09.07.1999

Қазақстан Республикасы Парламенті депутаттығына кандидаттың және мәслихат депутаттығына кандидаттың Қазақстан Республикасы Конституциясының және "Қазақстан Республикасындағы сайлау туралы" Конституциялық заңының оған қоятын талаптарына сәйкестігін анықтау

      Қазақстан Республикасы  Конституциясының  51-бабының 4-тармағына, 86-бабының 3-тармағына,  "Қазақстан Республикасындағы сайлау туралы"  Конституциялық заңның 4-бабының 4-тармағына, 73, 89, 104-баптарына сәйкес Қазақстан Республикасының Орталық сайлау комиссиясы қаулы етеді: 
      1. Қазақстан Республикасы Парламенті депутаттығына кандидаттың және мәслихат депутаттығына кандидаттың Қазақстан Республикасы Конституциясының және "Қазақстан Республикасындағы сайлау туралы" Конституциялық заңының оған қоятын талаптарына сәйкестігі тиісті округтік (облыстық, Астана немесе Алматы қалалық) сайлау комиссиясының мәжілісінде мынадай тәртіппен анықталсын: 
      1) кандидат ұсынған Қазақстан Республикасы азаматының төлқұжаты, жеке куәлігі немесе туу туралы куәлігінің (түпнұсқасы дереу қайтарылады) негізінде тумысынан Қазақстан Республикасының азаматтығы және қажетті жасы; 
      2) тиісті облыстың, Астана және Алматы қалаларының аумағында кемінде үш жыл тұру фактісі, Сенат депутаттары үшін жоғары білімі және бес жыл жұмыс стажы - облыстық, Астана және Алматы қалалық сайлау комиссиясының сұрауы бойынша алынған тиісті құжаттардың негізінде жоғары білімі туралы диплом, еңбек кітапшасының көшірмесі немесе кандидат ұсынған жұмыс орнынан алынған анықтама (түпнұсқалар дереу қайтарылады); 
      3) окгрутік, облыстық, Астана және Алматы қалалық сайлау комиссиясының сұрауымен облыстық, Астана және Алматы қалалық прокуратурадан, облыстық, Астана және Алматы қалалық ішкі істер басқармасынан алынған мәліметтер бойынша тіркеу алдындағы бір жыл ішінде қасақана құқық бұзғаны үшін сыбайлас жемқорлық жасағаны үшiн тәртіптiк жазалары сот тәртібімен әкімшілік жазаға тартылмағандығы, толық өтелмеген немесе алынып тасталмаған соттылығы жоқтығы;<*> 
       Ескерту: 1 тармақтың 3) тармақшасы өзгертілді - ҚР Орталық сайлау комиссиясының 2000 жылғы 10 тамыздағы N 7/7   қаулысымен .
      4) округтік, облыстық, Астана және Алматы қалалық сайлау комиссиясының сұрауымен кандидаттың жұмыс орнынан алынған мәліметтер негізінде тіркеу алдындағы жыл ішінде сыбайлас жемқорлық жасағаны үшін тәртіптік жазаларының жоқтығы; 
      5) кандидаттың облыстық деңгейдегі, Астана және Алматы қалаларының денсаулық сақтау мекемелерінен алынған дәрігерлік анықтама негізінде - психикалық денсаулық жағдайы.
      2. Тиісті ішкі істер басқармалары, прокуратура органдары сайлау комиссияларының Парламент және мәслихаттар депутаттығына кандидаттар туралы сұрауларын екі күн мерзімде орындасын.<*>
       Ескерту: 2 тармақ өзгертілді - ҚР Орталық сайлау комиссиясының 2000 жылғы 10 тамыздағы N 7/7   қаулысымен .
      3. Осы қаулы Қазақстан Республикасының Әділет министрлігі тіркеген сәттен бастап күшіне енеді.     

      Қазақстан Республикасы
     Орталық сайлау комиссиясының 
     төрайымы     

     Қазақстан Республикасы
     Орталық сайлау комиссиясының
     хатшысы      

 


Дата вступления в силу:  14.07.1999
Дата изменения акта:  07.07.2004
Дата принятия акта:  09.07.1999
Место принятия:  100051000000
Орган, принявший акт:  112000000000
Регион действия:  100000000000
Регистрационный номер акта в Государственном реестре нормативных правовых актов Республики Казахстан:  3486
Регистрационный номер НПА, присвоенный нормотворческим органом:  13/205
Статус акта:  yts
Сфера правоотношений:  001009000000 / 001004000000 / 001007000000
Форма акта:  ПОСТ
Юридическая сила:  1500
Язык акта:  kaz