"Банкроттық туралы" Қазақстан Республикасының 1997 жылғы 21 қаңтардағы Заңының  2-бабының 4-тармағына сәйкес, Қазақстан Республикасы Әділет министрлігінің Қылмыстық-атқару жүйесі комитеті түзеу мекемелерінің "Еңбек - Қостанай" республикалық мемлекеттік кәсіпорнын банкрот деп тануға байланысты Қазақстан Республикасының Үкіметі  ҚАУЛЫ ЕТЕДІ :

      1. Қазақстан Республикасы Әділет министрлігінің Қылмыстық-атқару жүйесі комитетінің түзеу мекемелері "Еңбек - Қостанай" республикалық мемлекеттік кәсіпорнының:
      1) конкурстық массаны бірнеше лоттарға бөлуді;
      2) Қазақстан Республикасы Әділет министрлігінің Қылмыстық-атқару жүйесі комитеті түзеу мекемесінің (бұдан әрі - мекеме) тыныс-тіршілігін қамтамасыз ететін өндірістік қызметте қажет жекелеген активтерден негізгі лотты қалыптастыруды көздейтін конкурстық массасын сатудың ерекше шарттары мен тәртібі белгіленсін.

      2. Негізгі лотты сатып алушыларға мыналарды көздейтін қосымша талаптар белгіленсін:
      1) мынадай міндеттемелерді қабылдау:
      технологиялық циклдің үздіксіздігін қамтамасыз ету және қызмет бейінін сақтау жөнінде;
      өндірістік қызметті қамтамасыз ету үшін сатып алынған мүлікті мекеменің аумағында пайдалану жөнінде;
      мекемелерде сотталғандардың жұмыспен қамтылуын қамтамасыз ету жөнінде;
      2) қылмыстық атқару жүйесінде өндірістік қызметті жүзеге асыру және мекемелердің тыныс-тіршілігін қамтамасыз ету бойынша жұмыс тәжірибесінің болуы.

      3. Қазақстан Республикасы Әділет министрлігі заңнамада белгіленген тәртіппен сатып алушының сатып алу-сату шарттары бойынша өз міндеттемелерін орындауын бақылауды жүзеге асыруды қамтамасыз етсін.

      4. Осы қаулы қол қойылған күнінен бастап қолданысқа енгізіледі.

       Қазақстан Республикасының
      Премьер-Министрі