Қазақстан Республикасы Үкiметiнiң кейбiр шешiмдерiне өзгерiстер мен толықтыру енгiзу туралы

      Қазақстан Республикасының Үкiметi ҚАУЛЫ ЕТЕДI:
      1. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтыру бекiтiлсiн.
      2. Осы қаулы алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi.

      Қазақстан Республикасының
      Премьер-Министрi                           К. Мәсiмов

Қазақстан Республикасы
Үкіметінің     
2012 жылғы 3 тамыздағы
№ 1021 қаулысына  
1-қосымша      

Қазақстан Республикасы Үкіметінің
2010 жылғы 22 желтоқсандағы  
№ 1402 қаулысымен       
бекітілген           

«Ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитке салу» мемлекеттік қызмет стандарты

1. Жалпы ережелер

      1. «Ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитке салу» мемлекеттік қызметін (бұдан әрі – мемлекеттік қызмет) «Телекоммуникация саласындағы техникалық сүйемелдеу және талдау орталығы» республикалық мемлекеттік кәсіпорны 010000, Астана қаласы, Жирентаев көшесі, 1/1, 404-кабинет мекенжайы бойынша көрсетеді.
      2. Мемлекеттік қызметті көрсету нысаны: автоматтандырылмаған.
      3. Мемлекеттік қызмет «Ақпараттандыру туралы» Қазақстан Республикасының 2007 жылғы 11 қаңтардағы Заңының 9-1-бабының 3) тармақшасы, «Электрондық ақпараттық ресурстар мен ақпараттық жүйелердің мемлекеттік тіркелімін және депозитарийді жүргізу ережесін бекіту туралы» Қазақстан Республикасы Үкіметінің 2007 жылғы 21 қарашадағы № 1124 қаулысы негізінде көрсетіледі.
      4. Мемлекеттік қызмет стандарты (бұдан әрі – стандарт) www.mtc.gov.kz, www.reginfo.kz интернет-ресурстарында орналастырылады, мемлекеттік қызмет көрсету тәртібі туралы анықтамалық ақпаратты (87172) 55-29-77 телефоны арқылы алуға болады.
      5. Көрсетілетін мемлекеттік қызметтің нәтижесі депозитке салу объектісінің депозитарийде тіркелгені туралы анықтама беру (бұдан әрі – анықтама) болып табылады.
      6. Мемлекеттік қызмет электрондық ақпараттық ресурстар мен ақпараттық жүйелердің меншік иелері немесе иеленушілері болып табылатын Қазақстан Республикасының жеке және заңды тұлғаларына (бұдан әрі – мемлекеттік қызмет алушылар) көрсетіледі.
      7. Мемлекеттік қызмет көрсету мерзімі:
      1) мемлекеттік қызмет алушы осы стандарттың 11-тармағында белгіленген қажетті құжаттарды тапсырған кезде:
      тексеру нәтижесі оң болған жағдайда - мемлекеттік қызмет алушы қажетті құжаттарды тапсырған сәттен бастап жиырма жұмыс күнінен аспайды;
      депозитке беруге өтінімі тиісінше ресімделмеген не депозитке салуға ұсынылған материалдар толық болмаған жағдайда, депозитке беру өтінімі мен материалдар жиынтығының қайтарылуы – мемлекеттік қызметті алушы қажетті құжаттарды тапсырған сәттен бастап күнтізбелік он үш күннен аспайды;
      2) қажетті құжаттарды тапсыруға кезекті күту үшін рұқсат етілген ең көп уақыт – жиырма минуттан аспайды;
      3) мемлекеттік қызмет алу үшін мемлекеттік қызметті алушы өтініш жасаған күні сол жерде көрсетілетін мемлекеттік қызмет алушыға қызмет көрсету (рұқсат етілген ең көп уақыт) – он бес минуттан аспайды.
      8. Мемлекеттік қызмет тегін көрсетіледі.
      9. Қазақстан Республикасы Көлік және коммуникация министрлігі Байланыс және ақпараттандыру комитетінің (бұдан әрі - Комитет) жұмыс кестесі: демалыс және мереке күндерінен басқа, күн сайын сағат 9.00-ден 18.30-ға дейін, түскі үзіліс сағат 13.00-ден 14.30-ға дейін.
      10. Мемлекеттік қызмет алушыдан құжаттарды қабылдау Комитеттің үй-жайында жүзеге асырылады. Үй-жай пандустары бар кіреберістермен, күту залымен жабдықталған, физикалық мүмкіндіктері шектеулі адамдар үшін жағдайлар көзделген.

2. Мемлекеттік қызмет көрсету тәртібі

      11. Мемлекеттік қызметті алу үшін мемлекеттік қызмет алушылар мыналарды ұсынады:
      1) ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитке салуға арналған белгіленген нысандағы өтінім;
      2) ілеспе хаттан бөлек бір конвертке (пакетке) екі данада (түпнұсқасы және көшірмесі) мына жиынтықта салынған электрондық тасығыштағы (компакт-дискілердегі) материалдар:
      ақпараттық жүйенің мыналарды қамтитын атқарылатын бағдарламалық кодтары:
      авторлық кұқықтармен қорғалғандардан басқа, ақпараттық жүйенің бастапқы бағдарламалық кодтары;
      қолмен және автоматты түрдегі компиляциясы үшін қажетті қызметтік файлдар;
      компиляция процесінің (әзірлеу ортасы мен оның нұсқасын көрсете отырып), депозитке салынатын бағдарламалық өнімді құрастыру үшін қажетті әзірлеу ортасын ретке келтіру ерекшеліктерінің сипаттамасы;
      ақпараттық жүйелердің мыналарды қамтитын инсталляциялау пакеті:
      депозитке салынатын бағдарламалық өнімді орнату бағдарламасының қалыптастырылған пакеттері;
      депозитке салынатын бағдарламалық өнімнің бағдарламалық өнімді әзірлеушілер тікелей құрған, құрастырылған модульдері (құрауыштары), сондай-ақ басқа әзірлеушілердің құрастырылған модульдері (құрауыштары), депозитке салынатын бағдарламалық өнімді компиляциялау, орнату және оның толыққанды жұмыс істеуі үшін қажетті ретке келтіру мен жұмыс деректері бар файлдар;
      қажет болған жағдайда, мемлекеттік қызмет алушы айқындайтын қосымша бағдарламалық қамтамасыз ету;
      ақпараттық жүйенің аңдатпалық немесе жарнамалық сипаттамасы;
      қатты қағаздан жасалған конвертке (пакетке) салынған және алдын ала тігілген қағаз тасығышта екі данадағы (түпнұсқасы мен көшірмесі), сондай-ақ бөлек конвертке (пакетке) салынған электронды түрдегі компакт-дискіде екі данадағы (түпнұсқасы мен көшірмесі) нормативтік-техникалық құжаттама мынадай жиынтықта ұсынылады:
      депозитке салынатын бағдарламалық өнімнің ерекшелігі;
      техникалық тапсырма (бағдарламалық өнімді дамытудың барлық кезендерінің);
      формуляр (негізгі сипаттамалары, жинақтылық және депозитке салынатын бағдарламалық өнімді пайдалану туралы мәліметтер);
      бағдарламалық өнімнің сипаттамасы (жұмыстың және өзара әрекет схемалары мен диаграммаларымен қоса алғанда, бағдарламалық өнімнің логикалық құрылымы мен жұмыс істеуі туралы мәліметтер);
      түсіндірме жазба (алгоритм схемасы, бағдарламалық өнім алгоритмінің және (немесе) жұмыс істеуінің жалпы сипаттамасы, сондай-ақ қабылданған техникалық және техникалық-экономикалық шешімдердің негіздемесі);
      қолданылу сипаттамасы (бағдарламалық өнімнің мақсаты, қолданылу саласы, қолданылатын әдістер, шешілетін міндеттердің сыныбы, қолдану үшін шектеулер, техникалық құралдардың ең төменгі кескіні туралы мәліметтер);
      орнату жөніндегі басшылығы;
      әкімшілік басшылығы;
      пайдаланушының басшылығы;
      техникалық тапсырма бойынша талап етілетін өзге де құжаттар;
      3) мемлекеттік қызмет алушының қалауы бойынша басқа да бағдарламалық құралдар мен құжаттар.
      12. Өтінім нысандары мен оларды толтыру бойынша түсіндірмелер www.mtc.gov.kz, www.reginfo.kz интернет-ресурстарында орналастырылған.
      13. Құжаттарды қабылдауды: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А746 кабинет, телефон: (87172) 74-03-64 мекенжайы бойынша Комитеттің кеңсесі жүзеге асырады.
      14. Ілеспе хаттың көшірмесіндегі белгі және оны алу күнінің көрсетілуі мемлекеттік қызмет алушының оны алу үшін барлық қажетті құжаттарды тапсырғанын растайды.
      15. Мемлекеттік қызмет алушыға куәлікті немесе қызмет көрсетуден бас тарту туралы жауапты жеткізу пошта арқылы немесе қолма-қол жүзеге асырылады.
      16. Мемлекеттік қызмет көрсетуден бас тарту үшін депозитке салуға берілген өтінімнің тиісті ресімделмеуі және/немесе ұсынылған құжаттардың толық еместігі негіз болып табылады.

3. Жұмыс қағидаты

      17. Мемлекеттік қызмет көрсету кезіндегі Комитеттің әрекеттері Қазақстан Республикасының қолданыстағы заңдарын, жүктелген функцияларды орындау кезінде заңдылықты сақтауға негізделеді және сыпайылылық, толық ақпарат беру, оның сақталуын, қорғалуын және құпиялылығын қамтамасыз ету қағидаттарымен жүзеге асырылады.

4. Жұмыс нәтижелері

      18. Мемлекеттік қызмет алушыларға мемлекеттік қызмет көрсету нәтижелері осы стандартқа қосымшаға сәйкес сапа және тиімділік көрсеткіштерімен өлшенеді.
      19. Комитеттің мемлекеттік қызмет көрсетуінің сапа және тиімділік көрсеткіштерінің нысаналы мәндері жыл сайын Қазақстан Республикасы Көлік және коммуникация министрінің бұйрығымен бекітіледі.

5. Шағымдану тәртібі

      20. Мемлекеттік қызмет көрсету нәтижелеріне шағымдану тәртібі туралы ақпаратты, сондай-ақ шағымды дайындауға көмекті № А 757 кабинет, (87172) 74-06-85 телефоны, kci@mtc.gov.kz мекенжайы бойынша Комитеттің лауазымды тұлғасынан алуға болады.
      21. Көрсетілген мемлекеттік қызмет нәтижелерімен келіспеген жағдайда мемлекеттік қызметті алушы шағымды Комитет Төрағасының атына: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А729 кабинет, (87172) 74-03-24 қабылдау бөлмесі телефоны, kci@mtc.gov.kz мекенжайы бойынша жолдайды.
      Жұмыс кестесі: демалыс және мереке күндерінен басқа, сағат 9.00-ден 18.30-ға дейін, түскі үзіліс сағат 13.00-ден 14.30-ға дейін.
      22. Мемлекеттік қызмет көрсету кезінде дұрыс қызмет көрсетілмеу мәселелері бойынша шағымды мемлекеттік қызметті алушы:
      1) Қазақстан Республикасы Көлік және коммуникация министрлігінің «сенім телефонына» (87172) 24-29-09;
      2) www.mtc.gov.kz интернет-ресурсының «сенім беті» бөліміне;
      3) Қазақстан Республикасының Көлік және коммуникация министрінің блогына (Қазақстан Республикасы Көлік және коммуникация министрлігінің www.mtc.gov.kz интернет-ресурсының «Көлік және коммуникация министрінің блогы» беті).
      Жазбаша шағым Қазақстан Республикасы Көлік және коммуникация министрлігінің кеңсесіне: Астана қаласы, Қабанбай батыр даңғылы 32/1, электрондық пошта мекенжайы: mtc@mtc.gov.kz, телефон: (87172) 24-13-12 мекенжайы бойынша беріледі.
      Жұмыс кестесі: демалыс және мереке күндерінен басқа, сағат 9.00-ден 18.30-ға дейін, түскі үзіліс сағат 13.00-ден 14.30-ға дейін.
      23. Көрсетілген мемлекеттік қызметтің нәтижелерімен келіспеген жағдайда мемлекеттік қызмет алушының заңнамада белгіленген тәртіппен сотқа шағымдануға құқығы бар.
      24. Шағым еркін нысанда, екі данада ресімделеді.
      25. Шағымның екінші данасында берілген шағымға жауап алу мерзімі мен орны, сондай-ақ шағымның қаралу барысы туралы білуге болатын лауазымды тұлғаның байланыс деректерінің көрсетілуі шағымның қабылданғанын растайды.
      26. Мемлекеттік қызмет туралы қосымша ақпаратты www.mtc.gov.kz немесе www.reginfo.kz интернет-ресурстарынан және (87172) 74-06-85 телефоны арқылы алуға болады.

«Ақпараттық жүйелерді,    
бағдарламалық өнімдерді,   
бағдарламалық кодтарды және  
нормативтік-техникалық құжаттаманы
депозитке салу» мемлекеттік қызмет
стандартына          
қосымша            

Кесте. Сапа және тиімділік көрсеткіштерінің мәні

Қазақстан Республикасы
Үкіметінің     
2012 жылғы 3 тамыздағы
№ 1021 қаулысына  
2-қосымша      

Қазақстан Республикасы Үкіметінің
2010 жылғы 22 желтоқсандағы  
№ 1403 қаулысымен       
бекітілген           

«Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу» мемлекеттік қызмет стандарты

1. Жалпы ережелер

      1. «Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу» мемлекеттік қызметін (бұдан әрі – мемлекеттік қызмет) Қазақстан Республикасы Көлік және коммуникация министрлігінің Байланыс және ақпараттандыру комитеті (бұдан әрі – Комитет) 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А729 кабинет мекенжайы бойынша көрсетеді.
      2. Мемлекеттік қызметті көрсету нысаны: автоматтандырылмаған.
      3. Мемлекеттік қызмет «Ақпараттандыру туралы» Қазақстан Республикасының 2007 жылғы 11 қаңтардағы Заңының 6-бабының 13) тармақшасы мен 23-бабы және «Электрондық ақпараттық ресурстар мен ақпараттық жүйелердің мемлекеттік тіркелімін және депозитарийді жүргізу ережесін бекіту туралы» Қазақстан Республикасы Үкіметінің 2007 жылғы 21 қарашадағы № 1124 қаулысы негізінде көрсетіледі.
      4. Мемлекеттік қызмет стандарты www.mtc.gov.kz, www.reginfo.kz интернет-ресурстарында орналастырылады, мемлекеттік қызмет көрсету тәртібі туралы анықтамалық ақпаратты (87172) 55-29-77 телефоны арқылы алуға болады.
      5. Көрсетілетін мемлекеттік қызметтің нәтижесі ақпараттық ресурстар мен ақпараттық жүйелерді Электрондық ақпараттық ресурстар мен ақпараттық жүйелердің мемлекеттік тіркелімінде (бұдан әрі - Мемлекеттік тіркелім) тіркеу туралы куәлік (бұдан әрі - куәлік) беру не қағаз тасығышта қызмет көрсетуден бас тарту туралы дәлелді жауап беру болып табылады.
      6. Мемлекеттік қызмет электрондық ақпараттық ресурстар мен ақпараттық жүйелердің меншік иелері немесе иеленушілері болып табылатын Қазақстан Республикасының жеке және заңды тұлғаларына (бұдан әрі – мемлекеттік қызмет алушылар) көрсетіледі.
      7. Мемлекеттік қызмет көрсету мерзімдері:
      1) Мемлекеттік тіркелімде тіркеу үшін мемлекеттік қызмет алушы осы стандарттың 11-тармағында белгіленген қажетті құжаттарды тапсырғанда:
      тексерудің оң нәтижесі болған кезде - мемлекеттік қызмет алушылар қажетті құжаттарды тапсырған сәттен бастап қырық үш жұмыс күнінен аспайды;
      Мемлекеттік тіркелімде тіркеу үшін өтінім тиісті ресімделмеген не ұсынылған құжаттар толық болмаған жағдайда, өтінімді қайтару – оны тапсырған сәттен бастап он бес жұмыс күнінен аспайды;
      2) қажетті құжаттарды тапсыру үшін кезек күтудің жол берілетін ең ұзақ уақыты - жиырма минуттан аспайды;
      3) қажетті құжаттарды алу үшін кезек күтудің жол берілетін ең ұзақ уақыты — отыз минуттан аспайды.
      8. Мемлекеттік қызмет тегін көрсетіледі.
      9. Комитеттің жұмыс тәртібі: демалыс және мереке күндерінен басқа, күн сайын сағат 9.00-ден 18.30-ға дейін, түскі үзіліс сағат 13.00-ден 14.30-ға дейін.
      10. Мемлекеттік қызмет алушылардан құжаттарды қабылдау Комитеттің үй-жайында жүзеге асырылады. Ғимарат физикалық мүмкіндіктері шектеулі адамдардың қол жеткізуіне арналған пандустары бар кіреберіспен жабдықталған.

2. Мемлекеттік қызмет көрсету тәртібі

      11. Мемлекеттік қызмет алушылар мемлекеттік қызмет алу үшін:
      1) мемлекеттік қызмет алушы қол қойған және куәландырылған белгіленген нысандағы өтінімнің түпнұсқасын;
      2) өтінімнің қағаз және электрондық тасығыштағы көшірмесін ұсынады.
      12. Өтінім нысандары мен оларды толтыру бойынша түсіндірмелер: www.mtc.gov.kz, www.reginfo.kz интернет-ресурстарында орналастырылған.
      13. Құжаттарды қабылдауды: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А746 кабинет, телефон: (87172) 74-03-64 мекенжайы бойынша Комитеттің кеңсесі жүзеге асырады.
      14. Ілеспе хаттың көшірмесіндегі белгі және оны алу күнінің көрсетілуі мемлекеттік қызмет алушының оны алу үшін барлық қажетті құжаттарды тапсырғанын растайды.
      15. Мемлекеттік қызмет алушыға куәлікті немесе қызмет көрсетуден бас тарту туралы жауапты жеткізу пошта арқылы немесе қолма-қол жүзеге асырылады.
      16. Мемлекеттік қызмет көрсетуден бас тарту үшін өтінімнің тиісті ресімделмеуі және/немесе ұсынылған құжаттардың толық еместігі негіз болып табылады.

3. Жұмыс қағидаты

      17. Комитеттің қызметі адамның конституциялық құқықтарының, жүктелген функцияларды орындау кезінде заңдылықты сақтауға негізделеді және сыпайылылық, толық ақпарат беру, оның сақталуын, қорғалуын және құпиялылығын қамтамасыз ету қағидаттарымен жүзеге асырылады.

4. Жұмыс нәтижелері

      18. Мемлекеттік қызмет алушыларға мемлекеттік қызмет көрсету нәтижелері осы стандартқа қосымшаға сәйкес сапа және тиімділік көрсеткіштерімен өлшенеді.
      19. Комитеттің мемлекеттік қызмет көрсетуінің сапа және тиімділік көрсеткіштерінің нысаналы мәндері жыл сайын Қазақстан Республикасы Көлік және коммуникация министрінің бұйрығымен бекітіледі.

5. Шағымдану тәртібі

      20. Мемлекеттік қызмет көрсету нәтижелеріне шағымдану тәртібі туралы ақпаратты, сондай-ақ шағымды дайындауға көмекті № А 757 кабинет, (87172) 74-06-85 телефоны, kci@mtc.gov.kz мекенжайы бойынша Комитеттің лауазымды тұлғасынан алуға болады.
      21. Көрсетілген мемлекеттік қызмет нәтижелерімен келіспеген жағдайда мемлекеттік қызметті алушы шағымды Комитет Төрағасының атына: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А729 кабинет, (87172) 74-03-24 қабылдау бөлмесі телефоны, kci@mtc.gov.kz мекенжайы бойынша жолдайды.
      Жұмыс кестесі: демалыс және мереке күндерінен басқа, сағат 9.00-ден 18.30-ға дейін, түскі үзіліс сағат 13.00-ден 14.30-ға дейін.
      22. Мемлекеттік қызмет көрсету кезінде дұрыс қызмет көрсетілмеу мәселелері бойынша шағымды мемлекеттік қызметті алушы:
      1) Қазақстан Республикасы Көлік және коммуникация министрлігінің (87172) 24-29-09 «сенім телефонына»;
      2) www.mtc.gov.kz интернет-ресурсының «сенім беті» бөліміне;
      3) Қазақстан Республикасының Көлік және коммуникация министрінің блогына (Қазақстан Республикасы Көлік және коммуникация министрлігінің www.mtc.gov.kz интернет-ресурсының «Көлік және коммуникация министрінің блогы» беті).
      Жазбаша шағым Қазақстан Республикасы Көлік және коммуникация министрлігінің кеңсесіне: Астана қаласы, Қабанбай батыр даңғылы 32/1, электрондық пошта мекенжайы: mtc@mtc.gov.kz, телефон: (87172) 24-13-12 мекенжайы бойынша беріледі.
      Жұмыс кестесі: демалыс және мереке күндерінен басқа, сағат 9.00-ден 18.30-ға дейін, түскі үзіліс сағат 13.00-ден 14.30-ға дейін.
      23. Көрсетілген мемлекеттік қызметтің нәтижелерімен келіспеген жағдайда мемлекеттік қызметті алушының заңнамада белгіленген тәртіппен сотқа шағымдануға құқығы бар.
      24. Шағым еркін нысанда, екі данада ресімделеді.
      25. Шағымның екінші данасында берілген шағымға жауап алу мерзімі мен орны, сондай-ақ шағымның қаралу барысы туралы білуге болатын лауазымды тұлғаның байланыс деректерінің көрсетілуі шағымның қабылданғанын растайды.
      26. Мемлекеттік қызмет туралы қосымша ақпаратты www.mtc.gov.kz немесе www.reginfo.kz интернет-ресурстарынан және (87172) 74-06-85 телефоны арқылы алуға болады.

«Электрондық ақпараттық ресурстар
мен ақпараттық жүйелерді    
электрондық ақпараттық ресурстар
мен ақпараттық жүйелердің   
мемлекеттік тіркелімінде тіркеу»
мемлекеттік қызмет стандартына 
қосымша             

Кесте. Сапа және тиімділік көрсеткіштерінің мәні

Қазақстан Республикасы
Үкiметiнiң     
2012 жылғы 3 тамыздағы
№ 1021 қаулысымен 
бекiтiлген     

Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтыру

      1. «Электрондық ақпараттық ресурстар мен ақпараттық жүйелердің мемлекеттік тіркелімін және депозитарийді жүргізу ережесін бекіту туралы» Қазақстан Республикасы Үкіметінің 2007 жылғы 21 қарашадағы № 1124 қаулысында (Қазақстан Республикасының ПҮАЖ-ы, 2007 ж., № 44, 517-құжат):
      көрсетілген қаулымен бекітілген Электрондық ақпараттық ресурстар мен ақпараттық жүйелердің мемлекеттік тіркелімін және депозитарийді жүргізу ережесінде:
      40-тармақтың бірінші бөлігіндегі «он бес» деген сөздер «жеті» деген сөзбен ауыстырылсын;
      мынадай мазмұндағы 41-1-тармақпен толықтырылсын:
      «41-1. Депозитке беру объектілеріне депозитарлық нөмірлер берілгеннен кейін уәкілетті орган бес жұмыс күні ішінде депозитке беру объектісінің ақпараттық жүйелер, бағдарламалық өнімдер, бағдарламалық кодтар және нормативтік-техникалық құжаттама депозитарийінде тіркелгені туралы уәкілетті орган бекіткен нысан бойынша анықтама береді.».
      2. Күші жойылды - ҚР Үкіметінің 18.09.2013 № 983 қаулысымен (алғашқы ресми жарияланған күнінен бастап қолданысқа енгізіледі).
      3. «Ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитарийге депозитке салу» мемлекеттік қызмет стандартын бекіту туралы» Қазақстан Республикасы Үкіметінің 2010 жылғы 22 желтоқсандағы № 1402 қаулысында (Қазақстан Республикасының ПҮАЖ-ы, 2011 ж., № 6, 78-құжат):
      тақырыбы мынадай редакцияда жазылсын:
      «Ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитке салу» мемлекеттік қызмет стандартын бекіту туралы»;
      1-тармақ мынадай редакцияда жазылсын:
      «1. Қоса берiлiп отырған «Ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитке салу» мемлекеттік қызмет стандарты бекітілсін.»;
      көрсетілген қаулымен бекітілген «Ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитарийге депозитке салу» мемлекеттiк қызмет стандарты осы қаулыға 1-қосымшаға сәйкес жаңа редакцияда жазылсын.
      4. «Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу» туралы» Қазақстан Республикасы Үкіметінің 2010 жылғы 22 желтоқсандағы № 1403 қаулысында (Қазақстан Республикасының ПҮАЖ-ы, 2011 ж., № 6, 79-құжат):
      көрсетілген қаулымен бекітілген «Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу» мемлекеттiк қызмет стандарты осы қаулыға 2-қосымшаға сәйкес жаңа редакцияда жазылсын.