Түркiстан қаласындағы Қожа Ахмет Иассауи кесенесiн жаңғыртудың кейбiр мәселелерi туралы

Қазақстан Республикасы Министрлер Кабинетiнiң 1993 жылғы 9 сәуiрдегі N 289 Қаулысы. Күші жойылды - Қазақстан Республикасы Үкіметінің 2010 жылғы 31 наурыздағы № 265 Қаулысымен

      Ескерту. Күші жойылды - ҚР Үкіметінің 2010.03.31 № 265 Қаулысымен.

      Республикалық және халықаралық маңызы бар орта ғасырлық сәулет өнерiнiң ескерткiшi Қожа Ахмет Иассауи кесенесiн сақтау жөнiндегi Түрiк Республикасының игiлiктi қызметiн ескерiп әрi ескерткiштердi жаңғырту және бiр қалыпта ұстау жөнiндегi Түрiк мемлекеттiк "Вакиф Иншаат" компаниясы жүзеге асырып жатқан жаңғырту жұмыстарын қамтамасыз ету мақсатында Қазақстан Республикасы Министрлер Кабинетi қаулы етедi:
      1. "Вакиф Иншаат" компаниясы Қожа Ахмет Иассауи кесенесiн жаңғырту үшiн Түркиядан құрылыс материалдарын, техника, көлiк, жабдықтар мен механизмдер әкелiп, жаңғырту жұмысы аяқталған соң оларды керi жөнелту кезiнде кеден тарифi мен баж салығынан босатылсын.
      2. Қазақстан Республикасының Қаржы министрлiгi, Еңбек министрлiгi, Көлiк министрлiгi, Мәдениет министрлiгi, Қазақ азаматтық авиация басқармасы, Оңтүстiк Қазақстан облысы мен Түркiстан қаласының әкiмдерi "Вакиф Иншаат" компаниясына Қожа Ахмет Иассауи кесенесiн жаңғыртуда, материалдық-техникалық шикiзаттарды сатып алып, Түркiстан қаласына жеткiзуде көмек көрсетсiн.

      Қазақстан Республикасының
      Премьер-министрi