Ескерту. Күші жойылды – ҚР Үкіметінің 30.01.2017 № 29 (алғашқы ресми жарияланған күнінен бастап қолданысқа енгізіледі) қаулысымен.

      Қазақстан Республикасының Үкіметі ҚАУЛЫ ЕТЕДІ:

      1. "Астық қауіпсіздігіне қойылатын талаптар" техникалық регламентін бекіту туралы" Қазақстан Республикасы Үкіметінің 2008 жылғы 8 сәуірдегі № 337 қаулысына (Қазақстан Республикасының ПҮАЖ-ы, 2008 ж., № 20, 183-құжат) мынадай өзгерістер мен толықтырулар енгізілсін:

      көрсетілген қаулымен бекітілген "Астық қауіпсіздігіне қойылатын талаптар" техникалық регламентінде:

      1-тармақ алынып тасталсын;

      2-тармақ "азық-түліктік" деген сөздерден кейін "және тұқымдық" деген сөздермен толықтырылсын;

      3-тармақтағы "тұқымдық," деген сөз алынып тасталсын;

      мынадай мазмұндағы 3-1, 3-2, 3-3-тармақтармен толықтырылсын:

      "3-1. Азық-түліктік астықта:

      1) әлеуетті қауіпті химиялық қосылыстардың рұқсат етілген шекті деңгейінің және пестицидтердің қалдық мөлшерінің;

      2) қоспалардың, оның ішінде зиянды қоспаның рұқсат етілген шекті деңгейінің;

      3) зиянкестермен залалдануының;

      4) бөтен иістердің;

      5) өздігінен қызуы, микроорганизмдердің дамуы мен микотоскиндердің пайда болуы үшін қолайлы жағдайлар туғызатын жоғары ылғалдылықтың болуы адам өмірі мен денсаулығы үшін қауіпті факторлар болып табылады.

      3-2. Мыналардың:

      1) қоспалардың, оның ішінде зиянды қоспаның рұқсат етілген шекті деңгейінің;

      2) жоғары ылғалдылықтың;

      3) карантиндік арамшөптердің, зиянкестер мен аурулардың;

      4) улы арамшөптер тұқымының;

      5) зиянкестермен залалдануының болуы тұқымдық астықтың қауіпті факторлары болып табылады.

      3-3. Астықты сәйкестендіру астық легі туралы ақпаратты қамтитын ілеспе құжаттама негізінде астық дақылының осы түріне тән ботаникалық белгілерін визуалды қарау бойынша жүзеге асырылады.";

      4-тармақтың төртінші, отыз үшінші абзацтары алынып тасталсын;

      мынадай мазмұндағы 20-1-тармақпен толықтырылсын:

      "20-1. Бидайдың, қара бидайдың, арпаның, күнбағыстың, қарақұмықтың, тарының, сұлының тұқымдық астығының ең жоғарғы қызуы 40 ^оС-тан, ал кептіру агентінің температурасы - 70 ^оС-тан аспауы тиіс. Бұршақты дақылдар мен күрішті кептіру кезінде тұқымдық астықтың қызуы 35 ^оС-тан, ал кептіру агентінің температурасы - 60 ^оС-тан аспауы тиіс.

      Ылғалдылығы 19 %-дан жоғары тұқымдық астықты кептіру кезінде тұқым ұрығының зақымдануына жол бермейтін жұмсақ режим қолданылады, бұл ретте бірінші аймақта қыздырудың шекті температурасын 5 ^оС-қа, ал кептіру агентінің температурасын - 10 ^оС-қа төмендету жүргізіледі.";

      мынадай мазмұндағы 26-1-тармақпен толықтырылсын:

      "26-1. Тұқымдық астықта мынадай көрсеткіштер: ылғалдылық, өнгіштік, дақылдардың және арамшөп тұқымдарының болуы бақыланады және айқындалады.";

      мынадай мазмұндағы 28-1-тармақпен толықтырылсын:

      "28-1. Сақтау кезінде тұқымдық астықтың ылғалдылығы:

      бидай, қара бидай, арпа, асбұршақ, сұлы, тритикале, жүгері, ноқат, қытай бұршақ үшін 14 %-дан аспауға;

      тары үшін 13,5 %-дан аспауға;

      күріш, жасымық, сиыржоңышқа үшін 15,0 %-дан аспауға;

      құмай, арыш, мақсары, майлы зығыр, сора үшін 13,0 %-дан аспауға;

      қыша үшін 12,0 %-дан аспауға;

      жер жаңғақ үшін 11,0 %-дан аспауға;

      күнбағыс, көкнәр тұқымдары, мақта шиті үшін 10,0 %-дан аспауға;

      күнжіт, кенедән үшін 9,0 %-дан аспауға;

      рапс, беде қыша үшін 8,0 %-дан аспауға;

      қарақұмық, ноғатық үшін: Алматы, Атырау, Жамбыл, Қызылорда, Маңғыстау, Оңтүстік Қазақстан облыстарында 14,0 %-дан аспауға, ал басқа облыстарда 15,0 %-дан аспауға тиіс.";

      49-тармақтағы "Астықты" деген сөз "Азық-түліктік астықты" деген сөздермен ауыстырылсын;

      50-тармақтағы "Астықтағы" деген сөз "Азық-түліктік астықтағы" деген сөздермен ауыстырылсын;

      51-тармақ "астықта" деген сөздің алдынан "азық-түліктік" деген сөздермен толықтырылсын;

      мынадай мазмұндағы 51-1-тармақпен толықтырылсын:

      "51-1. Тұқымдық астықта карантиндік арамшөптер (тұқымы мен жемістері), зиянкестер және аурулар бар болса, оны өткізуге және тұқымдық мақсатта пайдалануға рұқсат етілмейді. Тұқымдық астықты зақымдайтын улы арамшөптер тұқымдарының, тірі зиянкестер мен олардың личинкаларының болуы осы Техникалық регламентке 4-1-қосымшада көрсетілген мәндердің деңгейінен аспауы тиіс.";

      9, 10-бөлімдер алынып тасталсын;

      67-тармақ алынып тасталсын;

      69-тармақта "Астық" деген сөз "Азық-түліктік астық" деген сөздермен ауыстырылсын;

      70, 71-тармақтар мынадай редакцияда жазылсын:

      "70. Азық-түліктік астықтың сәйкестігін растау "Сәйкестікті растау рәсімдері" техникалық регламентінің 1-қосымшасының 7-схемасы бойынша жүзеге асырылады.

      71. Отандық және импортталатын азық-түліктік астықтың сәйкестігін растау бірыңғай рәсімдер бойынша жүзеге асырылады.";

      мынадай мазмұндағы 11-1-бөлім толықтырылсын:

      "11-1. Астықты буып-тую мен таңбалауға қойылатын талаптар

      71-1. Буып-түю мен таңбалауға қойылатын талаптар тек тұқымдық астыққа ғана қатысты белгіленеді.

      Бірегей және элиталық тұқым, бірінші ұрпақ будандары 1 %-ға дейін ауытқумен 50 кг-дан аспайтын салмақпен буып-түйіледі.

      Орам тұқымдық астықтың сақталуын қамтамасыз етуі тиіс және таңбасы немесе зат белгісі болуы керек, онда:

      тұқым өндірушінің атауы;

      дақыл;

      сорт;

      репродукция;

      сорттық тазалығының санаты;

      егіс стандартының сыныбы;

      жиналған жылы;

      тұқым легінің нөмірі;

      сорттық тазалығы;

      сорттық құжаттың және тұқымның егістік сапасын куәландыратын құжаттың атауы, нөмірі және берілген күні көрсетіледі.

      Тұқым салынған әрбір қапқа немесе контейнерге тұқымның егістік сапасын куәландыратын құжаттан басқа, деректерімен затбелгі салынады. Дәріленген тұқым салынған орамға "Дәріленген" деген жазу жазылады.";

      12-бөлім алынып тасталсын;

      көрсетілген қаулыға 1-қосымша осы қаулыға 1-қосымшаға сәйкес жаңа редакцияда жазылсын;

      3-қосымшада:

      кестенің тақырыбындағы "Астықтағы" деген сөз "Азық-түліктік астықтағы" деген сөздермен ауыстырылсын;

      "Дәнді дақылдар (бидай, қара бидай, тритикале, сұлы, арпа, тары, қарақұмық, күріш, жүгері, құмай жүгері)" деген бөлімде "Пестицидтер" деген сөз "Пестицидтер*" деген сөзбен ауыстырылсын;

      мынадай мазмұндағы ескертпемен толықтырылсын:

      "* - пестицидтің қалдық мөлшерін айқындау жөніндегі тиісті әдістеме, сондай-ақ белгіленген тәртіппен бекітілген стандартты үлгі болған жағдайда қолданылады.";

      осы қаулыға 2-қосымшаға сәйкес 4-1-қосымшамен толықтырылсын;

      5-қосымша алынып тасталсын.

      2. Осы қаулы алғашқы ресми жарияланған күнінен бастап алты ай өткен соң қолданысқа енгізіледі.

Кеден одағының сыртқы экономикалық
қызметінің тауар номенклатурасы (КО СЭҚ ТН)

Тұқымдық астықтағы улы арамшөп тұқымдарының, тірі зиянкестердің
және олардың личинкаларының болуы