Қазақстан Республикасының Үкіметі ҚАУЛЫ ЕТЕДІ :
1. "Қарашығанақ - Орал газ құбырын салу туралы" Қазақстан Республикасы Үкіметінің 2007 жылғы 30 қарашадағы N 1151 қаулысына мынадай өзгеріс енгізілсін:
1-тармақтың 1) тармақшасында "Орал қаласына табиғи газ жеткізу үшін ұзындығы шамамен 147 километр "Қарашығанақ - Орал" газ құбырын және екі автоматты түрде газ бөлу станциясын" деген сөздер "аудандардың елді мекендеріне газ жеткізуге мүмкіндік беретін екі автоматты түрде газ бөлу станциясы бар газ бұратын жоғары қысымды газ құбырын салып, ұзындығы шамамен 147 километр "Қарашығанақ - Орал" газ құбырын" деген сөздермен ауыстырылсын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі