1. "Жеке тұрғын үй құрылысы үшiн жер учаскелерiне құқық беру ережесiн бекiту туралы" Қазақстан Республикасы Үкiметiнiң 2006 жылғы 1 тамыздағы N 726
қаулысына
мынадай өзгерiс пен толықтыру енгiзiлсiн:
көрсетiлген қаулымен бекiтiлген Жеке тұрғын үй құрылысы үшiн жер учаскелерiне құқық беру ережесiнде:
6-тармақтың үшiншi абзацының 3), 4) тармақшалары және төртiншi абзацы алынып тасталсын;
мынадай мазмұндағы 8-1-тармақпен толықтырылсын:
"8-1. Жеке тұрғын үй құрылысы үшiн бөлiнген дайын алаңдар болған жағдайда республикалық маңызы бар қаланың және астананың, ауданның (облыстық маңызы бар қаланың) жергiлiктi атқарушы органы, аудандық маңызы бар қаланың, кенттiң, ауылдың (селоның), ауылдық (селолық) округтiң әкiмi жер учаскесiн беру туралы келiп түскен өтiнiштердiң (қолдаухаттардың) кезектiлiгi негiзiнде азаматтардың тiзiмiн қалыптастырады, соған сәйкес республикалық маңызы бар қаланың, астананың, ауданның (облыстық маңызы бар қаланың) уәкiлеттi органынан және жылжымайтын мүлiктi тiркеудi жүзеге асыратын органнан Қазақстан Республикасы Жер кодексiнiң
44-бабының
8-тармағында көзделген анықтамаларды сұратады. Ұсынылған анықтамалар комиссияның қарауы үшін азаматтың өтiнiшiне (қолдаухатына) қоса тiркеледi.".