«Газ және газбен жабдықтау туралы» Қазақстан Республикасының 2012 жылғы 9 қаңтардағы Заңы 6-бабының 7) тармақшасына сәйкес БҰЙЫРАМЫН:
1. Қоса беріліп отырған Қазақстан Республикасының ішкі нарығында тауарлық газды көтерме саудада өткізудің 2015 жылғы 1 шілде - 2016 жылғы 30 маусым кезеңіне арналған шекті бағалары бекітілсін.
2. Қазақстан Республикасы Энергетика министрлігінің Газ өнеркәсібін дамыту департаменті Қазақстан Республикасының заңнамасында белгіленген тәртіппен:
1) Қазақстан Республикасының Әділет министрлігінде осы бұйрықтың мемлекеттік тіркелуін;
2) Қазақстан Республикасының Әділет министрлігінде мемлекеттік тіркелгенінен кейін күнтізбелік он күн ішінде осы бұйрықтың көшірмесін мерзімді баспасөз басылымдарында және «Әділет» ақпараттық құқықтық жүйесінде ресми жариялауға жолдануын;
3) осы бұйрықтың Қазақстан Республикасы Энергетика министрлігінің ресми интернет-ресурсында және мемлекеттік органдардың интранет-порталында орналастыруын;
4) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 2) және 3) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Энергетика вице-министріне жүктелсін.
4. Осы бұйрық алғашқы ресми жарияланған күнінен бастап қолданысқа енгізіледі.
Қазақстан Республикасы
Энергетика министрі В. Школьник
«КЕЛІСІЛДІ»
Қазақстан Республикасы
Ұлттық экономика министрі
_______________Е. Досаев
«____» __________2015 жыл
Қазақстан Республикасы
Энергетика Министрінің
2015 жылғы 14 мамырда
№ 354 бұйрығымен
бекітілген
Қазақстан Республикасының ішкі нарығында тауарлық газды
көтерме саудада өткізудің 2015 жылғы 1 шілде - 2016 жылғы
30 маусым кезеңіне арналған шекті бағасы
Р/с |
Өңір |
Қосылған құн салығын есепке алмағанда, мың текше метрі үшін шекті бағасы теңгемен |
1. |
Алматы қаласы |
18 263 (он сегіз мың екі жүз алпыс үш) |
2. |
Алматы облысы |
18 263 (он сегіз мың екі жүз алпыс үш) |
3. |
Оңтүстік Қазақстан облысы |
16 808 (он алты мың сегіз жүз сегіз) |
4. |
Жамбыл облысы |
16 457 (он алты мың төрт жүз елу жеті) |
5. |
Қызылорда облысы |
6 561 (алты мың бес жүз алпыс бір) |
6. |
Батыс Қазақстан облысы |
11 266 (он бір мың екі жүз алпыс алты) |
7. |
Ақтөбе облысы |
4 105 (төрт мың жүз бес) |
8. |
Атырау облысы |
5 464 (бес мың төрт жүз алпыс төрт) |
9. |
Қостанай облысы |
17 105 (он жеті мың жүз бес) |
10. |
Шығыс Қазақстан облысы |
7 563 (жеті мың бес жүз алпыс үш) |
11. |
Маңғыстау облысы |
11 894 (он бір мың сегіз жүз тоқсан төрт) |
