдайы туралы талдау жасауға мүмкіндік беретін ақпарат (Кәсіпкердің мөрімен/қолымен расталған көшірмесі);
5) кредит/лизинг беру мүмкіндігі туралы оң шешімі бар банк/лизингтік компанияның хаты (кәсіпкердің Бағдарламаға қатысуы туралы банктің/лизингтік компанияның уәкілетті органының шешімін қоса бере отырып).»;
24-тармақта:
3) тармақша мынадай редакцияда жазылсын:
«3) Қазақстан Республикасы Үкіметінің 2012 жылғы 29 желтоқсандағы № 1771 қаулысына сәйкес мониторингке жататын ірі салық төлеушілердің тізбесіне енгізілген металлургия өнеркәсібінің кәсіпорындары;»;
5) тармақша мынадай редакцияда жазылсын:
«5) құрылтайшылары ұлттық басқарушы холдингтер, ұлттық холдингтер, ұлттық компаниялар мен акцияларының (жарғылық капиталына қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі ұйымдар (әлеуметтік-кәсіпкерлік корпорацияларды қоспағанда) болып табылатын заңды тұлғалар, сондай-ақ меншік нысаны жеке мекеме ретінде ресімделген заңды тұлғалар;»;
25-тармақ мынадай редакцияда жазылсын:
«25. Бағдарламаның жергілікті деңгейдегі үйлестірушісі хаттамаға ӨҮК мүшелері қол қойғаннан кейін 1 (бір) жұмыс күні ішінде хаттаманың көшірмесін банкке/лизингтік компания мен қаржы агентіне жібереді.
ӨҮК шешімінің қолданылу мерзімі банк/лизингтік компания ӨҮК хаттамасын алған күннен бастап 6 (алты) ай.»;
33-тармақ мынадай мазмұндағы екінші бөлікпен толықтырылсын:
«Субсидиялау кезеңі банк/лизингтік компания және кәсіпкер субсидиялау шартына қол қойған сәттен бастап басталады.»;
34-тармақ мынадай редакцияда жазылсын:
«Қаржы агенті субсидиялау шартына қол қойғанға дейін субсидияларды төлеу күні басталған жағдайда:
1) қаржы агентінің ағымдағы шотында/лизингтік компанияның шотында қаражат болмаған немесе жеткіліксіз болған кезде төленген соманы кейіннен қаржы агенті өтейтіндей етіп төлеуді кәсіпкер дербес жүргізетін болады;
2) қаржы агентінің ағымдағы шотында/лизингтік компанияның шотында қаражат болған және жеткілікті болған кезде банк/банк - төлем агенті сол кәсіпкердің кредиттеу/қаржы лизингі шарты бойынша қаржы агентінің ағымдағы шотынан субсидияланатын сыйақы ставкасын өтеу есебінен жүргізеді.»;
36-тармақ мынадай редакцияда жазылсын:
«36. Заңды тұлғалардың банктік шоттарын ашуға және жүргізуге құқығы жоқ лизингтік компаниялар қаржы агентімен келісім бойынша, онда лизингтік компания субсидияларды аудару үшін шот ашатын банк - төлем агентін айқындайды.»;
мынадай мазмұндағы 42-1-тармақпен толықтырылсын:
«42-1. Егер банк/лизингтік компания қолданыстағы банктік қарыз шартының/қаржы лизингі шартының талаптарын өзгерткен жағдайда, банк/лизингтік компания тиісті хаттың негізінде Бағдарламаның жергілікті деңгейдегі үйлестірушісін хабардар етеді. Бағдарламаның жергілікті деңгейдегі үйлестірушісі жеті жұмыс күні ішінде жүргізілген қаржыландыру талаптарының өзгерістерін хатпен келіседі немесе келісуден бас тартады.»;
57-тармақ мынадай редакцияда жазылсын:
«57. Өндірістік (индустриялық) инфрақұрылымды дамыту бойынша қолдау көрсету Бағдарламаның 1-қосымшасында көрсетілген Қазақстан Республикасының моноқалалар тізбесіне сәйкес моноқалаларда, сондай-ақ оларға әкімшілік бағыныстағы аумақта орналасқан елді мекендерде тиісті инфрақұрылымды дамыта отырып, кәсіпкерлікті және іскерлік белсенділікті дамытуға бағытталған.»;
69-тармақ мынадай редакцияда жазылсын:
«69. Өндірістік (индустриялық) инфрақұрылыммен қамтамасыз ету бойынша қолдау:
1) мұнай-газ өнеркәсібінің кәсіпорындарына;
2) тау-кен саласының кәсіпорындарына;
3) Қазақстан Республикасы Үкіметінің 2012 жылғы 29 желтоқсандағы № 1771 қаулысына сәйкес мониторингке жататын ірі салық төлеушілердің тізбесіне енгізілген металлургия өнеркәсібінің кәсіпорындарына;
4) құрылтайшылары ұлттық басқарушы холдингтер, ұлттық холдингтер, ұлттық компаниялар және акцияларының (жарғылық капиталына қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі ұйымдар (әлеуметтік-кәсіпкерлік корпорацияларды қоспағанда) болып табылатын заңды тұлғаларға, сондай-ақ меншік нысаны жеке мекеме ретінде ресімделген заңды тұлғаларға;
5) акциздік тауарлар мен қару шығаруды көздейтін жобаларға қолданылмайды.»;
көрсетілген Қағидаларға 1-қосымшада:
Өз қызметін моноқалаларда жүзеге асыратын жеке кәсіпкерлік субъектілеріне берілетін банктердің/лизингтік компаниялардың кредиттері/лизингтік мәмілелері бойынша сыйақы төлеу ставкаларын субсидиялау шеңберіндегі ынтымақтастық туралы үлгі келісімде (бұдан әрі - Үлгі келісім):
«Терминдер мен қысқартулар» деген 1-бөлімде:
мына:
«
Субсидиялау шарты (СШ) |
қаржы агенті, банк/лизингтік компанияның және кәсіпкердің арасында жасалады, оның шарттары бойынша қаржы агенті кәсіпкердің банкпен/лизингтік компаниямен жасасқан қаржы лизингі шарты бойынша сыйақы ставкасын ішінара субсидиялайды; |
»
деген жол мынадай редакцияда жазылсын:
«
Субсидиялау шарты (СШ) |
қаржы агенті, кәсіпкер, банк/лизингтік компания арасында жасалатын үш жақты жазбаша келісім, оның шарттары бойынша қаржы агенті кәсіпкердің банк/лизингтік компания берген кредиті/лизингі бойынша сыйақы ставкасын ішінара субсидиялайды; |
»;
мына:
«
Жұмыс органы |
«Қазақстан Республикасы Экономикалық даму және сауда министрлігінің Кәсіпкерлікті дамыту комитеті» мемлекеттік мекемесі; |
»
деген жол мынадай редакцияда жазылсын:
«
Жұмыс органы |
«Қазақстан Республикасы Өңірлік даму министрлігінің Кәсіпкерлікті дамыту комитеті» мемлекеттік мекемесі; |
»;
«Субсидиялау шарттары» деген 3-бөлімде:
мына:
«
Кәсіпкердің субсидиялауға жататын кредиттері/лизингтері: |
инвестициялық жобаларды, сондай-ақ өндірісті жаңғыртуға және кеңейтуге бағытталған жобаларды іске асыру үшін берілетін, сыйақысының тиімді ставкасы жылдық 14 %-дан аспайтын 2012 жылғы 1 шілдеден бастап берілген жаңа кредиттер/лизингтер |
»
деген жол мынадай редакцияда жазылсын:
«
Кәсіпкердің субсидиялауға жататын кредиттері/лизингтері: |
инвестициялық жобаларды, сондай-ақ өндірісті жаңғыртуға және кеңейтуге бағытталған жобаларды іске асыру үшін берілетін, сыйақысының номиналды ставкасы жылдық 14 %-дан аспайтын, осы мақсаттарға 2012 жылғы 1 шілдеден бастап берілген жаңа кредиттер/лизингтер; |
»;
мына:
«
Кәсіпкердің субсидиялауға жатпайтын кредиттері/лизингтері: |
мұнай-газ өнеркәсібі кәсіпорындарының кредиттері; |
қару-жарақ және акцизге тәуелді өнімдер өндіретін кәсіпорындарының кредиттері; |
|
акцияларының (жарғылық капиталға қатысу үлестерінің) елу және одан көп пайызы мемлекетке, ұлттық басқарушы холдингке, ұлттық холдингке, ұлттық компанияға тікелей немесе жанама тиесілі құрылтайшылары ұлттық басқарушы холдингтер, ұлттық холдингтер, ұлттық компаниялар мен ұйымдар болып табылатын заңды тұлғалардың, сондай-ақ меншік нысаны жеке мекеме ретінде ресімделген заңды тұлғалардың кредиттері; |
|
минералды шикізатты қайта өңдеуді жүзеге асыратын және Қазақстан Республикасы Үкіметінің 2010 жылғы 31 желтоқсандағы № 1514 қаулысына сәйкес мониторингілеуге жататын ірі салық төлеушілер тізбесіне енгізілген металлургия өнеркәсібі кәсіпорындарының кредиттері; |
|
тау-кен саласының кәсіпорындарына жататын кәсіпкерлер кредиттері |
»
деген жол мынадай редакцияда жазылсын:
«
Кәсіпкердің субсидиялауға жатпайтын кредиттері/лизингтері: |
мұнай-газ өнеркәсібі кәсіпорындарының кредиттері; |
қару-жарақ және акциздік өнімдер өндіретін кәсіпорындардың кредиттері; |
|
құрылтайшылары ұлттық басқарушы холдингтер, ұлттық холдингтер, ұлттық компаниялар және акцияларының (жарғылық капиталына қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға тиесілі ұйымдар (әлеуметтік-кәсіпкерлік корпорацияларды қоспағанда) болып табылатын заңды тұлғалардың, сондай-ақ меншік нысаны жеке мекеме ретінде ресімделген заңды тұлғалардың кредиттері; |
|
Қазақстан Республикасы Үкіметінің 2012 жылғы 29 желтоқсандағы № 1771 қаулысына сәйкес мониторингке жататын ірі салық төлеушілердің тізбесіне енгізілген металлургия өнеркәсібі кәсіпорындарының кредиттері; |
|
тау-кен саласының кәсіпорындарына жататын кәсіпкерлер кредиттері; |
»;
мына:
«
Субсидиялау мөлшері: |
тиімді номиналды сыйақы ставкасы 14 %-дан аспайтын кредиттік/лизингтік мәмілелер бойынша, бұл ретте 10 %-ын мемлекет өтейді |
»
деген жол мынадай редакцияда жазылсын:
«
Субсидиялау мөлшері: |
номиналды сыйақы ставкасы 14 %-дан аспайтын кредиттік/лизингтік мәмілелер бойынша, бұл ретте 10 %-ын мемлекет өтейді; |
»;
Үлгі келісімге 3-қосымша:
_______________ бойынша Өңірлік үйлестіру кеңесі отырысының № ____ хаттамасындағы «Тиімді сыйақы ставкасы» деген 13-баған мынадай редакцияда жазылсын:
«Номиналды сыйақы ставкасы»;
көрсетілген Қағидаларға 2-қосымшада:
Субсидиялау туралы шартта:
«Терминдер мен қысқартулар» деген бөлімде:
мына:
«
Жұмыс органы |
«Қазақстан Республикасы Экономикалық даму және сауда министрлігінің Кәсіпкерлікті дамыту комитеті» мемлекеттік мекемесі; |
»
деген жол мынадай редакцияда жазылсын:
«
Жұмыс органы |
«Қазақстан Республикасы Өңірлік даму министрлігінің Кәсіпкерлікті дамыту комитеті» мемлекеттік мекемесі; |
»;
көрсетілген Қағидаларға 3-қосымша:
Субсидиялау шартында:
мына:
«
Субсидиялау шарты (СШ) |
қаржы агентінің, банк/лизингтік компанияның және кәсіпкердің арасында жасалатын жазбаша келісім, оның шарттары бойынша қаржы агенті кәсіпкердің банкпен/лизингтік компаниямен жасасқан қаржы лизингі шарты бойынша сыйақы ставкасын ішінара субсидиялайды. |
»
деген жол мынадай редакцияда жазылсын:
«
Субсидиялау шарты (СШ) |
қаржы агенті, кәсіпкер, банк/лизингтік компания арасында жасалатын үш жақты жазбаша келісім, оның шарттары бойынша қаржы агенті кәсіпкердің банк/лизингтік компания берген кредиті/лизингі бойынша сыйақы ставкасын ішінара субсидиялайды; |
»;
«Шарт бойынша Субсидиялау тәртібі» деген 5-бөлімде:
7-тармақ мынадай мазмұндағы екінші бөлікпен толықтырылсын:
«Бұл ретте қаржыландыру шарттарына жүргізілген өзгерістер (келісуден бас тарту) келісу хатында нақты көрсетілуі тиіс.»;
«Субсидиялауды тоқтата тұру, тоқтату және қалпына келтіру негіздемелері» деген 6-бөлімде:
8-тармақ мынадай редакцияда жазылсын:
«8. Субсидиялауды тоқтата тұруға негіз болған себептерді кәсіпкер ӨҮК отырысына дейін жойған жағдайда, ӨҮК субсидиялауды жаңғырту туралы шешім қабылдайды.»;
10-тармақтың екінші бөлігі мынадай редакцияда жазылсын:
«Сонымен бір мезгілде тоқтатыла тұрған кезеңде оларға төленбеген субсидияларды төлеуді жүргізеді. Осы Шарттың 2-тармағының 6) және 7) тармақшаларында көрсетілген негіздер бойынша субсидиялау тоқтатыла тұрған кезде кәсіпкердің мерзімі өткен кезеңге шыққан күнінен не Кәсіпкердің лизингтік төлемдерді енгізу жөніндегі міндеттемелерін орындамаған күнінен бастап төленуі тиіс субсидияларды төлеуді жүргізеді.»;
2) көрсетілген қаулымен бекітілген Бағдарлама шеңберінде жаңа өндірістерді құруға арналған мемлекеттік гранттар ұсыну қағидаларында:
«Жалпы ережелер» деген 1-бөлімде:
1-тармақ мынадай редакцияда жазылсын:
«1. Қазақстан Республикасы Үкіметінің 2012 жылғы 25 мамырдағы № 683 қаулысымен бекітілген Моноқалаларды дамытудың 2012 - 2020 жылдарға арналған бағдарламасы (бұдан әрі - Бағдарлама) шеңберінде жаңа өндірістерді құруға арналған жеке кәсіпкерліктің субъектілеріне мемлекеттік гранттар ұсыну қағидалары (бұдан әрі - Қағидалар) «Жеке кәсіпкерлік туралы» Қазақстан Республикасының 2006 жылғы 31 қаңтардағы Заңына сәйкес әзірленді және моноқалаларда және оларға әкімшілік бағыныстағы аумақтарда орналасқан елді мекендерде жаңа өндірістерді құру үшін кәсіпкерлерге мемлекеттік гранттарды беру тәртібін анықтайды.»;
2-тармақта:
1) тармақша мынадай редакцияда жазылсын:
«1) кәсіпкер - шағын кәсіпкерлік субъектісі;»;
6) және 7) тармақшалар мынадай редакцияда жазылсын:
«6) уәкілетті орган - «Қазақстан Республикасы Өңірлік даму министрлігі» мемлекеттік мекемесі;
7) жұмыс органы - «Қазақстан Республикасы Өңірлік даму министрлігінің Кәсіпкерлікті дамыту комитеті» мемлекеттік мекемесі;»;
5 және 6-тармақтар мынадай редакцияда жазылсын:
«5. Мемлекеттік гранттар кәсіпкерлер (жеке кәсіпкерлер немесе заңды тұлғалардың құрылтайшысы (құрылтайшылары) «Бизнес кеңесші» жедел курстарында қысқа мерзімді оқытудан өткеннен кейін ӨҮК шешімімен Бағдарламаның жергілікті деңгейдегі үйлестірушісі өткізген конкурстардың қорытындылары бойынша ол арқылы ұсынылады.
6. Мемлекеттік гранттарды беру мақсаты Бағдарламаға 1-қосымшада көрсетілген Қазақстан Республикасы моноқалаларының тізбесіне сәйкес моноқалаларда және оларға әкімшілік бағыныстағы аумақтарда орналасқан елді мекендерде жаңа өндіріс құруды жоспарлап отырған кәсіпкерлерді қолдау болып табылады.»;
11-тармақтың 3) және 5) тармақшалары мынадай редакцияда жазылсын:
«3) Қазақстан Республикасы Үкіметінің 2012 жылғы 29 желтоқсандағы № 1771 қаулысына сәйкес мониторингке жататын ірі салық төлеушілердің тізбесіне енгізілген металлургия өнеркәсібінің кәсіпорындарына;»;
«5) құрылтайшылары ұлттық басқарушы холдингтер, ұлттық холдингтер, ұлттық компаниялар мен акцияларының (жарғылық капиталына қатысу үлестерінің) елу және одан көп пайызы тікелей немесе жанама түрде мемлекетке, ұлттық басқарушы холдингке, ұлттық холдингке, ұлттық компанияға (әлеуметтік-кәсіпкерлік корпорацияларды қоспағанда) тиесілі ұйымдар болып табылатын заңды тұлғаларға, сондай-ақ меншік нысаны жеке мекеме ретінде ресімделген заңды тұлғаларға;»;
19-тармақтың 2) тармақшасы мынадай редакцияда жазылсын:
«2) заңды тұлғаны мемлекеттік тіркеу туралы куәліктің және/немесе мемлекеттік тіркеу (қайта тіркеу) туралы анықтаманың көшірмесі;»;
көрсетілген Қағидаларға 1-қосымшада:
Конкурсты өткізу туралы хабарландыруда:
«Конкурстың нысанасы: Моноқалаларды дамытудың 2012 - 2020 жылдарға арналған бағдарламасы шеңберінде шағын және орта кәсіпкерліктің ісін жаңа бастаған субъектілеріне мемлекеттік гранттар (меншікті бизнес құруға) ұсыну.» деген жол мынадай редакцияда жазылсын:
«Конкурстың нысанасы: Моноқалаларды дамытудың 2012 - 2020 жылдарға арналған бағдарламасы шеңберінде жеке кәсіпкерлік субъектілеріне мемлекеттік гранттар (жаңа өндіріс құруға) ұсыну.»;
«Конкурсқа қатысу шарттары: конкурсқа қайтадан тіркелген, дара кәсіпкер немесе заңды тұлға ретінде мемлекеттік тіркелу мерзімі мемлекеттік қолдау көрсетуге өтінім білдірген сәтте күнтізбелік бір жылдан кем шағын және орта кәсіпкерліктің субъектілері қатыса алады.» деген жол мынадай редакцияда жазылсын:
«Конкурсқа қатысу шарттары: конкурсқа моноқалада және оларға әкімшілік бағыныстағы аумақта орналасқан елді мекендерде жаңа өндіріс құруды жоспарлап отырған жеке кәсіпкерліктің субъектілері қатыса алады.»;
көрсетілген Қағидаларға 2-қосымшада:
Моноқалаларды дамытудың 2012 - 2020 жылдарға арналған бағдарламасы шеңберінде шағын және орта кәсіпкерліктің ісін жаңа бастаған субъектілеріне (меншікті бизнесін құруға) мемлекеттік гранттар ұсыну үшін конкурстық іріктеуге қатысуға арналған өтінімде:
тақырыбы мынадай редакцияда жазылсын:
«Моноқалаларды дамытудың 2012 - 2020 жылдарға арналған бағдарламасы шеңберінде жеке кәсіпкерлік субъектілеріне (жаңа өндіріс құруға) мемлекеттік гранттар беру үшін конкурстық іріктеуге қатысуға арналған ӨТІНІМ»;
«шағын және орта кәсіпкерліктің ісін жаңа бастаған субъектілеріне мемлекеттік гранттар (меншікті бизнесін құруға) ұсыну үшін конкурстық іріктеуге қатысатындығы туралы жариялайды.» деген сөздер мынадай сөздермен ауыстырылсын:
«жеке кәсіпкерлік субъектілеріне мемлекеттік гранттар (жаңа өндіріс құруға) беру үшін конкурстық іріктеуге қатысатыны туралы мәлімдейді.».
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі С. Ахметов