ҚАУЛЫ ЕТЕДІ:

      1. "Сайланатын мәслихаттар депутаттарының санын айқындау туралы" Қазақстан Республикасы Орталық сайлау комиссиясының 2020 жылғы 11 қыркүйектегі № 21/323 қаулысына (Нормативтік құқықтық актілерді мемлекеттік тіркеу тізілімінде № 21198 болып тіркелген) мынадай өзгеріс енгізілсін:

      көрсетілген қаулыға 1-қосымшадағы ескертпе мынадай редакцияда жазылсын:

      "Ескертпе:

      Тиісті облыстық мәслихат депутаттарының саны мынадай шектерде айқындалды: халық саны алты жүз мың адамға дейін болған кезде отыз депутаттан.

      Республикалық маңызы бар қаланың және астананың тиісті мәслихаты депутаттарының саны мынадай шектерде айқындалды: халық саны бір миллион жүз мың адамға дейін болған кезде отыз депутаттан.

      Есептеулерде халық саны жүз мың адамға ұлғайған кезде депутаттар саны бір бірлікке артады.

      Әкімшілік-аумақтық бірлік халқының саны статистика саласындағы мемлекеттік саясатты қалыптастыратын және іске асыратын уәкілетті органның 2020 жылғы 1 маусымдағы деректеріне сәйкес есепке алынады.

      Осы ескертпе әкімшілік-аумақтық бірлік қайта ұйымдастырылған (қосылған, біріктірілген, қайта құрылған, бөлініп шыққан немесе бөлінген) жағдайда қолданылмайды".

      2. Қазақстан Республикасы Орталық сайлау комиссиясы аппаратының халықаралық-құқықтық және сайлау процесін ұйымдастыру бөлімдері осы қаулының Қазақстан Республикасының Әділет министрлігінде мемлекеттік тіркелуін қамтамасыз етсін.

      3. Осы қаулы алғашқы ресми жарияланған күнінен бастап қолданысқа енгізіледі.