Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай толықтырулар мен өзгеріс енгізілсін:
1) «Қазақстан Республикасы Сыртқы істер министрлігінің мәселелері» туралы Қазақстан Республикасы Үкіметінің 2004 жылғы 28 қазандағы № 1118 қаулысында (Қазақстан Республикасының ПҮАЖ-ы, 2004 ж., № 41, 530-құжат):
көрсетілген қаулымен бекітілген Қазақстан Республикасы Сыртқы істер министрлігі туралы ережеде:
11-тармақта:
мынадай мазмұндағы 9-1) тармақшамен толықтырылсын:
«9-1) босқын деп танылған адамның шыққан елінде тұратын туыстары туралы ақпарат алуына өз құзыреті шегінде жәрдемдесу;»;
37) тармақшадағы «тапсыру» деген сөзден кейін «;» белгісі қойылып, мынадай мазмұндағы 38) тармақшамен толықтырылсын:
«38) Қазақстан Республикасының заңдарында, Президентінің және Үкіметінің актілерінде көзделген өзге де функцияларды жүзеге асыру.»;
2) «Қазақстан Республикасы Еңбек және халықты әлеуметтік қорғау министрлігінің кейбір мәселелері» туралы Қазақстан Республикасы Үкіметінің 2004 жылғы 29 қазандағы № 1132 қаулысында (Қазақстан Республикасының ПҮАЖ-ы, 2004 ж., № 43, 540-құжат):
көрсетілген қаулымен бекітілген Қазақстан Республикасы Еңбек және халықты әлеуметтік қорғау министрлігі туралы ережеде:
9-тармақтың 1), 2) тармақшалары «көші-қон саласындағы» деген сөздерден кейін «, сондай-ақ босқындар мәселелері бойынша» деген сөздермен толықтырылсын;
10-тармақта:
1) тармақшадағы «халықтың көші-қоны саласындағы» деген сөздерден кейін «, сондай-ақ босқындар мәселелері бойынша» деген сөздермен толықтырылсын;
37) тармақша «көші-қоны» деген сөздерден кейін «және босқындар» деген сөздермен толықтырылсын;
39) тармақшадағы «оралман және босқын мәртебелерін» деген сөздер «оралман мәртебесін» деген сөздермен ауыстырылсын;
мынадай мазмұндағы 39-1), 39-2), 39-3), 39-4), 39-5), 39-6), 39-7) және 39-8) тармақшалармен толықтырылсын:
«39-1) босқын мәртебесін беру туралы қолдаухатты, пана іздеген адамның куәлігі мен пана іздеген адамды және босқынды тіркеу үшін ішкі істер органдарына жолдаманың үлгілерін тіркеу мен қарау тәртібін бекітеді;
39-2) босқын деп танылған адамның шыққан елінде тұратын туыстары туралы ақпарат алуына өз құзыреті шегінде жәрдемдеседі;
39-3) пана іздеген адамның куәлігін береді;
39-4) босқын мәртебесін беру, ұзарту, одан айыру және оны тоқтату рәсімдерін жүзеге асырады;
39-5) босқын куәлігінің және жол жүру құжатының үлгілерін бекітеді және оларды беруді жүзеге асырады;
39-6) пана іздеген адамдардың және босқындардың тізімін қалыптастырады және ай сайын ұлттық қауіпсіздік және ішкі істер органдарына жібереді;
39-7) босқын мәртебесін беру, ұзарту, одан айыру және оны тоқтату рәсімдерін жүзеге асыру жөніндегі комиссия туралы ережені әзірлейді және бекітеді, сондай-ақ аталған комиссияны құрады;
39-8) Қазақстан Республикасының заңдарында, Президентінің және Үкіметінің актілерінде көзделген өзге де функцияларды жүзеге асырады;»;
11-тармақтың 3) тармақшасы «әлеуметтік қызметтер туралы» деген сөздерден кейін «, босқындар мәселелері жөніндегі» деген сөздермен толықтырылсын;
3) «Қазақстан Республикасы Ішкі істер министрлігінің мәселелері» туралы Қазақстан Республикасы Үкіметінің 2005 жылғы 22 маусымдағы № 607 қаулысында (Қазақстан Республикасының ПҮАЖ-ы, 2005 ж., № 25, 311-құжат):
көрсетілген қаулымен бекітілген Қазақстан Республикасы Ішкі істер министрлігі туралы ережеде:
12-тармақтың 2) тармақшасында:
мынадай мазмұндағы бесінші, алтыншы абзацтармен толықтырылсын:
«пана іздеген адамдардың және босқындардың құқықтарының сақталуын қамтамасыз етуді;
пана іздеген адамдарды және босқындарды тіркеуді жүзеге асыруды;
отыз төртінші абзац «азаматтығы жоқ адамдарға» деген сөздерден кейін «, оның ішінде босқындарға» деген сөздермен толықтырылсын;
мынадай мазмұндағы отыз жетінші және отыз сегізінші абзацтармен толықтырылсын:
«пана іздеген адамдарды және босқындарды уәкілетті органның қабылданған шешімдерін не соттың заңды күшіне енген шешімдерін орындау үшін мәжбүрлеп шығарып жіберуді жүзеге асыруды;
Қазақстан Республикасының заңдарында, Президентінің және Үкіметінің актілерінде көзделген өзге де функцияларды жүзеге асыруды;».
2. Осы қаулы 2010 жылғы 1 қаңтардан бастап қолданысқа енгізіледі.
Қазақстан Республикасының
Премьер-Министрі К. Мәсімов