18.07.2011

Қазақстан Республикасының теңiз көлiгiмен жолаушылар мен багажды тасымалдау қағидасын және Қазақстан Республикасының теңiз көлiгiмен жүк тасымалдау қағидасын бекіту туралы

      Ескерту. Күші жойылды - ҚР Үкіметінің 24.11.2015 № 941 (алғашқы ресми жарияланған күнінен бастап қолданысқа енгізіледі) қаулысымен.

      РҚАО-ның ескертпесі.

      ҚР мемлекеттік басқару деңгейлері арасындағы өкілеттіктердің аражігін ажырату мәселелері бойынша 2014 жылғы 29 қыркүйектегі № 239-V ҚРЗ Заңына сәйкес ҚР Инвестициялар және даму министрінің 2015 жылғы 30 сәуірдегі № 542 бұйрығын қараңыз.


      «Сауда мақсатында теңізде жүзу туралы» Қазақстан Республикасының 2002 жылғы 17 қаңтардағы Заңының 4-бабының 2-тармағының 23) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса берiлiп отырған:
      1) Қазақстан Республикасының теңiз көлiгiмен жолаушылар мен багажды тасымалдау қағидасы;
      2) Қазақстан Республикасының теңiз көлiгiмен жүк тасымалдау қағидасы бекiтiлсiн.
      2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.      

      Қазақстан Республикасының
      Премьер-Министрі                              К. Мәсімов

Қазақстан Республикасы
Үкіметінің    
2011 жылғы 18 шілдедегі
№ 823 қаулысымен 
бекітілген 

Қазақстан Республикасының теңiз көлiгiмен жолаушылар мен багажды тасымалдау қағидасы 1. Жалпы ережелер

      1. Осы Қазақстан Республикасының теңiз көлiгiмен жолаушылар мен багажды тасымалдау қағидасы (бұдан әрi – Қағида) «Сауда мақсатында теңiзде жүзу туралы» Қазақстан Республикасы 2002 жылғы 17 қаңтардағы Заңының 4-бабының 2-тармағының 23) тармақшасына сәйкес әзiрлендi және Қазақстан Республикасының теңіз көлігімен жолаушылар мен багажды тасымалдау тәртібін анықтайды.
      2. Осы Қағиданың қолданысы: теңiз кемелерiне - олардың Қазақстан Республикасының теңiз жолдарымен жүзуi кезiнде; iшкi суда жүзу кемелерiне, "өзен-теңiзде" жүзетiн кемелерге - олардың Қазақстан Республикасының теңiз жолдарымен, өзендерiмен, көлдерiмен, су қоймаларымен және басқа су жолдарымен теңiз портына кiре отырып, жолаушылар мен багажды тасымалдауды жүзеге асыру кезiнде қолданылады.
      3. Қазақстан Республикасы арқылы Қазақстан Республикасының теңіз көлігімен халықаралық транзиттік қатынаста жолаушылар мен багажды тасымалдау Қазақстан Республикасының заңнамасына және Қазақстан Республикасы ратификациялаған халықаралық шарттарға сәйкес жүзеге асырылады.
      4. Қазақстан Республикасының теңiз көлiгiмен жолаушылар мен багаж тасымалы теңiз көлiгiмен тасымалдау шарты негiзiнде жүргiзiледi.
      5. Жолаушыны теңiзбен тасымалдау шарты бойынша тасымалдаушы портқа немесе межелі пунктке жолаушыны және жолаушы тапсырған жағдайда багажды тасымалдауға және багажды жолаушыға немесе алуға уәкiлеттi тұлғаға беруге мiндеттенедi, ал жолаушы жол жүргенi үшiн, ал багаж тапсырған кезде – багажды алып жүргені үшiн ақы төлеуге мiндеттенедi.
      6. Осы Қағидада мынадай ұғымдар пайдаланылады:
      1) багаж – теңіз көлігімен жіберу үшін буып-түйілген және жолаушыдан жеке тасымалданатын жүк;
      2) каюталық багаж – жолаушының белгiленген мөлшер мен көлем шегiнде өзiмен бiрге алып жүретiн, жинақы буып-түйiлген және каютаға немесе жалпы орындардағы сөрелерге еркiн орналастырылатын заттары.

2. Жолаушылар мен багажды тасымалдау

      7. Жолаушыларды теңiз көлiгiмен тасымалдауды тасымалдаушы кесте бойынша ұйымдастырады. Жолаушыларды тасымалдау кестесiн өзгерту туралы тасымалдаушы жаңа кесте күшiне енген күнiне дейiн кемiнде 2 апта iшiнде хабардар етедi.
      8. Билеттердi сату теңiз вокзалдарының билет кассаларында не жолаушының талап еткен жерiне жеткiзу кезiнде жеткізілгені үшін төлеумен жүзеге асырылады. Билеттерге тапсырыстар телефон арқылы немесе жолаушының өзi келген кезде қабылданады.
      9. Билет кассаларының жұмыс уақыты мен тәртiбiн жергiлiктi жағдайлар мен кемелер қозғалысының кестесiн негiзге ала отырып, теңiз вокзалының бастығы белгiлейдi.
      10. Билеттердi алдын ала сату кеменiң жүзiп кетуiне дейiн 45 тәулiктi қоса алғандағы 1 тәулiкке дейiнгi мерзiмде жүзеге асырылады.
      11. Жолаушының жол жүргенi үшiн және, жолаушы тегiн алып жүретiн, белгiленген нормалар шегiндегi каюталық жүкті қоспағанда, оның багажын тасымалдау үшiн төлемақы мөлшерін тараптар келiсу бойынша немесе жолаушының жол жүруi және оның багажын жалпы пайдаланымдағы көлiкпен алып жүру кезiнде теңiз көлiгiмен тасымалдау шарты белгiлейдi.
      12. Жолаушыларды теңiз көлiгiмен тасымалдау шарты жолаушының жеке басын куәландыратын құжаттың түпнұсқасы (төлқұжат, жеке куәлiк, 16 жасқа толмаған балалар үшiн туу туралы куәлiгi, бағыт бойынша Қазақстан Республикасының Мемлекеттік шекарасын кесіп өту көзделмеген жағдайда Қазақстан Республикасы азаматының уақытша куәлігі) ұсынылған кезде берiлетiн билетпен, ал багажды тапсырған кезде - багаж түбiртегiмен ресiмделедi.
      Билет пен багаж түбiртегiнiң нысаны осы Қағидаға 1 және 2-қосымшаларға сәйкес нысан бойынша белгiленедi.
      13. Жолаушы кемеге отырғызу кезiнде тиiсiнше ресiмделген билеттi және осы Қағиданың 12-тармағына сәйкес басын куәландыратын құжатты ұсынады.
      14. Жолаушының жеке басын куәландыратын құжаттағы тегi ұсынылған билетте көрсетiлген тегiне сәйкес келмеген кезде, билетте тегi болмаған немесе түзетiлген кезде жолаушы кемеге отырғызуға жiберiлмейдi.
      15. Билетті билетте көрсетілмеген тұлға ұсынған жағдайда, билетті тасымалдаушы алады және оның құны ұсынушыға қайтарылмайды. Бұл жағдайда тасымалдаушы билеттің алыну себебін көрсете отырып, акт жасайды.
      16. Балаларға арналған, жеңілдетілген және тегін билеттер: 16 жасқа толмаған балалар үшiн туу туралы куәлiгi, жеңілдікті және тегін билеттер үшін жеңілдіктерге құқық беретін құжаттар болған жағдайда ресімделеді. Көрсетілген құжаттардың болмауы немесе қате ресімделгені көзделген жеңілдіктерді ескере отырып, билетті беруден бас тарту үшін негіз бола алады.
      17. Бір жолаушыға 35 кг аспайтын багаж тегін тасымалданады. Жолаушы багажды тасымалдауға күнi бұрын тапсыруы тиiс.
      18. Мыналар:
      1) багаж бен каюталық багажда жарылу қаупі бар, уландырғыш, тұтану қаупі бар, көз ашытатын, радиоактивті, химиялық, уыттандыратын, озонды бұзатын нәрселер мен оларды қамтитын бұйымдар есірткі, психотроптық және сасық заттар;
      2) жылжымалы құрамды, жолаушылардың киімін, сақтау камералары мен ондағы заттарды ластайтын багаж;
      3) Қазақстан Республикасының заңнамасымен тыйым салынған заттар тасымалдауға қабылданбайды.
      19. Тасымалдауға өз мөлшерi, орамы, ыдысы, торы және қасиеттерi бойынша кемеге қиындықсыз тиеуге және орналастыруға болатын нәрселер, заттар мен үйжануарлары қабылданады.
      20. Багажды тегін алып жүру нормасынан асып түсетін багажға багаждық тариф бойынша ақы төленуі тиіс.
      21. Багаждың әрбiр орны бейiмделген болуы немесе оны тиеу, қайта тиеу және түсiру кезiнде тасымалдауға мүмкiндiк беретiн құрылғысы болуы тиiс. Ыдысы немесе орамы барлық тасымалдау уақытында заттардың сақталуын қамтамасыз етуi тиiс.
      22. Бейне- және аудио аппаратура мен ерекше сақтықты талап ететiн басқа да ұйымдастыру техникасы жол үстiнде қайта тиеусiз тасымалдау кезiнде сақталуын қамтамасыз етiлетiн орамда, ал қайта тиеу арқылы тасымалдауға тек қатты орамада қабылданады (жәшiктер және торлар).
      23. Шыныдан жасалған багажды, бейне- және аудио аппаратура мен басқа да ұйымдастыру техникасын тасымалдауды ресiмдеу кезiнде олардың орамына үстiнен немесе бүйiр қабырғасының бiрiне «Абайлаңыз, әйнек», «Абайлаңыз, телевизор» немесе «Абайлаңыз, компьютер» деген тиiстi жазу жазылады.
      24. Багажды үй хайуандарына ресімдеу кезінде хайуанға арналған паспорт пен ветиринарлық кітапша ұсыну қажет. Үй хайуаны алып жүруге болатын торға орналастырылуы тиіс.
      25. Багажды ақауы бар орамда, ыдыста, торда тасымалдауға ұсынған кезде тасымалдаушы оны тасымалдауға қабылдаудан бас тартады.
      26. Орамында багаждың жоғалу немесе бүлiну қаупін тудырмайтын кемшіліктері бар багаж тасымалдау құжаттарында осы кемшiлiктер туралы белгi соғылу арқылы тасымалдауға қабылданады.
      27. Багаж межелі портқа (пунктке) келген соң багаж түбiртегiн және жеке басын куәландыратын құжатты ұсынған жолаушыға (алушыға) берiледi.
      28. Жолаушы (алушы) беру туралы талап қойған багаж келмеген жағдайда, жеткiзу порті (пунктi) багаж түбiртегiнiң артқы жағына жеткiзу мерзiмi өткеннен кейiн «Багаж келмедi» деген белгі жасайды, жылы, айы және күнi белгiленген мөртаңба соғады және жолаушыға (алушыға) багаждың келгені туралы хабарлама жiберу үшiн оның мекенжайы көрсетiлген өтiнiшiн алады. Бұл жағдайда хабарлама үшiн ақы өндiрiп алынбайды.
      29. Табылған багаждың келгендiгi туралы межелі порт (пунктке) ол келген күнi жолаушыға (алушыға) хабарлама жiбередi.
      30. Егер межелі портқа (пунктке) табылған багаждың келгенi туралы жолаушыны хабардар етпесе, онда ол хабарлама жiберiлгенге дейiн багажды сақтаудағы мерзiмi өткен күндер үшiн ақы өндiрiп алынбайды.
      31. Багажды жеткiзу мерзiмi багаж жөнелтiлген кеменiң қозғалыс кестесiне сәйкес межелі портқа (пунктке) жүрiп келу уақытымен анықталады.
      32. Жеткізілген күннен бастап алты ай iшiнде талап етілмеген багаж көрсетілген мерзім өткен соң жойылуға жатады.
      33. Жолаушылардан тасымалдауды қамтамасыз ету мәселелерi бойынша түскен шағымдарды тасымалдаушы үш жұмыс күнi ішінде қарайды, ол өткеннен кейiн өтiнiш берушiге шағымды қарау нәтижелерi және қабылданған шаралар туралы жазбаша хабарлайды.
      34. Егер багаждың жоғалғаны, кем шыққаны немесе зақымданғаны (бүлiнгенi) өз кiнәсiнен болмағанын дәлелдей алмаса, жолаушы багажының жоғалғаны, кем шыққаны немесе зақымданғаны (бүлiнгенi) үшiн тасымалдаушы жауап бередi.

3. Азаматтардың жекелеген санаттарын тасымалдау ерекшеліктері

      35. Он бес жасқа толмаған және он бес жастағы балалар кәмелетке толған жолаушылармен бірге тасымалданады.
      36. Жолаушының:
      1) бөлек орын беру құқығынсыз өзiмен бiрге жетi жасқа толмаған, ал халықаралық жол қатынастарында бес жасқа толмаған бiр баланы тегiн алып жүруге;
      2) жетi жастан он бес жасқа дейiнгi балаларға Қазақстан Республикасының тасымалдаушысы жүзеге асыратын тасымалдау кезiнде билеттiң толық құнының елу пайызын төлеп, билет сатып алуға;
      3) бес жастан он екi жасқа дейiнгi балаларға халықаралық жол қатынасында билеттiң толық құнының елу пайызын төлеп, билет сатып алуға құқығы бар.
      37. Егер бірге жүрген жолаушының өтініші бойынша балаға жеке орын берілсе, онда мұндай бала жеңілдетілген тариф бойынша тасымалданады.
      38. Сот іс-әрекетке қабілетсіз деп таныған жолаушы ата-аналарының, қорғаншыларының немесе қамқоршыларының қолдаухаты бойынша іс-әрекетке қабілетсіз жолаушының қауіпсіздігін және қоршаған адамдардың қауіпсіздігін қамтамасыз етуге қабілетті кәмелетке толған адамның сүйемелдеуімен тасымалданады.
      39. Кресло-арбамен жүретін, өз бетімен жүре алмайтын жолаушыны немесе зәмбілдегі сырқат адамды тасымалдау осы жолаушыны тасымалдау уақытында оны күтіп-бағуды қамтамасыз ететін адамның сүйемелдеуімен жүргізіледі.
      40. Жетекші иттің жетелеуімен жүрген зағип жолаушыны тасымалдау кезінде жетекші ит багажды тегін алып жүруге белгіленген нормадан тыс тегін тасымалданады.
      41. Егер де мұндай бөлмелер мен құралдар кеме конструкциясында көзделмеген болса, тасымалдаушы кресло-арбамен жүретін мүгедектерді ораналастыру және олардың кеме ішінде жүруі үшін (арнайы есіктер, алаңдар, отыратын жерлер, бекіту және тұрақтандыру құралдары, арнайы тұтқа және басқа құралдар, сондай-ақ кресло-арбалар мен көліктік арбаларды сақтау үшін багаждық бөлім) қажетті жағдайларды қамтамасыз етеді.

Қазақстан Республикасының 
теңiз көлiгiмен жолаушылар
мен багажды тасымалдау  
қағидасына        
1-қосымша        

Жолаушының билеті
 

Билет Бақылау купоны (билетсіз жарамайды) Кассир купоны

Серия №

Серия №

Серия №

Жолаушының Т.А.Ә.

_________________

Жолаушының Т.А.Ә.

_________________

Жолаушының Т.А.Ә.

_________________

Жеке басын куәландыратын құжаттың (туу туралы куәлiгiнің) №

Жеке басын куәландыратын құжаттың (туу туралы куәлiгiнің) №

Жеке басын куәландыратын құжаттың (туу туралы куәлiгiнің) №

Тасымалдаушы

Тасымалдаушы

Тасымалдаушы

СТН

СТН

СТН

Кеме атауы

Кеме атауы

Кеме атауы

Шығу порты

Шығу порты

Шығу порты

Шығу күні мен уақыты

Шығу күні мен уақыты

Шығу күні мен уақыты

Межелі порты (пункті)

Межелі порты (пункті)

Межелі порты (пункті)

Келу күні мен уақыты

Келу күні мен уақыты

Келу күні мен уақыты

Каюта №

Сынып (санат)

№ орны

Каюта №

Сынып (санат)

№ орны

Каюта №

Сынып (санат)

№ орны

Билет түрі (толық, балаларға арналған, жеңілдікті)

Билет түрі (толық, балаларға арналған, жеңілдікті)

Билет түрі (толық, балаларға арналған, жеңілдікті)

Бағасы

Бағасы

Бағасы

Қызметтік белгілері:

Сатылған күні мен уақыты

Сату пункті

Билет кассирі

Қызметтік белгілері:

Сатылған күні мен уақыты

Сату пункті

Билет кассирі

Қызметтік белгілері:

Сатылған күні мен уақыты

Сату пункті

Билет кассирі


Қазақстан Республикасының 
теңiз көлiгiмен жолаушылар мен
багажды тасымалдау қағидасына
2-қосымша        
 

Багаж түбiртегi

__________________________________________________________________

Кеме                           | Кеме

__________________________________________________________________

Жөнелту порты                  | Жөнелту порты

__________________________________________________________________

Межелі порт                    | Межелі порт

__________________________________________________________________

Багажды тасымалдау ақысы       | Багажды тасымалдау ақысы

__________________________________________________________________

Шығатын күнi                   | Шығатын күнi

__________________________________________________________________

Берілетін күні                 | Берілетін күні
__________________________________________________________________

      Түбіртектің сериясы _____ №___________________

Қазақстан Республикасы
Үкіметінің    
2011 жылғы 18 шілдедегі
№ 823 қаулысымен 
бекітілген 

Қазақстан Республикасының теңiз көлiгiмен жүк тасымалдау қағидасы 1. Жалпы ережелер

      1. Осы Қазақстан Республикасының теңiз көлiгiмен жүк тасымалдау қағидасы (бұдан әрi – Қағида) «Сауда мақсатында теңiзде жүзу туралы» Қазақстан Республикасы 2002 жылғы 17 қаңтардағы Заңының 4-бабы 2-тармағының 23) тармақшасына сәйкес әзiрлендi және Қазақстан Республикасының теңіз көлігімен жүк тасымалдау тәртібін анықтайды.
      2. Қазақстан Республикасы арқылы теңіз көлігімен халықаралық транзиттік қатынаста жүк тасымалдау Қазақстан Республикасының заңнамасына және Қазақстан Республикасы ратификациялаған халықаралық шарттарға сәйкес жүзеге асырылады.
      3. Осы Қағидада мынадай ұғымдар пайдаланылады:
      1) тиеу ордерi – жүк туралы қажеттi мәлiметтердi қамтитын жүк жөнелтушi қол қойған құжат;
      2) экспорттық тапсырма – экспортқа жөнелтiлетiн жүк туралы қажеттi мәлiметтердi қамтитын жүк жөнелтушi қол қойған құжат;
      3) жалпы авария – әдейі және ақылмен істелген төтенше шығындардан немесе кемені, жүкті жалпы қауіптен сақтау мақсатында жәрдемдерден және тасымалдау ақысынан болған шығындар;
      4) коносамент – тасымалдаушы жөнелтушiге беретiн және жүктiң тасымалдауға қабылданғанын куәландыратын құжат;
      5) теңiз жүкқұжаты – жүктердi теңiз көлiгiмен тасымалдау кезiнде ресiмделетiн тасымал құжаты;
      6) чартер – теңiз арқылы жолаушыларды, багаж бен жүктi тасымалдау шартының бiр түрi, бұл жағдайда жөнелтушiге бүкiл кеме, оның бiр бөлiгi немесе кеменiң белгiлi бiр жайы берiледi.

2. Жүк тасымалдау

      4. Жүктi теңiз арқылы тасымалдау шарты бойынша тасымалдаушы өзіне жүк жөнелтушi сенiп тапсырған жүктi межелі портқа жеткiзуге және жүктi алуға уәкілетті адамға (алушыға) беруге мiндеттенедi, ал жүк жөнелтушi немесе қабылдаушы жүктi тасымалдау шартына немесе тарифке сәйкес төлемақыны төлеуге және жүктi алуды қамтамасыз етуге мiндеттенедi.
      5. Жүктi теңiз арқылы тасымалдау шарты жүктi теңiз арқылы тасымалдау үшiн бүкiл кеменi, оның бiр бөлiгiн немесе кемедегi белгiлi бiр үй-жайларды (чартер) беру шартымен, сондай-ақ мұндай шартсыз жасалады.
      6. Жүктi теңiз арқылы тасымалдау шарты осы Қағидаға 1, 2 және 3-қосымшаларға сәйкес нысандар бойынша коносаментпен, чартермен немесе теңiз жүкқұжатымен (жүк жөнелтушiнiң және жүк тасымалдаушының қалауы бойынша) ресiмделедi.
      7. Жүктi тасымалдау үшiн қабылдағаннан кейiн тасымалдаушы жүк жөнелтушiнiң талабы бойынша жөнелтушiге коносамент береді.
      Коносаменттi жүк жөнелтушi ұсынатын тиеу ордерi немесе экспорттық тапсырма негiзiнде тасымалдаушы жасайды және қол қояды.
      Жүк жөнелтушi тасымалдаушыға коносаментке енгiзу үшiн табыс етiлген деректердiң дұрыстығына кепiлдiк бередi және мұндай деректердiң дұрыс еместiгi салдарынан тасымалдаушыға келтiрiлген залал үшiн жауапты болады.
      8. Жүк жөнелтушiнiң қалауы бойынша оған коносаменттiң бiрнеше данасы (түпнұсқалары) берiлуi мүмкiн, әрi олардың әрқайсысында қолда бар коносамент түпнұсқаларының саны көрсетiледi. Ұсынылған коносамент түпнұсқаларының бiрiншiсiнiң негiзiнде жүк берiлгеннен кейiн оның қалған түпнұсқалары күшiн жоғалтады.
      9. Теңiз жүкқұжатын жүк жөнелтушi ұсынатын тиеу ордерi негiзiнде тасымалдаушы жасайды және қол қояды. Теңiз жүкқұжаты кемiнде екi данада ресiмделедi, оның бiреуi жүкпен бірге жүредi, ал екiншiсi жүк жөнелтушiге берiледi.
      10. Кеменi жалға алу шарты осы Қағидаға 2-қосымшаға сәйкес нысан бойынша чартермен ресiмделедi.
      11. Тиеу ордерi немесе экспорттық тапсырманы жүк жөнелтушi жасайды және қол қояды, тасымалдаушыға жүктi ұсынумен бiр уақытта ұсынылады, жүктiң барлық жүру жолында онымен бірге жүредi және жеткiзу пунктiнде жүкпен бiрге жүк алушыға берiледi.
      12. Жүктi тасымалдауға ұсынумен бiр уақытта жүк жөнелтушi порт, кеден, санитарлық немесе өзге де органдар талап ететiн барлық құжатты тасымалдаушыға тапсырады.
      13. Тасымалдаушының талабы бойынша каботажда жүктер жүк жөнелтушi пломбалаған кеменiң үй-жайында тасымалдануы мүмкін.
      14. Жүктердің тұрпаты мен қасиеттерiне байланысты олар коносаментте салмағы мен орын санын (ыдысты және даналаған жүктер) не тек орны және басқа да қажеттi деректерiн көрсету арқылы тасымалданады.
      15. Жүктiң салмағы тапсырылатын жүктiң жалпы салмағын, олардың жүк орындарында көрсетiлген салмағын немесе жүк орнының стандартты салмағын негiзге ала отырып, өлшеумен немесе есептеумен анықталады. Жекелеген жүктердiң салмағы өлшеу бойынша есептеу жолымен немесе шартты түрде анықталуы мүмкiн. Қауiптi, көлемi iрi емес, ауыр салмақты және басқа да арнайы жүктердiң салмағы жүк жөнелтушi жариялаған белгiленген салмақ бойынша анықталады.
      16. Жүктiң салмағын есептеу жолымен, өлшеу бойынша немесе шартты түрде анықтауды барлық жағдайларда жүк жөнелтушi жүргiзедi. Салмақ анықтаудың мұндай тәсiлi туралы жүк жөнелтушi тиеу ордерiнде немесе экспорттық тапсырмада ескертпе жасайды.
      17. Порт өз айлақтарында және өз жұмыс күшiмен қайта өлшеудi талап ететiн жүктердi тиеген кезде салмақты анықтау порттың таразысында жүргiзiледi.
      18. Салмағы буып-түю кезiнде анықталатын немесе әрбiр жүк орнында көрсетiлетiн ыдысты немесе даналаған жүктер (орамсыз), сондай-ақ мөлшері мен салмағы стандартты жүк орындары тасымалдауға қабылдау және алушыларға беру кезiнде өлшенбейдi. Мұндай жөнелтiмнiң жалпы салмағын жүк жөнелтушi стандартты салмақты немесе жүк орындарында көрсетiлген салмақты негiзге ала отырып анықтайды және тиеу ордерiнде немесе жүкқұжатында көрсетедi.
      19. Тасымалдау кезiнде жүктiң толық сақталуын қамтамасыз ету үшiн ыдысқа салуды және орауды қажет ететiн жүктер тасымалдау үшiн жарамды ыдысқа салынып және оралып берiледi. Ыдыс және орам техникалық регламенттерде белгiленген қауiпсiздiктiң мiндеттi талаптарына сәйкес болады.
      Жүк жөнелтушi жүктi тиiсiнше таңбалап, тасымалдаушыға ол туралы қажеттi мәлiметтердi табыс етедi. Жүк айрықша назар аударуды қажет ететiн жағдайда жүк жөнелтушi жүктiң қасиеттерi мен оны күтіп-ұстаудың тәртiбiн тасымалдаушыға хабарлайды.
      20. Тиеу үшiн тасымалдаушыға берiлетiн кемелер теңiзде жүзетiн жай-күйде болуы тиiс: жүктердi тасымалдауға арналған трюмдер және басқа да жүк үй-жайлары бұрын тасымалданған жүктердiң қалдығынан тазартылуы және жүктердi тасымалдау мен сақтауды қамтамасыз ететiн жай-күйге келтiрiлуi тиiс.
      21. Рейстің алдында (кеменiң жүк тиеу портынан шығу сәтiне) тасымалдаушы кеменiң жүзуге техникалық жарамдылығын қамтамасыз етедi, тиiстi жағдайда оны жарақтайды, экипажбен жасақтайды және барлық қажеттi нәрселермен жабдықтайды. Теңiз порты капитанынан кеменiң теңiз портынан шығуына рұқсат алынғаннан кейiн кеме теңiз портынан жүзiп шыға алады.
      22. Кемеге жүк тиеу кеме капитаны бекiткен жүк жоспары бойынша жүргiзiледi. Кемеде жүктердi дұрыс орналастыруды, бекiтуді және бөлуді бақылауды кеме әкiмшiлiгi жүзеге асырады. Жүк жоспарының жобасын кемеге жүк тиеудi жүргiзетiн ұйым жасайды. Кеме әкiмшiлiгiнiң жүктi тиеу, орналастыру, бекiту, бөлу және түсiру бөлiгiндегi нұсқауы жүк жұмыстарын жүргiзетiн ұйымдар мен тұлғалар үшiн мiндеттi.
      23. Жүк кемеде кеме капитанының қалауы бойынша орналастырылады, бiрақ жүк жөнелтушiнiң жазбаша келiсiмiнсiз кеме палубасына орналастырылмайды. Жөнелтушiнiң жүктi кеме палубасында тасымалдау туралы белгiсi бар коносаменттi қабылдауы жүктi палубада тасымалдауға жүк жөнелтушiнiң келiскенiн растау болып табылады.
      24. Тасымалдаушы жүктi шартта белгiленген мерзiмде жеткiзедi.
      25. Жүкті алушы өзінің мекенжайына келген жүктi теңiз портына қабылдайды және одан әкетедi. Жүк алушыға жүктi беру коносаментiнiң түпнұсқасын ұсыну бойынша жүргiзiледi.
      26. Егер коносаментте алушының мекенжайы және жүктiң келгенi туралы хабарламаны жiберу тәсiлi көрсетiлген болса, тасымалдаушы оны жүк келген күнi жiбередi.
      27. Жүктiң келгенi туралы хабарлама белгiленген мерзiмде тасымалдаушының кiнәсынан жiберiлмеген жағдайда, тасымалдаушы өзі кешiктiрген күндер iшiнде жүктi сақтағаны үшiн төлемдi өндiрiп алу құқығынан айырылады. Егер қандай да себептермен тасымалдаушы жүкті алушыны хабардар ету туралы тапсырманы орындай алмаса, онда ол бұл туралы жөнелту порты арқылы жүк жөнелтушiге хабарланады.
      28. Жүк алушыға жүк соңғысы тасымалдаушыға тиесiлi барлық төлемдердi төлегеннен кейiн берiледi. Жүк алушы тасымалдаушыға тиесiлi барлық төлемдi төлемеген кезде жүктi ұстап қалған тасымалдаушының талабы жүктiң сатылған кездегi құны есебiнен қанағаттандырылады.
      29. Жүк жөнелтушiнiң талабы бойынша тасымалдаушы межелі пунктке жеткiзiлген жүктiң салмағын және ыдыстың жай-күйiн тексередi.
      30. Межелі портта (пунктте) жүктiң салмағын анықтау жөнелту пунктiнде салмақ анықталған тәсiлмен жүргiзiледi. Егер жөнелту портында анықталған салмақ пен жеткiзу портындағы (пунктіндегі) салмақ айырмасы осы үлгiдегi салмақтар үшiн айырмашылықтың рұқсат етiлген нормасынан аспаса, жүк салмағы дұрыс деп саналады.
      31. Межелі портта (пунктте) вагондар немесе автомобиль таразылары болмаған кезде ақтарылмалы және құйылмалы жүктер жүкті тексерусiз берiледi. Жүк ыдыс ақаусыз кезде жүк алушыға салмағы тексерiлмей орын саны бойынша берiледi.
      32. Қабылдауы мен тапсырылуы рейдтiк жағдайда жүргiзiлетiн жүктер орын есептеумен немесе жүк жөнелтушi жариялаған салмақ бойынша, ал құйылмалы жүктер кеменi өлшеу бойынша тасымалдауға қабылданады және жүк алушыға тапсырылады. Рейдтiк жағдайда беру кезiнде бүлiнген ыдыстағы немесе iшiндегiсiнiң жетiспеу немесе бүлiну белгiлерiмен жүк орындарын ашу кеме бортында жүргiзiледi.
      33. Егер жүктi межелі портта (пункте) тексеру кезiнде жүктiң жоғалуы, бүлiнуi немесе салмағындағы айырмашылық анықталған болса, тасымалдаушы уәкiлеттi орган бекiткен нысанда коммерциялық акт жасайды.
      34. Контейнерлердегi жүк тасымалдауға жүк жөнелтушiнiң бергендегi салмағымен және пломбасымен қабылданады. Ақаусыз контейнерлерде ақаусыз пломбаларымен келген жүктер жүк алушыға салмағын және контейнердiң iшiндегiсiне тексеру жүргiзбей беріледi.
      35. Ақаулы контейнерлерде, сондай-ақ пломбасыз немесе ақаулы пломбамен келген жүктер жүк алушыларға жүкпен контейнерде iлесiп жүретiн құжаттағы деректермен жүктiң салмағы, саны және жай-күйiнiң сәйкестiгiн тексеру арқылы берiледi.
      36. Пакеттегi жүктердi тасымалдау кезiнде жүктердi тасымалдаушы жүк жөнелтушiлерден пакеттер саны бойынша әрбiр пакеттегi жүк бiрлiгi орамының санын және жай-күйiн тексермей қабылдайды және алушыға осындай ретпен бередi.
      37. Бiр коносамент бойынша:
      1) тез бүлiнетін жүктердi осылайша бүлiнбейтін жүктермен бiрге;
      2) тасымалдауы ерекше жағдайларды талап ететiн жүктердi;
      3) өзiнiң физика-химиялық қасиеттерiне қарай бiрге орналастыруға болмайтын жүктердi;
      4) тасымалдауы кедендiк, әкiмшiлiк және басқа да рәсiмдермен сүйемелденетін жүктерді және тасымалдауы осы рәсiмдердi талап етпейтiн жүктердi;
      5) әртүрлi сақтау мерзiмдерi бар жүктердi жөнелтуге рұқсат етiлмейдi.
      38. Бiр жүк жөнелтушiнiң бiр алушыға және бiр кемеде жекелеген коносаментпен бiртектi орамдағы атауы бiр жүктердiң ұсақ лектерін жөнелтуге рұқсат етiлмейдi. Жүктiң мұндай лектері бiрiктiрiлуi және бiр коносамент бойынша жөнелтiлуi тиiс.
      39. Кеменің жалпы авариясынан шыққан шығындар мен шығыстар кеме иесi мен жүк жөнелтушiнiң арасында кеменiң, жүктiң және бiр күнгi кiрепұлдың құнына тең және жалпы авария болған жерде бөлiнедi.
      40. Жүк туралы ұсынылатын ақпарат:
      1) жүк жөнелтуші кеме капитанын немесе оның өкілін, жүктің тиісті орналастырылуы мен тасымалдау қауіпсіздігі үшін қажетті сақтық шараларын қамтамасыз ету мүмкіндігін беру үшін тиеуге дейін 3 тәулікке дейін жүк туралы тиісті ақпаратпен қамтамасыз етіледі. Осындай ақпарат жүкті кемеге тиеуді бастамай, жазба түрінде және тиісті жүкті тиеу құжаттарымен расталуы тиіс;
      2) жүк туралы ақпарат:
      бас жүкті және жүк орындары түрінде тасымалданатын жүк жағдайында, жүктің жалпы сипаты, жүктің немесе жүк орындарының брутто салмағы және жүктің әрбір тиісті ерекше қасиеті. Осы қағиданың мақсаты үшін Халықаралық Теңіз Ұйымының жүкті орналастыру мен бекітудің қауіпсіз тәжірибесі бойынша талаптарына сәйкес ақпарат ұсынылу тиіс;
      тиілетін жүк жағдайында – жүктің меншікті тиеу көлемі, штивка бойынша операциялар, қолдануы мүмкін болса, сусымалы жүктердің табиғи құламасының бұрышын қоса алғанда, орын алмастыруға бейімдігі және жүктің әрбір басқа тиісті ерекше қасиеті жөнінде ақпарат. Концентраттар мен сұйылуы мүмкін басқа жүктер жағдайында, тасымалдау үшін жүктің дымқылдығы мен дымқылдық шектері жөніндегі куәліктер түрінде қосымша апарат;
      химиялық қасиеттері бар зиян келтіруі мүмкін тиілетін жүктер жағдайында, алдағы тармақшаларда талап етілетін ақпаратқа қосымша ретінде оның химиялық қасиеттері туралы ақпарат қосылу тиіс;
      3) кемеге жүк орындарын тиер алдында, жүк жөнелтуші осындай жүк орындарының брутто салмағының тиеу құжаттарда көрсетілген брутто салмағына сәйкестігін қамтамасыз етеді.

Қазақстан Республикасының
теңiз көлiгiмен жүк 
тасымалдау қағидасына
1-қосымша   

№ КОНОСАМЕНТ 

Жөнелтушi
Жүк алушы
Мекенжайы
Кеме иесi    Туы
Кеме              Жүк тиеу порты           Жүк қабылдау күні
Межелі порты (пункті)          Коносамент кiрепұлын төлеу
Коносамент түпнұсқаларының саны
Коносамент берілген жер
Жүктің сыртқы жай-күйі
Тасымалдаушының немесе оның атынан әрекет ететін тұлғаның қолы 
 

Маркалары     Жүктiң атауы,   Орындар саны   Салмағы
Брутто        Нетто салмағы
мен нөмiрлерi    орам 

Кiрепұл және басқа да шығыстар

Қай жерде және қашан берiлдi
Кеме капитаны

Қазақстан Республикасының
теңiз көлiгiмен жүк 
тасымалдау қағидасына
2-қосымша    

Чартер нысаны

      _______________чартер
      _______________ ___________________
      (жасалған жерi) (қол қойылған күнi)
Кеме иесi ________________________
Кеме жалдаушы ____________________

Чартердiң тармақтары

Тармақтардың мазмұндамасы

Кеменiң атауы


Кеменiң сипаты және жай-күйi


Жалдау мерзiмiнiң шегi


Тұратын күндерi


Кеме иесiнiң мiндеттерi


Кеме жалдаушының мiндеттерi


Жалдау ставкалары


Кiре құнының мөлшері


Кеме жалдаушыға ұсынылатын үй-жай


Коносаменттер


Отын


Стивидорлар, лоцмандар


Тiркеп сүйрегiштер


Жүктiң тұрпаты мен түрлерi


Жүк тиеу порты


Межелі немесе кеме баратын порт (пункт)


* Кеме иесi мен Кеме жалдаушының қалауы бойынша чартер тармақтарының тiзiмiне жағдайға байланысты басқа тармақтар кiргiзiлуi мүмкiн  

      Кеме жалдаушының атынан            Кеме иесiнiң атынан
      __________________________         ____________________

Қазақстан Республикасының
теңiз көлiгiмен жүк 
тасымалдау қағидасына
3-қосымша    

№ теңiз жүкқұжаты

Жөнелтушi
Жүк алушы
Мекенжайы
Кеме иесi
Кеме              Жүк тиеу порты
Межелі порты (пункті)
Маркалары      Жүктiң атауы,  Орындар саны  Брутто салмағы  Нетто
мен нөмiрлерi     орам                                     салмағы

Қай жерде және қашан берiлдi
Кеме капитаны


Дата вступления в силу:  18.07.2011
Дата изменения акта:  24.11.2015
Дата принятия акта:  18.07.2011
Информация об официальном опубликовании акта:  "Егемен Қазақстан" 2011 жылғы 24 қыркүйектегі № 453-456 (26849); Қазақстан Республикасының ПҮАЖ-ы, 2011 ж., N 47, 644-құжат
Место принятия:  100051000000
Орган, принявший акт:  103000000000
Регион действия:  100000000000
Регистрационный номер акта в Государственном реестре нормативных правовых актов Республики Казахстан:  59982
Регистрационный номер НПА, присвоенный нормотворческим органом:  823
Статус акта:  yts
Сфера правоотношений:  009003000000
Форма акта:  ПОСТ / ПРАВ
Юридическая сила:  1000
Язык акта:  kaz