Ескерту. Күші жойылды - Қарағанды облысы Приозерск қаласы әкімдігінің 03.10.2013 № 27/04 (алғашқы ресми жарияланған күнiнен кейiн он күнтiзбелiк күн өткен соң қолданысқа енгiзiледi) қаулысымен.

      Қазақстан Республикасының 2001 жылғы 23 қаңтардағы "Халықты жұмыспен қамту туралы" Заңының 4 бабының 2 тармағының 5) тармақшасына, 5 бабының 2 тармағына, 7 бабының 5–5) тармақшасы мен 5–6) тармақшасына, Қазақстан Республикасының 2001 жылғы 23 қаңтардағы "Қазақстан Республикасындағы жергiлiктi мемлекеттiк басқару және өзiн-өзi басқару туралы" Заңының 31 бабына сәйкес, Приозерск қаласының әкiмдiгi ҚАУЛЫ ЕТЕДI:
      1. Барлық меншік түріндегі ұйымдар, мекемелер мен кәсіпорындар интернат ұйымдарының жасы кәмелетке толмаған түлектерін және бас бостандығынан айыру орындарынан босатылған адамдарды жұмысқа орналастыру үшін, жұмыс орындарының жалпы санының бір пайызы мөлшерінде жұмыс орындарына жыл сайынғы квота белгілесін.
      2. Осы қаулының орындалуын бақылау қала әкімінің орынбасары Б.Ә. Қазиеваға жүктелсін.
      3. Осы қаулы бірінші ресми жарияланғаннан кейін он күнтізбелік күн өткен соң қолданысқа енеді.

      Приозерск қаласы әкімінің
      міндетін атқарушы                          Т. Досаев