Қазақстан Республикасының Yкiметі қаулы етеді:
1. Қазақстан Республикасы Үкiметінің кейбiр шешiмдерiне мынадай өзгерiстер мен толықтырулар енгiзілсін:
1) <*>
2) "Қазақстан Республикасы Ауыл шаруашылығы министрлiгiнiң кейбiр мәселелерi" туралы Қазақстан Республикасы Үкiметiнің 2002 жылғы 7 қазандағы N 1096
қаулысына
:
2-тармақта:
2) тармақшада "Ауыл шаруашылығы министрлігiнің Орман, балық және аңшылық шаруашылығы комитетi" деген сөздер "Ауыл шаруашылығы министрлігінiң Орман және аңшылық шаруашылығы комитеті" деген сөздермен ауыстырылсын;
4) тармақшада "Ауыл шаруашылығы министрлiгi Орман, балық және аңшылық шаруашылығы комитетiнiң" деген сөздер "Ауыл шаруашылығы министрлiгi Орман және аңшылық шаруашылығы комитетiнiң" деген сөздермен ауыстырылсын;
көрсетілген қаулымен бекiтiлген Қазақстан Республикасының Ауыл шаруашылығы министрлігі туралы ережеде:
3-тармақтың екiншi абзацында ", балық" деген сөз алынып тасталсын;
10-тармақ мынадай мазмұндағы 79-1), 79-2), 79-3), 79-4) тармақшалармен толықтырылсын:
"79-1) балық аулауды, балық өсіру-өсiмiн молайту қызметiн мемлекеттiк реттеудi, балық ресурстарын қорғауды жүзеге асырады, балық жiберу, жаңа балық түрлерiн бейімдеу, мелиорациялық-техникалық және балық шаруашылығы саласындағы басқа да iс-шаралар бойынша жұмыс кешенiн ұйымдастырады;
79-2) балық ресурстарын қорғау, өсiмiн молайту және пайдалану саласында әкiмшiлiк құқық бұзушылық туралы iстердi қарайды;
79-3) Қазақстан Республикасының Үкiметiне балық ресурстарын пайдалану лимиттерi мен квоталары жөнiнде ұсыныстар енгiзедi;
79-4) тиiстi мемлекеттік органдарға балықты, басқа да су жануарларын кәсіптiк аулауға құқық беру және балық шаруашылығы су қоймаларын бекiту жөнiнде ұсыныстар енгiзеді";
11-тармақтың 12) тармақшасы мынадай мазмұндағы абзацпен толықтырылсын:
"балық ресурстарын қорғауға, өсiмiн молайтуға, пайдалануға және балық шаруашылығын жүргiзуге".
Ескерту. 1)-тармақшаның күші жойылды - ҚР Үкіметінің 2003.04.01. N 314
қаулысымен.
2. Осы қаулы қол қойылған күнiнен бастап күшiне енедi.
Қазақстан Pecпубликасының
Премьер-Министрі