20.05.1999

Қазақстан Республикасының Премьер-Министрі Кеңсесінің мәселелері


     "Қазақстан Республикасы Үкіметінің құрылымы туралы" Қазақстан 
Республикасы Президентінің 1999 жылғы 22 қаңтардағы N 6  

U990006_

  Жарлығына 
сәйкес Қазақстан Республикасының Үкіметі қаулы етеді:
     1. Қоса беріліп отырған:
     1) Қазақстан Республикасы Премьер-Министрінің Кеңсесі туралы ереже;
     2)
<*>

     3)
<*>

     ЕСКЕРТУ. 3-тармақша күшін жойды - ҚР Үкіметінің 2000.07.10. 
              N 1039 қаулысымен.  

P001039_

 
     2.
<*>

     ЕСКЕРТУ. 2-тармақ өзгерді - ҚР Үкіметінің 1999.09.09. N 1353          
               қаулысымен.  

P991353_

 
     ЕСКЕРТУ. 1-тармақтың 2) тармақшасының және 2-тармақтың күші жойылды 
               - ҚР Үкіметінің 1999.11.03. N 1645 қаулысымен.  

P991645_

 
     3. Мынадай лимит белгіленсін:
     Қазақстан Республикасының Премьер-Министрі Кеңсесінің штат саны 
272 адам;
<*>

     
<*>

     ЕСКЕРТУ. 3-тармақтың 3 абзацының күші жойылды - ҚР Үкіметінің 
              1999.09.03. N 1301 қаулысымен.  

P991301_

 
     ЕСКЕРТУ. 3-тармақтың 2 абзацы өзгерді - ҚР Үкіметінің 1999.12.08. 
              N 1878 қаулысымен.  

P991878_

 
     ЕСКЕРТУ. 3-тармақ өзгерді - ҚР Үкіметінің 2000.05.06. N 683           
              қаулысымен.  

P000683_

 
     ЕСКЕРТУ. 3-тармақ өзгерді - ҚР Үкіметінің 2001.01.17. N 58           
              қаулысымен.  

P010058_

  
     4. Қоса беріліп отырған тізбеге сәйкес Қазақстан Республикасы 
Үкіметінің кейбір шешімдерінің күші жойылды деп танылсын.
     5. Осы қаулы қол қойылған күнінен бастап күшіне енеді.
     
     Қазақстан Республикасының
       Премьер-Министрі
     
                                    Қазақстан Республикасы
                                    Үкіметінің
                                    1999 жылғы 20 мамырдағы
                                    N 592 қаулысымен
                                          бекітілген
     
       Қазақстан Республикасы Премьер-Министрінің
                    Кеңсесі туралы
                       Ереже
     
                 1. Жалпы ережелер
     


      1. Қазақстан Республикасы Премьер-Министрінің Кеңсесі (бұдан әрі - Премьер-Министрінің Кеңсесі) мемлекеттік органдардың қызметін үйлестіруді және бақылау функцияларын орындауға уәкілеттік берілген мемлекеттік орган болып табылады.
      2. Премьер-Министрдің Кеңсесі өз қызметін Қазақстан Республикасының Конституциясы мен заңдарына, Қазақстан Республикасы Президентінің, Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
      3. Премьер-Министрдің Кеңсесі заңды тұлға болып табылады, оның өз атауы мемлекеттік тілде жазылған мөрлері мен мөртаңбалары, белгіленген үлгідегі бланкілері, сондай-ақ заңдарға сәйкес банктерде шоттары болады.
      Премьер-Министрдің Кеңсесі азаматтық-құқықтық қатынастарға өз атынан кіреді.
      Егер Премьер-Министрдің Кеңсесіне заңдарға сәйкес уәкілеттік берілсе, онда ол азаматтық-құқықтық қатынастарға мемлекет атынан кіруге құқылы.
      4. Премьер-Министрдің Кеңсесі өз құзыретіндегі мәселелер бойынша

заңдарда белгіленген тәртіппен бұйрықтар шығарады.
     5. Премьер-Министр Кеңсесінің құрылымы мен шекті штат санын 
Қазақстан Республикасының Үкіметі бекітеді.
     6. Премьер-Министр Кеңсесінің заңды мекен-жайы:
     Қазақстан Республикасы, Астана қаласы, Бейбітшілік көшесі, 11.
     7. Республикалық мемлекеттік органның толық атауы Қазақстан 
Республикасы Премьер-Министрінің Кеңсесі.
     8. Премьер-Министр Кеңсесінің құрылтайшысы мемлекет болып табылады.
     Премьер-Министрдің Кеңсесі туралы ереже оның құрылтай құжаты болып 
табылады.
     9. Премьер-Министр Кеңсесінің қызметін қаржыландыру тек 
республикалық бюджеттен ғана жүзеге асырылады.
     Егер Премьер-Министрдің Кеңсесіне заң актілерімен кірістер 
әкелетін қызметті жүзеге асыру құқығы берілсе, онда мұндай қызметтен 
алынған кірістер республикалық бюджеттің кірісіне аударылады.
     
          2. Премьер-Министр Кеңсесінің негізгі міндеттері,
                  функциялары және құқықтары
     
     10. Премьер-Министрдің Кеңсесі заңдарға сәйкес мынадай функцияларды 
жүзеге асырады:


      1) Премьер-Министр мен Үкіметті ақпараттық-талдамалық, құқықтық, ұйымдастырушылық, хаттамалық консультативтік, материалдық-техникалық және өзге де қамтамасыз ету;
      2) Қазақстан Республикасының Үкіметі Регламентінің сақталуын қамтамасыз ету өз құзыретiнiң шегiнде; <*>
      3) Премьер-Министрдің тапсырмасы бойынша Қазақстан Республикасының Үкіметі мен Премьер-Министрінің мүдделерін соттарда білдіру және қорғау, прокурорлық жауап беру актілерін қарау, сондай-ақ мемлекеттiк органдар дайындаған, Қазақстан Республикасының Үкiметiне ұсынылатын талап-арыздық өтiнiштер мен қарсылықтарға пiкiрлердiң жобаларына сараптама жүргiзу; <*>
      4) Қазақстан Республикасы Үкіметінің іс қағаздарын жүргізу және хат-хабарларды өңдеу;
      5) мемлекеттік тілде іс жүргізуді кезең-кезеңмен енгізу;
      6) Үкімет мүшелерінің, агенттiктер басшыларының және акционерлік қоғамдар (ұлттық компаниялар) басшыларының кезекті тоқсанға дейін кемінде 15 күн бұрын енгізілген ұсыныстары бойынша Үкімет мәжілістерінде қарауға арналған мәселелердің тоқсан сайынғы тізбесін әзiрлеудi ұйымдастыру; <*>
      7) Қазақстан Республикасы Үкіметінің мәжілістерінде күн тәртібін жасау, материалдар әзірлеу, Қазақстан Республикасының Үкіметі мәжілістерінің материалдарын, хаттамаларын ресімдеу және жөнелту;
      7-1) Премьер-Министрде, оның орынбасарларында, Премьер-Министр Кеңсесiнiң басшылығында кеңестер өткiзудi ұйымдастыру кеңестердiң материалдарын, хаттамаларын ресiмдеу және жөнелту; <*>
      8) Қаржы, Әдiлет министрлiктерiнiң және басқа да мүдделi мемлекеттiк органдардың тиiстi қорытындыларын ескере отырып қаржы-экономикалық және құқықтық сараптама жүргізу, Қазақстан Республикасының Үкiметi енгiзетiн заңдар мен Қазақстан Республикасының Президентi актiлерiнiң жобалары бойынша, сондай-ақ Үкiмет, Премьер-Министр, оның орынбасарлары және Премьер-Министр Кеңсесiнiң Басшысы қабылдайтын шешiмдер бойынша қорытындылар мен анықтамалар дайындау; <*>
      9) Премьер-Министрдің, оның орынбасарларының, Премьер-Министрдiң Кеңсесi Басшысының тапсырмасы бойынша Үкіметтің қаулылары мен Премьер-Министр өкімдерінің жобаларын дайындау; <*>
      10) Үкiметтiң қаулылары мен Премьер-Министрдiң өкiмдерiн шығару, оларды жөнелту және сақтау; <*>
      11) сараптама жасау барысында келіспеушілік туындаған және Қазақстан Республикасы Үкіметінің Регламентіне сәйкес оларды жою жөнінде тапсырма берілген жағдайларда Үкімет қаулыларының жобаларын пысықтау;
      11-1) Үкiмет пен Премьер-Министр шешiмдерiнiң жобаларын жедел пысықтау және қол қоюға дайындау мақсатында оларға мемлекеттiк органдардың вице-министрден (агенттiктер төрағаларының орынбасарларынан) төмен емес қызмет атқаратын лауазымды тұлғаларын шақыру арқылы Премьер-Министрдiң орынбасарларында, Премьер-Министр Кеңсесiнiң Басшысында хаттамалық кеңестер өткiзудi ұйымдастыру. <*>
      12) Мемлекет басшысының актілері мен тапсырмаларының, Үкімет актілерінің, Премьер-Министр мен оның орынбасарлары тапсырмаларының, Үкімет мәжілістерінің хаттамалық шешімдерінің атқарылуына бақылау жасау, аталған мәселелер жөнінде Қазақстан Республикасының Премьер-Министрін хабардар ету;
      13) мемлекеттік органдардың Үкіметтің тиісті жылға арналған Іс-қимыл бағдарламасы бойынша іс-шаралардың және Заң жобалары жұмысы жоспарының орындалуы жөніндегі қызметін үйлестіру және Премьер-Министрді ол туралы хабардар ету;
      13-1) Үкiметтiң iс-қимыл бағдарламасының орындалу барысы туралы Үкiметтiң Қазақстан Республикасының Президентiне тоқсан сайынғы баяндамасын дайындауға қатысу. <*>
      14) Мемлекет басшысы актілері мен тапсырмаларының орындалу барысы туралы Қазақстан Республикасының Президентіне және оның Әкімшілігіне ақпарат дайындауды ұйымдастыру; <*>
      15) Премьер-Министрдің және оның орынбасарларының, Премьер-Министрдiң Кеңсесi Басшысының тапсырмасы бойынша заңдар, Үкіметтің қаулылары және Премьер-Министрдің өкімдері жобаларының тиісті мемлекеттік органдарда келісілуінің мерзімдеріне бақылау жасауды жүзеге асыру; <*>
      16) Қазақстан Республикасының Үкіметі мен Премьер-Министрдің Парламентпен өзара іс-қимылын қамтамасыз ету;
      16-1) Премьер-Министрдiң немесе оның орынбасарларының тапсырмасы бойынша Yкiметтiң Қазақстан Республикасының Парламентiнде қаралатын мәселелер бойынша ресми позициясын Парламент депутаттарының назарына жеткiзу. <*>
      17) Премьер-Министрді Үкімет мүшелерінің атына түскен депутаттық

сұрау салулармен жұмыс туралы хабардар ету;
     18) Премьер-Министр мен оның орынбасарлары үшін тұтастай 
алғандағы және аймақтар бойынша Қазақстан Республикасының 
әлеуметтік-экономикалық жағдайы мен дамуын сипаттайтын материалдар 
дайындау сондай-ақ, Премьер-Министрдiң тапсырмасы бойынша өзге 
де ақпараттарды; 
<*>

     19) Премьер-Министрдің бұқаралық ақпарат құралдарымен өзара 
байланысын қамтамасыз ету;
     19-1) халықаралық қатынастар мен Қазақстан Республикасының Үкiметi 
мүшелерiнiң халықаралық ынтымақтастығын ұйымдастырушылық қамтамасыз етуге 
қатысу. 
<*>

     20) Қазақстан Республикасының заңдарын сақтау, жүйелендіру және 
кодтау;
     21) Қазақстан Республикасының Үкіметі тағайындайтын немесе оның 
келісімі бойынша тағайындалатын лауазымдардың тізбесіне кіретін 
кадрлар бойынша жұмыстар жүргізуге қатысу;
     22) Премьер-Министрдiң Кеңсесi кадрларының оқуын ұйымдастыру;
     23) Премьер-Министр мен Yкiметтiң, қажет болған жағдайларда 
Yкiметтiң жанындағы консультативтiк-кеңесшi органдардың қызметiн 
құжаттамалық қамтамасыз ету және оларға қызмет көрсету; 
     24) Yкiмет мүшелерiнiң, Премьер-Министр Кеңсесiнiң Басшысы 
орынбасарларының азаматтарды қабылдауының тоқсан сайынғы Кестесiн 
дайындау, сондай-ақ Премьер-Министрдiң Кеңсесiнде азаматтарды қабылдауды 
ұйымдастыру;
     25) азаматтар мен заңды тұлғалардың жазбаша өтiнiштерiн қарау;
     26) өзiне заңдарда жүктелген өзге де функциялар.
     ЕСКЕРТУ. 10-тармақ өзгерді - ҚР Үкіметінің 2000.03.02. N 345          
              қаулысымен.  

P000345_

 
     
     11. Премьер-Министр Кеңсесiнiң негiзгi мiндеттерi мыналар болып 
табылады:


      1) Қазақстан Республикасы Премьер-Министрiнiң және Үкiметiнiң қызметiн ақпараттық-талдамалық және ұйымдастыру-құқықтық қамтамасыз ету; <*>
      2) Үкiмет пен Премьер-Министрдiң актiлерiн дайындау және орындау процесiнде мемлекеттiк органдардың қызметiн үйлестіру;
      3) жобаларды келiсудiң және Yкiмет пен Премьер-Министр шешiмдерiнiң орындалуының мерзiмдерiне бақылау жасау.
      4) Премьер-Министр, оның орынбасарлары және Премьер-Министр Кеңсесiнiң Басшысы үшiн, олар тиiстi құжаттарға қол қою не оларды келiсу туралы шешiм қабылдауы кезiнде, ақпараттық-ұсынымдық сипаты болатын материалдарға қаржы-экономикалық және құқықтық сараптама жүргiзу. <*>
      ЕСКЕРТУ. 11-тармақ өзгерді - ҚР Үкіметінің 2000.03.02. N 345
               қаулысымен. P000345_

      12. Негiзгi мiндеттердi iске асыру және өз функцияларын жүзеге асыру мақсатында Премьер-Министрдiң Кеңсесі өз құзыретiнiң шегiнде мыналарға қақылы:
      1) Қазақстан Республикасының Парламентiнде және оның Палаталарында Yкiметтiң мүддесiн бiлдiру;
      2) Қазақстан Республикасының заңдарына сәйкес мемлекеттiк органдардың қарауындағы кез келген ақпараттық деректер банкiн, оның iшiнде құпиялыларын пайдалану;
      3) Премьер-Министр Кеңсесiнiң қарауына жатқызылған мәселелер бойынша мемлекеттiк органдармен және өзге де ұйымдармен қызметтiк, оның iшiнде құпия хат-хабар алысу;
      4) мемлекеттiк органдар дайындаған заңдардың, Қазақстан Республикасының Президентi актiлерiнiң, Yкiмет қаулыларының және Премьер-Министр өкiмдерiнiң жобалары бойынша сараптаманы жүзеге асыру және қорытындылар дайындау;
      5) Премьер-Министрдiң және оның орынбасарларының тапсырмасы бойынша Үкiметтiң қаулылары мен Премьер-Министр өкiмдерiнiң жобаларын дайындау; <*>
      6) заңдарда белгiленген жағдайларда Yкiметтiң қаулылары мен Премьер-Министр өкiмдерiнiң жобаларын оларды әзiрлеушiлерге қайтару;
      6-1) мүдделi мемлекеттiк органдармен бiрге нормативтiк құқықтық актiлердiң жобаларын келiсудiң бар-жоғын бақылау және ол болмаған жағдайда тиiстi жобаны келiсу үшiн қайтару. <*>
      7) Үкiмет шешiмдерiн талап етпейтiн мәселелер жөнiндегi хат-хабарларды тиiстi министрлiктерге, агенттіктерге және өзге де мемлекеттiк органдарға жолдау және қайтару; <*>
      8) мемлекеттiк органдардың Мемлекет басшысы, Yкiмет және Премьер-Министр актiлерiнiң жобалары жөнiндегi, сондай-ақ қабылданған нормативтік құқықтық актiлердiң атқарылуы мәселелерi жөнiндегi келiспеушiліктерiн қарау бойынша кеңестер шақыру;
      8-1) Премьер-Министр Кеңсесiнiң нормативтiк құқықтық актiлердiң жобалары бойынша ескертпелерiн жою мақсатында кеңестер өткiзген жағдайларда оларға мемлекеттiк органдардың вице-министрлерден (агенттiктер төрағаларының орынбасарларынан) төмен емес қызмет атқаратын лауазымды тұлғаларын шақыру. <*>
      9) әзiрлеушi сараптамалар жүргізу барысында айтылған ескертпелердi жоюға келiскен жағдайларда мемлекеттiк органдармен нормативтiк құқықтық актiлердiң жобаларын әзiрлеушiлермен бiрлесiп жұмыс тәртiбiмен Үкiметтiң қаулылары мен Премьер-Министр өкiмдерiнiң жобаларын пысықтау; <*>
      10) Президенттiң, Үкiметтiң, Премьер-Министрдiң, оның орынбасарларының және Премьер-Министрдiң Кеңсесi Басшысының актiлерi мен тапсырмаларының атқарылуына тексеру жүргiзудi ұйымдастыру мен оған қатысу және олардың атқарылу мерзiмдерiн бақылауды жүзеге асыру. <*>
      11) мемлекеттiк органдарда iс қағаздарын жүргiзу, оның iшiнде қорғаныштық құралдарды пайдалану талаптарының орындалуы бойынша тексерулер жүргізу;
      12) Үкiмет мүшелерiнiң атына келiп түскен депутаттық сауалдарға жауап берудiң мерзiмдерiн бақылауды жүзеге асыру. <*>
      13) Үкiметтiң, Премьер-Министр мен оның орынбасарлары тапсырмаларының атқарылмағаны немесе тиiстi емес түрде атқарылғаны үшiн министрлiктердiң, агенттiктердiң және ведомстволардың басшыларын жауапқа тарту туралы ұсыныстар енгiзу;
      14) мемлекеттiк органдар алқаларының мәжiлiстерiне қатысу;
      14-1) қаралатын мәселелер бойынша түсiндiрулер үшiн мемлекеттiк органдар мен өзге де ұйымдардың лауазымды тұлғаларын шақыру. <*>
      15) отандық және шетелдiк ұйымдарға елдiң экономикасын реформалау мәселелерi бойынша ғылыми-зерттеу тақырыптары мен ақпараттық-талдау сипатындағы жұмыстарды әзiрлеуге осы мақсаттарға көзделген қаржы қаражатының шегiнде тапсырыстар беру;
      16) отандық және шетелдiк сарапшылар мен консультанттардың Қазақстан Республикасы Үкiметiнiң қызметiне қатысты мәселелер бойынша қызмет көрсетулерiн белгiленген тәртiппен пайдалану;
      17) заңдарға сәйкес өзге де құқықтарды жүзеге асыру.
      ЕСКЕРТУ. 12-тармақ өзгерді - ҚР Үкіметінің 2000.03.02. N 345
               қаулысымен. P000345_

      13. Премьер-Министр Кеңсесiнiң жауапты қызметкерлерi Қазақстан Республикасы Үкiметiнiң жанындағы консультативтiк кеңесшi органдардың жұмысына, сондай-ақ тиiсiнше Үкiметтiң және Премьер-Министрдiң шешiмдерi бойынша құрылатын комиссиялар мен жұмыс топтарына қатыса алады.
      14. Премьер-Министр Кеңсесiнiң мемлекеттiк органдардың қажеттi

материалдар, мәлiметтер беруi жөнiндегi, сондай-ақ Үкiмет пен 
Премьер-Министр шешiмдерiнiң жобаларын пысықтау жөнiндегi талаптары 
тапсырмада басқа атқару мерзiмдерi көрсетiлмеген болса, заңдарда 
белгiленген мерзiмдерде орындалуға тиiс.
     14-1. Премьер-Министр Кеңсесiнiң өзiнiң құзыретiне кiретiн мәселелер 
бойынша шешiмi мемлекеттiк органдар мен лауазымды тұлғалардың атқаруы үшiн 
мiндеттi. 
<*>

     ЕСКЕРТУ. Жаңа 14-1-тармақпен толықтырылды - ҚР Үкіметінің 2000.03.02. 
              N 345 қаулысымен.  

P000345_

 
              3. Премьер-Министр Кеңсесiнiң мүлкi
     
     15. Премьер-Министр Кеңсесiнiң жедел басқару құқығында оқшау мүлкі 
болады.
     Премьер-Министр Кеңсесiнiң мүлкi оған мемлекет берген мүлiктiң 
есебiнен қалыптасады және негiзгi қорлар мен айналым қаражатынан, 
сондай-ақ құны Премьер-Министр Кеңсесiнiң балансында көрсетiлетiн өзге 
де мүлiктен тұрады. 
     16. Премьер-Министрдiң Кеңсесiне бекiтiлiп берiлген мүлiк 
республикалық меншiкке жатады.
     17. Премьер-Министр Кеңсесiнiң өзiне бекiтiлiп берiлген мүлiктi 
өз бетiнше иелiктен алуға немесе оған өзге тәсiлмен билiк жүргізуге құқығы 
жоқ.
     Премьер-Министрдiң Кеңсесiне мүлiкке билiк жасау құқығы берiлген 
жағдайда ол мүлiкке заңдарда белгiленген жағдайлар мен шекте билiк жасайды.
    
          4. Премьер-Министр Кеңсесiнiң қызметiн ұйымдастыру
     
     18. Премьер-Министрдiң Кеңсесiн Қазақстан Республикасының 
Президентi қызметке тағайындайтын және қызметтен босататын 
Премьер-Министр Кеңсесiнiң Басшысы басқарады.
     Қазақстан Республикасы Премьер-Министрінің Кеңсесі Басшысының ұсынысы 
бойынша Қазақстан Республикасының Үкіметі Премьер-Министр Кеңсесінің мына 
қызметкерлерін қызметке тағайындайды және қызметтен босатады:
     1) Кеңсе Басшысының орынбасарлары;
     2) құрылымдық бөлімшелердің жетекшілері;
     3) Премьер-Министрдің көмекшілері мен кеңесшілері;
     4) құрылымдық бөлімше жетекшілерінің орынбасарлары;
     5) бас инспекторлары.
<*>

      Премьер-Министр Кеңсесінің басқа қызметкерлерін Кеңсенің Басшысы заңдарға сәйкес қызметке тағайындайды және қызметтен босатады.
      ЕСКЕРТУ. 18-тармақтың екінші абзацы жаңа редакцияда - ҚР Үкіметінің
                1999.11.06. N 1667 қаулысымен. P991667_
      19. Премьер-Министр Кеңсесiнiң Басшысы Премьер-Министр Кеңсесiнiң жұмысын ұйымдастырады және оған басшылық жасайды және Премьер-Министрдiң Кеңсесiне жүктелген мiндеттердiң орындалуы мен оның өз функцияларын жүзеге асыруы үшiн жеке жауап бередi.
      20. Осы мақсатта Премьер-Министр Кеңсесiнiң Басшысы:
      1) өз орынбасарларының және Премьер-Министр Кеңсесінің құрылымдық бөлімшелері басшыларының міндеттері мен өкілеттіктерін белгілейді;
      2) <*>
      2) заңдарға сәйкес Қазақстан Республикасының Үкiметi тағайындайтын адамдарды қоспағанда, Премьер-Министр Кеңсесiнiң қызметкерлерін қызметке тағайындайды және қызметтен босатады. <*>
      3) заңдарда белгіленген тәртіппен және өз құзыретінің шегінде

Премьер-Министр Кеңсесінің қызметкерлерiн көтермелейдi және оларға 
тәртіптік жаза қолданады; 
<*>

     4) бұйрықтар шығарады;
     5) Премьер-Министр Кеңсесінің құрылымдық бөлімшелері туралы 
ережелерді бекітеді олардың арасындағы мемлекеттiк органдар енгiзетiн 
мәселелердi қарау жөнiндегi функционалдық мiндеттердi нақты бөле 
отырып; 
<*>
 
     5-1) құрылымдық бөлiмшелердiң өзара iс-қимылын үйлестiредi. 
<*>

     6) Премьер-Министрдің Кеңсесін мемлекеттік органдарда, өзге де 
ұйымдарда білдіреді;
     7) заңдарға сәйкес өзге де өкілеттіктерді жүзеге асырады.
     ЕСКЕРТУ. 20-тармақтың 2) тармақшасы алынып тасталды - ҚР Үкіметінің   
              1999.11.06. N 1667 қаулысымен.  

P991667_

 
     ЕСКЕРТУ. Жаңа 14-1-тармақпен толықтырылды - ҚР Үкіметінің             
              2000.03.02. N 345 қаулысымен.  

P000345_

 
     
                     5. Премьер-Министрдің Кеңсесін қайта
                             ұйымдастыру және тарату
     
     21. Премьер-Министрдің Кеңсесін қайта ұйымдастыру және тарату 
Қазақстан Республикасының заңдарына сәйкес жүзеге асырылады.
     
     
                                  Қазақстан Республикасы
                                       Үкіметінің
                                  1999 жылғы 20 мамырдағы
                                    N 592 қаулысымен
                                        бекітілген
     
     Қазақстан Республикасының Премьер-Министрі Кеңсесінің
                       Құрылымы
     
     Басшылық
     Үкіметтік ақпарат бөлімі 
<*>

     Премьер-Министрдің Хатшылығы
     Премьер-Министрдің Баспасөз қызметі
     Үкіметтің Парламенттегі Өкілдігі
     Экономикалық бөлім
     Өндірістік сала бөлімі
     Заң бөлімі
     Ақпараттық-талдау бөлімі
     Аймақтық даму және кадр бөлімі
     Сыртқы экономикалық байланыстар және хаттама бөлімі
     Бақылау және құжаттамалық қамтамасыз ету бөлімі
     Қаржы-шаруашылық бөлімі
     Қазақстан Республикасы Министрінің - Қазақстан
     Республикасы Президентінің жанындағы Отбасы және әйелдер істері 
жөніндегі ұлттық комиссия төрағасының Хатшылығы
     ЕСКЕРТУ. Құрылым өзгерді - ҚР Үкіметінің 1999.09.09. N 1353 
              қаулысымен. 

P991353_

 
     
                                 Қазақстан Республикасы
                                       Үкіметінің
                                 1999 жылғы 20 мамырдағы
                                   N 592 қаулысымен
                                       бекітілген
     
     Қазақстан Республикасының Премьер-Министрі Кеңсесінің
                 қарауындағы ұйымдардың
                         Тізбесі
     
     1. "Қазарнаулыэкспорт (Қазспецэкспорт)" республикалық мемлекеттiк 
кәсiпорны. 
<*>
 
     ЕСКЕРТУ. Тізбе өзгерді - ҚР Үкіметінің 2000.03.02. N 345              
              қаулысымен.  

P000345_

 
     
                                  Қазақстан Республикасы
                                       Үкіметінің
                                  1999 жылғы 20 мамырдағы
                                    N 592 қаулысына
                                        қосымша
     
     Қазақстан Республикасы Үкіметінің күші жойылған
                 кейбір шешімдерінің
                      Тізбесі
     


      1. "Қазақстан Республикасы Премьер Министрінің Кеңсесі туралы" Қазақстан Республикасы Үкіметінің 1997 жылғы 20 қарашадағы N 1449 P971449_ қаулысы.
      2. "Қазақстан Республикасы Премьер-Министрінің Кеңсесі туралы ережені бекіту туралы" Қазақстан Республикасы Үкіметінің 1997 жылғы 10 желтоқсандағы N 1732 P971732_ қаулысы (Қазақстан Республикасының ПҮАЖ-ы, N 53, 484-құжат).
      3. "Қазақстан Республикасы Премьер-Министрі Кеңсесінің штат

санының лимитін бекіту туралы" Қазақстан Республикасы Үкіметінің 1998 
жылғы 5 ақпандағы N 87 қаулысы.
     4. "Қазақстан Республикасы Үкіметінің 1997 жылғы 10 желтоқсандағы 
N 1732 қаулысына өзгеріс енгізу туралы" Қазақстан Республикасы 
Үкіметінің 1998 жылғы 7 сәуірдегі N 295  

P980295_

  қаулысы.
     
  Оқығандар:
 Қобдалиева Н.
 Омарбекова А.       
     
     
     
     
     
     
    
     
 
     
     
     
     
     
      
      



Дата изменения акта:  11.09.2002
Дата принятия акта:  20.05.1999
Место принятия:  100051000000
Орган, принявший акт:  103000000000
Регион действия:  100000000000
Регистрационный номер акта в Государственном реестре нормативных правовых актов Республики Казахстан:  2940
Регистрационный номер НПА, присвоенный нормотворческим органом:  592
Статус акта:  yts
Сфера правоотношений:  001005000000 / 001008000000
Форма акта:  ПОСТ / ПОЛ
Юридическая сила:  1000
Язык акта:  kaz