28.09.2012

Салыстырып тексерілетін өлшем құралдары туралы деректердің электрондық есебі және оларды мемлекеттік ғылыми метрологиялық орталыққа беру туралы қағидаларды бекіту туралы

      "Өлшем бірлігін қамтамасыз ету туралы" 2000 жылғы 7 маусымдағы Қазақстан Республикасы Заңының 19-бабының 4-тармағына сәйкес БҰЙЫРАМЫН:

      Ескерту. Кіріспе жаңа редакцияда – ҚР Сауда және интеграция министрінің 26.05.2020 № 124-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Қоса беріліп отырған Салыстырып тексерілетін өлшем құралдары туралы деректердің электрондық есебі және оларды мемлекеттік ғылыми метрологиялық орталыққа беру туралы қағидалары бекітілсін.

      2. Қазақстан Республикасы Индустрия және жаңа технологиялар министрлігі Техникалық реттеу және метрология комитеті заңнамада белгіленген тәртіпте:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) бұқаралық ақпарат құралдарында ресми жариялануын;

      3) Қазақстан Республикасы Индустрия және жаңа технологиялар министрлігінің интернет-ресурсында орналасуын қамтамасыз етсін.

      3. "Салыстырып тексерілетін өлшем құралдары туралы деректердің электрондық есебі және оларды мемлекеттік ғылыми метрологиялық орталыққа беру туралы ережені бекіту туралы" (Мемлекеттік нормативтік құқықтық актілердің тіркеу тізілімінде № 3435 болып тіркелген) Қазақстан Республикасы Индустрия және сауда министрлігі Техникалық реттеу және метрология комитеті төрағасының 2005 жылғы 20 қаңтардағы № 14 бұйрығының күші жойылды деп танылсын.

      4. Осы бұйрықтың орындалуын бақылау Қазақстан Республикасы Индустрия және жаңа технологиялар вице-министрі Қ.А. Тулеушинге жүктелсін.

      5. Осы бұйрық оның алғашқы ресми жарияланғанынан кейін күнтізбелік он күн өткен соң қолданысқа енгізіледі.

      Қазақстан Республикасы
Премьер-Министрінің орынбасары -
Қазақстан Республикасы Индустрия және
жаңа технологиялар министрі
Ә. Исекешев

  Қазақстан Республикасы
Премьер-Министрінің
орынбасары - Қазақстан
Республикасы Индустрия
және жаңа технологиялар
министрінің
2012 жылғы 28 қыркүйектегі
№ 350 бұйрығымен
бекітілген

Салыстырып тексерілетін өлшем құралдары туралы деректердің электрондық есебі және оларды мемлекеттік ғылыми метрологиялық орталыққа беру туралы қағидалар

      Ескерту. Қағида жаңа редакцияда – ҚР Сауда және интеграция министрінің 26.05.2020 № 124-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Осы Салыстырып тексерілетін өлшем құралдары туралы деректердің электрондық есебі және оларды мемлекеттік ғылыми метрологиялық орталыққа беру туралы қағидалары "Өлшем бірлігін қамтамасыз ету туралы" 2000 жылғы 7 маусымдағы Қазақстан Республикасы Заңының 19-бабының 4-тармағына сәйкес әзірленді және мемлекеттік құпияларды және заңмен қорғалатын өзге де құпияны құрайтын жағдайларды қоспағанда, салыстырып тексерілетін өлшем құралдары туралы деректерді электрондық есепке алу және оларды мемлекеттік ғылыми метрологиялық орталыққа (бұдан әрі - МҒМО) беру тәртібін айқындайды.

      2. Салыстырып тексерілетін өлшем құралдары туралы деректердің электрондық есепке алынуы өлшем құралдарына салыстырып тексеру жүргізу құқығына аккредиттелген заңды тұлғалар (бұдан әрі - Салыстырып тексеру зертханалары) ұсынатын деректерді тіркеу арқылы жүзеге асырылады.

      3. Салыстырып тексеру зертханалары МҒМО ақпараттық жүйесінің жеке кабинеті арқылы өлшем құралдарына жүргізілген салыстырып тексеру нәтижелері бойынша салыстырып тексерілетін өлшем құралдары туралы деректерді береді.

      4. Салыстырып тексеру зертханалары МҒМО-ға салыстырып тексерілетін өлшем құралдары туралы мынадай мәліметтерді қамтитын деректерді береді:

      1) салыстырып тексеру туралы сертификаттың (жарамсыздығы туралы хабарламаның) нөмірі және (немесе) өзі жабысатын лейблдің нөмірлік коды;

      2) өлшем құралының (эталонның) атауы;

      3) түрі, белгісі;

      4) зауыттық нөмірі (деректер болған жағдайда);

      5) өлшем құралының өлшеу ауқымы;

      6) дайындаушы (деректер болған жағдайда);

      7) дайындалған күні (деректер болған жағдайда);

      8) пайдаланушы (деректер болған жағдайда);

      9) салыстырып тексеру бойынша нормативтік құжаттың атауы мен белгіленуі;

      10) салыстырып тексеру кезінде пайдаланылатын қосымша жабдықтар мен эталонның белгіленуі;

      11) класс немесе басқа да дәлдік сипаттамалары;

      12) разряд;

      13) салыстырып тексеру күні;

      14) өзі жабысатын лейблдердің немесе сертификаттың жарамдылық мерзімі;

      15) бөлім (зертхана) басшысының тегі, аты, әкесінің аты;

      16) салыстырып тексерушінің тегі, аты, әкесінің аты;

      17) қадағалау коды;

      18) лейблдер, пломбалар бойынша мәліметтер.

      5. Салыстырып тексеру зертханалары ұсынатын деректер автоматты режимде МҒМО ақпараттық жүйесінде келіп түскен күннен бастап есепке алынады.



Дата вступления в силу:  08.11.2012
Дата изменения акта:  26.05.2020
Дата принятия акта:  28.09.2012
Информация об официальном опубликовании акта:  "Егемен Қазақстан" газеті 20.12.12 ж., 05.01.13 ж. № 834-839, 4-8 (27910, 27947); "Казахстанская правда" от 20.12.12 г. № 440-441 (27259-27260)
Место принятия:  100051000000
Орган, принявший акт:  103017000000
Регион действия:  100000000000
Регистрационный номер акта в Государственном реестре нормативных правовых актов Республики Казахстан:  68753
Регистрационный номер НПА, присвоенный нормотворческим органом:  350
Статус акта:  upd
Сфера правоотношений:  005013000000
Форма акта:  ПРАВ / ПРИК
Юридическая сила:  1500
Язык акта:  kaz