Информационно-правовая система нормативных правовых актов Республики Казахстан

"Caудa мақсатында теңізде жүзу туралы" Қазақстан Республикасының 2002 жылғы 17 қаңтардағы Заңын және "Iшкi су көлiгi туралы" Қазақстан Республикасының 2004 жылғы 6 шiлдедегi Заңын iске асыру мақсатында Қазақстан Республикасының Үкiметi қаулы етеді:
Ескерту. Кіріспеге өзгерту енгізілді - ҚР Үкіметінің 2005.03.30. N 278 , 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулыларымен.

1. Қоса берiліп отырған Кемелер мен оларға құқықтарды мемлекеттiк тiркеу ережесi бекiтiлсiн.

      2. Мыналардың күшi жойылды деп танылсын:
      1) "Қазақстан Республикасының мемлекеттiк жалауы астында теңiз сауда кемелерінің жүзу құқығын берудің тәртiбiн бекiту туралы" Қазақстан Республикасы Министрлер Кабинетінің 1993 жылғы 9 желтоқсандағы N 1231 қаулысы (Қазақстан Республикасының ПҮКЖ-ы, 1993 ж., N 48, 584-құжат);
      2) "Қазақстан Республикасы Министрлер Кабинетiнiң 1993 жылғы 9 желтоқсандағы N 1231 қаулысына өзгерiстер мен толықтырулар енгiзу туралы" Қазақстан Республикасы Үкiметiнiң 2000 жылғы 30 наурыздағы N 467 қаулысы (Қазақстан Республикасының ПҮКЖ-ы, 2000 ж., N 17, 180-құжат).

3. Осы қаулы қол қойылған күнiнен бастап күшiне енедi.

Қазақстан Республикасының
Премьер-Министрі

Қазақстан Республикасы
Үкіметінің
2003 жылғы 17 қаңтардағы
N 49 қаулысымен
бекітілген

Кемелер мен оларға құқықтарды
мемлекеттік тіркеудің ережесi

Ескерту. Мәтінде сөздер алмастырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулыларымен.

1. Жалпы ережелер

1. Кемелер мен оларға құқықтарды мемлекеттiк тiркеудiң осы ережесi және "Iшкi су көлiгi туралы" Қазақстан Республикасының 2004 жылғы 6 шiлдедегi Заңының "Сауда мақсатында теңiзде жүзу туралы" Қазақстан Республикасының 2002 жылғы 17 қаңтардағы Заңының (бұдан әрi - Заң) негiзiнде әзiрлендi.
Ескерту. 1-тармаққа өзгерту енгізілді - ҚР Үкіметінің 2005.03.30. N 278 қаулысымен.

      2. Ереже мыналарды анықтайды:
      1) теңiз кемелерi мен оларға құқықтарды мемлекеттік тiркеудiң тәртiбi;
      2) өзен кемелерi мен оларға құқықтарды мемлекеттiк тiркеудiң тәртiбi;
      3) шағын өлшемдi кемелер мен оларға құқықтарды мемлекеттiк тiркеудің тәртiбi.

      3. Осы Ережеде мынадай негiзгi терминдер қолданылады:
      теңiз кемесi - анықтамасы 1978 жылғы 7 шiлдеде Лондонда жасалған Теңiзшілердi даярлау, оларға дипломдар беру және вахта атқару туралы халықаралық конвенцияның 2-бабында көзделген кеме;
      шағын өлшемдi кеме - ұзындығы 7 метрден кем, 75 а.к. (55 квт) кем қуатты қозғалтқышы бар және жалпы сыйымдылығы 80 регистрлік тонна, демалыс, серуен немесе суда жүргiзiлетiн басқа жұмыстарға арнайы арналған, жүзетiн құрылыс;
      өзi жүзетiн шағын өлшемдi кеме (механикалық қозғалтқышы бар кеме) - механикалық қондырғымен қозғалысқа келтiрiлетiн кез келген кеме;
      өз бетiмен жүзбейтiн шағын өлшемдi кеме - өздiгiнен қозғалуға арналған механикалық қондырғысы жоқ кеме;
      тiркеу нөмiрi - осы Ережемен белгiленген рәсiмге сәйкес мемлекеттік тiркеудi жүзеге асыру кезiнде берiлетiн кеменiң сәйкестендiру нөмiрi;
      өзен кемесi - кеме қатынасы мақсатында пайдаланылатын өзi жүзетiн немесе өз бетiмен жүзбейтiн қалқымалы құрылыс, соның iшінде өзен-теңiз суларында жүзетiн кеме, паром, түбiн тереңдету және түбiн тазарту снарядтары, қалқымалы кран және басқа да осы сияқты техникалық құрылыс;
      кеме қатынасы - iшкi су жолдарында жүктердi, жолаушыларды, теңдеме жүк пен почтаны кемемен тасымалдау, қалқымалы объектiлердi сүйреу, пайдалы қазбаларды барлау мен өндiру, балық және басқа кәсiпшiлiктер, мұзжарғыштардың лоцмандық алып өтуi, су кеңiстігiн қорғау, құтқару операциялары, түбін тереңдету, гидротехникалық және басқа жол жұмыстары, сондай-ақ басқа шаруашылық, ғылыми және спорт мақсаттары үшiн қолданумен байланысты қызмет;
      "өзен-теңiз" суларында жүзетiн кеме - өзiнiң техникалық сипаттамалары бойынша жарамды әрi белгiленген тәртiппен теңiз және iшкi су жолдарында кеме қатынасы мақсатында пайдалануға рұқсат етiлген кеме;
      аумақтық уәкiлеттi орган - Қазақстан Республикасының Көлiк және коммуникациялар министрлiгi Көлiктiк бақылау комитетiнiң аумақтық органы;
      кемелер мен оларға құқықтарды мемлекеттік тiркеу жөнiндегi уәкiлеттi орган (бұдан әрi - уәкiлеттi орган) - Қазақстан Республикасы Көлiк және коммуникациялар министрлiгiнiң Көлiктiк бақылау комитетi;
      жалға алынған шетелдiк кемелердің тiзілімi - "Iшкi су көлiгi туралы" Қазақстан Республикасының 2004 жылғы 6 шілдедегi Заңы 26-бабының 2-тармағында белгіленген талаптарға сәйкес келетiн кемелер тiркелетiн құжат;
      кеме ипотекасы - мемлекеттік тiркелуге жататын теңiз кемесiнiң, iшкi суда жүзетiн кеменiң, "өзен-теңiз" суларында жүзетiн кеменiң, сондай-ақ жасалынып жатқан кеменiң тиiстi тiзiлiмде тiркелген шарт негiзiнде туындайтын ипотекасы;
      қазақстандық жалдаушы - жолаушыларды, багаж бен жүктi тасымалдау немесе сауда мақсатында теңiзде жүзудiң өзге де мақсаттары үшiн белгiлi бiр мерзiмге кеме немесе бiрнеше кеме берiлетiн және "Сауда мақсатында теңiзде жүзу туралы" Қазақстан Республикасы Заңының 11-бабының 3-1-тармағында көзделген талаптарға сәйкес келетiн жалдау шартының тарабы.
      Ескерту. 3-тармаққа өзгерту енгізілді - ҚР Үкіметінің 2005.03.30 N 278 ; 2005.10.28 N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі); 2009.06.16 N 913 (қолданысқа енгізілу тәртібін
4-тармақтан қараңыз) Қаулыларымен.

      4. Кеменi мемлекеттiк тiркеу (қайта тiркеу) үшiн, сондай-ақ кеменiң мемлекеттік тiркелгенiн куәландыратын құжаттың телнұсқасын алу кезiнде Қазақстан Республикасының салық заңнамасында белгiленген тәртiппен алым алынады.
      Кеменiң немесе жасалынып жатқан кеменiң ипотекасын мемлекеттік тiркеу үшiн Қазақстан Республикасының салық заңнамасында белгiленген тәртiппен алым алынады.
      Ескерту. 4-тармақ жаңа редакцияда - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

2. Теңiз кемелерi мен оларға құқықтарды
мемлекеттік тiркеу тәртiбi

5. Теңiз кемесi (бұдан әрi - кеме) Қазақстан Республикасы теңiз порттарының бiрiндегi Теңiз кемелерiнiң мемлекеттiк кеме тiзiлiмiнде, кеме кiтабында немесе бербоут-чартер тiзiлiмiнде тiркелуге жатады.
Жасалып жатқан кемеге меншiк құқығы киль салынған немесе сарапшының қорытындыларымен расталған тең бағалы құрылыс жұмыстары жүргiзiлген жағдайда салынып жатқан кемелер тiркелiмiнде мемлекеттiк тiркелуi мүмкiн.

6. Шетел мемлекетiнiң кемелер тiзiлiмiнде тiркелген кеме Теңiз кемелерiнiң мемлекеттiк кеме тiзiлiмiнде немесе кеме кiтабында ол шетел мемлекетінің кемелер тiзiлiмiнен шыққаннан кейін ғана және кеменiң мұндай тiзiлiмнен шыққандығын куәландыратын құжат көрсетілгеннен кейiн ғана тіркеліне алады.

7. Кеменi бербоут-чартерлiк тiзiлiмге бербоут-чартер шартында мемлекеттiк тiркеудің алдында қазақстандық кеме жалдаушы уәкiлеттi органның Қазақстан Республикасының Мемлекеттiк жалауы астында уақытша жүзу құқығын беру туралы шешiмiн алуы тиiс.
Ескерту. 7-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулыларымен.

      8. Кеменi:
      1) Теңiз кемелерiнiң мемлекеттiк кеме тiзiлiмiне енгiзу теңiз кемесiнiң Қазақстан Республикасының Мемлекеттiк туын көтерiп жүзу құқығы туралы куәлiктi (1-қосымша) және кемеге меншiк құқығы туралы куәлiктi (2-қосымша) берумен куәландырылады;
      2) кеме кiтабына енгiзу Қазақстан Республикасының Мемлекеттiк туын көтерiп жүзу құқығын беретiн және кемеге меншiк құқығының айғағы болатын кеме билетiн (3-қосымша) берумен куәландырылады;
      3) бербоут-чартерлiк тiзiлiмге енгiзу бербоут-чартерлiк шартта жалдап алынған шетелдiк теңiз кемесiне Қазақстан Республикасының Мемлекеттік туымен уақытша жүзу құқығын беру туралы куәлiктi (4-қосымша) берумен куәландырылады;
      4) жасалынып жатқан кемелер тiзiлiмiне енгiзу кемеге (жасалынып жатқан кемеге) (5-қосымша) құқықтарды мемлекеттiк тiркеу туралы куәліктi берумен куәландырылады.

9. Кемелердi, оның iшiнде жасалынып жатқан кемелер мен оларға құқықтарды мемлекеттiк тiркеудi және осы Ереженің 8-тармағында көрсетiлген құжаттарды берудi порттың теңiз әкiмшiлiгi жүзеге асырады.

10. Егер қазақстандық кеме Қазақстан Республикасының Теңiз кемелерiнiң мемлекеттiк кеме тiзiлiмiнен немесе кеме кiтабынан белгiленген тәртiппен шығарылмаған болса, онда оның шетел мемлекетінiң кеме тiзiлiмiнде тiркелуi заңды күшiнде болмайды.

      11. Тiркеу мынадай тәртiппен жүргiзiледi:
      1) кемелер мен оларға құқықтарды мемлекеттік тiркеу үшiн қажеттi және Қазақстан Республикасы заңнамасының талаптарына жауап беретiн, қабылдап алынуы кезiнде порттың теңiз әкiмшiлiгiнiң лауазымдық тұлғасы кiрiс құжаттарын есепке алу кітабына тиiстi жазу енгiзетiн құжаттарды қабылдау. Ұсынылатын құжаттар осы Ереженің талаптарына сәйкес келмеген кезде немесе олар жеткiлiксiз болса, өтiнiш берушіден құжаттар қабылдаудан бас тартылады. Өтiнiш берушiнің талабы бойынша оған құжаттарын қабылдаудан бас тарту туралы дәлелденген жазбаша растама берiледi.
      Өтiнiш берушiге құжаттардың тiзбесімен қоса тiркеуге алынғандығына, сондай-ақ олардың тапсырылған күнi көрсетілген қолхат берiледi. Қолхат құжаттардың тiркеуге қабылданғандығын растайды;
      2) осы кемеге туындап отырған құқықтар мен тiркелiп қойған құқықтар арасында қарама-қайшылықтардың, сондай-ақ тiркеуден бас тарту немесе тоқтата тұру үшiн негiздiң жоқтығын анықтау;
      3) көрсетiлген қарама-қайшылықтар мен тiркеуден бас тартудың немece тоқтата тұрудың басқа да негiздерi болмаған жағдайда Теңiз кемелерiнiң мемлекеттік кеме тiзiлiмiне, кеме кiтабына және бербоут-чартерлiк тiзілімге жазбаларды енгiзу;
      4) тiркеудi растайтын құжаттарды беру.

      12. Кеменi меншiк құқығында алған кез келген тұлға отыз күннің iшiнде Теңiз кемелерiнiң мемлекеттiк кеме тiзiлiмiне немесе кеме кiтабына кеменiң өзiн және оған меншiк құқығын тiркеуге тиiс.
      Кеменi бербоут-чартерлiк шарттарда пайдаланатын Қазақстан Республикасының заңнамасында белгiленген тәртiппен тiркелген кез келген азамат немесе заңды тұлға мұндай кемеге Қазақстан Республикасының Мемлекеттiк туын көтерiп жүзу құқығын уақытша беру туралы шешiм қабылданған күннен бастап отыз күннiң iшiнде оны бербоут-чартерлiк тiзiлiмде тiркейдi.
      Кемелер мен оларға құқықтарды мемлекеттiк тiркеу туралы өтiнiш мынадай құжаттар қоса берiлген кеме тiзiлiмiнiң сауалнамасын (6-қосымша) қамтуы тиiс:
      кемеге меншiк құқығын растайтын құжаттан;
      өлшем куәлiгiнен;
      теңiз, өзен және шағын өлшемдi кемелердi мемлекеттiк тiркегенi үшiн бюджетке алым сомасының төленгендiгiн растайтын құжаттан;
      білiктiлік куәлiгiнен;
      шетел мемлекетiнің кемесi осы мемлекеттiң жалауы ауыстырылғанға дейiн тікелей тіркелген тiзiлiмнен алынып тасталғанын және ипотекамен жүктелмегендiгiн растайтын құжаттан;
      жолаушылар куәлiгiнен (жолаушылар кемесi үшiн).
      Кеменi бербоут-чартерлiк шартта бербоут-чартерлiк тiзiлiмде тiркеу кезiнде осы тармақтың 4-9-абзацтарында көрсетiлген құжаттардан басқа мынадай құжаттар ұсынылады:
      уәкiлеттi органның шетелдiк кемеге Қазақстан Республикасының Мемлекеттiк туын көтерiп жүзу құқығын уақытша беру туралы және осы кеменің атын анықтау туралы шешiмi;
      бербоут-чартер;
      туы ауысқанға дейiн кеме тiкелей тiркелген шетелдiк мемлекеттің құзыреттi билiк орындары берген сол мемлекеттің туын көтеріп жүзу құқығы Қазақстан Республикасының Мемлекеттiк туын көтерiп жүзу құқығын беру мерзiмiне тоқтатылғанын растайтын, сондай-ақ кеменiң ипотека ауыртпалығы туралы мәлiметтерден тұратын құжат;
      кеме иесінiң және кеменің тiркелген ипотекасын немесе оған ауыртпалығын кепiлге ұстаушының кеменi Қазақстан Республикасының Мемлекеттiк туын көтерiп жүзуге көшiруге жазбаша рұқсаты;
      бербоут-чартер бойынша кеменi жалдаушының аты-жөнi мен мекен-жайын растайтын құжат.
      Жасалынып жатқан кемеге құқықтарды тiркеу құқық иесiнің немесе ол (олар) уәкiлеттiк берген тұлғаның тиiстi дәрежеде ресiмделген сенiмхаты болған жағдайда оның өтiнiшi негiзiнде жүргiзiледi, оған кеме құрылысы фактiсiн растайтын құжаттар, атап айтқанда:
      кеме жасауға арналған шарт;
      кеменi жасаушы ұйымның киль салынғандығы туралы жазбаша растамасы немесе тең бағалы құрылыс жұмыстарының жүргiзiлгенiн растайтын сарапшының қорытындысы қоса берiледi.
      Кемелер мен оларға құқықтарды Теңiз кемелерiнiң мемлекеттiк кеме тiзiлiмiне, кеме кiтабына, бербоут-чартер тiзiлiмiне және жасалынып жатқан кемелер тiзiлiмiне мемлекеттiк тiркеу кезiнде осы Ереженiң 8-тармағында көрсетiлген, тиiстi тiркеу нөмiрлерi берiлген құжаттар табыс етiледi. Кеме кiтабына енгiзiлген кеменiң тiркеу нөмiрiне "к" әрпi қосылады.
      Ескерту. 12-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      13. Кемелер мен оларға құқықтарды мемлекеттiк тiркеуге ұсынылатын құжаттарға қойылатын талаптар:
      1) құжаттар мемлекеттiк немесе орыс тiлдерiнде жасалған болуы тиiс;
      2) ресми шетелдiк құжаттар белгiленген тәртiппен Қазақстан Республикасының шет елдердегi дипломатиялық өкiлдiктерiнде немесе консулдық мекемелерiнде жария етілуі тиiс.
      Қажет болған жағдайларда қарауға, сондай-ақ соларға қатысты көрсетiлген талаптар орындалған құжаттардың белгiленген тәртiппен расталған көшiрмелерi қабылдануы мүмкiн. Ұсынылатын құжаттар шет тiлінде жасалған жағдайда, оларға мемлекеттiк немесе орыс тілдеріндегi расталған аудармасы қоса беріледi;
      3) құжаттардың мәтiндерi анық жазылған, заңды тұлғалардың атаулары мен деректемелерi қысқартусыз жазылған болуы тиiс;
      4) тазаланған немесе үстiнен жазылған, сызылған сөздер мен оларда айтылмаған өзге де түзетулерi бар құжаттар, қарындашпен орындалған құжаттар, сондай-ақ мазмұнын бiрыңғай түсіндiруге мүмкіндiк бермейтiн бүлiнген жерлерi бар құжаттар мемлекеттiк тiркеуге қабылдауға жатпайды;
      5) тiркеуге қажеттi барлық құжаттар екi данада берiледi, олардың бiреуi-түпнұсқа, ал екiншісi нотариалды расталған көшiрме болуы тиiс. Түпнұсқа тiркелгеннен кейiн құқық иесiне қайтарылуы тиiс.

14. Кемелер мен оларға құқықтарды мемлекеттiк тiркеу барлық қажеттi құжаттар тапсырылған сәттен бастап отыз күннің iшiнде жүргiзіледi.
Егер кеме мемлекеттiк тiркеуге жатпаса, бұл туралы мемлекеттiк тiркеуге құжаттар берiлген сәттен бастап кеменi ұсынған тұлғаға жетi күннен кешiктiрiлмей жазбаша хабар беріледі.

15. Кеменi және оған құқықтарды мемлекеттiк тiркеуден "Сауда мақсатында теңiзде жүзу туралы" Қазақстан Республикасы Заңының 19-бабында көзделген жағдайларда бас тартылады.
Бас тарту туралы кеменi мемлекеттiк тiркеуге ұсынған кеменiң иесiне бас тартудың негiзiн көрсете отырып жазбаша хабар берiледi.

16. Кеменi мемлекеттік тiркеу порты мемлекеттiк тiркеу портының теңiз әкімшiлігiне және кеменi мемлекеттiк тiркеудiң жаңа портының теңіз әкімшілiгiне жiберiлетiн кеме иесiнiң өтiнiшi (еркiн нысандағы) негiзiнде өзгертiлуi мүмкiн.

17. Кеменi мемлекеттiк тiркеу порты өзгертілген жағдайда кеменi мемлекеттік тiркеудiң бұрынғы портының теңiз әкiмшiлiгi кеменi мемлекеттiк тiркеудiң жаңа портының теңiз әкiмшiлiгiне кеме iсiн өткiзедi, бұл туралы Теңiз кемелерiнiң мемлекеттiк кеме тiзiлiмiнiң "Ескерту" бағанына тиiстi жазба енгiзiледi. Кеменi мемлекеттiк тiркеу портының алда өзгертiлетiндiгi туралы кеменiң иесi осы сипаттағы кеменің тiркелген ипотекасын немесе өзге де ауыртпалығын кепiлге ұстаушыны хабардар етуi тиiс.

18. Кеме iсiн алған порттың теңiз әкiмшiлiгi кемеге жаңа реттiк тiркеу нөмiрiн бередi және осы Ережеге сәйкес кеменi мемлекеттiк тiркеудiң бұрынғы портында жүргiзiлген Теңiз кемелерiнiң мемлекеттiк кеме тiзілімiндегi барлық мәлiметтi кеменi мемлекеттiк тiркеудiң жаңа портында жүргiзiлетiн Теңiз кемелерiнiң мемлекеттiк кеме тiзiлiмiне енгiзедi.
Кеменi мемлекеттiк тiркеудiң жаңа портының теңiз әкiмшiлiгi кеменi тiркеудiң бұрынғы портының теңiз әкiмшiлiгiне кеменi тiркеу рәсiмiнiң аяқталғандығы туралы хабарлауы тиiс. Осы хабарды алысымен, кеменi мемлекеттiк тiркеудiң бұрынғы портының теңiз әкiмшiлiгi кеменi мемлекеттiк тiркеудiң жаңа портын және кеменiң жаңа реттiк тiркелу нөмiрiн көрсете отырып, Теңiз кемелерiнiң мемлекеттiк кеме тiзiлiмiне жазба енгiзедi.

19. Кеменi мемлекеттiк тiркеудiң жаңа портының теңiз әкiмшiлiгiне кеменi мемлекеттiк тiркеу портын өзгерту туралы өтiнiшпен бiрге теңiз, өзен және шағын өлшемдi кемелердiң мемлекеттiк тiркелгенi үшiн бюджетке алым сомасының төленгендiгiн растайтын құжат көрсетіледі.
Ескерту. 19-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

20. Теңiз кемелерiнiң мемлекеттiк кеме тiзілімінде немесе кеме кiтабында тiркелген кеменi шетелдiк алдаушының иелiгiне немесе бербоут-чартер бойынша пайдалануға беру кезiнде мұндай кеме тиiстi тiзілімде тiркей отырып және Қазақстан Республикасының Мемлекеттік туын көтеріп жүзу құқығын тоқтата отырып, уәкілеттi органның шешiмi негiзiнде әр екi жыл сайын одан әрi ұзарту құқығымен екi жылдан аспайтын, бiрақ бербоут-чартердiң қолданылу мерзiмiнен артық емес мерзiмге шетел мемлекетiнің туын көтеріп жүзуге уақытша көшірiлуi мүмкiн.
Ескерту. 20-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      21. Кеменi шетел мемлекетiнің туын көтеруге көшiру туралы шешiмдi кеме иесiнің немесе ол соған уәкiлеттiк берген тұлғаның мынадай құжаттарды қоса бере отырып, тiркеу портының теңiз әкiмшiлiгi жiберген өтiнiшi негiзiнде уәкiлеттi орган тиiстi түрде ресімделген сенiмхаты болған кезде қабылдайды және құжатты түрде ресімдейді:
      1) егер кеменi кепiлдiкке салған жағдайда, ипотеканы кепілдiкке ұстаушының кеменi шетел мемлекетінiң туын көтеруге көшiруге жазбаша келiсiмi қажет ( белгiленген тәртiппен белгіленген және тiркелген кеме ипотекасын ұстаушылар алдын ала қанағаттандырылмаған кезде);
      2) кеменi жалдаушы мемлекетінің құзыреттi органдарының немесе кеме туын көтеруге көшiрілетін өзге де шетел мемлекетiнің белгiленген тәртiппен куәландырылған, сол мемлекеттiң заңнамасында Теңiз кемелерiнiң мемлекеттiк кеме тiзiлiмiнде тiркелген кемеге осындай мемлекеттiң туын көтерiп жүзу құқығын беруге тыйым салатын ережелердің жоқтығын және кемеге осындай мемлекеттің туын көтеріп жүзу құқығының берiлу мерзiмi бітiсiмен кеме Қазақстан Республикасы Мемлекеттік туын көтеруге қайтарылатынын растайтын құжат;
      3) шетел мемлекетiнің туын көтерiп жүзу құқығының берiлуiн немесе бұл құқықтың Қазақстан Республикасының Мемлекеттiк туын көтерiп жүзу құқығының тоқтаған сәтiнде берiлетiндiгін растайтын құжат;
      4) бербоут-чартер.

22. Порттың теңiз әкiмшiлiгi құжаттарды алу кезiнде құжаттардың тiзбесi бар, сондай-ақ олардың тапсырылған күнi көрсетілген қолхат бередi.

23. Бас тартуға негiздер жоқ болған жағдайда осы Ереженің 15-тармағына сәйкес Теңiз кемелерiнiң мемлекеттік кеме тiзiлiмiнде немесе кеме кiтабында "Ескерту" бағанында Қазақстан Республикасының Мемлекеттiк туын көтерiп жүзу құқығының тоқтаған күнi, кеменi шетел мемлекетiнiң туын көтеруге көшiруге рұқсат етілген мерзiм, туын көтеріп кеменің жүзуiне рұқсат етiлген мемлекеттің аты, бербоут-чартер бойынша шетелдік кеме жалдаушының аты-жөнi мен заңды мекен-жайы көрсетiледi.

24. Теңiз кемелерiнiң мемлекеттік кеме тiзiлiмiне немесе кеме кiтабына тиiстi белгi енгізiлген күн Қазақстан Республикасының Мемлекеттiк туын көтерiп жүзу құқығын тоқтата тұру күнi болып есептеледi. 8-тармақта көрсетiлген тиiстi куәлiкке белгi енгiзу өтiнiш берiлген күннен бастап он жұмыс күнi iшiнде жүргiзiледi.

25. Кеменің Қазақстан Республикасының Мемлекеттiк туын көтерiп жүзу құқығы тоқтатылған мерзiм iшiнде оның бортында Қазақстан Республикасының Мемлекеттiк туын көтерiп жүзу құқығы туралы куәлiк немесе бұл құқықтың тоқтағандығы туралы белгi қойылған кеме билетi болуы тиiс.

26. Қазақстан Республикасының Мемлекеттiк туын көтерiп жүзу құқығы тоқтатылған мерзiм iшiнде кемеге құқықтарды, шектеулердi (ауыртпалықтарды) осы Ережеге сәйкес Теңiз кемелерiнiң мемлекеттiк кеме тiзiлiмiне немесе кеме кiтабына тiркеудi жүргiзу жалғастырылады.

27. Бербоут-чартердiң күшi тоқтаған немесе уәкiлетті органның шешiмiнде көрсетiлген мерзiм бiткен кезде Теңiз кемелерiнiң мемлекеттік кеме тiзілiмiне немесе кеме кiтабына "Ескерту" бағанына кеме иесiнiң өтiнiшi негiзiнде тиiстi жазба енгiзіледi және осы Ережеде белгiленген тәртіппен Қазақстан Республикасының Мемлекеттiк туын көтерiп жүзу құқығы туралы жаңа куәлiк немесе жаңа кеме билетi беріледi.
Ескерту. 27-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

28. Қазақстан Республикасынан тыс жерлерде сатып алынған кеме Қазақстан Республикасының консулдық қызметi осындай құқықты растайтын және кеме мен оған құқықтар Теңiз кемелерiнiң мемлекеттiк кеме тiзiлiмiнде немесе кеме кiтабында мемлекеттiк тiркелгенге дейін, бiрақ бiр жылдан аспайтын уақытқа жарамды кеменің Қазақстан Республикасының Мемлекеттiк туын көтерiп жүзу құқығы туралы уақытша куәлiк (бұдан әрi - Уақытша куәлiк) (7-қосымша) берген сәттен бастап Қазақстан Республикасының Мемлекеттiк туын көтерiп жүзу құқығын пайдаланады.

      29. Уақытша куәлiктi Қазақстан Республикасының консулдық қызметi құқық иесiнiң мынадай құжаттарды қоса берген өтiнiшi негiзінде бередi:
      1) кемеге меншік құқығын растайтын құжат;
      2) кеменi бұған дейiн тiркеген мемлекеттің билiк орындары берген кеменің бұл мемлекеттің тiзiлiмiнен шығарылғанын және ипотека ауыртпалығы жоқтығын куәландыратын (eгep мұндай жағдай өтiнiш берiлгенге дейiн орын алған болса) құжаттар;
      3) өлшем куәлiктерi;
      4) бiлiктiлiк куәлiктерi;
      5) жолаушылар куәлiктерi (жолаушы кемелерi үшiн).
      Ескерту. 29-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

30. <*>
Ескерту. 30-тармақ алынып тасталды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

31. Уақытша куәлiк беру туралы өтiнiш берген кезде жеке тұлға оның жеке басын растайтын құжатты, ал заңды тұлғаның өкiлi - заңды тұлғаның құрылтайшы құжаттарын (немесе белгiленген тәртiппен куәландандырылған олардың көшiрмелерiн), сондай-ақ заңды тұлғаның атынан әрекет ету өкiлеттігін растайтын құжатты көрсетедi.

32. Қажетті құжаттарды алған кезде Қазақстан Республикасы консулдық қызметiнiң лауазымды тұлғасы құжаттарды есепке алу кiтабына тиісті жазба енгiзедi. Уақытша куәлiктi беру туралы әрбiр жазба тiркеу нөмiрiмен сәйкестендiрiледi. Мұндай нөмiр құжаттарды қабылдау кезiнде берiледi және қабылданған құжаттардың кiрiс нөмiрiмен сәйкес келедi. Ұсынылған құжаттарды тексергеннен кейiн Қазақстан Республикасының консулдық қызметi Уақытша куәлiк бередi. Берiлген Уақытша куәлiк туралы Қазақстан Республикасының консулдық қызметi он күн мерзімде уәкілеттi органға Уақытша куәлiктің көшiрмесiн қоса бере отырып, хабар жiбередi.

33. Қазақстан Республикасынан тыс жерден сатып алынған кеменi Теңiз кемелерiнiң мемлекеттiк кеме тiзiлiмінде немесе кеме кiтабында тiркеу Қазақстан Республикасының тiркеуi болжанып отырған порттың теңiз әкiмшiлігiне кеменi және оған құқықтарды мемлекеттік тiркеу туралы өтiнiш берілісімен осы Ережеге сәйкес жүзеге асырылуы тиiс.

34. Теңiз кемелерiнiң мемлекеттік кеме тiзілiмін, кеме кiтабын, бербоут-чартер тiзiлiмiн және жасалынып жатқан кемелер тiзiлiмiн жүргiзудi қағаз және электронды тасымалдаушыларда порттың теңiз әкiмшiлiгi жүзеге асырады.
Теңiз кемелерiнiң мемлекеттiк кеме тiзiлiмiн, кеме кiтабын, бербоут-чартер тiзiлiмiн және жасалынып жатқан кемелер тiзiлiмiн жүргiзу тәртiбiн уәкiлетті орган белгiлейдi.

35. Мемлекеттiк тiркеудi куәландыратын жаңа құжаттарды бере отырып, "Сауда мақсатында теңiзде жүзу туралы" Қазақстан Республикасы Заңының 18-1-бабына сәйкес кемелердi қайта тiркеу жүргізіледі.
Ескерту. 35-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      36. Кеменi мемлекеттік қайта тiркеудi ресiмдеу үшiн порттың теңiз әкiмшiлігіне мынадай құжаттарды қоса бере отырып, кеме тiзiлiмiнiң сауалнамасын қамтитын кеменi мемлекеттiк қайта тiркеу туралы өтiнiштi ұсыну қажет:
      кемеге меншiк құқығын растайтын құжат;
      өлшем куәлiгi;
      қайта тiркеу кезiнде теңiз, өзен және шағын өлшемдi кемелердiң мемлекеттік тiркелгенi үшiн бюджетке алым сомасының төленгендiгiн растайтын құжат;
      бiлiктiлiк куәлiгi;
      жолаушы куәлiгi (жолаушылар кемесi үшiн);
      жүзуге жарамдылығы туралы куәлiк.
      Кеменi мемлекеттік қайта тiркеуге ұсынылған құжаттар осы Ереженiң 13-тармағында белгіленген талаптарға сәйкес келуi тиiс.
      Ескерту. 36-тармақ жаңа редакцияда - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

37. Кемелердi мемлекеттiк қайта тiркеу осы Ереженiң 14-тармағында белгіленген мерзімде жүзеге асырылады.
Ескерту. 37-тармақ жаңа редакцияда - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       37-1. Кеменiң немесе жасалынып жатқан кеменiң ипотекасын "Сауда мақсатында теңiзде жүзу туралы" Қазақстан Республикасы Заңының 211 және 212-баптарына сәйкес порттың теңiз әкiмшiлiгi тiркейдi.
      Кеменiң немесе жасалынып жатқан кеменiң ипотекасын мемлекеттiк тiркеуге ұсынылған құжаттар осы Ереженiң 13-тармағында белгіленген талаптарға сәйкес келуi тиiс.
      Ескерту. 37-1-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       37-2. Кеменiң немесе жасалынып жатқан кеменiң ипотекасын мемлекеттік тiркеу туралы мәлiметтер кiрiс құжаттарын есепке алу кiтабына және осы кеме тiркелген тиiсті тiзiлiмге енгiзiледi.
      Кеменiң немесе жасалынып жатқан кеменiң ипотекасын мемлекеттік тiркеу кеменiң немесе жасалынып жатқан кеменiң ипотекасын мемлекеттік тіркеу туралы куәлiк (7-1-қосымша) берумен расталады және осы Ереженiң 14-тармағында белгiленген мерзiмде жүзеге асырылады.
      Ескерту. 37-2-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       37-3. Кеменiң мемлекеттiк тіркелгенін куәландыратын құжатты жоғалтқан жағдайда порттың теңiз әкімшілiгi кеме иесiнiң өтiнiшi бойынша оған кеменiң мемлекеттiк тіркелгенiн куәландыратын құжаттың телнұсқасын бередi.
      Кеменiң мемлекеттiк тіркелгенiн куәландыратын құжаттың телнұсқасын беру туралы өтiнiшпен бiрге порттың теңiз әкiмшiлігіне кеменiң мемлекеттiк тiркелгенiн куәландыратын құжаттың телнұсқасын берген кезде теңiз, өзен және шағын өлшемдi кемелердiң мемлекеттік тіркелгенi үшiн алым сомасының бюджетке төленгендiгiн растайтын құжат ұсынылады.
      Ескерту. 37-3-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       37-4. Кеменiң мемлекеттiк тіркелгенiн куәландыратын құжаттың телнұсқасының берiлгендiгi туралы мәлiметтер кiрiс құжаттарын есепке алу кiтабына және осы кеме тiркелген тиiстi тiзiлiмге енгiзiледi.
      Кеменiң мемлекеттiк тіркелгенiн куәландыратын құжаттың телнұсқасын беру осы Ереженiң 14-тармағында белгiленген мерзiмде жүзеге асырылады.
      Ескерту. 37-4-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       37-5. Порттың теңiз әкiмшiлiгi Теңiз кемелерiнiң мемлекеттік кеме тiзiлiмiнен немесе кеме кiтабынан мынадай кеменi шығарады:
      1) опат болған немесе хабарсыз жоғалып кеткен;
      2) конструкциялық жағынан күйреген;
      3) қайта жасау немесе кез келген басқа өзгерiстер нәтижесiнде кеме сапасын жоғалтқан;
      4) "Сауда мақсатында теңiзде жүзу туралы" Қазақстан Республикасы Заңының 11-бабының 3-1-тармағында көзделген талаптарға сәйкес келмей қалған.
      Ескерту. 37-5-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       37-6. Зақымдалған кеме, егер:
      1) кеменi тұрған жерiнде не кеме жеткiзiлуi мүмкiн кез келген басқа жерде қалпына келтiру мүмкiн болмаса;
      2) кеменi жөндеу экономикалық тұрғыдан орынсыз болса конструкциялық жағынан күйреген деп саналады.
      Ескерту. 37-6-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

37-7. Осы Ереженiң 37-5-тармағының 1), 2), 3) тармақшаларында көрсетiлген жағдайларда Теңiз кемелерiнiң мемлекеттiк кеме тiзiлiмiнен немесе кеме кiтабынан шығаруды порттың теңiз әкiмшiлiгi кеме иесiнiң өтiнiшi негiзiнде жүргiзедi. Өтінiшке онда баяндалған фактілердi растайтын құжаттар, сондай-ақ кеменi мемлекеттiк тiркеу кезiнде берiлген куәлiктер қоса берiледi.
Ескерту. 37-7-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

37-8. "Сауда мақсатында теңiзде жүзу туралы" Қазақстан Республикасы Заңының 11-бабының 3-1-тармағында көзделген талаптарға сәйкес келмей қалған кеменi Теңiз кемелерiнiң мемлекеттiк кеме тiзiлiмiнен немесе кеменiң кеме кiтабынан шығаруды порттың теңiз әкiмшiлiгi кеме иесiнiң (шарттың тараптары) құқық белгiлейтiн құжаттарды қоса берген өтiнiшi негiзiнде жүргiзедi.
Ескерту. 37-8-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

37-9. Теңiз кемелерiнiң мемлекеттік кеме тiзiлiмiнде, кеме кiтабында немесе жасалынып жатқан кемелер тiзiлiмiнде кеме немесе жасалынып жатқан кемеге меншiк құқығы тиiсiнше тiркелген порттың теңiз әкiмшiлігі кепiл ұстаушылар өз мүдделерiн қорғау үшiн тиiстi шаралар қолдануы үшiн кепiл ұстаушыға кеменiң немесе жасалынып жатқан кемеге меншiк құқығының тиiстi тiзiлiмнен шығарылатыны туралы хабарлама жiбередi. Олардың келiсiмi алынбаған кезде кеме немесе жасалынып жатқан кемеге меншiк құқығы кепiл ұстаушыларға хабарланғаннан кейiн үш ай өткен соң тиiстi тiзiлiмнен шығарылады.
Ескерту. 37-9-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

37-10. Теңiз кемелерiнiң мемлекеттiк кеме тiзiлiмiнен, кеме кiтабынан немесе жасалынып жатқан кемелер тiзiлiмiнен шығару, егер кеменiң барлық тiркелген ипотекалары алдын ала қанағаттандырылған немесе барлық кепiлге ұстаушылардың жазбаша келiсiмi алынған жағдайда ғана жүргiзiледi.
Ескерту. 37-10-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

37-11. Қазақстан Республикасының тиiстi уәкiлеттi органы кеменi шетел азаматына немесе шетелдiк заңды тұлғаға мәжбүрлеп сатқан кезде Теңiз кемелерiнiң мемлекеттік кеме тiзiлiмiнен, кеме кiтабынан немесе жасалынып жатқан кемелер тiзiлiмiнен шығару көрсетiлген орган кеменiң немесе жасалынып жатқан кеменiң сатылғанын және сатып алушының өзi қабылдағандарын қоспағанда, ешқандай ипотекалар ауыртпалығы болмағанын куәландыратын құжатты ұсынған кезде жүргiзiледi.
Ескерту. 37-11-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

37-12. Осы Ереженiң 37-5, 37-6, 37-7-тармақтарында көзделген жағдайларды қоспағанда, кеменi немесе жасалынып жатқан кемеге құқықтарды тиiстi тiзiлiмнен шығару өтiнiш берiлген күннен бастап жетi күн iшiнде жүргiзiледi. Порттың теңіз әкiмшiлiгi тиiсті тiзiлiмге шығару туралы жазба енгiзедi және кеменiң Теңiз кемелерiнiң мемлекеттiк кеме тiзiлiмiнен, кеме кітабынан немесе жасалынып жатқан кемелер тiзілiмiнен шығарылғаны туралы куәлiк (7-2-қосымша) бередi.
Ескерту. 37-12-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       37-13. Кеменi экипажсыз (бербоут-чартер) жалдау шарты бойынша қазақстандық жалдаушыға пайдалануға және иелiк етуге берiлген шетел кемесi мынадай жағдайда бербоут-чартерлiк тiзiлiмнен шығарылады:
      1) бербоут-чартерлiк шарттың қолданылуы тоқтаған;
      2) кемеге Қазақстан Республикасының Мемлекеттiк туын көтерiп жүзуге уақытша құқық беру мерзiмi аяқталған;
      3) уәкiлеттi органның кемеге Қазақстан Республикасының Мемлекеттiк туын көтерiп жүзуге уақытша құқық беру туралы шешiмінiң күшi жойылған.
      Бербоут-чартерлiк тiзiлiмде тiркелген шетел кемесiне Қазақстан Республикасының Мемлекеттік туын көтерiп жүзуге уақытша құқық бepу мерзімі өткенге дейiнгi бiр айдың iшiнде порттың теңiз әкiмшiлiгi қазақстандық жалдаушыға тиiсті хабарлама жiбередi.
      Қазақстандық жалдаушы кеме бербоут-чартерлік тiзiлiмге енгiзiлген порттың теңiз әкiмшiлiгiне тиiстi куәлiктi қайтарады.
      Ескерту. 37-13-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

3. Өзен кемелерi мен оларға құқықтарды
мемлекеттiк тiркеудiң тәртiбi

38. Өзен кемесi Теңiз кемелерiнiң мемлекеттiк кеме тiзiлiмiнде немесе жалға алынған шетелдiк кемелердiң тiзілімінде мемлекеттiк тiркеуге жатады.
Ескерту. 38-тармаққа өзгерту енгізілді - ҚР Үкіметінің 2005.03.30. N 278 қаулысымен.

39. Жалдау шарттарында кiреге алынған (кеменi экипажсыз жалдау шарты), Қазақстан Республикасының Мемлекеттік туын көтерiп жүзуге уақытша құқық берiлген шетел кемесi оның негiзгi тiркелу мемлекетiнiң кемелер тiзiлiмінде тiркелуi тоқтатыла тұрғаннан кейiн жалға алынған шетелдiк кемелердiң тiзiлiмiнде тiркелуi тиiс.
Ескерту. 39-тармаққа өзгерту енгізілді - ҚР Үкіметінің 2005.03.30. N 278 қаулысымен.

40. Шетел мемлекетiнiң кеме тiзiлiмiнде тiркелген кеме шетел мемлекетiнiң кеме тiзілімінен шығарылғаннан және осындай тiзілiмнен кеменiң шыққанын куәландыратын құжат көрсетiлгеннен кейiн Теңiз кемелерiнiң мемлекеттiк кеме тiзiлiмiне тiркелуi мүмкiн.

40-1. Жасалынып жатқан кемеге меншiк құқығы кильдiң салынуы немесе сарапшының қорытындысымен расталған тең бағалы құрылыс жұмыстарының жүргiзiлуi шартымен жасалынып жатқан кемелер тiзiлiмiнде тiркелуi мүмкiн.
Ескерту. 40-1-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      41. Кеменi Теңiз кемелерiнiң мемлекеттiк кеме тiзiлiмiне енгiзу кеменің Қазақстан Республикасының Мемлекеттік туын көтерiп жүзу құқығын және кемеге меншік құқығын растайтын кеме куәлігін (8-қосымша) берумен куәландырылады.
      Кеменi жалға алынған шетелдiк кемелердiң тiзiлiмiне енгізу шетелдiк кемеге Қазақстан Республикасының мемлекеттік туын көтеріп жүзу құқығын уақытша беру туралы куәлiк (9-қосымша) берумен куәландырылады.
      Кеменi жасалынып жатқан кемелердiң тiзiлiмiне енгізу жасалынып жатқан кемеге құқықтарды мемлекеттiк тiркеу туралы куәлiк (9-1-қосымша) берумен куәландырылады.
      Ескерту. 41-тармақ жаңа редакцияда - ҚР Үкіметінің 2005.03.30. N 278 , өзгерту енгізілді - 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулыларымен.

       42. Мемлекеттiк тiркеу мынадай тәртіппен жүргiзiледi:
      1) оларды алу кезiнде аумақтық уәкiлеттi органның лауазымды тұлғасы кiрiс құжаттарын есепке алу кiтабына тиiстi жазба енгiзетiн осы Ережеге сәйкес кемелердi мемлекеттік тiркеу үшiн қажеттi құжаттарды қабылдау. Ұсынылатын құжаттар осы Ереженің талаптарына сәйкес келмеген кезде, өтiнiш берушіден құжаттар қабылдаудан бас тартылады. Өтiнiш берушінің талабы бойынша оған құжаттарын қабылдаудан бас тартудың дәлелденген жазбаша растамасы беріледi;
      2) осы кемеге мәлiмделiп отырған құқықтар мен тiркелiп қойған құқықтар арасында қарама-қайшылықтардың, сондай-ақ тiркеуден бас тарту немесе тоқтата тұру үшiн негiздiң жоқтығын анықтау;
      3) көрсетiлген қарама-қайшылықтар мен мемлекеттiк тiркеуден бас тартудың немесе тоқтата тұрудың басқа да негiздерi болмаған жағдайда Теңiз кемелерiнiң мемлекеттiк кеме тiзiлiмiне немесе жалға алынған шетелдiк кемелердiң тiзiлiмiне жазбаларды енгiзу;
      4) мемлекеттiк тiркеудi растайтын құжаттарды беру.
      Ескерту. 42-тармаққа өзгерту енгізілді - ҚР Үкіметінің 2005.03.30. N 278 қаулысымен.

      43. Кеменi меншiк құқығында сатып алған кез келген тұлға отыз күннiң iшiнде Теңiз кемелерiнiң мемлекеттiк кеме тiзiлiмiне кеменің өзiн және оған меншiк құқығын тiркеуге мiндеттi.
      Шет мемлекеттің кеме тiзiлiмiнде тiркелген кеме "Iшкi су көлiгі туралы" Қазақстан Республикасы Заңының 24-бабының 11-тармағына сәйкес мұндай кемеге Қазақстан Республикасының Мемлекеттiк туын көтерiп жүзуге уақытша құқық беру туралы шешiм қабылданған күннен бастап бiр ай iшiнде жалға алынған шетел кемелерi тiзiлiмiнде мемлекеттiк тiркеуге жатады.
      Кемелердi мемлекеттiк тiркеу туралы өтiнiш мынадай құжаттар қоса берiлген кеме тiзiлiмiнiң сауалнамасын (10-қосымша) қамтуы тиіс:
      кемеге меншік құқығын растайтын құжатты;
      жүзуге жарамдылық туралы куәлiктi;
      өлшем куәлiгiн өзен-теңiз суларында жүзетін кемелер үшiн);
      бiліктiлiк куәлiгiн;
      жолаушылар куәлiгiн (жолаушылар кемесi үшін);
      теңiз, өзен кемелерi мен шағын өлшемдi кемелердi мемлекеттiк тiркеу үшiн бюджетке алым сомасының төленгендігін растайтын құжатты.
      Жалға алу шартында кеменi (кеменi экипажсыз жалға алу шарты) жалға алынған шетелдiк кемелердің тiзілiмiне тiркеу кезiнде осы тармақтың 4-8-абзацтарында көрсетiлген құжаттардан басқа, қосымша мынадай құжаттар ұсынылады:
      уәкілеттi органның шетелдiк кемеге Қазақстан Республикасының Мемлекеттiк туын көтеріп жүзу құқығын уақытша беру туралы және осы кеменің атын анықтау туралы шешiмi;
      жалға алу шарты;
      туы ауысқанға дейін кеме тiкелей тiркелген шетелдік мемлекеттің құзыреттi билiк орындары берген және сол мемлекеттiң туын көтерiп жүзу құқығы кемеге Қазақстан Республикасының Мемлекеттiк туын көтеріп жүзу құқығын беру мерзiмi тоқтатылғанын растайтын құжат;
      кеме иесінің және кеменiң тiркелген ипотекасын немесе сол сипаттағы кеменің ауыртпалығын кепілге ұстаушының кеменi Қазақстан Республикасының Мемлекеттiк туын көтеріп жүзуге көшiруге жазбаша рұқсаты;
      қазақстандық жалдаушының аты-жөнi мен мекен-жайын растайтын құжат.
      Жасалынып жатқан кемеге құқықтарды мемлекеттiк тiркеу құқық иеленушінің немесе онда кеменiң жасалынуы фактiсiн растайтын құжаттар, атап айтқанда:
      кеменi жасауға арналған шарт;
      киль салынғаны туралы кеме жасаушы ұйымның жазбаша растауы немесе тең бағалы құрылыс жұмыстары жүргiзiлгенiн растайтын сарапшының қорытындысы қоса беріле отырып, тиiстi үлгiде ресiмделген сенiмхаттың болуы шартымен ол (олар) өкiлеттiк берген тұлғаның өтiнiші негізiнде жүргiзiледi.
      Кемелерді және оған құқықтарды Мемлекеттiк кеме тiзiлiмiнде, жалға алынған шетелдiк кемелер тiзiлiмiнде, жасалынып жатқан кемелер тiзiлiмiнде мемлекеттік тiркеу кезiнде осы Ереженiң 41-тармағында көрсетілген құжаттар оларға тиiстi тiркеу нөмiрлерi қойыла отырып берiледi.
      Ескерту. 43-тармаққа өзгерту енгізілді - ҚР Үкіметінің 2005.03.30. N 278 , 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулыларымен.

      44. Кемелердi мемлекеттiк тiркеуге ұсынылатын құжаттарға қойылатын талаптар:
      1) құжаттар мемлекеттiк немесе орыс тiлдерiнде жасалған болуы тиiс;
      2) ресми шетелдiк құжаттар белгiленген тәртiппен Қазақстан Республикасының шетелдегi дипломатиялық өкiлдiктерiнде немесе консулдық мекемелерiнде, егер Қазақстан Республикасының заңнамасы мен Қазақстан Республикасының халықаралық шарттарында өзгеше көзделмесе, жария етiлуi тиiс. Қажет болған жағдайларда қарауға соларға қатысты көрсетiлген талаптар орындалған құжаттардың расталған көшiрмелерi қабылдануы мүмкiн. Ұсынылатын құжаттар шет тiлiнде жасалған жағдайда, оларға мемлекеттiк немесе орыс тілдерiндегi расталған аудармасы қоса берiледi;
      3) құжаттардың мәтiндерi анық, заңды тұлғалардың атаулары мен деректемелерi қысқартусыз жазылған болуы тиiс;
      4) тазаланған немесе үстiнен жазылған, сызылған сөздер мен оларда айтылмаған өзге де түзетулерi бар құжаттар, қарындашпен орындалған құжаттар, сондай-ақ мазмұнын бiрыңғай түсiндiруге мүмкiндiк бермейтiн бүлiнген жерлерi бар құжаттар мемлекеттiк тiркеуге қабылдауға жатпайды;
      5) тiркеуге қажеттi барлық құжаттар екi данада берiледi, олардың бipeуi түпнұсқа, ал екiншiсi нотариалды расталған көшiрмесi болуы тиiс. Тiркелгеннен кейiн түпнұсқа құқық иесiне қайтарылуы тиiс.

      45. Кемелердi мемлекеттік тiркеу барлық қажеттi құжаттар тапсырылған сәттен бастап отыз күннің iшiнде жүргiзiледi.
      Егер кеме мемлекеттiк тiркеуге жатпаса, бұл туралы мемлекеттiк тiркеуге құжаттар берiлген сәттен бастап жетi күннен кешіктiрiлмей кеменi ұсынған тұлғаға жазбаша хабар берiледi.
      Ескерту. 45-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулыларымен.

      45-1. Кеменi және оған құқықтарды мемлекеттiк тiркеуден, егер:
      1) мемлекеттiк тiркеу туралы өтiнiшпен тиiстi емес тұлға жүгiнген;
      2) осы Ережеде көзделген талаптар сақталмаған;
      3) мемлекеттiк тiркеу үшін ұсынылған құжаттар Қазақстан Республикасының заңнамасында көзделген талаптарға сәйкес келмеген жағдайларда бас тартылуы мүмкiн.
      Бас тартылғаны туралы кеменi мемлекеттiк тiркеуге ұсынған кеме иесiне бас тартудың негiздемесi көрсетiле отырып, жазбаша түрде хабарланады.
      Ескерту. 45-1-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

45-2. Кеменi мемлекеттiк тiркеу орны кеменiң меншiк иесiнiң кеме мемлекеттiк тiркеуде тұрған аумақтық уәкілетті органға және кеме жаңадан мемлекеттiк тiркелген орынның аумақтық уәкiлетті органына жiберетiн өтiнiшi (еркiн нысандағы) негiзiнде өзгертiлуi мүмкiн.
Ескерту. 45-2-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       45-3. Кеменiң мемлекеттiк тiркеу орны өзгерген жағдайда кеменiң бұрын мемлекеттiк тiркелген орнының аумақтық уәкiлетті органы кеме жаңадан мемлекеттiк тіркелген орнының аумақтық уәкiлеттi органына кеме ісiн жiбередi, бұл туралы Мемлекеттiк кеме тiзiлiмiнiң "Ескертпе" деген бағанына тиiсті жазба енгізіледi.
      Кеменiң мемлекеттiк тiркеу орнын алдағы уақытта өзгерту туралы кеменiң меншiк иесi тiркелген ипотеканың немесе кеменiң осындай сипаттағы өзге ауыртпалықтарының кепiл ұстаушысына хабарлайды.
      Ескерту. 45-3-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       45-4. Кеме iсiн алған аумақтық уәкiлетті орган кемеге жаңа реттiк тiркеу нөмiрiн бередi және кеме бұрынғы мемлекеттiк тiркелген орында жүргiзiлген Мемлекеттiк кеме тізілімiнде қамтылған барлық мәлiметтердi осы Ережеге сәйкес кеменiң жаңадан мемлекеттiк тiркеген орнында жүргiзiлетiн Мемлекеттiк кеме тiзiлiмiне енгiзедi.
      Кеменің жаңадан мемлекеттік тiркелген орнының аумақтық уәкілеттi органы бұрынғы мемлекеттiк тiркелген орнының аумақтық уәкілетті органына кеменi тiркеу рәсiмінің аяқталғаны туралы хабарлайды. Кеменiң бұрынғы мемлекеттiк тiркелген орнының аумақтық уәкiлетті органы осы хабарды алысымен кеменiң жаңадан мемлекеттiк тiркелген орнын және жаңа реттiк тiркеу нөмiрiн көрсете отырып, Мемлекеттiк кеме тiзiлiмiне жазба енгізедi.
      Ескерту. 45-4-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

45-5. Кеменің мемлекеттiк тiркелген орнын өзгерту туралы өтiнiшпен бiрге кеменiң жаңадан мемлекеттiк тiркелген аумақтық уәкiлетті органына теңiз, өзен және шағын өлшемдi кемелердi мемлекеттiк тiркегенi үшiн бюджетке алым сомасының төленгендiгiн растайтын құжат ұсынылады.
Ескерту. 45-5-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

45-6. Егер кеме оқиға немесе кез келген басқа себеп салдарынан Мемлекеттiк кеме тiзілiмiне бұрын енгiзiлген мәлiметтерге сәйкес келмей қалса, кеменi мемлекеттiк қайта тiркеу жүзуге жарамдылығы куәландырылғаннан және ол туралы куәлiк алынғаннан кейiн жүргiзiлуi мүмкін.
Ескерту. 45-6-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       45-7. Кеменi мемлекеттiк қайта тiркеудi ресiмдеу үшiн аумақтық уәкілетті органға "Iшкi су көлiгі туралы" Қазақстан Республикасы Заңының 28-бабының 1-тармағында көрсетiлген құжаттарды қоса бере отырып, кеме тiзілiмi сауалнамасын қамтитын кеменi мемлекеттік қайта тiркеу туралы өтiнiш беру қажет.
      Кемелердi мемлекеттік қайта тiркеуге ұсынылған құжаттар осы Ереженiң 44-тармағының талаптарына сәйкес болуы тиiс.
      Ескерту. 45-7-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

45-8. Кемелердi мемлекеттiк қайта тiркеу осы Ереженiң 45-тармағында көрсетiлген мерзiмде жүзеге асырылады.
Ескерту. 45-8-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       45-9. Кеменiң немесе жасалынып жатқан кеменiң ипотекасын аумақтық уәкiлеттi орган сол кеме тiркелген тiзiлiмге тiркейдi.
      Жасалынып жатқан кеменің ипотекасы жасалынып жатқан кемеге меншік құқығы тiркелген жасалынып жатқан кемелердің тiзiлiмiнде тiркеледi.
      "Iшкi су көлiгi туралы" Қазақстан Республикасы Заңының 24-бабының 7 және 11-тармақтарына сәйкес Қазақстан Республикасының Мемлекеттiк туын көтеріп жүзуге уақытша құқық берiлген шетел кемесiнiң ипотекасы, сондай-ақ шетел алушысы үшін жасалынып жатқан кеменің ипотекасы Қазақстан Республикасында тiркелмейдi.
      Ескерту. 45-9-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       45-10. Кеменiң немесе жасалынып жатқан кеменiң ипотекасы кемеге немесе жасалынып жатқан кемеге меншiк құқығы мемлекеттiк тiркелгеннен кейiн кепiлге берушiнiң өтiнiшi негiзiнде тiркеледi.
      Кеменiң немесе жасалынып жатқан кеменiң ипотекасын мемлекеттiк тiркеу туралы өтiнiште мыналар көрсетiледi:
      1) кеменiң (кеменiң атауы, тiркеу нөмiрi, тiркелген орны, тiркелiм нөмiрi, үлгiсi және сыныбы, кеменiң тоннажы) немесе жасалынып жатқан кеменiң (кеменi жасау жүзеге асырылып жатқан орын, жасау нөмiрi, кеменiң үлгiсi, килiнiң ұзындығы және басқа негiзгі өлшемдерi, тіркелiм нөмiрi) сәйкестендiру деректерi;
      2) ипотекаға кепiл берушiнiң аты мен мекен-жайы;
      3) ипотекаға кепiл ұстаушының аты мен мекен-жайы немесе оның ұсынушыға белгіленгенi туралы мәлiметтер;
      4) екi немесе одан да көп кемелерге не жасалынып жатқан кемелерге ипотека белгiлегенде ипотекамен қамтамасыз етілген мiндеттеменiң ең жоғары мөлшерi - тараптардың ол туралы келiсiмi болған жағдайда, мiндеттеменi жеке алғанда әрбір кеме қамтамасыз ететін мөлшер;
      5) кеменiң немесе жасалынып жатқан кеме ипотекасының аяқталу күнi.
      Кеменiң немесе жасалынып жатқан кеменiң ипотекасын мемлекеттiк тiркеу туралы өтiнiшке кеменiң немесе жасалынып жатқан кеменiң ипотекасы туралы шарт мұндай шартта көрсетiлген құжаттармен қоса берiледi.
      Кеменiң немесе жасалынып жатқан кеменiң ипотекасы мемлекеттiк тiркеу туралы өтiнiш алынған күнге тiркеледi.
      Кеменiң немесе жасалынып жатқан кеменiң ипотекасын мемлекеттiк тiркеуге ұсынылған құжаттар осы Ереженiң 44-тармағының талаптарына сәйкес келуi тиiс.
      Ескерту. 45-10-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       45-11. Кеменiң немесе жасалынып жатқан кеменiң ипотекасын мемлекеттік тiркеу туралы мәлiметтер кiрiс құжаттарын есепке алу кiтабына және осы кеме тiркелген тиiстi тiзiлiмге енгiзiледi.
      Кеменiң ипотекасын мемлекеттік тiркеген кезде бұл туралы кеме құжаттарына қандай да бiр жазбалар енгізу талап етiлмейдi.
      Кеменiң немесе жасалынып жатқан кеменiң ипотекасын мемлекеттiк тiркеу кеменiң немесе жасалынып жатқан кеменiң ипотекасын мемлекеттiк тіркеу туралы куәлiк (10-1-қосымша) берумен куәландырылады және осы Ереженiң 45-тармағында көрсетiлген мерзiмде жүзеге асырылады.
      Ескерту. 45-11-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

46. <*>
Ескерту. 46-тармақ алынып тасталды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      46-1. Кеменің иесi кеме куәлігін жоғалтқан жағдайда аумақтық уәкілетті орган кеме иесiнiң өтiнiшi бойынша оған көрсетiлген куәлiктің телнұсқасын бередi.
      Кеме куәлiгiнiң телнұсқасын беру мынадай тәртiппен жүргізіледi:
      1) осы Ережеге сәйкес кеме куәлiгiнiң телнұсқасын беру үшін қажетті құжаттарды қабылдау, оларды алған кезде аумақтық уәкiлетті органның лауазымды тұлғасы кiрiс құжаттарын есепке алу кiтабына тиiстi жазба енгiзедi. Ұсынылатын құжаттар осы Ереженiң талаптарына сәйкес келмеген кезде өтiнiш берушiге құжаттар қабылдаудан бас тартылады. Өтінiш берушінің талабы бойынша оған құжаттарды қабылдаудан бас тартудың жазбаша дәлелденген растамасы беріледi;
      2) осы кемеге мәлiмделіп отырған құқықтар мен тiркелiп қойған құқықтар арасында қайшылықтардың, сондай-ақ мемлекеттiк тiркеуден бас тарту немесе тоқтата тұру үшiн негiздеменің жоқтығын анықтау;
      3) көрсетiлген қайшылықтар және кеме куәлiгінің телнұсқасын беру үшiн басқа да негiздемелер болмаған кезде кеме куәлiгінің телнұсқасын беруден бас тарту туралы Теңiз кемелерiнiң мемлекеттік кеме тiзілiмiне жазбалар енгiзу.
      Кеме куәлігінің телнұсқасын беру туралы өтінiш 43-тармақтың төртiншi-сегiзiншi абзацтарында көрсетiлген құжаттар қоса берiлген кеме тiзілiмiнiң сауалнамасын қамтуы тиiс.
      Ескерту. 46-1-тармақпен толықтырылды - ҚР Үкіметінің 2005.03.30. N 278 қаулысымен.

47. Теңiз кемелерiнiң мемлекеттiк кеме тiзiлiмiнде тiркелген кеменi жалға алу шарты бойынша шетелдiк жалдаушының иелiгiне және пайдалануына беру кезiнде мұндай кеме уәкiлеттi органның шешiмi негiзiнде шетел мемлекетiнiң туын көтеруге уақытша көшiрілуi мүмкiн.

      48. Кеменi шетел мемлекетiнiң туын көтеруге көшiру туралы шешiмдi кеме иесiнiң немесе ол соған уәкiлеттiк берген тұлғаның мынадай құжаттарды қоса бере отырып, кеменi мемлекеттiк тiркеу орны бойынша аумақтық уәкiлеттi органның атына жiберiлген өтiнiшi негiзiнде уәкiлеттi орган қабылдайды:
      1) ипотеканы кепiлдiкке ұстаушының кеменi шетел мемлекетінің туын көтеруге көшiруге жазбаша келiciмi ( белгiленген тәртiппен белгiленген және тiркелген кеме ипотекасын ұстаушылар алдын ала қанағаттандырылмаған кезде);
      2) жалдаушы мемлекеттің құзыреттi органдарының немесе кеме туын көтеруге көшірілетін өзге де шетел мемлекеттің белгіленген тәртіппен куәландырылған, сол мемлекеттiң заңнамасында Мемлекеттік кеме тiзiлiмiнде тiркелген кемеге осындай мемлекеттің туын көтеріп жүзу құқығын беруге тыйым салатын ережелердің жоқтығын және кемеге осындай мемлекеттің туын көтеріп жүзу құқығының берiлу мерзiмi бiтiсiмен кеме Қазақстан Республикасының Мемлекеттiк туын көтерiп жүзуге қайтарылатынын растайтын құжат;
      3) шетел мемлекетiнің туын көтерiп жүзу құқығының берiлуiн немесе бұл құқықтың Қазақстан Республикасының Мемлекеттік туын көтеріп жүзу құқығының тоқтаған сәтiнде берілетiндiгiн растайтын құжат;
      4) жалға алу шарты.

49. Бас тартуға негiздер жоқ болған жағдайда осы Ереженің 15-тармағына сәйкес Теңiз кемелерiнiң мемлекеттiк кеме тiзiлiмiнде "Өзгертулер туралы белгiлері" бағанында Қазақстан Республикасының Мемлекеттiк туын көтерiп жүзу құқығының тоқтаған күнi, кеменi шетел мемлекетiнің туын көтеруге көшiруге рұқсат етілген мерзiм, өз туын көтерiп кеменің жүзуiне рұқсат етiлген мемлекеттің аты, жалға алу шарты бойынша шетелдiк кеме жалдаушының аты-жөнi мен мекен-жайы көрсетіледi.

50. Теңiз кемелерiнiң мемлекеттік кеме тiзiлiмiне тиiстi белгi енгiзiлген күн Қазақстан Республикасының Мемлекеттiк туын көтерiп жүзу құқығын тоқтата тұру күнi болып есептеледi. Кеме куәлiгiне белгi енгiзу өтiнiш берiлген күннен бастап он жұмыс күнi iшінде жүргiзiледi.

51. Кеменің Қазақстан Республикасының Мемлекеттiк туын көтерiп жүзу құқығы тоқтатылған мерзiм iшiнде оның бортында осы құқықтың тоқтағандығы туралы белгi қойылған кеме куәлiгi болуы тиiс.

52. Қазақстан Республикасының Мемлекеттiк туын көтерiп жүзу құқығы тоқтатылған мерзiм ішінде кемеге құқықтарды, шектеулердi (ауыртпалықтарды) осы Ережеге сәйкес Теңiз кемелерiнiң мемлекеттiк кеме тiзiлімiне тiркеудi жүргiзу жалғастырылады.

53. Кеменi жалға алу шартының күшi тоқтаған немесе уәкілеттi органның рұқсатында көрсетiлген мерзiм бiткен кезде Теңiз кемелерiнiң мемлекеттiк кеме тiзiлiмiне "Өзгертулер туралы белгiлер" бағанына кеме иесiнiң өтiнiшi негiзiнде тиiстi жазба енгiзiледi және осы Ережеде белгiленген тәртіппен жаңа кеме куәлiгi беріледi.

54. Қазақстан Республикасынан тыс жерлерде сатып алынған кеме Қазақстан Республикасының консулдық қызметi осындай құқықты растайтын және кеме Теңiз кемелерiнiң мемлекеттiк кеме тiзiлiмiнде мемлекеттiк тiркелгенге дейiн, бiрақ бiр жылдан аспайтын уақытқа жарамды кеменiң Қазақстан Республикасының Мемлекеттiк туын көтеріп жүзу құқығы туралы уақытша куәлiк (бұдан әрi - уақытша куәлiк) (11-қосымша) берген сәттен бастап Қазақстан Республикасының Мемлекеттiк туын көтеріп жүзу құқығын пайдаланады.
Қазақстан Республикасының консулдық қызметiнiң лауазымды тұлғасы қажеттi құжаттарды алған кезде есепке алу кiтабына тиiстi жазба енгiзедi. Уақытша куәлiк бергенi туралы әрбiр жазба тiркеу нөмiрiмен сәйкестендiріледi. Мұндай нөмiр құжаттарды қабылдаған кезде берiледi және қабылдаған құжаттардың кiрiс нөмiрiне сәйкес келедi. Қазақстан Республикасының консулдық қызметi ұсынылған құжаттарды тексергеннен кейiн уақытша куәлiк бередi. Қазақстан Республикасының консулдық қызметi берiлген уақытша куәлiк туралы он күн ішінде уәкiлеттi органға уақытша куәлiктiң көшiрмесiн қоса бере отырып, хабар жібередi.

55. Қазақстан Республикасынан тыс жерден сатып алынған кеменi Теңiз кемелерiнiң мемлекеттiк кеме тiзiлiмiне тiркеу болжанып отырған тiркеу орны бойынша Қазақстан Республикасының аумақтық уәкiлеттi органына кеменi мемлекеттiк тiркеу туралы өтiнiш ұсыну бойынша осы Ережеге сәйкес жүзеге асырылуы тиiс.

      56. Теңiз кемелерiнiң мемлекеттік кеме тiзiлiмiн және жалға алынған шетелдiк кемелердiң тiзілiмiн жүргiзудi аумақтық уәкiлеттi органдар қағаз және электронды тасымалдаушылармен жүзеге асырады.
      Теңiз кемелерiнiң мемлекеттiк кеме тiзiлiмiн және жалға алынған шетелдiк кемелердiң тiзілiмiн жүргiзу тәртiбiн уәкiлеттi орган белгілейдi.
      Ескерту. 56-тармаққа өзгерту енгізілді - ҚР Үкіметінің 2005.03.30. N 278 қаулысымен.

       56-1. Аумақтық уәкiлеттi орган Мемлекеттік кеме тiзiлiмiнен мынадай кеменi шығарады:
      1) опат болған немесе хабарсыз жоғалып кеткен;
      2) конструкциялық жағынан күйреген;
      3) қайта жасау немесе кез келген басқа өзгерiстер нәтижесiнде кеме сапасын жоғалтқан;
      4) "Iшкi су көлiгi туралы" Қазақстан Республикасы Заңының 24-бабының 3-тармағында көзделген талаптарға сәйкес келмей қалған.
      Ескерту. 56-1-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

56-2. Зақымдалған кеме осы Ереженiң 37-6-тармағының талаптарына сәйкес келгенде конструкциялық жағынан күйреген деп саналады.
Ескерту. 56-2-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

56-3. Мемлекеттік кеме тiзiлiмiнен шығару кеменiң меншiк иесiнiң өтiнiшi негiзiнде жүргiзiледi. Өтiнiшке онда баяндалған фактiлердi растайтын құжаттар, сондай-ақ құқық белгілейтiн құжаттармен бiрге өзен кемесiн мемлекеттiк тiркеу кезiнде берiлген куәлiктер қоса берiледi.
Ескерту. 56-3-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

56-4. Мемлекеттiк кеме тiзiлiмiнде немесе жасалынып жатқан кемелер тiзiлiмiнде кеме немесе жасалынып жатқан кемеге меншiк құқығы тиiсiнше тiркелген аумақтық уәкiлеттi орган кепiл ұстаушылар өз мүдделерiн қорғауға тиiстi шаралар қолдануы үшiн кепiл ұстаушыға кеменiң немесе жасалынып жатқан кемеге меншiк құқығының тиiсті тiзiлiмнен алдағы уақытта шығарылатыны туралы хабарлама жiбередi. Олардың келiсiмi алынбаған жағдайда кеме немесе жасалынып жатқан кемеге меншiк құқығы кепiл ұстаушыларға хабарланғаннан кейiн үш ай өткен соң тиiстi тiзiлiмнен шығарылады.
Ескерту. 56-4-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      56-5. Мемлекеттік кеме тiзiлiмiнен немесе жасалынып жатқан кемелер тiзiлiмiнен шығару, егер кеменiң барлық тiркелген ипотекалары алдын ала қанағаттандырылған немесе барлық кепiл ұстаушылардың жазбаша келiсiмi алынған жағдайда ғана жүргiзiледi.
      Аумақтық уәкiлеттi орган тиiстi тiзiлiмге шығару туралы жазба енгiзедi және Мемлекеттiк кеме тiзiлiмiнен немесе жасалынып жатқан кемелер тiзiлiмiнен шығарылғандығы туралы куәлiк (11-1-қосымша) бередi.
      Ескерту. 56-5-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      56-6. Кеменi экипажсыз (бербоут-чартер) жалдау шартымен қазақстандық жалға алушыға пайдалануға және иелiк етуге берiлген шетел кемесi мынадай жағдайда жалға алынған шетелдiк кемелер тiзiлiмiнен шығарылады:
      1) кеменi жалға алу шартының (бербоут-чартердiң) қолданылуы тоқтаған;
      2) кемеге Қазақстан Республикасының Мемлекеттiк туын көтерiп жүзуге уақытша құқық беру мерзiмi аяқталған;
      3) уәкiлеттi органның кемеге Қазақстан Республикасының Мемлекеттiк туын көтерiп жүзуге уақытша құқық беру туралы шешiмiнiң күшi жойылған.
      Жалға алынған шетелдiк кемелер тiзілiмiнде тiркелген шетел кемесiне Қазақстан Республикасының Мемлекеттiк туын көтерiп жүзуге уақытша құқық беру мерзiмi өткенге дейiнгi бiр айдың iшiнде аумақтық уәкiлеттi орган қазақстандық жалға алушыға тиiсті хабарлама жiбередi.
      Қазақстандық жалға алушы кеме жалға алынған шетелдiк кемелер тiзiлiмiне енгiзiлген аумақтық уәкiлеттi органға тиiсті куәлiкті қайтарады.
      Ескерту. 56-6-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       57. Кемелерге тiркеу нөмiрлерiн беру төменде санамаланған литерлермен жүзеге асырылады:
      1) Жоғары Ертiс бассейнiне - "ВИ";
      2) Орал бассейнiне - "У";
      3) Iле бассейнiне - "И";
      4) Балқаш бассейнiне - "Б";
      5) Есiл бассейнiне - "Иш";
      6) Сырдария бассейнiне - "С";
      7) Орталық бассейнге (Қазақстан Республикасының басқа су қоймалары) - "Ц".
      Жалға алынған шетелдiк кемелердің тiзiлiмiне енгiзiлген кеменiң тiркеу нөмiрiне "А" әрпi қосылады.
      Ескерту. 57 -тармаққа өзгерту енгізілді - ҚР Үкіметінің 2005.03.30. N 278 қаулысымен.

      58. Кеменiң тiркеу орнын белгiлеу мақсатында нақты бассейн үшiн белгiленген әрiптiк литерiне, сондай-ақ сандық литер қосылады:
      1) Өскемен учаскесi - "ВИ-1";
      2) Семей учаскесi - "ВИ-2";
      3) Павлодар учаскесi - "BИ-3";
      4) Орал учаскесi - "У-1";
      5) Атырау учаскесi - "У-2";
      6) Астана қаласы учаскесi - "Иш-1";
      7) Петропавл учаскесi - "Иш-2";
      8) Қарағанды учаскесi - "Ц-1";
      9) Қостанай учаскесi - "Ц-2".

59. Кемелерге берiлген тiркеу нөмiрлерi мен олардың литерлiк белгiлеуi (әріптiк және сандық) кеменің алдыңғы жағының екi бортына оның атауынан (нөмiрiнен) жоғары жазылады. Бұл ретте кеменің атауын (нөмiрiн) жазу өз өлшемдерi бойынша оның тiркеу нөмiрi мен литерлiк белгiлеуiнен iрілеу болуға тиiс.
Кеменің алдыңғы жағында басқа жазуларға рұқсат етiлмейдi.

4. Шағын өлшемді кемелер мен оларға құқықтарды
мемлекеттік тiркеудiң тәртiбi

      60. Шағын өлшемдi кеме оған тіркеу нөмiрi берiле отырып, кеме кiтабында мемлекеттік тiркеуге жатады.
      Кеме кiтабын жүргiзудi аумақтық уәкiлеттi органдар қағаз және электронды тасымалдаушылармен жүзеге асырады.
      Кеме кiтабын жүргiзу тәртiбiн уәкiлеттi орган белгiлейдi.
      Ескерту. 60-тармаққа өзгерту енгізілді - ҚР Үкіметінің 2005.03.30. N 278 қаулысымен.

61. Тiркелген әрбiр шағын өлшемдi кемеге тiркеу карточкасы ашылады.

62. <*>
Ескерту. 62-тармақ алынып тасталды - ҚР Үкіметінің 2005.03.30. N 278 қаулысымен.

63. Заңды тұлғалар меншiк түрiне қарамастан, аумақтық уәкiлеттi органда өздерiне тиесілi шағын өлшемдi кемелердi, олардың техникалық жай-күйiне, жыл мезгілiне және кеменiң тұрақтану орнына қарамастан, сатып алу (aлу), жасау немесе оларды қайта тiркеуге әкеп соқтыратын жағдайлардың туындау сәтiнен бастап 10 тәулiк iшiнде тiркеуге (қайта тiркеу) тиiс.

      63-1. "Iшкi су көлiгi туралы" Қазақстан Республикасы Заңының 26-бабының 7-тармағында көзделген жағдайларда шағын өлшемдi кеменi және оған құқықтарды мемлекеттiк тiркеуден бас тартылуы мүмкін.
      Бас тарту туралы шағын өлшемдi кеменi мемлекеттiк тiркеуге ұсынған кеме иесiне бас тартудың негiздемесi көрсетiле отырып жазбаша түрде хабарланады.
      Ескерту. 63-1-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

      63-2. Шағын өлшемдi кеменi мемлекеттiк тiркеу орны шағын өлшемдi кеменiң меншік иесінің шағын өлшемдi кеме мемлекеттiк тiркеуде тұрған аумақтық уәкілеттi органға және шағын өлшемдi кеме жаңадан мемлекеттiк тiркелген орынның аумақтық уәкілетті органына жiберілетін өтініші (еркiн нысандағы) негiзінде өзгертілуi мүмкiн. Бұл ретте шағын өлшемдi кеменің жаңадан мемлекеттік тiркелген орнының аумақтық уәкілетті органына жiберiлетiн өтiнiште шағын өлшемдi кеменің ауыртпалығы туралы мәлiметтер көрсетіледi.
      Шағын өлшемдi кеменің мемлекеттік тiркеу орны өзгерген кезде шағын өлшемдi кеме бұрын мемлекеттiк тiркелген орнының аумақтық уәкілеттi органы шағын өлшемдi кеменің жаңадан мемлекеттiк тiркелген орнының аумақтық уәкілетті органына шағын өлшемдi кеменің ауыртпалығы туралы ақпаратты көрсете отырып, тiркеу карточкасын бередi. Шағын өлшемдi кеменiң мемлекеттiк тiркеу орнын алдағы уақытта өзгерту туралы шағын өлшемдi кеменің меншiк иесi тiркелген ипотеканың немесе шағын өлшемдi кеменiң осындай сипаттағы өзге де ауыртпалықтарының кепiл ұстаушысына хабарлайды.
      Ескерту. 63-2-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

63-3. Кеме iсiн алған аумақтық уәкілетті орган шағын өлшемдi кемеге жаңа реттік тiркеу нөмiрiн бередi және шағын өлшемдi кеме бұрын мемлекеттік тiркелген орында жүргiзiлген кеме кiтабында қамтылған барлық мәлiметтердi осы Ережеге сәйкес шағын өлшемдi кеменің жаңадан мемлекеттiк тiркелген орнында жүргiзiлетiн кеме кiтабына енгiзедi.
Ескерту. 63-3-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

63-4. Шағын өлшемдi кеменiң мемлекеттік тiркелген орнын өзгерту туралы өтiнiшпен бiрге шағын өлшемдi кеменiң жаңадан мемлекеттiк тiркелген орнының аумақтық уәкілетті органын теңiз, өзен және шағын өлшемді кемелердi мемлекеттiк тіркегенi үшiн алым сомасының бюджетке төленгенiн растайтын құжат ұсынылады.
Ескерту. 63-4-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

63-5. Егер кеме оқиғаның немесе кез келген басқа себептің салдарынан шағын өлшемдi кеме кеме кiтабына бұрын енгiзiлген мәліметтерге сәйкес келмей қалған жағдайда шағын өлшемдi кеменi мемлекеттiк қайта тiркеу жүргiзiлуi мүмкiн.
Ескерту. 63-5-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

63-6. Шағын өлшемдi кеменi мемлекеттiк қайта тiркеу үшiн аумақтық уәкілеттi органға осы Ереженiң 66-тармағында көрсетілген құжаттарды қоса бере отырып, шағын өлшемдi кеменi мемлекеттiк қайта тiркеу туралы өтiнiш беру қажет.
Ескерту. 63-6-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

63-7. Шағын өлшемдi кемелердi мемлекеттiк қайта тiркеу осы Ереженiң 63-тармағында көрсетілген мерзiмде жүзеге асырылады.
Ескерту. 63-7-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       63-8. Шағын өлшемді кеменің ипотекасын аумақтық уәкiлеттi орган шағын өлшемді кемеге меншiк құқығы мемлекеттiк тiркелгеннен кейiн кепiл берушiнiң өтiнiшi негiзінде шағын өлшемді кеме тіркелген кеме кiтабында тiркейдi.
      Шағын өлшемдi кеменiң ипотекасын мемлекеттiк тiркеу туралы өтiнiште мыналар көрсетiлуі тиіс:
      1) ипотекаға кепiл берушінің аты мен мекен-жайы;
      2) ипотекаға кепiл ұстаушының аты мен мекен-жайы немесе оның ұсынушыға белгiленгенi туралы мәлiметтер;
      3) екі немесе одан да көп шағын өлшемдi кемелерге ипотека белгiлегенде ипотекамен қамтамасыз етілген мiндеттеменiң ең жоғары мөлшері - тараптардың ол туралы келiсiмi болған жағдайда, мiндеттеменi жеке алғанда әрбір шағын өлшемді кеме қамтамасыз ететін мөлшер;
      4) шағын өлшемдi кеме ипотекасының аяқталу күнi.
      Шағын өлшемдi кеменiң ипотекасын мемлекеттiк тiркеу туралы өтiнiшке шағын өлшемді кеменiң ипотекасы туралы шарт осындай шартта көрсетiлген құжаттармен қоса беріледі.
      Шағын өлшемдi кеменiң ипотекасы мемлекеттiк тiркеу туралы өтiнiш алынған күні тiркеледi.
      Шағын өлшемдi кеменiң ипотекасын мемлекеттiк тiркеу кезiнде бұл туралы кеме құжаттарына қандай да бір жазбалар енгізу талап етілмейді.
      Шағын өлшемдi кеменiң ипотекасын мемлекеттiк тiркеу шағын өлшемдi кеменің ипотекасын мемлекеттiк тiркеу туралы куәлiк (10-2-қосымша) берумен куәландырылады.
      Шағын өлшемдi кеменiң ипотекасын мемлекеттiк тiркеу үшiн Қазақстан Республикасының салық заңнамасында белгiленген тәртiппен алым өндiрiп алынады.
      Ескерту. 63-8-тармақпен толықтырылды - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

64. Шағын өлшемдi кемелер заңды тұлғаларға олардың тұрақты болу орны бойынша тiркеледi. Азаматтардың жеке меншiгіндегi кемелер иесiнiң атына оның тұрақты тiркелiм орны бойынша тiркеледi.
Ескерту. 64-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

65. Шағын өлшемдi кемелердi тiркеу және есепке қою кезiнде оның иесi немесе оған сенiмхаты бар тұлға төлқұжат немесе жеке басын куәландыратын өзге құжат көрсетуге мiндеттi.

      66. Шағын өлшемдi кемелердi тiркеу мыналарды ұсыну бойынша жүргiзiледi:
      кеменiң негiзгi техникалық деректерi, оның тұрағының орны, атауы және заңды мекен-жайы, тегi, аты, әкесінiң аты, туған жылы, тұрғылықты жерi, иесiнiң жұмыс орны көрсетілетiн иесiнiң жазбаша өтiнiшiн;
      кемелердің не, егер кеме өз күшiмен жасалған болса, материалдардың алынғанын немесе сатып алынғанын растайтын құжаттарды (шоттар, дүкендердің тауарлық чектерi, материалдарға анықтамалар, сатып алу-сату шарттары, сыйға беру кесiмдерi, мұраға алу туралы куәлiктер, сот шешiмi және т.б.);
      теңiз, өзен және шағын өлшемдi кемелердi мемлекеттiк тіркегені үшiн бюджетке алым сомасы төленгенін растайтын құжатты;
      зауытта жасалған кеменiң техникалық паспортын және оларды сатқандығы туралы сатушы ұйымның белгiсiмен қозғалтқыштың техникалық паспортын, ал жеке жасалған немесе қайта жабдықталған кемелер үшiн - уәкілеттi органның нормативтерi мен техникалық талаптарына сәйкес кеменi жасауға құжаттар мен техникалық құжаттаманы.
      Ескерту. 66-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

       67. Өзi жүзетiн шағын өлшемдi кеменi тiркеген кезде оған тiркеу нөмiрi беріледi және кеме иесiне кеме билетi (12-қосымша) тапсырылады. Берiлген тiркеу нөмiрi орыс әліпбиінің үш әрпiнен (литерiнен) және төрт саннан тұрады.
      Бiрiншi әрiп - "К", Қазақстан Республикасына тиесiлiлiгiн білдiредi, екiншiсi және үшiншiсi уәкiлеттi орган анықтайтын тәртіппен белгiленедi және тiркеген облысты, қаланы білдiредi. Сандар Теңiз кемелерiнiң мемлекеттiк кеме тiзiлiмiнде тiркелген реттiк нөмiрiне сәйкес болады.
      Әрбiр серия 0001-ден 9999-ға дейiнгi төрт таңбалы нөмiрлерден тұрады және флоттың 9999 бiрлiгiн қамтиды.
      Ескерту. 67-тармаққа өзгерту енгізілді - ҚР Үкіметінің 2005.03.30. N 278 қаулысымен.

      68. Уәкiлеттi орган облыстар және қалалар бойынша тiркеу нөмiрлерiн белгiлейдi:
      1) Ақмола облысы             КАМ 0001-ден 9999 дейiн
      2) Астана қаласы             КАС 0001-ден 9999 дейiн
      3) Ақтөбе облысы             КАК 0001-ден 9999 дейiн
      4) Алматы облысы             КАЛ 0001-ден 9999 дейiн
      5) Алматы қаласы             КАА 0001-ден 9999 дейiн
      6) Атырау облысы             КАТ 0001-ден 9999 дейiн
      7) Шығыс Қазақстан облысы    KBK 0001-ден 9999 дейiн
      8) Жамбыл облысы             КДЖ 0001-ден 9999 дейiн
      9) Қарағанды облысы          KKP 0001-ден 9999 дейiн
      10) Қызылорда облысы         ККО 0001-ден 9999 дейiн
      11) Қостанай облысы          ККУ 0001-ден 9999 дейiн
      12) Маңғыстау облысы         КМН 0001-ден 9999 дейiн
      13) Павлодар облысы          КПВ 0001-ден 9999 дейiн
      14) Солтүстiк Қазақстан
          облысы                   КСК 0001-ден 9999 дейiн
      15) Батыс Қазақстан облысы   KУP 0001-ден 9999 дейiн
      16) Оңтүстiк Қазақстан
          облысы                   КЧМ 0001-ден 9999 дейiн.
      Ескерту. 68-тармаққа өзгерту енгізілді - ҚР Үкіметінің 2005.03.30. N 278 қаулысымен.

      69. Өз бетiмен жүзбейтiн шағын өлшемдi кемелердi (ескектi, желкендi, үрмелi кемелер, байдаркалар, салдар және жалға алынатын жүзгiш құралдарды) тiркеу кезiнде тiркеу нөмiрi берiледi және кеме иесiне кеме билетi (13-қосымша) тапсырылады, бір "Г" әрпінен тұратын литер және кеме кiтабы бойынша реттiк нөмiр, сондай-ақ нөмiрдiң боялған түсi белгіленедi.
      Жалға алынатын жүзгiш құралдарға бiр "П" әрпiнен тұратын литер, аңшылар және балықшылар қоғамы үшiн бiр "Р" әрпiнен тұратын литер берiледi.
      Ескерту. 69-тармаққа өзгерту енгізілді - ҚР Үкіметінің 2005.03.30. N 278 қаулысымен.

70. Тiркеу нөмiрi шағын өлшемдi кеменiң екi бортына да салынады және форштевеннен корпус ұзындығының 1/4-iне тең қашықтықта орналастырылады. Бояу жуылмайтын және корпустың түсiне қарама-қарсы түстi болуы тиiс. Әрiптер мен сандарды бір жолда жазады. Олардың биiктiгi кемiнде 100-150 мм, ал ені тиiсiнше - 15-20 мм болуы тиiс.
Ескерту. 70-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

71.Шағын өлшемді кемелердi тiркеу мұрагерлiкпен берiлген шағын өлшемдi кемелердi қоспағанда, 18 жасқа толған тұлғалардың атына жүргiзiледi. Шағын өлшемді кеменi 18 жасқа толмаған мұрагерге тiркеген кезде тiркеу карточкасында ата-анасының немесе қамқоршысының тегi, аты, әкесiнiң аты көрсетiледi және ата-анасының немесе қамқорлық органдарының келiсiмiнсiз есептен алуға тыйым салынатыны туралы жазба жасалады.
Ескерту. 71-тармаққа өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

72. Екi немесе одан көп иелердiң меншiгiндегi шағын өлшемдi кемелер олардың келiсуi бойынша тек қана бiр иесiне тiркеледi, екiншi иесiне шағын өлшемдi кеменi басқару құқығына сенiмхат берiледi.

73. Жеке өзі жасаған шағын өлшемдi кемелердi тiркеу алғашқы куәландырылғаннан кейiн жобалау-техникалық құжаттаманың негiзiнде жүргiзiледi.

Қазақстан Республикасы Үкiметiнiң
2003 жылғы 17 қаңтардағы
N 49 қаулысымен бекiтiлген
Кемелер мен оларға арналған
құқықтарды мемлекеттiк
тiркеудiң ережесiне
1-қосымша

Ескерту. 1-қосымшаға өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

ҚАЗАҚСТАН РЕСПУБЛИКАСЫ
REPUBLIC OF KAZAKHSTAN

ТЕҢIЗ КЕМЕСIНДЕ ҚАЗАҚСТАН РЕСПУБЛИКАСЫНЫҢ МЕМЛЕКЕТТIК
ТУЫ АСТЫНДА ЖҮЗУ ҚҰҚЫҒЫ ТУРАЛЫ КУӘЛIК

CERTIFICATE OF THE RIGHT SEA SHIP TO SAIL UNDER
THE STATE FLAG OF THE REPUBLIC OF KAZAKHSTAN

Қазақстан Республикасының Теңiз кемелерiнiң мемлекеттiк кеме тiзiлiмiне 200_ жылғы "__"__________ N ____ енгiзiлген деректер негiзiнде осымен ______________ кемесiне Қазақстан Республикасының Мемлекеттiк туы кеменiң атауы (name of ship)
астында жүзуге рұқсат етiлгенi куәландырылады.
This is to certify that according to the data entered into
the State Ship Register of the Republic of Kazakhstan, the ship has
been authorized to sail under the state flag of the Republic of
Kazakhstan.

Кеме туралы мәлiметтер
Ship's particulars

1. Кеме үлгiсi______________________________________________
Туре

2. Шақыру белгiсi___________________________________________
Call sign

3. HMO N____________________________________________________
IМО N

4. Тiркелу порты____________________________________________
Port of registry

5. Жасалған орны мен уақыты_________________________________
Place and year of build

6. Корпустың басты материалы________________________________
Main material used to construct hull

7. Машиналар саны мен қуаты_________________________________
Number of sets and output of engines

8. 200_ "__" N ________ (кiммен) берілген өлшеулiк куәлiк бойынша басты мөлшерлерi
Principal dimensions according to tonnage certificate issued by

Ұзындығы____________________________________________________
Length

Енi_________________________________________________________
Breadth

Борт биiктiгi_______________________________________________
Depth

Жалпы сыйымдылығы___________________________________________
Gross tonnage

Таза сыйымдылығы____________________________________________
Net tonnage

9. Егер ол бұрын шетел туы астында жүзген болса кеменің бұрынғы атауы және бұрынғы тіркелу порты__________________________
__________________________________________________________________
The previous name of the ship if she sailed under foreign
flag and her previous port of registry

Теңіз портының капитаны_____________________________________
Sea harbour Master

Қолы________________________________________________________
Signature

Мөр_________________________________________________________
Seal

Күні________________________________________________________
Date

Серия хх N ххххххх

Қазақстан Республикасы Үкiметiнiң
2003 жылғы 17 қаңтардағы
N 49 қаулысымен бекiтiлген
Кемелер мен оларға арналған
құқықтарды мемлекеттiк
тiркеудiң ережесiне
2-қосымша

Ескерту. 2-қосымшаға өзгерту енгізілді - ҚР Үкіметінің 2005.10.28. N 1082 (қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі) қаулысымен.

ҚАЗАҚСТАН РЕСПУБЛИКАСЫ
REPUBLIK OF KAZAKHSTAN

КЕМЕГЕ АРНАЛҒAH МЕНШIК ҚҰҚЫҒЫ ТУРАЛЫ КУӘЛIК

CERTIFICATE OF OWNER SEA SHIP

Қазақстан Республикасының Теңiз кемелерiнiң мемлекеттiк кеме тiзiлiмiне 200_ жылғы "___" __________ N ____ енгiзiлген деректер негiзiнде осымен кемесi ______________________________
(кеменiң атауы) (name of ship)

This is to certify that according to the data entered into the State Ship Register of the Republic of Kazakhstan, the ship

is owned by

__________________________________________________________________
             (соның негiзiнде құқық тiркелген иелер,
                   құжаттардың деректемелерi)
__________________________________________________________________
   (owners, particulars of the documents where under the right
                       has been registered)

тиесiлi екендiгi куәландырылады.