"Қазақстан Республикасының әуе кеңістігін пайдалану және авиация қызметі туралы" 2010 жылғы 15 шілдедегі Қазақстан Республикасы Заңының 14-бабы 1-тармағының 41-25) тармақшасына сәйкес БҰЙЫРАМЫН:

      1. "Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидаларын бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 197 бұйрығына (Нормативтік құқықтық актілерді мемлекеттік тіркеу тізілімінде № 11722 болып тіркелген, "Әділет" ақпараттық-құқықтық жүйесінде 2015 жылғы 1 қыркүйекте жарияланған) мынадай өзгеріс енгізілсін:

      көрсетілген бұйрықпен бекітілген Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидалары осы бұйрыққа қосымшаға сәйкес редакцияда жазылсын.

      2. Қазақстан Республикасы Инвестициялар және даму министрлігінің Азаматтық авиация комитеті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберуді;

      4) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

      5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы тармақтың 1), 2), 3) және 4) тармақшаларына сәйкес іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму министрлігінің вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ұлттық экономика министрі

      Т. Сүлейменов ____________

      2017 жылғы 23 тамыз

Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидалары

1-тарау. Жалпы ережелер

      1. Осы Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау және оған сертификат беру қағидалары (бұдан әрі – Қағидалар) "Қазақстан Республикасының әуе кеңістігін пайдалану және авиация қызметі туралы" 2010 жылғы 15 шілдедегі Қазақстан Республикасы Заңының (бұдан әрі – Заң) 14-бабы 1-тармағының 41-25) тармақшасына, сондай-ақ 48-бабына және азаматтық авиация саласындағы халықаралық ұйымдардың авиациялық стандарттарына сәйкес әзірленген (бұдан әрі – ИКАО).

      2. Осы Қағидалар азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттау, сертификат беру тәртібін, сондай-ақ авиациялық техникаға техникалық қызмет көрсету және оны жөндеу жөніндегі шетелдік ұйымдардың сертификаттарын тану тәртібін айқындайды.

      3. Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификаты (бұдан әрі – сертификат) иеліктен шығарылмайтын болып табылады және басқа адамға берілмейді.

      Заңды тұлғаларға қолданыстағы сертификаттың болуынсыз азаматтық авиацияның авиациялық техникасына техникалық қызмет көрсету және жөндеу жүргізуге рұқсат етілмейді.

      4. Осы Қағидаларға 1-қосымшаға сәйкес нысан бойынша авиациялық техникаға техникалық қызмет көрсету және оны жөндеу жөніндегі ұйымның сертификаты (бұдан әрі – сертификат) қолданылу аясы мен жарамдылық мерзімі көрсетіліп, екі жыл мерзімге беріледі. Қолданылу мерзімі өткен соң сертификат жарамсыз деп есептеледі.

      5. Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттауды (бұдан әрі – сертификаттау) және сертификат беруді азаматтық авиация саласындағы уәкілетті орган жүзеге асырады.

      6. Осы қағидаларда мынадай терминдер мен анықтамалар пайдаланылады:

      1) авиациялық техника – авиациялық техникалық құралдардың жиынтығы (әуе кемелері, олардың борт жабдықтары және агрегаттары, қозғалтқыштары, құтқарудың авиациялық құралдары, тренажерлер жиынтығы (ұшу симуляторлары), әуе қозғалысын басқарудың жинақтаушы бұйымдары, техникалық құралдары, қондыру мен байланыс навигациялары, сондай-ақ ұшуды орындауға арналған жалпы және арнайы қолдануды жерүсті қамтамасыз ету құралдары, әуе қозғалысын және жерүсті ұшуларды басқаруды ұйымдастыру;

      2) авиациялық техникаға техникалық қызмет көрсету және жөндеу бойынша сертификаты (бұдан әрі – АТ ТҚ және Ж бойынша сертификаты) – авиациялық техникаға техникалық қызмет көрсету және жөндеу жөніндегі ұйымның сертификаттау талаптарына сәйкестігін куәландыратын белгіленген үлгідегі құжат;

      3) азаматтық авиация саласындағы уәкілетті орган (бұдан әрі – уәкілетті орган) – Қазақстан Республикасының әуе кеңістігін пайдалану саласындағы және азаматтық және эксперименттік авиация қызметінде басшылықты жүзеге асыратын орталық атқарушы орган;

      4) азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның рәсімдері жөніндегі нұсқау –авиациялық техникаға техникалық қызмет көрсету және оны жөндеу жөніндегі ұйымның басшысы бекіткен және авиациялық техникаға техникалық қызмет көрсету және оны жөндеу жөніндегі ұйымның құрылымы және орындалатын жұмыстардың аясы, өндірістік база, техникалық қызмет көрсету рәсімдері мен сапаны қамтамасыз ету жүйелеріндегі оның басшылығының міндеттері туралы толық ақпарат қамтылған құжат;

      5) авиациялық техниканы жөндеу – авиациялық техниканың жарамдылығы мен жұмысқа қабілеттілігін қалпына келтіру жөніндегі операциялар кешені;

      6) мемлекеттік авиация инспекторы – азаматтық авиация саласындағы уәкілетті органның азаматтық және эксперименттік авиация саласындағы сертификаттауды, мемлекеттік бақылау мен қадағалауды жүзеге асыруға уәкілетті лауазымды тұлғасы;

      7) сапа жүйесі – авиациялық техникаға техникалық қызмет көрсету және жөндеу сапасына әкімшілік басқаруды жүзеге асыру үшін қажетті ұйымдастырушылық құрылымның, құжаттамалық әдістемелердің, процестер мен ресурстардың жиынтығы;

      8) техникалық қызмет көрсету – бақылау қалпына келтіру жұмыстарын, жекелеп, сонымен қатар бірге орындалатын тексеруді, ауыстыруды, ақауларды жоюды қоса алғанда, әуе кемесінің ұшу жарамдылығын сақтауды қамтамасыз ету үшін қажетті жұмыстарды жүргізу, сондай-ақ түрлендіруді іс жүзінде жүзеге асыру;

      9) ұшу жарамдылығы – әуе кемесiнiң қауiпсiздiгi мен ұшу сапасын қамтамасыз ететiн ұшу-техникалық сипаттамаларға сәйкес келетін оның техникалық жай-күйі;

      10) ұшу қауіпсіздігін басқару жүйесі – қажетті ұйымдастырушылық құрылымды, жауапкершілік сатылығын, басшылық ететін қағидаттар мен рәсімдерді қоса алғанда, ұшу қауіпсіздігін басқаруға жүйелі көзқарас (ИКАО Чикаго конвенциясына 6-қосымшаның 1-тарауы).

      7. Сертификаттау үшін "Салық және бюджетке төленетін басқа да міндетті төлемдер туралы" 2008 жылғы 10 желтоқсандағы Қазақстан Республикасының Кодексінде (Салық кодексі) айқындалатын тәртіппен және мөлшерде алым алынады.

2-тарау. Азаматтық авиацияның авиациялық техникасына техникалық қызмет көрсету және жөндеу бойынша сертификаттауды жүргізу және сертификатын беру тәртібі

      8. Өтініш беруші сертификаттаудан өту үшін азаматтық авиацияның авиациялық техникасына техникалық қызмет көрсету және оны жөндеу сертификатын алу үшін осы Қағидаларға 2-қосымшаға сәйкес нысан бойынша уәкілетті органға:

      1) жоспарлы сертификаттау кезінде (бастапқы немесе бұрын берілген сертификаттың қолданылу мерзімі өткен соң);

      2) ұйымның қызмет аясын кеңейту қажет болған кезде Өтініш (бұдан әрі – Өтініш) береді.

      Өтінішке құжаттардың, осы Қағидаларға 3-қосымшада көрсетілген азаматтық авиацияның авиациялық техникасына техникалық қызмет көрсету және оны жөндеу жөніндегі ұйымының сертификатын алуға арналған өтінімге қоса берілген құжаттар Тізбесіне (бұдан әрі – Тізбе) сәйкес құжаттардың көшірмесі қоса беріледі.

      9. Сертификаттау мерзімі өтініш уәкілетті органға келіп түскен күнінен бастап жиырма екі жұмыс күнінен аспайды. Мемлекеттік авиация инспекторларымен қосымша зерделеуді немесе тексеруді жүргізу қажет болған жағдайларда, қарау мерзімі жиырма екі жұмыс күнінен аспайтын мерзімге ұзартылуы мүмкін, бұл туралы қарау мерзімін ұзарту туралы шешім қабылданған сәттен бастап үш жұмыс күні ішінде өтініш берушіге хабарланады.

      10. Уәкілетті орган өтініш пен Тізбенің осы Қағидалардың 8-тармағының талаптарына сәйкес бес жұмыс күні мерзімінде тексереді, оның қорытынды бойынша:

      сәйкес болған жағдайда өтініш берушіге осы Қағидаларға 4-қосымшаға сәйкес нысан бойынша азаматтық авиацияның авиациялық техникасына техникалық қызмет көрсету және оны жөндеу (АТ ТҚ және Ж) жөніндегі ұйымының сертификатын алуға өтініш бойынша Шешімін (бұдан әрі – Шешім) жібереді;

      сәйкес болмаған жағдайда өтініш берушіге пысықтау үшін себебін көрсете отырып құжаттарды қайтарады.

      11. Сертификаттық зерттеп-қарауды мемлекеттік авиация инспекторлары жүзеге асырады, олардың міндеттеріне әуе кемелерін пайдалану, техникалық қызмет көрсету және ұшу жарамдылығын ұстау мәселелері кіреді.

      Сертификаттық зерттеп-қарау он бес жұмыс күнінен аспайды.

      12. Сертификаттық зерттеп-қарау осы Қағидаларға 5-қосымшада көрсетілген азаматтық авиацияның авиациялық техникасына техникалық қызмет көрсету және жөндеу бойынша ұйым қызметінің мәлімделген салаларына және ұйымның сипаттамаларына қарай жүргізіледі.

      Сертификаттық зерттеп-қарау мемлекеттік авиация инспекторлары үшін азаматтық авиация саласындағы уәкілетті орган әзірлеген және бекіткен жөніндегі ұйымды сертификаттық зерттеп-қарау бағдарламасы пайдаланыла отырып осы Қағидаларға 6-қосымшаға сәйкес нысан бойынша жүргізіледі.

      13. Сертификаттық зерттеп-қарау кезінде ұйымдардың Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 196 бұйрығымен бекітілген (нормативтік құқықтық актілерді мемлекеттік тіркеу тізілімінде № 12045 болып тіркелген) авиациялық техникаға техникалық қызмет көрсету және оны жөндеу ұйымдарына қойылатын сертификаттық талаптарға (бұдан әрі – сертификаттық талаптар) сәйкестігін растауға мүмкіндік беретін тексеру рәсімдері іске асырылады.

      14. Сертификаттық зерттеп-қарау нәтижелері бойынша мемлекеттік авиация инспекторлары осы Қағидаларға 7-қосымшаға сәйкес нысан бойынша екі данада өтініш беруші объектілерінің нақты жай-күйі, тұжырымдар, ұсынымдар және сертификатты беру мүмкіндігі (мүмкін еместігі) туралы қорытынды көрсетілген сертификаттық зерттеп-қарау актісін жасайды, оған соңында мемлекеттік авиация инспекторлары қол қояды және өтініш берушіге танысу үшін ұсынылады.

      Сертификаттық зерттеп-қарау кезінде анықталған сәйкессіздіктер үш санатқа бөлінеді:

      1) 1-санат – қызметті жүзеге асыруға кедергі келтірмейтін және өндірісті жетілдіру кезінде оны жоюға жататын сертификаттық талаптарға сәйкессіздігі;

      2) 2-санат – уәкілетті органмен келісілген немесе шектеулерді енгізген мерзімде оны жойған жағдайда қызметті жүзеге асыруға кедергі келтірмейтін сертификаттық талаптарға сәйкессіздігі;

      3) 3-санат – қызметті жүзеге асыруға кедергі келтіретін сертификаттық талаптарға сәйкессіздігі.

      15. 3-санаттағы сертификаттау талаптарына сәйкессіздіктер өтініш берушінің техникалық және қаржылық мүмкіндіктеріне қарай, адамның өмірі мен денсаулығын, қоршаған ортаны қорғауды, ұшу қауіпсіздігі мен авиациялық қауіпсіздікті қамтамасыз етуге өтініш берушінің қабілетсіздігімен сипатталады.

      3-санаттағы сертификаттау талаптарына сәйкессіздік кезінде уәкілетті орган сертификат беруден бас тартады не өтініш беруші анықталған сәйкессіздіктерді жойған кезге дейін Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында белгіленген жағдайларда және тәртіппен сертификаттың қолданысын шектейді.

      16. 2-санаттағы сертификаттау талаптарына сәйкессіздік кезінде уәкілетті орган:

      1) анықталған сәйкессіздікті жою үшін ол анықталған кезден бастап үш айдан аспайтын мерзім белгілейді. Өтініш беруші анықталған сәйкессіздікті жою жөніндегі түзету іс-қимылдарының жоспарын әзірлейді және сертификаттық зерттеп-қарау нәтижелерімен танысқан сәттен бастап он жұмыс күні ішінде уәкілетті органға ұсынады;

      2) өтініш беруші ұсынған анықталған сәйкессіздікті жою жөніндегі шараларды бағалау негізінде түзету іс-қимылдарының жоспарын бекітеді не оны негіздемесімен қоса пысықтауға қайтарады.

      Түзету іс-қимылдарының жоспарында көрсетілген мерзімді өтініш беруші өзгерту қажеттілігі туралы негіздемені ұсынған жағдайда, уәкілетті орган оны ұзартады.

      17. Уәкілетті орган өтініш берушінің түзету іс-қимылдарының жоспарын ұсынуын және (немесе) жоспарда белгіленген мерзімдерде түзету іс-қимылдарын орындауын тексеру жүргізу жолымен бақылайды.

      Егер өтініш беруші түзету іс-қимылдарының қолайлы жоспарын ұсынбаса немесе уәкілетті орган белгілеген мерзімдерде түзету іс-қимылдарын орындамаса, 2-санаттағы сертификаттау талаптарына сәйкессіздік 3-санаттағы сертификаттау талаптарына сәйкессіздікке айналады және уәкілетті орган сертификатты беруден бас тартады немесе бұрын берілген сертификатты кері қайтарып алады.

      1-санаттағы сертификаттау талаптарына сәйкессіздік кезінде түзету іс-қимылдарының жоспары талап етілмейді.

      18. Уәкілетті орган сертификаттық зерттеп-қарау кезінде анықталған сәйкессіздіктер санатына байланысты сертификат береді, олар сертификаттық зерттеп-қарау актісінің қорытындысында көрсетіледі.

      Сертификаттық зерттеп-қарау актісінде тиісті қорытынды сертификатты берудің немесе беруден бас тартудың негізі болып табылады.

      19. Сертификатты беру немесе беруден бас тартуды уәкілетті орган сертификаттық зерттеп-қарау актісін ресімдеген күннен бастап екі жұмыс күні мерзімінде жүргізеді.

      Сертификатты беруден бас тарту кезінде өтініш берушіге осы тармақтың бірінші бөлігінде көрсетілген мерзімде бас тартудың себебін көрсете отырып дәлелді жазбаша жауапты жібереді.

      Өтініш беруші келіспеген жағдайда Қазақстан Республикасының заңнамасымен белгіленген тәртіпте сертификатты беруде бас тартуға шағымдануы мүмкін.

      20. Сертификатты беруден бас тарту мынадай жағдайларда, егер:

      1) осы Қағидалардың 15-тармағында көзделген анықталған сәйкессіздік;

      2) өтініш берушіге қатысты оған осы қызмет түрін көрсетуге тыйым салатын соттың шешімі бар болған;

      3) сертификатты және (немесе) онда қамтылған деректерді (мәліметтерді) алу үшін өтініш беруші ұсынған құжаттардың анық еместігін белгіленген;

      4) осы Қағидаларда белгіленген талаптарға өтініш беруші және (немесе) сертификат беруге қажетті ұсынылған материалдар, объектілер, деректер мен мәліметтер сәйкес келмеген;

      5) өтініш берушіге қатысты қызметке немесе сертификат алуды талап ететін қызметтің жекеленген түрлеріне тыйым салу туралы соттың шешімі (үкімі) заңды күшіне енген жағдайда жүргізіледі.

      21. Егер сертификаттың телнұсқасы бүлінген немесе жоғалған (ұрланған) жағдайда ол екі жұмыс күні мерзімінде беріледі. Телнұсқаны алу үшін ұйым уәкілетті органға еркін нысанда өтініш береді.

3-тарау. Азаматтық авиацияның авиациялық техникаға техникалық қызмет көрсету және жөндеу сертификатының қолданылуын тоқтату және кері қайтару

      22. Уәкілетті орган мынадай жағдайларда:

      1) ұйымның сертификаттық талаптар мен шектеулерді сақтамауы;

      2) ұйымның "Қазақстан Республикасының азаматтық әуе кемелерін техникалық пайдалану және оларды жөндеу қағидаларын бекіту туралы" Қазақстан Республикасы Инвестициялар және даму министрінің 2015 жылғы 30 сәуірдегі № 551 бұйрығын (Қазақстан Республикасы нормативтік құқықтық актілерінің мемлекеттік тіркеу тізілімінде № 11573 болып тіркелген) сақтамауы;

      3) Заңның 16-3-бабының ережелеріне сәйкес немесе инспекциялық тексеру кезінде белгіленген ұшу қауіпсіздігіне әсер ететін бірінші деңгейдегі бұзушылықтар анықталған;

      4) ұйымның жазбаша өтініші болған жағдайда сертификаттың қолдануын тоқтатады.

      23. Сертификаттың қолданысын тоқтатқан немесе қайтарып алған жағдайда уәкілетті орган үш жұмыс күні мерзімінде қабылданған шешім туралы ұйымға хабарлайды.

      24. Егер ұйым түзету іс-қимылдарының жоспарымен белгіленген мерзімдер сертификаттың қолданылуын тоқтатуға әкелетін сәйкессіздіктерді және (немесе) бұзушылықтарды жоймаған жағдайда уәкілетті орган оны қайтарып алады. Ұйым сертификатты кері қайтару кезінде хабарламаны алған сәттен бастап үш жұмыс күні ішінде уәкілетті органға оның түпнұсқасын қайтарады.

      25. Сертификаттың қолданысы тоқтатылған жағдайда оны жаңарту ұйым құжаттаманы растайтын қосымшамен бірге, жоспармен белгіленген мерзімде түзету іс-қимылдарының жоспарын орындағаннан кейін жүзеге асырады.

      Ұйымның түзету іс-қимылдары туралы жоспарын орындауын уәкілетті орган тексеру арқылы белгілейді.

      26. Уәкілетті орган тексеруді аяқтаған сәтінен бастап ұйымды үш жұмыс күні ішінде сертификаттың қолданысын жаңарту немесе жаңартудан бас тарту бойынша шешім туралы жазбаша хабардар етеді.

4-тарау. Азаматтық авиацияның авиациялық техникасына техникалық қызмет көрсету және жөндеу жөніндегі сертификатына өзгерістер мен (немесе) толықтырулар енгізу тәртібі

      27. Сертификатқа өзгерістер енгізу үшін ұйым уәкілетті органға бұрын берілген сертификаттың қосымшасымен еркін нысанда өтінішті уәкілетті органға береді.

      Бұрын берілген сертификат оны жою тәсілін көрсете отырып еркін нысанда жою актісіне сәйкес жойылуға жатады.

      28. Сертификатқа өзгеріс пен (немесе) толықтыру мынадай:

      ұйымның атауы, ұйымдастырушылық-құқықтық нысаны немесе заңды және нақты мекенжайы өзгерген;

      сертификаттың қолданылу аясы кеңейген жағдайларда енгізіледі.

      29. Сертификатқа өзгерістер енгізу мерзімі:

      ұйымның атауы, ұйымдастырушылық-құқықтық нысаны немесе заңды және нақты мекенжайы өзгерген жағдайларда – бес жұмыс күн ішінде;

      сертификаттың қолданылу аясын кеңейту жағдайларында – жиырма екі жұмыс күні ішінде.

      30. Сертификаттың қолданылу аясын кеңейту кезінде ұйым уәкілетті органға Тізбеге сәйкес құжаттармен өтініш жібереді.

5-тарау. Авиациялық техникаға техникалық қызмет көрсету және оны жөндеу жөніндегі шетелдік ұйымдардың сертификаттарын тану

      31. Шетелдік мемлекеттердің авиациялық техникасына техникалық қызмет көрсету және оны жөндеу жөніндегі сертификатталған ұйымдар (бұдан әрі – шетелдік ұйымдар) уәкілетті органның олардың сертификаттарын танығаннан кейін техникалық қызмет көрсету және оны жөндеу жұмыстарына рұқсат етіледі.

      Тіркеуі Қазақстан Республикасының азаматтық әуе кемелерінің мемлекеттік тізілімінде жүзеге асырылған, Қазақстан Республикасы азаматтық авиациясының авиациялық техникасына техникалық қызмет көрсету және оны жөндеуді жүзеге асыруға ниетті шетелдік ұйымдардың сертификаттары тануға жатады.

      32. Шетелдік ұйымдардың сертификаттарын тану тәртібі сертификат берілген ИКАО талаптары мен стандарттарына және сертификаттау талаптарына сәйкес болған кезде шетелдік ұйымдарға қатысты қолданылады.

      33. Шетелдік ұйымдардың авиациялық техникаға техникалық қызмет көрсету және оны жөндеу жөніндегі сертификаттарын тануды (бұдан әрі – сертификатты тану) осы Қағидаларға 9-қосымшаға сәйкес нысан бойынша Шетелдік ұйымдардың авиациялық техникаға техникалық қызмет көрсету және оны жөндеу жөніндегі сертификаттарын тану туралы шешім түрінде (бұдан әрі – Сертификатты тану туралы шешім) уәкілетті орган ресімдейді, онда шетелдік ұйым көрсетіледі, онда сертификат танылады және Сертификатты тану туралы шешімнің қолданылу мерзімін белгілейді.

      34. Шетелдік ұйымдардың сертификаттарын тану мынадай мерзімдерде жүзеге асырылады:

      1) қолданылу мерзімі шектеусіз шетелдік ұйымдардың сертификатын, уәкілетті орган бір жылға танылады;

      2) қолданылу мерзімі уәкілетті органға өтінішті беру сәтінде кемінде бір жылға аяқталатын, шетелдік ұйымдардың сертификаты, оны қолданудың барлық мерзімі уәкілетті органмен танылады.

      35. Сертификатты тану туралы шешімді алу үшін өтініш беруші уәкілетті органға осы Қағидаларға 2-қосымшаға сәйкес нысан бойынша азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын тануға өтініш жібереді.

      Өтінімге қоса берілетін мынадай құжаттар:

      1) шетелдік ұйымдар сертификатының көшірмесі;

      2) авиациялық техникаға техникалық қызмет көрсету және оны жөндеуді ұйымдастыру рәсімдері жөніндегі нұсқау.

      36. Ұсынылған құжаттарды қарау процесінде уәкілетті орган шетелдік ұйымның сертификаты берілген шетелдік мемлекеттің авиациялық әкімшілігіне тиісті сұрау салуды қатар жібереді, сондай-ақ шетелдік ұйымды оның сертификаттық талаптарына сәйкестік мәніне тексереді.

      37. Шетелдік ұйымдардың сертификатын тану Бағдарламаны пайдалана отырып шетелдік ұйымның мәлімделген қызмет саласына қатысты жүзеге асырылады.

      38. Сертификатты тану және сертификатты тану туралы шешімді беру рәсімдерінің жалпы мерзімі жиырма екі жұмыс күнін құрайды.

      Қажетті ақпаратты зерделеу, тексеру немесе алу үшін қосымша уақыт қажет болған жағдайда өтінімді қарау мерзімі жиырма екі жұмыс күнінен аспайтын мерзімге ұзартылады, бұл туралы тануға өтінішті қарау мерзімін ұзарту туралы шешім қабылданған сәтінен бастап үш жұмыс күні ішінде өтініш берушіге хабарлайды.

      39. Сертификатты тану туралы шешім ұсынылған құжаттардың негізінде беріледі. Уәкілетті орган тануға өтінішті алған сәттен бастап жиырма екі жұмыс күні мерзімінде Сертификатты тану туралы шешімді беру немесе дәлелді бас тартуды жүзеге асырады.

      40. Уәкілетті орган мынадай:

      1) сертификатты және (немесе) оларда қамтылған деректерді (мәліметтерді) тану туралы шешімді алу үшін өтініш берушінің ұсынған құжаттардың анық еместігін белгіленген;

      2) өтініші берушінің және (немесе) Сертификатты тану туралы шешімді беру үшін қажетті ұсынылған материалдардың, объектілердің, деректер мен мәліметтердің осы Қағидалармен немесе сертификаттық талаптармен белгіленген талаптарға сәйкессіздігі жағдайларында өтініш берушіге Сертификатты тану туралы шешімді беруден бас тартады.

      41. Сертификатты тану туралы шешім бүлінген немесе жоғалған (ұрланған) жағдайда көрсетілген құжаттың қолданысы тоқтатылады.      Сертификатты тану туралы шешімнің телнұсқасын алу үшін өтініш беруші уәкілетті органға еркін нысанда өтініш жібереді.

      42. Уәкілетті орган өтінішті алған сәттен бастап бес жұмыс күні мерзімінде Сертификатты тану туралы шешімнің телнұсқасын өтініш берушіге береді, онда оң жақ жоғары бұрышында "Телнұсқа" деген белгісі қойылады.

      Қазақстан Республикасы азаматтық авиация саласындағы уәкілетті органның атауы, мекенжайы, телефоны, e-mail, Интернет мекенжайы

      Наименование уполномоченного органа в сфере гражданской авиации Республики Казахстан, адрес, телефон, e-mail, Интернет адрес

      Name of Civil Aviation Authority Republic of Kazakhstan Address, telefone, e-mail, the Internet address

      Авиациялық техникаға техникалық қызмет көрсету және оны жөндеу жөніндегі ұйымның сертификаты

      Сертификат организации по техническому обслуживанию и ремонту авиационной техники

      Certificate of Aircraft Maintenance Organization

      № ______

      Осы Сертификат авиациялық техникаға техникалық қызмет көрсету және жөндеу

      жөніндегі ұйым сертификаттау талаптарына және техникалық қызмет көрсететін ұйымның

      қызметі жөніндегі нұсқауына сәйкес келетінін куәландырады.

      Сертификатты Сертификаттық зерттеп-қарау актісінің негізінде 20____жылғы "___"

      _________ №_______

      _____________________________________________ берді.

      (азаматтық авиация саласындағы уәкілетті органның атауы)

      Инспекциялық бақылауды______________________________ жүзеге асырады.

      (азаматтық авиация саласындағы уәкілетті органның атауы)

      Настоящий сертификат удостоверяет, что организация по техническому обслуживанию

      и ремонту авиационной техники соответствует сертификационным требованиям и соблюдает

      процедуры Руководства по процедурам организации технического обслуживания и ремонту

      авиационной техники.

      Сертификат выдан на основании акта сертификационного обследования

      ____________________________ от "__"______ 20__ г. № ___

      (наименование уполномоченного органа в сфере гражданской авиации)

      Инспекционный контроль осуществляет _______________________________________

      (наименование уполномоченного органа в сфере гражданской авиации)

      This certificate certifies that the organization for maintenance and repair of aircraft meets the

      certification requirements and follows the procedures Manual for the procedures for the organization

      of maintenance and repair of the aeronautical equipment.

      The certificate was issued on the basis of the certificate of certification

      examination_____________________________ Date of ussue "__" ___ 20__

      (name of the authorized body in the field of civil aviation)

      Inspection control exercises____________________________________________________

      (name of the authorized body in the field of civil aviation)

      М.О. Уәкілетті органның лауазымды тұлғасы немесе оның уәкілеттік берген тұлғасы

      М.П. Должностное лицо уполномоченного органа либо лица, им уполномоченного

      Stamp Official person of the authorized organization or authorized person by him

Сертификаттың қолданылу аясы

      Сертификаттың қолданылу аясы бекітілген Авиациялық техникаға техникалық қызмет көрсету және оны жөндеу жөніндегі ұйымның рәсімдері бойынша нұсқауға сәйкес техникалық қызмет көрсету бойынша орындалатын жұмыстардың көлемдеріне шектеулі.

      М.О.

      Азаматтық авиация саласындағы

      уәкілетті органның лауазымды тұлғасы

      не ол уәкілеттік берген тұлға

      ______________________________

      қолы, Т.А.Ә

Авиациялық техникаға техникалық қызмет көрсететін және жөндейтін (АТ ТҚ және Ж) ұйымның сертификатын алуға/тануға арналған өтінім

      1. АТ ТҚ және Ж жөніндегі ұйымның атауы_____________________________________

      2. Ұйымның тіркелген орны және тіркеу нөмірі (шифры)

      __________________________________________________________________________

      3. Өндірістік базаның орналасқан жері:_________________________________________

      4. Пошталық мекенжайы_____________________________________________________

      5. Телефон_________________________________________________________________

      6. Телеграф________________________________________________________________

      7. Факс____________________________________________________________________

      8. Есеп шоты_______________________________________________________________

      9. Бизнес-сәйкестендіру нөмірі (БСН)__________________________________________

      10. Электрондық мекенжайы_________________________________________________

      11. Өтінім беру себебі (керегінің астын сызу): АТ ТҚ және Ж жөніндегі жөніндегі

      ұйымның сертификатын алуға арналған бастапқы өтінім;

      АТ ТҚ және Ж жөніндегі бойынша жұмыстар түрлерінің (кешендерінің) тізбесін

      толықтыру;

      авиациялық техника үлгілерінің тізбесін толықтыру;

      кезекті мерзімге арналған сертификаттау;

      АТ ТҚ және Ж жөніндегі жөніндегі ұйымның сертификатын кері қайтарып

      алғаннан/күшін жойғаннан кейінгі сертификаттау;

      АТ ТҚ және Ж жөніндегі жөніндегі ұйымның негізгі деректерін өзгерту;

      басқа да себептер (көрсету).

      12. Өтінімнің мазмұны

      Мен, төменде қол қойған, _________________________________________________

      (ұйым басшысының Т.А.Ә.)

      ______________________(күні)___________________________________ бекітілген

      (тіркелген)

      Жарғының (Ереженің) негізінде әрекет ететін техникалық қызмет көрсету және жөндеу

      жөніндегі ұйымды мынадай авиациялық техникада төменде көрсетілген қызмет түрін орындау

      құқығына сертификаттау жүргізуді сұраймын:

      13. Өтінім беруші Қазақстан Республикасының әуе кеңістігін пайдалану және авиация қызметі саласындағы заңнамасының талаптарын мойындайды және орындауға міндеттенеді.

      14. Авиациялық техникаға техникалық қызмет көрсету үшін жауапты басшылық құрамы:

Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның сертификатын алуға арналған өтінімге қоса берілетін құжаттардың тізбесі

      1. Авиациялық техникаға техникалық қызмет көрсету және жөндеу жөніндегі ұйым жарғысының көшірмесі.

      2. Авиациялық техникаға техникалық қызмет көрсету және жөндеу жөніндегі ұйымның қаржы-экономикалық жағдайы туралы анықтама.

      3. Авиациялық техникаға техникалық қызмет көрсету және жөндеу жөніндегі ұйымның (осы құжаттардың тізбесіне 1-қосымшаға сәйкес) рәсімдері жөніндегі нұсқауы.

      4. Авиациялық техникаға техникалық қызмет көрсету және жөндеу жөніндегі ұйымның штат кестесі.

      5. Авиациялық техникаға техникалық қызмет көрсету және жөндеу жөніндегі ұйымның (осы құжаттардың тізбесіне 2-қосымшаға сәйкес) басшы құрамы туралы мәліметтер және білім туралы тиісті құжаттардың көшірмелері.

      6. Азаматтық авиация саласындағы сертификаттау үшін алымның төленгенін растайтын құжаттың көшірмесі.

Авиациялық техникаға техникалық қызмет көрсету және оны жөндеу жөніндегі ұйымның рәсімдері бойынша нұсқау

      1. Кіріспе

      1) мазмұны;

      2) мәні және саласы;

      3) қолданыстағы парақ тізбесі;

      4) ревизия/толықтырулар тізбесі;

      5) тарату парағы;

      6) пайдаланылатын қысқартулар.

      2. Басқарма

      1) жауапты басшының өтініші;

      2) қауіпсіздік және сапа саясаты;

      3) басқару персоналы;

      4) басқару персоналының лауазымды адамдарының құқықтары мен міндеттері;

      5) ұйымды басқару құрылымы;

      6) рұқсат ететін персонал тізілімі;

      7) ұйымның еңбек ресурстары;

      8) сертификатта көрсетілген ұйымдар мекенжайларының әрқайсысында орналасқан өндірістік қуаттардың жалпы сипаты;

      9) техникалық қызмет көрсету бойынша (әуе кемелеріне және құрауыштарына) орындалатын жұмыс көлемі;

      10) ұйымдағы өзгерістер туралы азаматтық авиация саласындағы уәкілетті органды хабардар ету рәсімі;

      11) Нұсқауға өзгерістер енгізу рәсімдері.

      3. Техникалық қызмет көрсету жөніндегі рәсімдер

      1) өнім берушілерді бағалау және қосалқы мердігерді қадағалау рәсімдері;

      2) сыртқы өнім берушілерден әкелінетін әуе кемесі құрауыштары мен материалдарын қабылдау және тексеру;

      3) авиациялық Техникаға техникалық қызмет көрсетуге арналған құрауыштар мен материалдарды сақтау, сәйкестендіру және беру;

      4) құралдар мен жабдықтарды қабылдау, аспаптарды таңбалау;

      5) құралдар мен жабдықтарды калибрлеу;

      6) персоналдың баламалы құралдары мен жабдықтарын қоса алғанда, құралдар мен жабдықтарды пайдалануы;

      7) техникалық қызмет көрсету объектілерінде тазалық сақтау нормалары;

      8) техникалық қызмет көрсету бойынша нұсқаулықтар және олардың әуе кемесі/әуе кемесі құрауыштарын шығарушылардың нұсқаулықтарына сәйкестігі, жаңартылуын және техникалық персонал үшін олардың болуын қоса алғанда;

      9) жөндеу бойынша рәсімдер;

      10) пайдаланушының әуе кемесін техникалық қызмет көрсету жөніндегі бағдарламаға сәйкес келуі;

      11) ұшуға жарамдылық директиваларын орындау рәсімдері;

      12) міндетті емес түрлендіруді орындау рәсімі;

      13) техникалық қызмет көрсету бойынша пайдаланылатын құжаттар және оларды толтыру;

      14) техникалық қызмет көрсету жазбаларын бақылау (деректерді есепке алу);

      15) базалық техникалық қызмет көрсетуді жүргізу барысында анықталған ақауларды жою;

      16) техникалық қызмет көрсетуден кейін пайдалануға қайта енгізу рәсімі;

      17) пайдаланушының құжаттамасындағы жазбалар;

      18) азаматтық авиация, пайдаланушыға, үлгі сертификатын ұстаушы саласындағы құзыретті органға ақаулар жөнінде хабарлау;

      19) әуе кемесінің жарамсыз құрауыштарын қоймаға қайтару;

      20) сыртқы өнім берушілердің ақаулы құрауыштары бойынша іс-қимыл;

      21) электрондық түрде сақталатын есептік деректерді бақылау;

      22) техникалық қызмет көрсету бойынша жоспарланған жұмысқа қарасты адам-сағатты жоспарлауды бақылау;

      23) техникалық қызмет көрсетудегі қиын жұмыстарды бақылау;

      24) техникалық қызмет көрсету жөніндегі ерекше жұмыстарды жүргізу жөніндегі рәсім бойынша мынадай ақпарат:

      қозғалтқыштарды сынау рәсімдері;

      әуе кемесінің герметикасын тексеру рәсімдері;

      әуе кемесін сүйрету рәсімдері;

      әуе кемесін жүргізу бойынша рәсімдер;

      құрауыштар мен материалдарды жою;

      25) техникалық қызмет көрсету барысында жіберілген қателерді табу және түзету рәсімдері;

      26) ауысым арасындағы жұмыстарды тапсыру рәсімдері;

      27) үлгі сертификатын ұстаушыға техникалық қызмет көрсету барысындағы нақты емес және екіұшты деректер жөнінде ақпарат беру рәсімдері;

      28) өндірісті жоспарлау рәсімдері.

      4. Жедел техникалық қызмет көрсету бойынша қосымша рәсімдер

      1) жедел техникалық қызмет көрсету кезіндегі құрал-саймандарды, әуе кемесінің құрауыштарын, құрал-жабдықтарын бақылау;

      2) жерүсті қызмет көрсетуге, отын құюға, мұздануға қарсы арнайы сұйықтықтардың шөгінділерден тазартылуын тексеруді қоса алғанда, мұздануға қарсы жұмыстарға байланысты жедел техникалық қызмет көрсетуді жүргізу жөніндегі рәсімдер;

      3) жедел техникалық қызмет көрсету кезінде кемшіліктерді және қайталанатын ақауларды бақылау;

      4) жедел техникалық қызмет көрсету кезінде борттық журналды толтыру рәсімі;

      5) жедел техникалық қызмет көрсету кезінде келісілген және қарызға алынған қосалқы бөлшектерді жеткізу рәсімі;

      6) жедел техникалық қызмет көрсету кезіндегі әуе кемесінен алынған ақаулы қосалқы бөлшектерді қайтару рәсімі;

      7) жедел техникалық қызмет көрсету кезіндегі қиын тапсырмаларды бақылау рәсімі.

      5. Сапа жүйесінің рәсімдері

      1) техникалық қызмет көрсету аудитін ұйымдастыру рәсімдері;

      2) әуе кемесінің және құрауыштарының аудиті;

      3) аудит нәтижесінде анықталған кемшіліктерді (ақауларды) жою рәсімі;

      4) техникалық қызмет көрсету жөніндегі біліктілігін қолдау және оқыту рәсімдері;

      5) техникалық қызмет көрсету жөніндегі мамандардың есептік деректері;

      6) сапа жүйесінің аудиторлары;

      7) инспекторлардың (қосалқы тексеруді қажет ететін жұмыстарды тексеретін) біліктілігін бақылау;

      8) техникалық қызмет көрсету және жөндеу мамандарының біліктілігін бақылау;

      9) техникалық қызмет көрсетуде қарастырылған техникалық қызмет көрсету көлемінен ауытқу процесін басқару;

      10) рәсімдерден ауытқу рұқсаттарын бақылау;

      11) дәнекерлеу сияқты мамандандырылған жұмыстарға арналған біліктілік рәсімі, бұзбайтын бақылау;

      12) дайындаушы зауыттың және басқа да сыртқы орындаушылардың техникалық қызмет көрсету жөніндегі жұмыс топтарының жұмысын бақылау;

      13) адами фактор бойынша оқыту рәсімі;

      14) персоналдың құзыреттілігін бағалау.

      6. Техникалық қызмет көрсетудің орындалуы

      1) келісімшарт бойынша техникалық қызмет көрсету орындалатын пайдаланушылар тізбесі;

      2) пайдаланушының рәсімі және оның құжаттарымен жұмыс;

      3) пайдаланушының техникалық құжаттамасын толтыру.

      7. Қосымша мәліметтер

      1) құжаттардың үлгілері;

      2) қосалқы мердігерлердің тізімі;

      3) жедел техникалық қызмет көрсету станцияларының тізімі.

Авиациялық техникаға техникалық қызмет көрсету және жөндеу жөніндегі ұйымның басшы құрамы туралы мәліметтер

Азаматтық авиацияның техникасына техникалық қызмет көрсету және оны жөндеу (АТ ТҚ және Ж) ұйымының сертификатын алуға арналған өтінім бойынша шешім 20___жылғы "____"__________ №_____

      ________________________________________________________________________________

      (АТ ТҚ және Ж жөніндегі ұйымның атауы)

      ________________________________________________ сертификаттау жүргізуге ұсынылған

      (АТ ТҚ және Ж жөніндегі ұйымның атауы)

      "____" __________________ №________________

      ________________________________________________________________________________

      (ұйымның атауы)

      өтінімін қарап, хабарлаймыз:

      1. Сіздер ұсынған құжаттар азаматтық авиация саласындағы нормативтік құқықтық

      актілерде белгіленген талаптарға сәйкес келеді (сәйкес келмейді) (сәйкес келмеген жағдайда

      сәйкес келмеген тармағы көрсетіледі)________________________________________________

      ________________________________________________________________________________

      2. Сертификаттық зерттеп-қарау __________________ кезеңінде жүргізіледі.

      Азаматтық авиация саласындағы

      уәкілетті органның лауазымды тұлғасы

      немесе ол уәкілеттік берген тұлға

      МО            ________________________________

      (қолы, Т.А.Ә.)

      20___жылғы "___"______

Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымның қызмет аясы

Азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттық зерттеп-қарау бағдарламасы

      Ұйымның атауы:_________________________________________________________________

      Сертификаттық зерттеп-қарау күні, бұйрықтың

      №:_____________________________________________________________________________

      Тексерушілердің Т.А.Ә(болған жағдайда).,

      лауазымы:_______________________________________________________________________

      Ескертпе:

      "Сәйкессіздік деңгейі" болғанында келесі бағалар қойылады:

      (*) осы пайдаланушы үшін міндетті емес;

      (-1) техникалық қызмет көрсету және оны жөндеу жөніндегі ұйымның сертификатын беруге кедергі келтіретін сәйкессіздіктер;

      (-2) келісілген мерзімдерді жою немесе шектеулерді енгізу кезінде техникалық қызмет көрсету және оны жөндеу жөніндегі ұйымның сертификатын беруге кедергі келтірмейтін сәйкессіздіктер техникалық қызмет көрсету және оны жөндеу жөніндегі ұйымның сертификатын кедергі келтіретін сәйкессіздіктер;

      (-3) өндірісті және сапа жүйесін жетілдіру кезінде жоюға жататын және техникалық қызмет көрсету және оны жөндеу жөніндегі ұйымның сертификатын беруге кедергі келтірмейтін сәйкессіздіктер.

      Сәйкессіздік тізбесі азаматтық авиацияның авиациялық техникасына техникалық қызмет көрсету және оны жөндеу жөніндегі ұйымды сертификаттық зерттеп-қарау бағдарламасының қосымшасына сәйкес парақта _____ (парақтарда) рәсімделеді.

      Мемлекеттік авиациялық

      инспектор :______________________________________________________________________

      ____________________________

      ____________________________

      ____________________________

      (қолы, Т.А.Ә.) (болған жағдайда)

      Танысты:______________________ ________________

      (ұйым өкілі қолы)

      Сертификаттық зерттеп-қарауды жүргізу күні: 20___жылғы "___"_________________

Сәйкессіздіктер тізбесі

      Мемлекеттік

      авиациялық инспектор :_________________________

      ____________________________

      ____________________________

      ____________________________

      (қолы, Т.А.Ә.) (болған жағдайда)

      Таныстым:______________________ ________________

      (ұйым өкілі)

Сертификаттық зерттеп-қарау актісі

      _________қаласы_________________________________________________20___жылғы "___"

      (азаматтық авиация саласындағы уәкілетті органның атауы)

      20___жылғы "___" _____ № __ бұйрығына сәйкес

      ________________________________________________________________________________

      (ұйымның атауы)

      Авиациялық техникаға техникалық қызмет көрсету және жөндеу (АТ ТҚ және Ж)

      жөніндегі ұйымды сертификаттық зерттеп-қарау жүргізді.

      Нақты күйі:______________________________________________________________________

      Тұжырым:_______________________________________________________________________

      Ұсыныс: ________________________________________________________________________

      Қорытынды мәтіні:_______________________________________________________________

      ________________________________________________________________________________

      ________________________________________________________________________________

      Мемлекеттік

      авиациялық инспектор:____________________________________________________________

      ________________________________________________________________________________

      Актімен таныстым:

      АТ ТҚ және Ж жөніндегі ұйым басшысы            __________________ ______________

      (тегі, аты, әкесінің аты)      (қолы) (болған жағдайда)

Түзету іс-қимылдарының жоспары

Қазақстан Республикасы азаматтық авиация саласындағы уәкілетті органның атауы, мекенжайы, телефоны, e-mail, Интернет мекенжайы Наименование уполномоченного органа в сфере гражданской авиации Республики Казахстан, адрес, телефон, e-mail, Интернет адрес Name of Civil Aviation Authority Republic of Kazakhstan Address, telefone, e-mail, the Internet address Сертификаттың жарамдылығын тану туралы рұқсаты Решение о признании действительным Сертификата Decision to Recognize a valid Certificate

      _______________________________________ Берілді

      Выдано

      Issued            ____________________________________________________________________

      Қазақстан Pecпубликасының қолданыстағы заңнамасына сәйкес және Қазақстан

      Республикасының сертификаттық талаптарының парапарлығы негізінде Қазақстан

      Республикасының Азаматтық авиация комитеті _____________________________________

      берілгенді жарамды деп таниды.

      Согласно действующему законодательству Республики Казахстан и на

      основании адекватности сертификационных требований Республики

      Казахстан Комитет гражданской авиации Республики Казахстан

      Признает действительным выданный___________________________

      According to the current legislation of the Republic of Kazakhstan and on The

      adequacy of the Republic of Kazakhstan Recognizes the valid issued

      ___________________________________________________________

      Авиациялық техникаға техникалық қызмет көрсету және оны жөндеу бойынша шетелдік

      ұйымдардың сертификаты.

      Сертификат иностранных организаций по техническому обслуживанию и ремонту

      авиационной техники.

      Certificate of foreign organization for maintenance and repair of aviation equipment.

      Берілген мерзімі: 20__ж. _______________

      на период: до ____________________ 20__ г.

      for a period of _______________20

      Рұқсаттың жарамдылығы 20__ж._______________

      Решение действителен до ________________ 20__ г.

      The conclusion is valid up to ______________20__

      М.О. Уәкілетті органның лауазымды тұлғасы немесе ол уәкілеттік берген тұлғасы

      М.П. Должностное лицо уполномоченного органа либо лица, им уполномоченного

      Stamp Official person of the authorized organization or authorized person by him

      Берілген күні______________

      Дата выдачи ___________________

      Date of _______________________