17.06.2019

Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы

      Қазақстан Республикасы Конституциясының 44-бабының 3) тармақшасына сəйкес мемлекеттік басқару жүйесін жаңғырту жəне тиімділігін арттыру мақсатында ҚАУЛЫ ЕТЕМІН:

      1. Мыналар:

      1) Қазақстан Республикасының Индустрия жəне инфрақұрылымдық даму министрлігі, оған Қазақстан Республикасы Цифрлық даму, қорғаныс жəне аэроғарыш өнеркəсібі министрлігінің қорғаныс өнеркəсібі, бірыңғай əскери-техникалық саясатты жүргізуге қатысу, əскери-техникалық ынтымақтастықты жүзеге асыру, мемлекеттік қорғаныс тапсырысын қалыптастыру, орналастыру жəне орындау саласындағы функциялары мен өкілеттіктері беріле отырып;

      2) Қазақстан Республикасының Ұлттық экономика министрлігі, оған Қазақстан Республикасы Цифрлық даму, қорғаныс жəне аэроғарыш өнеркəсібі министрлігінің жұмылдыру дайындығы жəне жұмылдыру, мемлекеттік материалдық резервті қалыптастыру жəне дамыту саласындағы функциялары мен өкілеттіктері беріле отырып;

      3) Қазақстан Республикасының Цифрлық даму, қорғаныс жəне аэроғарыш өнеркəсібі министрлігі, оған:

      Қазақстан Республикасы Ауыл шаруашылығы министрлігінің геодезия жəне картография саласындағы;

      Қазақстан Республикасы Индустрия жəне инфрақұрылымдық даму министрлігінің елдің инновациялық саясаты, ғылыми-техникалық дамуы саласындағы функциялары мен өкілеттіктері беріле отырып, оны Қазақстан Республикасының Цифрлық даму, инновациялар жəне аэроғарыш өнеркəсібі министрлігі етіп қайта құру жолымен қайта ұйымдастырылсын.

      2. Қазақстан Республикасының Үкіметі:

      1) Қазақстан Республикасы Президентінің Əкімшілігімен келісім бойынша мемлекеттік органдардың жəне оларға ведомстволық бағынысты ұйымдардың штат санын қайта бөлуді;

      2) осы Жарлықты іске асыру бойынша өзге де шаралар қабылдауды қамтамасыз етсін.

      3. Индустрия жəне инфрақұрылымдық даму, Ұлттық экономика, Цифрлық даму, инновациялар жəне аэроғарыш өнеркəсібі министрліктері Қазақстан Республикасы Ауыл шаруашылығы, Цифрлық даму, қорғаныс жəне аэроғарыш өнеркəсібі министрліктерінің берілетін функциялары мен өкілеттіктері шегінде құқықтары мен міндеттемелерінің құқық мирасқоры болып айқындалсын.

      4. "Қазақстан Республикасы Үкіметінің құрылымы туралы" Қазақстан Республикасы Президентінің 1999 жылғы 22 қаңтардағы № 6 Жарлығына мынадай өзгеріс енгізілсін:

      1-тармақтағы "Қазақстан Республикасының Цифрлық даму, қорғаныс жəне аэроғарыш өнеркəсібі министрлігі" деген жол мынадай редакцияда жазылсын:

      "Қазақстан Республикасының Цифрлық даму, инновациялар жəне аэроғарыш өнеркəсібі министрлігі".

      5. Осы Жарлықтың орындалуын бақылау Қазақстан Республикасы Президентінің Əкімшілігіне жүктелсін.

      6. Осы Жарлық қол қойылған күнінен бастап қолданысқа енгізіледі.

      Қазақстан Республикасының
Президенті
Қ.ТОҚАЕВ


Дата вступления в силу:  17.06.2019
Дата изменения акта:  17.06.2019
Дата принятия акта:  17.06.2019
Информация об официальном опубликовании акта:  "Егемен Қазақстан" 18.06.2019 ж., № 114 (29593); "Казахстанская правда" от 18.06.2019 г., № 114 (28991)
Место принятия:  100050000000
Орган, принявший акт:  101000000000
Регион действия:  100000000000
Регистрационный номер НПА, присвоенный нормотворческим органом:  24
Статус акта:  new
Сфера правоотношений:  001000000000 / 001005000000 / 001008000000
Форма акта:  УКАЗ
Юридическая сила:  0500
Язык акта:  kaz