Қазақстан Республикасының 2001 жылғы 23 қаңтардағы № 148 "Қазақстан Республикасындағы жергілікті мемлекеттік басқару және өзін - өзі басқару туралы" Заңының 31 бабына, Қазақстан Республикасының 2001 жылғы 23 қаңтардағы № 149 "Халықты жұмыспен қамту туралы" Заңының 7 бабының 5-2) тармақшасына сәйкес Мұғалжар ауданы әкімдігі ҚАУЛЫ ЕТЕДІ:
1. Меншік түріне қарамастан кәсіпорындар мен ұйымдарда мүгедектерге, жалпы жұмыс орындарынан 3 пайыз көлемінде жұмыс орындарының квотасы белгіленсін.
2. Мұғалжар ауданы әкімдігінің 2010 жылғы 18 наурыздағы № 221 "Жұмыс істеуге қабілеті бар мүгедектер үшін жұмыс орындарының квотасын белгілеу туралы" (Нормативтік құқықтық кесімдерді мемлекеттік тіркеу тізімінде № 3-9-121 нөмірімен тіркелген және 2010 жылғы 12 мамырындағы "Мұғалжар" газетінде № 20 санында жарияланған) қаулысының күші жойылды деп танылсын.
3. Осы қаулының орындалуын бақылау аудан әкімінің орынбасары Н. Аққұлға жүктелсін.
4. Осы қаулы алғаш ресми жарияланған күнінен бастап, күнтізбелік он күн өткен соң қолданысқа енгізіледі.
| Мұғалжар ауданының әкімі | С. Шаңғұтов |
