28.02.1997

Қазақстан Республикасының әуе кеңiстiгiн пайдалану туралы Ереженi бекiту туралы

      Ескерту. Күші жойылды - ҚР Үкіметінің 2011.05.12 № 506 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.

      "Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасының 1995 жылғы 20 желтоқсандағы Заңына сәйкес, Қазақстан Республикасының әуе кеңiстiгiн пайдаланушылардың қызметiне байланысты қатынастарды мемлекеттiк реттеу мақсатында Қазақстан Республикасының Үкiметi қаулы етедi: қараңыз.Z100339
       Ескерту. Кіріспеге өзгерту енгізілді - ҚР Үкіметінің 2008.01.24 N 61 Қаулысымен.
      1. Қазақстан Республикасының әуе кеңiстiгiн пайдалану туралы қоса берiлiп отырған Ереже бекiтiлсiн.
      2. Қазақстан Республикасының министрлiктерi мен ведомстволары әуе кеңiстiгiн пайдалану жөнiндегi ведомстволық нормативтiк актiлерiн Қазақстан Республикасының әуе кеңiстiгiн пайдалану туралы Ережеге сәйкес келтiрсiн.

      Қазақстан Республикасының
      Премьер-Министрi

Қазақстан Республикасы 
Үкiметiнiң       
1997 жылғы 28 ақпандағы 
N 285 қаулысымен    
бекiтiлген       

       Ескерту. Мәтіндегі "Қазақстан Республикасы Президентінің 1995 жылғы 20 желтоқсандағы N 2697 Заң күші бар Жарлығына", "Қазақстан Республикасы Президентінің 1995 жылғы 20 желтоқсандағы N 2697 Заң күші бар Жарлығымен", "Жарлықпен", "Қазақстан Республикасы Президентінің Заң күші бар Жарлығының" және "Қазақстан Республикасы Президентінің Заң күші бар Жарлығында" деген сөздер тиісінше "Қазақстан Республикасының 1995 жылғы 20 желтоқсандағы Заңына", "Қазақстан Республикасының 1995 жылғы 20 желтоқсандағы Заңымен", "Заңмен", "Қазақстан Республикасы Заңының" және "Қазақстан Республикасының Заңында" деген сөздермен ауыстырылды - ҚР Үкіметінің 2008.01.24 N 61 Қаулысымен.

  Қазақстан Республикасының әуе кеңiстiгiн пайдалану туралы
ЕРЕЖЕ

  I. Жалпы ережелер

      1. Осы Ереже "Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасының 1995 жылғы 20 желтоқсандағы Заңына сәйкес, мемлекеттiң мүддесiн қорғау мен сақтау, сондай-ақ Қазақстан Республикасының әуе кеңiстiгiн пайдаланушылардың қызметiне байланысты қатынастарды мемлекеттiк реттеу мақсатында әзiрлендi. қараңыз.Z100339
      2. Қазақстан Республикасының әуе кеңiстiгiн пайдалану "Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасының 1995 жылғы 20 желтоқсандағы Заңымен, осы Заңмен белгiленген құзыретi шегiнде мемлекеттiк органдар шығарған құқықтық нормативтiк актiлермен, сондай-ақ Қазақстан Республикасы қатысушы болып табылатын халықаралық конвенциялармен және шарттармен реттеледi. 
      Әуе кеңiстiгiн пайдаланудың өзге ережелерiн көздейтiн Қазақстан Республикасы бекiткен халықаралық шарттар оның заңдарының алдында басымдылыққа ие және халықаралық шарттан, оның қолданылуы заң шығаруды талап еткен жағдайлардан басқа да тiкелей қолданылады. 
      3. Қазақстан Республикасының әуе кеңiстiгiн пайдаланушылардың бәрiне әуе тасымалы мен аэронавигациялық қызмет көрсету үшiн пайдалану үшiн оның қай мемлекетке жататынына, ведомстволық бағыныстылығы мен меншiк нысанына қарамастан, аэронавигациялық алымдар түрiндегi ақы төлеумен жүзеге асырылады.
      Қазақстан Республикасының әуе кеңiстiгiнде аэронавигациялық қызмет көрсетулер үшiн ставкалар мен алымдар мөлшерi және аэронавигациялық алымдарды төлеу тәртiбi Қазақстан Республикасының әуе кеңiстiгiн пайдаланушылардан аэронавигациялық қызмет көрсетiлгенi үшiн ақы алу тәртiбi туралы қолданылып жүрген Ережеге, аэронавигациялық ақпарат жинағына (АIР) және қолданылып жүрген аэронавигациялық ақпарат Циркулярына (АIС) сәйкес белгiленедi.
      Ескерту. 3-тармаққа өзгерту енгізілді - ҚР Үкіметінің 2010.02.02 № 61 Қаулысымен.
      4. Ұшуларды мынадай жағдайларда орындағанда Қазақстан Республикасының әуе кеңiстiгiн пайдаланушылардан аэронавигациялық қызмет көрсетiлгенi үшiн ақы алынбайды: 
      қатер төнген әуе кемелерiнен; 
      бортындағы авариялық жағдайларға, материалдық бөлшегiнiң iстен шығуына немесе ақауы бар болуына байланысты маршруттары өзгертiлген әуе кемелерiнен; 
      iздестiру-құтқару жұмыстарын жүргiзуге және/немесе халыққа медициналық жәрдем көрсетуге арналған әуе кемелерiнен; 
      Қазақстан Республикасы мемлекеттік авиациясының әуе кемелерінен;
      бортында тек қана король тектілер, мемлекет басшылары және үкімет басшылары бар ұшуларды жүзеге асыратын әуе кемелерінен.
      Ескерту. 4-тармаққа өзгерту енгізілді - ҚР Үкіметінің 2010.02.02 № 61 Қаулысымен.
      5. Әуе кеңiстiгiн пайдаланушылардың бәрiне қатысты Қазақстан Республикасы әуе кеңiстiгiнiң пайдалануын ұйымдастыруды Қазақстан Республикасының әуе кеңiстiгiн пайдалану мен әуе қозғалысына қызмет көрсету (басқару) жөнiндегi мемлекеттiк орган (бұдан әрi ӘКП және ӘҚҚК жөнiндегi мемлекеттiк орган) жүзеге асырады. 
      6. Қазақстан Республикасының әуе кеңiстiгiнiң пайдаланылуын реттейтiн Қазақстан Республикасының қолданылып жүрген заң актiлерiн, басқа да нормативтiк құқықтық құжаттарын орындауға бағытталған ӘКП және ӘҚҚК жөнiндегi мемлекеттiк органның барлық нұсқаулары мен өкiмдерi қызметi әуе кеңiстiгiн пайдаланумен байланысты барлық мүдделi министрлiктермен мен ведомстволарға, кәсiпорындарға, мекемелер мен ұйымдарға дереу жеткiзiледi және өздерiне қатысты бөлiгiнде барлық пайдаланушылардың орындалуы үшiн мiндеттi болып табылады. 
      7. Қазақстан Республикасының әуе кеңiстiгiн пайдаланушылардың қызметiн басқару мен бақылауды ӘКП және ӘҚҚК жөнiндегi мемлекеттiк орган жүзеге асырып, бұл ретте ол Қазақстан Республикасының көлiк жөнiндегi орталық атқарушы органдарымен және Қорғаныс министрлiгiмен өзара iс-қимыл жасайды. 
      8. Әуе кеңiстiгiн барлық пайдаланушылардың әуе кемелерiнiң және/немесе басқа да ұшу аппараттарының ұшырылуын орындау кезiнде, сондай-ақ әуе кеңiстiгiн пайдалануға әрi ұшуға арнайы режимдер немесе ұшудың шектелуiн белгiлеудi талап етуге байланысты өзге де қызметтi атқару кезiнде Қазақстан Республикасының әуе кеңiстiгiн пайдалану тәртiбi мен ережелерiнiң сақталуына тiкелей бақылау жасауды Қазақстан Республикасының Әуе шабуылына қарсы қорғаныс әскерлерiнiң органдарымен бiрлесе отырып, мыналар жүзеге асырады: 
      Қазақстан Республикасының әуе қозғалысын ұйымдастыру мен басқару жөнiндегi Бас орталық (ҚР ӘҚҰБ БО); 
      әуе қозғалысына қызмет көрсетудiң аймақтық орталықтары (ӘҚҚК АО); 
      әуе қозғалысына қызмет көрсету және/немесе әуе қозғалысын басқару аудандары (ӘҚҚК/ӘҚБ). 
      Қазақстан Республикасының ӘҚҰБ Бас орталығы, ӘҚҚК аймақтық орталықтары мен ӘҚҚК/ӘҚБ аудандары ӘҚҚК органдарының ұйымдық құрылымында айқындалған Қазақстан Республикасы Қорғаныс министрлiгiнiң әскери секторынан және Қазақстан Республикасының көлiк жөнiндегi орталық атқарушы органының азаматтық секторынан тұрады.

  II. Әуе кеңiстiгiнiң құрылымы мен жiктемесi

      9. Қазақстан Республикасының әуе кеңiстiгiнiң құрылымы мен жiктемесiн әуе қозғалысына диспетчерлiк қызмет көрсету - әуе қозғалысын басқару органдарының, сондай-ақ Қазақстан Республикасы авиациясының қызметiне Мемлекеттiк басқару мен бақылауды жүзеге асыру органдарының атқаратын функцияларын ескере отырып, Қазақстан Республикасының ӘҚҰБ жөнiндегi Бас орталығымен бiрге ӘКП және ӘҚҚК жөнiндегi мемлекеттiк орган әзiрлейдi. 
      Әуе кеңiстiгiнiң белгiленген құрылымы мен оның жiктемесi Қазақстан Республикасының әуе кеңiстiгiн пайдалану туралы Ереженi қолдану жөнiндегi Нұсқаулыққа енгiзiлiп, ол Қазақстан Республикасы Қорғаныс министрiнiң және Қазақстан Республикасының Көлiк және коммуникациялар министрiнiң бұйрықтарымен бекiтiледi. 
      "Байқоңыр" ғарышайлағының, Қазақстан Республикасы полигондарының және Қазақстан Республикасының аумағына орналасқан Ресей Федерациясы полигондарының әуе кеңiстiгi құрылымдарын Қазақстан Республикасының Көлiк және коммуникациялар министрлiгiмен, Қазақстан Республикасының Ұлттық қауiпсiздiк комитетiмен (ҰҚК) келiсiм бойынша Қазақстан Республикасының Қорғаныс министрлiгi бекiтедi. 
      10. Қазақстан Республикасы әуе кеңiстiгiнiң құрылымы биiктiгi бойынша (тiке жазықтығы) және аумақтық енi бойынша (көлденең жазықтығы) шектелiнген оның жеке бөлшектерiнiң жиынтығы болып келедi.
      Мыналар: 
      әуе қозғалысына диспетчерлiк қызмет көрсету аудандары (ӘҚҚК аудандары); 
      аэродромдар аудандары (АА); 
      әуе трассалары (ӘТ); 
      жергiлiктi әуе жолдары (ЖӘЖ), әуе дәлiздерi үшiн ұшу маршруттары; 
      мемлекеттiк авиацияның, эксперименттiк авиацияның және жалпы мақсаттағы авиацияның ұшуы үшiн арнайы аймақтар мен аудандар; 
      ғарышайлақтары мен полигондар аудандары; 
      жарылыс жұмыстарының аудандары; 
      ұшуға тыйым салынған аймақтар және шек қойылған аймақтар әуе кеңiстiгi құрылымының бөлшектерi;
      әуе кеңістігінің бақыланбайтын аудандары болып табылады.
       Ескерту. 10-тармаққа өзгерту енгізілді - ҚР Үкіметінің 2008.01.24 N 61 Қаулысымен.
      11. Әуе кеңiстiгiнiң құрылымы бөлшектерiнiң шекаралары көлденең жазықтығында жер (су) бетiнiң географиялық координаттары бойынша немесе өзiне тән (көрсетiлген) жер бағдарлары бойынша белгiленедi, ал тiке жазықтықта шекаралар әуе кеңiстiгiндегi құрылымның осы бөлшегiнiң мақсаты мен атқаратын функциясына қарай белгiленедi. 
      12. Қазақстан Республикасының аумағы үстiнен өтетiн әуе кеңiстiгi мемлекеттiк шекара шегiнде былайша бөлiнедi: 
      әуе кемелерi мен басқа да ұшу аппараттарының ұшырылуы үшiн бөлiнген әуе кеңiстiгi; 
      "Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасы Заңының 8-бабындағы "б" тармағында көзделген қызметтi атқаруға байланысты ұшуға салынған немесе шектелген әуе кеңiстiгi. 
      13. Қазақстан Республикасының Әуе шабуылына қарсы қорғаныс әскерлерi органдарының, мемлекеттiк авиацияның ұшуларына жедел басшылық жасау органдарының және әуе қозғалысына диспетчерлiк қызмет көрсету органдарының әуе жағдайына радиолокациялық бақылауды қамтамасыз ету үшiн қажеттi радиолокациялық құралдар мен байланыс құралдарының ықпал ету қашықтығына қарай Қазақстан Республикасының әуе кеңiстiгi мыналарға бөлiнедi: 
      аталған органдар әуе жағдайына радиолокациялық бақылауды қамтамасыз ететiн бақыланатын әуе кеңiстiгi; 
      әуе жағдайына радиолокациялық бақылау жасалмайтын, бiрақ ұшуларды ұйымдастыру, оларға қызмет көрсетiлуi мен басқарылуы жөнiндегi аталған органдардың функциялары сақталынатын бақыланбайтын әуе кеңiстiгi. 
      14. Әуе трассалары (соның iшiнде халықаралық ӘТ) бойынша жергiлiктi әуе жолдары мен ұшу маршруттары бойынша әуе кемелерiнiң ұшуы үшiн бөлiнген Қазақстан Республикасының әуе кеңiстiгi ӘҚҚК ауданындағы белгiленген шекараларда былайша бөлiнедi: 
      жоғары әуе кеңiстiгi; 
      төмен әуе кеңiстiгi. 
      15. ӘҚҚК-дiң әрбiр ауданында белгiлi бiр сыныптағы әуе кеңiстiгi құрылымының айқындалуы мен қабылдануына қарай әуе трассалары мен жергiлiктi әуе жолдары жоғары әуе кеңiстiгiнiң аудандары арқылы және iшiнара төменгi әуе кеңiстiгi аудандарында белгiленiп, өтуi мүмкiн. 
      ӘҚҚК ауданының төменгi әуе кеңiстiгi мен жоғары әуе кеңiстiгi арасындағы шекарасы, әдетте, 6100 метр биiктiкте (ұшу эшалоны) белгiленедi. 
      ӘҚҚК нақтылы ауданындағы жер жағдайына және ұшудың орындалу ерекшелiгiне қарай осы ауданның төменгi және жоғары әуе кеңiстiгi арасындағы шекара аралығы 4600-7300 метр биiктiктердiң бiрiнде (ұшу эшалондары) белгiленуi мүмкiн. 
      16. Шекаралары бiрiне бiрi жанасып жатқан ӘҚҚК-нiң екi және одан да көп аудандарының жоғары әуе кеңiстiгi әуе қозғалысына қызмет көрсету жөнiндегi Орталықтың бiр әуе кеңiстiгiне бiрiктiрiле алынады (бұдан әрi, жұмыс iстейтiн ӘҚБ автоматтандырылған жүйесi болғанда - ӘҚҚК-нiң аймақтық автоматтандырылған жүйесi - ӘҚҚК ААЖ). 
      Әуе қозғалысына қызмет көрсету орталықтары мен аудандарының тiзбесi, олардың орналасуы мен шекаралары Қазақстан Республикасының Қорғаныс министрi мен Көлiк және коммуникациялар министрiнiң бұйрықтарымен бекiтiледi. 
      17. ӘҚҚК аудандарының төменгi әуе кеңiстiгiнiң шегiнде мыналар белгiленедi: 
      аэродромдар немесе аэротораптар аудандарының әуе кеңiстiгi; 
      жергiлiктi әуе жолдары мен ұшу маршруттары; 
      мемлекеттiк, эксперименттiк авиация аэродромдары мен аэроклубтары аудандарының әуе кеңiстiгi;
      бақыланбайтын әуе кеңістігі.
       Ескерту. 17-тармаққа өзгерту енгізілді - ҚР Үкіметінің 2008.01.24 N 61 Қаулысымен.
      18. Мемлекет экономикасының мүддесiне бола авиациялық жұмыстардың жекелеген түрлерiн атқарған кезде жалпы мақсаттағы авиация ұшуларын орындау үшiн, сондай-ақ техникалық өнерпаздықты дамыту және әуе кемелерiн пайдаланушылардың жеке қажеттiлiктерiн қанағаттандыру мақсатында оқу, спорттық, мәдени-көрсетiлiм шараларын өткiзуге арналып, осы мақсат үшiн Қазақстан Республикасының әуе кеңiстiгiнiң құрылымында көзделген белгiлi сыныптағы әуе кеңiстiгi бөлiнген арнайы ұшу аудандары белгiленедi. 
      Аталған аудандардың шекараларын әуе кеңiстiгiн мүдделi түрде пайдаланушылардың ұсынысы бойынша және Қазақстан Республикасы Қорғаныс министрлiгiнiң тиiстi органдарымен келiсiлгеннен кейiн ӘКП ӘҚҚК жөнiндегi мемлекеттiк орган бекiтедi. 
      19. Әуе кемелерi мен басқа да ұшу аппараттарын көрсетуге арналған ұшуларды орындау үшiн осындай ұшуларды орындайтын аймақтар (ұшу аймақтары) белгiленедi, бұлар белгiлi бiр аудандардан тысқары немесе елдi мекендердiң үстiнде әуе кемесiнiң немесе ұшу аппаратының тұрғын үйлер алабы мен адамдар легi үстiне құлауын болғызбайтын қажеттi қауiпсiздiк шаралары сақтала отырып бөлiнген әуе кеңiстiгiне орналасады. 
      Көрсетуге арналған ұшуларды орындау үшiн осындай ұшуларды ұйымдастыру мен өткiзуге қатысатын басқа ведомстволармен, кәсiпорындармен және мекемелермен және ӘҚҰБ жөнiндегi Бас орталықпен келiсiлген ӘКП және ӘҚҰБ жөнiндегi мемлекеттiк органның арнайы рұқсаты талап етiледi. 
      Әуе кемелерi мен ұшу аппараттарын көрсетуге арналған ұшыруларды өткiзу кезiнде қауiпсiздiктi қамтамасыз ету үшiн жауапкершiлiк көрсетуге арналған ұшыруларды ұйымдастырушы мен оларға тiкелей басшылық етушiге жүктеледi. 
      20. Қазақстан Республикасының әуе кеңiстiгiнде немесе оның жекелеген аудандарында тыйым салынған аймақтар мен шектеу аймақтары белгiленуi мүмкiн, бұларда әуе кеңiстiгiн пайдалануға толық тыйым салынады немесе шектелiнедi. 
      Ұшуға тыйым салынған аймақтар мен шектеу аймақтарын мүдделi министрлiктердiң, ведомстволар мен ұйымдардың ұсынысы бойынша Қорғаныс министрлiгi белгiлейдi. Тыйым салынған аймақтардың Тiзбесiн Қорғаныс министрлiгi жасайды да әуе қозғалысына қызмет көрсету мен оны басқаруды ұйымдастыру жөнiндегi Бас орталықтың (бұдан әрi - ӘҚҚК БО) әскери секторы арқылы жiберiледi. Ұшуға тыйым салынған аймақтар мен шектеу аймақтары әуе кеңістігін пайдалану және ұшулар жасау жөніндегі нұсқаулықтарға және аэронавигациялық ақпарат жинақтарына енгізіледі.
       Ескерту. 20-тармаққа өзгерту енгізілді - ҚР Үкіметінің 2008.01.24 N 61 Қаулысымен.
      21. Мемлекеттiк авиация әуе кемелерiнiң ұшуы және атыс өткiзу мен ракеталар жiберуге байланысты қызметтi атқару үшiн белгiленген әуе трассалары мен ЖӘЖ-нан тыс әуе кеңiстiгiндегi аудандар мен арнайы аймақтардың шекараларын Қазақстан Республикасының Қорғаныс министрлiгi айқындап, бекiтедi. 
      22. Су үстiнен өтетiн ӘҚҚК аудандары әуе кеңiстiгiнiң шекаралары Қазақстан Республикасының халықаралық шарттарының талаптарына сәйкес белгiленедi. 
      23. Аэродромдар аудандарының шекараларын, олардың қай ведомствоға жататынына қарамастан, аэродромдардың аға авиация бастықтарының ұсынысы бойынша Қазақстан Республикасының Қорғаныс министрлiгiмен және көлiк жөнiндегi орталық атқарушы органмен келiскен соң ӘКП және ӘҚҚК жөнiндегi мемлекеттiк орган бекiтедi. 
      24. Ұшуды ұйымдастыруы мен басқаруы өзара үйлестiру мен келiсудi талап ететiн аэродромдар, олардың қай ведомствоға жататынына қарамастан, ӘКП және ӘҚҚК жөнiндегi мемлекеттiк органның шешiмiмен аэротораптарға бiрiктiрiле алады. 
      Аэротораптар аудандарының шекараларын Қазақстан Республикасының Қорғаныс министрлiгiмен келiскеннен кейiн ӘКП және ӘҚҚК жөнiндегi мемлекеттiк орган бекiтедi. 
      Аэротораптарға енетiн аэродромдар аудандарының шекаралары белгiленбеуi де мүмкiн. 
      25. ӘҚҚК әуе кеңістігі былайша сыныпталады және белгіленеді:
      А сыныбы. Аспаптар бойынша ұшу ережелері (АҰЕ) бойынша ғана ұшуларға рұқсат етіледі, барлық әуе кемелері диспетчерлік қызмет көрсетілуге жатады және эшелондалады.
      В сыныбы. АҰЕ бойынша және көзбен шолып ұшу ережелері (КҰЕ) бойынша ғана ұшуларға рұқсат етіледі, барлық әуе кемелері диспетчерлік қызмет көрсетілуге жатады және эшелондалады.
      С сыныбы. АҰЕ және КҰЕ бойынша ұшуларға рұқсат етіледі, барлық әуе кемелері диспетчерлік қызмет көрсетілуге жатады. АҰЕ бойынша ұшуларды орындайтын әуе кемелері АҰЕ мен КҰЕ бойынша ұшуларды орындайтын әуе кемелеріне қатысты эшелондалады. КҰЕ бойынша ұшуларды орындайтын әуе кемелері АҰЕ бойынша ұшуларды орындайтын әуе кемелеріне қатысты эшелондалады.
      D сыныбы. АҰЕ және КҰЕ бойынша ұшуларға рұқсат етіледі, барлық әуе кемелері диспетчерлік қызмет көрсетілуге жатады. АҰЕ бойынша ұшуларды орындайтын әуе кемелері АҰЕ бойынша ұшуларды орындайтын басқа әуе кемелеріне қатысты эшелондалады және КҰЕ бойынша ұшуларды орындайтын әуе кемелеріне қатысты қозғалыс туралы ақпарат алады. КҰЕ бойынша ұшуларды орындайтын әуе кемелері басқа да барлық әуе кемелерінің қозғалысы туралы ақпарат алады.
      Е сыныбы. АҰЕ және КҰЕ бойынша ұшуларға рұқсат етіледі, АҰЕ бойынша ұшуды орындайтын әуе кемелері диспетчерлік қызмет көрсетілуге жатады және АҰЕ бойынша ұшуларды орындайтын басқа әуе кемелеріне қатысты эшелондалады. Барлық әуе кемелері, мүмкіндігінше, қозғалыс туралы ақпарат алады.
      Ғ сыныбы. АҰЕ және КҰЕ бойынша ұшуларға рұқсат етіледі, АҰЕ бойынша ұшуларды орындайтын әуе кемелерінің бәріне әуе қозғалысына консультациялық қызмет көрсетіледі және сұрауы бойынша барлық әуе кемелеріне ұшу-ақпараттық қызмет көрсетіледі;
      G сыныбы. АҰЕ және КҰЕ бойынша ұшуларға рұқсат етіледі және сұрауы бойынша ұшу-ақпараттық қызмет көрсетіледі.
      Қазақстан Республикасының әуе кеңістігі мынадай тәртіппен сыныпталады:
      1) 6100 м биіктіктен бастап және одан астам жоғары әуе кеңістігі А сыныбына жатады;
      2) эшелоннан 6000 м және эшелонға дейін 1200 м төмен төменгі әуе кеңістігі С сыныбына жатады;
      3) диспетчерлік қызмет көрсету ұйымдастырылған әуеайлақтарының төменгі әуе кеңістігі С сыныбына жатады;
      4) диспетчерлік қызмет көрсету ұйымдастырылмаған эшелоннан 900 м және одан төмен төменгі әуе кеңістігі G сыныбына жатады;
      5) жекелеген жағдайларда G сыныбы әуе кеңістігінің жоғары шекарасы эшелоннан 1200 м жоғары белгіленуі мүмкін.
      Бақыланбайтын әуе кеңістігінде диспетчерлік рұқсат қажет етілмейді. Іздестіру мен құтқару үшін тиісті органға хабар беруді ұйымдастыру авиакомпаниялар мен ұшу аппараттарының иелеріне жүктеледі.
       Ескерту. 25-тармақ жаңа редакцияда - ҚР Үкіметінің 2008.01.24 N 61 Қаулысымен.
      26. ӘК-нiң үлгiлерiмен, әуе қозғалысының тығыздылығымен әрi үдемелiлiгiмен, ӘҚҚК аудандары орналасуының аумақтық және жергiлiктi ерекшелiктерiмен, әуе қозғалысын басқаруды жүзеге асыратын диспетчерлiк органдардың санымен және функционалдық мақсатымен айқындалатын әуе қозғалысына диспетчерлiк қызмет көрсетуге деген қажеттiлiгiне қарай ӘҚҚК-дiң өкiлеттi органы тарапынан (ӘҚҚК Орталықтарына, ӘҚҚК аудандарына) өз жауапкершiлiгiндегi аймақтарда ӘҚҚК мақсатына, әрi ұшу қауiпсiздiгi талабына сай келетiн әуе кеңiстiгiнiң тиiстi сыныптарын таңдап алуы мен белгiлеуiне құқық берiледi. 
      Әуе кеңiстiгiнiң белгiлi бiр сыныбында ұшулар жасау мен әуе қозғалысына қызмет көрсету Ережелерi Қазақстан Республикасының әуе кеңiстiгiнде ұшулардың негiзгi ережелерiмен айқындалады. 
      27. Қазақстан Республикасының әуе кеңiстiгiн ұтымды әрi тиiмдi пайдалану мақсатында әуе кеңiстiгiн пайдаланушыларға әуе кеңiстiгiн пайдалану, аэронавигациялық қызмет көрсету және ұшулардың қауiпсiздiгiн қамтамасыз ету саласындағы стандарттар мен Азаматтық авиацияның халықаралық ұйымының (ИКАО) ұсынылымды практикасын ескере отырып, Қазақстан Республикасы әуе кеңiстiгiнiң құрылымын ұйымдастыру (немесе қайта ұйымдастыру) жөнiнде ұсыныстар жасауға құқық берiледi.
      Аталған ұсыныстар көлiк жөнiндегi орталық атқарушы орган және/немесе Қазақстан Республикасының Қорғаныс министрлiгi белгiлеген тәртiппен ӘКП және ӘҚҚК жөнiндегi мемлекеттiк органның қарауына берiледi.

  III. Әуе кеңiстiгiн пайдалануды ұйымдастыру

      28. Әуе кеңiстiгiн пайдаланушылар болып табылатын Қазақстан Республикасының барлық заңды және жеке тұлғаларының "Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасының Заңында (8-бап) көзделген қызметтi атқарған кезде ӘКП және ӘҚҚК жөнiндегi мемлекеттiк органмен және ұшулар мен әуе қозғалысына басшылық жасайтын (қызмет көрсететiн) оперативтiк органдармен байланыс желiлерi болуға мiндеттi. 
      29. Қазақстан Республикасы әуе кеңiстiгiн пайдаланушылардың әуе кемелерi және басқа да ұшу аппараттарының ұшу қауiпсiздiгiне қатер төнгiзуi мүмкiн қызметi аталған қызмет атқаруға ӘКП және ӘҚҚК жөнiндегi мемлекеттiк органнан рұқсат алғанда ғана және осындай қызметтi атқаруға рұқсат алғандығы туралы ӘҚҰБ жөнiндегi Бас орталықты мiндеттi түрде хабардар еткенде ғана жүзеге асырыла алады.
      30. "Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасы Заңының 8-бабындағы "б" тармағында көзделген Қазақстан Республикасының әуе кеңiстiгiн пайдаланумен байланысты қызметтi жүзеге асыруға алдын ала өтiнiмдер беру тәртiбiн Қазақстан Республикасының Қорғаныс министрлiгi айқындап, белгiлейдi. 
      31. Қазақстан Республикасының әуе кеңiстiгiнде немесе оның жекелеген аудандарында әуе кемелерiн және басқа да ұшу аппараттарын ұшырумен байланысты әуе кеңiстiгiн пайдаланушылардың қызметiне әуе кеңiстiгiн пайдалану және әуе қозғалысына қызмет көрсету жөнiндегi мемлекеттiк орган мынадай жағдайларда: 
      а) әуешабуылына тойтарыс бергенде және Қазақстан Республикасының егемендiгiне, аумақтық тұтастығы мен қоғамдық қауiпсiздiгiне қарсы күш қолданылуын немесе күш қолдану қатерiн жойғанда; 
      б) Қазақстан Республикасының мемлекеттiк шекарасының немесе әуе кеңiстiгiн пайдалану тәртiбiнiң бұзылуын болғызбағанда және тоқтатқанда; 
      в) адамдардың өмiрi мен денсаулығына қатер төндiретiн немесе едәуiр материалдық зиян келтiрiлуiне қауiп туғызатын табиғи және өзге де зiлзалалар, апаттар, авариялар, авариялық және өзге де жағдайлар кезiнде көмек көрсетiлгенде; 
      г) аталған аудандарда ұшу (әуе қозғалысының) қауiпсiздiгiн қамтамасыз ету мүмкiн болмағанда, тыйым сала алады немесе шектей алады. 
      32. Әуе кеңiстiгiн пайдаланушылар "Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасы Заңының 8-бабындағы "б" тармағында көзделген, осындай қызметтi қамтамасыз ететiн және әуе қозғалысының қауiпсiздiгiн қамтамасыз ететiн арнайы ұйым талап етiлетiн қызметтi атқарғанда әуе кемелерi мен басқа да ұшу аппараттарының ұшырылуына уақытша, жергiлiктi режимдер немесе әуе кеңiстiгiнiң пайдаланылуына қысқа мерзiмдi шектеулер енгiзiлуiмен (белгiленуiмен) тыйым салынуы немесе шектелiнуi мүмкiн. 
      Ұшып шығуға немесе әуе кеңiстiгiн пайдалануға арнайы режимдер мен шектеулер енгiзудiң (белгiлеудiң) тәртiбi Қазақстан Республикасы Қорғаныс министрлiгiнiң мемлекеттiк авиацияның қызметiн бақылау және мемлекеттiк басқару органдарының нормативтiк құжаттарымен белгiленедi. 
      33. Эксплуанттардың, пайдаланушылардың немесе өзге де субъектiлердiң әуе кеңiстiгiн пайдалану тәртiбiн бұзуының бәрi, сондай-ақ Қазақстан Республикасының аумағында әуе кеңiстiгiн пайдаланумен байланысты болған авиациялық оқиғалар мен тосын оқиғалар ӘКП және ӘҚҚК жөнiндегi мемлекеттiк органның Әуе қозғалысының қауiпсiздiгi жөнiндегi Инспекциясының немесе көлiк жөнiндегi орталық атқарушы орган мен Қазақстан Республикасының Қорғаныс министрлiгi тағайындаған арнаулы комиссияның дереу тексеруiне жатады. 
      Тексерудi ұйымдастыру тәртiбi Қазақстан Республикасының әуе кеңiстiгiн пайдалану ережелерiн реттейтiн ӘКП және ӘҚҚК жөнiндегi мемлекеттiк органның нормативтiк құжаттарымен белгiленедi
      34. Қазақстан Республикасының әуе кеңiстiгiн пайдаланудың тәртiбi мен ережелерiн бұзуға жол берген әуе кеңiстiгiн пайдаланушылардың және/немесе эксплуатанттарының қызметi тексеру жүргiзу аяқталғанға және тиiстi шешiм қабылданғанға дейiн ӘКП және ӘҚҚК жөнiндегi мемлекеттiк орган тарапынан уақытша тоқтатылуы (тоқтата тұрылуы) немесе оған толық тыйым салынуы мүмкiн. 
      Тексеру аяқталған соң әуе кеңiстiгiн пайдаланумен байланысты қызметтi жалғастыруға ӘКП және ӘҚҚК жөнiндегi мемлекеттiк органнан тиiстi рұқсат алғаннан кейiн жол берiледi.

IV. Әуе трассаларын ашу тәртiбi

      35. Қазақстан Республикасының әуе кеңiстiгiнде әуе кемелерiнiң ұшырылуы үшiн әуе трассалары, әуе дәлiздерi, жергiлiктi әуе жолдары мен ұшу маршруттары белгiленедi. 
      36. Жаңа әуе трассаларын (соның iшiнде халықаралық та) ашу туралы шешiмдi Қазақстан Республикасының Қорғаныс министрлiгiмен және Қазақстан Республикасының Ұлттық қауiпсiздiк комитетiмен келiсiм бойынша көлiк жөнiндегi орталық атқарушы орган қабылдайды. 
      37. Қазақстан Республикасының әуе трассалары күтiлiп отырған жағдайларда пайдалануға жарамдылығының қолданылып жүрген нормаларға, сертификаттау жүргiзуге және көлiк жөнiндегi орталық атқарушы орган әзiрлеп, бекiтетiн Қазақстан Республикасының азаматтық авиациясының мемлекеттiк iшкi және халықаралық әуе трассаларын, жергiлiктi әуе жолдары мен аэродромдарды (әуежайларын) ашу (жобалау, белгiлеу, жарақтандыру мен жабдықтай түсу) және пайдалануға қабылдаудың нормативтiк құжаттарында, реттегiш ережелерiнде белгiленген тәртiппен әуе кемелерiн пайдалануға жiберiлу рұқсатын алуға сәйкестiгiн белгiлеп, айқындағаннан кейiн трассаларды пайдалануға рұқсат етiледi.
      38. Қазақстан Республикасының әуе кеңiстiгiндегi әуе трассалары мен жергiлiктi әуе жолдарының тiзбесi Қазақстан Республикасының Қорғаныс министрi мен Көлiк және коммуникациялар министрiнiң бұйрықтарымен бекiтiледi. 
      39. Алынып тасталды - ҚР Үкіметінің 2010.02.02 № 61 Қаулысымен.

  V. Шетелдiк әуе кемелерiнiң ұшуы

      40. Қазақстан Республикасының әуе кеңiстiгiнде шетелдiк әуе кемелерiнiң ұшуы аэронавигациялық ақпарат жинағында (AIP) жарияланған Қазақстан Республикасының Әуе трассаларының тiзбесiне сәйкес белгiленген халықаралық әуе трассалары бойынша Қазақстан Республикасының халықаралық шарттарының талаптары немесе бiр жолғы ұшулар жасауға берiлген арнайы рұқсаттар негiзiнде және соларға сәйкес жүзеге асырылады. 
      41. Шетелдік азаматтық әуе кемелері үшін чартерлік (бір жолғы) халықаралық ұшуларды орындауға рұқсатты азаматтық авиация саласындағы уәкілетті орган Тұрақты емес ұшуларды орындауға рұқсат беру ережесіне және рұқсат беруден бас тарту үшін негіздерге сәйкес береді.
      Азаматтық әуе кемелеріне жатпайтын әуе кемелерінің бір жолғы ұшуларын орындауға рұқсатты сыртқы саяси қызметті жүзеге асыратын уәкілетті орган мемлекеттік авиация саласындағы уәкілетті органмен және азаматтық авиация саласындағы уәкілетті органмен алдын ала келісе отырып береді.
      Ескерту. 41-тармақ жаңа редакцияда - ҚР Үкіметінің 2010.02.02 № 61 Қаулысымен.

  VI. Халықаралық ұшулар үшiн аэродромдар ашу тәртiбi

      42. Шетелдiк әуе кемелерiнiң қонуы мен ұшуы халықаралық ұшуларды орындау үшiн ашылған Қазақстан Республикасының аэродромдарында жүргiзiледi. 
      43. Халықаралық ұшуларды орындау үшiн аэродромдар (соның iшiнде жаңадан салынғандарын да) ашу туралы шешiмдi Қазақстан Республикасының Үкiметi қабылдайды. 
      Халықаралық ұшуларды орындау үшiн аэродромдар ашу тәртiбi аэродромдар мен аэродром жабдықтары кешенiн жобалау, салу немесе қайта жаңарту (техникалық жағынан қайта жарақтандыру), сондай-ақ оларды дайындау мен пайдалануға қосу ережелерiн реттейтiн Қазақстан Республикасының тиiстi заңдары мен нормативтiк актiлерi негiзiнде әзiрлейтiн көлiк жөнiндегi орталық атқарушы органның нормативтiк құжаттарымен белгiленедi. 
      44. Жаңадан салынған (қайта жаңартылған, техникалық жағынан қайта жарақталған немесе кеңейтiлген) және халықаралық ұшулар үшiн ашылатын аэродромды мемлекеттiк қабылдау комиссиясы қабылдап алуға, оның күтiлiп отырған жағдайларда пайдалануға жарамдылығының қолданылып жүрген нормаларға сәйкестiгi және белгiлi бiр (аталған) салмақ санатындағы әуе кемелерiнiң пайдалануына дайындығы белгiленген тәртiппен тексерiлуге тиiс. 
      Аэродромның пайдалануға қосылуы оны мемлекеттiк тiркеуден кейiн және мемлекеттiк тiркеу әрi аэродромның пайдалануға жарамдылығы туралы Куәлiк бергеннен кейiн жүргiзiледi. 
      Аталған Куәлiктi ұстаушы аэродромның иегерi болып табылады. 
      45. Аэродромды халықаралық ұшуларға қосу үшiн сертификаттар жүргiзу - оның I, II, II ИКАО санаттарының ең төменгiлерi бойынша пайдалануға жарамдылығының қолданылып жүрген нормаларға сәйкестiгiн белгiлеу мақсатында аэродромға куәландiру жүргiзу қажет. 
      ИКАО-ның ең төменгi тиiстi санатына сай келiп, аэродромның пайдалануға жарамдылығының Сертификатын алғаннан кейiн ғана аэродром халықаралық ұшуларды орындайтын әуе кемелерiнiң пайдалануына қосыла алады.

  VII. Ұшуларды iздестiру-құтқару жағынан қамтамасыз ету 
 

        46. Адамдар өмiрiне қатер төндiретiн табиғи зiлзала, апаттар, авариялар, басқа да қысылтаяң әрi төтенше жағдайлар болған кезде шетелдiк әуе кемелерi Қазақстан Республикасының әуе кеңiстiгiне ұшып келе алады және мемлекеттiк шекараның қиылысындағы белгiленген әуе дәлiздерiнен тысқары Қазақстан Республикасының әуе кеңiстiгiнен ұшып шыға алады, сондай-ақ халықаралық әуе трассаларынан тыс ұшырулардың орындалуын және халықаралық ұшулар үшiн ашылмаған әуежайларға (аэродромдарға) қону мен олардан ұшуды, егер Қазақстан Республикасының заң актiлерiнде өзгеше көзделмесе, әуе қозғалысына жедел басшылық ету органдары хабардар етiлгеннен кейiн және ӘКП және ӘҚҚК жөнiндегi мемлекеттiк органнан тиiстi рұқсат алғаннан кейiн ғана жүзеге асыра алады. 
      47. Қазақстан Республикасының аумағында апатқа ұшырау қаупi төнген немесе апатқа ұшыраған әуе кемелерiн iздестiру мен құтқаруды ұйымдастыруға байланысты әуе кеңiстiгiн пайдаланушылардың және өзге де субъектiлердiң авариялық хабар беруiн ӘКП және ӘҚҚК жөнiндегi мемлекеттiк органды және ӘҚҰБ жөнiндегi Бас орталықты дереу хабардар ете отырып өз жауапкершiлiктерiне алған аудандардағы әуе қозғалысына қызмет көрсететiн диспетчерлiк органдар жүзеге асырады. 
      48. Апатқа ұшырау қаупi төнген немесе апатқа ұшыраған әуе кемелерiне көмек көрсету және авиациялық iздестiру-құтқару жұмыстарын жүргiзу үшiн басқа мемлекеттердiң және өзге де субъектiлердiң iздестiру-құтқару күштерi мен құралдарын Қазақстан Республикасының аумағына жiберу тәртiбiн Қазақстан Республикасының Бiрыңғай авиациялық iздестiру-құтқару қызметi туралы Ережесiнiң және Қазақстан Республикасының аумағында авиациялық iздестiру-құтқару жұмыстарын ұйымдастыру мен жүргiзу жөнiндегi Нұсқаулықтың талаптарына сәйкес ӘКП және ӘҚҚК жөнiндегi мемлекеттiк орган белгiлейдi.

  VIII. Қорытынды ережелер

      49. Әуе кеңiстiгiнде материалдық объектiлердiң орын ауыстыруымен тiкелей байланысты емес, бiрақ мұның өзi әуе кемелерiнiң қауiпсiз ұшуына қатер төндiруi немесе аэродромдардың радиотехникалық құралдарының қалыпты жұмысы үшiн кiнәрат келтiруi мүмкiн әуе кеңiстiгiн пайдаланушылардың қызметi мiндеттi түрде қарауында аэродромдары, аэродромдар аудандарының әуе кеңiстiгi, сол аудандар арқылы өтетiн әуе трассалары мен жергiлiктi әуе жолдары бар министрлiктермен, ведомстволармен және ұйымдармен және мiндеттi түрде Қазақстан Республикасының ӘҚҰБ жөнiндегi Бас орталықпен келiсiледi. 
      50. Егер олардың биiктiгi 50 метрден асатын болса, аэродромдар аудандарынан басқа, Қазақстан Республикасының аумағында объектiлердi орналастыру Қазақстан Республикасының Қорғаныс министрлiгiнiң тиiстi органдарымен келiсiлуге жатады. 
      Объектiлердiң орналастырылуын келiсу жобалық жұмыстар басталғанға дейiн жүргiзiлуге тиiс. Келiсiлуге жататын объектiлердiң Тiзбесiн, олардың ең жоғары биiктiгi мен аэродромдардан қашықтығын Қазақстан Республикасының Қорғаныс министрлiгi белгiлейдi. 
      51. Әуе кеңiстiгiн пайдаланушылар және Қазақстан Республикасының авиация қызметi мен әуе кеңiстiгiн пайдалану саласындағы мемлекеттiк басқару мен бақылауды жүзеге асырушы органдар арасында туындайтын барлық даулы мәселелер ӘКП және ӘҚҚК жөнiндегi мемлекеттiк орган белгiлеген мерзiмде шақырылатын Ведомствоаралық комиссияның мәжiлiстерiнде қаралады. 
      Аталған мәселелер жөнiндегi түпкiлiктi шешiмдердi Қазақстан Республикасының Үкiметi қабылдайды. 
      52. Қазақстан Республикасының әуе кеңiстiгiн пайдалануды ұйымдастыру мен оның ретiне, әуе қозғалысына аэронавигациялық қызмет көрсетуге, әуе кемелерiнiң ұшырылуына жедел басшылық етуге және әуе қозғалысының қауiпсiздiгiн қамтамасыз етуге қойылатын талаптар Қазақстан Республикасының Қорғаныс министрi мен Қазақстан Республикасының Көлiк және коммуникациялар министрiнiң бұйрықтарымен бекiтiлетiн Қазақстан Республикасының әуе кеңiстiгiн пайдалану туралы Ереженi (қосымшаларымен) қолдану жөнiндегi Нұсқаулықта белгiленедi.


Дата изменения акта:  12.05.2011
Дата принятия акта:  28.02.1997
Место принятия:  100051000000
Орган, принявший акт:  103000000000
Регион действия:  100000000000
Регистрационный номер акта в Государственном реестре нормативных правовых актов Республики Казахстан:  3761
Регистрационный номер НПА, присвоенный нормотворческим органом:  285
Статус акта:  yts
Сфера правоотношений:  009004000000
Форма акта:  ПОСТ
Юридическая сила:  1000
Язык акта:  kaz