Күші жойылды - ҚР Бәсекелестікті қорғау агенттігі (Монополияға қарсы агенттік) Төрағасының 2008.12.25 N 424-НҚ бұйрығымен.

      ------------------- Бұйрықтан үзінді -------------------

      "Нормативтік құқықтық актілер туралы" Қазақстан Республикасы Заңының 27-бабының 1-тармағына сәйкес БҰЙЫРАМЫН:
      1. Осы бұйрыққа қосымшаға сәйкес Қазақстан Республикасы Индустрия және сауда министрлігінің Бәсекелестікті қорғау комитеті Төрағасының кейбір бұйрықтарының күші жойылды деп танылсын.
      2. ...
      3. Осы бұйрық 2009 жылдың 1 қаңтарынан бастап қолданысқа енгізіледі.

      Төраға                                            М. Есенбаев

Қазақстан Республикасы    
Бәсекелестікті қорғау    
агенттігі (Монополияға қарсы
агенттік) Төрағасының   
2008 жылғы 25 желтоқсандағы 
N 424-НҚ бұйрығына      
қосымша           

Қазақстан Республикасы Индустрия және сауда министрлігі Бәсекелестікті қорғау комитеті Төрағасының күші жойылған кейбір бұйрықтарының тізбесі

      1. "Монополияға қарсы органға экономикалық шоғырлануға өтініш беру және оларды қарауға беру тәртібі туралы ережелерді бекіту туралы" Қазақстан Республикасы Индустрия және сауда министрлігі Бәсекелестікті қорғау комитеті Төрағасының 2007 жылғы 21 мамырдағы N 174-НҚ бұйрығы (Қазақстан Республикасының Әділет министрлігінде 2007 жылғы 2 маусымдағы Нормативтік құқықтық актілерін мемлекеттік тіркеу тізілімінде N 4698 тіркелді, 2007 жылғы 22 шілдеде N 94 (1297) "Заң газетінде", 2007 жылғы мамыр-маусымда Қазақстан Республикасының Орталық атқарушы және өзге де орталық мемлекеттік органдарының актілер жинағында жарияланды).
      .........

      Бәсеке және монополистік қызметті шектеу туралы" Қазақстан Республикасының 2006 жылғы 7 шілдедегі Заңын іске асыру мақсатында БҰЙЫРАМЫН:
      1. Қоса берілген Монополияға қарсы органның экономикалық шоғырлануға өтініш беру және оларды қарауға беру тәртібі туралы ережелер (бұдан әрі - Ережелер) бекітілсін.
      2. Қазақстан Республикасы Индустрия және сауда министрлігі Бәсекелестікті қорғау комитетінің Ішкі әкімшілік ету басқармасы:
      заңнамада белгіленген тәртіппен Қазақстан Республикасының Әділет министрлігінде Ережелерді мемлекеттік тіркеуді қамтамасыз етсін;
      белгіленген тәртіппен Ережелерді ресми бұқаралық ақпарат құралдарында жариялауды қамтамасыз етсін;
      Ережелерді Қазақстан Республикасы Индустрия және сауда министрлігі Бәсекелестікті қорғау комитетінің құрылымдық және аумақтық бөлімшелерінің назарына жеткізсін.
      3.»"Монополияға қарсы органның экономикалық шоғырлануға өтініш беру және оларды қарауға беру тәртібі туралы ережелерді бекіту туралы" Қазақстан Республикасы Табиғи монополияларды реттеу, бәсекелестікті қорғау және шағын бизнесті қолдау агенттігі Төрағасының 2001 жылғы 2 тамыздағы  N 153-НҚ бұйрығының (Қазақстан Республикасының Орталық атқарушы және өзге де мемлекеттік органдарының нормативтік құқықтық актілерінің N 1641 бюллетенінде жарияланған, Нормативтік құқықтық актілерді мемлекеттік тіркеу тізілімінде тіркелген, 2001 ж., N 32, 494-құжат) күші жойылды деп танылсын.
      4. Осы бұйрық ол алғаш ресми жарияланған күнінен бастап күшіне енеді.

      Төраға

Қазақстан Республикасы   
Индустрия және сауда министрлігі
Бәсекелестікті қорғау комитеті
Төрағасының         
2007 жылғы 21 мамырдағы  
N 174-нқ бұйрығымен      
бекітілген         

Монополияға қарсы органға экономикалық шоғырлануға
рұқсат беру туралы өтініштерді беру және оларды қарау тәртібі туралы ереже І тарау. Жалпы ережелер

      Осы Ереже "Бәсеке және монополистік қызметті шектеу туралы" Қазақстан Республикасының 2006 жылғы 7 шілдедегі Заңына (бұдан әрі - Заң) сәйкес әзірленді және  монополияға қарсы орган мен оның аумақтық бөлімшелеріне экономикалық шоғырлануға рұқсат беру туралы өтініштерді беру және оларды қарау тәртібін айқындайды:
      Мыналар:
      1) тиісті тауар нарығындағы үлесі отыз бес пайыздан асатын нарық субъектісін құру;
      2) тиісті тауар нарығындағы үстем (монополиялық) жағдайға ие нарық субъектісін қайта ұйымдастыру (қосу, біріктіру, қайта құру);
      3) тұлғаның (тұлғалар тобының) нарық субъектісінің жарғылық капиталындағы дауыс беретін акцияларды (қатысу үлестерін, пайларды) иеленуі, сөйтіп осы субъектіде мұндай тұлғаның (тұлғалар тобының) аталған акциялардың (үлестердің, пайлардың) жиырма бес  пайыздан және одан астамына билік етуге құқық алуы, егер осы иеленуге дейін мұндай тұлға (тұлғалар тобы) аталған нарық субъектісінің акцияларына (қатысу үлестеріне, пайларына) билік етпесе немесе аталған нарық субъектісінің жарғылық капиталындағы дауыс беретін акциялардың (қатысу үлестерінің, пайлардың) жиырма бес  пайыздан кеміне билік етсе, экономикалық шоғырлану деп танылады.
      Осы талап заңды тұлға құрылтайшылары құрылған кезде оған қолданылмайды;
      4) егер мәміленің (өзара байланысты мәміленің) нысанасын құрайтын мүліктің баланстық құны мүлікті иеліктен шығаратын немесе біреуге беретін нарық субъектісінің негізгі өндірістік құрал-жабдықтары мен материалдық емес активтері баланстық құнының он пайыздан артық болса, нарық субъектісінің (тұлғалар тобының) нарықтың басқа субъектісінің негізгі өндірістік құрал-жабдықтары мен материалдық емес активтерін меншікке алуы, оның ішінде жарғылық капиталды төлеу (беру) есебінен иеленуі және пайдалануы;
      5) нарық субъектісінің бір немесе бірнеше мәмілелер нәтижесінде (оның ішінде сенімгерлік басқару туралы шарт, бірлескен қызмет туралы шарт, тапсырма шарты) немесе өзге де тәсілмен нарық субъектісінің кәсіпкерлік қызметін жүргізу жағдайларын анықтауға не оның атқарушы органының функцияларын жүзеге асыруға мүмкіндік беретін құқықтар алуы;
      6) белгілі бір жеке тұлғалардың нарықтың екі және одан да көп субъектілерінің атқарушы органдарында, директорлар кеңесінде (байқаушы кеңестерінде) қатысуы экономикалық шоғырлану деп танылады.
      Осы Ережеде мынадай ұғымдар пайдаланылады:
      1) тікелей бақылау - заңды немесе жеке тұлғаның заңды тұлға қабылдайтын шешімдерді бір немесе бірнеше мынадай іс-қимылдар арқылы айқындау мүмкіндігі:
      келісім (келісілген іс-қимылдар) нәтижесінде, оның ішінде өзге тұлғалармен бірлесе отырып, заңды тұлғаның жарғылық капиталын құрайтын акцияларға (қатысу үлестеріне, пайларға) келетін дауыстардың жалпы санының 25 пайыздан астамына билік ету;
      заңды тұлғаның кәсіпкерлік қызметін жүргізу шарттарын айқындау немесе оның атқарушы органдарының функцияларын жүзеге асыру құқығын, оның ішінде өзге тұлғалармен бірлесе отырып, алу;
      заңды тұлғаның атқарушы органы және (немесе) директорлар кеңесі (байқаушы кеңесі) құрамының 25 пайыздан астамын тағайындау құқығын алу;
      сол бір жеке тұлғалармен бірлесе отырып, өзара бәсекелес екі немесе одан көп заңды тұлғалардың атқарушы органына және (немесе) директорлар кеңесіне (байқаушы кеңесіне) олардың басқару органы құрамының 25 пайыздан астамын құрай отырып, қатысу;
      2) жанама бақылау - заңды немесе жеке тұлғаның үшінші тұлғалар арқылы оларға қарағанда алғаш бір немесе бірнеше мынадай құқықтарға немесе өкілеттіктерге ие болған заңды тұлға қабылдайтын шешімдерді айқындау мүмкіндігі:
      келісімдер (келісілген іс-қимылдар) нәтижесінде, оның ішінде өзге тұлғалармен бірлесе отырып, заңды тұлғаның жарғылық капиталын құрайтын акцияларға (қатысу үлестеріне, пайларға) қатысты дауыстардың жалпы санының 25 пайыздан астамына билік ету;
      заңды тұлғаның кәсіпкерлік қызметті жүргізу шарттарын, оның ішінде өзге тұлғалармен бірлесе отырып айқындау немесе оның атқарушы органының функцияларын жүзеге асыру;
      заңды тұлғаның атқарушы органы және (немесе) директорлар кеңесі (байқаушы кеңесі) құрамының 25  пайыздан астамын тағайындау;
      сол бір жеке тұлғалармен бірлесе отырып, өзара бәсекелес екі немесе одан көп заңды тұлғалардың атқарушы органына және (немесе) директорлар кеңесіне (байқаушы кеңесіне) олардың басқару органы құрамының 25 пайыздан астамын құрай отырып, қатысу;
      3) нарық субъектісінің бір немесе бірнеше мәмілелер нәтижесінде (оның ішінде сенімгерлік басқару туралы шарт, бірлескен қызмет туралы шарт, тапсырма шарты) немесе өзге де тәсілмен нарық субъектісінің кәсіпкерлік қызметін жүргізу жағдайларын анықтауға не оның атқарушы органның функцияларын жүзеге асыруға мүмкіндік беретін құқықтар алуы - сенімгерлік басқару, бірлескен қызмет туралы шарттардың, тапсырманың негізінде немесе өзге мәмілелер негізінде дербес түрде немесе өкілдер арқылы дауыс құқықтарын іске асырудың өзге мүмкіндігін сатып алуы, сондай-ақ алуы;
      4) мүдделі тұлғалар:
      мәлімдеуші - нарық субъектілерін (оның ішінде құрылтайшы (қатысушы), қайта ұйымдастырылатын (қайта ұйымдастырылған) және жаңадан құрылған заңды тұлға) құру, қайта ұйымдастыру немесе тарату туралы шешімдер қабылдайтын тұлға немесе мемлекеттік орган, нарық субъектісінің оның кәсіпкерлік қызметті жүргізу шарттарын айқындауға не оның атқарушы органының функцияларын жүзеге асыруға мүмкіндік беретін акцияларды (қатысу үлестерін, пайларды), негізгі өндіріс құрал-жабдықтарын немесе материалдық емес активтерді немесе құқықтарды сатып алатын тұлға, атқарушы органдарға, директорлар кеңестеріне (байқаушы кеңестерге) қатысушы тұлға, сондай-ақ олардың уәкілетті өкілдері;
      басқа да мүдделі тараптар - акцияларды (қатысу үлестерін, пайларды), негізгі өндіріс құрал-жабдықтарын немесе материалдық емес активтерді сатып алушымен бірге тұлғалар тобына кіретін сатушы, жалға беруші, заңды және/немесе жеке тұлғалар, сондай-ақ оған қатысты Заңның 12-бабында көрсетілген мәмілелер немесе іс-қимылдар жасалатын нарық субъектісі мен осы нарық субъектісімен тұлғалар тобына  кіретін заңды немесе жеке тұлғалар;
      үшінші тұлғалар - мәмілелердің немесе іс-қимылдардың нәтижелеріне қызығушылығы бар, атқарушы үкіметтің орталық және жергілікті органдары, жергілікті өзін-өзі басқару органдары, тауарларды  сатып алушылар және/немесе жеткізіп берушілер, бәсекелестер тәрізді, сондай-ақ мүдделі тараптардың басқару органдарының мүшелері, әкімшіліктері мен еңбек ұжымдарының уәкілетті өкілдері;
      5) өтініш - Заңда көзделген мәмілелерді (іс-әрекеттерді) жүзеге асыруға арналған экономикалық шоғырлануға рұқсат беру туралы өтініш (бұдан әрі - өтініш);
      6) өңір - әкімшілік-аумақтық бірлік.

      3. Монополияға қарсы органның алдын-ала жазбаша келісімі мынадай:
      1) тиісті тауар нарығындағы үлесі отыз бес пайыздан асатын нарық субъектісін құру, оның ішінде қайта ұйымдастыру кезінде заңды тұлғаларды бөліп шығару немесе бөлу;
      2) тиісті тауар нарығындағы үстем (монополиялық) жағдайға ие нарық субъектісін қайта ұйымдастыру (қосу, біріктіру, қайта құру) кезінде өтініш негізінде  талап етіледі.

      4. Осы Ереженің 1-тармағының 3), 4), 5) және 6) тармақшаларында көрсетілген іс-әрекеттерді (мәмілелерді) жүзеге асыруға монополияға қарсы органның алдын ала келісімі мынадай жағдайларда:
      1) тиісті тауар нарығында үстем (монополиялық) жағдайға ие нарық субъектісінің жарғылық капиталындағы дауыс құқығын беретін акцияларды (қатысу үлестерін, пайларды) әрбір сатып алу кезінде (оның ішінде осы акцияларды (қатысу үлестерінде, пайларда) көрініс тапқан сатып алу-сату шарттарының, сенімгерлік басқарудың, тапсырманың немесе өзге мәмілелердің негізінде дауыс құқықтарын жүзеге асыру мүмкіндігін алу кезінде), егер:
      заңды немесе жеке тұлға нарық субъектісінің жарғылық капиталындағы дауыс құқығын беретін акциялардың (қатысу үлестерінің, пайлардың) кез келген санын сатып алуға ниет білдірсе және бұл ретте аталған тұлға өзінің билігінде бар акциялардың (қатысу үлестерінің, пайлардың) жиынтығында, көрсетілген нарық субъектісінің дауыс құқығын беретін акциялардың (қатысу үлестерінің, пайлардың) 25 және одан астам пайызына билік ету құқығын алса және егер сатып алушымен тұлғалар тобына кіретін барлық нарық субъектілерінің, сондай-ақ акциялары (қатысу үлестері, пайлары)  жарғылық капиталдағы дауыс беру құқығында сатып алынатын нарық субъектісінің (оның тікелей және жанама бақылауындағы нарық субъектілерін қоса алғанда) балансы бойынша активтер құнының сомасы немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе  олардың біреуі тиісті тауар нарығында үстем (монополиялық) жағдайға ие нарық субъектісі болып табылса, не осы тармақта аталған нарық субъектілерінің қызметін бақылайтын тұлғалар тобы иеленуші болған жағдайларда;
      тұлғалар тобының қатысушысы болып табылмайтын заңды тұлға нарық субъектісінің жарғылық капиталында дауыс құқығын беретін акциялардың (қатысу үлестерінің, пайлардың) кез келген санын сатып алуға ниет білдірсе және бұл ретте сатып алушы өзінің билігіндегі акциялар (қатысу үлестері, пайлар) жиынтығында көрсетілген нарық субъектісінің дауыс құқығын беретін акциялардың (қатысу үлестерінің, пайлардың) 25  және одан астам  пайызына билік ету құқығын алса және акцияларды (қатысу үлестері, пайларды) сатып алушы мен акциялары (қатысу үлестері, пайлары) жарғылық капиталдағы дауыс беру құқығында  сатып алынатын нарық субъектісінің баланстары бойынша активтер құнының сомасы немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе олардың біреуі тиісті тауар нарығында үстем (монополиялық) жағдайға ие нарық субъектісі болып табылған жағдайларда талап етіледі.
      Егер сатып алушы қатысушы тұлғалар тобы болып табылмайтын жеке тұлға болып табылса, онда егер осы жеке тұлға нарық субъектісінің жарғылық капиталындағы дауыс құқығын беретін акциялардың (үлестердің, пайлардың) кез келген санын сатып алуға ниет білдірсе және бұл ретте аталған тұлға өзінің билігінде бар акциялардың (үлестердің, пайлардың) жиынтығында, көрсетілген нарық субъектісінің дауыс құқығын беретін акциялардың (үлестердің, пайлардың) 25 және одан астам пайызына билік ету құқығын алған және жарғылық капиталдағы дауыс беретін акциялары (үлестері) сатып алынатын нарық субъектісінің (оның тікелей және жанама бақылауындағы нарық субъектілерін қоса алғанда) балансы бойынша активтер құнының сомасы немесе соңғы қаржы жылында өткізілген тауарлардың көлемі айлық есептік көрсеткіштің бір жарым миллион есе мөлшерінен асса немесе ол тиісті тауар нарығында үстем (монополиялық) жағдайға ие нарық субъектісі болып табылған жағдайда алдын ала өтініш қажет.
      Егер нарық субъектісі дауыс құқығын беретін қосымша акцияларды (қатысу үлестерін, пайларды) орналастыруды тек осы нарық субъектісінің акционерлері (қатысушылары, үлесшілері, пайшылары) болып табылатын тұлғалар арасында, олардың жарғылық капиталдағы үлестерін өзгертпей-ақ жүзеге асырса, онда монополияға қарсы органмен келісу талап етілмейді.
      Нарық субъектілерінің құрылтайшыларына оны құрған кезде осы Ереженің 4-тармағының 1) тармақшасында көзделген талап қолданылмайды.
      2)  мәміленің (өзара байланысты мәміленің) нысанасын құрайтын мүліктің баланстық құны мүлікті иеліктен шығаратын немесе біреуге беретін нарық субъектісінің негізгі өндірістік құрал-жабдықтары мен материалдық емес активтері баланстық құнынан он пайыздан артық болса, нарық субъектісінің (тұлғалар тобының) нарықтың басқа субъектісінің негізгі өндірістік құрал-жабдықтары мен материалдық емес активтерін меншікке алу, оның ішінде жарғылық капиталды төлеу (беру) есебінен иелену және пайдалануы кезінде, егер:
      заңды және жеке тұлға нарық субъектісінің негізгі өндіріс құрал-жабдықтары мен материалдық емес активтердің баланстық құнының, оның ішінде өзара байланысты мәміле нәтижесінде 10 пайыздан астамын алуға ниет білдірсе және негізгі құрал-жабдықтарды немесе материалдық емес активтерді сатып алушымен бірге, осы мүлікті алушының өзін, сондай-ақ нарық субъектісін (оның тікелей және жанама бақылауындағы нарық субъектілерін қоса алғанда) қоса, тұлғалар тобына кіретін нарықтың барлық субъектілерінің балансы бойынша активтер құнының сомасы, негізгі өндірістік құрал-жабдықтар немесе меншікке немесе пайдалануға берілетін материалдық емес активтер немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе олардың біреуі тиісті тауар нарығында үстем (монополиялық) жағдайға ие нарық субъектісі болып табылса, не осы тармақшада аталған нарық субъектілерінің қызметін бақылайтын тұлғалар тобы иеленуші болып табылса;
      тұлғалар тобының қатысушысы болып табылмайтын заңды тұлға нарық субъектісінің негізгі өндірістік құрал-жабдықтарының немесе материалдық емес активтерінің баланстық құнының, оның ішінде өзара байланыс мәмілелер нәтижесінде 10 пайыздан астамын алуға ниет білдірсе және нарық субъектісінің негізгі өндірістік құрал-жабдықтарын немесе материалдық емес активтерін алатын заңды тұлғалардың, сондай-ақ негізгі өндірістік құрал-жабдықтары немесе материалдық емес активтерін меншікке немесе пайдалануға беретін нарық субъектісінің балансы бойынша активтер құнының сомасы немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе олардың біреуі тиісті тауар нарығында үстем (монополиялық) жағдайға ие нарық субъектісі болып табылса;
      тұлғалар тобының қатысушысы болып табылмайтын жеке тұлға нарық субъектісінің негізгі өндірістік құрал-жабдықтарының немесе материалдық емес активтерінің баланстық құнының, оның ішінде өзара байланыс мәмілелер нәтижесінде  10 пайыздан  астамын алуға ниет білдірсе, онда егер алынатын негізгі өндіріс құрал-жабдықтар немесе материалдық емес активтер нарық субъектісінің балансы бойынша активтер құны немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе аталған нарық субъектісі тиісті тауар нарығында үстем (монополиялық) жағдайға ие болған жағдайда алдын-ала өтініш қажет.
      3) нарық субъектісінің бір немесе бірнеше мәмілелер нәтижесінде (оның ішінде сенімгерлік басқару туралы шарт, бірлескен қызмет туралы шарт, тапсырма шарты) немесе өзге де тәсілмен нарық субъектісінің кәсіпкерлік қызметін жүргізу жағдайларын анықтауға не оның атқарушы органның функцияларын жүзеге асыруға мүмкіндік беретін құқықтар (бұдан әрі - тиісті құқықтар) алуы, егер:
      заңды немесе жеке тұлға нарық субъектісіне қатысты тиісті құқықтарды алуға ниет білдірсе және егер сатып алушымен тұлғалар тобына кіретін барлық заңды тұлғалардың, құқықтарды алушылардың өзін қоса, сондай-ақ осы құқықтар оларға қатысты алынатын нарық субъектісінің (оның тікелей және жанама бақылауындағы нарық субъектілерін қоса алғанда)  балансы бойынша активтер құнының сомасы жиынтығында немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе олардың біреуі тиісті тауар нарығында үстем (монополиялық) жағдайға ие нарық субъектісі болып табылса, не осы тармақшада аталған нарық субъектілерінің қызметін бақылайтын тұлғалар тобы иеленуші болып табылған жағдайда алдын-ала өтініш қажет;
      тұлғалар тобының қатысушысы болып табылмайтын заңды тұлға нарық субъектісіне қатысты тиісті құқықтарды алуға ниет білдірсе, онда егер  құқықтарды алушының және осы құқықтар оларға қатысты алынатын нарық субъектісінің (оның тікелей және жанама бақылауындағы нарық субъектілерін қоса алғанда) балансы бойынша активтер құнының сомасы немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе олардың біреуі тиісті тауар нарығында үстем (монополиялық) жағдайға ие нарық субъектісі болып табылған жағдайда алдын-ала өтініш қажет.
      Егер тиісті құқықтарды сатып алушы тұлғалар тобының қатысушысы болып табылмайтын жеке тұлға болып табылса, онда осы алдын-ала жазбаша келісім жоғарыда көрсетілген құқықтарды алуға қатысты нарық субъектісінің (оның тікелей және жанама бақылауындағы нарық субъектілерін қоса алғанда) балансы бойынша активтер құнының сомасы немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асса немесе аталған нарық субъектісі тиісті тауар нарығында үстем (монополиялық) жағдайға ие  болған жағдайда қажет.
      4) белгілі бір жеке тұлғалардың нарықтың екі және одан да көп субъектілерінің атқарушы органдарында, директорлар кеңесінде (байқаушы кеңестерінде) қатысуы кезінде мынадай: өтініштер беру:
      жеке тұлғаның баланстар бойынша активтерінің жиынтық құны жиынтығында немесе соңғы қаржы жылында өткізілген тауарлардың жиынтық көлемі айлық есептік көрсеткіштің бір жарым миллион есе мөлшерінен асатын немесе олардың біреуі тиісті тауар нарығында үстем (монополиялық) жағдайға ие нарық субъектісі болып табылатын екі және одан көп нарық субъектілерінің атқарушы органдарына, директорлар кеңестеріне (байқаушы кеңестеріне) кірген (сайланғаннан) жағдайда алдын-ала жазбаша өтініш қажет.

      5. Егер экономикалық шоғырлану конкурстық рәсімдер (аукциондар, тендерлер, конкурстар) қолдана отырып жүргізілсе, егер Қазақстан Республикасының заңнамасында өзге көзделмесе, өтініш конкурс рәсімі басталғанға дейін де, одан кейін де, бірақ жеңімпаз жарияланған күннен бастап отыз күннен кешіктірмей берілуге тиіс.
      Егер қаржы ұйымы активтерінің құны не жеке өз капиталының шамасы уәкілетті орган қаржы нарығын және қаржы ұйымдарын реттеу мен қадағалауды жүзеге асыратын мемлекеттік органмен бірлесіп белгілеген мөлшерден асатын болса, қаржы ұйымдары қатысатын экономикалық шоғырлануға рұқсат алу жүзеге асырылады.

2.  Өтініш беретін тұлғалар

      6. Нарық субъектісін құруға, қайта ұйымдастыруға келісім беру туралы өтінішті монополияға қарсы органға тиісті шешім қабылдайтын тұлға (орган) немесе нарық субъектісін құру кезіндегі нарық субъектісінің өкілі не олардың тапсырмасы бойынша өкілдердің бірі береді.
      Егер тиісті шешімді бірнеше тұлғалар (органдар) бірлесе отырып қабылдаса, онда өтінішті монополияға қарсы органға осы тұлғалар (органдар) бірлесе отырып береді, бұл ретте өтініште монополияға қарсы органмен істер жүргізу үшін шешім қабылдауға қатысқан тұлғалардың (органдардың) тапсырмасы бойынша олар не олардың біреуі уәкілеттік берген тұлға көрсетіледі.

      7. Заңды және/немесе жеке тұлғалардың іс-қимылдар (мәмілелер) жасауы туралы өтінішті, сондай-ақ жеке тұлғаның өзара бәсекелесуші екі немесе одан көп нарық субъектілерінің атқарушы органдарына, директорлар кеңестеріне (байқаушы кеңестеріне) қатысуы туралы хабарламаны монополияға қарсы органға акцияларды (қатысу үлестерін, пайларды), негізгі өндіріс құрал-жабдықтарын немесе материалдық емес активтерді немесе нарық субъектісінің оның кәсіпкерлік қызметін жүргізу шарттарын айқындауға мүмкіндік беретін құқықтарды алатын тұлға немесе атқарушы органдарға, директорлар кеңестеріне (байқаушы кеңестеріне) қатысушы тұлға береді.
      Егер бір нарық субъектісінің негізгі өндіріс құрал-жабдықтарын немесе материалдық емес активтерін алушы мәміле тарабы бірнеше тұлғалар - тұлғалар тобының қатысушылары болса, онда өтінішті осы тұлғалар бірлесе отырып не барлық алушылардың тапсырмасы бойынша олардың біреуі береді.
      Егер акцияларда (қатысу үлестерінде, пайларда) көрініс тапқан дауыстарды иелену құқығын немесе нарық субъектісінің оның кәсіпкерлік қызметін жүргізу шарттарын айқындау құқығын алушы мәміле тарабы бірнеше тұлғалар - тұлғалар тобының қатысушылары болса, онда өтінішті осы тұлғалар бірлесе отырып не барлық тиісті құқық алушылардың тапсырмасы бойынша олардың біреуі береді.

      8. Осы Ереженің 6 және 7-тармақтарына сәйкес тұлғалар өтініштерді монополияға қарсы органға беруге міндетті, уәкілетті өкіл (сенімгер) тағайындай алады.
      Осындай тұлғалардың атынан және мүдделерінде монополияға қарсы органға қатысты іс-қимыл жасайтын уәкілетті өкіл (сенімгер) монополияға қарсы органға олардың өкілеттілігін растайтын құжаттарды (сенімхат) ұсынады.

      9. Өкілетті тұлғаны (сенімгерді) тағайындау жоғарыда көрсетілген тұлғаларды монополияға қарсы заңдарда көзделген міндеттер мен жауапкершіліктен босатпайды.

3. Өтініштердің мазмұны, беру және қарау тәртібі

      10. Өтініш еркін нысанда құрастырылады және монополияға қарсы органның бірінші басшысының атына беріледі. Өтініштің мәтінінде іс-қимыл немесе мәміле атауы көрсетіледі және сатып алынатын акциялардың (қатысу үлестерінің, пайлардың) саны, алынатын мүліктің құрамы мен тізбесі немесе нарық субъектісінің оның кәсіпкерлік қызметті жүргізу шарттарын айқындауға не оның атқарушы органының функциясын жүзеге асыруға мүмкіндік беретін нақты құқығы көрсетіледі.

      11. Мәлімдеушілер осы Ережеге 1-қосымшаның 1-бөлімінде көрсетілген ақпарат және құжаттармен бірге:
      1) нарық субъектілерін құру кезінде:
      жаңадан пайда болған нарық субъектісінің орналасқан орны бойынша монополияға қарсы органның тиісті аумақтық бөлімшелері, егер жаңадан құрылған нарық субъектісіне қатысушылардың құрамына екіден аспайтын аймақта орналасқан нарық субъектілері кірсе;
      монополияға қарсы органға, егер жаңадан құрылған нарық субъектісіне қатысушылардың құрамына қайта ұйымдастырылғаннан кейін екіден астам аймақта орналасқан нарық субъектілері кірсе немесе қатысушылардың құрамына шетелдік заңды тұлғалар кірсе;
      2) тиісті тауар нарығында үстем (монополиялық) жағдайға ие нарық субъектісін қайта ұйымдастыру (қосу, біріктіру, қайта құру) кезінде:
      жаңадан пайда болған заңды тұлғаның орналасқан орны бойынша монополияға қарсы органның тиісті аумақтық бөлімшелеріне;
      монополияға қарсы органдарға, егер қайта құрылған нарық субъектісіне кіретін қайта ұйымдастырылған нарық субъектісі қатысушылары республиканың тауар нарығында үстем (монополиялық) жағдайға ие нарық субъектілерінің мемлекеттік тізіліміне (бұдан әрі - республикалық тізілім) енгізілсе;
      3) нарық субъектісінің жарғылық капиталында дауыс құқығын беретін акцияларды (үлестерді, пайларды) алу кезінде немесе негізгі өндіріс құрал-жабдықтарын немесе материалдық емес активтерді меншікке алу, оның ішінде жарғылық капиталды төлеу (беру) есебінен иеленуі және пайдалануы немесе нарық субъектісінің оның кәсіпкерлік қызметті жүргізу шарттарын айқындауға немесе оның атқарушы органының функцияларын жүзеге асыруға мүмкіндік беретін құқықтарды алу кезінде, сондай-ақ белгілі бір жеке тұлғалардың нарықтың екі және одан да көп субъектілерінің атқарушы органдарында, директорлар кеңесінде (байқаушы кеңестерінде) қатысуы кезінде;
      Ереженің 1-тарауы 1-тармағының 1) - 6) тармақшаларында көрсетілген іс-қимылдар жүзеге асырылатын, тиісінше  нарық субъектісінің орналасқан орны бойынша немесе тауар нарығында үстем (монополиялық) жағдайға ие, негізгі өндіріс құрал-жабдықтарын немесе материалдық емес активтерді меншікке немесе пайдалануға алып отырған нарық субъектісінің орналасқан орны бойынша, немесе тиісті құқықтар оған қатысты алынатын нарық субъектісінің орналасқан орны бойынша монополияға қарсы органның тиісті аумақтық бөлімшелеріне, егер:
      акцияларды (қатысу үлестерін, пайларды) (тиісті құқықтарды немесе негізгі өндіріс құрал-жабдықтарын немесе материалдық емес активтерді) сатып алушының балансы бойынша активтер құнының сомасы және дауыс беретін акциялары (негізгі өндіріс құрал-жабдықтары немесе материалдық емес активтері немесе оған қатысты тиісті құқықтар) сатып алынатын заңды тұлғалардың (оның тікелей және жанама бақылауындағы нарық субъектілерін қоса алғанда) баланстары бойынша активтері құнының сомасы айлық есептік көрсеткіштің 1 500 000 есе мөлшерінен айлық есептік көрсеткіштің 1 700 000 есе мөлшеріне дейін асса немесе тиісті тауар нарығында үстем (монополиялық) жағдайға ие нарық субъектісі оның бірі болып табылса, не осы тармақшада көрсетілген нарық субъектісінің қызметін бақылайтын тұлғалар тобы сатып салушы болып табылса;
      не егер осы тармақшаның 3-абзацында санамаланған тұлғалар баланстары бойынша активтер сомасы айлық есептік көрсеткіштің 1 500 000 есе мөлшерінен аспаса және акцияларды (қатысу үлестерін, пайларды), негізгі өндіріс құрал-жабдықтарын және/немесе материалдық емес активтерді немесе тиісті құқықтарды сатып алушы Тізілімге енгізілген нарық субъектісі немесе осы нарық субъектісімен бірге тұлғалар тобына кіретін жеке (заңды) тұлға болып табылса;
      монополияға қарсы органдарға, егер акцияларды (қатысу үлестерін, пайларды), негізгі өндіріс құрал-жабдықтары немесе материалдық емес активтері немесе оған қатысты тиісті құқықтар және дауыс беретін акциялары (негізгі өндіріс құрал-жабдықтары немесе материалдық емес активтері немесе оған қатысты тиісті құқықтар) сатып алынатын заңды тұлғалардың (оның тікелей және жанама бақылауындағы нарық субъектілерін қоса алғанда) баланстары бойынша активтері құнының сомасы немесе соңғы қаржы жылында өткізілген тауарлардың жиынтық көлемі айлық есептік көрсеткіштің 1 700 000 есе мөлшерінен асса немесе республиканың тиісті тауар нарығында үстем (монополиялық) жағдайға ие нарық субъектісі оның бірі болып табылса, не осы тармақшада көрсетілген нарық субъектісінің қызметін бақылайтын тұлғалар тобы сатып салушы болып табылса;
      4) белгілі бір жеке тұлғалардың нарықтың екі және одан да көп субъектілерінің атқарушы органдарында, директорлар кеңесінде (байқаушы кеңестерінде) қатысуы кезінде:
      атқарушы органға, директорлар кеңесіне (байқаушы кеңеске) жеке тұлға қатысатын сол нарық субъектілерінің кез келгенінің орналасқан орны бойынша монополияға қарсы органның тиісті аумақтық бөлімшелеріне, егер атқарушы органдарына, директорлар кеңестеріне (байқаушы кеңестерге) сол бір жеке тұлға қатысатын заңды тұлғалардың баланстары бойынша активтер сомасы шегінде болса немесе соңғы қаржы жылында өткізілген тауарлардың жиынтық көлемі айлық есептік көрсеткіштің 1 500 000 есе мөлшерінен астам айлық есептік көрсеткіштің 1 700 000 есе мөлшеріне дейін асса немесе тиісті тауар нарығында үстем (монополиялық) жағдайға ие нарық субъектісі оның бірі болып табылса, не осы тармақшада көрсетілген нарық субъектісінің қызметін бақылайтын тұлғалар тобы сатып салушы болып табылса;
      монополияға қарсы органға Заңда белгіленген барлық жағдайларда береді.

      12. Мәлімдеуші өтініш берген кезде, белгіленген мерзімде шешім қабылдау үшін маңызды болып табылатын кез келген ақпаратты монополияға қарсы органға дербес (Осы Ереженің 1-қосымшасының 1-бөлімінде көрсетілген ақпараттарға (құжаттарға) толықтырулар) жіберуге құқылы.

      13.  Өтінішті қарау кезінде монополияға қарсы орган өзі белгілеген мерзімдерде (бірақ өтінішті алғаннан кейін отыз күннен кешіктірмей) мәлімдеушіден Осы Ереженің 1-қосымшасының 2-бөлімінде көрсетілген ақпаратты (құжаттарды) сұрай алады.
      Қосымша ақпаратты ұсыну мерзімдерін монополияға қарсы орган қаралып отырған өтініштің  мәніне немесе сұратылған ақпараттың мазмұнына сүйене отырып айқындайды. Монополияға қарсы органның талабы бойынша құжаттар мен ақпаратты мерзімінде ұсынбау заң актілерінде көзделген жауапкершілікке алып келеді.

      14. Ақпарат құрамындағы коммерциялық құпия оны монополияға қарсы органға ұсынудан бас тартуға негіздеме бола алмайды, сонымен бірге мәлімдеушілер мен өзге де мүдделі тараптар монополияға қарсы органға ақпарат беру кезінде коммерциялық құпияны құрайтын мәліметтердің толық тізбесін көрсетуге тиіс. Ақпараттың (құжаттардың) Қазақстан Республикасынан тыс аумақта орналасуы оны монополияға қарсы органға ұсынудан бас тарту немесе оны ұсыну мерзімдерін сақтамау үшін негіздеме болып табылмайды.

      15. Өтінішті беру кезінде монополияға қарсы орган сұратып отырған құжаттарға (ақпараттарға) немесе монополияға қарсы орган осы Ережеге сай қосымша сұратқан ақпараттарға және құжаттарға қол жеткізу мәлімдеуші үшін қиын болған жағдайда мәлімдеуші өзі үшін тиісті ақпаратқа қол жеткізу мүмкін еместігін көрсетуге, оны алу мүмкін еместігін түсіндіретін себептерді хабарлауға, сондай-ақ мұндай құжаттарды (ақпаратты) алуға мүмкіндік бар көздерді көрсетеді.
      Монополияға қарсы орган немесе оның аумақтық бөлімшесі өтініш беруші үшін жоғарыда көрсетілген ақпаратты алудың мүмкін еместігін түсіндіретін себептерді белгісіз себеп деп тануы мүмкін, бұл туралы өтініш берген тұлғаға тез жіберілетін негіздемесімен жазбаша шешім шығарылады.

      16. Мыналар:
      1) Заңның 12-бабында көзделген мәмілелерді (іс-әрекеттерді) жүзеге асыруға монополияға қарсы органның алдын ала келісімін алудан жалтару;
      2) монополияға қарсы органға немесе оның аумақтық бөлімшесіне осы Ережеге 1-қосымшадағы 1-бөлімінің тізбесі бойынша ақпарат пен құжаттар кірмеген өтініштерді осы ақпарат пен құжаттарды алудың өтініш беруші үшін мүмкін еместігін түсіндіретін себептерді көрсетпей немесе мұндай себептерді монополияға қарсы орган немесе оның аумақтық бөлімшесі белгісіз себеп деп таныған кезде, жіберу өтініштер ұсынбау болып табылады.
      Өтініштерді ұсынбау заң актілерінде көзделген жауапкершілікке алып келеді.

      17. Ережеге сәйкес оны қарауға өкілеттігі бар монополияға қарсы органның немесе оның аумақтық бөлімшесінің өтінішті және барлық қажетті құжаттарды, сондай-ақ осы Ережеге 1-қосымшаның 1-бөлімінде көзделген ақпаратты және/немесе жоғарыда көрсетілген құжаттарды немесе ақпаратты алу өтініш беруші үшін мүмкін еместігін түсіндіретін себептер туралы мәліметтерді алған күн өтініштерді беру күні болып есептеледі.
      Монополияға қарсы орган немесе оның аумақтық бөлімшесі осы Ережеге 1-қосымшаның 1-бөлімінің тізбесі бойынша ақпарат және/немесе құжаттар берілмеген, оларды бермеу себептері көрсетілмеген өтініштерді алған кезде монополияға қарсы орган оларды алған күннен бастап жеті жұмыс күні ішінде ол және басқа да құжаттар монополияға қарсы орган белгілеген талаптарға сай келмейді деген хабарламамен қоса оны өтініш берушіге қайтарады.

      18. Өтініште немесе ақпаратта (құжаттарда) баяндалған және шешім қабылдау үшін мәні бар фактілердің өзгергенін өтініш беруші монополияға қарсы органның немесе оның аумақтық бөлімшесінің назарына кешіктірмей жазбаша түрде жеткізеді. Мұндай жағдайларда өтінішті алу күні монополияға қарсы органның немесе оның аумақтық бөлімшесінің өзгерістер туралы ақпаратты алған күні болып есептеледі. Монополияға қарсы органға немесе оның аумақтық бөлімшесіне болған өзгерістер туралы хабарламау заң актілерінде көзделген жауапкершілікке алып келеді.

      19. Нарық субъектісінің жарғылық капиталындағы дауыс құқығын беретін акцияларды (қатысу үлестерін, пайларды) сатып алу немесе тиісті құқықтарды алу туралы қолдау хатты алған кезде монополияға қарсы орган қолдау хатты алған күннен бастап он күн мерзім ішінде бұл туралы акцияларды (қатысу үлестерін, пайларды) сатып алушының орналасқан орны (тұрғылықты орны) бойынша  монополияға қарсы органның аумақтық бөлімшелеріне  хабарлайды.
      Егер мәміленің (өзара байланысты мәміленің) нысанасын құрайтын мүліктің баланстық құны мүлікті иеліктен шығаратын  немесе біреуге беретін нарық субъектісінің негізгі өндірістік құрал-жабдықтары мен материалдық емес активтері баланстық құнының он пайыздан артық болса, нарық субъектісінің (тұлғалар тобының) нарықтың басқа субъектісінің негізгі өндірістік құрал-жабдықтары мен материалдық емес активтерін меншікке алуы, оның ішінде жарғылық капиталды төлеу (беру) есебінен иеленуі және пайдалануы туралы қолдаухатты алған кезде монополияға қарсы органның аумақтық бөлімшелері қолдаухатты алған күннен бастап жеті күн мерзім ішінде бұл туралы негізгі өндіріс құрал-жабдықтарын немесе материалдық емес активтерді иеліктен айыратын нарық субъектісінің орналасқан орны бойынша монополияға қарсы органның аумақтық бөлімшелеріне хабарлайды.
      Хабар хатпен, факс, электронды почта немесе телефонограмма арқылы жіберіледі.

      20. Ережеге сәйкес монополияға қарсы органның тиісті аумақтық бөлімшелеріне немесе монополияға қарсы органға қарау және шешім шығару үшін жіберуге жататын өтінішті алған жағдайда, монополияға қарсы органның аумақтық бөлімшесі осындай өтінішті  алған сәттен бастап үш күн мерзім ішінде оны қоса берілген ақпаратпен (құжаттармен) бірге, өтініш берушінің бұл туралы жазбаша хабарламасымен бірге тиесілілігі бойынша монополияға қарсы органның тиісті аумақтық бөлімшесіне немесе монополияға қарсы органға береді.
      Монополияға қарсы орган  монополияға қарсы органның аумақтық бөлімшесінің қарауына жататын кез-келген өтінішін қарауға қабылдайды. Мұндай жағдайда монополияға қарсы орган монополияға қарсы органның тиісті аумақтық бөлімшесіне жіберуге жататын өтінішті алған сәттен бастап он күн мерзім ішінде өтінішті өзінің қарауына қабылдағаны туралы монополияға қарсы органның тиісті аумақтық бөлімшесіне хабарлайды.
      Монополияға қарсы органның аумақтық бөлімшесін монополияға қарсы орган хат, факс, электронды почта, телефонограмма арқылы хабардар етеді.

      21. Монополияға қарсы орган өзінің қарауына жататын өтінішті алған сәттен бастап жеті күн мерзім ішінде оны заңда белгіленген  мерзімінде қарау жөніндегі өкілеттіктерді монополияға қарсы органның аумақтық бөлімшесіне өтініш берушінің сол мерзімдегі жазбаша хабарламасымен бере алады. Мұндай жағдайда өтініш қоса берілген ақпаратпен және құжаттармен бірге монополияға қарсы органның аумақтық бөлімшесінің қарауына беріледі және монополияға қарсы орган барлық қажетті құжаттарды алған күннен бастап қараудың мерзімін белгілеу басталады.

      22. Монополияға қарсы органның тиісті аумақтық бөлімшелері өтініш берушіден Ереженің 11-тармағында белгіленген тәртіппен олардың қарауына жатпайтын өтінішті қарауға қабылдамайды.

      23. Егер өтінішті талап ететін мәміле немесе іс-қимыл Қазақстан Республикасының тауар нарығындағы бәсекенің жай-күйіне әсер еткен жағдайда монополияға қарсы органның аумақтық бөлімшелері монополияға қарсы органның осы Ережесіне сәйкес монополияға қарсы органның аумақтық бөлімшелерінің қарауына келіп түскен өтініштердің қарауға қабылдағаны туралы өтініш білдіруге құқылы.
      Бұл жағдайда монополияға қарсы органның тиісті аумақтық бөлімшесі  өтінішті алған сәттен бастап  он күннен кешіктірмей, оны қарау үшін монополияға қарсы органға жібереді.

      24. Монополияға қарсы органның өтінішті қарау мерзімі отыз күннен аспауға тиіс. Сараптама тағайындалған жағдайда көрсетілген мерзім өтінішті қарауға қабылдаған кезден бастап алпыс күннен аспауға тиіс. Көрсетілген мерзім ішінде монополияға қарсы орган экономикалық шоғырлануды жүзеге асыруға тиісті шешім қабылдауға тиіс.
      Осы тармақтың бірінші бөлігінде көзделген өтінішті қарау мерзімінің соңғы күні экономикалық шоғырлануға рұқсат беру туралы шешім қабылданған күн болып есептеледі.

      25. Өтінішті қарау монополияға қарсы орган немесе сот онымен байланысты басқа өтініш бойынша шешім қабылдағанға дейін оның қаралуы мүмкін болмаған жағдайда тоқтатыла тұрады. Монополияға қарсы орган экономикалық шоғырлануға рұқсат беру туралы өтініштерді қарауды тоқтата тұру және оны қайта бастау туралы шешім қабылдайды, ол туралы өтініш беруші хабардар етіледі.
      Монополияға қарсы орган өтінішті қарауды тоқтата тұруға себеп болған мән-жайлар жойылғаннан кейін қарауды қайта бастайды.
      Өтініштерді қарау мерзімінің өтуі монополияға қарсы орган өтінішті қарауды тоқтата тұру туралы шешім шығарған күннен бастап тоқтатыла тұрады.  Өтініштерді қарау мерзімінің өтуі қарау қайта басталған күннен бастап жалғасады.
      Егер монополияға қарсы органның шешімі үшінші тұлғалардың осы Заңмен қорғалатын құқықтары мен мүдделерін елеулі түрде қозғайтын болса, олар  өтініштерді қарауға қатыса алады.
      Өтініштерді қарауға қатысуға үшінші тұлғаларды тарту туралы мәселені монополияға қарсы орган шешеді, бұл туралы осы өтінішті қарауға қатысатын тұлғалар хабардар етіледі.

      26. Мүдделі тараптар іс-қимылдарға немесе мәмілелерге қатысты, олар бойынша Заңның 12-бабына сәйкес монополияға қарсы органға немесе оның тиісті бөлімшелеріне өтініш талап етілетін барлық қағидалар бойынша өз көзқарасын немесе ескертулерін жазбаша түрде білдіре алады. Өзінің жазбаша ескертулерінде мүдделі тараптар іске қатысты барлық мәселелерді көрсетеді және олар баяндаған фактілерге дәлелдеме ретінде құжаттарды қоса бере алады.

      27. Өтінішті қарау кезінде монополияға қарсы орган немесе оның тиісті аумақтық бөлімшесі монополияға қарсы органның басқа аумақтық бөлімшелерімен немесе монополияға қарсы органмен, оның ішінде сатып алушылардың, жеткізіп берушілердің немесе зерделеніп отырған нарық субъектілері бәсекелестерінің орналасқан орны бойынша монополияға қарсы органмен өзара іс-әрекет жасайды.

4. Өтініштерді беруге қойылатын талаптар

      28. Ақпарат пен құжаттар дұрыс және толық болуға тиіс. Қоса беріліп отырған құжаттар түпнұсқа немесе түпнұсқа көшірмесі түрінде болуға тиіс, өтінішке қол қоятын тұлға және/немесе орган ұсынылған ақпараттардың және олардың түпнұсқалары болмаған жағдайда құжаттар көшірмелерінің дұрыстығы мен толықтығын жазбаша растауға тиіс.
      Жалған мәліметтер беру заң актілеріне сәйкес жауаптылыққа алып келеді.

      29. Осы Ережеге 1-қосымшада көрсетілген құжаттар мен ақпарат тігілген, қағаз түрінде, сондай-ақ қажет болған жағдайда электрондық тасымалмен берілуге және монополияға қарсы органға немесе оның аумақтық бөлімшелеріне өтініш беріп отырған тұлғаның немесе органның мөрімен расталуға тиіс. Егер  өтінішті жеке тұлға берсе, онда құжаттар мен ақпарат тігілген түрде беріледі және жеке тұлғаның қолымен расталады. Жеке тұлғаның қолы нотариалды түрде расталуға тиіс.

      30. Ұсынылып отырған құжаттар (ақпарат) нөмірленген болуға және осы Ережеге 1-қосымшаның 1-бөлімінде көрсетілген параграфтар мен тармақтардың нөмірлерін пайдалана және көрсете отырып берілуге тиіс. Тармақтың және тармақшаның әрбір мәселесіне толық жауап берілуге тиіс.
      Қандай да бір тармақ және/немесе тармақша бойынша дәл ақпарат ұсыну мүмкіндігі болмаған жағдайда, бағалау ақпаратын, оның бағалау болып табылатынын көрсете отырып, сондай-ақ оның көздері мен пайдаланылған бағалау әдістерін көрсете отырып, ұсыну қажет.

      31. Коммерциялық құпияны құрайтын ақпаратты өтініш беруші "коммерциялық құпия" деген міндетті белгі соға отырып ұсынады және жеке мұқабада жіберуі мүмкін, бірақ бұл кезде  өтінішті толық түрде қарауға арналған ақпарат (құжаттар) пакетіне міндетті түрде енгізілуге тиіс.

      32. Барлық талап етілетін деректер өтінішті беру жылы алдындағы қаржылық жыл, сондай-ақ  өтінішті берген жыл есепті кезең үшін ұсынылуға тиіс. Бұл ретте құжаттар мен ақпараттарды беру кезінде пайдаланылатын уақытша мерзімді көрсету керек.
      Жыл басынан бергі есепті кезең ішінде жасалған деректер болмаған жағдайда, барлық талап етілетін деректер өтінішті беру жылы алдындағы қаржылық жыл үшін ұсынылуға тиіс.
      Монополияға қарсы орган қажет болған жағдайда, құжаттар мен ақпараттар беру үшін едәуір ұзақ мерзім белгілей алады.
      Егер нарық субъектісі өтініш берілген жылдың алдындағы соңғы қаржы жылынан кем мерзім ішінде жұмыс істеген болса, тауарларды (жұмыстарды, қызметтер көрсетуді) өткізу көлемдерін есептеген кезде өтініш бергенге дейінгі, бірақ бір жылдан аспайтын уақыт ішінде алынған кіріс сомасы пайдаланылады.

5. Монополияға қарсы органдардың өтініштерді қарау
      нәтижелері

      33. Экономикалық шоғырлануға рұқсат беру туралы өтінішті қарау нәтижелері бойынша монополияға қарсы орган:
      1) экономикалық шоғырлануға рұқсат беру туралы;
      2) дәлелді қорытындысымен экономикалық шоғырлануға тыйым салу туралы шешімдердің бірін қабылдайды.

      34. Монополияға қарсы органның экономикалық шоғырлануға рұқсат беру туралы шешімі экономикалық шоғырлануға қатысушылардың бәсекеге теріс әсерін жоятын немесе жұмсартатын белгілі талаптар мен міндеттемелерді орындауымен байланыстырылуы мүмкін.

      35. Егер шешімде өзгеше белгіленбесе, экономикалық шоғырлану монополияға қарсы орган экономикалық шоғырлануға рұқсат беру туралы шешім қабылданған күннен бастап бір жыл ішінде жүзеге асырылуы тиіс. Егер экономикалық шоғырлану белгіленген мерзімде жүзеге асырылмаса, экономикалық шоғырлануға қатысушылар жаңа  өтініш береді.
      Монополияға қарсы органның шешімін орындауға арналған мерзім шешімде ескертілген мерзімнің соңғы күні өткенде аяқталады.
      Егер монополияға қарсы органның шешімінде аптамен (аймен) есептелетін мерзімдер ескертілсе, онда мұндай уақыт кезеңі шешімді алғаннан кейінгі келесі күні басталады және мерзімнің соңғы аптасында (айында) мерзім басталған аптаның сол күнінде аяқталады.
      Мерзімнің соңғы күні жұмыс істемейтін күнге келген жағдайда, мерзімнің аяқталу күні одан кейінгі келесі жұмыс күні болып есептеледі.

      36.  Өтініш берушіге шешім не шешімде қызметтік, коммерциялық немесе заңмен қорғалатын өзге де құпияны құрайтын мәліметтер болған жағдайда монополияға қарсы орган шешімінің үзінді көшірмесі жіберіледі.

      37. Монополияға қарсы органның шешімі өтініш берушіге тапсырғаны (алғаны) туралы хабарламамен жазбаша түрде жіберіледі, не алғаны туралы белгісімен қолына беріледі, не сенімхат бойынша өтініш беруші өкілінің қолына беріледі.

      38. Монополияға қарсы органның шешіміне шағымдану Заңда белгіленген тәртіппен жүзеге асырылады.

      39. Монополияға қарсы орган монополияға қарсы органның аумақтық бөлімшелерінің  өтініштерді қабылдамау, оның қолданылып жүрген заңдарды бұза отырып қабылдаған шешімдерін жоюға немесе оның берілген өкілеттіктері шектерін бұза отырып қабылдаған шешімдерін қабылдамайды.

      40. Монополияға қарсы орган өз бастамасы бойынша не мүдделі тұлғаның өтініші бойынша:
      1) елеулі мән-жайлар монополияға қарсы органға белгілі болмаған және белгілі болуы мүмкін болмаған, мұның өзі заңсыз немесе негізсіз шешімдер қабылдауға алып келген;
      2) шешім дәйексіз ақпарат негізінде қабылданып, бұл заңсыз немесе негізсіз шешім қабылдауға алып келген;
      3) экономикалық шоғырланудың қатысушылары талаптар мен міндеттемелерді орындамай, монополияға қарсы органның шешімі осыларға байланысты болған;
      4) экономикалық шоғырлануға рұқсат беру туралы шешім қабылдануға негіз болған мән-жайлар ендігі жерде болмаған жағдайларда өз шешімін (нұсқамасын) қайта қарауы мүмкін.
      Шешім қабылдаған монополияға қарсы орган шешімнің орындалуын оны қайта қарау аяқталғанға дейін тоқтата тұруы мүмкін, бұл туралы іске қатысушы тұлғаларға жазбаша хабарланады.

      41. Қайта қарау нәтижелері бойынша монополияға қарсы орган:
      1) шешімді өзгеріссіз қалдыруы;
      2) шешімді өзгертуі;
      3) шешімді жоюы;
      4) жаңа шешім қабылдауы мүмкін.

      42. Шешімді қайта қарау нәтижелері бойынша монополияға қарсы орган экономикалық шоғырлануға берілген рұқсаттың күшін жою туралы шешім қабылдаған жағдайда, экономикалық шоғырлану нәтижесінде құрылған нарық субъектісін мемлекеттік тіркеу монополияға қарсы органның талап қоюы бойынша сот тәртібімен жарамсыз деп танылады.

      43. Монополияға қарсы орган немесе оның тиісті аумақтық бөлімшесі бұрын қабылдаған шешімді өзгерте алатын қосымша ақпарат пен құжаттарды қарау үшін өтініш беруші Ереженің 3-тарауында белгіленген тәртіппен өтініш береді.

      44. Өздері қабылдаған монополияға қарсы органның аумақтық бөлімшелері шешімдері мен оған негіздемелердің көшірмелері монополияға қарсы органға тиісті шешім қабылдаған сәттен бастап он күн мерзім ішінде жіберіледі.

      45. Монополияға қарсы орган мен оның аумақтық бөлімшелері өтініш берген тұлғалар журналын жүргізеді.

6. Өтініштерді  қарауды тоқтату негіздері

      46. Өтініштерді қарау:
      1) өтініш берушілерден өтініштерін кері қайтарып алу туралы хабарлама түскен;
      2) егер ақпараттың болмауы өтінішті қарауға кедергі келтіретін болса, өтініш беруші мұндай ақпаратты монополияға қарсы орган белгілеген мерзімде бермеген;
      3) өтініш беруші дәйексіз ақпарат берген жағдайларда тоқтатылады.

      47. Өтінішті қарау тоқтатылғаннан кейін өтініш беруші монополияға қарсы органға жаңа өтініш беруге құқылы.

Монополияға қарсы органға       
экономикалық шоғырлануға рұқсат    
беру туралы өтініштерді беру және   
оларды қарау тәртібі туралы ережеге  
1-қосымша                

1-бөлім. Өтініш берушінің монополияға қарсы органға (аумақтық бөлімшеге) өтініштерді қарау үшін беретін ақпараты
мен құжаттарының тізбесі 1-тарау. Монополияға қарсы органға (аумақтық бөлімшеге)
тиісті тауар нарығындағы үлесі отыз бес пайыздан асатын нарық субъектісін құру туралы  өтінішті беру үшін қажетті құжаттардың тізбесі 1-параграф. Жалпы ақпарат

      1. Нарық субъектісін құру туралы шешім қабылдаған әрбір тұлға жөнінде мыналар:
      1) заңды тұлғаның ұйымдық-құқықтық нысаны көрсетілген атауы, заңды мекен-жайы, банкілік деректемелері, сондай-ақ басшының тегі, аты, әкесінің аты, телефонының, факсінің нөмірі;
      2) монополияға қарсы органның қызметкерлері байланыс жасай алатын тиісті байланыс жасаушы тұлғаның тегі, аты, мекен-жайы, телефоны, факсі, лауазымы;
      3) жеке тұлғалар үшін тегі, аты, әкесінің аты, тұратын жері, төлқұжаттың деректері (сериясы, нөмірі, кім және қашан бергені);
      4) мемлекеттік кәсіпорын, оның ішінде мемлекеттік кәсіпорынның еншілес кәсіпорнын құру кезінде мемлекеттің заңды тұлғасының қатысуымен уәкілетті мемлекеттік органның (жергілікті мемлекеттік басқару органның) кәсіпорынды құру туралы шешімінің жобасы (шешімнің көшірмесі);
      5) монополияға қарсы орган барлық хабарлар мен шешімдерді жібере алатын мекен-жайы көрсетіледі.
      Құрылтайшылардың қызметі мен олардың іскерлік операцияларының географиясында жоспарланған өзгерістерді қамти отырып, нарық субъектісін құру мақсаты қысқаша негізделеді. Құрылтайшылардың әрқайсысы бойынша құру жоспары және нарық субъектісін құру операциясын қамтамасыз ететін барлық құжаттардың, оның ішінде нарық субъектісін құру туралы шешімдерінің, шарттарының, келісімдерінің және басқа құжаттардың соңғы нұсқаларының көшірмелері ұсынылады.

      2. Нарық субъектісін құру туралы шешім қабылдайтын тұлғалардың уәкілетті өкілдері туралы жалпы ақпарат:
      1) егер бірлескен  өтініш жіберу кезінде ортақ өкіл тағайындалса, онда мыналар:
      өкілдің атауы (тегі, аты, әкесінің аты) және заңды мекен-жайы (тұратын жері) көрсетілуі қажет. Жеке тұлғалар үшін - төлқұжатының деректері (сериясы, нөмірі, кім және қашан бергені, азаматтығы) көрсетіледі. Заңды тұлғалар үшін -  басшының аты-жөні, телефонының, факсінің нөмірі;
      монополияға қарсы органның қызметкерлері байланыс жасай алатын өкілдің байланыс жасайтын тұлғасының телефонының, факсінің нөмірі;
      өкіл өкілеттіктерінің жазбаша растамасы - қолданылып жүрген заңдарға сәйкес, тиісті шешім қабылдаған сол заңды тұлғалардың уәкілетті лауазымды тұлғалары қол қойған және осы заңды тұлғалардың мөрлерімен расталған, ал жеке тұлғаның өкілі үшін - жеке тұлға қол қойған және нотариалды расталған сенімхаты немесе өзге құжаты көрсетіледі;
      2) егер ортақ өкілдің сенімгері болса, онда осы Қосымшаның 2-тармағының 1) тармақшасында талап етілген егжей-тегжейлер көрсетіледі;
      3) егер ортақ уәкілетті орган болмай, жекелеген тұлғалардың уәкілетті өкілдері болса, онда тиісті шешім қабылдаған тұлғаның әрбір өкілі бойынша осы Қосымшаның 2-тармағының 1) тармақшасында талап етіліп отырған егжей-тегжейлер көрсетіледі;

2-параграф. Құрылатын нарық субъектісі туралы ақпарат

      3. Мыналарды:
      1) бекітілген жарғыны;
      2) құрылтай шартты ұсынылады;
      3) тауар нарығына олардың географиялық бөлігінде нақты және құндық көріністе жеткізіліп берілетін тауарлардың (жұмыстардың,   қызметтердің) негізгі түрлерін  санамаланады (тұтынушы үшін құрылтайшылардың тауарлар (жұмыстар, қызметтер) түрлерімен қабаттас тауарларға (жұмыстарға, қызметтерге) ұқсас және өзара алмасатын түрлері ерекше аталсын);
      4) құрылтайшылардың әрқайсысы бойынша мыналар:
      нарық субъектісіне берілетін мүліктің құрамы мен тізбесі;
      берілетін мүліктің тағайындалуы (мүлік қандай тауарларды (жұмыстарды, қызметтерді) өндіруге арналған);
      мүлікті беру шарттары көрсетіледі.

3-параграф. Нарық субъектісіне қатысты ақпарат (мемлекеттік
органдар үшін толтырылмайды)

      4. Әрбір құрылтайшы бойынша (мемлекеттік органдардан басқа) мыналар ұсынылады:
      1) шетел қатысуымен кәсіпорын құру кезінде:
      жеке тұлғалар үшін төлқұжат деректері, азаматтығы жөнінде мәлімет, сондай-ақ жеке кәсіпкерлер үшін мемлекеттік тіркеу туралы куәлік; заңды тұлғалар үшін құрылтай құжаттарының және тіркеу туралы куәліктің көшірмелерін ұсынылады; егер құрылтайшы (қатысушы) шетелдік заңды тұлға болып табылса, онда құрылтай құжаттарының көшірмелері Қазақстан Республикасының нотариусымен расталады;
      2) шетелдік заңды тұлға үшін қосымша мыналарды:
      шетелдік инвестордың төлем қабілеттілігі туралы, оған қызмет көрсетуші банк немесе өзге несиелік-қаржылық мекеме берген құжатты;
      ол орналасқан елдің заңдарына сәйкес шыққан елінің сауда тізілімінен немесе оның заңды мәртебесінің балама дәлелдемесінен нотариалды түрде расталған және жария етілген үзінді көшірмені;
      егер шетелдік кәсіпорынның немесе шетел қатысатын кәсіпорынның Қазақстан Республикасында тіркелген филиалы (өкілдігі) болса филиалды (өкілдікті) есептік тіркеу туралы мәліметтер мен филиал (өкілдік) туралы ереженің көшірмесін;
      3) тауар нарығына жеткізіліп берілетін тауарлардың (жұмыстардың, қызметтердің) негізгі түрлерін;
      4) өндірістің, тауарларды Қазақстан Республикасына жеткізіп берудің (Қазақстан Республикасының жеткізілім көлемі жеткізілімнің жалпы көлемінің 20 пайызынан асатын субъектілерін бөле отырып) және тауарларды (жұмыстарды, қызметтерді) экспорттаудың мүмкіндігінше мемлекеттік статистика органдары белгілеген номенклатура (2-қосымшаның 1-нысаны бойынша) бойынша нақты және құндық көріністегі көлемдерін;
      5) Тізілімде тауарлардың (жұмыстардың, қызметтердің) атауын, тиісті үлес шамасын және жеткізіп беру географиясын көрсете отырып, болуы туралы мәліметтерді;
      6) жеке тұлғалар үшін төлқұжаттың деректері, азаматтығы жөнінде мәлімет, азаматтығын растайтын құжаттар; заңды тұлғалар үшін кәсіпорынды құру туралы меншік иесінің немесе уәкілетті органның шешімін;
      7) шетелдің қатысуынсыз кәсіпорын құру кезінде:
      заңды тұлғалар үшін құрылтайшы құжаттарының көшірмесі, тіркеу туралы куәліктің көшірмесі;
      жеке тұлғалар үшін төлқұжаттың деректері ұсынылуы қажет;
      8) активтердің баланстық құнын (шетелдік заңды тұлғалар үшін жалпы активтер) көрсетілуге тиіс; өтінішті берер алдындағы күнге соңғы бекітілген балансы ұсынылады;
      9) нарық субъектісінің тауар нарығына жеткізіп беретін тауарлардың (жұмыстардың, қызметтердің) негізгі түрлері атап көрсетіледі;
      10) егер шетел қатысқан кәсіпорынның немесе шетелдік заңды тұлғаның Қазақстан Республикасында филиалы (өкілдігі) болса, онда тауар нарығына филиал (өкілдік) жеткізіп беретін тауарлардың (жұмыстардың, қызметтердің) негізгі түрлерін қосымша атап көрсетеді;
      11) тауарларды (жұмыстарды, қызметтерді) өндірудің, Қазақстан Республикасына жеткізіп берудің және экспорттаудың мүмкіндігінше мемлекеттік статистика органдары белгілеген номенклатура (2-қосымшаның 1-нысаны бойынша) бойынша (Қазақстан Республикасының тауарларды (жұмыстарды, қызметтерді) жеткізіп беру көлемі 20 пайыздан асатын субъектілерін шығара отырып), нақты және құндық көріністегі көлемдері;
      12) егер шетел қатысқан кәсіпорынның немесе шетелдік заңды тұлғаның ҚР-да филиалы (өкілдігі) болса, онда осы тармақтың 10) тармақшасының 1-абзацында атап көрсетілген, филиал (өкілдік) жөніндегі ақпарат;
      13) тауарлар (жұмыстар, қызметтер) атауын көрсете отырып, тиісті үлес шамасы мен жеткізіп беру географиясының Тізілімде болуы туралы мәліметтер;
      14) бірлестіктің атқарушы органы, директорлар кеңесі (байқаушы кеңесі) мүшелерінің, сондай-ақ кез келген өзге коммерциялық ұйымның, оның атауын, ұйымдық-құқықтық нысанын, заңды мекен-жайын, тауар нарығына жеткізілетін тауарлардың (жұмыстардың, қызметтердің) негізгі түрлерін және басқару органдарындағы лауазымын көрсете отырып, оның атқарушы органы, директорлар кеңесі (байқаушы кеңесі) мүшелері болып табылатындардың лауазымы көрсетілген тізбесі;
      15) құрылатын нарық субъектісінің әрбір құрылтайшысы бойынша осы Ережеге 1-қосымшасының 2-тарауы 1-бөлімінің 33-тармағына сәйкес  деректер көрсетіледі.

2-тарау. Монополияға қарсы органға (аумақтық бөлімшеге) тиісті тауар нарығында үстем (монополиялық) жағдайға ие нарық субъектісін қайта ұйымдастыру (қосу, біріктіру, қайта құру) туралы өтініш беру үшін қажетті құжаттардың тізбесі 1-параграф. Өтініш беруші тұлғалар туралы жалпы ақпарат

      5. Қайта ұйымдастырылған нарық субъектілері бойынша осы Қосымшаның 1-тармағының 1), 2) тармақшаларына сәйкес деректер, сондай-ақ уәкілетті тұлғалардың немесе басқару органдарының заңды тұлғаларын қайта ұйымдастыру туралы шешімі көрсетіледі.
      Егер нарық субъектісін қайта ұйымдастыру туралы шешімді уәкілетті мемлекеттік органдар қабылдаса, онда нарық субъектісін қайта ұйымдастыру туралы уәкілетті мемлекеттік орган шешімінің жобасы, монополияға қарсы органның қызметкерлері байланыса алатын телефонның, факстың нөмірі ұсынылады.

      6. Нарық субъектісін қайта ұйымдастыру туралы шешім қабылдайтын тұлғалардың уәкілетті тұлғалары туралы жалпы ақпарат осы Қосымшаның 2-тармағы 1) - 4) тармақшаларының талаптарына сәйкес ұсынылады.

      7. Нарық субъектісін құрудың, құрылтайшылар қызметіндегі немесе олардың іскерлік операцияларының географиясындағы өзгерістердің мақсатын қысқаша негіздеу қажет.

      8. Өтініш берген кезде қайта ұйымдастыру жоспарын (әлеуетті ұсыныстар, ұсынымдар) ұсыну қажет және жаңадан пайда болған нарық субъектісінің қайта ұйымдастырылған нарық субъектісімен салыстыру жөніндегі қызметіне жоспарланған өзгерістер көрсетіледі.

      9. Мыналардан:
      жаңадан пайда болған нарық субъектісінің бекітілген жарғысынан және құрылтайшылар қол қойған құрылтай шартынан;
      2) жаңадан пайда болатын нарық субъектісі қызметінің негізгі түрлерінен;
      3) жаңадан пайда болатын нарық субъектісіне өткізілетін мүліктерінің құрамы мен тізбесін және мүліктерді өткізу шарттарынан;
      4) өткізу актісінің жобасына, қайта ұйымдастырылатын нарық субъектілерінің әрқайсысының өткізу актісінің жобасының қосымшасына сәйкес жаңадан құрылатын заңды тұлғаға өтетін  қайта ұйымдастырылатын барлық нарық субъектілерінің әрқайсысының құқықтары мен міндеттерінен тұратын қайта ұйымдастыру нәтижесінде жаңадан пайда болатын нарық субъектісі туралы ақпарат ұсынылады.

2-параграф. Қайта ұйымдастырылып отырған
нарық субъектілеріне қатысты ақпарат

      10. Қайта ұйымдастырылып отырған нарық субъектілерінің әрқайсысы бойынша мыналар:
      1) құрылтай құжаттардың (жарғы, құрылтай шарты), тіркеу туралы куәліктің көшірмесі;
      2) өтініш берер алдындағы күнге берілген соңғы бекітілген баланстың көшірмесі;
      3) тауар нарығына жеткізіп берілетін тауарлардың (жұмыстардың, қызметтердің) негізгі түрлері (атап көрсету);
      4) Қазақстан Республикасына тауарларды (жұмыстарды, қызмет көрсетулерді) жеткізіп берудің, өндірістің (тауарларды, жұмыстарды, қызмет көрсетулерді) жеткізіп беру көлемі 20 пайыздан асатын Қазақстан Республикасы субъектілерін шығара отырып) нақты және құндық көріністегі (мүмкіндігінше мемлекеттік статистика органдары белгілеген номенклатура бойынша) тауарлардың (жұмыстардың, қызметтердің) (N 1 нысан бойынша) 2-қосымша экспортының көлемі;
      5) тауарлардың атауы, жеткізілімнің тиісті үлесінің шамасы мен географиясы көрсетіле отырып, Тізілімде болу туралы мәлімет ұсынылады немесе көрсетіледі.

      11. Қайта ұйымдастырылып отырған нарық субъектісі қатысатын әрбір нарық субъектісі бойынша мыналар:
      1) нарық субъектісінің жарғылық (қоймалық) капиталын құрайтын акцияға (салымдарға, қатысу үлестеріне) келетін дауыстардың жалпы санының 5 пайыздан астамына билік ету құқығын алған қайта ұйымдастырылып отырған нарық субъектісі нарық субъектілерінің тауар нарығына (санамалау) жеткізіп берілетін тауарлардың (жұмыстардың, қызметтердің) атауын (ұйымдық-құқықтық нысанын көрсете отырып), орналасқан жері (заңды мекен-жайы) және негізгі түрлері;
      2) қайта ұйымдастырылып отырған нарық субъектісі (акционер; акцияларды тұрақты ұстаушы; акционерлердің Тізілімінде тіркелген акционердің немесе акцияларды тұрақты ұстаушының уәкілетті өкілі; салық ұстаушы; үлесші; салымшы және т.б.) қай реттерде бой көрсететіні;
      3) нарық субъектісінің жарғылық капиталының шамасы;
      сатып алушы билік ететін акцияларға (қатысу үлестеріне, пайларға) келетін дауыстардың, оның ішінде нарық субъектісінің жарғылық капиталын құрайтын акцияларға (салымдарға, қатысу үлестеріне) келетін дауыстардың жалпы санының пайыздағы саны;
      4) акциялардың тұрпаттары (қарапайым немесе басымдықты) және олардың атаулы құны көрсетіледі;
      5) өкілеттіктерді растайтын құжаттардың көшірмесі қоса тіркеледі.

      12. Қайта ұйымдастырылып отырған нарық субъектісінің әрқайсысы бойынша кез келген өзге нарық субъектісінің атқарушы органы, директорлар кеңесі (байқаушы кеңес) мүшелері болып табылатын лауазымды көрсете отырып, оның атауы, ұйымдық-құқықтық нысаны, заңды мекен-жайы, тауар нарықтарына жеткізіп берілетін тауарлардың (жұмыстардың, қызметтердің) негізгі түрлері және басқару органдарындағы атқаратын қызметін көрсете отырып, қайта ұйымдастырып отырған нарық субъектісінің атқарушы органы, директорлар кеңесі (байқаушы кеңес) мүшелерінің тізбесі көрсетіледі.

3-параграф. Тұлғалар тобы

      13. Қайта ұйымдастырылып отырған нарық субъектілерінің әрқайсысы бойынша нарық субъектілері көрсеткен тұлғалардың сол бір тобына жататын барлық тұлғалардың тізбесі көрсетілуге тиіс. Сондай-ақ нарық субъектісінің тікелей немесе жанама бақылайтын (бақылаған) барлық заңды және/немесе жеке тұлғалары атап көрсетіледі. Олардың әрқайсысы бойынша:
      1) ұйымдық-құқықтық нысаны (тегі, аты, әкесінің аты) көрсетілген атауы;
      2) заңды мекен-жайы (тұрғылықты жері);
      3) тауар нарығына (санамалау) жеткізіп берілетін тауарлардың (жұмыстардың, қызметтердің) негізгі түрлері;
      4) жүзеге асырылатын бақылау (тікелей, жанама) нысаны;
      5) тікелей бақылауға алынған заңды тұлғаны және оны бақылау тәсілін (бақылау жүзеге асырылатын (асырылған) құқық немесе өкілдік), оның ішінде:
      заңды тұлғаның акцияларына (салымдарына, қатысу үлестеріне) келетін дауыстардың жалпы санының 25 пайыздан астамына бақылаушы тұлға билік ететін акцияларға (қатысу үлестеріне, пайларға) келетін дауыстардың нақты, оның ішінде жарғылық капиталды құрайтын дауыстардың жалпы санының пайыздағы санын және билік етудің түрін (жекеменшік, тұрақты ұстаушы, уәкілетті өкіл және т.б.) көрсете отырып, билік етуі;
      бақыланатын тұлғаның кәсіпкерлік қызмет жүргізу шартын, атап айтқанда, қызметтің қандай шарттарының және қандай құқығының (шартының) негізінде екенін көрсете отырып, айқындау құқығы;
      органды және пайыздық құрамның шамасын көрсете отырып, бақыланатын тұлғаның атқарушы органы және/немесе директорлар кеңесі (байқаушы кеңесі) құрамының 25 пайызынан астамын тағайындау құқығы көрсетіледі.

      14. Осы Қосымшаның 13-тармағында атап көрсетілген әрбір тұлға жөнінде олар тікелей немесе жанама бақылайтын тұлғалардың (осы Қосымшаның 13-тармағында тікелей көрсетілген тұлғаларды қоспағанда), тізбесі осы Қосымшаның 14-тармағы 1) - 4) тармақшаларының талаптарына сәйкес деректерді көрсете отырып, көрсетіледі.
      Егер бақылау тікелей болса, нарық субъектісінің тарапынан бақылауды жүзеге асыратын тәсілдер (бақылауды жүзеге асыратын құқық немесе өкілеттік) көрсетіледі. Егер бақылау жанама болса, онда тікелей бақылауды жүзеге асырушы тұлға және жүзеге асырылатын бақылаудың тәсілдері көрсетіледі.

      15. Нарық субъектісі тікелей немесе жанама бақылайтын (бақыланған) барлық заңды тұлғалар, олардың әрқайсысы бойынша осы Қосымшаның 14-тармағы 1) - 5) тармақшаларының талаптарына сәйкес деректерді көрсете отырып, атап көрсетіледі.
      Егер бақылау тікелей болса, нарық субъектісінің тарапынан бақылауды жүзеге асыратын тәсілдер (осы Қосымшаның 13-тармағында көрсетілген егжей-тегжейлер арқылы бақылауды жүзеге асыратын құқық немесе өкілеттік) көрсетіледі. Егер бақылау жанама болса, тікелей бақылауды жүзеге асырушы тұлға және осы Қосымшаның 13-тармағында көрсетілген егжей-тегжейлермен жүзеге асырылған бақылау тәсілдері көрсетіледі.

3-тарау. Монополияға қарсы органға (аумақтық бөлімшеге) нарық субъектісінің жарғылық капиталындағы дауыс құқығын беретін акцияларды (қатысу үлестерді, пайларды) сатып алу туралы өтініш беру үшін қажетті құжаттардың тізбесі 1-параграф. Сатып алушы туралы жалпы ақпарат

      16. Дауыс құқығы берілген нарық субъектісінің акцияларын (қатысу үлестерін, пайларын) сатып алуға ниеттенген, яғни оның ішінде осы акциялардағы (қатысу үлестеріндегі, пайлардағы) көрініс тапқан дауыс құқығын сенім басқармасының сатып алу-сату шартының, тапсырмалардың немесе өзге мәмілелердің (бұдан әрі - сатып алушы) негізінде іске асыруды бірлесе жүзеге асыру мүмкіндігін алуға ниеттенген әрбір тұлға бойынша осы Қосымшаның 1-тармағының 1), 2) тармақшаларына сәйкес деректер, сондай-ақ жеке тұлға үшін - төлқұжатының деректері (сериясын, нөмірін, кім бергенін), азаматтығы туралы мәліметтер көрсетіледі немесе ұсынылады.

2-параграф. Сатып алушының (сатып алушылардың)
уәкілетті өкілдері туралы жалпы ақпарат

      17. Мынадай көрсеткіштерді: сатып алушының балансы бойынша активтер құнының, тұлғалардың сол бір тобына және сатып алушы да жататын барлық заңды тұлғалардың баланстары бойынша активтер құнының және жарғылық капиталындағы дауыс беру акциялары (қатысу үлестері, пайлары) сатып алынатын нарық субъектісінің (оның тікелей және жанама бақылауындағы нарық субъектілерін қоса алғанда) балансы бойынша активтер құнының сомасын құрайтын шама немесе соңғы қаржы жылындағы тауарларды таратудың жиынтық көлемі қандай интервалда:
      айлық есептік көрсеткіштің 1 500 000 еседен 1 700 000 есеге дейінгі мөлшері;
      айлық есептік көрсеткіштің 1 700 000 еседен астам.
      Егер өтініш жіберген кезде ортақ өкіл тағайындалса, онда осы Қосымшаның 2-тармағының 1) - 4) тармақшаларына сәйкес деректер көрсетіледі.

3-параграф. Болжанып отырған мәміле туралы ақпарат

      18. Жасалып отырған мәмілелердің мақсаты, сатып алушының қызметіндегі немесе оның іскерлік операцияларының географиясындағы жоспарланған өзгерістері қоса көрсетіледі.

      19. Мәмілелердің (акцияларды (қатысу үлестерін, пайларды) сатып алу-сату шартының) заңды нысаны, (оның ішінде конкурс бойынша, аукционда немесе өзге тәсілмен (қандайымен екенін нақты көрсетіңіз); сенім басқармасының шарты; тапсырма шарты; кепілдік шарты; акцияларда (қатысу үлестерінде, пайларда) көрініс тапқан дауыс беру құқықтарын алуға байланысты өзге шарттық нысаны (нақты нысаны) көрсетіледі.

      20. Сатып алынатын дауыс құқығын беретін акциялар (қатысу үлестері, пайлар) бойынша:
      1) акциялардың (қатысу үлестерінің, пайлардың) саны мен олардың атаулы құны;
      2) нарық субъектісінің жарғылық капиталындағы дауыс құқығын беретін акциялардың (қатысу үлестерінің, пайлардың) жалпы санындағы пайыздық үлесін;
      3) акциялары (қатысу үлестерін, пайлары) сатып алынатын нарық субъектісінің жарғылық капиталындағы пайыздық үлесі;
      4) сатып алынатын акциялар (қатысу үлестері, пайлар) бойынша дауыс беру құқығы бар (ақпарат сатып алынатын акциялардың әрбір тұрпаты бойынша жеке беріледі) дауысқа қойылатын мәселелердің тізбесі көрсетіледі.

      21. Егер акциялар (қатысу үлестері, пайлар) дауыс беру құқығынсыз бір мезгілде сатып алынатын (сатып алынған) болса:
      1) акциялардың (қатысу үлестерінің, пайлардың) саны мен олардың атаулы құны;
      2) нарық субъектісінің жарғылық капиталында дауыс құқығынсыз акциялардың (қатысу үлестерінің) жалпы санындағы пайыздық үлесін және акциялары (қатысу үлестері, пайлары) сатып алынатын нарық субъектісінің жарғылық капиталындағы пайыздық үлесі;
      3) дауыс беру құқығынсыз сатып алынатын барлық акциялардың (қатысу үлестерінің, пайлардың) акциялары (қатысу үлестері, пайлары) сатып алынатын нарық субъектісінің жарғылық капиталындағы құны;
      4) дауыс беретін акциялардағы (үлестердегі) акцияларды (қатысу үлестерін, пайларды) дауыс беру құқығынсыз айырбастау мүмкіндігі көрсетіледі.

      22. Осы мәмілеге қатысты шарт жобасының соңғы нұсқасы ұсынылады.

      23. Нарық субъектісіне қатысты мәміле жасалғанға дейін акциялары (қатысу үлестері, пайлары) сатып алынатын сатып алушыда бар құқықтардың көлемі, оның ішінде:
      1) нарық субъектісінің акцияларында (қатысу үлестерінде, пайларында) көрініс тапқан дауыстарға билік ететін бар құқықтар арқылы, бұл ретте:
      мәміле жасалғанға дейін сатып алынған дауыс құқығын беретін акциялардың (қатысу үлестерінің, пайлардың) саны, атаулы құны, сондай-ақ нарық субъектісінің жарғылық капиталындағы дауыс құқығын беретін акциялардың (қатысу үлестерінің, пайлардың) жалпы санындағы пайыздық үлесі және олардың нарық субъектісінің жарғылық капиталындағы пайыздық үлесі;
      мәміле жасалғанға дейін акциялары (қатысу үлестері, пайлары) сатып алынатын нарық субъектісінің жарғылық капиталындағы барлық сатып алынған дауыс құқығын беретін акциялардың (қатысу үлестерінің, пайлардың) құны;
      акцияларда (қатысу үлестерінде, пайларда) көрініс тапқан, бұрын сатып алынған дауыс беру құқықтарының көлемі көрсетіледі; сізде нарық субъектісі қызметінің қандай мәселелері бойынша дауыс беру құқығы бар, акцияларда (қатысу үлестерінде, пайларда) көрініс тапқан дауыстарға билік ете отырып, әлеуетті түрде сайлай алатын осы органдардың сандық құрамына пайыздық қатынастағы директорлар кеңесі (байқаушы кеңес), нарық субъектісінің атқарушы органы мүшелерінің саны көрсетіледі;
      мәміле жасалғанға дейінгі дауыс беру құқығынсыз қолда бар акциялардың (қатысу үлестерінің) саны мен олардың нарық субъектісінің жарғылық капиталындағы пайыздық үлесі көрсетіледі. Дауыс беретін акциялардағы (қатысу үлестеріндегі) акцияларды (қатысу үлестерін, пайларды) дауыс беру құқығынсыз айырбастау мүмкіндігі көрсетіледі.
      2) өзге тәсілдермен алынған құқықтар арқылы нарық субъектісін, оның кәсіпкерлік қызметін жүргізу шартын айқындау үшін, бұл ретте:
      жасалған шарт негізінде: шарттың көшірмесін қоса тіркеу қажет, нарық субъектісі қабылдаған дәл қандай шешімді акцияларды (қатысу үлестерін, пайларды) сатып алушы айқындайтынын түсіндіру қажет;
      нарық субъектісі атқарушы органының өкілдіктер алу негізінде: шарттың көшірмесін қоса тіркеу қажет.

      24. Мәміле жасалғаннан кейін, акциялары (қатысу үлестері, пайлары) сатып алынатын нарық субъектісіне қатысты сатып алушы алатын құқықтардың көлемін, оның ішінде:
      1) сатып алушы мәміле жасалғаннан кейін дауыстарына билік ететін нарық субъектісінің акцияларының (қатысу үлестерінің, пайларының) саны мен атаулы құны, сондай-ақ олардың нарық субъектісінің жарғылық капиталындағы дауыс құқығын беретін акцияларының (қатысу үлестерінің, пайларының) жалпы санындағы пайыздық үлесін және нарық субъектісінің жарғылық капиталындағы пайыздық үлесін;
      2) нарық субъектісінің директорлар кеңесі (байқаушы кеңесі), атқарушы органы мүшелерінің акциялар (қатысу үлестері) сатып алынғаннан кейінгі оларда көрініс тапқан дауыстарға билік ете отырып, өзіңіз сайлай алатын осы органдардың сандық құрамына пайыздық арақатынастағы санын сипаттау қажет.

      25. Акцияларда (қатысу үлестерінде, пайларда) көрініс тапқан дауыс құқығын беретін тұлғалардың ұйымдық-құқықтық нысаны (тегі, аты, әкесінің аты), заңды мекен-жайы (тұрғылықты жері) көрсетілген атауын көрсету қажет.

4-параграф. Дауыс құқығын беретін акцияларды (үлестерді, пайларды) сатып алушы туралы ақпарат

      26. Дауыс құқығын беретін акцияларды (үлестерді, пайларды) сатып алушы бойынша мынадай деректерді:
      1) жеке тұлғалар үшін төлқұжат деректері, азаматтығы жөнінде мәлімет, сондай-ақ жеке кәсіпкерлер үшін мемлекеттік тіркеу туралы куәлік; заңды тұлғалар үшін құрылтай құжаттарының және тіркеу туралы куәліктің көшірмелерін; егер құрылтайшы (қатысушы) шетелдік заңды тұлға болып табылса, онда құрылтай құжаттарының көшірмелері Қазақстан Республикасының нотариусымен расталады;
      2) шетелдік заңды тұлға үшін қосымша мыналарды:
      шетелдік инвестордың төлем қабілеттілігі туралы, оған қызмет көрсетуші банк немесе өзге несиелік-қаржылық мекеме берген құжатты;
      ол орналасқан елдің заңдарына сәйкес шыққан елінің сауда тізілімінен немесе оның заңды мәртебесінің балама дәлелдемесінен нотариалды түрде расталған және жария етілген үзінді көшірмені;
      егер шетелдік кәсіпорынның немесе шетел қатысатын кәсіпорынның Қазақстан Республикасында тіркелген филиалы (өкілдігі) болса - филиалды (өкілдікті) есептік тіркеу туралы мәліметтер мен филиал (өкілдік) туралы ереженің көшірмесі;
      3) тауар нарығына жеткізіліп берілетін тауарлардың (жұмыстардың, қызметтердің) негізгі түрлері;
      4) өндірістің, тауарларды Қазақстан Республикасына жеткізіп берудің (Қазақстан Республикасының жеткізілім көлемі жеткізілімнің жалпы көлемінің 20 пайызынан асатын субъектілерін бөле отырып) және тауарларды (жұмыстарды, қызметтерді) экспорттаудың мүмкіндігінше мемлекеттік статистика органдары белгілеген номенклатура (2-қосымшаның 1-нысаны бойынша) бойынша нақты және құндық көріністегі көлемдері;
      5) Тізілімде тауарлардың атауын, тиісті үлес шамасын және жеткізіп беру географиясын көрсете отырып, болуы туралы мәліметтер ұсынылады немесе көрсетіледі.

      27. Активтердің баланстық құны ұсынылады. Шетелдік заңды тұлғалар үшін - жалпы активтер ұсынылады.
      Өтініш берер алдындағы күнгі соңғы бекітілген балансты қоса тіркеу қажет.

      28. Егер шетел қатысатын кәсіпорын - сатып алушының немесе шетелдік заңды тұлға-сатып алушының Қазақстан Республикасында филиалы (өкілдігі) бар болса, онда тауар нарығына филиал (өкілдік) жеткізіп беретін тауарларының (жұмыстарының, қызметтерінің) негізгі түрлерін қосымша санап шығыңыз.

      29. Егер шетел қатысатын кәсіпорынның немесе шетелдік заңды тұлғаның Қазақстан Республикасында филиалы (өкілдігі) бар болса, онда осы Қосымшаның 26-тармағының 4) тармақшасында санамаланған филиал (өкілдік) жөніндегі ақпарат қосымша ұсынылады.

      30. Акцияларды (қатысу үлестерін, пайларды) сатып алушының өзге нарық субъектілеріне қатысуы туралы мәліметтер (оның ішінде құрылтайшы ретінде):
      1) егер сатып алушы мемлекеттік кәсіпорын болып табылса, олар құрған еншілес барлық кәсіпорынды, атауын, ұйымдық-құқықтық нысанын, заңды мекен-жайын және тауар нарығына жеткізіп берілген тауарлардың (жұмыстардың, қызметтердің) негізгі түрлерін көрсете отырып, санап шығыңыз;
      2) сатып алушы қатысатын әрбір нарық субъектісі жөнінде:
      атауын (ұйымдық-құқықтық нысанын көрсете отырып), орналасқан жерін (заңды мекен-жайын), сол бір нарық субъектісінің тауар нарығына жеткізіп берілген тауарлардың (жұмыстардың, қызметтердің) негізгі түрлерін көрсету қажет, сатып алушы:
      нарық субъектісінің жарғылық капиталын құрайтын акцияларға (пайларға, қатысу үлестеріне) келетін жалпы дауыс санының 5 пайыздан астамына билік ету құқығын алды ма, соны көрсету қажет, оның ішінде:
      сатып алушы қай ретте бой көрсететінін (акционер; акцияларды тұрақты ұстаушы; акционердің немесе акционерлердің тізілімінде тіркелген акцияларды тұрақты ұстаушысының уәкілетті өкілі; салық ұстаушы; үлесші; салымшы және т.б.);
      нарық субъектісінің жарғылық капиталының шамасы;
      сатып алушы билік ететін акцияларға (пайларға, қатысу үлестеріне) келетін дауыс санын, оның ішінде нарық субъектісінің жарғылық капиталын құрайтын акцияларға (пайларға, қатысу үлестеріне) келетін жалпы дауыстың пайыздағы саны;
      акциялардың тұрпаттары (қарапайым немесе басымдықты) және олардың атаулы құны көрсетіледі.

      31. Кез келген өзге нарық субъектісінің атқарушы органның, директорлар кеңесінің (байқаушы кеңесінің) оның атауы, ұйымдық-құқықтық нысаны, заңды мекен-жайы, тауар нарықтарына жеткізіп берілетін тауарлардың (жұмыстардың, қызметтердің) негізгі түрлері көрсетілген мүшелері болып табылатын сатып алушының лауазымы көрсетілген атқарушы органы, директорлар кеңесі (байқаушы кеңесі) мүшелерінің тізбесі және атқаратын қызметі көрсетіледі.

      32. Егер сатып алушы жеке тұлға болып табылса, онда өзіңіз кіретін басқару органының (атқарушы органның, директорлар кеңесінің (байқаушы кеңесінің) тауар нарықтарына жеткізіп берілетін тауарлардың (жұмыстардың, қызметтердің атауын, ұйымдық-құқықтық нысанын, заңды мекен-жайын, негізгі түрлерін көрсете отырып), атқаратын қызметі көрсетілген барлық нарық субъектілерін санап шығыңыз.

5-параграф. Тұлғалардың сол бір тобына сатып алушы да жататын
тұлғалар туралы ақпарат

      33. Тұлғалардың сол бір тобына сатып алушы да жататын барлық тұлғалардың тізбесі көрсетіледі:
      1) сатып алушыны тікелей және жанама бақылайтын барлық заңды және/немесе жеке тұлғалар, олардың әрқайсысы бойынша:
      ұйымдық-құқықтық нысанын көрсетілген атауы (тегі, аты, әкесінің аты);
      заңды мекен-жайы (тұрғылықты жерін);
      тауар нарығына жеткізіп берілетін тауарлардың (жұмыстардың, қызметтердің) негізгі түрлері (санап шығу);
      бақылау нысаны (тікелей, жанама);
      тікелей бақылауда жүрген заңды тұлғаны және оның бақылау тәсілін (бақылауды жүзеге асыратын құқық немесе өкілеттік), оның ішінде:
      заңды тұлғаның акцияларына (қатысу үлестеріне, пайларына) келетін дауыстардың жалпы санының 25 пайыздан астамына бақылаушы тұлға билік ететін акцияларға (қатысу үлестерге, пайларға) келетін дауыстардың нақты саны, оның ішінде жарғылық капиталды құрайтын дауыстардың жалпы пайыздағы саны және билік ету (жекеменшік, тұрақты ұстаушы, уәкілетті орган және т.б.) түрі көрсетілген билік етуі;
      бақыланып отырған тұлғаның кәсіпкерлік қызметін, атап айтқанда, қызметтің қандай талаптарының және қандай шарттардың (шешімдердің) негізінде екенін көрсете отырып, жүргізу шартын айқындау құқығы;
      бақыланып отырған тұлғаның атқарушы органы және (немесе) директорлар кеңесі (байқаушы кеңесі) құрамының 25 пайыздан астамын органды және пайыздық құрамның шамасын көрсете отырып, тағайындау құқығы көрсетіледі;
      2) осы Қосымшаның 33-тармағының 1) тармақшасында санамаланған тұлғаның әрқайсысы бойынша, олар тікелей немесе жанама бақылайтын тұлғалардың (осы Қосымшаның 33-тармағының 1) тармақшасында тікелей көрсетілген тұлғаларды қоспағанда) тізбесі және мыналар:
      атауы;
      ұйымдық-құқықтық нысаны;
      заңды мекен-жайы;
      тауар нарықтарына жеткізіп берілетін тауарлардың (жұмыстардың, қызметтердің) негізгі түрлері (санап шығу);
      жүзеге асырылып отырған бақылау (тікелей немесе жанама) нысанын көрсете отырып, көрсетіледі.
      Егер бақылау тікелей жасалса, жүзеге асырылып отырған бақылау тәсілдерін (бақылау жүзеге асырылатын құқықты немесе өкілдікті) көрсету қажет.
      Егер бақылау жанама жасалса, онда тікелей бақылауды жүзеге асыратын тұлғаны және жүзеге асырылып отырған бақылау тәсілдерін;
      3) сатып алушы тікелей немесе жанама бақылайтын барлық заңды тұлғаларды көрсету қажет.
      Олардың әрқайсысы бойынша:
      атауын;
      ұйымдық-құқықтық нысанын;
      заңды мекен-жайын;
      тауар нарықтарына жеткізіп берілетін тауарлардың (жұмыстардың, қызметтердің) негізгі түрлерін (санап шығу);
      жүзеге асырылып отырған бақылау (тікелей немесе жанама) нысанын көрсету қажет.
      Егер бақылау тікелей жасалса, сатып алушы тарапынан жүзеге асырылып отырған бақылау тәсілдерін (осы Қосымшаның 33-тармағының 1) тармақшасында көрсетілген егжей-тегжейлермен жүзеге асырылатын құқықты немесе өкілдікті) көрсету қажет.
      Егер бақылау жанама жасалса, онда тікелей бақылауды жүзеге асыратын тұлғаны және осы Қосымшаның 33-тармағының 1) тармақшасында көрсетілген егжей-тегжейлермен жүзеге асырылып отырған бақылау тәсілдерін көрсету қажет.

      34. Осы Қосымшаның 33-тармағының 1), 2) және 3) тармақшаларында санамаланған тұлғалар тізбесінің ішінен акциялары (пайлары, қатысу үлестері) сатып алынатын сол нарық субъектісінің акцияларына (пайларына, қатысу үлестеріне) келетін дауыстармен  қолдаухат берген сәтте билік ететіндерін атаңыз.
      Олардың әрқайсысы бойынша дауыстардың санын, оның ішінде нарық субъектісінің жарғылық капиталын құрайтын акцияларға (пайларға, қатысу үлестеріне) келетін жалпы дауыстар санының пайызын көрсету қажет.

      35. Осы Қосымшаның 33-тармағының 1), 2) және 3) тармақшаларында санамаланған тұлғалар тізбесінің ішінен Тізілімге енгізілгендерін атау қажет.

      36. Сол бір жеке тұлғалармен бірлесіп басқа нарық субъектісінің атқарушы органы, директорлар кеңесі (байқаушы кеңесі) құрамының 25 пайыздан астамын білдіретін сатып алушының атқарушы органының, директорлар кеңесінің (байқаушы кеңесінің) мүшелерін санап шығыңыз. Олардың әрқайсысы бойынша:
      тегін, атын, әкесінің атын;
      нарық субъектісінің басқару органындағы атқаратын қызметін;
      басқару органына кіретін басқа нарық субъектісінің атауын, ұйымдық-құқықтық нысанын және заңды мекен-жайын, сондай-ақ атқаратын қызметін көрсету қажет.

      37. Егер сатып алушы жеке тұлға болса, онда:
      сіз сол бір жеке тұлғалармен бірлесіп, тиісті басқару органы құрамының 25 пайыздан астамын білдіре отырып, кіретін басқару органындағы (атқарушы органдағы), директорлар кеңесіндегі (байқаушы кеңестегі) нарық субъектісінің атауын, заңды мекен-жайын, ұйымдық-құқықтық нысанын;
      әрбір осындай нарық субъектісінің басқару органындағы атқаратын қызметін көрсету қажет.
      Осы тарауда көрсетілген ақпарат сатып алушымен тұлғалардың бір тобына жататын тұлғалардың өзара байланысын көрсететін шежіре түріндегі сызбалармен безендірілуі мүмкін.

6-параграф. Дауыс құқығын беретін акциялары (қатысу үлестері) сатып алынатын нарық субъектісі туралы ақпарат

      38. Нарық субъектісі бойынша:
      1) жарғының және құрылтай шарттың көшірмесі;
      2) жарғылық капиталдың шамасы;
      3) активтердің баланстық құны, өтініш берер алдындағы күнге соңғы бекітілген балансты қоса тіркеле отырып;
      4) тауар нарығына (санап шығу) жеткізіп берілген тауарлардың (жұмыстардың, қызметтердің) негізгі түрлері;
      5) Қазақстан Республикасына тауарларды (жұмыстарды, қызмет көрсетулерді) жеткізіп берудің, өндірістің (тауарларды (жұмыстарды, қызметтерді) жеткізіп беру көлемі 20 пайыздан асатын Қазақстан Республикасы субъектілерін бөле отырып) және мүмкіндігінше мемлекеттік статистика органдары белгілеген номенклатура бойынша нақты және құндық көріністегі тауарлардың (жұмыстардың, қызметтердің) экспортының көлемі;
      6) тізілімнің бөлімі, тауарлардың атауы, тиісті үлестің шамасы көрсетілген Тізілімнің республикалық немесе аумақтық бөлімдерінде бар болғаны туралы мәліметтер;
      7) тұлғалардың сол бір тобына акциялары (үлестері, пайлары) сатып алынатын  нарық субъектісі де жататын тұлғалар туралы мәліметтер ұсынылады немесе көрсетіледі; бұл ретте мыналар:
      нарық субъектісінің тікелей немесе жанама бақылайтын барлық заңды және/немесе жеке тұлғалары;
      олардың әрқайсысы бойынша осы Қосымшаның 33-тармағының 1) тармақшасында талап етілетін егжей-тегжейлер көрсетіледі.

      39. Осы Қосымшаның 38-тармағының 7) тармақшасында санамаланған әрбір тұлға бойынша, олар тікелей және жанама бақылайтын тұлғалардың (осы Қосымшаның 38-тармағының 7) тармақшасының өзінде екінші санамаланған сол тұлғаларды қоспағанда, осы Қосымшаның 33-тармағының 2) тармақшасында талап етілген егжей-тегжейлерді көрсете отырып) тізбесі көрсетіледі.
      Осы Қосымшаның 33-тармағының 3) тармақшасында талап етілген егжей-тегжейлерді көрсете отырып, нарық субъектісі тікелей және жанама бақылайтын барлық заңды тұлғалар көрсетіледі.
      Осы тарауда көрсетілген ақпарат нарық субъектісімен тұлғалардың бір тобына жататын тұлғалардың өзара байланысын көрсететін шежіре түріндегі сызбалармен безендірілуі мүмкін.

4-тарау. Монополияға қарсы органға (аумақтық бөлімшеге) шаруашылық жүргізуші нарық субъектінің негізгі өндірістік құрал-жабдықтарын немесе материалдық емес активтерін меншікке немесе пайдалануға алу туралы өтініштер беру үшін қажетті құжаттардың тізбесі 1-параграф. Алушы туралы жалпы ақпарат

      40. Нарық субъектісінің (бұдан әрі - алушы) негізгі өндірістік құрал-жабдықтарын немесе материалдық емес активтерін меншікке немесе пайдалануға алуға ниеттенген  (бірнеше тұлғаларға - тұлғалардың бір тобындағы қатысушыларға) нарық субъектісі бойынша:
      1) ұйымдық-құқықтық нысаны (тегі, аты, әкесінің аты) және заңды мекен-жайы (тұрғылықты жері) көрсетілген атауы;
      жеке тұлғалар үшін - төлқұжатының деректері (сериясын, нөмірін, кім бергенін);
      заңды тұлғалар үшін - банк деректемелері мен басшының тегі, аты, әкесінің аты, телефонының, факсінің нөмірі;
      2) монополияға қарсы органдардың қызметкерлері байланыс жасай алатын тиісті байланыстағы тұлғаның лауазымын көрсете отырып, тегі, аты, әкесінің аты, телефоны, факсі;
      3) мынадай көрсеткіштерді: сатып алушының балансы бойынша активтердің құнын, тұлғалардың сол бір тобына және сатып алушы да жататын барлық заңды тұлғалардың баланстары бойынша активтердің құны мен сатып алынатын жарғылық капиталындағы дауыс беру акцияларын (пайларын, қатысу үлестерін) нарық субъектісінің балансы бойынша активтердің құны немесе соңғы қаржы жылындағы тауарларды таратудың жиынтық көлемі қандай интервалда:
      айлық есептік көрсеткіштердің 1 500 000 еседен 1 700 000 есеге дейінгі мөлшері;
      айлық есептік көрсеткіштердің 1 700 000 еседен астам мөлшерде екендігі көрсетіледі немесе ұсынылады.

      41. Алушының (алушылардың) уәкілетті өкілдері туралы жалпы ақпарат:
      1) егер  қолдаухатты жіберген кезде ортақ өкіл тағайындалса, онда осы Қосымшаның 2-тармағының 1) - 4) тармақшаларында көзделген деректер көрсетіледі.

      42.

2-параграф. Болжанып отырған мәміле туралы ақпарат

      43. Жасалып отырған мәмілелердің мақсатын, сатып алушының қызметіндегі немесе оның іскерлік операцияларының географиясындағы жоспарланған өзгерістерді қоса көрсетіңіз.

      44. Мүлікті меншікке немесе пайдалануға алу жөнінде мәмілелердің заңды нысаны: (сатып алу-сату шартын, оның ішінде конкурс бойынша, аукционға арналған немесе басқа тәсілмен (қандайымен екенін нақты көрсету қажет); жалдау шарты, мүлікті меншікке немесе пайдалануға алудың лизингісі немесе өзге нысаны (нақты нысанын) көрсетіледі.

      45. Меншікке немесе пайдалануға алынатын негізгі өндірістік құрал-жабдықтардың немесе материалдық емес активтердің баланстық құны:
      1) барлығы;
      2) мүлкі меншікке немесе пайдалануға берілетін сол нарық субъектісінің негізгі өндірістік құрал-жабдықтарының немесе материалдық емес активтерінің баланстық құны пайызбен көрсетіледі.

      46. Меншікке немесе пайдалануға алынатын негізгі өндірістік құрал-жабдықтардың немесе материалдық емес активтердің құрамы мен мақсаты көрсетіледі.

      47. Меншік иесінің (мүлікті тиісті мемлекеттік өкімет органы немесе жергілікті өзін өзі басқару органы берген жағдайда) шешімі жобасының немесе осы мәмілеге қатысты шарттың соңғы нұсқасы ұсынылады.

3-параграф. Негізгі өндірістік құрал-жабдықтарды немесе материалдық емес активтерді (бұдан әрі - мүліктер) алушы туралы ақпарат

      48. Мүлікті алу жөнінде:
      1) заңды тұлға үшін:
      Жарғы және құрылтай шартының (егер алушы шетелдік заңды тұлға болып табылса, онда құрылтай құжаттарының көшірмесі нотариалды түрде расталады және заңдастырылады) көшірмелері және тіркеу туралы куәліктің көшірмесі ұсынылады.
      Шетелдік заңды тұлға үшін мыналарды:
      шетел инвесторының оған қызмет көрсететін банк немесе өзге несиелік-қаржылық мекеме берген төлем қабілеттігі туралы құжат;
      шыққан елінің сауда тізілімінің үзінді көшірмесін немесе оның заңды мәртебесінің ол орналасқан жердегі елдің заңына сәйкес өзге балама дәлелдемесі ұсынылады.
      Егер шетел кәсіпорнының немесе шетел қатысатын кәсіпорынның Қазақстан Республикасында тіркелген филиалы (өкілдігі) болса - филиалды мемлекеттік тіркеу туралы куәлікті және филиал (өкілдік) туралы ереженің көшірмесі ұсынылады.
      2) жеке тұлға үшін - төлқұжаттық деректер, азаматтығы ұсынылады.
      Жеке кәсіпкерлер үшін - жеке кәсіпкер ретінде мемлекеттік тіркеу туралы куәлік ұсынылады.

      49. Активтердің баланстық құны, шетелдік заңды тұлға үшін - жалпы активтер ұсынылады.
      Өтінішті берер алдындағы күнгі соңғы бекітілген баланс қоса беріледі.

      50. Алушы тауар нарықтарына жеткізіп беретін тауарлардың (жұмыстардың, қызметтердің) негізгі түрлері (санап шығу қажет) көрсетіледі.
      Егер шетел қатысатын кәсіпорын - алушының немесе шетелдік заңды тұлға-алушының Қазақстан Республикасында филиалы (өкілдігі) бар болса, онда тауар нарықтарына филиал (өкілдік) жеткізіп беретін тауарлардың (жұмыстардың, қызметтердің) негізгі түрлерін қосымша санап шығыңыз.

      51. Қазақстан Республикасына тауарларды (жұмыстарды, қызмет көрсетулерді) жеткізіп беру көлемі 20 пайыздан асатын Қазақстан Республикасының субъектілерін шығара отырып) тауарлар (жұмыстар, қызмет көрсетулер) жеткізіліп берілетін өндіріс және мүмкіндігінше мемлекеттік статистика органдары белгілеген номенклатура бойынша нақты және құндық түрдегі тауарлардың (жұмыстардың, қызметтердің) экспортының көлемі көрсетіледі.
      Егер шетел қатысатын кәсіпорынның немесе шетелдік заңды тұлғаның Қазақстан Республикасында филиалы (өкілдігі) бар болса, онда 51-тармақтың 1-абзацында санамаланған филиал (өкілдік) жөніндегі ақпарат қосымша ұсынылады.

      52. Тауарлардың атауын, жеткізілімдердің тиісті үлес шамасы мен географиясын көрсете отырып, Тізілімде болуы туралы мәліметтер ұсынылады.

      53. Алынған негізгі өндірістік құрал-жабдықтардың немесе материалдық емес активтердің (ақпарат тауарлардың (жұмыстардың, қызметтердің) түрлері бойынша ұсынылады) қандай тауарлар (жұмыстар, қызметтер) шығару үшін пайдаланылатынын көрсету қажет.
      Қазақстан Республикасына (тауарларды (жұмыстарды, қызмет көрсетулерді) жеткізіп беру көлемі 20 пайыздан асатын Қазақстан Республикасының субъектілерін бөле отырып) тауарлар (жұмыстар, қызметтер) жеткізіп берілетін өндірістің және ұқсас немесе бірін-бірі алмастыратын нақты және құндық түрдегі тауарлардың (жұмыстардың, қызметтердің) түрлері бойынша экспортының нақты көлемін көрсету қажет.
      Алынған мүлікті, оның ішінде алынып отырған өндірістік қуаттарды (ақпарат тауарлардың түрлері бойынша сараланған түрде беріледі) пайдаланудан тауарлардың (жұмыстардың, қызметтердің) қандай қосымша көлемін алуды жоспарлап отырғаныңызды көрсету қажет.
      Ұқсас немесе бірін-бірі алмастыратын тауарларды (жұмыстарды, қызметтерді) сізге белгілі негізгі өндірушілердің бесеуін (бесеу болмаса - бесеуден кемін) санап шығу қажет.

      54. Тұлғалардың сол тобына мүлік алушы да жататын барлық тұлғалардың тізбесін көрсету қажет
      1) егер мүлік алушы мемлекеттік кәсіпорын болып табылса, атауы, ұйымдық-құқықтық нысаны, заңды мекен-жайы және тауар нарықтарына жеткізіп берілген тауарлардың (жұмыстардың, қызметтердің) негізгі түрлері көрсетілген олар құрған барлық еншілес кәсіпорынды санап шығыңыз;
      2) мүлік алушы жөнінде осы Қосымшаның 3-тарауының 33, 35 және 36-тармақтарына сәйкес ақпарат ұсынылады.
      Осы тармақшада көрсетілген ақпарат мүлікті алушымен тұлғалардың бір тобына жататын тұлғалардың өзара байланысын бейнелейтін шежіре түріндегі сызбалармен безендірілуі мүмкін;
      3) осы Қосымшаның 54-тармақтың 2) тармақшасында көрсетілген тұлғалардың тізбесінен негізгі өндірістік құрал-жабдықтардың немесе материалдық емес активтердің көмегімен (пайдалану арқылы) шығарылатын ұқсас немесе бірін бірі алмастыратын тауарларды (жұмыстарды, қызмет көрсетулерді) шығаратындар жеке көрсетіледі.
      Ең жоғары түрде мүмкін болатын (өндірістік қуаттар) және мүлікті алушымен тұлғалардың бір тобына жататын барлық кәсіпорындар бойынша осындай тауарларды өндірудің нақты көлемі бағаланады.

4-параграф. Негізгі өндірістік құрал-жабдықтары немесе материалдық емес активтері мүлік алушының
меншікке немесе пайдалануға алуына
арналған нарық субъектісі туралы ақпарат

      55. Негізгі өндірістік құрал-жабдықтары немесе материалдық емес активтері мүлік алушының меншікке немесе пайдалануға алуына арналған нарық субъектісі бойынша:
      1) ұйымдық-құқықтық нысаны (тегі, аты, әкесінің аты) және заңды мекен-жайын (тұрғылықты жерін) көрсете отырып, атауы;
      2) активтердің баланстық құны, шетелдік заңды тұлғалар үшін - жалпы активтер;
      3) тауарлардың атаулары, жеткізілімдердің тиісті үлес шамасы мен географиясы көрсетіле отырып, Тізілімде болуы туралы мәліметтер;
      4) өтінішті берер алдындағы күнгі соңғы бекітілген баланс қоса беріледі;
      5) тауар нарығына жеткізіп берілген тауарлардың (жұмыстардың, қызметтердің) негізгі түрлері ұсынылады немесе көрсетіледі.
      Егер шетел қатысатын кәсіпорын - алушының немесе шетелдік заңды тұлға-алушының Қазақстан Республикасында филиалы (өкілдігі) бар болса, онда тауар нарықтарына филиал (өкілдік жеткізіп беретін) тауарлардың (жұмыстардың, қызметтердің) негізгі түрлерін қосымша санап шығу қажет.
      6) алынған негізгі өндірістік құрал-жабдықтардың немесе материалдық емес активтердің (ақпарат тауарлардың (жұмыстардың, қызметтердің) түрлері бойынша ұсынылады) қандай тауарлар (жұмыстар, қызметтер) шығару үшін пайдаланылатыны көрсетіледі.
      Қазақстан Республикасында нарық субъектісінің осы тауарларын мәміле жасалғанға дейінгі (ақпарат тауарлардың (жұмыстардың, қызметтердің) түрлері бойынша ұсынылады) нақты және құндық түрде өндіру мен жеткізіп берудің нақты және әлеуетті мүмкін көлемі көрсетіледі.
      Нарық субъектісінің мәміле жасалғаннан кейінгі (ақпарат тауарлардың (жұмыстардың, қызметтердің) түрлері бойынша ұсынылады) осы тауарларды (жұмыстарды, қызметтерді) өндіру қандай шамада азайтатылатыны немесе толық тоқтатылатыны көрсетіледі.

5-тарау. Монополияға қарсы органға (аумақтық бөлімшеге) жеке тұлғаның нарық субъектілерінің екі және одан көп атқарушы органдарына, директорлар кеңестеріне (байқаушы кеңестеріне) қатысуы туралы қолдаухат беру үшін қажетті құжаттардың тізбесі 1-параграф. Жалпы ақпарат

      56. Нарық субъектілерінің басқару органдарына қатысушы жеке тұлға бойынша:
      1) Тегі, аты, әкесінің аты, тұрғылықты жерін, төлқұжат деректері (сериясын, нөмірін, кім бергенін) және азаматтығы;
      2) байланыс телефоны;
      3) уәкілетті өкіл (сенімгер) туралы жалпы ақпарат көрсетіледі немесе ұсынылады.
      Егер нарық субъектілерінің басқару органдарына қатысушы тұлғаның уәкілетті өкілі (сенімгері) бар болса, онда:
      өкілдің атауы (тегі, аты, әкесінің аты) және заңды мекен-жайы (тұрғылықты орны), жеке тұлға үшін - төлқұжаттық деректері (сериясы, нөмірі, кім бергені);
      монополияға қарсы органдардың қызметкерлері байланыс жасай алатын өкілдің байланыстағы тұлғасының тегі, аты, әкесінің аты, телефонының, факсінің нөмірі көрсетіледі немесе ұсынылады. Егер заңды тұлға өкіл болып табылса, онда заңды тұлға басшысының телефонының, факсінің нөмірі қосымша көрсетіледі.
      Өкіл өкілеттігінің жазбаша дәлелдемесі: өкілдің атына берілген, жеке тұлға қол қойған және нотариалды расталған сенімхат немесе өкілеттіктің өзге де дәлелдемесі.
      Егер нарық субъектілерінің басқару органдарына қатысушы жеке тұлға шетел азаматы немесе азаматтығы жоқ адам болып табылса, сенімхат немесе өкілеттіктің өзге де дәлелдемесі нотариалды түрде расталады және заңдастырылады;
      4) негізгі жұмыс орны (заңды тұлғаның атауын, ұйымдық-құқықтық нысанын және заңды мекен-жайын көрсете отырып) және атқаратын қызметі;
      5) сіз кіретін басқару органының атауы мен атқаратын қызметі;
      6) кіруді (сайлануды) растайтын құжаттың көшірмесі қоса беріле отырып,  кірген (сайланған) күні;
      7) өтініш беруші қатысатын атқарушы органда, директорлар кеңестерінде (байқаушы кеңестерде) нарық субъектілері тауар нарықтарына жеткізіп беретін тауарлардың (жұмыстардың, қызметтердің) негізгі түрлері туралы мәліметтер;
      8) аталған тармақтың 7) тармақшасында көрсетілген нарық субъектілері бойынша өтініш берер алдындағы күнгі соңғы бекітілген баланстың көшірмесі қоса беріле отырып, активтердің баланстық құны көрсетіледі;
      9) тауарлардың атауын, тиісті үлес шамасы мен жеткізілімнің географиясын көрсете отырып, нарық субъектілерінің Тізілімде болуы туралы мәліметтер;
      10) Қазақстан Республикасына тауарларды (жұмыстарды, қызметтерді) жеткізіп берудің, өндірістің (тауарларды (жұмыстарды, қызметтерді) жеткізіп беру көлемі 20 пайыздан асатын Қазақстан Республикасы субъектілерін шығара отырып) және мүмкіндігінше мемлекеттік статистика органдары белгілеген номенклатура бойынша нақты және құндық түрдегі тауарлардың (жұмыстардың, қызметтердің) экспортының көлемі;
      11) монополияға қарсы органның сол бойынша барлық хабарлар мен шешім жіберетін  мекен-жайы көрсетіледі немесе ұсынылады.

2-параграф. Атқарушы органдарына, директорлар кеңестеріне (байқаушы кеңестеріне) жеке тұлға кіретін нарық субъектілері туралы ақпарат

      57. Нарық субъектісі (нарық субъектілері) бойынша өтініш беруші қолдаухат берген (өтініш беретін) басқару органдарына кіру (сайлану) туралы:
      1) ұйымдық-құқықтық нысаны көрсетілген атауы;
      2) заңды мекен-жайы;
      3) өтініш беруші кіретін және кіруді болжайтын басқару органының атауы мен атқаратын қызметі;
      4) кірудің (сайланудың) жорамал күнін;
      5) тауар нарықтарына жеткізіп берілетін тауарлардың (жұмыстардың, қызметтердің) негізгі түрлері туралы мәліметтерді;
      6) өтініш берер алдындағы күнгі соңғы бекітілген баланстың көшірмесі қоса берілген активтердің баланстық құнын;
      7) тауарлардың атауын, тиісті үлес шамасы мен жеткізілімнің географиясын көрсете отырып, нарық субъектілерінің Тізілімде болуы туралы мәліметтерді;
      8) Қазақстан Республикасына тауарларды (жұмыстарды, қызметтерді) жеткізіп берудің, өндірістің (тауарларды (жұмыстарды, қызметтерді) жеткізіп беру көлемі 20 пайыздан асатын Қазақстан Республикасы субъектілерін шығара отырып) және мүмкіндігінше мемлекеттік статистика органдары белгілеген номенклатура бойынша нақты және құндық түрдегі тауарлардың (жұмыстардың, қызметтердің) экспортының көлемін  көрсету қажет.

      58. Өтініш берген күнге атқарушы органға, директорлар кеңестеріне (байқаушы кеңестеріне) өтініш беруші кіретін барлық нарық субъектілерін санап шығу қажет.
      Олардың әрқайсысы бойынша осы Қосымшаның 57-тармағының 1) - 8) тармақшаларында талап етілген егжей-тегжейлерді көрсету қажет.

      59. Мәлімдеуші осы Қосымшаның 57-тармағы мен 58-тармағында көрсеткен нарық субъектілерінің тізбесінен, олардың ішінен өзіңіз сол бір жеке тұлғалармен атқарушы орган және (немесе) директорлар кеңесі (байқаушы кеңесі) құрамының 25 пайыздан астамын білдіретіндерді көрсету қажет.

2-бөлім. Өтініштерді қараған кезде мәлімдеушіден монополияға қарсы орган (аумақтық бөлімше) талап  етуге құқылы өзге де құжаттардың тізбесі

      60. Өтінішті қараған кезде мәлімдеушіден монополияға қарсы орган, оның ішінде мәлімдеуші және осы Ережеге сәйкес басқа мүдделі тарап ретінде көрінетін тұлғаларға қатысты мынадай ақпаратты:
      1) құрылтай құжаттарының көшірмесін, тіркеу туралы куәліктің көшірмесін, директорлар кеңесінің (байқаушы кеңестің), атқарушы органның (басқарманың), тексеру комиссиясы мүшелерінің тізімін;
      2) өтінішті талап ететін мәмілелерді немесе іс-әрекеттерді қамтамасыз ететін барлық құжаттардың соңғы нұсқасының көшірмесін;
      3) өтінішті талап ететін мәмілелерді немесе іс-әрекеттерді жасасудың жорамал күндері туралы, сондай-ақ өтінішті талап ететін сол мәмілені (іс-әрекетті) аяқтауға үндейтін негізгі аралық операциялардың (іс-әрекеттердің, мәмілелердің) жорамал күндері туралы ақпаратты;
      4) акцияларды (қатысу үлестерін, пайларды), мүлікті немесе сатып алу жүзеге асырылуға қатысты тараптардың тиісті құқықтарын сатып алушының іс-әрекеттерін мақұлдау туралы ақпаратты;
      5) өтінішті талап ететін іс-әрекеттердің немесе мәмілелердің экономикалық және қаржылық құрылымына қысқаша түсіндірмені, оның ішінде:
      нарық субъектісін құру мен қайта ұйымдастыруды аяқтау үшін Заңның 12-бабында көрсетілген тараптар алған (алып отырған) іс-әрекетті немесе сатып алушы алған (алып отырған) акцияларды, мүлікті немесе кез келген көзден (қоғамдық ұйымдарды қоса алғанда) тиісті құқықтарды кез келген қаржылық немесе өзге қолдаудың сипаттамасын, сондай-ақ осы қолдаудың сипаты мен шамасының сипаттамасын;
      Заңның 12-бабында көрсетілген іс-әрекеттерді немесе мәмілелерді аяқтау үшін жеке капиталынан басқа өзге қаржылық қаражаттарды пайдалану туралы, сондай-ақ алудың көздері, шарттары мен тартылатын қаражаттардың мөлшері туралы ақпаратты;
      6) Заңның 12-бабында көрсетілген мәмілелерді немесе іс-әрекеттерді аяқтағаннан кейінгі жорамал меншік және бақылау құрылымын бағалаудың, оның ішінде 12-бапта көрсетілген мәмілелерді немесе іс-әрекеттерді аяқтау нәтижесінде сатып алынған құқық көлемін бағалаудың сипаттамасын;
      7) бухгалтерлік және статистикалық есептілік немесе оларды жасауды қамтамасыз ететін нысандарында, сондай-ақ бюджетке салықтарды және басқа да міндетті төлемдерді өткен екі жыл ішіндегі және үстіміздегі жылы тоқсандық есептеу мен төлеуге байланысты өзге құжаттарда баяндалатын ақпаратты; оның ішінде:
      өткен бір немесе екі жыл ішіндегі түсініктеме жазбасымен қоса жылдық есептерді, бухгалтерлік баланстар мен балансқа қосымшаларды;
      тоқсандық бухгалтерлік есептілік нысанын, оның ішінде қаржылық нәтижелер мен оларды пайдалану туралы есеп, қаржылық нәтижелер және оларды өткен күнтізбелік жыл мен үстіміздегі жыл ішінде пайдалану туралы есепке анықтаманы;
      тауарларды өндіру мен жеткізіп беруді, сыртқы экономикалық қызметті, шетел валютасындағы қаражаттардың қозғалысын, шетелден әкелінетін инвестицияларды, негізгі қаражаттарды, қоймалардағы жабдықтар мен аяқталмаған құрылысты, тауарлардың (жұмыстардың, қызметтердің) өндірісіне және оларды өткізуге жұмсалған шығындарды және т.б. сипаттайтын нысандарды;
      Заңның 12-бабында көрсетілген іс-әрекеттерге қатысушының, сондай-ақ акцияларды (қатысу үлестерін), мүлікті немесе Заңның 12-бабында көрсетілген мәмілелерді жасасуға қатысты, номенклатура бойынша таратып жаза отырып, заңды тұлғалардың тиісті құқықтарын сатып алушының баланстық шоттарында ескерілетін құндылықтардың көлемі жөніндегі ақпаратты;
      дебиторлық және кредиторлық берешектің, ағымдағы тоқсанның басындағы дебиторлар мен кредиторлар бойынша таратып жаза отырып, көлемі жөніндегі ақпаратты;
      8) тауар нарығына жеткізіп берілетін тауарлардың (жұмыстардың, қызметтердің) негізгі түрлерінің және оларды өндіру мен тұтыну жөніндегі негізгі ауыстырушылар өзгешелігінің сипаттамасын;
      9) тауарларды (жұмыстарды, қызмет көрсетулерді) Қазақстан Республикасында өндіру, оған тауарларды (жұмыстарды, қызмет көрсетулерді) жеткізіп беру, оның ішінде үстіміздегі жыл мен өткен екі жыл ішінде тоқсан сайынғы жеткізіп берудің географиялық аймағын (қала, аудан), шетел мемлекетінің облысын көрсете отырып және тиісті тауарларды (жұмыстарды, қызмет көрсетулерді) нарық субъектісінің жалпы көлемде оны тиісті тауар нарықтарына (импорттаушыларды қоса) жеткізіп беру үлесінің бағасымен нақты және құндық түрде өндіру, жеткізіп беру, (ағымдағы бағалармен, есепті кезеңдегі бағалармен) өткізу және экспорттау көлемдері бойынша ақпаратты;
      10) мемлекеттік тапсырыс (мемлекеттік мұқтаждар үшін) және қорғаныс тапсырысы бойынша өткен және үстіміздегі күнтізбелік жылда өндірілген тауарларды жеткізіп беру көлемі мен үлесі жөніндегі ақпаратты;
      11) Заңның 12-бабында көрсетілген іс-әрекеттерге немесе мәмілелерге дейінгі және одан кейінгі кәсіпкерлік қызметті жүргізу шарттарының сипаттамасын;
      12) Заңның 12-бабында көрсетілген іс-әрекеттерді немесе мәмілелерді жүзеге асыру нәтижесінде қозғалатын тауар нарығына жеткізілетін тауарларды өндіру технологиясы туралы мәліметтерді;
      13) нарық субъектісінің қуаттары туралы және нақты тауарларды (жұмыстарды, қызмет көрсетулерді), оның ішінде Қазақстан Республикасындағы жалпы өндірістік қуаттардың бағасымен немесе ұқсас немесе бірін-бірі алмастыратын тауарларды өндіру үшін пайдаланылатын оның бөлшегімен өндіру үшін олардың жүктелім деңгейі туралы ақпаратты;
      14) Заңның 12-бабында көрсетілген іс-әрекеттерді жүзеге асыратын тараптардың (оның ішінде тараптардың тұлғалар тобы қатысушыларының) арасындағы, бір тұлғалар тобы қатысушыларының акцияларды (үлестерді, пайларды), негізгі өндірістік құрал-жабдықтарды немесе материалдық емес активтерді, тиісті құқықтарды сатып алушымен және бір тұлғалар тобы қатысушыларының Заңның 12-бабында көзделген мәмілелерді жасасуға қатысты нарық субъектісі арасындағы, сондай-ақ бір тұлғалар тобы қатысушылары мен басқару органына сол бір жеке тұлға кіретін нарық субъектілерінің арасындағы мәмілелерді жасасқанға дейін және жасасқаннан кейін тауарларды (жұмыстарды, қызмет көрсетулерді) кооперативтік жеткізіп беру көлемі бойынша ақпаратты сұрата алады. Ақпарат үстіміздегі және алдағы жылдары, оның ішінде тоқсан сайын сұратылуы мүмкін.
      15) кооперация туралы бұрын жасалған барынша маңызды келісімдердің сипаттамасын талап етуге құқылы, оның ішінде:
      бірлескен өндірістік жобаларды;
      бірлескен ғылыми-техникалық жобаларды;
      патенттермен және лицензиялармен алмасуды;
      жабдықтау және өткізу туралы ұзақ мерзімді келісімдерді;
      ақпарат алмасуды;
      бірлескен жарнамалық қызметті;
      нарық субъектілері мен олардың бірлестіктері бірлесіп бекіткен заңды тұлғаларды;
      16) жартылай дайын өнімдерді жиынтықтайтын шикізатты негізгі жеткізіп берушілер туралы, нақты тауарларды (жұмыстарды, қызмет көрсетулерді) шығару үшін жабдықтаудың жалпы көлеміндегі олардың үлестері, байланыстағы тұлғалардың атауы, заңды мекен-жайы және олардың телефондары, оның ішінде әрбір топтағы бір үлгідегі жеткізіп берушінің сипаттамасы көрсетілген мәліметтерді;
      17) тауарларға (жұмыстарға, қызметтерге) сұраныс жүйесі туралы ақпаратты, оның ішінде:
      тауарларды (жұмыстарды, қызметтерді) негізгі тұтынушылар (сатып алушылар) туралы, нақты тауарларды (жұмыстарды, қызмет көрсетулерді) жеткізіп берудің жалпы көлеміндегі олардың үлестері, байланыстағы тұлғалардың атауы, заңды мекен-жайы және олардың телефондары көрсетілген мәліметтерді;
      әрбір топтағы бір үлгідегі тұтынушының сипаттамасын;
      өрлеу, даму, тұрақтылық, солу терминдеріне, сондай-ақ жеткізіп берілетін тауарларға (жұмыстарға, қызмет көрсетулерге) сұраныс деңгейін арттыру (төмендету) жөніндегі болжанған деректерге сұраныс құрылымының бағасын;
      18) негізгі тауарларды (жұмыстарды, қызмет көрсетулерді) өткізу жүйесі туралы ақпаратты, оның ішінде:
      Қазақстан Республикасының аумағында басымдықпен пайдаланылатын тиісті тауарларды (жұмыстарды, қызмет көрсетулерді) өткізудің жалпы жүйесінің немесе оның бөлігінің сипаттамасын;
      монополияға қарсы органды қызықтыратын, оның ішінде өткізуді қысқа мерзімді немесе ұзақ мерзімді келісім-шарттар, ерекше келісімдер және т.б. арқылы жүзеге асыратын тұлға қабылдайтын өткізу жүйесінің сипаттамасын;
      делдал ұйым арқылы жеткізіп беру (өткізу) үлестерінің бағасын;
      өткізу жүйесіне тұлғалардың сол бір топтары қатысушыларының, монополияға қарсы органды қызықтыратын тұлғаның тиісті тауарларын (жұмыстарын, қызмет көрсетулерін) енгізу дәрежесінің бағасын;
      19) тауарларға сервистік қызмет көрсету, оның ішінде:
      тысқары ұйымдардың өндірісіне сервистік қызмет көрсету үлесін;
      өткізу жүйесіне тұлғалардың сол бір тобына жататын тұлғалардың, монополияға қарсы органды қызықтыратын тұлғаның сервистік желілерін пайдалану дәрежесін бағалау туралы ақпаратты;
      20) Қазақстан Республикасындағы және шетелдегі (ұқсас немесе бірін-бірі алмастыратын тауарларды (жұмыстарды, қызметтерді) өндірушілер) негізгі бәсекелестер туралы ақпаратты, оның ішінде:
      мүмкіндігінше олардың атауы, заңды мекен-жайы, байланыстағы тұлғалардың телефондары және Қазақстан Республикасының тиісті аумақтық бөлімшелеріне тауарлардың (жұмыстардың, қызметтердің) жекелеген түрлерін (монополияға қарсы органдардың нақты сұратуы бойынша) жеткізіп берудің жалпы көлеміндегі шамалы үлесі көрсетілген негізгі бәсекелестердің тізбесін;
      бағалар, сапа, өткізу жүйесі, төлем шарттары, сервис, сатылғаннан кейінгі қызмет көрсету және т.б. жөніндегі бәсекелестік бағыттарды бағалауды;
      соңғы екі жыл ішінде пайда болған жаңа бәсекелестердің мүмкіндігінше олардың атауы, заңды мекен-жайы, байланыстағы тұлғалардың телефондары көрсетілген тізбесін;
      әлеуетті бәсекелестердің (тиісті тауар рыногына ұқсас немесе бірін-бірі алмастыратын өнім жеткізіп беруге дайын нарық субъектілері) мүмкіндігінше олардың атауы, заңды мекен-жайы, байланыстағы тұлғалардың телефондары көрсетілген, сондай-ақ олардың тиісті тауар нарығына кіруіне қажетті уақытаралық мерзімнің бар болуын бағалауды;
      тиісті тауар нарығына (ғылыми-зерттеу және тәжірибе-конструкторлық әзірлемелер өткізу, өткізу желілерін, сервистік қызмет көрсетуді, жарнамаларды, лицензиялауды ұйымдастыру қажеттігі, шикізат көздеріне және т.б. шектеулі рұқсаттың болуы) кіруді қиындататын факторлардың сипаттамасын;
      тиісті тауар нарығына ұқсас немесе бірін-бірі алмастыратын өнім (жұмыстар, қызмет көрсетулер) жеткізіп беретін Заңның 12-бабында көрсетілген іс-әрекет қатысушылары немесе тұлғалардың сол бір тобына жататын тұлғалар және іс-әрекет қатысушылары да жататын немесе акцияларды (үлестерді, пайларды), мүлікті, сатып алуды жүзеге асыруға қатысты заңды тұлғалардың тиісті құқықтарын сатып алушылар немесе осындай нарық субъектілерінің жарғылық (қоймалық) капиталын құрайтын акцияларға (үлестерге, пайларға) келетін дауыстардың жалпы санының 10 пайыздан астамына билік ету құқығы бар тұлғалардың топтарына жататын тұлғалардың, барлық басқа нарық субъектілерінің тізбесін;
      тиісті тауар нарығына ұқсас немесе бірін-бірі алмастыратын өнім (жұмыстар, қызмет көрсетулер) жеткізіп беретін кез келген басқа нарық субъектісінің атқарушы органының, директорлар кеңесінің (байқаушы кеңесінің) мүшелері болып табылатын басқа нарық субъектісінің атауын, оның заңды мекен-жайын және атқаратын қызметін көрсете отырып, атқарушы орган, директорлар кеңесі (байқаушы кеңес) мүшелерінің тізбесін;
      21) Қазақстан Республикасының тауар нарығына ұқсас немесе бірін бірі алмастыратын өнім жеткізіп беретін нарық субъектісіне қатысты тұлғалардың сол бір тобының, қызығушы монополияға қарсы органдар тұлғасының да қатысушылары соңғы үш жыл ішінде жасаған барлық сатып алынғандар, оның ішінде уақытша пайдалану туралы ақпаратты;
      22) Заңның 12-бабында көрсетілген іс-әрекеттерге немесе мәмілелерге мүдделі тараптардың тіке біріктірудің олардың негізгі бәсекелестерімен салыстыруға ықпал ету дәрежесін бағалауды;
      23) Заңның 12-бабында көрсетілген іс-әрекет қатысушылары кіретін бірлестіктер немесе сатып алуды жүзеге асыруға қатысты акцияларды (қатысу үлестерін, пайларды), мүлікті немесе заңды тұлғаның тиісті құқықтарын сатып алушылар, сондай-ақ осы бірлестіктердегі олардың атауы, заңды мекен-жайы мен байланыстағы тұлғалардың телефондары көрсетілген хабарлама берген кезде заңды тұлға басқару органдарының құрамына кіретін заңды тұлғалар туралы ақпаратты;
      24) мүмкіндігінше атауы, заңды мекен-жайы мен байланыстағы тұлғалардың телефондары көрсетілген тауар нарығына жеткізіп берілген тауарлардың (жұмыстардың, қызметтердің) негізгі түрлеріне сәйкес келетін салаларда бар бірлестіктер туралы ақпаратты;
      25) Заңның 12-бабында көрсетілген іс-әрекеттердің немесе мәмілелердің Қазақстан Республикасының және одан тыс жерлердегі тауар нарығындағы нарық субъектісінің тауарларының (жұмыстарының, қызмет көрсетулерінің) бәсекелестік қабілеттігіне жарыстастықта нақты ұтып шыққандары көрсетілген болжам ықпалының сипаттамасын;
      26) директорлар кеңесінің (байқаушы кеңестің) кез келген мүшесі, атқарушы органның мүшесі үшін даярланған (бағытталған) талдамалардың, баяндамалардың, зерттеулер мен байқаулардың немесе Заңның 12-бабында көрсетілген іс-әрекеттерді немесе мәмілелерді жасау қажеттігіне негіздеу мақсатындағы акционерлер (үлесшілер) жиналысының мазмұны немесе көшірмесі туралы ақпаратты;
      27) нарық субъектілерінің қаржылық жағдайын сипаттайтын, оның ішінде монополияға қарсы орган төлеуге қабілетсіз кәсіпорындар балансының қанағаттанғысыз құрылымын айқындауға арналған өлшемдер есебімен Заңның 12-бабында көрсетілген іс-әрекеттерге немесе мәмілелерге келісуден бас тартқан жағдайда, нарық субъектілерінің (оларды төлеуге қабілетсіз деп тану) болуы мүмкін банкроттығын растайтын ақпаратты;
      28) тиісті тауар нарығына жеткізіліп берілген тауарлардың (жұмыстардың, қызметтердің) негізгі түрлері жөнінде ақпарат көрсетілген қызығушы монополияға қарсы органның тұлғасымен бірге тұлғалардың бір тобына кіретін тұлғалардың тізбесін;
      29) Заңның 12-бабында көрсетілген іс-әрекеттердің немесе мәмілелердің күтіліп отырған экономикалық тиімділігінің мөлшерін қажетті материалдармен және тиімділікті растайтын есептермен бағалауды;
      30) бағалы қағаздарды (акцияларды, қатысу үлестерін, пайларды) ұстаушы тізілімді;
      31) уәкілетті органнан 33 және 39-тармақтарда, сондай-ақ осы Ережеге 1-қосымшаның 1-бөлім 3-тараудың 38-тармағының 7) тармақшасында көрсетілген нарық субъектілерінің тұлғалар тобы жөніндегі құжатты сұрата алады.
      Ескертпе: Қазақстан Республикасының шетелдік ресми құжаттарды жария ету талаптарын алып тастап отырған Конвенцияға қосылуына байланысты (Гаага қаласы, 1961 жылғы 5 қазан), егер кез келген құжаттарды осы Қосымшаға сәйкес, аталған Конвенцияға қатысушы болып табылатын елдің шетелдік тұлғасы (заңды немесе жеке) берсе, онда оларды ресімдеу Конвенция талаптарына сәйкес жасалуға тиіс.

Монополияға қарсы органға      
экономикалық шоғырлануға рұқсат  
беру туралы өтініштерді беру және 
оларды қарау тәртібі туралы ережеге
2-қосымша               

N 1 нысан

        Тауарлардың (жұмыстардың, қызметтердің) түрлерін өндіру
           және жеткізіп беру көлемдері туралы мәліметтер
         ___ заңды тұлғаның толық атауы ____уақытша кезең
                        көрсетіледі**

                Нарық субъектісінің тауарларының
          (жұмыстарының, қызметтерінің) негізгі түрлерін
                     жеткізіп беру көлемі

      * Осы контекстегі құжаттар - тұлғаның иелігіндегі, сақтауындағы немесе бақылауындағы кез келген түрдегі (түпнұсқа, түпнұсқалардың көшірмелері, алғашқы нұсқа) оның ішінде кез келген нысанда және кез келген құрал-жабдықта жазылған есепті, хатты, жеделхатты, электрондық хат-хабарды және т.б. қамтитын кез келген жазбаша, оның ішінде графикалық материалдар; басқару органдарының жазбалары, хаттамалары, шешімдері, кездесудің, телефондық және өзге келіссөздердің жазбалары; келісім-шарттар мен өзге келісімдер (шарттар); бухгалтерлік, статистикалық есептілік, өзге де қаржылық, коммерциялық және өзге мәмілелердің жазбалары; диаграммалар, кестелер, сызбалар және басқа суреттер; жоспарлар мен айрықшалаулар; жарияланымдар, фото-суреттер мен өзге де көшірмелер; ұсынылған материалды пайдалануға немесе түсіндіруге қажетті нұсқаулықтармен және басқа материалдармен бірге электрондық жазбалар және компьютермен басып шығарулар.
      ** Нысан шығарылатын тауарлардың (жұмыстардың, қызметтердің) негізгі түрлері бойынша табиғи және құндылық белгілеріне бөле отырып толтырылады. Ақпарат күнтізбелік жыл ішінде, алдағы жылға және үстіміздегі жылға мәліметтер беру жеке ұсынылады.
      *** 5а :5п бағаналарына Қазақстан Республикасының жеткізіп беру көлемі 20 пайыздан асатын субъектілері жөніндегі деректер енгізіледі.
      **** Мемстандарттың деректері бойынша (толтырылмаған жағдайда себебі көрсетілсін).