23.09.1983

Азаматтарға газ баллондарын сату кезінде алдауға жол берген газ шаруашылығы қызметкерлерінің әрекетін саралау туралы

       Ескерту. Қаулының күші жойылды - ҚР Жоғарғы Сотының 2008 жылғы 22 желтоқсандағы N 27 Нормативтік қаулысымен.

      Қазақ КСР Жоғарғы Сотының Пленумы Қазақ КСР Әділет министрінің ұсынысын қарай отырып, халыққа артық бағамен газ сатумен, азаматтарға толық сыйымдылық бағасы бойынша толмаған баллондарды өткізумен айналысатын адамдар әрекетін саралауда республика соттарының жұмыс тәжірибесінде тұтастықтың жоқ екенін атап өтеді.
      Бір соттар мұндай әрекетті мемлекеттік мүлікті ұрлау ретінде басқалары тұтынушыларды басқаша алдау ретінде ҚК-тің 166-бабы бойынша саралайды.
      Қазақ КСР Жоғарғы Сотының Пленумы аталған әрекеттердің біртектілігін және дұрыс заңды баға берілуін қамтамасыз ету мақсатында
      Қаулы етеді:
      Газ шаруашылығы кәсіпорындарының қызметкерлері халыққа тұрмыстық қызмет көрсететіні, сондықтан олардың азаматтарға біле тұра толмаған газ баллондарын олардың толық сыйымдылығы бойынша өткізуі азаматтарға бөлшек сауда бағасын асыра сатумен бірдейлігі, ҚК-тің 166-бабы бойынша саралану керектігі соттарға түсіндірілсін. Халыққа газ жеткізумен шұғылданатын адамдар газы бар баллондарды ұрлап, оларды толық толықтырмай толық сыйымдылығы бағасы бойынша немесе бөлшек сауда бағасы бойынша сатса, соның салдарынан мемлекетке және азаматтарға материалдық залал келтірсе, бұл адамдардың әрекеті социалистік мүлікті ұрлау және азаматтарды алдау ретіндегі қылмыстардың жиынтығы бойынша саралануы керек. Оқығандар: (Қасымбеков Б.А.) (Икебаева Ә.Ж.)
 


Дата изменения акта:  22.12.2008
Дата принятия акта:  23.09.1983
Информация об официальном опубликовании акта:  (Қазақстан Республикасы (Қазақ КСР) Жоғарғы Соты Пленумы қаулыларының жинағы, 1997 ж., 1 том, 120 бет)
Место принятия:  100055000000
Орган, принявший акт:  105000000000
Регион действия:  100000000000
Регистрационный номер НПА, присвоенный нормотворческим органом:  12
Статус акта:  yts
Сфера правоотношений:  028000000000 / 029002000000
Форма акта:  ПОСТ
Юридическая сила:  1200
Язык акта:  kaz