Қазақстан Республикасы Президентiнiң "Қазақстан Республикасының мемлекеттiк басқару жүйесiн одан әрі жетiлдiру жөнiндегi шаралар туралы" 2004 жылғы 29 қыркүйектегі N 1449 Жарлығына сәйкес Қазақстан Республикасының Үкiметi ҚАУЛЫ ЕТЕДI:
1. Қазақстан Республикасы Денсаулық сақтау министрлігінiң Медициналық қызметтiң сапасын бақылау комитетi (бұдан әрi - Комитет) құрылсын.
5. Кредиторлардың талаптарын қанағаттандырғаннан кейiн қалған мүлiктi Комитетке бере отырып, Қазақстан Республикасы Денсаулық сақтау министрлiгiнiң "Медициналық қызметтiң сапасын талдау және бағалау ұлттық орталығы" республикалық мемлекеттiк қазыналық кәсіпорны таратылсын.
6. Қазақстан Республикасы Денсаулық сақтау министрлiгі заңнамада белгiленген тәртiппен:
1) Комитеттiң әдiлет органдарында мемлекеттiк тiркелуiн қамтамасыз етсiн;
2) осы қаулыдан туындайтын өзге де шараларды қабылдасын.
7. Қазақстан Республикасы Үкiметiнiң кейбiр шешiмдерiне мынадай өзгерiстер енгiзiлсiн:
1) "Республикалық мемлекеттiк кәсiпорындардың тiзбесi туралы" Қазақстан Республикасы Yкiметiнiң 1996 жылғы 25 маусымдағы N 790
қаулысында
(Қазақстан Республикасының ПҮКЖ-ы, 1996 ж., N 29, 256-құжат):
көрсетiлген қаулымен бекiтiлген Республикалық мемлекеттiк кәсiпорындардың тiзбесiнде:
"Қазақстан Республикасының Денсаулық сақтау министрлігі" деген бөлiмде:
реттiк нөмiрi 9-66-жол алынып тасталсын;
2) "Қазақстан Республикасы Денсаулық сақтау министрлiгiнiң мәселелерi" туралы Қазақстан Республикасы Yкiметiнiң 2004 жылғы 28 қазандағы N 1117
қаулысында
:
көрсетiлген қаулымен бекiтiлген Қазақстан Республикасы Денсаулық сақтау министрлiгiнiң қарамағындағы ұйымдардың тiзбесiнде:
"Мемлекеттiк кәсiпорындар" деген 1-бөлiмнiң реттік нөмiрi 33-жолы алынып тасталсын.
8. Осы қаулы 2005 жылғы 1 қаңтардан бастап күшiне енедi.
Қазақстан Республикасының
Премьер-Министрі
Қазақстан Республикасы
Үкiметiнiң
2004 жылғы 15 желтоқсандағы
N 1327 қаулысымен
бекiтiлген
Қазақстан Республикасы Денсаулық сақтау министрлiгiнiң
Медициналық қызметтiң сапасын бақылау комитетi туралы
ереже
1. Медициналық қызметтiң сапасын бақылау комитетi (бұдан әрi - Комитет) Қазақстан Республикасы Денсаулық сақтау министрлiгiнiң құзыретi шегiнде медициналық қызметтің сапасын бақылау жөнiндегi бақылау және iске асыру функцияларын, сондай-ақ медициналық қызмет көрсетудiң сапасы саласында салааралық үйлестiрудi жүзеге асыратын Қазақстан Республикасы Денсаулық сақтау министрлiгiнiң ведомствосы болып табылады.
Комитеттiң негiзгi мiндеттерi көрсетiлетiн медициналық қызметтiң сапасы мен толықтығын бақылау саласындағы мемлекеттiк саясатты iске асыру, денсаулық сақтау саласында стандарттарды сақтау, тұрғылықты жерiне қарамастан Қазақстан Республикасының бүкiл аумағында азаматтарға медициналық қызмет көрсетудiң қол жетiмдiлiгi мен сапасына кепiлдiктердi қамтамасыз ету, меншiк нысанына, ведомстволық тиесiлілігiне қарамастан, жеке және заңды тұлғалар көрсететiн медициналық қызметтiң сапасын мемлекеттiк бақылауды және оны жақсарту жөнiндегi шараларды қамтамасыз ету болып табылады.
Комитеттiң облыс орталықтарында, Алматы және Астана қалаларында аумақтық бөлiмшелерi болады.
2. Комитет өз қызметiн Қазақстан Республикасының
Конституциясы
мен заңдарына, Қазақстан Республикасының Президентi мен Үкiметiнiң кесiмдерiне, өзге де нормативтiк құқықтық кесiмдерге, сондай-ақ осы Ережеге сәйкес жүзеге асырады.
3. Комитет мемлекеттiк мекеменiң ұйымдық-құқықтық нысанындағы заңды тұлға болып табылады, өз атауы мемлекеттiк тiлде жазылған мөрлерi мен мөртаңбалары, белгiленген үлгiдегi бланкiлерi, сондай-ақ заңнамаға сәйкес Қазақстан Республикасы Қаржы министрлiгiнiң Қазынашылық комитетi органдарында және банктерде шоттары болады.
Комитет азаматтық-құқықтық қатынастарға өз атынан түседi.
Комитеттiң, егер ол заңнамаға сәйкес осыған уәкiлеттi болса, мемлекет атынан азаматтық-құқықтық қатынастардың тарабы болуға құқығы бар.
4. Комитет өз құзыретiнiң мәселелерi бойынша заңнамада белгіленген тәртiппен Комитет төрағасының бұйрықтарымен ресiмделетiн шешiмдердi қабылдайды.
5. Комитеттiң және оның аумақтық бөлiмшелерiнiң штат санының лимитін Қазақстан Республикасының Yкiметi бекітедi.
6. Комитеттiң зиянды мекен-жайы: 473000, Астана қаласы, Мәскеу көшесi, 66.
7. Комитеттің толық атауы - "Қазақстан Республикасы Денсаулық сақтау министрлiгiнiң Медициналық қызметтiң сапасын бақылау комитетi" мемлекеттік мекемесi.
8. Осы Ереже Комитеттiң құрылтай құжаты болып табылады.
9. Комитеттiң және оның аумақтық бөлімшелерінің қызметін қаржыландыру тек республикалық бюджеттің қаражаты есебiнен жүзеге асырылады.
Комитетке оның функциялары болып табылатын мiндеттердi орындау тұрғысында кәсіпкерлік субъектiлерiмен шарттық қатынастарға түсуге тыйым салынады.
Егер Комитетке заңнамалық кесiмдермен кiрiстер әкелетін қызметтi жүзеге асыру құқығы берiлген болса, онда мұндай қызметтен алынған кiрістер республикалық бюджет кiрiсiне жiберiледi.
2. Комитеттiң функциялары мен құқықтары
10. Комитет Қазақстан Республикасының заңнамасына сәйкес мыналарды жүзеге асырады:
1) мыналар бойынша көрсетiлетiн медициналық қызметтiң сапасы мен толықтығын бақылау саласында мемлекеттiк саясатты iске асыру жөнiндегi бақылау функциялары:
денсаулық сақтау саласындағы уәкiлеттi орган бекiткен стандарттарға сәйкес көрсетiлетiн медициналық көмектiң көлемi мен сапасын бақылауды қамтамасыз ету;
көрсетілетiн медициналық көмек түрлерінің қолда бар лицензияға сәйкестігін айқындау;
медицина қызметкерлерінің білiктiлiк деңгейiнiң салалық нормативтердiң талаптарына, медицина ұйымдарын медициналық жабдықтармен, медициналық мақсаттағы бұйымдармен толықтырудың белгiленген нормативтерге сәйкестігін бақылауды қамтамасыз ету;
2) мыналар бойынша көрсетiлетiн медициналық қызметтiң сапасы мен толықтығын бақылау саласында мемлекеттік саясатты iске асыру жөніндегi функциялар:
көрсетiлетiн медициналық көмек пен медициналық қызметтiң деңгейi мен сапасына азаматтардың қанағаттану дәрежесiн айқындау;
медициналық көмектiң, медициналық қызметтiң сапасына байланысты проблемаларды анықтау және медициналық қызметтiң сапасын арттыру бойынша шараларды әзiрлеу жөніндегi жұмыстарды жүзеге асыру;
тәуелсіз сараптамаға тарту үшiн тиiстi бейін мамандарының қатарынан деректер банкiн қалыптастыру;
санитарлық-гигиеналық, iндетке қарсы ұйымдарды, сондай-ақ дәрiлiк заттар айналымы саласында жұмыс iстейтiн ұйымдарды қоспағанда, меншiк нысанына, ведомстволық тиесiлiлiгiне қарамастан, медициналық қызметпен айналысатын заңды және жеке тұлғаларды аккредиттеуді жүзеге асыру;
санитарлық-гигиеналық, iндетке қарсы ұйымдарды, сондай-ақ дәрiлiк заттар айналымы саласында жұмыс iстейтiн ұйымдарды қоспағанда, республикалық ұйымдар, қызметi тиiстi әкiмшiлiк-аумақтық бiрлiктен (облыстан) тысқары жерлерде қолданылатын жеке меншiк медициналық практикамен айналысатын жеке тұлғалар жүзеге асыратын медициналық және дәрiгерлiк қызметтi лицензиялауды жүргiзу;
халықтық медицина әдiстерiмен емдеуге лицензиялауды жүзеге асыру;
санитарлық-гигиеналық, iндетке қарсы ұйымдарды, сондай-ақ дәрiлiк заттар айналымы саласында жұмыс iстейтiн ұйымдарды қоспағанда, денсаулық сақтауды мемлекеттiк басқару жергiлiктi органдары басшыларының және мемлекеттiк денсаулық сақтау ұйымдары басшыларының кәсіби құзыреттiлiгiне аттестаттауды жүргiзу;
санитарлық-гигиеналық, iндетке қарсы ұйымдарды қоспағанда, медицина қызметкерлерiне жоғары және бiрiншi бiлiктiлiк санатын берудi жүзеге асыру;
көрсетiлген медициналық көмектiң сапасы мәселелерi бойынша, сондай-ақ тәуелсiз сараптаманы жүзеге асыратын ұйымдардың қызметiне азаматтардың шағымдарын қарау.
11. Негізгi мiндеттердi iске асыру және өзiнiң функцияларын жүзеге асыру мақсатында Комитеттiң өз құзыреті шегінде заңнамада белгiленген тәртiппен:
1) халықтың денсаулығын сақтау саласында бiрыңғай мемлекеттiк саясатты жетiлдiру, тұжырымдамаларды, стратегияларды, мемлекеттік және өзге де бағдарламалардың даму жоспарларын, өзiнiң құзыретiне кiретiн мәселелер бойынша нормативтiк құқықтық кесiмдердi әзiрлеу жөнiнде ұсыныстар енгiзуге;
2) өз құзыреті шегiнде мемлекеттiк органдардан, өзге де ұйымдар мен лауазымды адамдардан қажетті ақпарат сұратуға және алуға;
3) медициналық қызметтiң сапасын бақылау саласында бәсекенi дамыту жөнiнде ұсыныстар енгiзуге;
4) медициналық қызметтiң сапасын бақылау саласында бағдарламаларды әзірлеу үшiн ұсыныстар енгiзуге, сондай-ақ азаматтардың денсаулығын сақтау жөнiндегi мемлекеттiк және салалық (секторалдық) бағдарламаларды, сондай-ақ ауруханаiшiлiк менеджмент бағдарламаларын әзiрлеуге қатысуға және денсаулық сақтау ұйымдары жұмысының тиiмдiлігін бағалауға;
5) денсаулық сақтау саласында азаматтардың құқықтарын қорғау жөнiндегi шараларды әзiрлеуге;
6) жеке және заңды тұлғалар заңды талаптарды орындамаған жағдайларда Қазақстан Республикасының заңнамасында белгiленген тәртiппен және негiздерде сотқа шағымдануға;
7) Қазақстан Республикасының заңдарына сәйкес әкiмшiлік жазалар қолдануға;
8) Комитеттің құзыретi шеңберiнде кеңестер, семинарлар, конференциялар мен халықаралық симпозиумдар және медициналық қызметтiң сапасын жетілдiруге бағытталған басқа да іс-шаралар өткiзуге;
9) қажет болған кезде тәуелсiз сараптамаға аккредиттеуге, сертификаттауға тарту үшiн қоғамдық үкiметтiк емес ұйымдар (медициналық ұйымдар қауымдастықтары, дәрiгерлердiң, емделушілердiң кәсiптiк қауымдастықтары) желiсiн дамыту жөнiндегi шараларды жүзеге асыруға;
10) Комитеттiң жанынан консультативтік-кеңесшi органдар мен сараптау комиссияларын құруға құқығы бар.
12. Комитеттiң жедел басқару құқығында оқшауланған мүлкі болады.
13. Комитетке бекiтiп берiлген мүлiк республикалық меншiкке жатады.
14. Комитеттiң өзiне бекiтiп берiлген мүлiктi өз бетiмен иелiктен шығаруға немесе өзге тәсілмен оған билiк етуге құқығы жоқ.
Комитетке мүлiкке билiк ету құқығы берiлген жағдайда, ол Қазақстан Республикасының заңнамасында белгіленген тәртiппен мүлікке билiк етедi.
4. Комитеттің қызметiн ұйымдастыру
15. Комитеттi Қазақстан Республикасы Денсаулық сақтау министрінің ұсынуы бойынша Қазақстан Республикасының Үкiметi қызметке тағайындайтын және қызметтен босататын төраға басқарады.
Комитет төрағасының санын Қазақстан Республикасының Үкiметi белгілейтiн Қазақстан Республикасы Денсаулық сақтау министрi қызметке тағайындайтын және қызметтен босататын орынбасарлары болады.
16. Комитет төрағасы Комитеттiң жұмысын ұйымдастырады әрi оған басшылық жасайды және Комитетке жүктелген мiндеттердiң орындалуы мен өз функцияларының жүзеге асырылуы үшiн дербес жауап бередi.
17. Осы мақсатта Комитеттiң төрағасы:
1) Комитеттің төрағасы орынбасарларының, Комитеттiң құрылымдық және аумақтық бөлiмшелерi басшыларының мiндеттерi мен өкiлеттiктерiн айқындайды;
2) заңнамаға сәйкес Комитеттiң қызметкерлерiн, Комитеттiң аумақтық бөлiмшелерiнiң басшыларын қызметтерге тағайындайды және қызметтерден босатады;
3) заңнамада белгіленген тәртiппен көтермелеу, материалдық көмек көрсету және тәртiптiк жаза қолдану мәселелерiн шешедi;
4) сала мамандарын азаматтардың денсаулығын сақтау iсiнде ерекше еңбек сiңiргенi үшiн Қазақстан Республикасы Денсаулық сақтау министрлiгiнiң құрмет грамотасымен марапаттауға ұсынады;
5) бұйрықтарға қол қояды;
6) Комитеттiң құрылымдық және аумақтық бөлiмшелерi туралы ереженi бекiтедi;
7) мемлекеттiк органдарда, өзге де ұйымдарда Комитетті бiлдiредi.
18. Комитет төрағасының, оның орынбасарларының, аумақтық бөлiмшелердiң басшылары мен олардың орынбасарларының әкiмшiлiк құқық бұзушылық туралы iстердi қарауға құқығы бар.
5. Комитеттi қайта ұйымдастыру және тарату
19. Комитеттi қайта ұйымдастыру және тарату Қазақстан Республикасының заңнамасына сәйкес жүзеге асырылады.
Қазақстан Республикасы
Үкiметiнiң
2004 жылғы 15 желтоқсандағы
N 1327 қаулысымен
бекiтiлген
Қазақстан Республикасы Денсаулық сақтау министрлігі
Медициналық қызметтiң сапасын бақылау комитетiнiң
құрылымы
1. Басшылық
2. Аккредиттеу және ақпараттық жұмыс басқармасы
2.1. Ұйымдастыру жұмысы және лицензиялау бөлiмi
2.2. Бағдарламалық жүйелердi әзiрлеу, енгiзу және аккредиттеу бөлiмi
3. Денсаулық сақтау саласында стандарттардың сақталуын бақылау басқармасы
3.1. Медициналық көмектің сапасын сараптау және лицензиядан кейiнгi бақылау бөлiмi
3.2. Медициналық көмектiң сапасын басқару әдiснамасы бөлiмi
Қазақстан Республикасы
Үкiметiнiң
2004 жылғы 15 желтоқсандағы
N 1327 қаулысына
қосымша
Қазақстан Республикасы Денсаулық сақтау министрлiгi
Медициналық қызметтiң сапасын бақылау комитетiнiң
аумақтық бөлiмшелерi - мемлекеттiк мекемелерiнiң тiзбесi
1. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетінiң Ақмола облыстық басқармасы.
2. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Ақтөбе облыстық басқармасы.
3. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Алматы облыстық басқармасы.
4. Қазақстан Республикасы Денсаулық сақтау министрлiгi Медициналық қызметтің сапасын бақылау комитетiнiң Алматы қаласы бойынша басқармасы.
5. Қазақстан Республикасы Денсаулық сақтау министрлiгi Медициналық қызметтің сапасын бақылау комитетiнiң Астана қаласы бойынша басқармасы.
6. Қазақстан Республикасы Денсаулық сақтау министрлігi Медициналық қызметтiң сапасын бақылау комитетiнiң Атырау облыстық басқармасы.
7. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетінiң Шығыс Қазақстан облыстық басқармасы.
8. Қазақстан Республикасы Денсаулық сақтау министрлiгi Медициналық қызметтің сапасын бақылау комитетiнің Жамбыл облыстық басқармасы.
9. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Батыс Қазақстан облыстық басқармасы.
10. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Қарағанды облыстық басқармасы.
11. Қазақстан Республикасы Денсаулық сақтау министрлiгi Медициналық қызметтің сапасын бақылау комитетiнiң Қостанай облыстық басқармасы.
12. Қазақстан Республикасы Денсаулық сақтау министрлігi Медициналық қызметтiң сапасын бақылау комитетiнiң Қызылорда облыстық басқармасы.
13. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Маңғыстау облыстық басқармасы.
14. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Павлодар облыстық басқармасы.
15. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Солтүстiк Қазақстан облыстық басқармасы.
16. Қазақстан Республикасы Денсаулық сақтау министрлiгi Медициналық қызметтiң сапасын бақылау комитетiнiң Оңтүстiк Қазақстан облыстық басқармасы.